HECHOS 9
9
Jesucristota Saulo crishcamanta
(Hch 22.6-16; 26.12-18)
1Sauloca Apunchic Jesusta criccunataca huañuchisha ninataca mana saquircachu. Chaimantami Israel*f** curacunata jatun mandac curapacman rirca. 2Chaiman rishpaca: “Damasco pueblopi tandanacuna huasicunapi yaicushpa, Jesusta c'aticcunata c'aricuna cachun, huarmicuna cachun, cai Jerusalenman prezu apamungapac quillcata cui” nirca.
3Quillcata apashpa, Damasco puebloman ña chayacucpimi, cungailla jahua pachamanta relampa shina, jaguin nishpa, paipac muyundicta achicyachirca. 4Chashna tucucpi, pambaman Saulo urmacpica: “Saulo, Saulo, ¿ima nishpatac ñucata p'iñashpa llaquichicungui?” nishcami uyarirca.
5Shina nicta uyashpa Sauloca:
—¿Pitac cangui Amito?— nirca.
Shina nicpica:
—Ñucaca can p'iñashpa llaquichicuc Jesusmi cani. Canca puya puntapi huagra jaitashpa chugriric shinami, canllatac llaquita apacungui— nirca.
6Shina nicpi, Sauloca manchaihuan chucchushpami:
—Cunanca, ¿imatatac ruhuachun ningui?— nirca.
Shina nicpi, Apunchic Jesusca:
—Jatari, Damasco pueblollamantac ri. Chaipimi can imata ruhuana cashcataca huillanga— nirca.
7Saulohuan caccunaca pita mana ricushpa, rimashcallata uyashpami, munai mancharircacuna. 8Pambamanta Saulo jatarishpa, ñahuita pascashpa ricusha nishpapish, imata mana ricui pudircachu. Chaimantami paihuan caccunaca maquimanta aisashpa, Damascoman pusharcacuna. 9Chaipica quimsa punzhacunacaman ñahui mana ricucpi, imata mana micushpa, mana ubiashpami carca.
10Damasco pueblopica Jesusta cric Ananías runami causarca. Paimanmi Apunchic Jesusca muscuipi shina ricurishpaca:
—Ananías— nirca.
Shina nicpi Ananiasca:
—Caipimi cani, Apunchic Jesús— nirca.
11Shina nicpi, Apunchic Jesusca paitaca:
—Jatari. Derecha shuti ñanman ri. Judaspac huasipi yaicushpa, Tarso pueblomanta Saulo runata tapui. Paica chai huasipimi Taita Diosman mañashpa shuyacun. 12Chai Saulo muscuipi shina ricushpaca, can paipacman yaicushpa ñahui cutin ricuchun, cambac maquita paipac uma jahuapi churactami ricurca— nirca.
13Chashna nicpi Ananiasca:
—Apunchic Jesús. ‘Chai Saulo runaca, Jerusalenpi causac Diospaclla cac criccunata p'iñashpa llaquichicun’ nishpa, taucacuna ninacuctami uyarcani. 14Cunanpish canman mañaccunata huatashpa apangapacmari, curacunata mandac curacunaman quillcata mañashpa shamushca— nirca.
15Chashna nicpipish, cutinmi Apunchic Jesusca:
—Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga. 16Pai ima shina ñucamanta llaquicunata apana cashcataca, ñucallatacmi ricuchisha— nirca.
17Chashna nicpi, Ananiasca Saulo shuyacuc huasiman rishpa, Saulopac uma jahuapi maquita churashpaca:
—Huauqui Saulo. Can caiman shamucucpi, ricuric Apunchic Jesusllatacmi, cambac ñahui cutin ricuchun, shinallatac Diospac Espíritu cambac shungupi junda cachunpish, ñucataca cambacman cacharca— nirca.
18Chashna nicpica, Saulopac ñahui murumantaca pescado concha shina urmacpica, ñahuica ricurcallami. Chashna ñahui ricucpi, jatarishpaca bautizarircami. 19Chashnami ña micushpa sinchiyarishca q'uipaca, tauca punzhacunata Damasco pueblopi caishuc criccunahuan causarca.
Damasco pueblopi Saulo huillai callarishcamanta
20Chaimanta Sauloca israelcuna*f** tandanacuna huasicunapi yaicushpami: “Jesusca Diospac Churimi” nishpa, huillai callarirca.
21Chashna huillacucta uyaccunaca munai mancharinacushpami, paicunapura:
—¿Manachu cai runaca Jesuspac shutipi tucui mañaccunata Jerusalenpi llaquichic carca? Cunanpish, curacunata mandac curacunapacman prezu apangapacmi, caimanca shamushca canga— ninacurcacuna.
22Shina nicta uyashpacarin, Sauloca ashtahuanmi mana manchashpa huillai callarirca. Damasco pueblopi causac israelcunata upalla saquingacamanmi: “Jesusmari Quishpichic Cristoca” nishpa huillarca.
Israelcuna huañuchishun nicucpi, Saulo miticushcamanta
23Ña Saulo unaita huillashpa causacucpimi, israelcuna*f** tandanacushpa, huañuchinata yuyarircacuna. 24Chaimantami tutapish, punzhapish chai pueblomanta llucshina pungucunapica paita chapacurcacuna. Chashna huañuchishun nicuctaca, Sauloca yachac chayarcami. 25Chaimantami criccunaca Saulota shuc jatun canastapi churashpa, chai pueblota jarcashca pirca jahuata uricuchishpa, tuta cacharcacuna.
Jerusalenman Saulo cutishcamanta
26Jerusalenman Saulo ña chayashpaca, criccunahuanmi tandanacusha nirca. Ashtahuanpish criccunaca: “Manarac cricchu canga” nishpami, Saulotaca mancharcacuna. 27Chashna cacpipish, Bernabé runami Saulotaca Jesús acllashca huillaccunapacman pushamurca. Chaipimi Apunchic Jesús Sauloman ñanpi ricurishpa rimashcata, shinallatac Saulo Damascopi mana manchashpa Jesusmanta huillashcatapish, Bernabeca parlarca. 28Chaimantami Sauloca Jerusalenpi caishuc criccunahuan tandanacushpa, llucshin yaicun purirca. 29Sauloca Jerusalenpipish mana manchashpami, Apunchic Jesusmantaca huillarca. Griego*f** rimaita rimac israelcunahuanpish*f** parlanacuc, rimanacucmi carca. Chashna huillacpica, Saulotaca ima shinapish huañuchinatami yuyacurcacuna. 30Criccuna chaita yachashpami, Saulotaca Cesarea pueblocaman pushashpa, Tarso puebloman cacharcacuna.
31Chaimantami Judea llactapi, Galilea llactapi, Samaria llactapi causac tucui criccunaca alli sumacta causarcacuna. Paicunaca Mandac Diosta manchashpa, ashtahuan sinchi criccunami tucurcacuna. Shinallatac Diospac Espíritu pushacushcamanta, ashtahuanmi achca criccuna tucurca.
Eneas runata alliyachishcamanta
32Pedroca tucui criccunata ricushpa puricushpami, Lida pueblopi causac criccunapacman chayagrirca. 33Chai pueblopica, mana cuyuricta ruhuac ung:uihuan pusac huatata ungushca Eneas runatami ricurca. 34Chashna ungushcata ricushpami Pedroca:
—Eneas, cantaca Quishpichic Jesucristomi alliyachin. Jatari, cambac camata tandachi— nicpica, Eneasca jatarishpa shayarircallami.
35Chashna alliyachishcata ricushpaca, Lida pueblopi causaccunapish, Sarón pueblopi causaccunapish tucuimi Apunchic Jesusta crircacuna.
Dorcas huarmita causachishcamanta
36Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca. 37Chashna allita ruhuashpa causacucpimi, shuc ung:ui japicpi huañurca. Pai huañucpica, armachishpa pilluchishpami, shuc ucupi churarcacuna. 38Pedro puricuc Lida puebloca, Jope pueblo cuchullapimi carca. Chaimantami criccunaca Lida pueblopi Pedro cacta yachashpa, Jope puebloman utca c'ayamuchun ishcai runacunata cacharcacuna.
39Chai runacuna “jacu” nicpica, Pedroca paicunahuan rircallami. Pai ña chaiman chayacpica, huañushca velaricuc ucumanmi pusharcacuna. Chai ucuman yaicucpica, viuda huarmicuna Pedrota muyushpami, Dorcas causacushparac ruhuashca churanacunata ricuchishpa huacarcacuna. 40Pedroca tucui chai ucupi caccunata canzhaman llucchishpaca, cungurishpami Taita Diosman mañarca. Chaimanta huañushca huarmita ricungapac tigrarishpaca:
—Tabita, jatari— nicpi, chai huarmica ñahuita pascashpa, Pedrota ricushcahuan jatarishpa tiyarircallami.
41Chashna tiyaricpi, Pedroca maquimanta japishpa jatarichishpaca, viuda huarmicunata caishuc criccunandic c'ayashpaca, ña causarishcatami ricuchirca. 42Chashna ruhuashcata Jope pueblopi tucui causaccuna yachashpaca, achcacunami Apunchic Jesusta crircacuna. 43Pedroca Jope pueblopi carata ñutuyachic Simonpac huasipimi unaicaman carca.
Currently Selected:
HECHOS 9: QXR96
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
HECHOS 9
9
Jesucristota Saulo crishcamanta
(Hch 22.6-16; 26.12-18)
1Sauloca Apunchic Jesusta criccunataca huañuchisha ninataca mana saquircachu. Chaimantami Israel*f** curacunata jatun mandac curapacman rirca. 2Chaiman rishpaca: “Damasco pueblopi tandanacuna huasicunapi yaicushpa, Jesusta c'aticcunata c'aricuna cachun, huarmicuna cachun, cai Jerusalenman prezu apamungapac quillcata cui” nirca.
3Quillcata apashpa, Damasco puebloman ña chayacucpimi, cungailla jahua pachamanta relampa shina, jaguin nishpa, paipac muyundicta achicyachirca. 4Chashna tucucpi, pambaman Saulo urmacpica: “Saulo, Saulo, ¿ima nishpatac ñucata p'iñashpa llaquichicungui?” nishcami uyarirca.
5Shina nicta uyashpa Sauloca:
—¿Pitac cangui Amito?— nirca.
Shina nicpica:
—Ñucaca can p'iñashpa llaquichicuc Jesusmi cani. Canca puya puntapi huagra jaitashpa chugriric shinami, canllatac llaquita apacungui— nirca.
6Shina nicpi, Sauloca manchaihuan chucchushpami:
—Cunanca, ¿imatatac ruhuachun ningui?— nirca.
Shina nicpi, Apunchic Jesusca:
—Jatari, Damasco pueblollamantac ri. Chaipimi can imata ruhuana cashcataca huillanga— nirca.
7Saulohuan caccunaca pita mana ricushpa, rimashcallata uyashpami, munai mancharircacuna. 8Pambamanta Saulo jatarishpa, ñahuita pascashpa ricusha nishpapish, imata mana ricui pudircachu. Chaimantami paihuan caccunaca maquimanta aisashpa, Damascoman pusharcacuna. 9Chaipica quimsa punzhacunacaman ñahui mana ricucpi, imata mana micushpa, mana ubiashpami carca.
10Damasco pueblopica Jesusta cric Ananías runami causarca. Paimanmi Apunchic Jesusca muscuipi shina ricurishpaca:
—Ananías— nirca.
Shina nicpi Ananiasca:
—Caipimi cani, Apunchic Jesús— nirca.
11Shina nicpi, Apunchic Jesusca paitaca:
—Jatari. Derecha shuti ñanman ri. Judaspac huasipi yaicushpa, Tarso pueblomanta Saulo runata tapui. Paica chai huasipimi Taita Diosman mañashpa shuyacun. 12Chai Saulo muscuipi shina ricushpaca, can paipacman yaicushpa ñahui cutin ricuchun, cambac maquita paipac uma jahuapi churactami ricurca— nirca.
13Chashna nicpi Ananiasca:
—Apunchic Jesús. ‘Chai Saulo runaca, Jerusalenpi causac Diospaclla cac criccunata p'iñashpa llaquichicun’ nishpa, taucacuna ninacuctami uyarcani. 14Cunanpish canman mañaccunata huatashpa apangapacmari, curacunata mandac curacunaman quillcata mañashpa shamushca— nirca.
15Chashna nicpipish, cutinmi Apunchic Jesusca:
—Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga. 16Pai ima shina ñucamanta llaquicunata apana cashcataca, ñucallatacmi ricuchisha— nirca.
17Chashna nicpi, Ananiasca Saulo shuyacuc huasiman rishpa, Saulopac uma jahuapi maquita churashpaca:
—Huauqui Saulo. Can caiman shamucucpi, ricuric Apunchic Jesusllatacmi, cambac ñahui cutin ricuchun, shinallatac Diospac Espíritu cambac shungupi junda cachunpish, ñucataca cambacman cacharca— nirca.
18Chashna nicpica, Saulopac ñahui murumantaca pescado concha shina urmacpica, ñahuica ricurcallami. Chashna ñahui ricucpi, jatarishpaca bautizarircami. 19Chashnami ña micushpa sinchiyarishca q'uipaca, tauca punzhacunata Damasco pueblopi caishuc criccunahuan causarca.
Damasco pueblopi Saulo huillai callarishcamanta
20Chaimanta Sauloca israelcuna*f** tandanacuna huasicunapi yaicushpami: “Jesusca Diospac Churimi” nishpa, huillai callarirca.
21Chashna huillacucta uyaccunaca munai mancharinacushpami, paicunapura:
—¿Manachu cai runaca Jesuspac shutipi tucui mañaccunata Jerusalenpi llaquichic carca? Cunanpish, curacunata mandac curacunapacman prezu apangapacmi, caimanca shamushca canga— ninacurcacuna.
22Shina nicta uyashpacarin, Sauloca ashtahuanmi mana manchashpa huillai callarirca. Damasco pueblopi causac israelcunata upalla saquingacamanmi: “Jesusmari Quishpichic Cristoca” nishpa huillarca.
Israelcuna huañuchishun nicucpi, Saulo miticushcamanta
23Ña Saulo unaita huillashpa causacucpimi, israelcuna*f** tandanacushpa, huañuchinata yuyarircacuna. 24Chaimantami tutapish, punzhapish chai pueblomanta llucshina pungucunapica paita chapacurcacuna. Chashna huañuchishun nicuctaca, Sauloca yachac chayarcami. 25Chaimantami criccunaca Saulota shuc jatun canastapi churashpa, chai pueblota jarcashca pirca jahuata uricuchishpa, tuta cacharcacuna.
Jerusalenman Saulo cutishcamanta
26Jerusalenman Saulo ña chayashpaca, criccunahuanmi tandanacusha nirca. Ashtahuanpish criccunaca: “Manarac cricchu canga” nishpami, Saulotaca mancharcacuna. 27Chashna cacpipish, Bernabé runami Saulotaca Jesús acllashca huillaccunapacman pushamurca. Chaipimi Apunchic Jesús Sauloman ñanpi ricurishpa rimashcata, shinallatac Saulo Damascopi mana manchashpa Jesusmanta huillashcatapish, Bernabeca parlarca. 28Chaimantami Sauloca Jerusalenpi caishuc criccunahuan tandanacushpa, llucshin yaicun purirca. 29Sauloca Jerusalenpipish mana manchashpami, Apunchic Jesusmantaca huillarca. Griego*f** rimaita rimac israelcunahuanpish*f** parlanacuc, rimanacucmi carca. Chashna huillacpica, Saulotaca ima shinapish huañuchinatami yuyacurcacuna. 30Criccuna chaita yachashpami, Saulotaca Cesarea pueblocaman pushashpa, Tarso puebloman cacharcacuna.
31Chaimantami Judea llactapi, Galilea llactapi, Samaria llactapi causac tucui criccunaca alli sumacta causarcacuna. Paicunaca Mandac Diosta manchashpa, ashtahuan sinchi criccunami tucurcacuna. Shinallatac Diospac Espíritu pushacushcamanta, ashtahuanmi achca criccuna tucurca.
Eneas runata alliyachishcamanta
32Pedroca tucui criccunata ricushpa puricushpami, Lida pueblopi causac criccunapacman chayagrirca. 33Chai pueblopica, mana cuyuricta ruhuac ung:uihuan pusac huatata ungushca Eneas runatami ricurca. 34Chashna ungushcata ricushpami Pedroca:
—Eneas, cantaca Quishpichic Jesucristomi alliyachin. Jatari, cambac camata tandachi— nicpica, Eneasca jatarishpa shayarircallami.
35Chashna alliyachishcata ricushpaca, Lida pueblopi causaccunapish, Sarón pueblopi causaccunapish tucuimi Apunchic Jesusta crircacuna.
Dorcas huarmita causachishcamanta
36Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca. 37Chashna allita ruhuashpa causacucpimi, shuc ung:ui japicpi huañurca. Pai huañucpica, armachishpa pilluchishpami, shuc ucupi churarcacuna. 38Pedro puricuc Lida puebloca, Jope pueblo cuchullapimi carca. Chaimantami criccunaca Lida pueblopi Pedro cacta yachashpa, Jope puebloman utca c'ayamuchun ishcai runacunata cacharcacuna.
39Chai runacuna “jacu” nicpica, Pedroca paicunahuan rircallami. Pai ña chaiman chayacpica, huañushca velaricuc ucumanmi pusharcacuna. Chai ucuman yaicucpica, viuda huarmicuna Pedrota muyushpami, Dorcas causacushparac ruhuashca churanacunata ricuchishpa huacarcacuna. 40Pedroca tucui chai ucupi caccunata canzhaman llucchishpaca, cungurishpami Taita Diosman mañarca. Chaimanta huañushca huarmita ricungapac tigrarishpaca:
—Tabita, jatari— nicpi, chai huarmica ñahuita pascashpa, Pedrota ricushcahuan jatarishpa tiyarircallami.
41Chashna tiyaricpi, Pedroca maquimanta japishpa jatarichishpaca, viuda huarmicunata caishuc criccunandic c'ayashpaca, ña causarishcatami ricuchirca. 42Chashna ruhuashcata Jope pueblopi tucui causaccuna yachashpaca, achcacunami Apunchic Jesusta crircacuna. 43Pedroca Jope pueblopi carata ñutuyachic Simonpac huasipimi unaicaman carca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.