SAN LUCAS 19
19
Zaqueo runahuan Jesús parlanacushcamanta
1Jesús ña Jericoman yaicushpaca, chai pueblo chaupitami ricurca. 2Chai pueblopimi Roma*f** llactaman impuestota japiccunata mandac, Zaqueo shuti chayuc runapish causarca. 3Chai Zaqueo runaca uchilla cashcamantami, Jesusta ricusha nishpapish, tauca gentecuna Jesushuan cacpi mana ricui pudirca. 4Chaimanta ñaupashpa callpashpa rishpami, Jesusta ricungapac sicómoro yura jahuaman huichicurca. Jesusca chaitami rina carca. 5Ña chaita Jesús pasacushpami, yura jahuata huichailla ricushpaca:
—Zaqueo, utca uricui. Cunanca cambac huasipimi pozangapac rina cani— nirca.
6Chashna nicpi Zaqueo uricushcahuanmi, Jesustaca cushicushpa paipac huasiman pushashpa rirca. 7Chaita ricuc tucui gentecunami:
—Juchasapa runapac huasiman Jesús yaicushpaca, mana allitami ruhuan— nishpa, huashalla rimarcacuna.
8Chai q'uipami Zaqueoca jatarishpa, Apunchic Jesustaca cashna nirca:
—Apunchic Jesús, ñuca charishcacunamantaca chaupitami huacchacunaman cugrini. Shinallatac maijancunamanta umashpa shuhuashcatapish, chuscu cutin yallihuanmi cutichisha nini— nirca.
9Chashna nicpimi Jesusca:
—Cai runapish, ñaupa taita Abrahampac huahua huahuatacmi can. Cunan punzhami quishpirinaca cai huasipi causaccunaman chayamushca. 10Runa Tucungapac shamushca*f** ñucaca, juchapi chingarishcacunata mashcashpa, quishpichingapacmi shamurcani— nirca.
Chunga cullquimanta Jesús chimbapurashpa parlashcamanta
(Mt 25.14-30)
11Jesús ña Jerusalenman chayagricushcamantami, chai tucuita uyacuccunaca: “Taita Dios mandanaca ñami chayamugrin” nishpa yuyarcacuna. Chaimantami Jesusca cai yuyaita japina parlota parlarca: 12“Mandaccunapuramanta shuc alli nishca runami, paipac llactata mandanata chasquishpa, cutimungapac caru llactaman rirca. 13Chai runa manarac rishpami, paita serviccunamanta chunga runacunata c'ayashpaca: ‘Caicachic, cai cullquicunahuan randishpa, c'atushpa, ñuca cutimungacaman mirachicuichic’ nirca. Chashna nishpami, caishucman chaishucman shuc mina*f** cullquita saquirca. 14Pai ña ricpica, chai llactapi causac gentecuna paita p'iñashcamantami: ‘Cai runa ñucanchicta mandac shamuchunca, mana munanchicchu’ nishpa, huillaccunata q'uipaman cacharcacuna. 15Chashna nishpa cachacpipish, chai runaca mandac tucushpami cutimurca. Ña cutimushpaca, chai saquishca cullquicunamanta mashna mirachishcata yachangapacmi, tucui chunga runacunata c'ayachun cacharca. 16Chashna c'ayachicpimi, punta shamuc runaca: ‘Amito, can saquishca cullquitaca, chunga cutinhuanmi mirachircani’ nirca. 17Chashna nicpi chai mandacca: ‘Canca alli runami cangui. Allitami ruhuashcangui. Ashallata mingacpipish, alli ruhuashcamantaca chunga pueblocunatami mandangui’ nirca. 18Cutin shuc shamushpaca: ‘Amito, can saquishca cullquitaca, pichca cutinhuanmi mirachircani’ nirca. 19Chashna nicpi chai mandacca: ‘Shinallatac canca pichca pueblocunatami mandangui’ nirca. 20Cutin shuc shamushpaca: ‘Amito, caipimi cambac cullqui. Ñucaca alli quipishpami huacaichircani. 21Imatapish cambac nishcahuan manapish cushpa chasquiclla, manapish tarpushpa tandaclla cashcamantami, canta manchashpa chashna ruhuarcani’ nirca. 22Chashna nicpi chai mandacca: ‘Mana allita ruhuac runami cangui. Chashna nishpaca, canllatacmi llaquita apangui. Ñuca nishcahuanca manapish cushpa chasquiclla cashcata, manapish tarpushcata tandaclla cashcataca yachashcanguimi. 23¿Chaita yachashca jahuachu ñuca saquishca cullqui mirarichunca, bancollapipish mana churarcangui? Ñuca cutimushpaca, chai mirarishca cullquindicmi chasquiman carcani’ nirca. 24Chashna nishpami, chaipi caccunataca: ‘Cai runamanta cullquita quichushpa, chai chunga cullquita mirachicman cuichic’ nirca. 25Chashna nicpi chai runacunaca: ‘Amito, paica ñamari chunga cullquita charin’ nircacuna. 26Chashna nicpi, chai mandacca cashnami nirca: ‘Charicmanmi, ashtahuan cushca canga. Mana charicmantaca, ashallata charishcatapish quichushcami canga, ninimi. 27Chashnallatac ñucata p'iñashcamanta mana mandac cachun niccunataca caiman apamushpa, ñuca ñaupapi cungata p'itishpa huañuchichic’ ” nirca.
Jerusalén puebloman Jesús yaicushcamanta
(Mt 21.1-11; Mr 11.1-11; Jn 12.12-19)
28Chashna nishca q'uipami, Jesusca yachacuccunapac ñaupata Jerusalenman rirca. 29Betfagé pueblo, Betania pueblo cuchulla, Olivos urcumanmi chayarcacuna. Chaimantaca Jesusca paipac yachacuccunapuramanta ishcaitami cacharca. Chashna cachashpaca:
30—Chai chimbapi cac ashalla huasicunaman richic. Chaiman chayacpica, pi manarac montashca shuc burromi huatashca shayacunga. Chai burrota cacharishpa apamugrichic. 31Cacharicucpi maijanpish ricushpa: ‘¿Imapactac aparicunguichic?’ nicpica: ‘Apunchic Jesús apamugrichic nicpimi, apacunchic’ ninguichiclla— nirca.
32Chashna nicpi yachacuccuna ña rishpaca, Jesús nishca shinallatacmi burro shayacucta tarircacuna. 33Ña cacharicucpimi, dueñocunaca:
—¿Imapactac burrotaca cacharicunguichic?— nircacuna.
34Chashna nicpica:
—Apunchic Jesús apamugrichic nicpimi, apacunchic— nircacuna.
35Ña Jesuspacman apamushpaca, churanacunata burropi sudashpami, Jesusta montachircacuna. 36Jesús montashca ricucpimi, paihuan riccunaca paicunapac churanacunata Jesús rina ñanpi tendircacuna. 37Jesús Olivos urcu cuchuta urai rishpa, Jerusalenman ña chayagricucpimi, tucui paita c'atishpa riccunaca cushicushpa Taita Diosta “allimari cangui” nishpa caparircacuna. Pi mana ruhuaipaccunata Jesús ruhuashcata ricushcamantami, chashna caparircacuna. 38Chashna Jesusta caparicushpaca:
—Taita Dios cachashca shamucuc Jatun Mandac, ¡cantaca alli nishca cachun! ¡Jahua pachapipish alli sumac cushicui cachun! ¡Taita Diostapish alli nishca cachun!— nishpami caparircacuna.
39Chashna caparinacucpimi, gentecunapuramanta maijan fariseocunaca:*f**
—Yachachic, cambac yachacuccunataca upalla cachun niyari— nircacuna.
40Chashna nicpi Jesusca:
—Paicuna upallacpica, rumicunami caparinga— nirca.
41Jesús ña Jerusalenman chayagrishpaca, chai pueblota ricushpami cashna nishpa huacarca: 42“¡Cai pueblopi causaccunalla! Taita Dios cancunaman sumac causaita cuna cashcata cunan punzhallapish yachashpaca, allichari canguichicman, ashtahuanpish cancunaca yuyai pacashca shina cashpami, mana entendinguichic. 43Llaqui punzhacuna chayamucpica, cancunata p'iñaccuna shamushpaca, muyundicta jarcashpami macangacuna. 44Cai pueblota urmachishpa, tucui caipi causaccunata huañuchingacunami. Shuc rumillapish pircashcaca mana saquiringachu. Taita Dios quishpichingapac shamucpi mana chasquishcamantami, chashna llaquita apanguichic” nirca.
Diosman mañana huasipi c'atuccunata llucchishpa cachashcamanta
(Mt 21.12-17; Mr 11.15-19; Jn 2.13-22)
45Chai q'uipami Jesusca Diosman mañana huasiman yaicushpa, tucui chaipi c'atuccunatapish, randiccunatapish llucchishpa cachai callarirca. 46Chashna ruhuashpaca: “Dios quillcachishcapica: ‘Ñuca huasica, ñucaman mañana huasimi canga’ ninmi. Ashtahuanpish cancunaca cai huasitaca, shuhuacuna miticuna machai shinatami ruhuashcanguichic” nirca.
47Jesusca tucui punzhacunami Diosman mañana huasipi yachachic carca. Chashna yachachicucpipish curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurcacuna. 48Ashtahuanpish Jesús huillacucta tucui gentecuna alli uyacushcamantami, paicunaca imata mana ruhuai pudircacuna.
Currently Selected:
SAN LUCAS 19: QXR96
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
SAN LUCAS 19
19
Zaqueo runahuan Jesús parlanacushcamanta
1Jesús ña Jericoman yaicushpaca, chai pueblo chaupitami ricurca. 2Chai pueblopimi Roma*f** llactaman impuestota japiccunata mandac, Zaqueo shuti chayuc runapish causarca. 3Chai Zaqueo runaca uchilla cashcamantami, Jesusta ricusha nishpapish, tauca gentecuna Jesushuan cacpi mana ricui pudirca. 4Chaimanta ñaupashpa callpashpa rishpami, Jesusta ricungapac sicómoro yura jahuaman huichicurca. Jesusca chaitami rina carca. 5Ña chaita Jesús pasacushpami, yura jahuata huichailla ricushpaca:
—Zaqueo, utca uricui. Cunanca cambac huasipimi pozangapac rina cani— nirca.
6Chashna nicpi Zaqueo uricushcahuanmi, Jesustaca cushicushpa paipac huasiman pushashpa rirca. 7Chaita ricuc tucui gentecunami:
—Juchasapa runapac huasiman Jesús yaicushpaca, mana allitami ruhuan— nishpa, huashalla rimarcacuna.
8Chai q'uipami Zaqueoca jatarishpa, Apunchic Jesustaca cashna nirca:
—Apunchic Jesús, ñuca charishcacunamantaca chaupitami huacchacunaman cugrini. Shinallatac maijancunamanta umashpa shuhuashcatapish, chuscu cutin yallihuanmi cutichisha nini— nirca.
9Chashna nicpimi Jesusca:
—Cai runapish, ñaupa taita Abrahampac huahua huahuatacmi can. Cunan punzhami quishpirinaca cai huasipi causaccunaman chayamushca. 10Runa Tucungapac shamushca*f** ñucaca, juchapi chingarishcacunata mashcashpa, quishpichingapacmi shamurcani— nirca.
Chunga cullquimanta Jesús chimbapurashpa parlashcamanta
(Mt 25.14-30)
11Jesús ña Jerusalenman chayagricushcamantami, chai tucuita uyacuccunaca: “Taita Dios mandanaca ñami chayamugrin” nishpa yuyarcacuna. Chaimantami Jesusca cai yuyaita japina parlota parlarca: 12“Mandaccunapuramanta shuc alli nishca runami, paipac llactata mandanata chasquishpa, cutimungapac caru llactaman rirca. 13Chai runa manarac rishpami, paita serviccunamanta chunga runacunata c'ayashpaca: ‘Caicachic, cai cullquicunahuan randishpa, c'atushpa, ñuca cutimungacaman mirachicuichic’ nirca. Chashna nishpami, caishucman chaishucman shuc mina*f** cullquita saquirca. 14Pai ña ricpica, chai llactapi causac gentecuna paita p'iñashcamantami: ‘Cai runa ñucanchicta mandac shamuchunca, mana munanchicchu’ nishpa, huillaccunata q'uipaman cacharcacuna. 15Chashna nishpa cachacpipish, chai runaca mandac tucushpami cutimurca. Ña cutimushpaca, chai saquishca cullquicunamanta mashna mirachishcata yachangapacmi, tucui chunga runacunata c'ayachun cacharca. 16Chashna c'ayachicpimi, punta shamuc runaca: ‘Amito, can saquishca cullquitaca, chunga cutinhuanmi mirachircani’ nirca. 17Chashna nicpi chai mandacca: ‘Canca alli runami cangui. Allitami ruhuashcangui. Ashallata mingacpipish, alli ruhuashcamantaca chunga pueblocunatami mandangui’ nirca. 18Cutin shuc shamushpaca: ‘Amito, can saquishca cullquitaca, pichca cutinhuanmi mirachircani’ nirca. 19Chashna nicpi chai mandacca: ‘Shinallatac canca pichca pueblocunatami mandangui’ nirca. 20Cutin shuc shamushpaca: ‘Amito, caipimi cambac cullqui. Ñucaca alli quipishpami huacaichircani. 21Imatapish cambac nishcahuan manapish cushpa chasquiclla, manapish tarpushpa tandaclla cashcamantami, canta manchashpa chashna ruhuarcani’ nirca. 22Chashna nicpi chai mandacca: ‘Mana allita ruhuac runami cangui. Chashna nishpaca, canllatacmi llaquita apangui. Ñuca nishcahuanca manapish cushpa chasquiclla cashcata, manapish tarpushcata tandaclla cashcataca yachashcanguimi. 23¿Chaita yachashca jahuachu ñuca saquishca cullqui mirarichunca, bancollapipish mana churarcangui? Ñuca cutimushpaca, chai mirarishca cullquindicmi chasquiman carcani’ nirca. 24Chashna nishpami, chaipi caccunataca: ‘Cai runamanta cullquita quichushpa, chai chunga cullquita mirachicman cuichic’ nirca. 25Chashna nicpi chai runacunaca: ‘Amito, paica ñamari chunga cullquita charin’ nircacuna. 26Chashna nicpi, chai mandacca cashnami nirca: ‘Charicmanmi, ashtahuan cushca canga. Mana charicmantaca, ashallata charishcatapish quichushcami canga, ninimi. 27Chashnallatac ñucata p'iñashcamanta mana mandac cachun niccunataca caiman apamushpa, ñuca ñaupapi cungata p'itishpa huañuchichic’ ” nirca.
Jerusalén puebloman Jesús yaicushcamanta
(Mt 21.1-11; Mr 11.1-11; Jn 12.12-19)
28Chashna nishca q'uipami, Jesusca yachacuccunapac ñaupata Jerusalenman rirca. 29Betfagé pueblo, Betania pueblo cuchulla, Olivos urcumanmi chayarcacuna. Chaimantaca Jesusca paipac yachacuccunapuramanta ishcaitami cacharca. Chashna cachashpaca:
30—Chai chimbapi cac ashalla huasicunaman richic. Chaiman chayacpica, pi manarac montashca shuc burromi huatashca shayacunga. Chai burrota cacharishpa apamugrichic. 31Cacharicucpi maijanpish ricushpa: ‘¿Imapactac aparicunguichic?’ nicpica: ‘Apunchic Jesús apamugrichic nicpimi, apacunchic’ ninguichiclla— nirca.
32Chashna nicpi yachacuccuna ña rishpaca, Jesús nishca shinallatacmi burro shayacucta tarircacuna. 33Ña cacharicucpimi, dueñocunaca:
—¿Imapactac burrotaca cacharicunguichic?— nircacuna.
34Chashna nicpica:
—Apunchic Jesús apamugrichic nicpimi, apacunchic— nircacuna.
35Ña Jesuspacman apamushpaca, churanacunata burropi sudashpami, Jesusta montachircacuna. 36Jesús montashca ricucpimi, paihuan riccunaca paicunapac churanacunata Jesús rina ñanpi tendircacuna. 37Jesús Olivos urcu cuchuta urai rishpa, Jerusalenman ña chayagricucpimi, tucui paita c'atishpa riccunaca cushicushpa Taita Diosta “allimari cangui” nishpa caparircacuna. Pi mana ruhuaipaccunata Jesús ruhuashcata ricushcamantami, chashna caparircacuna. 38Chashna Jesusta caparicushpaca:
—Taita Dios cachashca shamucuc Jatun Mandac, ¡cantaca alli nishca cachun! ¡Jahua pachapipish alli sumac cushicui cachun! ¡Taita Diostapish alli nishca cachun!— nishpami caparircacuna.
39Chashna caparinacucpimi, gentecunapuramanta maijan fariseocunaca:*f**
—Yachachic, cambac yachacuccunataca upalla cachun niyari— nircacuna.
40Chashna nicpi Jesusca:
—Paicuna upallacpica, rumicunami caparinga— nirca.
41Jesús ña Jerusalenman chayagrishpaca, chai pueblota ricushpami cashna nishpa huacarca: 42“¡Cai pueblopi causaccunalla! Taita Dios cancunaman sumac causaita cuna cashcata cunan punzhallapish yachashpaca, allichari canguichicman, ashtahuanpish cancunaca yuyai pacashca shina cashpami, mana entendinguichic. 43Llaqui punzhacuna chayamucpica, cancunata p'iñaccuna shamushpaca, muyundicta jarcashpami macangacuna. 44Cai pueblota urmachishpa, tucui caipi causaccunata huañuchingacunami. Shuc rumillapish pircashcaca mana saquiringachu. Taita Dios quishpichingapac shamucpi mana chasquishcamantami, chashna llaquita apanguichic” nirca.
Diosman mañana huasipi c'atuccunata llucchishpa cachashcamanta
(Mt 21.12-17; Mr 11.15-19; Jn 2.13-22)
45Chai q'uipami Jesusca Diosman mañana huasiman yaicushpa, tucui chaipi c'atuccunatapish, randiccunatapish llucchishpa cachai callarirca. 46Chashna ruhuashpaca: “Dios quillcachishcapica: ‘Ñuca huasica, ñucaman mañana huasimi canga’ ninmi. Ashtahuanpish cancunaca cai huasitaca, shuhuacuna miticuna machai shinatami ruhuashcanguichic” nirca.
47Jesusca tucui punzhacunami Diosman mañana huasipi yachachic carca. Chashna yachachicucpipish curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurcacuna. 48Ashtahuanpish Jesús huillacucta tucui gentecuna alli uyacushcamantami, paicunaca imata mana ruhuai pudircacuna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.