HECHOS 3
3
Mana puric runata alliyachishcamanta
1Shuc punzha ña chishiyamucucpimi, Diosman mañana horas cashcamanta Pedroca Juanhuan, Taita Diosman mañangapac Diosman mañana huasiman rircacuna. 2Chai huasiman yaicuna Sumac nishca pungupimi, huacharishca punzhamanta pacha mana puric runa chaiman yaicuccunaman imallatapish mañashpa tiyac carca. Chai runataca chai pungumanmi punzhanta apac carcacuna. 3Chai runaca Pedrotapish, Juantapish Diosman mañana huasiman ña yaicugricucta ricushpami:
—¡Imallatapish cuiyari!— nishpa mañarca.
4Chashna mañacpi Juanpish, Pedropish chai runata ricushpaca:
—¡Caita uyai!— nirca.
5Chashna nicpi chai runaca: “Imallata cungapishchari” yuyashpami, paicunata chaparacurca. 6Chashna chaparacucpimi Pedroca:
—Ñucaca cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, ‘jatarishpa puri’ nini— nirca.
7Chashna nishpa, alli maquimanta japishpa jatarichicpica, chai runapac chaqui mucucunaca sinchiyarcallami. 8Chaimantaca jatarishpaca, puri callarircami. Paica Pedrondic, Juandicmi Diosman mañana huasiman yaicushpa, cushicuihuan saltarishpa, Taita Diostaca “allimari cangui” nirca. 9Tucui chaipi caccunami pai puricuctapish, Taita Diosta “allimari cangui” nicuctapish ricurcacuna. 10Chai runataca Sumac nishca pungupi imallatapish mañashpa tiyacuctami ricuc carcacuna. Chaimantami pai chashna alliyashcata ricushpaca, munai mancharishpa, mana amirircacuna.
Ñaupa mandac Salomonpac corredorpi Pedro huillashcamanta
11Pedropish, Juanpish ñaupa mandac Salomonpac corredorpi shayacucpimi, chai mana puric alliyashca runaca paicunata mana cacharisha nishpa shayacurca. Chaita ricushpaca, tucui chaipi caccuna mana amirinacushpami, paicunapacman tandanacumurcacuna. 12Chashna tandanacumucta ricushpaca, Pedroca: “Tucui israelcuna,*f** ¿ima nishpatac cai runata alliyachishcata ricushpalla mana amiringuichic? ¿Ima nishpatac ñucanchictaca ricuracunguichic? Mana ñucanchicchu chashna alliyachishcanchic. Shinallatac mana Taita Diosman mañaccuna cashcallamantachu alliyachishcanchic, 13ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu. 14Jesusca jucha illac cashpami, imatapish cashcata ruhuac carca. ‘Paita cacharichic’ ninapac randica, huañuchic runatami cacharichun nircanguichic. 15Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic. 16Chai Jesusllatacmi cai runataca alliyachirca. Jesusta crishcamantami, cai cancuna ricsishca runaca tucui cancunapac ñaupapi alliyachishca shayacun.
17Caipi cac tucui Israel*f** huauquicuna. Cancunapish, cancunata mandaccunapish mana yachashpa, Jesusta huañuchishcatami yachani. 18Shina huañuchicpica, chaitaca Diosmanta ñaupa huillaccuna: ‘Quishpichic Cristoca llaquita apashpami huañunga’ nishpa huillashcatami, Taita Diosca pactachishca. 19Chaimanta juchayuc cashcamanta llaquirishpa, Diosman cutirichic. Chashna ruhuacpimi, Taita Diosca cancunapac juchacunata p'ichashpa, cushi causai punzhacunatapish cunga. 20Shinallatac ñaupaman cancunaman cachasha nishca Quishpichic Jesustapish paica cachangami. 21‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can. 22Moisespish ñucanchic ñaupa taitacunamanca: ‘Cancunata Mandac Diosca ñucata cachashca shinallatacmi, cancunapuramantapish shuc huillacta cachanga. Pai shamucpica, tucui pai ima nishcata cazunami canguichic. 23Pipish chai huillacta mana cazuctaca, israelcunapuramanta llucchishpa shitashcami canga’ nishcami.
24Diosmanta ñaupa huillaccunaca Samuelmanta callarishpami, cai punzhacunapi ima tucunamantaca tucui huillashcacuna. 25Taita Diosca ñaupa huillaccunamanpish, ñucanchic ñaupa taitacunamanpish, shinallatac cunan punzha ñucanchic israelcunamanpish ‘ñuca cusha nishcataca pactachishatacmi’ nishca carca. Chashnallatacmi Abrahammanca Taita Diosca: ‘Cambac huahua huahuacunamantami, tucui cai pachapi causaccunamanca allicunata cusha’ nishcami. Cancunapish chaita chasquiccunami canguichic. 26Taita Dios paipac Churita causachishpaca, cancunaman allicunata cuchunmi, cancunapacmanca punta cacharca. Cancuna millai causaita saquishpa alli causachunmi, paitaca chashna cacharca” nirca.
Currently Selected:
HECHOS 3: QXR96
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
HECHOS 3
3
Mana puric runata alliyachishcamanta
1Shuc punzha ña chishiyamucucpimi, Diosman mañana horas cashcamanta Pedroca Juanhuan, Taita Diosman mañangapac Diosman mañana huasiman rircacuna. 2Chai huasiman yaicuna Sumac nishca pungupimi, huacharishca punzhamanta pacha mana puric runa chaiman yaicuccunaman imallatapish mañashpa tiyac carca. Chai runataca chai pungumanmi punzhanta apac carcacuna. 3Chai runaca Pedrotapish, Juantapish Diosman mañana huasiman ña yaicugricucta ricushpami:
—¡Imallatapish cuiyari!— nishpa mañarca.
4Chashna mañacpi Juanpish, Pedropish chai runata ricushpaca:
—¡Caita uyai!— nirca.
5Chashna nicpi chai runaca: “Imallata cungapishchari” yuyashpami, paicunata chaparacurca. 6Chashna chaparacucpimi Pedroca:
—Ñucaca cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, ‘jatarishpa puri’ nini— nirca.
7Chashna nishpa, alli maquimanta japishpa jatarichicpica, chai runapac chaqui mucucunaca sinchiyarcallami. 8Chaimantaca jatarishpaca, puri callarircami. Paica Pedrondic, Juandicmi Diosman mañana huasiman yaicushpa, cushicuihuan saltarishpa, Taita Diostaca “allimari cangui” nirca. 9Tucui chaipi caccunami pai puricuctapish, Taita Diosta “allimari cangui” nicuctapish ricurcacuna. 10Chai runataca Sumac nishca pungupi imallatapish mañashpa tiyacuctami ricuc carcacuna. Chaimantami pai chashna alliyashcata ricushpaca, munai mancharishpa, mana amirircacuna.
Ñaupa mandac Salomonpac corredorpi Pedro huillashcamanta
11Pedropish, Juanpish ñaupa mandac Salomonpac corredorpi shayacucpimi, chai mana puric alliyashca runaca paicunata mana cacharisha nishpa shayacurca. Chaita ricushpaca, tucui chaipi caccuna mana amirinacushpami, paicunapacman tandanacumurcacuna. 12Chashna tandanacumucta ricushpaca, Pedroca: “Tucui israelcuna,*f** ¿ima nishpatac cai runata alliyachishcata ricushpalla mana amiringuichic? ¿Ima nishpatac ñucanchictaca ricuracunguichic? Mana ñucanchicchu chashna alliyachishcanchic. Shinallatac mana Taita Diosman mañaccuna cashcallamantachu alliyachishcanchic, 13ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu. 14Jesusca jucha illac cashpami, imatapish cashcata ruhuac carca. ‘Paita cacharichic’ ninapac randica, huañuchic runatami cacharichun nircanguichic. 15Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic. 16Chai Jesusllatacmi cai runataca alliyachirca. Jesusta crishcamantami, cai cancuna ricsishca runaca tucui cancunapac ñaupapi alliyachishca shayacun.
17Caipi cac tucui Israel*f** huauquicuna. Cancunapish, cancunata mandaccunapish mana yachashpa, Jesusta huañuchishcatami yachani. 18Shina huañuchicpica, chaitaca Diosmanta ñaupa huillaccuna: ‘Quishpichic Cristoca llaquita apashpami huañunga’ nishpa huillashcatami, Taita Diosca pactachishca. 19Chaimanta juchayuc cashcamanta llaquirishpa, Diosman cutirichic. Chashna ruhuacpimi, Taita Diosca cancunapac juchacunata p'ichashpa, cushi causai punzhacunatapish cunga. 20Shinallatac ñaupaman cancunaman cachasha nishca Quishpichic Jesustapish paica cachangami. 21‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can. 22Moisespish ñucanchic ñaupa taitacunamanca: ‘Cancunata Mandac Diosca ñucata cachashca shinallatacmi, cancunapuramantapish shuc huillacta cachanga. Pai shamucpica, tucui pai ima nishcata cazunami canguichic. 23Pipish chai huillacta mana cazuctaca, israelcunapuramanta llucchishpa shitashcami canga’ nishcami.
24Diosmanta ñaupa huillaccunaca Samuelmanta callarishpami, cai punzhacunapi ima tucunamantaca tucui huillashcacuna. 25Taita Diosca ñaupa huillaccunamanpish, ñucanchic ñaupa taitacunamanpish, shinallatac cunan punzha ñucanchic israelcunamanpish ‘ñuca cusha nishcataca pactachishatacmi’ nishca carca. Chashnallatacmi Abrahammanca Taita Diosca: ‘Cambac huahua huahuacunamantami, tucui cai pachapi causaccunamanca allicunata cusha’ nishcami. Cancunapish chaita chasquiccunami canguichic. 26Taita Dios paipac Churita causachishpaca, cancunaman allicunata cuchunmi, cancunapacmanca punta cacharca. Cancuna millai causaita saquishpa alli causachunmi, paitaca chashna cacharca” nirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.