SAN LUCAS 17
17
Juchapi mana urmachina cashcamanta
(Mt 18.6-7,21-22; Mr 9.42)
1Jesusca paipac yachacuccunataca: “Juchapi urmachic millai munaicunaca tiyangallatacmi. Shina cacpipish shuccunata maijanpish juchapi urmachicca, ¡aij, imachari tucunga! 2Huahuacuna shina ñucata criccunata maijanpish juchapi urmachictaca, cutana rumita cungapi huatashpa, jatun cuchapi shitanami ashtahuan alli canman. 3Pacta ima mana allita ruhuashpa, shuccunata pandachinguichicman.
Maijanpish cancunapuramanta canta ima mana allita ruhuacpica: ‘Ama chashna ruhuaichu’ nishpa rimangui. Chaita uyashpa alli tucucpica, perdonanguilla. 4Shuc punzhapi canchis cutin canta mana allita ruhuashpa, shinallatac canchis cutinllatac: ‘Perdonai, ña mana chashna ruhuashachu’ nishpa shamucpica, perdonanguilla” nirca.
Ashtahuan crina yuyaita cuchun Jesusman mañashcamanta
5Paimanta huillachun Apunchic Jesús acllashcacunaca:
—Ñucanchicman ashtahuan crina yuyaita cuiyari— nircacuna.
6Shina nicpi Apunchic Jesusca:
—Uchilla mostaza muyu shina ashallatapish crishpaca, cai jatun sicómoro yurata: ‘Caimanta anchuri, jatun cuchapi shayarigri’ nicpica, cazushpa shayarigrinmanllami.
Shuc servic ima shina canamanta
7Maijan cancuna shuc servicta charishpaca, pai yapushpa, mana cashpaca michishpa cutimucpica: ‘Shamui, ña micungapac tiyarilla’ mana ninguichicmanchu. 8Chashna ninapac randica: ‘Utca mudarishpa, micunata ruhuashpa, ñucamanrac carai, ubiachi, chai q'uipa canca micunguillami, ubianguillami’ ninguichicmanmi. 9Chashna mandashcata ruhuashcamantapish, paitaca mana diosolopagui ninguichicmanchu. 10Shinallatacmi cancunapish, Taita Dios tucui ima nishcacunata ruhuashpapish: ‘Ñucanchicca imata ruhuana cashcallatami ruhuashcanchic. Alli serviccuna shinaca, mana canchicchu’ ninami canguichic— nirca.
Lepra ung:uihuan cac chunga runacunata Jesús alliyachishcamanta
11Jerusalén puebloman Jesús ricushpaca, Samaria llactahuan, Galilea llactahuan tiyac chaupitami rirca. 12Chashna rishpa, asha huasicuna tiyacman ña chayacucpimi, lepra*f** ung:uihuan cac chunga runacunaca Jesushuan tupangapac shamurcacuna. Paicunaca Jesuspacman mana cuchuyashpami, carullapi shayarircacuna. 13Chai ungushcacunaca:
—¡Yachachic Jesuslla, ñucanchicta llaquiyari!— nishpami caparircacuna.
14Chashna caparicpimi, Jesús paicunata ricushpaca:
—Richic, Israel*f** curacunaman ricuchigrichic— nirca.
Chashna nicpi, paicunaca ñanta ricushpallatacmi alli tucurcacuna. 15Chai alliyashcacunapuramanta shuc runa pai alli tucushcata ricushpaca, Taita Diosta alli nishpa caparishpami, Jesuspacman cutimurca. 16Chashna cutimushpaca, Jesuspac ñaupapi cungurishpami, pambacaman cumurishpa diosolopagui nirca. Ashtahuanpish chai runaca, Samaria*f** llacta runami carca.
17Chashna cunguricpimi Jesusca:
—¿Maipitac caishuc iscuncunaca? Chungatami alliyachircani. 18Cai mana Israel runami, Taita Diosta alli ningapacca cutimushca, ashtahuanpish israelcunaca mana cutimushcacunachu— nirca.
19Chashna nishpa Jesusca chai runataca:
—Can ñuca alliyachinata crishcamantami alliyashcangui. Cunanca jatarishpa rilla— nishpa cacharca.
Taita Dios mandanamanta Jesusman tapushcamanta
(Mt 24.23-28,36-41)
20Fariseocuna*f** Jesusman tapushpaca:
—¿Ima punzhatac Taita Diosca mandangapac shamungayari?— nishpa tapurcacuna.
Chashna tapucpimi Jesusca:
—Taita Dios ima shina mandacuctaca, mana ricuipacllachu. 21‘Caipimi, chaipimi ña mandacun’ nishcapish, mana uyaringachu. Ashtahuanpish Taita Diosca ñami cancunapac chaupipi mandacun— nirca.
22Chai q'uipami Jesusca paipac yachacuccunataca:
—Llaquita apana punzhacuna chayamucpica, Runa Tucungapac shamushca*f** ñuca mandacuctaca shuc punzhallapish ricunatami yuyangacuna. Chashna yuyashpapish, mana ricungacunachu. 23‘Cristoca caipimi, chaipimi’ ningacunami. Chaitaca ricungapacllapish, ama ringuichicchu. 24Ashtahuanpish Runa Tucungapac shamushca ñuca cutimuna punzhapica, relampa jaguin nishpa tucuita achicyachic shinami, ñuca shamucucta maimantapish ricungacuna. 25Chashna cutimungapacpish, cunan punzha causaccuna p'iñashcamanta llaquicunata apanaracmi can. 26Ima shinami ñaupa taita Noé causai punzhacunapi tucurca, chashnallatacmi Runa Tucungapac shamushca ñuca cutimuna punzhacunapipish canga. 27Noé causai punzhacunapica, jatun huambuc huasiman taita Noé yaicungacamanmi, gentecunaca micushpa, ubiashpa, cazarashpa causacurcacuna. Chashna causacucpi, Noé jatun huambuc huasiman yaicushca q'uipaca, Taita Diosca yacu juizhuhuanmi tucuita tucuchirca. 28Shinallatacmi ñaupa taita Lot causai punzhacunapipish, allita micushpa, ubiashpa, c'atushpa, randishpa, tarpushpa, huasichishpa causacurcacuna. 29Chashna causacucpimi, Lot ña Sodoma pueblomanta llucshicpica, Taita Diosca jahua pachamanta ninahuan, azufrehuan tamiachishpa, chai pueblopi causaccunataca tucuchirca. 30Chashnallatacmi Runa Tucungapac shamushca cutimuna punzhapipish canga.
31Chashna tucuna punzhapica, maijanpish huasi jahuapi*f** cashpaca, ucupi ima tiyacta apangapacca ama yaicuchun. Shinallatac maijanpish chagrapi cashpaca, huasiman ama cutimuchun. 32Lotpac huarmi ima tucushcataca yuyarichic. 33Maijanpish quiquin causaita llaquicca chingaringami, ashtahuanpish quiquin causaita mana llaquicca, huiñaitami causanga.
34Cancunaman ninimi: Chai tutaca shuc camapi ishcai suiñucuccunamantapish, shucca apashca, shucca saquishcami canga. 35Shinallatac ishcai huarmicunami cutacunga. Paicunamantaca shucca apashca, shucca saquishcami canga. 36Shinallatac ishcai runacunami chagrapi canga. Paicunamantaca shucca apashca, shucca saquishcami canga— nirca.
37Chashna nicta uyashpaca:
—Apunchic Jesús, ¿maipitac chashnaca tucunga?— nicpica:
—Maipimi huañushca tiyan, chaipimi ushcucunaca tandanacuncuna— nirca.
Currently Selected:
SAN LUCAS 17: QXR96
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
SAN LUCAS 17
17
Juchapi mana urmachina cashcamanta
(Mt 18.6-7,21-22; Mr 9.42)
1Jesusca paipac yachacuccunataca: “Juchapi urmachic millai munaicunaca tiyangallatacmi. Shina cacpipish shuccunata maijanpish juchapi urmachicca, ¡aij, imachari tucunga! 2Huahuacuna shina ñucata criccunata maijanpish juchapi urmachictaca, cutana rumita cungapi huatashpa, jatun cuchapi shitanami ashtahuan alli canman. 3Pacta ima mana allita ruhuashpa, shuccunata pandachinguichicman.
Maijanpish cancunapuramanta canta ima mana allita ruhuacpica: ‘Ama chashna ruhuaichu’ nishpa rimangui. Chaita uyashpa alli tucucpica, perdonanguilla. 4Shuc punzhapi canchis cutin canta mana allita ruhuashpa, shinallatac canchis cutinllatac: ‘Perdonai, ña mana chashna ruhuashachu’ nishpa shamucpica, perdonanguilla” nirca.
Ashtahuan crina yuyaita cuchun Jesusman mañashcamanta
5Paimanta huillachun Apunchic Jesús acllashcacunaca:
—Ñucanchicman ashtahuan crina yuyaita cuiyari— nircacuna.
6Shina nicpi Apunchic Jesusca:
—Uchilla mostaza muyu shina ashallatapish crishpaca, cai jatun sicómoro yurata: ‘Caimanta anchuri, jatun cuchapi shayarigri’ nicpica, cazushpa shayarigrinmanllami.
Shuc servic ima shina canamanta
7Maijan cancuna shuc servicta charishpaca, pai yapushpa, mana cashpaca michishpa cutimucpica: ‘Shamui, ña micungapac tiyarilla’ mana ninguichicmanchu. 8Chashna ninapac randica: ‘Utca mudarishpa, micunata ruhuashpa, ñucamanrac carai, ubiachi, chai q'uipa canca micunguillami, ubianguillami’ ninguichicmanmi. 9Chashna mandashcata ruhuashcamantapish, paitaca mana diosolopagui ninguichicmanchu. 10Shinallatacmi cancunapish, Taita Dios tucui ima nishcacunata ruhuashpapish: ‘Ñucanchicca imata ruhuana cashcallatami ruhuashcanchic. Alli serviccuna shinaca, mana canchicchu’ ninami canguichic— nirca.
Lepra ung:uihuan cac chunga runacunata Jesús alliyachishcamanta
11Jerusalén puebloman Jesús ricushpaca, Samaria llactahuan, Galilea llactahuan tiyac chaupitami rirca. 12Chashna rishpa, asha huasicuna tiyacman ña chayacucpimi, lepra*f** ung:uihuan cac chunga runacunaca Jesushuan tupangapac shamurcacuna. Paicunaca Jesuspacman mana cuchuyashpami, carullapi shayarircacuna. 13Chai ungushcacunaca:
—¡Yachachic Jesuslla, ñucanchicta llaquiyari!— nishpami caparircacuna.
14Chashna caparicpimi, Jesús paicunata ricushpaca:
—Richic, Israel*f** curacunaman ricuchigrichic— nirca.
Chashna nicpi, paicunaca ñanta ricushpallatacmi alli tucurcacuna. 15Chai alliyashcacunapuramanta shuc runa pai alli tucushcata ricushpaca, Taita Diosta alli nishpa caparishpami, Jesuspacman cutimurca. 16Chashna cutimushpaca, Jesuspac ñaupapi cungurishpami, pambacaman cumurishpa diosolopagui nirca. Ashtahuanpish chai runaca, Samaria*f** llacta runami carca.
17Chashna cunguricpimi Jesusca:
—¿Maipitac caishuc iscuncunaca? Chungatami alliyachircani. 18Cai mana Israel runami, Taita Diosta alli ningapacca cutimushca, ashtahuanpish israelcunaca mana cutimushcacunachu— nirca.
19Chashna nishpa Jesusca chai runataca:
—Can ñuca alliyachinata crishcamantami alliyashcangui. Cunanca jatarishpa rilla— nishpa cacharca.
Taita Dios mandanamanta Jesusman tapushcamanta
(Mt 24.23-28,36-41)
20Fariseocuna*f** Jesusman tapushpaca:
—¿Ima punzhatac Taita Diosca mandangapac shamungayari?— nishpa tapurcacuna.
Chashna tapucpimi Jesusca:
—Taita Dios ima shina mandacuctaca, mana ricuipacllachu. 21‘Caipimi, chaipimi ña mandacun’ nishcapish, mana uyaringachu. Ashtahuanpish Taita Diosca ñami cancunapac chaupipi mandacun— nirca.
22Chai q'uipami Jesusca paipac yachacuccunataca:
—Llaquita apana punzhacuna chayamucpica, Runa Tucungapac shamushca*f** ñuca mandacuctaca shuc punzhallapish ricunatami yuyangacuna. Chashna yuyashpapish, mana ricungacunachu. 23‘Cristoca caipimi, chaipimi’ ningacunami. Chaitaca ricungapacllapish, ama ringuichicchu. 24Ashtahuanpish Runa Tucungapac shamushca ñuca cutimuna punzhapica, relampa jaguin nishpa tucuita achicyachic shinami, ñuca shamucucta maimantapish ricungacuna. 25Chashna cutimungapacpish, cunan punzha causaccuna p'iñashcamanta llaquicunata apanaracmi can. 26Ima shinami ñaupa taita Noé causai punzhacunapi tucurca, chashnallatacmi Runa Tucungapac shamushca ñuca cutimuna punzhacunapipish canga. 27Noé causai punzhacunapica, jatun huambuc huasiman taita Noé yaicungacamanmi, gentecunaca micushpa, ubiashpa, cazarashpa causacurcacuna. Chashna causacucpi, Noé jatun huambuc huasiman yaicushca q'uipaca, Taita Diosca yacu juizhuhuanmi tucuita tucuchirca. 28Shinallatacmi ñaupa taita Lot causai punzhacunapipish, allita micushpa, ubiashpa, c'atushpa, randishpa, tarpushpa, huasichishpa causacurcacuna. 29Chashna causacucpimi, Lot ña Sodoma pueblomanta llucshicpica, Taita Diosca jahua pachamanta ninahuan, azufrehuan tamiachishpa, chai pueblopi causaccunataca tucuchirca. 30Chashnallatacmi Runa Tucungapac shamushca cutimuna punzhapipish canga.
31Chashna tucuna punzhapica, maijanpish huasi jahuapi*f** cashpaca, ucupi ima tiyacta apangapacca ama yaicuchun. Shinallatac maijanpish chagrapi cashpaca, huasiman ama cutimuchun. 32Lotpac huarmi ima tucushcataca yuyarichic. 33Maijanpish quiquin causaita llaquicca chingaringami, ashtahuanpish quiquin causaita mana llaquicca, huiñaitami causanga.
34Cancunaman ninimi: Chai tutaca shuc camapi ishcai suiñucuccunamantapish, shucca apashca, shucca saquishcami canga. 35Shinallatac ishcai huarmicunami cutacunga. Paicunamantaca shucca apashca, shucca saquishcami canga. 36Shinallatac ishcai runacunami chagrapi canga. Paicunamantaca shucca apashca, shucca saquishcami canga— nirca.
37Chashna nicta uyashpaca:
—Apunchic Jesús, ¿maipitac chashnaca tucunga?— nicpica:
—Maipimi huañushca tiyan, chaipimi ushcucunaca tandanacuncuna— nirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.