Yohaannisi Kullaysuma
Kullaysuma
Otootase a fayya a Yohaannisi' taafe, Yesuusi akka nama kodde ka orroppa' kallaade ka caattampayta qaaleta Waaqa kodde torrini. Akka mataafose torrino mina'e, otootose a fayya wa malla taafamte, orra nappapno, Yesuusi akka dinshampaytase ide'a ishi' kiinaan kodde ka inna Waaqa kodde akka amanan ka isha amanaaysho minan caatta para para qapan upnaadan malla. (Qajeeltota 20:31)
Otoose a fayya a Yohaannisi paayyota qaraayye, qaaletase a Waaqa haka paraparati kallaannitto isho Yesuusi, akka takka kodden akka kullaysuma mina'e dehanni ka sekkammaayye Yesuusi akkima inna Waaqa isase ishi kiinaane dinshampayta kodda ka de'a; kodde wa orra qawwanna lekayaan akkinni. Ka se kammaayye wa kodaddoosen orra qawwanna kela de'e torriniiw. Torroosen nefo wa lellaane, orra demo akka Yesuusi amane ka a isha kamma anna a demo ka isha needdaden ka kidene “An ishi an amanno” torrini. (qajeeltota 13-17) Porroosen nefo Yesuusi halkeettase a oppa qapameeyye, tamaarewwaadi olliiyyi akkima takkumta kokkoka' qapo ka fannisamaadi turan qaaleta harmisatta ka a xasa oorsatta a ishootta' haasawade torrini. Qajeeltowwa piraampira'ew, Yesuusi akkima qapame ka firteeta turopa dehaade ka fannisame ka to'e ka tootoppa xa'e ka se kammaayye tamaarewwaadi tura akkaade torrini.
Yohaannisi caattase a parapara a Yesuusi Kiristoosi qudan teyyannaan orra arepa desa Yesuusi akka pora ka dukaata isho caatta mina teynooti'i la'anni ka akkinni. Wa mataafa Yohaannisi a taakane kapa purinna, dukaatase a hapura la'assa'e wa a kollatame an kuyyaata piisa ishin kallaanninna pahana'e: pisha, laaqqota, la'ayta, sikmayta, kahirra, dishima wayneeta ka dalta wayneeta ka wa asse pappaha'e taqqamade.
Wa mataafose kara ca
Tura' qattissa 1:1-18
Yohannisise pishaan orra jaqno isho tamaarewwa a Yesuusi a paayyota 1:19-51
Yesuusi akka kodaadi paayye 2:1—12:50
Kodaddaadi a kuyyawwa piraampira a Yursaalami isho piitada a kapan desa ca kara' kode 13:1—19:42
Poqalla akka tootoppa xa'e ka orra tura akkaade 20:1-31
Kuutan hidda: Piita Kelila karaayye akka a lammattati tamaarewwaadi tura akkaade 21:1-25
Currently Selected:
Yohaannisi Kullaysuma: MaQu
Highlight
Share
Copy
Want to have your highlights saved across all your devices? Sign up or sign in