Lucas 4
4
Na yurawu radubatiaditu Jesús chakawabapaidi
Mateo 4.1-11; Marcos 1.12-13
1 Espíritu Santo Jesús mera ika idi. Naya Jesús ede Jordán aduax udi. Na tsua ikabadu Espíritu Santopa Jesús iyudi. 2Naskaidu na yurawu radubatiaditu#4.2 Na atu radubatiadi awẽ ade Satanás. Naskaweke Lucaspa da ade dudu kedediba. Capítulo 10 aduxu da ade kedekĩ taewadi libro Lucas adu. cuarenta peda Jesús chakawabapaidi. Jesúspa awa pidiba. Ma cuarenta peda ikadu Jesús wudikuidi. 3Na yurawu radubatiaditu Jesús yuidi: “Mi Diospa Wakemaiki da ruwe yuiwe pantanu”, wadi. 4Jesúspa kebadi: “Na Diospa tsai adu kedea ẽ bia dikabanu: ‘Piti wisti udua yurawu ditiruwuba’.#Deuteronomio 8.3 adewe. Naduri kedea”, Jesúspa wadi.
5Naskata na yurawu radubatiaditu Jesús machiwãri iyudi. Machiwãrixu naatiiwi diaiwuu atũ yurawuya atu Jesús kushi uĩbadi. 6Naskata yuidi: “Na mi uĩyawu na awara pei sapa ichapatu yurawawe witiruwuya naatiiwi ẽ bia inatiru mi atũ iwu inu. Naawu wetsã ea inadi. Watura wetsa naawu ẽ inapaikĩ ẽ inatiru. 7Naawu ẽ bia inanu ea duikĩ mewẽ ratukunu bai chachipakewuwawe”, wadi. 8Jesúspa kebadi: “Na Diospa tsai adu kedea ẽ bia dikabanu: ‘Matu Diaiwu Dios duikĩ matu ratukunu bai chachipakewuwakawe. Naa wisti dikakawe yuduxuxikakĩ’.#Deuteronomio 6.13 adewe. Naduri kedea”, Jesúspa wadi.
9Naskawadu na yurawu radubatiaditu Jerusalén adu Jesús iyudi. Dukuta oración pexe mamakayakui iyudi. Naskata yuidi: “Mi Diospa Wakemaiki duduax pakewe. 10Na Diospa tsai adu kedea ẽ bia dikabanu:
‘Diospa na dai arixu awẽ tsai webiswu#4.10 1.11 adewe.
kekẽxiwi bia kexenuwu.#Salmo 91.11 adewe.
11Mi pakeaitu bia pitsuiniwuwaxikadi
mi ruweki yutekebeyabanu’.#Salmo 91.12 adewe.
Naduri kedea”, na yurawu radubatiaditu wadi.
12Jesúspa kebadi: “Na Diospa tsai adu kedea ẽ bia dikabanu: ‘Matu Diaiwu Dios chakawabapaiyabakawe’.#Deuteronomio 6.16 adewe. Naduri kedea”, Jesúspa wadi.
13Aweskawaxu Jesús chakawabatiruxakĩba na yurawu radubatiadi abakiduax kadi wetsatiã chakawabapaiyaxakĩ.
Galilea bai aduxu Jesúspa yurawu atu tapibakĩ taewadi
Mateo 4.12-17; Marcos 1.14-15
14Jesús Galilea bai adu dasudi. Espíritu Santo uduax Jesús bitsisipa idi. Naatiiwi na bai adu ipaudiwawe Jesús udua yuipaudiwu. 15Atũ sinagoga pexe aduxu Jesúspa atu tapibawuwasawapaudi. Naatiiwawe “Jesús sharakui”, wapaudiwu.
Nazaret adu ipaudiwawe Jesús retepaidiwu
Mateo 13.53-58; Marcos 6.1-6
16Pexe ichapa Nazaret adu Jesús kadi naa pexkudi adu. Sábadowaidu sinagoga pexe ikikaĩdi na ipaudi keskai. Chipu na Diospa tsai kedea adu adexikĩ diinakawãdi. 17Na libro profeta Isaíaspa kededi sinagoga pexe aduxu judíowu atu awara axupauditu Jesús inadi adenu. Naa libro wepeta na adepaiyai wichidi. Wichixu duduri adekĩ atu dikabadi:
18“Diaiwu Diospa awẽ Espíritu Santo ewe dia.
Ea kañawaa na awayabawu ẽ atu Diospa tsai shara yuinu.
Ea nichia ẽ na yurawu wetsawawe achikaxu nichikaspakadi ẽ nawu yuinu: ‘Ẽ batu nichiyua’, atu wanu.
Ea nichia ẽ wexuwu kayawanu.
Ea nichia ẽ yurawu nichinu wetsawawe ana atu chakawayabanuwu.
19Ea nichia ẽ yurawu atu yuinu: ‘Da wari Diospa batu sharawaaxiwi’#4.19 Na Diospa kañawadi naatiiwuna atũ Diaiwu inu naa Diospa nichidi yurawu atu yuinu: “Da warĩ Diospa ana shinaiba na ma chakabiswu”, atu wanu.”, Jesúspa wadi.
20Libro weputa na sinagoga pexe aduxu judíowu atu awara axupaudi naa Jesúspa libro nasudi. Naskata Jesús tsaudi. Naatiiwixu aas uĩdiwu. 21Jesúspa atu yuidi: “Nawu ẽ adea keskara datiã ma iki taei eemai Espíritu Santoyake. Naskatariwi Diospamai ea kañawadike nawu ẽ anu”, atu wadi. 22Jesúspa tsai shara yuiyaitu dikakadi wetsa keskaradiwu. A udua yuisharakĩ wetsadiwu. Naskata awirasi yuinanadiwu: “Datsiwi Josépa awẽ wakeki”, iki wetsediwu. 23Jesúspa atu yuidi: “Na ma yuitiru keskara ea ma yuikaiki: ‘Doctor, biwi kayawanabewe’, ea ma waikai. Naskatariwi ma ea yuikai: ‘Na mi pexe ichapa Cafarnaúm aduxu akita keskara ma nu dikaita. Na mi arixu akita keskawakĩ duduax na mi pexkudi aduxuriwi awe’, ea ma waikai. 24Ẽ batu yuikuinu. Watura profeta wetsa na pexkudi adu kaitu yurawawe iwikaspatiruwu. 25Profeta Elías ipauditiã tres wari ita seis uxe ui wediba. Israel bai adu ipaudiwutii wunaipaudiwu. Ẽ batu yuikui. Israel adu iyubawawu ichapa ipaudiwu. 26Naskaweke nuku iyubawawu adu Diospa Elías nichidiba. Iyubawa wetsa adu nichidi.#4.26 Diospa Elías pexe ichapa Sarepta adu nichidi iyumawa pibanu awiana ui weaidu ana pibayabaxikĩ. Naa iyubawa pexe ichapa Sarepta adu ipaudi pexe ichapa Sidón chaiba. 27Profeta Eliseo ipauditiã Israel bai adu iruba isiyawu#4.27 Judíowu iruba isiya ipaudiwawe yura wetsawu atu wishtatiru ipaudiwuba “Nu atu nuku isĩ wibatiru”, raikadax. Oración pexe meraxu kiwĩtiruwuba ipaudiwu. Atũ kaiwuuwe itiruwuba ipaudiwu. ichapa ipaudiwu. Naskawiyaiwawe Diospa nuku iruba isiya ipaudiwu atu kayawadiba. Dukuwede awẽ ade Naamán kayawadi. Naa iruba isiya ipaudi Siria bai adua ipaudi”, Jesúspa atu wadi. 28Naduri yuiyaitu dikakadi sinagoga pexe adua yurawu naatiiwi sidakui wetsediwu. 29Widiniwuwakata Jesús pitsikiyana Nazaret aduxu tsekadiwu. Machiwã mamakaya atũ pexewu idiwu. Mawawãri Jesús iyudiwu. Narixu putapaidiwu. 30Naskaweke Jesús atu nexpakayaduax kaĩkaĩdi.
Jesúspa dukuwede awẽ kaya meradua waka keskara putadi
Marcos 1.21-28
31Jesús pexe ichapa Cafarnaúm adu kadi Galilea bai adu. Narixu sábadowaidu yurawu tapibadi. 32Jesúspa atu tapibaitu dikakadi wetsa keskaradiwu. Shinadiwu: “Diaiwu bitsisipatu yuiyadu duku tapibai”, wadiwu.
33Naa sinagoga pexe adu dukuwede waka keskaratu iwuwaa ipaudi idi. Naatu wasĩkui Jesús tsai ewapatu yuidi: 34“¡Duku wekaxtiwayabawe! Jesús na Nazaret aduatu, ¿aweskakĩ mia duku chakawaiyuame? ¿Mi duku mituiyuame? ¡Ẽ bia tapia! ¡Dios aduax mi udi! ¡Mi Diosna!” wadi. 35Jesúspa na waka keskara yuidi xatenu: “Tsaiyabawe. Da dukuwede awẽ kayaduax tsekekaitawe”, wadi. Naskawaidu na waka keskaratu na dukuwede yurawu nexpakaya nama putadi. Dukuwene awẽ kayaduax tsekekaĩdi awa chakawataba. 36Naatiiwi wetsa keskaradiwu. Naskata awirasi yuinadiwu: “Na tsai datu yurawu atu tapibairuku na tsai wetsawawe atu tapibabiswu keskarabaki. Diaiwu bitsisipatu Jesús yuiyaidu Jesúspa awẽ tsai bitsisipatu waka keskarawu kekẽaitu yurawawe atũ kayaduax tsekewaĩtiruwu”, iki wetsediwu. 37Naatiiwi na bai adu ikawawe Jesús udua yuikadi idiwu.
Simónpa awẽ rayus Jesúspa kayawadi.
Mateo 8.14-15; Marcos 1.29-31
38 Sinagoga pexe aduax kaĩta Jesús Simónpa#4.38 Pedropa awẽ apaweta awã adexukakĩ: “Simón”, waxudiwu. Jesúspa adexukĩ: “Pedro”, waxudi. awẽ pexe adu ikidi. Nadu Simónpa awẽ awĩni awa yudapawã idi. Jesúspa kayawanu yuidiwu. 39Amanau kakupakekawa yudapawã yuidi: “Ana yudabayabawe”, waidu ana yudadiba. Nadu widinakawãdi. Naskata atu pibadi.
Jesúspa isinikaiwu ichapa kayawadi
Mateo 8.16-17; Marcos 1.32-34
40Ma wari kaadu Jesús adu naatiiwi na isinikaiwu ewediwu. Atũ isi wetsa keskarawu idi. Wisti rasi Jesúspa awẽ meke atũ bapu adu mamakĩ atu kayawapadi. 41Waka keskarawu yurawawe atũ kayaduax tsekekakĩ wasĩkui Jesús tsai adiwu: “¡Mi Diospa Wake!” wadiwu. Jesúspa atu tsaitibawadi. Waka keskarawawe tapia idiwu Diospa Jesús kañawadi naatiiwuna atũ Diaiwu inu. Naskawaiwawe atu tsaitibawadi Jesúspa.
Jesúspa Diospa tsai yurawu atu yuiwuwasawadi
Marcos 1.35-39
42Ma pedadu na pexe ichapaduax tsekekaĩdi na tsua ikabari Jesús kadi. Yurawawe wedadiwu. Wichikaxu netewapaidiwu atuwe netenu. 43Naskaiwawe Jesúspa atu yuidi: “Pexe ichapa wetsawu aduriwi ẽ yurawu Diospa awẽ tsai shara ẽ atu yuiwuwasawanu eamai Diospa nichidike ẽ yurawu yuinu: ‘Dios yurawawe atũ diaiwu ipai’, ẽ atu wanu”, Jesúspa atu wadi.
44Naskata Judea bai aduxu sinagoga pexewu aduxu atu Diospa tsai shara yuiwuwasawadi.
Currently Selected:
Lucas 4: mtsB
Highlight
Share
Copy
Want to have your highlights saved across all your devices? Sign up or sign in
Lucas 4
4
Na yurawu radubatiaditu Jesús chakawabapaidi
Mateo 4.1-11; Marcos 1.12-13
1 Espíritu Santo Jesús mera ika idi. Naya Jesús ede Jordán aduax udi. Na tsua ikabadu Espíritu Santopa Jesús iyudi. 2Naskaidu na yurawu radubatiaditu#4.2 Na atu radubatiadi awẽ ade Satanás. Naskaweke Lucaspa da ade dudu kedediba. Capítulo 10 aduxu da ade kedekĩ taewadi libro Lucas adu. cuarenta peda Jesús chakawabapaidi. Jesúspa awa pidiba. Ma cuarenta peda ikadu Jesús wudikuidi. 3Na yurawu radubatiaditu Jesús yuidi: “Mi Diospa Wakemaiki da ruwe yuiwe pantanu”, wadi. 4Jesúspa kebadi: “Na Diospa tsai adu kedea ẽ bia dikabanu: ‘Piti wisti udua yurawu ditiruwuba’.#Deuteronomio 8.3 adewe. Naduri kedea”, Jesúspa wadi.
5Naskata na yurawu radubatiaditu Jesús machiwãri iyudi. Machiwãrixu naatiiwi diaiwuu atũ yurawuya atu Jesús kushi uĩbadi. 6Naskata yuidi: “Na mi uĩyawu na awara pei sapa ichapatu yurawawe witiruwuya naatiiwi ẽ bia inatiru mi atũ iwu inu. Naawu wetsã ea inadi. Watura wetsa naawu ẽ inapaikĩ ẽ inatiru. 7Naawu ẽ bia inanu ea duikĩ mewẽ ratukunu bai chachipakewuwawe”, wadi. 8Jesúspa kebadi: “Na Diospa tsai adu kedea ẽ bia dikabanu: ‘Matu Diaiwu Dios duikĩ matu ratukunu bai chachipakewuwakawe. Naa wisti dikakawe yuduxuxikakĩ’.#Deuteronomio 6.13 adewe. Naduri kedea”, Jesúspa wadi.
9Naskawadu na yurawu radubatiaditu Jerusalén adu Jesús iyudi. Dukuta oración pexe mamakayakui iyudi. Naskata yuidi: “Mi Diospa Wakemaiki duduax pakewe. 10Na Diospa tsai adu kedea ẽ bia dikabanu:
‘Diospa na dai arixu awẽ tsai webiswu#4.10 1.11 adewe.
kekẽxiwi bia kexenuwu.#Salmo 91.11 adewe.
11Mi pakeaitu bia pitsuiniwuwaxikadi
mi ruweki yutekebeyabanu’.#Salmo 91.12 adewe.
Naduri kedea”, na yurawu radubatiaditu wadi.
12Jesúspa kebadi: “Na Diospa tsai adu kedea ẽ bia dikabanu: ‘Matu Diaiwu Dios chakawabapaiyabakawe’.#Deuteronomio 6.16 adewe. Naduri kedea”, Jesúspa wadi.
13Aweskawaxu Jesús chakawabatiruxakĩba na yurawu radubatiadi abakiduax kadi wetsatiã chakawabapaiyaxakĩ.
Galilea bai aduxu Jesúspa yurawu atu tapibakĩ taewadi
Mateo 4.12-17; Marcos 1.14-15
14Jesús Galilea bai adu dasudi. Espíritu Santo uduax Jesús bitsisipa idi. Naatiiwi na bai adu ipaudiwawe Jesús udua yuipaudiwu. 15Atũ sinagoga pexe aduxu Jesúspa atu tapibawuwasawapaudi. Naatiiwawe “Jesús sharakui”, wapaudiwu.
Nazaret adu ipaudiwawe Jesús retepaidiwu
Mateo 13.53-58; Marcos 6.1-6
16Pexe ichapa Nazaret adu Jesús kadi naa pexkudi adu. Sábadowaidu sinagoga pexe ikikaĩdi na ipaudi keskai. Chipu na Diospa tsai kedea adu adexikĩ diinakawãdi. 17Na libro profeta Isaíaspa kededi sinagoga pexe aduxu judíowu atu awara axupauditu Jesús inadi adenu. Naa libro wepeta na adepaiyai wichidi. Wichixu duduri adekĩ atu dikabadi:
18“Diaiwu Diospa awẽ Espíritu Santo ewe dia.
Ea kañawaa na awayabawu ẽ atu Diospa tsai shara yuinu.
Ea nichia ẽ na yurawu wetsawawe achikaxu nichikaspakadi ẽ nawu yuinu: ‘Ẽ batu nichiyua’, atu wanu.
Ea nichia ẽ wexuwu kayawanu.
Ea nichia ẽ yurawu nichinu wetsawawe ana atu chakawayabanuwu.
19Ea nichia ẽ yurawu atu yuinu: ‘Da wari Diospa batu sharawaaxiwi’#4.19 Na Diospa kañawadi naatiiwuna atũ Diaiwu inu naa Diospa nichidi yurawu atu yuinu: “Da warĩ Diospa ana shinaiba na ma chakabiswu”, atu wanu.”, Jesúspa wadi.
20Libro weputa na sinagoga pexe aduxu judíowu atu awara axupaudi naa Jesúspa libro nasudi. Naskata Jesús tsaudi. Naatiiwixu aas uĩdiwu. 21Jesúspa atu yuidi: “Nawu ẽ adea keskara datiã ma iki taei eemai Espíritu Santoyake. Naskatariwi Diospamai ea kañawadike nawu ẽ anu”, atu wadi. 22Jesúspa tsai shara yuiyaitu dikakadi wetsa keskaradiwu. A udua yuisharakĩ wetsadiwu. Naskata awirasi yuinanadiwu: “Datsiwi Josépa awẽ wakeki”, iki wetsediwu. 23Jesúspa atu yuidi: “Na ma yuitiru keskara ea ma yuikaiki: ‘Doctor, biwi kayawanabewe’, ea ma waikai. Naskatariwi ma ea yuikai: ‘Na mi pexe ichapa Cafarnaúm aduxu akita keskara ma nu dikaita. Na mi arixu akita keskawakĩ duduax na mi pexkudi aduxuriwi awe’, ea ma waikai. 24Ẽ batu yuikuinu. Watura profeta wetsa na pexkudi adu kaitu yurawawe iwikaspatiruwu. 25Profeta Elías ipauditiã tres wari ita seis uxe ui wediba. Israel bai adu ipaudiwutii wunaipaudiwu. Ẽ batu yuikui. Israel adu iyubawawu ichapa ipaudiwu. 26Naskaweke nuku iyubawawu adu Diospa Elías nichidiba. Iyubawa wetsa adu nichidi.#4.26 Diospa Elías pexe ichapa Sarepta adu nichidi iyumawa pibanu awiana ui weaidu ana pibayabaxikĩ. Naa iyubawa pexe ichapa Sarepta adu ipaudi pexe ichapa Sidón chaiba. 27Profeta Eliseo ipauditiã Israel bai adu iruba isiyawu#4.27 Judíowu iruba isiya ipaudiwawe yura wetsawu atu wishtatiru ipaudiwuba “Nu atu nuku isĩ wibatiru”, raikadax. Oración pexe meraxu kiwĩtiruwuba ipaudiwu. Atũ kaiwuuwe itiruwuba ipaudiwu. ichapa ipaudiwu. Naskawiyaiwawe Diospa nuku iruba isiya ipaudiwu atu kayawadiba. Dukuwede awẽ ade Naamán kayawadi. Naa iruba isiya ipaudi Siria bai adua ipaudi”, Jesúspa atu wadi. 28Naduri yuiyaitu dikakadi sinagoga pexe adua yurawu naatiiwi sidakui wetsediwu. 29Widiniwuwakata Jesús pitsikiyana Nazaret aduxu tsekadiwu. Machiwã mamakaya atũ pexewu idiwu. Mawawãri Jesús iyudiwu. Narixu putapaidiwu. 30Naskaweke Jesús atu nexpakayaduax kaĩkaĩdi.
Jesúspa dukuwede awẽ kaya meradua waka keskara putadi
Marcos 1.21-28
31Jesús pexe ichapa Cafarnaúm adu kadi Galilea bai adu. Narixu sábadowaidu yurawu tapibadi. 32Jesúspa atu tapibaitu dikakadi wetsa keskaradiwu. Shinadiwu: “Diaiwu bitsisipatu yuiyadu duku tapibai”, wadiwu.
33Naa sinagoga pexe adu dukuwede waka keskaratu iwuwaa ipaudi idi. Naatu wasĩkui Jesús tsai ewapatu yuidi: 34“¡Duku wekaxtiwayabawe! Jesús na Nazaret aduatu, ¿aweskakĩ mia duku chakawaiyuame? ¿Mi duku mituiyuame? ¡Ẽ bia tapia! ¡Dios aduax mi udi! ¡Mi Diosna!” wadi. 35Jesúspa na waka keskara yuidi xatenu: “Tsaiyabawe. Da dukuwede awẽ kayaduax tsekekaitawe”, wadi. Naskawaidu na waka keskaratu na dukuwede yurawu nexpakaya nama putadi. Dukuwene awẽ kayaduax tsekekaĩdi awa chakawataba. 36Naatiiwi wetsa keskaradiwu. Naskata awirasi yuinadiwu: “Na tsai datu yurawu atu tapibairuku na tsai wetsawawe atu tapibabiswu keskarabaki. Diaiwu bitsisipatu Jesús yuiyaidu Jesúspa awẽ tsai bitsisipatu waka keskarawu kekẽaitu yurawawe atũ kayaduax tsekewaĩtiruwu”, iki wetsediwu. 37Naatiiwi na bai adu ikawawe Jesús udua yuikadi idiwu.
Simónpa awẽ rayus Jesúspa kayawadi.
Mateo 8.14-15; Marcos 1.29-31
38 Sinagoga pexe aduax kaĩta Jesús Simónpa#4.38 Pedropa awẽ apaweta awã adexukakĩ: “Simón”, waxudiwu. Jesúspa adexukĩ: “Pedro”, waxudi. awẽ pexe adu ikidi. Nadu Simónpa awẽ awĩni awa yudapawã idi. Jesúspa kayawanu yuidiwu. 39Amanau kakupakekawa yudapawã yuidi: “Ana yudabayabawe”, waidu ana yudadiba. Nadu widinakawãdi. Naskata atu pibadi.
Jesúspa isinikaiwu ichapa kayawadi
Mateo 8.16-17; Marcos 1.32-34
40Ma wari kaadu Jesús adu naatiiwi na isinikaiwu ewediwu. Atũ isi wetsa keskarawu idi. Wisti rasi Jesúspa awẽ meke atũ bapu adu mamakĩ atu kayawapadi. 41Waka keskarawu yurawawe atũ kayaduax tsekekakĩ wasĩkui Jesús tsai adiwu: “¡Mi Diospa Wake!” wadiwu. Jesúspa atu tsaitibawadi. Waka keskarawawe tapia idiwu Diospa Jesús kañawadi naatiiwuna atũ Diaiwu inu. Naskawaiwawe atu tsaitibawadi Jesúspa.
Jesúspa Diospa tsai yurawu atu yuiwuwasawadi
Marcos 1.35-39
42Ma pedadu na pexe ichapaduax tsekekaĩdi na tsua ikabari Jesús kadi. Yurawawe wedadiwu. Wichikaxu netewapaidiwu atuwe netenu. 43Naskaiwawe Jesúspa atu yuidi: “Pexe ichapa wetsawu aduriwi ẽ yurawu Diospa awẽ tsai shara ẽ atu yuiwuwasawanu eamai Diospa nichidike ẽ yurawu yuinu: ‘Dios yurawawe atũ diaiwu ipai’, ẽ atu wanu”, Jesúspa atu wadi.
44Naskata Judea bai aduxu sinagoga pexewu aduxu atu Diospa tsai shara yuiwuwasawadi.
Currently Selected:
:
Highlight
Share
Copy
Want to have your highlights saved across all your devices? Sign up or sign in