HECHOS 23
23
1Chai tandanacushca mandaccunata ricushpami Pabloca:
—Caipi tandanacushca tucui Israel*f** huauquicuna. Ñucaca cunan punzhacamanmi, Taita Diospac ñaupapica alli shunguhuan causacuni— nirca.
2Chashna nicpi, curacunata jatun mandac cura Ananiasca:
—¡Chai runataca shimipi huactaichic!— nishpami, Pablopac cuchupi shayacuccunataca mandarca.
3Shina nicpi Pabloca:
—¡Mishqui shimi, jayac shungu runa! Canca mana allitami ruhuacungui. Chashna ruhuashcamantaca, Taita Diosmi cantaca llaquichinga. Canca Moisés mandashcacunapi nishca shina, allita ruhuangapacmari tiyacungui. ¿Chashna cashpachu mandashcata mana pactachishpa, canca ñucataca huactachun ningui?— nirca.
4Pablo chashna nicpi chaipi caccunaca:
—¿Chashnachu Dios acllashca jatun mandac curataca c'amishpa rimangui?— nircacuna.
5Paicuna chashna nicpi, Pabloca:
—Huauquicuna, ñucaca pai jatun mandac cura cashcataca mana yachashcanichu. Dios quillcachishcapica: ‘Cambac llactapi mandactaca ama ima millaita rimangui’ ninmi— nirca.
6Chai tandanacushca mandaccunapuramanta maijancunaca saduceocuna,*f** maijancunaca fariseocuna*f** cacta ricushpami, tucui chaipi caccunapac ñaupapi Pabloca sinchita rimashpaca:
—Caipi tandanacushca huauquicuna. Ñucaca fariseo runami cani. Ñuca taitapish fariseomi. Taita Dios huañushcacunata causachinata crishcamantami, caipi cancuna ñucata tapushpa juchanchicunguichic— nirca.
7Chashna nicta uyashpaca fariseocunapish, saduceocunapish paicunapura rimanacushpami, p'iñanacushpa chai tandanacushcamanta chaupirircacuna. 8(Saduceocunaca huañushcacuna causarina cashcatapish, angelcuna tiyashcatapish, ima espiritucuna tiyashcatapish mana crincunachu. Cutin fariseocunaca chai tucui tiyashcatami crincuna). 9Paicuna huaicashpa caparinacucpimi, mandashcacunata yachachic*f** maijan fariseocuna jatarishpaca:
—Cai runata juchanchingapacca, ima mana allita mana tarinchicchu, ashtahuanpish espíritu, mana cashpaca angelmi, paihuan rimashca canga. Chaimanta Taita Diostaca mana p'iñachinachu canchic— nircacuna.
10Chai tucui tandanacuipi caccuna p'iñanacui callaricpimi, huaranga soldadocunata mandacca: “Cunanca Pablotaca, ¡imatachari ruhuangacuna!” nishpa, munai mancharirca. Chaimantami Pablotaca chai tandanacushcacunapac chaupimanta llucchishpa, soldadocuna causana huasiman cutin apachun soldadocunata c'ayac cacharca.
11Apunchic Jesusca chai tuta ricurishpami Pablotaca: “Pablo, ama manchanguichu. Ima shinami cai Jerusalenpi ñucamanta huillacungui, chashnallatac Roma*f** pueblopipish huillana cangui” nirca.
Pablota huañuchingapac yuyarinacushcamanta
12Cayandic tutamantaca maijan israelcunaca:*f** “Pablota huañuchingacamanmi manatac micushunchu, manatac ubiashunchu. Ñucanchic mana chaita pactachicpica, Taita Dios ñucanchicta llaquichichun” nishpa, shuc yuyailla tucurcacuna. 13Chashna ruhuangapac ari niccunaca, chuscu chunga yalli runacunami carca. 14Paicunami Israel*f** curacunata mandac curacunapacman, cunac yuyaccunapacman rishpa:
—Ñucanchicca: ‘Pablota huañuchingacamanmi, imata mana micushun. Mana chaita pactachicpica, Taita Dios ñucanchicta llaquichichun’ nishpami, shuc yuyailla tucushpa ari ninacurcanchic. 15Cunan cancunaca cashna ruhuaichic: Cancunapish, tandanacuc caishuc mandaccunapish huaranga soldadocunata mandacmanca, Pablota ashtahuan alli tapungapac nic shinalla caiman cachachun nigrichic. Ñucanchicca pai manarac chayamucpimi, huañuchingapac ñanpi chapashun— nircacuna.
16Ashtahuanpish chai parlanacushcataca Pablopac panipac c'ari huahua uyashpami, soldadocuna causana huasipi Pabloman huillangapac rirca. 17Pabloca huambra huillashcata uyashcahuanmi, pasac soldadocunata mandaccunamanta shuctac c'ayashpaca:
—Cai huambrata huaranga soldadocunata mandacpacman pushashpa cui. Paimi imatachari huillac shamushca— nirca.
18Shina nicpi, pasac soldadocunata mandacca huaranga soldadocunata mandacpacman chai huambrata pushashpaca:
—Prezu tiyacuc Pablomi ñucata c'ayashpa, ‘cai huambrata cambacman pushashpa cui’ nirca. Canmanmi imatachari huillac shamushca ninmi— nirca.
19Chashna nicpi, chai mandacca huambrata maquimanta chainicman aisashpami:
—¿Imatatac huillasha ningui?— nishpa, paillata tapurca.
20Shina nicpi chai huambraca:
—Israelcunaca ashtahuan alli tapushun nic shinallami, caya mandaccunapuralla tandanacushcapacman Pablota apamuchunmi mañagricuncuna. 21Paicuna chashna nicpipish, ama cringuichu. Chuscu chunga yalli runacunami pacalla chapagricuncuna. Paicunaca: ‘Pablota huañuchingacamanmi, imata mana micushun, imata mana ubiashun. Ñucanchic mana chaita pactachicpica, Taita Dios ñucanchicta llaquichichun’ nishpami yuyarishcacuna. Cunanca can imata nicllatami shuyacuncuna— nirca.
22Chashna huillacpi chai mandacca:
—Caipi ñucaman huillashcataca, pacta piman huillanguiman— nishpami, huambrataca cacharca.
Mandac Felixpacman Pablota cachashcamanta
23Huaranga soldadocunata mandacca pasac soldadocunata mandaccunatami ishcaita c'ayashpa, cashna nishpa mandarca: “Cunan unai tutataca Cesarea puebloman richun, chaquillahuan ric soldadocunataca, ishcai pasac soldadocunata tandachinguichic. Caballopi ric soldadocunataca, canchis chunga soldadocunata tandachinguichic. Shinallatac lanzahuan ric soldadocunataca, ishcai pasac soldadocunata tandachinguichic. 24Pablo montachunpish, sillashpa caballotaca cunguichic. Paitaca mandac Felixpacmanca mana ima tucushca, allita chayachigringuichic” nirca.
25Shuc quillcatapish cashna nishpa quillcashpami cacharca:
26“Ñuca Claudio Lisiasmi, can tucuipac alli nishca mandac Felixta ‘allillachu cangui’ nini. 27Cai ñuca cachashca runataca, israelcuna*f** japishpa huañuchigricucpimi, pai Roma*f** llactamanta shina cashcata yachashpa, ñuca soldadocunahuan rishpa misarcani. 28Chaimantaca paita imamanta huañuchishun nishcata yachangapacca, mandaccunapuralla tandanacushcamanmi aparcani. 29Chai tandanacushcapac ñaupaman apashpa paita tapucpica, israelcunata mandashcapi nishca shina mana pactachishcallamantami, paitaca juchanchishcacuna carca. Ñuca yuyaipica, paitaca imamanta mana huañuchinachu, shinallatac carcel-llapipish mana churanachu can. 30Israelcuna cai runata huañuchishun nishcata yachashpami, cambacman cachani. Paita huañuchishun niccunatapish, cambacman richun nircanimi. Chaipi paicuna imamanta juchanchicushcatapish, huañuchishun nicushcatapish tapunguilla. Chaillatami mañani. Caya minchacaman” nishpami quillcarca.
31Chai soldadocunaca paicunata mandashca shinallatacmi, chai tutallatac Pablotaca Antípatris pueblocaman aparcacuna. 32Cayandic punzhaca chaquillahuan ric soldadocunaca, caballopi ric soldadocunallata Pablohuan cachashpami, soldadocuna causana huasillamantac cutircacuna. 33Pablohuan ric soldadocuna Cesarea puebloman chayashpaca, quillcatarac mandac Felixman cushpami, Pablotapish paipac ñaupaman chayachircacuna. 34Quillcata ña ricushpaca, chai mandacca:
—Canca, ¿maimantatac cangui?— nishpa tapucpi, Pabloca:
—Ñucaca Cilicia llactamantami cani— nirca.
35Chashna nicpi:
—Shinashpaca, canta juchanchiccuna shamucpimi, can ima nishcatapish uyasha— nirca.
Chaimantaca soldadocunata “alli chaparanguichic” nishpa, paitaca Herodes causana jatun huasipi churachirca.
Currently Selected:
HECHOS 23: QXR96
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
HECHOS 23
23
1Chai tandanacushca mandaccunata ricushpami Pabloca:
—Caipi tandanacushca tucui Israel*f** huauquicuna. Ñucaca cunan punzhacamanmi, Taita Diospac ñaupapica alli shunguhuan causacuni— nirca.
2Chashna nicpi, curacunata jatun mandac cura Ananiasca:
—¡Chai runataca shimipi huactaichic!— nishpami, Pablopac cuchupi shayacuccunataca mandarca.
3Shina nicpi Pabloca:
—¡Mishqui shimi, jayac shungu runa! Canca mana allitami ruhuacungui. Chashna ruhuashcamantaca, Taita Diosmi cantaca llaquichinga. Canca Moisés mandashcacunapi nishca shina, allita ruhuangapacmari tiyacungui. ¿Chashna cashpachu mandashcata mana pactachishpa, canca ñucataca huactachun ningui?— nirca.
4Pablo chashna nicpi chaipi caccunaca:
—¿Chashnachu Dios acllashca jatun mandac curataca c'amishpa rimangui?— nircacuna.
5Paicuna chashna nicpi, Pabloca:
—Huauquicuna, ñucaca pai jatun mandac cura cashcataca mana yachashcanichu. Dios quillcachishcapica: ‘Cambac llactapi mandactaca ama ima millaita rimangui’ ninmi— nirca.
6Chai tandanacushca mandaccunapuramanta maijancunaca saduceocuna,*f** maijancunaca fariseocuna*f** cacta ricushpami, tucui chaipi caccunapac ñaupapi Pabloca sinchita rimashpaca:
—Caipi tandanacushca huauquicuna. Ñucaca fariseo runami cani. Ñuca taitapish fariseomi. Taita Dios huañushcacunata causachinata crishcamantami, caipi cancuna ñucata tapushpa juchanchicunguichic— nirca.
7Chashna nicta uyashpaca fariseocunapish, saduceocunapish paicunapura rimanacushpami, p'iñanacushpa chai tandanacushcamanta chaupirircacuna. 8(Saduceocunaca huañushcacuna causarina cashcatapish, angelcuna tiyashcatapish, ima espiritucuna tiyashcatapish mana crincunachu. Cutin fariseocunaca chai tucui tiyashcatami crincuna). 9Paicuna huaicashpa caparinacucpimi, mandashcacunata yachachic*f** maijan fariseocuna jatarishpaca:
—Cai runata juchanchingapacca, ima mana allita mana tarinchicchu, ashtahuanpish espíritu, mana cashpaca angelmi, paihuan rimashca canga. Chaimanta Taita Diostaca mana p'iñachinachu canchic— nircacuna.
10Chai tucui tandanacuipi caccuna p'iñanacui callaricpimi, huaranga soldadocunata mandacca: “Cunanca Pablotaca, ¡imatachari ruhuangacuna!” nishpa, munai mancharirca. Chaimantami Pablotaca chai tandanacushcacunapac chaupimanta llucchishpa, soldadocuna causana huasiman cutin apachun soldadocunata c'ayac cacharca.
11Apunchic Jesusca chai tuta ricurishpami Pablotaca: “Pablo, ama manchanguichu. Ima shinami cai Jerusalenpi ñucamanta huillacungui, chashnallatac Roma*f** pueblopipish huillana cangui” nirca.
Pablota huañuchingapac yuyarinacushcamanta
12Cayandic tutamantaca maijan israelcunaca:*f** “Pablota huañuchingacamanmi manatac micushunchu, manatac ubiashunchu. Ñucanchic mana chaita pactachicpica, Taita Dios ñucanchicta llaquichichun” nishpa, shuc yuyailla tucurcacuna. 13Chashna ruhuangapac ari niccunaca, chuscu chunga yalli runacunami carca. 14Paicunami Israel*f** curacunata mandac curacunapacman, cunac yuyaccunapacman rishpa:
—Ñucanchicca: ‘Pablota huañuchingacamanmi, imata mana micushun. Mana chaita pactachicpica, Taita Dios ñucanchicta llaquichichun’ nishpami, shuc yuyailla tucushpa ari ninacurcanchic. 15Cunan cancunaca cashna ruhuaichic: Cancunapish, tandanacuc caishuc mandaccunapish huaranga soldadocunata mandacmanca, Pablota ashtahuan alli tapungapac nic shinalla caiman cachachun nigrichic. Ñucanchicca pai manarac chayamucpimi, huañuchingapac ñanpi chapashun— nircacuna.
16Ashtahuanpish chai parlanacushcataca Pablopac panipac c'ari huahua uyashpami, soldadocuna causana huasipi Pabloman huillangapac rirca. 17Pabloca huambra huillashcata uyashcahuanmi, pasac soldadocunata mandaccunamanta shuctac c'ayashpaca:
—Cai huambrata huaranga soldadocunata mandacpacman pushashpa cui. Paimi imatachari huillac shamushca— nirca.
18Shina nicpi, pasac soldadocunata mandacca huaranga soldadocunata mandacpacman chai huambrata pushashpaca:
—Prezu tiyacuc Pablomi ñucata c'ayashpa, ‘cai huambrata cambacman pushashpa cui’ nirca. Canmanmi imatachari huillac shamushca ninmi— nirca.
19Chashna nicpi, chai mandacca huambrata maquimanta chainicman aisashpami:
—¿Imatatac huillasha ningui?— nishpa, paillata tapurca.
20Shina nicpi chai huambraca:
—Israelcunaca ashtahuan alli tapushun nic shinallami, caya mandaccunapuralla tandanacushcapacman Pablota apamuchunmi mañagricuncuna. 21Paicuna chashna nicpipish, ama cringuichu. Chuscu chunga yalli runacunami pacalla chapagricuncuna. Paicunaca: ‘Pablota huañuchingacamanmi, imata mana micushun, imata mana ubiashun. Ñucanchic mana chaita pactachicpica, Taita Dios ñucanchicta llaquichichun’ nishpami yuyarishcacuna. Cunanca can imata nicllatami shuyacuncuna— nirca.
22Chashna huillacpi chai mandacca:
—Caipi ñucaman huillashcataca, pacta piman huillanguiman— nishpami, huambrataca cacharca.
Mandac Felixpacman Pablota cachashcamanta
23Huaranga soldadocunata mandacca pasac soldadocunata mandaccunatami ishcaita c'ayashpa, cashna nishpa mandarca: “Cunan unai tutataca Cesarea puebloman richun, chaquillahuan ric soldadocunataca, ishcai pasac soldadocunata tandachinguichic. Caballopi ric soldadocunataca, canchis chunga soldadocunata tandachinguichic. Shinallatac lanzahuan ric soldadocunataca, ishcai pasac soldadocunata tandachinguichic. 24Pablo montachunpish, sillashpa caballotaca cunguichic. Paitaca mandac Felixpacmanca mana ima tucushca, allita chayachigringuichic” nirca.
25Shuc quillcatapish cashna nishpa quillcashpami cacharca:
26“Ñuca Claudio Lisiasmi, can tucuipac alli nishca mandac Felixta ‘allillachu cangui’ nini. 27Cai ñuca cachashca runataca, israelcuna*f** japishpa huañuchigricucpimi, pai Roma*f** llactamanta shina cashcata yachashpa, ñuca soldadocunahuan rishpa misarcani. 28Chaimantaca paita imamanta huañuchishun nishcata yachangapacca, mandaccunapuralla tandanacushcamanmi aparcani. 29Chai tandanacushcapac ñaupaman apashpa paita tapucpica, israelcunata mandashcapi nishca shina mana pactachishcallamantami, paitaca juchanchishcacuna carca. Ñuca yuyaipica, paitaca imamanta mana huañuchinachu, shinallatac carcel-llapipish mana churanachu can. 30Israelcuna cai runata huañuchishun nishcata yachashpami, cambacman cachani. Paita huañuchishun niccunatapish, cambacman richun nircanimi. Chaipi paicuna imamanta juchanchicushcatapish, huañuchishun nicushcatapish tapunguilla. Chaillatami mañani. Caya minchacaman” nishpami quillcarca.
31Chai soldadocunaca paicunata mandashca shinallatacmi, chai tutallatac Pablotaca Antípatris pueblocaman aparcacuna. 32Cayandic punzhaca chaquillahuan ric soldadocunaca, caballopi ric soldadocunallata Pablohuan cachashpami, soldadocuna causana huasillamantac cutircacuna. 33Pablohuan ric soldadocuna Cesarea puebloman chayashpaca, quillcatarac mandac Felixman cushpami, Pablotapish paipac ñaupaman chayachircacuna. 34Quillcata ña ricushpaca, chai mandacca:
—Canca, ¿maimantatac cangui?— nishpa tapucpi, Pabloca:
—Ñucaca Cilicia llactamantami cani— nirca.
35Chashna nicpi:
—Shinashpaca, canta juchanchiccuna shamucpimi, can ima nishcatapish uyasha— nirca.
Chaimantaca soldadocunata “alli chaparanguichic” nishpa, paitaca Herodes causana jatun huasipi churachirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.