Genesis 26
26
Isak nanga Abimelek fu Gerar
1Wan bigi angriten ben kon baka ini a kondre, leki fa wan ben de kba ini a ten fu Abraham. Dan Isak go na Abimelek, a kownu fu den Filistijnsma, ini a foto Gerar. 2Dan MASRA sori ensrefi na Isak. A taigi en taki: “No hari go na Egipte. Tan libi ini a kondre di Mi sa sori yu. 3Yu mus tan libi leki wan doroseisma ini a kondre disi. Dan Mi sa de nanga yu èn Mi sa blesi yu. Bika Mi sa gi yu nanga den bakapikin fu yu ala den kondre disi. Mi sa hori misrefi na a pramisi di Mi meki nanga yu p'pa Abraham. 4Mi sa gi yu someni bakapikin leki den stari na heimel èn Mi sa gi den bakapikin fu yu ala den kondre disi. Ala folku na grontapu sa winsi fu Mi blesi den leki fa Mi blesi den bakapikin fu yu. 5Bika Abraham arki Mi. A du san Mi ben taigi en fu du. A hori ensrefi na den gebod fu Mi, a tan du den sani di a ben mus du èn a hori ensrefi na den wèt fu Mi.” 6Dan Isak tan na ini Gerar.
7Di den man fu Gerar aksi en suma na a uma, a taigi den taki: “Na mi s'sa.” Bika a ben prakseri taki kande den man fu a presi drape ben o kiri en fu Rebeka ede, fu di Rebeka ben moi trutru. 8Isak ben tan wan langa pisten drape kba. Dan wan leisi di kownu Abimelek ben e luku abra en fensre, a si fa Isak e freiri nanga en frow Rebeka. 9Ne Abimelek seni kari Isak. A taigi en taki: “A tru taki a uma disi na yu frow. Fa yu ben kan taki dan taki na yu s'sa?” Isak piki en taki: “Bika mi prakseri taki fu en ede mi ben o lasi mi libi.” 10Ma Abimelek taigi en taki: “Fa yu ben kan du sowan sani nanga unu. Pikinso moro dan wan man fu Gerar ben teki en sribi leki frow. Dan yu ben o meki taki wi du wan sani di no bun.” 11Ne Abimelek seni komanderi a heri folku taki: “A sma di fasi a man disi noso en frow, sa dede nomonomo.”
12Isak sai ini a kondre èn a yari dati a gron gi nyanyan psa marki fu di MASRA ben blesi en. 13So Isak ben kon gudu èn a ben e kon gudu moro nanga moro, te leki a ben kon gudu srefsrefi. 14A ben abi furu skapu, krabita nanga kaw nanga so furu srafu taki den filistijnsma ben e dyarusu na en tapu. 15Ala den peti di den knekti fu en p'pa Abraham ben diki, den furu nanga santi. 16Dan Abimelek taigi Isak taki: “Gwe fu dyaso libi wi, bika yu kon kisi moro makti moro wi.” 17So Isak kmoto fu drape. A seti en kampu ini a Gerardal dan a tan libi drape.
18A diki den peti opo baka di ben diki ini a ten fu Abraham, den peti di den Filistijnsma ben tapu, baka di Abraham dede. Dan a gi den peti den srefi nen di en p'pa ben gi den. 19Baka dati den knekti fu Isak diki ini a dal dan den feni wan peti pe a watra ben e lon. 20Ma den skapuman fu Gerar krutu nanga den di fu Isak. Den taigi den taki: “A watra disi na fu unu.” So Isak kari a peti Esek#26:20 Esek wan taki: krutu. fu di den ben krutu drape. 21Dan den diki wan tra peti. Ma den meki trobi fu a peti dati tu. So Isak kari a peti dati Sitna.#26:21 Sitna wan taki: feyanti. 22Ne den kmoto fu drape dan Isak diki wan tra peti. Fu a peti dati den no meki trobi. Isak kari a peti dati Rekobot#26:22 Rekobot wan taki: nofo presi. dan a taki: “Now MASRA e gi wi nofo presi fu wi kan meki furu pikin ini a kondre.”
23Isak hari fu drape go na Berseba. 24Dan MASRA sori ensrefi a neti dati na Isak. A taigi en taki: “Mi na a Gado fu yu p'pa Abraham. No frede, mi de nanga yu. Mi sa blesi yu èn Mi sa gi yu furu bakapikin, fu mi knekti Abraham ede.” 25Dan Isak bow wan altari drape, dan a anbegi MASRA. A meki en kampu drape dan den knekti fu en diki wan peti drape.
26Abimelek ben kmoto fu Gerar kon na Isak. A ben kon nanga en mati Akusat nanga Pikol a edeman fu en legre. 27Dan Isak aksi en taki: “Fu sanede yu kon na mi. Mi sabi taki yu no lobi mi. Yu yagi mi kmoto fu yu kondre.” 28Den piki en taki: “Wi si krinkrin taki MASRA de nanga yu. So wi teki a besroiti fu meki wan ferbontu nanga yu di ibriwan fu unu o stampu nanga wan sweri. 29Sweri gi wi taki yu no sa du wi ogri, leki fa wi no fasi yu tu, ma taki yu sa du wi bun leki fa wi ben du yu soso bun èn wi meki yu go ini freide. Bika MASRA de nanga yu.” 30So Isak poti nyanyan gi den, dan den nyan èn den dringi. 31A tra mamanten fruku den meki wan sweri nanga makandra. Dan Isak poti den afupasi di den e gwe. So den gwe ini freide.
32A srefi dei dati den knekti fu Isak taigi en taki den feni watra di den ben e diki wan peti. 33Isak kari a peti Seba.#26:33 Seba wan taki: Sweri noso Seibi. Dat' meki a foto nen Berseba te leki a dei fu tide.
Den frow fu Esau
34Di Esau tapu fotenti yari, a teki Yehudit, a umapikin fu a Hetitiman Beeri nanga Basemat, a umapikin fu a Hetitiman Elon, leki frow. 35Isak nanga Rebeka no ben lobi a sani disi srefsrefi.
Currently Selected:
Genesis 26: SB16
Highlight
Share
Copy
Want to have your highlights saved across all your devices? Sign up or sign in
Tekst © Surinaams Bijbelgenootschap 2016
Genesis 26
26
Isak nanga Abimelek fu Gerar
1Wan bigi angriten ben kon baka ini a kondre, leki fa wan ben de kba ini a ten fu Abraham. Dan Isak go na Abimelek, a kownu fu den Filistijnsma, ini a foto Gerar. 2Dan MASRA sori ensrefi na Isak. A taigi en taki: “No hari go na Egipte. Tan libi ini a kondre di Mi sa sori yu. 3Yu mus tan libi leki wan doroseisma ini a kondre disi. Dan Mi sa de nanga yu èn Mi sa blesi yu. Bika Mi sa gi yu nanga den bakapikin fu yu ala den kondre disi. Mi sa hori misrefi na a pramisi di Mi meki nanga yu p'pa Abraham. 4Mi sa gi yu someni bakapikin leki den stari na heimel èn Mi sa gi den bakapikin fu yu ala den kondre disi. Ala folku na grontapu sa winsi fu Mi blesi den leki fa Mi blesi den bakapikin fu yu. 5Bika Abraham arki Mi. A du san Mi ben taigi en fu du. A hori ensrefi na den gebod fu Mi, a tan du den sani di a ben mus du èn a hori ensrefi na den wèt fu Mi.” 6Dan Isak tan na ini Gerar.
7Di den man fu Gerar aksi en suma na a uma, a taigi den taki: “Na mi s'sa.” Bika a ben prakseri taki kande den man fu a presi drape ben o kiri en fu Rebeka ede, fu di Rebeka ben moi trutru. 8Isak ben tan wan langa pisten drape kba. Dan wan leisi di kownu Abimelek ben e luku abra en fensre, a si fa Isak e freiri nanga en frow Rebeka. 9Ne Abimelek seni kari Isak. A taigi en taki: “A tru taki a uma disi na yu frow. Fa yu ben kan taki dan taki na yu s'sa?” Isak piki en taki: “Bika mi prakseri taki fu en ede mi ben o lasi mi libi.” 10Ma Abimelek taigi en taki: “Fa yu ben kan du sowan sani nanga unu. Pikinso moro dan wan man fu Gerar ben teki en sribi leki frow. Dan yu ben o meki taki wi du wan sani di no bun.” 11Ne Abimelek seni komanderi a heri folku taki: “A sma di fasi a man disi noso en frow, sa dede nomonomo.”
12Isak sai ini a kondre èn a yari dati a gron gi nyanyan psa marki fu di MASRA ben blesi en. 13So Isak ben kon gudu èn a ben e kon gudu moro nanga moro, te leki a ben kon gudu srefsrefi. 14A ben abi furu skapu, krabita nanga kaw nanga so furu srafu taki den filistijnsma ben e dyarusu na en tapu. 15Ala den peti di den knekti fu en p'pa Abraham ben diki, den furu nanga santi. 16Dan Abimelek taigi Isak taki: “Gwe fu dyaso libi wi, bika yu kon kisi moro makti moro wi.” 17So Isak kmoto fu drape. A seti en kampu ini a Gerardal dan a tan libi drape.
18A diki den peti opo baka di ben diki ini a ten fu Abraham, den peti di den Filistijnsma ben tapu, baka di Abraham dede. Dan a gi den peti den srefi nen di en p'pa ben gi den. 19Baka dati den knekti fu Isak diki ini a dal dan den feni wan peti pe a watra ben e lon. 20Ma den skapuman fu Gerar krutu nanga den di fu Isak. Den taigi den taki: “A watra disi na fu unu.” So Isak kari a peti Esek#26:20 Esek wan taki: krutu. fu di den ben krutu drape. 21Dan den diki wan tra peti. Ma den meki trobi fu a peti dati tu. So Isak kari a peti dati Sitna.#26:21 Sitna wan taki: feyanti. 22Ne den kmoto fu drape dan Isak diki wan tra peti. Fu a peti dati den no meki trobi. Isak kari a peti dati Rekobot#26:22 Rekobot wan taki: nofo presi. dan a taki: “Now MASRA e gi wi nofo presi fu wi kan meki furu pikin ini a kondre.”
23Isak hari fu drape go na Berseba. 24Dan MASRA sori ensrefi a neti dati na Isak. A taigi en taki: “Mi na a Gado fu yu p'pa Abraham. No frede, mi de nanga yu. Mi sa blesi yu èn Mi sa gi yu furu bakapikin, fu mi knekti Abraham ede.” 25Dan Isak bow wan altari drape, dan a anbegi MASRA. A meki en kampu drape dan den knekti fu en diki wan peti drape.
26Abimelek ben kmoto fu Gerar kon na Isak. A ben kon nanga en mati Akusat nanga Pikol a edeman fu en legre. 27Dan Isak aksi en taki: “Fu sanede yu kon na mi. Mi sabi taki yu no lobi mi. Yu yagi mi kmoto fu yu kondre.” 28Den piki en taki: “Wi si krinkrin taki MASRA de nanga yu. So wi teki a besroiti fu meki wan ferbontu nanga yu di ibriwan fu unu o stampu nanga wan sweri. 29Sweri gi wi taki yu no sa du wi ogri, leki fa wi no fasi yu tu, ma taki yu sa du wi bun leki fa wi ben du yu soso bun èn wi meki yu go ini freide. Bika MASRA de nanga yu.” 30So Isak poti nyanyan gi den, dan den nyan èn den dringi. 31A tra mamanten fruku den meki wan sweri nanga makandra. Dan Isak poti den afupasi di den e gwe. So den gwe ini freide.
32A srefi dei dati den knekti fu Isak taigi en taki den feni watra di den ben e diki wan peti. 33Isak kari a peti Seba.#26:33 Seba wan taki: Sweri noso Seibi. Dat' meki a foto nen Berseba te leki a dei fu tide.
Den frow fu Esau
34Di Esau tapu fotenti yari, a teki Yehudit, a umapikin fu a Hetitiman Beeri nanga Basemat, a umapikin fu a Hetitiman Elon, leki frow. 35Isak nanga Rebeka no ben lobi a sani disi srefsrefi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tekst © Surinaams Bijbelgenootschap 2016