Genesis 18
18
Gado e pramisi Abraham wan manpikin baka
1Dan MASRA sori ensrefi na Abraham na den bigi bon fu Mamre pe Abraham ben e tan. Abraham ben e sidon na mofodoro fu en tenti. A ben de a moro faya yuru fu a dei. 2Di Abraham opo en ede luku, wantronso a si dri man tnapu. Di a si den a opo, a waka es'esi go miti den dan a boigi gi den. 3Dan a taigi wan fu den taki: “Mi Masra, efu yu abi prisiri nanga mi dan mi e begi tangitangi fu yu no psa a oso fu yu knekti. 4Meki mi seni teki pikinso watra fu un wasi un futu, dan un rostu ondro a bon. 5Fu di un kon na mi oso mi sa go teki pikinso nyanyan gi unu tu fu un kan kisi krakti baka. Baka dati un kan hari go moro fara.” Dan den piki Abraham taki: “A bun. Du san yu taki.”
6So Abraham go es'esi na Sara di ben de ini a tenti, dan a taigi en taki: “Go es'esi go teki dri kan fu a moro bun blon. Masi en, dan yu e baka kuku fu en es'esi.” 7Dan Abraham lon go na den kaw. A teki wan yonguwan di ben fatu moi. A langa en gi a knekti fu en, dan a knekti gwe es'esi go srakti a kaw fu a ben kan bori a meti fu en. 8Di a meti ben klari fu nyan, Abraham poti en makandra nanga botro nanga merki gi den. Dan a tan tnapu nanga den ondro a bon di den ben e nyan.
9Dan den aksi Abraham taki: “Pe yu frow Sara de?” A piki den taki: “A de drape ini a tenti.” 10Ne wan fu den taki: “Fu tru, mi e taigi yu taki tra yari mi sa drai kon baka na yu, dan yu frow Sara sa abi wan boi.” Ma Sara ben tnapu na baka a man na mofodoro fu a tenti e arki. 11Abraham nanga Sara ben grani srefsrefi kba. Sara no ben e kisi en munsiki moro. 12Ne Sara lafu. A prakseri na ensrefi taki: “Mi skin kon owru kba. Mi masra srefi owru kba. Fa mi sa abi prisiri ete dan fu go na bedi nanga mi masra?” 13Dan MASRA aksi Abraham taki: “Fu sanede Sara e lafu? Fu sanede a taki: ‘Mi sa kisi pikin ete tapu mi owru dei?’ 14Yu denki taki wan sani de di MASRA no man du? Tra yari, te a ten doro, Mi sa drai kon baka na yu dan Sara sa abi wan manpikin.” 15Ma Sara ben kon frede. Dat' meki a taki: “A no tru. Mi no lafu.” Ma MASRA piki taki: “A tru. Yu ben lafu.”
16Dan den dri man kmoto fu drape go na wan presi pe den ben man si Sodom. Abraham ben waka go te drape nanga den di den e gwe. 17MASRA ben e prakseri na ensrefi: “Mi sa kibri gi Abraham sa Mi wan du? 18Bika den bakapikin fu en sa tron wan bigi èn tranga folku. Ala folku na grontapu sa winsi fu Mi blesi den leki fa Mi blesi en. 19Na en Mi teki. A mus leri den pikin nanga den bakapikin fu en fu den libi leki fa Mi, MASRA, wani: Leki sma di bun ini Mi ai èn di e libi bun. Dan so Mi sa man meki den pramisi di Mi ben gi Abraham, kon tru.” 20Ne MASRA taki: “Mi yere den hebi kragi fu den sani di e psa ini Sodom nanga Gomora, fa den sma fu drape e sondu hebi. 21Mi wani saka go fu go luku efu den hebi kragi de trutru so. Mi wan sabi.”
22So den tu man kmoto fu drape fu go na Sodom, ma MASRA ben tan tnapu nanga Abraham ete. 23Abraham go pikinso moro krosbei dan a taki: “Yu sa figi sma di bun ini yu ai puru makandra nanga den sma di e du ogri? 24Kande feifitenti bun sma de ini a foto. Yu sa figi a foto puru dan, sondro fu gi en pardon fu den feifitenti bun sma di de ini en? 25Kwet'kweti! Yu no o du so srefsrefi! Yu no sa kiri den bun sma makandra nanga den ogriwan, neleki den bun sma nanga den ogriwan na a srefi. Nono. Yu na A Krutuman di e krutu heri grontapu. Yu e krutu nanga leti.” 26Ne MASRA piki taki: “Efu Mi feni feifitenti bun sma ini Sodom, Mi sa gi a heri foto pardon fu den feifitenti sma dati ede.” 27Abraham piki baka taki: “Tye, MASRA, gi mi pardon fu di mi leki wan libisma prefuru fu taki nanga yu. 28Ma kande feifitenti bun sma no de. Kande feifi e mankeri. Yu sa figi a heri foto puru dan, fu di feifi e mankeri?” MASRA piki taki: “Mi no sa figi a foto puru efu Mi feni fotenti nanga feifi bun sma.” 29Abraham aksi baka taki: “Kande fotenti nomo de.” MASRA piki en baka taki: “Mi no sa du en fu den fotenti sma ede.” 30Dan Abraham taki: “MASRA, mi e begi no kisi atibron gi mi efu mi aksi ete wan leisi. Ma kande dritenti sma nomo de.” Ne MASRA piki taki: “Mi no sa du en efu Mi feni dritenti sma.” 31Ma Abraham taki baka taki: “Tye, MASRA, gi mi pardon fu di mi e prefuru fu taki nanga yu. Kande tutenti sma de.” MASRA piki taki: “Mi no sa figi a foto puru fu den tutenti sma dati ede.” 32Dan Abraham taki: “MASRA, mi e begi, no kisi atibron gi mi efu mi aksi ete wan leisi. Ma kande tin sma nomo de.” MASRA piki taki: “Mi no sa figi a foto puru fu den tin sma dati ede.”
33Di MASRA kba taki nanga Abraham a gwe. Dan Abraham drai go na en tenti.
Currently Selected:
Genesis 18: SB16
Highlight
Share
Copy
Want to have your highlights saved across all your devices? Sign up or sign in
Tekst © Surinaams Bijbelgenootschap 2016
Genesis 18
18
Gado e pramisi Abraham wan manpikin baka
1Dan MASRA sori ensrefi na Abraham na den bigi bon fu Mamre pe Abraham ben e tan. Abraham ben e sidon na mofodoro fu en tenti. A ben de a moro faya yuru fu a dei. 2Di Abraham opo en ede luku, wantronso a si dri man tnapu. Di a si den a opo, a waka es'esi go miti den dan a boigi gi den. 3Dan a taigi wan fu den taki: “Mi Masra, efu yu abi prisiri nanga mi dan mi e begi tangitangi fu yu no psa a oso fu yu knekti. 4Meki mi seni teki pikinso watra fu un wasi un futu, dan un rostu ondro a bon. 5Fu di un kon na mi oso mi sa go teki pikinso nyanyan gi unu tu fu un kan kisi krakti baka. Baka dati un kan hari go moro fara.” Dan den piki Abraham taki: “A bun. Du san yu taki.”
6So Abraham go es'esi na Sara di ben de ini a tenti, dan a taigi en taki: “Go es'esi go teki dri kan fu a moro bun blon. Masi en, dan yu e baka kuku fu en es'esi.” 7Dan Abraham lon go na den kaw. A teki wan yonguwan di ben fatu moi. A langa en gi a knekti fu en, dan a knekti gwe es'esi go srakti a kaw fu a ben kan bori a meti fu en. 8Di a meti ben klari fu nyan, Abraham poti en makandra nanga botro nanga merki gi den. Dan a tan tnapu nanga den ondro a bon di den ben e nyan.
9Dan den aksi Abraham taki: “Pe yu frow Sara de?” A piki den taki: “A de drape ini a tenti.” 10Ne wan fu den taki: “Fu tru, mi e taigi yu taki tra yari mi sa drai kon baka na yu, dan yu frow Sara sa abi wan boi.” Ma Sara ben tnapu na baka a man na mofodoro fu a tenti e arki. 11Abraham nanga Sara ben grani srefsrefi kba. Sara no ben e kisi en munsiki moro. 12Ne Sara lafu. A prakseri na ensrefi taki: “Mi skin kon owru kba. Mi masra srefi owru kba. Fa mi sa abi prisiri ete dan fu go na bedi nanga mi masra?” 13Dan MASRA aksi Abraham taki: “Fu sanede Sara e lafu? Fu sanede a taki: ‘Mi sa kisi pikin ete tapu mi owru dei?’ 14Yu denki taki wan sani de di MASRA no man du? Tra yari, te a ten doro, Mi sa drai kon baka na yu dan Sara sa abi wan manpikin.” 15Ma Sara ben kon frede. Dat' meki a taki: “A no tru. Mi no lafu.” Ma MASRA piki taki: “A tru. Yu ben lafu.”
16Dan den dri man kmoto fu drape go na wan presi pe den ben man si Sodom. Abraham ben waka go te drape nanga den di den e gwe. 17MASRA ben e prakseri na ensrefi: “Mi sa kibri gi Abraham sa Mi wan du? 18Bika den bakapikin fu en sa tron wan bigi èn tranga folku. Ala folku na grontapu sa winsi fu Mi blesi den leki fa Mi blesi en. 19Na en Mi teki. A mus leri den pikin nanga den bakapikin fu en fu den libi leki fa Mi, MASRA, wani: Leki sma di bun ini Mi ai èn di e libi bun. Dan so Mi sa man meki den pramisi di Mi ben gi Abraham, kon tru.” 20Ne MASRA taki: “Mi yere den hebi kragi fu den sani di e psa ini Sodom nanga Gomora, fa den sma fu drape e sondu hebi. 21Mi wani saka go fu go luku efu den hebi kragi de trutru so. Mi wan sabi.”
22So den tu man kmoto fu drape fu go na Sodom, ma MASRA ben tan tnapu nanga Abraham ete. 23Abraham go pikinso moro krosbei dan a taki: “Yu sa figi sma di bun ini yu ai puru makandra nanga den sma di e du ogri? 24Kande feifitenti bun sma de ini a foto. Yu sa figi a foto puru dan, sondro fu gi en pardon fu den feifitenti bun sma di de ini en? 25Kwet'kweti! Yu no o du so srefsrefi! Yu no sa kiri den bun sma makandra nanga den ogriwan, neleki den bun sma nanga den ogriwan na a srefi. Nono. Yu na A Krutuman di e krutu heri grontapu. Yu e krutu nanga leti.” 26Ne MASRA piki taki: “Efu Mi feni feifitenti bun sma ini Sodom, Mi sa gi a heri foto pardon fu den feifitenti sma dati ede.” 27Abraham piki baka taki: “Tye, MASRA, gi mi pardon fu di mi leki wan libisma prefuru fu taki nanga yu. 28Ma kande feifitenti bun sma no de. Kande feifi e mankeri. Yu sa figi a heri foto puru dan, fu di feifi e mankeri?” MASRA piki taki: “Mi no sa figi a foto puru efu Mi feni fotenti nanga feifi bun sma.” 29Abraham aksi baka taki: “Kande fotenti nomo de.” MASRA piki en baka taki: “Mi no sa du en fu den fotenti sma ede.” 30Dan Abraham taki: “MASRA, mi e begi no kisi atibron gi mi efu mi aksi ete wan leisi. Ma kande dritenti sma nomo de.” Ne MASRA piki taki: “Mi no sa du en efu Mi feni dritenti sma.” 31Ma Abraham taki baka taki: “Tye, MASRA, gi mi pardon fu di mi e prefuru fu taki nanga yu. Kande tutenti sma de.” MASRA piki taki: “Mi no sa figi a foto puru fu den tutenti sma dati ede.” 32Dan Abraham taki: “MASRA, mi e begi, no kisi atibron gi mi efu mi aksi ete wan leisi. Ma kande tin sma nomo de.” MASRA piki taki: “Mi no sa figi a foto puru fu den tin sma dati ede.”
33Di MASRA kba taki nanga Abraham a gwe. Dan Abraham drai go na en tenti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tekst © Surinaams Bijbelgenootschap 2016