Yohaannisi 11
11
Alaasaari akka to'e
1Pittaaniyaayye nama takka Alaasaari kidammo paaqni; Pittaaniya paleeta a kara Maariyaami isho enentaaysho Maarta kalan. #Luqa 10:38-39 2Maariyaamise nefo, isase loqqa Poqalla shittootan daatite ka nyirfaadi a mattatin quda haaqte. Alaasaarise paaqno nefo innaasso. #Luqa 10:38-39 3Tuparraasso ka Yesuusi kamma erken ka kidene, “Poqallaay, ha isase a jaalannitto ipaaqni.” 4Yesuusi ete sede dakayeeyye ikide, “Paaqose isha ishsha deene ma, akka ulfeena Waaqa koddo, inna Waaqa ka se minan ulfeessaman malla.”
5Yesuusi Maarta ka enentaaysho Maariyaami isho innaasso Alaasaari jaalanni. 6a koddito ma, ete paaqa Alaasaari dakayeeyye, pora a oppa co oppa'ew kuyyaata lakki jare. 7Ka sekkammaayye tamaarewwaadi kide, “Piita Yihuta opa amma annaaw.”
8Tamaarewwaadi ka ishi kidene, “Kollissampayto, eta shakkaya turanne, Yihutaata dakaddaan ke dakkeeta faaniiy, ka kuli atti amma eyyepa tiitaawtaaw ka antaawwe?”
9Yesuusi ka ishootta oorshe ka kide, “Kuyyaata takka, saateta kudanka lakkinni? nama kuyyaate pora anno, qoota la'ayta piisseti akkino malla, kehanni in co. 10Ma xoori a halkeette pora anno, qoota la'ayta in qapnin malla, ikehaysanni.”
11Yesuusi ete asse ishootta' kide kammaayye, ikide, “Moottase xanno Alaasaari imukeey, anti mukittaappa isha xa'issa'en aana.”
12Tamaarewwaadi ka ishi' kidene, “Poqallaay, oton imukeeyye, i'ishi aknaatta kideeta.”
13Yesuusi, qoota toota Alaasaari desa asse ishootta' haasawade, ishootta xoori, a qoota mukittaati desa haasawade ishootta' pahanaatte. 14Seminan Yesuusi ka ishootta olkela jai kiishe ka kide, “Alaasaari ito'e. 15Ishina akka amantane'e, sede an eyye an kinnin qootaayshin malla, xasa ana' dakaanni. Ma amma isha kapopa anna.”
16Sitiiyyi Tomaasise Didimoosi#11:16 didimoos kideeta “sallahama” kidammo, itamaarewwasene ata haseeti' kide, “Ino' nefo, akkan kollissampayta olli leeno'e, anna.” #11:16 “didimoosi” kideeta “sallahama” kideeta.
Yesuusi akkima tootoppa xaana ka caatta kodde
17Yesuusi ete eyye kayeeyye, Alaasaari a hawlame kuyyaata afuri kayte. 18Pittaaniya Yursaalami kapa desa kiilomeetireeta sessa mina kitto'e seki. 19Yihutaatoppa lekaya ka toota innaassoti malla Maariyaami isho Maartan paana'e ishootta kapopa aanen.
20Maarta ete deena Yesuusi dakayteeyye, isha teyyatta'e sookte. Maariyaami xoori tika kare haste. 21Maarta ka Yesuusi kiite, “Poqallaay, katin ke are ca kiiteeyye, innaanno tooni in heenne. 22Ma xoori amma nefo, wa qinsannitta piisa Waaqa akkima ke' daasho in upa.”
23Yesuusi ka isheetta' kide, “Innaassin tootoppa ixa'an.”
24Maarta ka ishi kiite, “Kuyyaata piraampiratiiyyi eta tootoppa kahaanaati akkima tootoppa xa'o in upa.”
25Yesuusi ka isheetta kide, “Tootoppa xaana ka caatta ana; nama ana amano, kadi punu to'ayye icaada. 26Nama co ka ana amanno piisa pakkanna in to'o. Sede i'amanni?”
27Isheetta ka kiite, “Aa Poqallaay, atti akkima inna Waaqa; Kiristoosi a piita qaropa deeno koddite in amanni.”
28Maarta, ete sede haasawatte kammaayye, i'ante ka enentaaysho Maariyaami dekandekatti haleete ka ishi kiite, “Ha, kollissampayta ide'e ka ke haleeni.” 29Maariyaami ete sede dakayteeyye, jarjartanne xaate ka Yesuusi kapopa ante. 30Sitiiyyi Yesuusi porase a oppaayye maarta isha teyyatte oppaayyeew ca diisheey, ata paleeta karopa in kulline. 31Yihutaatase Maariyaamin paanitta deete ka tika kara kitto, ete Maariyaami jarjartan xaate ka sooknitto akkite, a hawwla Alaasaari qaropa pooyta annitto ishootta pahanaatte ikka isheetta kamma aanen.
32Maariyaami ete porase a Yesuusi oppa co opa deete ka Yesuusi akkiteeyye, loqqaadi kela'e pi'ite ka kiite, “Poqallaay, katin are kitta kiite, innaanno asse tooni in heenne.”
33Yesuusi ete isheetta a pooynitto, isho Yihutaata isheetta olli deete a pooynitto akkeeyye, a kuttaati nyarrahe ka suraysade ka kide, 34“Ayysha'e isha mookten?”
Ishootta ka kidene, “Poqallaay, xooye ka tooyye.”
35Yesuusi ka ilmaama urrqishe.
36Yihutaata ka kiite, “Akka isha jaalanno tooyya.”
37Ma xoori ishootta oppaayye a demo ka kidene, “Ini nama ilda in qapnin dinshe, namoose akka in toonini kodeeta in ettansho?”
Yesuusi akka Alaasaari tootoppa xaashe
38Yesuusi ka a kuttaati nyarraheetan hawlase kapopa aane. Hawlase nefo rahana, atura daka dufen. 39Yesuusi ka kide, “Alle tura dakoose maysha.”
Enenta opa Alaasaari Maarta ka kiite, “Poqallaay, a to'e desa awwe kuyyaata afuri kayteey, ha ixaccada.”
40Yesuusi ka isheetta kide, “An ke an kiine'e, ‘Oton i'amanniiyyi, ulfeena Waaqa'e akkita?’”
41Orrase ka hawlase turaayye dakase mayshe. Se kammaayye Yesuusi ka moontandela tooyyade ka kide, “Aappo qoota ana dakayte malla in ke kalataysanni. 42Akkima awta piisa ana dakaynitto in upa, ma xoori waan malla asse kide, orrose areppa qa'ade akkima atti ana erkite akka amano malla.”
43Yesuusi ete sede haasawade kammaayye, nessa kuttishe ka kide, “Alaasaari! xooye sooke!”
44Alasaarise to'e ka akkima harkaadi isho loqqaadi hiddamenen hawlase kara sooke. Fuulaadi nefo akka japaran maramenneew ca. Yesuusi ka kide, “Quda fura ka tupa desa diisha ikka aano.”
Sullaata a Yesuusi qara sulamte
Maati 26:1-5; Maari 14:1-2; Luqa 22:1-2
45Yihutaata Maariyaamin paana deete oppaayye lekaya ka wa a Yesuusi kode akken ka isha amanen. 46Demo xoori, Feresaata kapopa aanen ka waasene a Yesuusi kode ishootta lelen. 47Se minan saarra qeesewwa isho Feresaata ka firtishoonkota ollopa halen ka kidene, “namoose wa orra qawwanna lekaya kooniiy, an atta isha koono wayyi? 48Oton assen isha diinnaayye, orra piisa isha amana, orra Roomi ka de'a ka tikinno a qulqulloota isho samaytinno piisa pashsha.”
49ishootta oppaayye nama takka parkoose a saara qeesewwa kodde Qayyaaffa ka kide, “Ha ishina, we takkan nefo a uptan! 50A samayta piisa pato kapaaye, a nama takka samayta malla to'o akkima ishina wayyi a upnaanne?”
51Isha sede a haasawade, iskaraayye in qeenne ma; qoota parositiiyyi saara qeesewwa kodde malla, akka Yesuusi samayta malla toota isha parpaaccisnitto akkissa'e xuumose haasawade. 52Wa malla to'a nefo, samayta patta mallan ma, hellaasene a Waaqa olkela pase ollopa oorissa takka kodeeta malla. 53Ka semmalla awseti desa paayyen ka Yesuusi ikassa suladen. 54Awwseti desa paayyatte Yesuusi orra a Yihuta turan desa akkaattaan in anne ma, eeyye xa'e ka katamasene Efreemi kidamma koommayta kapa ca opa aane. Ka eyye tamaarewwaadi olliiyyi jare.
55Sitiiyyi xayso nessuma a qaran tarpeeta a orra Yihuta kela'e foolsatte, orra lekayta ka xayso nessumoosen a qaran tarpeeta in kaynin turan isi jaqqeeta piitaddaappaayye Yursaalamipa de'e. 56Ishootta qoota tika a qulqullootati qa'aden ka deena Yesuusi asannaan malla; ioli kaassanni ka kiini, “Maana dikannittan, hela Yesuusi a xayso nessumoosen oppopa de'o ishina in pahato?” 57Se maliiyyiiw saarra qeesewwa isho Feresaata akka Yesuusi qapeeta ettanshane'e pora a isha oppa co nama upo oton icaayye akka ishootta akkisho'e nama piisa ajajen.”
Currently Selected:
Yohaannisi 11: MaQu
Highlight
Share
Copy
Want to have your highlights saved across all your devices? Sign up or sign in
Yohaannisi 11
11
Alaasaari akka to'e
1Pittaaniyaayye nama takka Alaasaari kidammo paaqni; Pittaaniya paleeta a kara Maariyaami isho enentaaysho Maarta kalan. #Luqa 10:38-39 2Maariyaamise nefo, isase loqqa Poqalla shittootan daatite ka nyirfaadi a mattatin quda haaqte. Alaasaarise paaqno nefo innaasso. #Luqa 10:38-39 3Tuparraasso ka Yesuusi kamma erken ka kidene, “Poqallaay, ha isase a jaalannitto ipaaqni.” 4Yesuusi ete sede dakayeeyye ikide, “Paaqose isha ishsha deene ma, akka ulfeena Waaqa koddo, inna Waaqa ka se minan ulfeessaman malla.”
5Yesuusi Maarta ka enentaaysho Maariyaami isho innaasso Alaasaari jaalanni. 6a koddito ma, ete paaqa Alaasaari dakayeeyye, pora a oppa co oppa'ew kuyyaata lakki jare. 7Ka sekkammaayye tamaarewwaadi kide, “Piita Yihuta opa amma annaaw.”
8Tamaarewwaadi ka ishi kidene, “Kollissampayto, eta shakkaya turanne, Yihutaata dakaddaan ke dakkeeta faaniiy, ka kuli atti amma eyyepa tiitaawtaaw ka antaawwe?”
9Yesuusi ka ishootta oorshe ka kide, “Kuyyaata takka, saateta kudanka lakkinni? nama kuyyaate pora anno, qoota la'ayta piisseti akkino malla, kehanni in co. 10Ma xoori a halkeette pora anno, qoota la'ayta in qapnin malla, ikehaysanni.”
11Yesuusi ete asse ishootta' kide kammaayye, ikide, “Moottase xanno Alaasaari imukeey, anti mukittaappa isha xa'issa'en aana.”
12Tamaarewwaadi ka ishi' kidene, “Poqallaay, oton imukeeyye, i'ishi aknaatta kideeta.”
13Yesuusi, qoota toota Alaasaari desa asse ishootta' haasawade, ishootta xoori, a qoota mukittaati desa haasawade ishootta' pahanaatte. 14Seminan Yesuusi ka ishootta olkela jai kiishe ka kide, “Alaasaari ito'e. 15Ishina akka amantane'e, sede an eyye an kinnin qootaayshin malla, xasa ana' dakaanni. Ma amma isha kapopa anna.”
16Sitiiyyi Tomaasise Didimoosi#11:16 didimoos kideeta “sallahama” kidammo, itamaarewwasene ata haseeti' kide, “Ino' nefo, akkan kollissampayta olli leeno'e, anna.” #11:16 “didimoosi” kideeta “sallahama” kideeta.
Yesuusi akkima tootoppa xaana ka caatta kodde
17Yesuusi ete eyye kayeeyye, Alaasaari a hawlame kuyyaata afuri kayte. 18Pittaaniya Yursaalami kapa desa kiilomeetireeta sessa mina kitto'e seki. 19Yihutaatoppa lekaya ka toota innaassoti malla Maariyaami isho Maartan paana'e ishootta kapopa aanen.
20Maarta ete deena Yesuusi dakayteeyye, isha teyyatta'e sookte. Maariyaami xoori tika kare haste. 21Maarta ka Yesuusi kiite, “Poqallaay, katin ke are ca kiiteeyye, innaanno tooni in heenne. 22Ma xoori amma nefo, wa qinsannitta piisa Waaqa akkima ke' daasho in upa.”
23Yesuusi ka isheetta' kide, “Innaassin tootoppa ixa'an.”
24Maarta ka ishi kiite, “Kuyyaata piraampiratiiyyi eta tootoppa kahaanaati akkima tootoppa xa'o in upa.”
25Yesuusi ka isheetta kide, “Tootoppa xaana ka caatta ana; nama ana amano, kadi punu to'ayye icaada. 26Nama co ka ana amanno piisa pakkanna in to'o. Sede i'amanni?”
27Isheetta ka kiite, “Aa Poqallaay, atti akkima inna Waaqa; Kiristoosi a piita qaropa deeno koddite in amanni.”
28Maarta, ete sede haasawatte kammaayye, i'ante ka enentaaysho Maariyaami dekandekatti haleete ka ishi kiite, “Ha, kollissampayta ide'e ka ke haleeni.” 29Maariyaami ete sede dakayteeyye, jarjartanne xaate ka Yesuusi kapopa ante. 30Sitiiyyi Yesuusi porase a oppaayye maarta isha teyyatte oppaayyeew ca diisheey, ata paleeta karopa in kulline. 31Yihutaatase Maariyaamin paanitta deete ka tika kara kitto, ete Maariyaami jarjartan xaate ka sooknitto akkite, a hawwla Alaasaari qaropa pooyta annitto ishootta pahanaatte ikka isheetta kamma aanen.
32Maariyaami ete porase a Yesuusi oppa co opa deete ka Yesuusi akkiteeyye, loqqaadi kela'e pi'ite ka kiite, “Poqallaay, katin are kitta kiite, innaanno asse tooni in heenne.”
33Yesuusi ete isheetta a pooynitto, isho Yihutaata isheetta olli deete a pooynitto akkeeyye, a kuttaati nyarrahe ka suraysade ka kide, 34“Ayysha'e isha mookten?”
Ishootta ka kidene, “Poqallaay, xooye ka tooyye.”
35Yesuusi ka ilmaama urrqishe.
36Yihutaata ka kiite, “Akka isha jaalanno tooyya.”
37Ma xoori ishootta oppaayye a demo ka kidene, “Ini nama ilda in qapnin dinshe, namoose akka in toonini kodeeta in ettansho?”
Yesuusi akka Alaasaari tootoppa xaashe
38Yesuusi ka a kuttaati nyarraheetan hawlase kapopa aane. Hawlase nefo rahana, atura daka dufen. 39Yesuusi ka kide, “Alle tura dakoose maysha.”
Enenta opa Alaasaari Maarta ka kiite, “Poqallaay, a to'e desa awwe kuyyaata afuri kayteey, ha ixaccada.”
40Yesuusi ka isheetta kide, “An ke an kiine'e, ‘Oton i'amanniiyyi, ulfeena Waaqa'e akkita?’”
41Orrase ka hawlase turaayye dakase mayshe. Se kammaayye Yesuusi ka moontandela tooyyade ka kide, “Aappo qoota ana dakayte malla in ke kalataysanni. 42Akkima awta piisa ana dakaynitto in upa, ma xoori waan malla asse kide, orrose areppa qa'ade akkima atti ana erkite akka amano malla.”
43Yesuusi ete sede haasawade kammaayye, nessa kuttishe ka kide, “Alaasaari! xooye sooke!”
44Alasaarise to'e ka akkima harkaadi isho loqqaadi hiddamenen hawlase kara sooke. Fuulaadi nefo akka japaran maramenneew ca. Yesuusi ka kide, “Quda fura ka tupa desa diisha ikka aano.”
Sullaata a Yesuusi qara sulamte
Maati 26:1-5; Maari 14:1-2; Luqa 22:1-2
45Yihutaata Maariyaamin paana deete oppaayye lekaya ka wa a Yesuusi kode akken ka isha amanen. 46Demo xoori, Feresaata kapopa aanen ka waasene a Yesuusi kode ishootta lelen. 47Se minan saarra qeesewwa isho Feresaata ka firtishoonkota ollopa halen ka kidene, “namoose wa orra qawwanna lekaya kooniiy, an atta isha koono wayyi? 48Oton assen isha diinnaayye, orra piisa isha amana, orra Roomi ka de'a ka tikinno a qulqulloota isho samaytinno piisa pashsha.”
49ishootta oppaayye nama takka parkoose a saara qeesewwa kodde Qayyaaffa ka kide, “Ha ishina, we takkan nefo a uptan! 50A samayta piisa pato kapaaye, a nama takka samayta malla to'o akkima ishina wayyi a upnaanne?”
51Isha sede a haasawade, iskaraayye in qeenne ma; qoota parositiiyyi saara qeesewwa kodde malla, akka Yesuusi samayta malla toota isha parpaaccisnitto akkissa'e xuumose haasawade. 52Wa malla to'a nefo, samayta patta mallan ma, hellaasene a Waaqa olkela pase ollopa oorissa takka kodeeta malla. 53Ka semmalla awseti desa paayyen ka Yesuusi ikassa suladen. 54Awwseti desa paayyatte Yesuusi orra a Yihuta turan desa akkaattaan in anne ma, eeyye xa'e ka katamasene Efreemi kidamma koommayta kapa ca opa aane. Ka eyye tamaarewwaadi olliiyyi jare.
55Sitiiyyi xayso nessuma a qaran tarpeeta a orra Yihuta kela'e foolsatte, orra lekayta ka xayso nessumoosen a qaran tarpeeta in kaynin turan isi jaqqeeta piitaddaappaayye Yursaalamipa de'e. 56Ishootta qoota tika a qulqullootati qa'aden ka deena Yesuusi asannaan malla; ioli kaassanni ka kiini, “Maana dikannittan, hela Yesuusi a xayso nessumoosen oppopa de'o ishina in pahato?” 57Se maliiyyiiw saarra qeesewwa isho Feresaata akka Yesuusi qapeeta ettanshane'e pora a isha oppa co nama upo oton icaayye akka ishootta akkisho'e nama piisa ajajen.”
Currently Selected:
:
Highlight
Share
Copy
Want to have your highlights saved across all your devices? Sign up or sign in