SAN JUAN 5

Mana cuyuricta ruhuac ung:ui japishca runata Jesús alliyachishcamanta

1Chai q'uipaca, israelcuna*f** Jerusalén pueblopi Diosman mañangapac tandanacushcamanmi, Jesuspish rirca. 2Jerusalenpica ovejacuna ucuman yaicuna pungu cuchupimi, shuc uchilla yacu cucha tiyan. Chai cuchaca hebreo*f** rimaipica Betzata shutimi can. Chai cucha muyundictaca, pichca corredor shinata ruhuashpa c'atashcami can. 3Chai c'atashca ucupica tauca ungushcacunami tiyac carca. Chaicunaca ñahui mana ricuccuna, suchucuna, shinallatac mana cuyuricta ruhuac ung:ui japishcacunapish carca.#5.3 Maijan quillcacunaca: “Paicunaca yacu cuyurictami shuyaccuna carca” nishpami, versículo 4 tapish yapachincuna. Chaipica: “Chai cuchamanca shuc angelmi jahua pachamanta shamushpa, maijan cutinlla yacuta cuyuchic carca. Chashna cuyuchicpica, maijanpish utca yacuman yaicucmi ima ung:uimantapish alliyac carca” ninmi.

5Chaipica, quimsa chunga pusac huatata ungushca shuc runami tiyarca. 6Jesusca chai runata siricucta ricushpaca, unai huatacunata ungushca cashcatami yacharca. Chaimantami chai runataca:

—¿Alliyasha ninguichu?— nirca.

7Shina tapucpi, chai ungushca runaca:

—Amito. Yacu cuyuricpi, ñucata chaipi yaicuchichunca, pita mana charinichu. Ñuca yacuman yaicungacamanca shuccunaracmi atishpa yaicun— nirca.

8Shina nicpi Jesusca:

—Jatari. Canta huandumushcata apashpa rilla— nirca.

9Chashna nincami, chai runaca alliyashpa, paita huandumushcata apashpa puri callarircalla. Ashtahuanpish chai punzhaca samana punzhami*f** carca. 10Chaimantami chai alliyashca runata mandac israelcunaca:*f**

—Cunanca samana punzhami. Canta huandumushcataca mana apanachu cangui— nircacuna.

11Shina nicpi chai runaca:

—Ñucata alliyachicmi ‘canta huandumushcata apashpa rilla’ nicpi, apashpa ricuni— nirca.

12Shina nicpi paicunaca:

—¿Pitac ‘canta huandumushcata apashpa rilla’ nircayari?— nircacuna.

13Jesusca achca gentecuna chaipi cacpimi, chingarishca carca. Chaimantami chai alliyashca runaca pi paita alliyachishcataca mana yacharca. 14Chai q'uipami, Diosman mañana huasipi chai runahuan Jesús tupashpaca:

—Uyai, cunanca ña alli tucushcami cangui. Ama ashtahuan juchallinguichu. Chashna juchallishpaca, ashtahuanmi llaquita apangui— nirca.

15Chaimanta chai runa rishpaca, mandac israelcunamanmi: “Jesusmi alliyachirca” nishpa huillarca. 16Samana punzhapi Jesús alliyachishcamantami paitaca p'iñai callarircacuna. 17Ashtahuanpish Jesusca:

—Ñuca Taitaca cunancamanmi caicunataca ruhuacun. Chaimantami ñucapish caicunata ruhuacuni— nirca.

18Jesús shina nicpica, mana samana punzhapi chai runata alliyachishcallamantachu p'iñai callarircacuna, ashtahuanpish “ñuca Taitaca Diosmi” nishpa Dios shina tucushcamantami, mandac israelcunaca ashtahuan p'iñashpa, Jesustaca huañuchinata yuyarcacuna.

Jesuspac maquipi Taita Diosca tucui ruhuanata churashcamanta

19Chashna p'iñacpi, Jesusca cashna nirca:

—Ñucaca Diospac Churi cashpapish, ñuca munaimantaca imata mana ruhuanichu, ashtahuanpish ñuca Taita ruhuacta ricushpallami, imatapish ruhuani. Imatami ñuca Taita ruhuan, chaitami ñucapish ruhuani. Chaica chashnatacmi can. 20Ñuca Taitaca ñucata c'uyashcamantami, pai tucui imalla ruhuacushcataca ñucamanca ricuchin. Ashtahuanpish caicunamanta yalli ruhuashcacunatapish ricuchingaracmi. Chaita ricushpaca, cancunaca mana amirishpami saquiringuichic. 21Ima shinami ñuca Taitaca huañushcacunata causachishpa causaita cun, shinallatacmi ñucapish paipac Churi cashpa, causaita maijanman cusha nishpaca cuni. 22Ñuca Taitaca pita imata mana taripangachu, ashtahuanpish tucui imata taripana cashcataca ñucamanmi cushca. 23Shina cashcamantami ñuca Taitaman maijanpish cungurisha niccunaca, Churiman cunguringacuna. Maijanpish Churiman mana cunguricca, ñucata cachac Taitamanpish mana cungurinchu.

24Maijanpish ñuca nishcata uyashpa ñucata cachac Taitatapish cricca, huiñai causaita charinmi. Paica huañushcamanta causaiman chimbashca cashcamantami, llaqui pachamanca mana cachashca canga. Chaica chashnatacmi can. 25Huañushca shina causaccuna Diospac Churi rimashcata uyana pachaca, ña chayamucunmi. Chaita uyana pachaca cunanllatacmi. Chaita uyaccunaca causaita charingami. Chaica chashnatacmi can. 26Ima shinami ñuca Taitaca causaita cun, shinallatacmi ñucamanpish causaita cuchun curca. 27Runa Tucungapac shamushca*f** ñuca cashcamantami, ñuca Taitaca taripana cashcataca ñucaman curca. 28Tucui huañushcacuna ñuca rimashcata uyana pachaca, ña chayamucunmi. Chaimanta ñuca nishcata uyashcallamantaca ama mancharichicchu. 29Huañushcacuna causarina punzhapica, allita ruhuaccunaca causaita japingapacmi enterrashcamanta causaringacuna, ashtahuanpish mana allita ruhuaccunaca llaqui pachaman cachashca cangapacmi enterrashcamanta causaringacuna.

Jesús pi cashcata huillaccunamanta

30Ñuca munaimantaca imata mana ruhuanichu. Shina cashcamantami, ñucata cachac Taitapac munashcata ruhuashpa, ñuca munashcataca mana ruhuani. Taita Dios nishca shinami gentecunataca alli cashcata, mana alli cashcataca nini. Chaimantami ñuca taripashcaca chashnatac can. 31Ñuca quiquinllamanta imata nishca cacpica, ima nishcapish yangallami canman. 32Ashtahuanpish ñucamanta huillacca, shucmi. Chai huillacca ñuca ima shina cashcatatac huillacmi. 33Cancuna Juanman ñucamanta tapuchun cachacpica, paica mana llullashpami chashna cashcatatac huillarca. 34Mana gentecuna huillashca alli cashcallamantachu Juan huillashcata nini, ashtahuanpish cancuna quishpirichunmi, pai huillashcataca huillani. 35Juan huillashcaca shuc micha japirishpa, achicyachicuc shinami carca. Chaitami cancunaca ashacamanlla cushicushpa uyarcanguichic. 36Shina cacpipish ñuca pi cashcata ricuchingapacca, Juan huillashcata yalli ricuchictami charini. Ñucaca ñuca Taita ruhuachun nishcacunallatami ruhuacuni. Chai ruhuashcacunami ñuca Taita cachashcatapish, ñuca pi cashcatapish ricuchin.

37Ñucata cachac Taitapish ñucamantami huillan. Shina cacpipish cancunaca jaicapi paitaca mana ricushcanguichicchu, shinallatac pai rimashcatapish mana uyashcanguichicchu. 38Taita Dios ñucata cachashcata mana crishcamantami, pai huillashcatapish cancunapac shungupica mana charinguichic. 39Shina cashpapish huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunaca ñucamantami huillan. 40Cancuna chai causaita charingapacpish, ñucapacmanca mana shamushun ninguichicchu.

41Gentecunalla ñucata alli nichunca mana munanichu. 42Cancuna ima shina causactapish, Taita Diosta manatac c'uyac cashcatapish yachanimi. 43Ñuca Taita cachashca shamucpipish, mana chasquinguichicchu, ashtahuanpish shuc runa pai quiquinllamanta huillashpa shamucpica chasquinguichicmanmi. 44Cancunaca caishuc chaishuc alli ninacunallatami munanguichic, ashtahuanpish shuclla Taita Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari? 45Ñucallatac ñuca Taitapac ñaupapi juchanchina cashcataca ama yuyanguichicchu. Cancunata ‘ñaupa taita Moisés alli ningallami’ nishpa shuyacucpipish, Moisesllatacmi cancuna mana allita ruhuashcataca juchanchinga. 46Moisés nishcata crishpaca, ñucatapish cringuichicmanmi. Moisesca ñucallamantatacmi quillcarca. 47Pai quillcashcata mana crishpaca, ¿ima shinatac ñuca nishcataca cringuichicyari?— nirca.

Currently Selected:

SAN JUAN 5: QXR96

Highlight

Copy