HECHOS 5
5
Ananías paipac huarmi Safirandic llullashcamanta
1Ananías runapish, paipac huarmi Safirahuanmi paicunapac allpata c'aturca. 2Chai runaca allpata c'atushca cullquitaca chaupishpami huacaichirca. Chaitaca paipac huarmipish yacharcami. Chai chaupishca cullquitaca tucuita apamuc shinami, Jesús acllashca huillaccunamanca curca. 3Chaimantami Pedroca Ananiasta:
—Ananías, ¿ima nishpatac Satanasta*f** cambac shungupi yaicuchun saquircangui? Chaimantami canca Diospac Espirituman llullashpa, allpa c'atushca cullquitaca mana tucui apamushcangui. 4Allpaca, ¿manachu cambac carca? C'atucpipish chai cullquica, ¿manachu cambac tucurca? Shinashpaca, ¿ima nishpatac cambac shungupi chashna millaita ruhuanataca yuyarircangui? Mana runacunallamanchu llullashcangui, Taita Diosmanmi llullashcangui— nirca.
5Pedro chashna nicpi, Ananiasca chaita uyashcahuanmi, chaillapitac huañurca. Chashna tucushcata uyaccunapish, tucuimi mancharircacuna. 6Chashna tucucpica, chaipi cac q'uipa huiñaicunami jatarishpa, Ananías huañushcata pilluchishpa, enterrangapac aparcacuna.
7Quimsa horas shina q'uipami, paipac huarmipish chaiman chayarca. Paipac cusa ima tucushcataca mana yacharcachu. 8Chaipimi Pedroca:
—Huillai. Cancunaca chai allpataca, ¿chaillapichu c'aturcanguichic?— nishpa tapurca.
Shina nicpi, chai huarmica:
—Ari, chaillapitacmi c'aturcanchic— nirca.
9Shina nicpi Pedroca:
—¿Ima nishpatac ‘Mandac Diosca mana llaquichingachu’ yuyashpa, paipac Espiritumanca llullashun nircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.
10Pedro chashna nincami, chai huarmipish chaillapitac huañurca. Cusata enterrac q'uipa huiñaicuna ucuman yaicucpica, chai huarmipish huañushcami cashca carca. Chaimanta paitapish, cusa maipi enterrashcallapitac enterrangapac aparcacuna. 11Tandanacushca criccunapish, tucui uyaccunapish chashna tucushcata yachashpaca, munaimi mancharircacuna.
Taita Dioshuanca imatapish ruhuaclla cashcamanta
12Taita Dios paicunahuan cacpimi, Jesús acllashca huillaccunaca israelcunapurapica*f** pi mana ruhuaipaccunatapish, pi mana ricushcacunatapish tauca cutin ruhuarcacuna. Tucui criccunami Salomonpac corredorpica, shuc yuyailla tandanacuc carcacuna. 13Shuccunaca paicunahuan tandanacunataca mancharcacunami. Chashna cacpipish chai pueblopi causaccunaca, tucuimi paicunataca allimi nircacuna. 14C'aricunapish, huarmicunapish Apunchic Jesusta crishpa, ashtahuanmi achca criccuna tucushpa c'atircacuna. 15Chashna mana amiripaccunata ruhuacta ricushpami, Pedro llandushpallapish alliyachichun, gentecunaca ungushcacunata huandumushcacunallapitac ñanman apamushpa churarcacuna. 16Shinallatac chai cuchulla pueblocunamantapish ungushcacunatapish, supai llaquichishcacunatapish apashpa, achcacunami Jerusalenman shamurcacuna. Chaicunaca tucui mashnami alliyarcacuna.
Juantapish, Pedrotapish p'iñashpa, carcelpi churashcamanta
17Chashna ruhuacta ricushpami, Israel*f** curacunata jatun mandac curapish, paihuan cac saduceocunapurapish:*f** “Ñucanchicpish mana shina ruhuanchicca” nishpa, munai p'iñarircacuna. 18Chashna p'iñarishpaca, Jesús acllashca huillaccunataca japishpa, carcelpimi churachircacuna. 19Chashna churachicpipish, Dios cachashca ángel tuta shamushpami, cárcel punguta pascashpa, paicunata llucchishpaca:
20—Cunanca richic. Diosman mañana huasipi shayarishpa, tucui uyaccunaman: ‘Jesucristoca mushuc causaita cucmi’ nishpa huillagrichic— nirca.
21Ángel chashna nicpica, manarac alli pacaricpimi, Diosman mañana huasiman rishpa yachachi callarircacuna. Chashna yachachicucpimi, curacunata jatun mandac curaca tucui paihuan caccunandic, tucui israelcunata*f** cunac yuyaccunata mandaccunapuralla tandachircacuna. Chai q'uipami, Jesús acllashca huillaccunataca carcelmanta apamuchun cacharcacuna. 22Chai cachashca soldadocuna carcelman chayashpa, paicunata mana tarishpami, huillangapac cutimushpaca:
23—Ñucanchic chayashpaca, cárcel pungucunaca alli huichcashcata, shinallatac soldadocunapish pungucunapi cuidacushcatami ricurcanchic. Ashtahuanpish cárcel pungucunata ñucanchic pascashpa apangapac yaicushpaca, paicunata mana tarircanchicchu— nircacuna.
24Chashna huillashcata uyashpaca, curacunata jatun mandac curapish, Diosman mañana huasita cuidaccunata mandacpish, curacunata mandac curacunapish caishuc chaishucmi: “Chai runacunaca, ¿imashi tucushca canga?” nishpa tapunacurcacuna. 25Paicuna chashna tapunacucucpica, ñapish cungailla shuc runa chayamushpaca:
—Chai cancuna carcelpi huichcachishca runacunaca, Diosman mañana huasipimari tucui gentecunaman yachachicuncuna— nishpa huillarca.
26Chashna huillacpimi, soldadocunata mandacca soldadocunahuan cutin Jesús acllashca huillaccunata japingapac rircacuna. Chashna rishpaca, chaipi cac gentecuna rumihuan shitanata manchashcamantami, japishpapish mana imata ruhuashpa, sumacta apamurcacuna. 27Paicunata ña apamushpaca, mandaccunapuralla tandanacushcacunapac ñaupamanmi chayachircacuna. Chaipica chai curacunata jatun mandac cura paicunata tapushpaca:
28—Ñucanchicca cancunataca: ‘Pacta chai runamantaca cutin yachachinguichicman’ nircanchicca. Ashtahuanpish chashna nishca jahuachu, tucui Jerusalenpi yachachircanguichic. ‘Jesustaca cancunami huañuchircanguichic’ nishpapish, ñucanchictaca juchanchicunguichicmi— nirca.
29Shina nicpi, Pedroca Jesús acllashca caishuc huillaccunandicmi:
—Taita Diostami runacunata yalli ashtahuan cazuna canchic. 30Cancunami Jesustaca chacatashpa huañuchircanguichic. Shina huañuchicpipish, ñucanchic ñaupa taitacunapac Mandac Diosmi paitaca causachirca. 31Chashna causachishpami, Taita Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Taita Diosman cutiricpi, juchacunata perdonangapacmi chashnaca ruhuarca. 32Ñucanchicca cai tucui uyashcatapish, ricushcatapish huillaccunami canchic. Shinallatacmi Diospac Espiritupish cai tucuita huillacun. Taita Diosca paita cazuccunamanmi paipac Espiritutaca cushca— nircacuna.
33Shina nicta uyashpaca, chai mandaccunaca munai p'iñarishpami, huañuchichishun nircacuna. 34Ashtahuanpish mandaccunapuramanta Gamaliel shuti fariseo*f** runa shayarishpami:
—Cai runacunata canzhaman llucchichic— nirca.
Gamalielca tucuipac alli nishca, Moisés mandashcacunata alli yachachicmi carca.
35Ña llucshicpica, mandaccunataca:
—Israel runacuna. Cai runacunataca imata ruhuagricushcataca alli yuyarichic. 36Cancunallatac sarun ima tucushcataca, alli yuyarichic. Teudas runaca: ‘Mandacmi cani’ nishcata uyashpami, chuscu pasac shina paita c'atircacuna. Shina c'aticushpapish, paita huañuchicpica, tucui paihuan puriccunaca caita chaita rircacunallami. Shinallatac pai yachachishcapish, tucuimi chingarirca. 37Chai q'uipaca shuticunata quillcachina punzhacunapipish, Galilea llactamanta Judas runa yachachi callaricpica, taucacunami paitapish c'atircacuna. Shinallatac paita huañuchicpica, paita c'aticcunapish caita chaita rishpami chingarircalla. 38Chaimantami cai yuyaita cancunamanca cuni: Cai runacunataca ama imata ruhuashpa saquichiclla. Paicuna yachachicushcapish, imata ruhuacushcapish paicunapac yuyailla cashpaca chingaringallami. 39Ashtahuanpish Taita Diosmanta yachachicucpica, cancunaca mashnata jarcashun nicushpapish, mana jarcai pudinguichicchu. Chaimanta alli yuyaringuichic, pacta Taita Diosllatac chashna ruhuachicucpi jarcashun nicunguichicman— nirca.
40Gamaliel chashna nishcata uyashpami, Jesús acllashca huillaccunataca cutin yaicuchishpa azutichircacuna. Chashna azutichishpaca: “¡Pacta cutin Jesusmanta huillanguichicman!” nishpami cacharcacuna. 41Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna. 42Shinallatac paicunaca Diosman mañana huasipipish, mai huasicunapipish punzhantami yachachishpa, Jesucristomantaca alli huillaita huillacurcacunalla.
Currently Selected:
HECHOS 5: QXR96
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
HECHOS 5
5
Ananías paipac huarmi Safirandic llullashcamanta
1Ananías runapish, paipac huarmi Safirahuanmi paicunapac allpata c'aturca. 2Chai runaca allpata c'atushca cullquitaca chaupishpami huacaichirca. Chaitaca paipac huarmipish yacharcami. Chai chaupishca cullquitaca tucuita apamuc shinami, Jesús acllashca huillaccunamanca curca. 3Chaimantami Pedroca Ananiasta:
—Ananías, ¿ima nishpatac Satanasta*f** cambac shungupi yaicuchun saquircangui? Chaimantami canca Diospac Espirituman llullashpa, allpa c'atushca cullquitaca mana tucui apamushcangui. 4Allpaca, ¿manachu cambac carca? C'atucpipish chai cullquica, ¿manachu cambac tucurca? Shinashpaca, ¿ima nishpatac cambac shungupi chashna millaita ruhuanataca yuyarircangui? Mana runacunallamanchu llullashcangui, Taita Diosmanmi llullashcangui— nirca.
5Pedro chashna nicpi, Ananiasca chaita uyashcahuanmi, chaillapitac huañurca. Chashna tucushcata uyaccunapish, tucuimi mancharircacuna. 6Chashna tucucpica, chaipi cac q'uipa huiñaicunami jatarishpa, Ananías huañushcata pilluchishpa, enterrangapac aparcacuna.
7Quimsa horas shina q'uipami, paipac huarmipish chaiman chayarca. Paipac cusa ima tucushcataca mana yacharcachu. 8Chaipimi Pedroca:
—Huillai. Cancunaca chai allpataca, ¿chaillapichu c'aturcanguichic?— nishpa tapurca.
Shina nicpi, chai huarmica:
—Ari, chaillapitacmi c'aturcanchic— nirca.
9Shina nicpi Pedroca:
—¿Ima nishpatac ‘Mandac Diosca mana llaquichingachu’ yuyashpa, paipac Espiritumanca llullashun nircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.
10Pedro chashna nincami, chai huarmipish chaillapitac huañurca. Cusata enterrac q'uipa huiñaicuna ucuman yaicucpica, chai huarmipish huañushcami cashca carca. Chaimanta paitapish, cusa maipi enterrashcallapitac enterrangapac aparcacuna. 11Tandanacushca criccunapish, tucui uyaccunapish chashna tucushcata yachashpaca, munaimi mancharircacuna.
Taita Dioshuanca imatapish ruhuaclla cashcamanta
12Taita Dios paicunahuan cacpimi, Jesús acllashca huillaccunaca israelcunapurapica*f** pi mana ruhuaipaccunatapish, pi mana ricushcacunatapish tauca cutin ruhuarcacuna. Tucui criccunami Salomonpac corredorpica, shuc yuyailla tandanacuc carcacuna. 13Shuccunaca paicunahuan tandanacunataca mancharcacunami. Chashna cacpipish chai pueblopi causaccunaca, tucuimi paicunataca allimi nircacuna. 14C'aricunapish, huarmicunapish Apunchic Jesusta crishpa, ashtahuanmi achca criccuna tucushpa c'atircacuna. 15Chashna mana amiripaccunata ruhuacta ricushpami, Pedro llandushpallapish alliyachichun, gentecunaca ungushcacunata huandumushcacunallapitac ñanman apamushpa churarcacuna. 16Shinallatac chai cuchulla pueblocunamantapish ungushcacunatapish, supai llaquichishcacunatapish apashpa, achcacunami Jerusalenman shamurcacuna. Chaicunaca tucui mashnami alliyarcacuna.
Juantapish, Pedrotapish p'iñashpa, carcelpi churashcamanta
17Chashna ruhuacta ricushpami, Israel*f** curacunata jatun mandac curapish, paihuan cac saduceocunapurapish:*f** “Ñucanchicpish mana shina ruhuanchicca” nishpa, munai p'iñarircacuna. 18Chashna p'iñarishpaca, Jesús acllashca huillaccunataca japishpa, carcelpimi churachircacuna. 19Chashna churachicpipish, Dios cachashca ángel tuta shamushpami, cárcel punguta pascashpa, paicunata llucchishpaca:
20—Cunanca richic. Diosman mañana huasipi shayarishpa, tucui uyaccunaman: ‘Jesucristoca mushuc causaita cucmi’ nishpa huillagrichic— nirca.
21Ángel chashna nicpica, manarac alli pacaricpimi, Diosman mañana huasiman rishpa yachachi callarircacuna. Chashna yachachicucpimi, curacunata jatun mandac curaca tucui paihuan caccunandic, tucui israelcunata*f** cunac yuyaccunata mandaccunapuralla tandachircacuna. Chai q'uipami, Jesús acllashca huillaccunataca carcelmanta apamuchun cacharcacuna. 22Chai cachashca soldadocuna carcelman chayashpa, paicunata mana tarishpami, huillangapac cutimushpaca:
23—Ñucanchic chayashpaca, cárcel pungucunaca alli huichcashcata, shinallatac soldadocunapish pungucunapi cuidacushcatami ricurcanchic. Ashtahuanpish cárcel pungucunata ñucanchic pascashpa apangapac yaicushpaca, paicunata mana tarircanchicchu— nircacuna.
24Chashna huillashcata uyashpaca, curacunata jatun mandac curapish, Diosman mañana huasita cuidaccunata mandacpish, curacunata mandac curacunapish caishuc chaishucmi: “Chai runacunaca, ¿imashi tucushca canga?” nishpa tapunacurcacuna. 25Paicuna chashna tapunacucucpica, ñapish cungailla shuc runa chayamushpaca:
—Chai cancuna carcelpi huichcachishca runacunaca, Diosman mañana huasipimari tucui gentecunaman yachachicuncuna— nishpa huillarca.
26Chashna huillacpimi, soldadocunata mandacca soldadocunahuan cutin Jesús acllashca huillaccunata japingapac rircacuna. Chashna rishpaca, chaipi cac gentecuna rumihuan shitanata manchashcamantami, japishpapish mana imata ruhuashpa, sumacta apamurcacuna. 27Paicunata ña apamushpaca, mandaccunapuralla tandanacushcacunapac ñaupamanmi chayachircacuna. Chaipica chai curacunata jatun mandac cura paicunata tapushpaca:
28—Ñucanchicca cancunataca: ‘Pacta chai runamantaca cutin yachachinguichicman’ nircanchicca. Ashtahuanpish chashna nishca jahuachu, tucui Jerusalenpi yachachircanguichic. ‘Jesustaca cancunami huañuchircanguichic’ nishpapish, ñucanchictaca juchanchicunguichicmi— nirca.
29Shina nicpi, Pedroca Jesús acllashca caishuc huillaccunandicmi:
—Taita Diostami runacunata yalli ashtahuan cazuna canchic. 30Cancunami Jesustaca chacatashpa huañuchircanguichic. Shina huañuchicpipish, ñucanchic ñaupa taitacunapac Mandac Diosmi paitaca causachirca. 31Chashna causachishpami, Taita Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Taita Diosman cutiricpi, juchacunata perdonangapacmi chashnaca ruhuarca. 32Ñucanchicca cai tucui uyashcatapish, ricushcatapish huillaccunami canchic. Shinallatacmi Diospac Espiritupish cai tucuita huillacun. Taita Diosca paita cazuccunamanmi paipac Espiritutaca cushca— nircacuna.
33Shina nicta uyashpaca, chai mandaccunaca munai p'iñarishpami, huañuchichishun nircacuna. 34Ashtahuanpish mandaccunapuramanta Gamaliel shuti fariseo*f** runa shayarishpami:
—Cai runacunata canzhaman llucchichic— nirca.
Gamalielca tucuipac alli nishca, Moisés mandashcacunata alli yachachicmi carca.
35Ña llucshicpica, mandaccunataca:
—Israel runacuna. Cai runacunataca imata ruhuagricushcataca alli yuyarichic. 36Cancunallatac sarun ima tucushcataca, alli yuyarichic. Teudas runaca: ‘Mandacmi cani’ nishcata uyashpami, chuscu pasac shina paita c'atircacuna. Shina c'aticushpapish, paita huañuchicpica, tucui paihuan puriccunaca caita chaita rircacunallami. Shinallatac pai yachachishcapish, tucuimi chingarirca. 37Chai q'uipaca shuticunata quillcachina punzhacunapipish, Galilea llactamanta Judas runa yachachi callaricpica, taucacunami paitapish c'atircacuna. Shinallatac paita huañuchicpica, paita c'aticcunapish caita chaita rishpami chingarircalla. 38Chaimantami cai yuyaita cancunamanca cuni: Cai runacunataca ama imata ruhuashpa saquichiclla. Paicuna yachachicushcapish, imata ruhuacushcapish paicunapac yuyailla cashpaca chingaringallami. 39Ashtahuanpish Taita Diosmanta yachachicucpica, cancunaca mashnata jarcashun nicushpapish, mana jarcai pudinguichicchu. Chaimanta alli yuyaringuichic, pacta Taita Diosllatac chashna ruhuachicucpi jarcashun nicunguichicman— nirca.
40Gamaliel chashna nishcata uyashpami, Jesús acllashca huillaccunataca cutin yaicuchishpa azutichircacuna. Chashna azutichishpaca: “¡Pacta cutin Jesusmanta huillanguichicman!” nishpami cacharcacuna. 41Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna. 42Shinallatac paicunaca Diosman mañana huasipipish, mai huasicunapipish punzhantami yachachishpa, Jesucristomantaca alli huillaita huillacurcacunalla.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.