HECHOS 7
7
Mandaccunapuraman Esteban huillashcamanta
1Curacunata jatun mandac cura Estebanman tapushpaca:
—Paicuna canmanta chashna huillashcaca, ¿chashnatacchu, imatacyari?— nirca.
2Chashna tapucpi Estebanca:
—Caipi tandanacushca tucui Israel*f** huauquicuna, taitacuna, ñuca rimashcata uyaichic. Sumac Taita Diosca ñucanchic ñaupa taita Abrahammanca, manarac Harán pueblopi causangapac ricpimi, Mesopotamia llactapi ricurirca. 3Chashna ricurishpami Taita Diosca: ‘Cambac llactatapish, cambac familiacunatapish saquishpa llucshi. Can maiman rina cashcataca, ñucami ricuchisha’ nirca. 4Chaimantami Abrahamca Caldea llactamanta llucshishpa, Harán pueblopi causagrirca. Abrahampac taita huañushca q'uipami, Taita Diosca paitaca cunan cancuna causacuc llactaman pushamurca. 5Chashna pushamushpapish paimanca cai llactapica, chaqui saruillatapish allpataca mana curcachu. Ashtahuanpish chai punzhacunapi Abraham huahua illaclla cacpiracmi, Taita Diosca: ‘Cambac huahua huahuacunaman cai allpata cushpami, canmanca cusha’ nirca. 6Taita Diosca Abrahamtaca cashnapish nircami: ‘Cambac huahua huahuacunaca quiquin llactamanta rishpami, caru llactapi causangacuna. Chai llacta gentecunaca paicunataca chuscu pasac huatatami macashpa servichishpa causangacuna. 7Chashna servichishpa chariccunataca ñucaca munaimi llaquichisha. Chai q'uipaca, cambac huahua huahuacunata chai llactamanta llucchishpa pushamucpica, cai llactapimi ñucata servingacuna’ nircami. 8Shinallatac Taita Diosca Abrahamtaca, paihuan ari ninacushcata pactachingapacca, circuncisionta*f** ruhuashpa ricuchichun nishcami. Chaimantami Abrahamca paipac churi Isaactaca huacharishcamanta pusac punzhapica, circuncisionta ruhuarca. Chashnallatacmi Isaacpish paipac churi Jacobotaca ruhuarca. Jacobopish paipac chunga ishcai churicunataca chashnallatacmi ruhuarca. Chaicunaca ñucanchic ñaupa taitacunami carcacuna.
9Chai Jacobopac churicunaca paicunapac huauqui Joseta p'iñashcallamantami, Egipto llactaman apachun c'atushpa cacharcacuna. Chashna ruhuacpipish, Taita Diosca Josetaca mana saquircachu. 10José ima llaquihuan cacpipish, Taita Diosca paihuanmi carca. Shinallatac Egipto llactata jatun mandacpac ñaupapi alli cachunpish, alli yuyaicunatami curca. Chaimantami chai jatun mandacca paipac huasipipish, tucui Egipto llactapipish mandachun churarca.
11Chai punzhacunallatacmi Egipto llactapipish, cai Canaán llactapipish ima mana p'ucucpi yarcai tiyashcamanta, jatun llaquicuna tiyarca. Ñucanchic ñaupa taitacunapish cai llactapica, ima micunata mana charircacunachu. 12Chaimantami ñucanchic ñaupa taita Jacoboca, ‘Egipto llactapimi trigo tiyan’ nicta uyashpa, paipac churicunataca punta chai llactaman cacharca. 13Josepac huauquicuna cutin Egiptoman ricpimi, Joseca paicunapac huauqui cashcataca huillarca. Chaimantami chai llactata jatun mandacpish, José maijan aillumanta cashcatapish yachac chayarca. 14Chai q'uipami Joseca paipac taita Jacobota, paipac familiacunandic pushamuchun cacharca. Paicunaca canchis chunga pichcapurami carcacuna. 15Chaimantami taita Jacoboca Egipto llactapi causangapac rirca. Chaipimi paipish, paipac churicunapish huañurcacuna. Paicunaca ñucanchic ñaupa taitacunami carcacuna. 16Huañushca unai huatacunapica, paicunapac tullucunataca Siquem llactamanmi apamurcacuna. Chai Siquem llactapimi, Abrahamca Hamorpac churicunaman enterrana asha allpata randishca carca. Chaipimi chai tullucunataca enterrarcacuna.
17Taita Dios Abrahamman ‘cai llactatami cusha’ nishpa, huillashca ña pactamugricpica, israelcunaca*f** Egipto llactapica mirarishpami, achca tucurcacuna. 18Chai punzhacunallapitacmi, Joseta mana ricsic jatun mandac Faraonca Egiptopica ña mandai callarirca. 19Chai mandacca ñucanchic ñaupa taitacunataca llullashpa llaquichishpami, paicuna ama ashtahuan mirarichun c'ari huahuacuna huacharicpica, maipi shitachun mandac carca. 20Chai punzhacunallapitacmi, c'ari huahua Moisespish huacharirca. Paica Taita Diospac alli nishcami carca. Quimsa quillatami paipac taita mamaca huasipi pacashpa charircacuna. 21Chashna cashpapish shitachun mandashca cashcamantami, ña huañuchun shitashcata mandac Faraonpac ushi tarishpa, quiquin huahuata shina huiñachirca. 22Shina cashpami, Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish, alli yachac carca.
23Moisés ña chuscu chunga huatata charishpaca, paicunapura cashcamanta israelcunata ricugrina munaitami charirca. 24Pai ricugricpica, shuc Egipto runami Israel runata macacushca carca. Israel runata macacushcamantami, paita misashpa Egipto runataca huañuchirca. 25‘Ñuca aillu israelcunaca ñucataca Taita Diosmi millai runacunapac maquimanta cacharichichun cachashca canga yuyangapishchari’ nishpami, Moisesca chashna ruhuarca. Ashtahuanpish paicunaca mana chashna yuyarcacunachu. 26Cutin cayandic punzha ricungapac rishpaca, israelcunapurallatac macanacucucta ricushpami: ‘Riquichic. Cancunaca huauquindiccuna shinami canguichic. ¿Ima nishpatac cashna macanacucunguichic?’ nirca. 27Chashna nicpica, chai macacuc runaca Moisesta t'angashpa shitashpami: ‘¿Pitac cantaca ñucanchicta mandachun, ñucanchic juez cachunca churarca? 28¿Caina Egipto runata huañuchishca shinallatacchu, ñucatapish huañuchisha ningui?’ nirca. 29Chashna nicta uyashpami, Moisesca Madián llactaman miticushpa rirca. Chai caru llactapi causacushpaca, ishcai churicunatami charirca.
30Ña chuscu chunga huatata chai llactapi causashca q'uipami, Moisesca Sinaí urcu cuchulla shitashca pambapi cashpa, shuc zarza yura rupacucta ricurca. Chai yura rupacuc nina chaupipica, shuc angelmi ricurirca. 31Chashna ricuricpi Moisesca: ‘¿Imashi canga?’ nishpami, alli ricungapac chayagricucpi Mandac Dios rimashpaca: 32‘Ñucaca cambac taita Abrahampac, Isaacpac, Jacobopac Diosmi cani’ nishcatami uyarca. Chashna nicpimi, Moisesca manchaihuan chucchucushpa, ashtahuan ricungapac cuchuyanataca mana munarca. 33Mandac Diosca cashnapish nircami: ‘Can shayacuc pambaca ñucapaclla saruna allpami. Chaimanta cambac ushutata llucchi. 34Egiptopi ñuca acllashca israelcuna llaquihuan causacuctami ricuni. Paicuna llaquihuan huacacuctapish uyanimi. Cunanca paicunata llaquimanta llucchingapacmi shamurcani. Cunanca shamui, cantami Egiptoman cachagrini’ nirca.
35Israelcuna Egiptopica: ‘¿Pitac cantaca ñucanchicta mandac cachun, juez cachunca churarca?’ nishpami, Moisestaca p'iñarcacuna. Ashtahuanpish paicuna p'iñashca Moisesllatatacmi, Taita Diosca zarza yurapi ricuric angelman rimachishpaca, Egipto llactamanta llucchishpa, mandac cachun churarca. 36Chai Moisesmi ñucanchic ñaupa taitacunataca Egiptomanta llucchimurca. Chashna llucchimushpaca Egipto llactapipish, Puca Cuchapipish, shinallatac shitashca pambapipish chuscu chunga huatatami pi mana ruhuaipaccunatapish, pi mana ricushcacunatapish ruhuarca. 37Chai Moisesllatacmi israelcunamanca: ‘Cancunata Mandac Diosca ñucata cachashca shinallatacmi, cancunapuramanta shuc huillacta cachanga. Pai ima nishcata cazunguichic’ nirca. 38Chai Moisesllatacmi shitashca pambapi ñucanchic ñaupa taitacunapura tandanacushcapipish carca. Paillatacmi Sinaí urcupi ángel rimashcatapish, ñucanchic ñaupa taitacunaman huillangapac apamurca. Chai rimashcacunaca causaita cuc rimaicunami.
39Chashna cacpipish, ñucanchic ñaupa taitacunaca Moisés yachachishcataca mana cazushun nishpami, paita p'iñashpa, Egiptollamantac cutinata munarcacuna. 40Chashna yuyashpami, Moisespac huauqui Aarontaca: ‘Ñucanchicta Egipto llactamanta llucchimuc Moisés runaca mana uyarinchu. Cunanca ñucanchicta pushac dioscunata ruhuai’ nircacuna. 41Chashna nishpami, biziman riccha diosta ruhuashpa, paicuna ruhuashcalla manapish diosmanmi animalcunata huañuchishpa rupachircacuna. Chashnami paicunaca munai cushicurcacuna. 42Chaimantami Taita Diosca paicunamanta caruyarca. Shinallatac paicunapac quiquin munaita ruhuashpa, lucerocunata adorachunpish saquircalla. Shinallatacmi ñaupa huillaccunaman Taita Dios quillcachishpaca, cashna nishca:
‘Israelcuna, cancuna
chuscu chunga huatata
shitashca pambapi cashpa,
animalcunata rupachishpaca,
mana ñucamanchu curcanguichic.
43Ñucaman cushpa
rupachinapac randica,
Ruhuashcalla Moloc diostami adorashpa,
pai tiyanandic huandushpa purircanguichic.
Shinallatac Renfán nishca
diospac lucerocunatapish,
cancunallatac ruhuashpami
adorarcanguichic.
Chaimantami cancunataca
cai llactamanta llucchishpa,
Babilonia llactata pasachishpa,
ashtahuan caruman cachasha’ nishcami.
44Ñucanchic ñaupa taitacuna shitashca pambapi cashpaca, Taita Dios paicunahuan cashcata ricuchingapac ruhuashca carpa huasita huandushpami, puric carcacuna. Chai huasica ima shinami Moisesman Taita Dios ricuchishca shinallatacmi ruhuashca carca. 45Ñucanchic ñaupa taitacunaca chai huasitaca paicunapac ñaupa taitacunamantami japircacuna. Tauca huatacuna q'uipami, Josué runa paicunata pushamucpi, chai shitashca pambamantaca cai cunan ñucanchic causacuc llactaman apashpa shamurcacuna. Ñucanchic taitacuna cai cusha nishca llactapi causachunmi, Taita Diosca chai mana israelcunataca llucchishpa cacharca. Chai huasitaca David mandac tucungacamanmi charircacuna. 46Mandac Davidca Taita Diospac c'uyashca cashpami, Taita Diostaca: ‘Ñaupa taita Jacobota Mandac Dioslla, ñucaca canman shuc huasita ruhuasha ninimi’ nishpa mañarca. 47Ashtahuanpish Taita Diosman mañana huasitaca, Davidpac churi Salomonmi ruhuachirca. 48Shina cacpipish, jahua pachapi causac Taita Diosca gentecuna ruhuashcalla huasicunapica mana causanchu. Ñaupa huillacman Taita Dios quillcachishpapish:
49‘Jahua pachaca
ñuca mandashpa tiyarinami.
Cai allpaca
ñuca chaqui sarunami.
Shinashpaca ima laya huasita
cancuna ruhuacpipish,
chaipica mana samarishachu.
50Ñucallatacmari tucui ima
tiyashcatapish ruhuarcani’ nishcami.
51Ashtahuanpish cancunaca upa shina cashpami, Taita Dios ima nishcata mana uyashpa, shungucaman sinchiyashca canguichic. Cancunapac ñaupa taitacuna shinami, Diospac Espiritutapish mana cazuccuna canguichic. 52Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic. 53Dios mandashcacunata angelcuna cancunaman cucpipish, mana cazuccunami canguichic— nirca.
Estebanta huañuchishcamanta
54Esteban chashna nicta uyashpaca, tucui chaipi caccunami quirucuna mucurishpa, munai p'iñarircacuna. 55Ashtahuanpish Diospac Espíritu shungupi junda cashpami, Estebanca jahua pachata huichailla ricushpa, Taita Diospac sumaimana cashcatapish, shinallatac Apunchic Jesús paipac alli lado maquiman shayacuctapish ricurca. 56Chashna ricushpami, Estebanca:
—Riquichic. Ñucaca jahua pacha pascarishpa, Runa Tucungapac shamushca*f** Jesusta Taita Diospac alli lado maquiman shayacuctami ricuni— nirca.
57Chashna nishcata mana uyashun nishpami, ringrita taparishpa munai caparircacuna. Chaimantaca huaicashpami, Estebantaca japircacuna. 58Chashna japishpaca, pueblomanta llucchishpami, Estebanta huañuchingapac rumicunahuan shitai callarircacuna. Shina shitacucpimi, Estebanta juchanchishpa huillaccunaca paicunapac jahualla churanacunata surcushpa, Saulo mosoman mingarcacuna. 59Paicuna rumicunahuan shitacucpimi, Estebanca: “Apunchic Jesús, ñuca almata pushaiyari” nishpa mañarca.
60Esteban cungurishpaca: “¡Apunchic Jesús, paicuna cashna mana allita ruhuacushcataca, ama yuyaringuichu!” nishpami, sinchita caparirca. Chashna nishpaca huañurcallami.
Currently Selected:
HECHOS 7: QXR96
Highlight
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
HECHOS 7
7
Mandaccunapuraman Esteban huillashcamanta
1Curacunata jatun mandac cura Estebanman tapushpaca:
—Paicuna canmanta chashna huillashcaca, ¿chashnatacchu, imatacyari?— nirca.
2Chashna tapucpi Estebanca:
—Caipi tandanacushca tucui Israel*f** huauquicuna, taitacuna, ñuca rimashcata uyaichic. Sumac Taita Diosca ñucanchic ñaupa taita Abrahammanca, manarac Harán pueblopi causangapac ricpimi, Mesopotamia llactapi ricurirca. 3Chashna ricurishpami Taita Diosca: ‘Cambac llactatapish, cambac familiacunatapish saquishpa llucshi. Can maiman rina cashcataca, ñucami ricuchisha’ nirca. 4Chaimantami Abrahamca Caldea llactamanta llucshishpa, Harán pueblopi causagrirca. Abrahampac taita huañushca q'uipami, Taita Diosca paitaca cunan cancuna causacuc llactaman pushamurca. 5Chashna pushamushpapish paimanca cai llactapica, chaqui saruillatapish allpataca mana curcachu. Ashtahuanpish chai punzhacunapi Abraham huahua illaclla cacpiracmi, Taita Diosca: ‘Cambac huahua huahuacunaman cai allpata cushpami, canmanca cusha’ nirca. 6Taita Diosca Abrahamtaca cashnapish nircami: ‘Cambac huahua huahuacunaca quiquin llactamanta rishpami, caru llactapi causangacuna. Chai llacta gentecunaca paicunataca chuscu pasac huatatami macashpa servichishpa causangacuna. 7Chashna servichishpa chariccunataca ñucaca munaimi llaquichisha. Chai q'uipaca, cambac huahua huahuacunata chai llactamanta llucchishpa pushamucpica, cai llactapimi ñucata servingacuna’ nircami. 8Shinallatac Taita Diosca Abrahamtaca, paihuan ari ninacushcata pactachingapacca, circuncisionta*f** ruhuashpa ricuchichun nishcami. Chaimantami Abrahamca paipac churi Isaactaca huacharishcamanta pusac punzhapica, circuncisionta ruhuarca. Chashnallatacmi Isaacpish paipac churi Jacobotaca ruhuarca. Jacobopish paipac chunga ishcai churicunataca chashnallatacmi ruhuarca. Chaicunaca ñucanchic ñaupa taitacunami carcacuna.
9Chai Jacobopac churicunaca paicunapac huauqui Joseta p'iñashcallamantami, Egipto llactaman apachun c'atushpa cacharcacuna. Chashna ruhuacpipish, Taita Diosca Josetaca mana saquircachu. 10José ima llaquihuan cacpipish, Taita Diosca paihuanmi carca. Shinallatac Egipto llactata jatun mandacpac ñaupapi alli cachunpish, alli yuyaicunatami curca. Chaimantami chai jatun mandacca paipac huasipipish, tucui Egipto llactapipish mandachun churarca.
11Chai punzhacunallatacmi Egipto llactapipish, cai Canaán llactapipish ima mana p'ucucpi yarcai tiyashcamanta, jatun llaquicuna tiyarca. Ñucanchic ñaupa taitacunapish cai llactapica, ima micunata mana charircacunachu. 12Chaimantami ñucanchic ñaupa taita Jacoboca, ‘Egipto llactapimi trigo tiyan’ nicta uyashpa, paipac churicunataca punta chai llactaman cacharca. 13Josepac huauquicuna cutin Egiptoman ricpimi, Joseca paicunapac huauqui cashcataca huillarca. Chaimantami chai llactata jatun mandacpish, José maijan aillumanta cashcatapish yachac chayarca. 14Chai q'uipami Joseca paipac taita Jacobota, paipac familiacunandic pushamuchun cacharca. Paicunaca canchis chunga pichcapurami carcacuna. 15Chaimantami taita Jacoboca Egipto llactapi causangapac rirca. Chaipimi paipish, paipac churicunapish huañurcacuna. Paicunaca ñucanchic ñaupa taitacunami carcacuna. 16Huañushca unai huatacunapica, paicunapac tullucunataca Siquem llactamanmi apamurcacuna. Chai Siquem llactapimi, Abrahamca Hamorpac churicunaman enterrana asha allpata randishca carca. Chaipimi chai tullucunataca enterrarcacuna.
17Taita Dios Abrahamman ‘cai llactatami cusha’ nishpa, huillashca ña pactamugricpica, israelcunaca*f** Egipto llactapica mirarishpami, achca tucurcacuna. 18Chai punzhacunallapitacmi, Joseta mana ricsic jatun mandac Faraonca Egiptopica ña mandai callarirca. 19Chai mandacca ñucanchic ñaupa taitacunataca llullashpa llaquichishpami, paicuna ama ashtahuan mirarichun c'ari huahuacuna huacharicpica, maipi shitachun mandac carca. 20Chai punzhacunallapitacmi, c'ari huahua Moisespish huacharirca. Paica Taita Diospac alli nishcami carca. Quimsa quillatami paipac taita mamaca huasipi pacashpa charircacuna. 21Chashna cashpapish shitachun mandashca cashcamantami, ña huañuchun shitashcata mandac Faraonpac ushi tarishpa, quiquin huahuata shina huiñachirca. 22Shina cashpami, Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish, alli yachac carca.
23Moisés ña chuscu chunga huatata charishpaca, paicunapura cashcamanta israelcunata ricugrina munaitami charirca. 24Pai ricugricpica, shuc Egipto runami Israel runata macacushca carca. Israel runata macacushcamantami, paita misashpa Egipto runataca huañuchirca. 25‘Ñuca aillu israelcunaca ñucataca Taita Diosmi millai runacunapac maquimanta cacharichichun cachashca canga yuyangapishchari’ nishpami, Moisesca chashna ruhuarca. Ashtahuanpish paicunaca mana chashna yuyarcacunachu. 26Cutin cayandic punzha ricungapac rishpaca, israelcunapurallatac macanacucucta ricushpami: ‘Riquichic. Cancunaca huauquindiccuna shinami canguichic. ¿Ima nishpatac cashna macanacucunguichic?’ nirca. 27Chashna nicpica, chai macacuc runaca Moisesta t'angashpa shitashpami: ‘¿Pitac cantaca ñucanchicta mandachun, ñucanchic juez cachunca churarca? 28¿Caina Egipto runata huañuchishca shinallatacchu, ñucatapish huañuchisha ningui?’ nirca. 29Chashna nicta uyashpami, Moisesca Madián llactaman miticushpa rirca. Chai caru llactapi causacushpaca, ishcai churicunatami charirca.
30Ña chuscu chunga huatata chai llactapi causashca q'uipami, Moisesca Sinaí urcu cuchulla shitashca pambapi cashpa, shuc zarza yura rupacucta ricurca. Chai yura rupacuc nina chaupipica, shuc angelmi ricurirca. 31Chashna ricuricpi Moisesca: ‘¿Imashi canga?’ nishpami, alli ricungapac chayagricucpi Mandac Dios rimashpaca: 32‘Ñucaca cambac taita Abrahampac, Isaacpac, Jacobopac Diosmi cani’ nishcatami uyarca. Chashna nicpimi, Moisesca manchaihuan chucchucushpa, ashtahuan ricungapac cuchuyanataca mana munarca. 33Mandac Diosca cashnapish nircami: ‘Can shayacuc pambaca ñucapaclla saruna allpami. Chaimanta cambac ushutata llucchi. 34Egiptopi ñuca acllashca israelcuna llaquihuan causacuctami ricuni. Paicuna llaquihuan huacacuctapish uyanimi. Cunanca paicunata llaquimanta llucchingapacmi shamurcani. Cunanca shamui, cantami Egiptoman cachagrini’ nirca.
35Israelcuna Egiptopica: ‘¿Pitac cantaca ñucanchicta mandac cachun, juez cachunca churarca?’ nishpami, Moisestaca p'iñarcacuna. Ashtahuanpish paicuna p'iñashca Moisesllatatacmi, Taita Diosca zarza yurapi ricuric angelman rimachishpaca, Egipto llactamanta llucchishpa, mandac cachun churarca. 36Chai Moisesmi ñucanchic ñaupa taitacunataca Egiptomanta llucchimurca. Chashna llucchimushpaca Egipto llactapipish, Puca Cuchapipish, shinallatac shitashca pambapipish chuscu chunga huatatami pi mana ruhuaipaccunatapish, pi mana ricushcacunatapish ruhuarca. 37Chai Moisesllatacmi israelcunamanca: ‘Cancunata Mandac Diosca ñucata cachashca shinallatacmi, cancunapuramanta shuc huillacta cachanga. Pai ima nishcata cazunguichic’ nirca. 38Chai Moisesllatacmi shitashca pambapi ñucanchic ñaupa taitacunapura tandanacushcapipish carca. Paillatacmi Sinaí urcupi ángel rimashcatapish, ñucanchic ñaupa taitacunaman huillangapac apamurca. Chai rimashcacunaca causaita cuc rimaicunami.
39Chashna cacpipish, ñucanchic ñaupa taitacunaca Moisés yachachishcataca mana cazushun nishpami, paita p'iñashpa, Egiptollamantac cutinata munarcacuna. 40Chashna yuyashpami, Moisespac huauqui Aarontaca: ‘Ñucanchicta Egipto llactamanta llucchimuc Moisés runaca mana uyarinchu. Cunanca ñucanchicta pushac dioscunata ruhuai’ nircacuna. 41Chashna nishpami, biziman riccha diosta ruhuashpa, paicuna ruhuashcalla manapish diosmanmi animalcunata huañuchishpa rupachircacuna. Chashnami paicunaca munai cushicurcacuna. 42Chaimantami Taita Diosca paicunamanta caruyarca. Shinallatac paicunapac quiquin munaita ruhuashpa, lucerocunata adorachunpish saquircalla. Shinallatacmi ñaupa huillaccunaman Taita Dios quillcachishpaca, cashna nishca:
‘Israelcuna, cancuna
chuscu chunga huatata
shitashca pambapi cashpa,
animalcunata rupachishpaca,
mana ñucamanchu curcanguichic.
43Ñucaman cushpa
rupachinapac randica,
Ruhuashcalla Moloc diostami adorashpa,
pai tiyanandic huandushpa purircanguichic.
Shinallatac Renfán nishca
diospac lucerocunatapish,
cancunallatac ruhuashpami
adorarcanguichic.
Chaimantami cancunataca
cai llactamanta llucchishpa,
Babilonia llactata pasachishpa,
ashtahuan caruman cachasha’ nishcami.
44Ñucanchic ñaupa taitacuna shitashca pambapi cashpaca, Taita Dios paicunahuan cashcata ricuchingapac ruhuashca carpa huasita huandushpami, puric carcacuna. Chai huasica ima shinami Moisesman Taita Dios ricuchishca shinallatacmi ruhuashca carca. 45Ñucanchic ñaupa taitacunaca chai huasitaca paicunapac ñaupa taitacunamantami japircacuna. Tauca huatacuna q'uipami, Josué runa paicunata pushamucpi, chai shitashca pambamantaca cai cunan ñucanchic causacuc llactaman apashpa shamurcacuna. Ñucanchic taitacuna cai cusha nishca llactapi causachunmi, Taita Diosca chai mana israelcunataca llucchishpa cacharca. Chai huasitaca David mandac tucungacamanmi charircacuna. 46Mandac Davidca Taita Diospac c'uyashca cashpami, Taita Diostaca: ‘Ñaupa taita Jacobota Mandac Dioslla, ñucaca canman shuc huasita ruhuasha ninimi’ nishpa mañarca. 47Ashtahuanpish Taita Diosman mañana huasitaca, Davidpac churi Salomonmi ruhuachirca. 48Shina cacpipish, jahua pachapi causac Taita Diosca gentecuna ruhuashcalla huasicunapica mana causanchu. Ñaupa huillacman Taita Dios quillcachishpapish:
49‘Jahua pachaca
ñuca mandashpa tiyarinami.
Cai allpaca
ñuca chaqui sarunami.
Shinashpaca ima laya huasita
cancuna ruhuacpipish,
chaipica mana samarishachu.
50Ñucallatacmari tucui ima
tiyashcatapish ruhuarcani’ nishcami.
51Ashtahuanpish cancunaca upa shina cashpami, Taita Dios ima nishcata mana uyashpa, shungucaman sinchiyashca canguichic. Cancunapac ñaupa taitacuna shinami, Diospac Espiritutapish mana cazuccuna canguichic. 52Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic. 53Dios mandashcacunata angelcuna cancunaman cucpipish, mana cazuccunami canguichic— nirca.
Estebanta huañuchishcamanta
54Esteban chashna nicta uyashpaca, tucui chaipi caccunami quirucuna mucurishpa, munai p'iñarircacuna. 55Ashtahuanpish Diospac Espíritu shungupi junda cashpami, Estebanca jahua pachata huichailla ricushpa, Taita Diospac sumaimana cashcatapish, shinallatac Apunchic Jesús paipac alli lado maquiman shayacuctapish ricurca. 56Chashna ricushpami, Estebanca:
—Riquichic. Ñucaca jahua pacha pascarishpa, Runa Tucungapac shamushca*f** Jesusta Taita Diospac alli lado maquiman shayacuctami ricuni— nirca.
57Chashna nishcata mana uyashun nishpami, ringrita taparishpa munai caparircacuna. Chaimantaca huaicashpami, Estebantaca japircacuna. 58Chashna japishpaca, pueblomanta llucchishpami, Estebanta huañuchingapac rumicunahuan shitai callarircacuna. Shina shitacucpimi, Estebanta juchanchishpa huillaccunaca paicunapac jahualla churanacunata surcushpa, Saulo mosoman mingarcacuna. 59Paicuna rumicunahuan shitacucpimi, Estebanca: “Apunchic Jesús, ñuca almata pushaiyari” nishpa mañarca.
60Esteban cungurishpaca: “¡Apunchic Jesús, paicuna cashna mana allita ruhuacushcataca, ama yuyaringuichu!” nishpami, sinchita caparirca. Chashna nishpaca huañurcallami.
Currently Selected:
:
Highlight
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.