Genesis 29
29
Yakob nanga Laban
1Dan Yakob teki pasi go moro fara na a kondre fu den sma na oostsei. 2Di a doro a luku lontu dan a si wan peti ini wan wei. A ben de wan peti pe den skapuman ben e meki den meti dringi. Dri grupu skapu ben didon lontu a peti èn wan bigi ston ben tapu a peti. 3Te den skapuman ben tyari den skapu kon na wan, den ben e dribi a ston puru dan den ben e meki den meti dringi. Baka dati den ben e poti a ston baka na en presi. 4Dan Yakob aksi den skapuman taki: “Brada, sortu foto un e libi?” Den piki taki: “Wi na fu Haran.” 5Ne Yakob aksi den taki: “Un sabi Laban, a manpikin fu Nakor?” Den piki: “Un sabi en iya.” 6Yakob aksi den taki: “A e go bun nanga en?” Den pikin taki: “Iya. Luku, Rachel en umapikin e kon nanga den skapu fu en.” 7Dan Yakob taki: “Dei krin ete. A no ten ete fu tyari den skapu kon na wan. Meki den dringi, dan un meki den go nyan grasi baka.” 8Ma den man piki en taki: “Wi no o du dati, te leki ala den grupu skapu doro dyaso fosi. Te dati psa, dan wi e dribi a ston puru fu a petimofo fu den meti dringi.”
9Yakob ben e taki nanga den man ete di Rachel doro nanga den skapu fu en p'pa bika a ben de en wroko fu wei den skapu. 10Rachel ben de a umapikin fu Laban, a brada fu Yakob m'ma. Fa Yakob si en, a waka go na a peti dan a lolo a ston puru fu a petimofo fu meki den skapu fu Laban, a brada fu en m'ma, dringi. 11Dan Yakob bosi Rachel èn a krei trangatranga. 12Baka dati a ferteri Rachel taki en na wan famiri fu en p'pa sei èn taki en na a manpikin fu Rebeka. Ne Rachel lon gwe es'esi go ferteri en p'pa.
13Di Laban yere a nyunsu fu Yakob, a boi fu en s'sa, a lon go es'esi go miti en dan a brasa en, èn a bosi en. 14Laban taigi en taki: “Yu na wan trutru famiri fu mi.”
Yakob ben de wan mun langa na den 15di Laban taigi en taki: “A no fu di yu na mi famiri meki yu abi fu wroko fu soso gi mi. Taigi mi omeni mi mus pai yu.” 16Now a ben de so taki Laban ben abi tu umapikin. A bigiwan ben nen Lea èn a pikinwan Rachel. 17Lea ben abi moi ai, ma Rachel ben moi fu en ede te na en futu. 18Yakob ben lobi Rachel. So a taigi Laban taki: “Mi wan wroko seibi yari gi yu, gi Rachel, a moro yongu umapikin fu yu.” 19Laban piki en taki: “Yu kan tan. A moro betre efu mi gi en na yu, dan taki mi gi en na wan tra man.” 20So Yakob tan wroko seibi yari fu Rachel ede. Ma fu di a ben lobi en, meki a ben gersi leki na wantu dei nomo.
21Baka dati a taigi Laban taki: “A ten doro kba. Gi mi mi frow fu mi trow nanga en.” 22Ne Laban seni kari ala sma fu a birti dan a gi wan bigi fesa. 23Ma neti fu en Laban teki Lea tyari go gi Yakob. So Yakob sribi nanga Lea. 24Laban ben gi Lea en umasrafu Silpa tu, fu a tron a srafu fu Lea. 25A tra mamanten fu en Yakob kon si taki na Lea. Ne a taigi Laban taki: “San yu du nanga mi? Mi wroko gi yu gi Rachel. San meki yu bedrigi mi?” 26Laban piki en taki: “Dyaso wi no abi a gwenti taki a yonguwan e trow fosi a bigiwan. 27Psa a wiki fu a trowfesa nanga a disi. Baka dati mi o gi yu a trawan, ma yu o abi fu wroko ete seibi yari gi mi.” 28Dan Yakob du dati. A psa a wiki fu a trowfesa nanga en. Baka dati Laban gi Yakob en umapikin Rachel leki frow. 29Laban gi Rachel Bilha, wan tra umasrafu fu en. 30Yakob sribi nanga Rachel tu. A ben lobi Rachel ma a no ben lobi Lea. So a tan wroko ete seibi yari gi Laban.
31Di MASRA si taki Yakob no ben lobi Lea, A meki Lea kisi pikin, ma Rachel no ben man kisi. 32Lea hori bere, dan a kisi wan manpikin di a kari Ruben. A taki: “MASRA si mi nowtu fu tru. Now mi masra sa lobi mi.” 33Dan Lea hori bere baka dan a kisi ete wan boi. A taki: “MASRA yere trutru taki mi masra no lobi mi. Dat' meki a gi mi a disi tu.” So a kari a boi Simeon.#29:33 Simeon wani taki: yere. 34Baka dati a hori bere baka dan a kisi wan boi. A taki: “Now mi masra sa tan na mi sei, bika na dri boi mi kisi gi en.” Dan a kari a boi Lefi.#29:34 Lefi wani taki: Tyari kon makandra. 35Lea hori bere baka dan a kisi wan boi. A taki: “Now mi sa prijse MASRA.” Dan a kari a boi Yuda.#29:35 Yuda wani taki: prijse. Baka dati Lea tapu fu kisi pikin.
Currently Selected:
Genesis 29: SB16
Highlight
Share
Copy
Want to have your highlights saved across all your devices? Sign up or sign in
Tekst © Surinaams Bijbelgenootschap 2016
Genesis 29
29
Yakob nanga Laban
1Dan Yakob teki pasi go moro fara na a kondre fu den sma na oostsei. 2Di a doro a luku lontu dan a si wan peti ini wan wei. A ben de wan peti pe den skapuman ben e meki den meti dringi. Dri grupu skapu ben didon lontu a peti èn wan bigi ston ben tapu a peti. 3Te den skapuman ben tyari den skapu kon na wan, den ben e dribi a ston puru dan den ben e meki den meti dringi. Baka dati den ben e poti a ston baka na en presi. 4Dan Yakob aksi den skapuman taki: “Brada, sortu foto un e libi?” Den piki taki: “Wi na fu Haran.” 5Ne Yakob aksi den taki: “Un sabi Laban, a manpikin fu Nakor?” Den piki: “Un sabi en iya.” 6Yakob aksi den taki: “A e go bun nanga en?” Den pikin taki: “Iya. Luku, Rachel en umapikin e kon nanga den skapu fu en.” 7Dan Yakob taki: “Dei krin ete. A no ten ete fu tyari den skapu kon na wan. Meki den dringi, dan un meki den go nyan grasi baka.” 8Ma den man piki en taki: “Wi no o du dati, te leki ala den grupu skapu doro dyaso fosi. Te dati psa, dan wi e dribi a ston puru fu a petimofo fu den meti dringi.”
9Yakob ben e taki nanga den man ete di Rachel doro nanga den skapu fu en p'pa bika a ben de en wroko fu wei den skapu. 10Rachel ben de a umapikin fu Laban, a brada fu Yakob m'ma. Fa Yakob si en, a waka go na a peti dan a lolo a ston puru fu a petimofo fu meki den skapu fu Laban, a brada fu en m'ma, dringi. 11Dan Yakob bosi Rachel èn a krei trangatranga. 12Baka dati a ferteri Rachel taki en na wan famiri fu en p'pa sei èn taki en na a manpikin fu Rebeka. Ne Rachel lon gwe es'esi go ferteri en p'pa.
13Di Laban yere a nyunsu fu Yakob, a boi fu en s'sa, a lon go es'esi go miti en dan a brasa en, èn a bosi en. 14Laban taigi en taki: “Yu na wan trutru famiri fu mi.”
Yakob ben de wan mun langa na den 15di Laban taigi en taki: “A no fu di yu na mi famiri meki yu abi fu wroko fu soso gi mi. Taigi mi omeni mi mus pai yu.” 16Now a ben de so taki Laban ben abi tu umapikin. A bigiwan ben nen Lea èn a pikinwan Rachel. 17Lea ben abi moi ai, ma Rachel ben moi fu en ede te na en futu. 18Yakob ben lobi Rachel. So a taigi Laban taki: “Mi wan wroko seibi yari gi yu, gi Rachel, a moro yongu umapikin fu yu.” 19Laban piki en taki: “Yu kan tan. A moro betre efu mi gi en na yu, dan taki mi gi en na wan tra man.” 20So Yakob tan wroko seibi yari fu Rachel ede. Ma fu di a ben lobi en, meki a ben gersi leki na wantu dei nomo.
21Baka dati a taigi Laban taki: “A ten doro kba. Gi mi mi frow fu mi trow nanga en.” 22Ne Laban seni kari ala sma fu a birti dan a gi wan bigi fesa. 23Ma neti fu en Laban teki Lea tyari go gi Yakob. So Yakob sribi nanga Lea. 24Laban ben gi Lea en umasrafu Silpa tu, fu a tron a srafu fu Lea. 25A tra mamanten fu en Yakob kon si taki na Lea. Ne a taigi Laban taki: “San yu du nanga mi? Mi wroko gi yu gi Rachel. San meki yu bedrigi mi?” 26Laban piki en taki: “Dyaso wi no abi a gwenti taki a yonguwan e trow fosi a bigiwan. 27Psa a wiki fu a trowfesa nanga a disi. Baka dati mi o gi yu a trawan, ma yu o abi fu wroko ete seibi yari gi mi.” 28Dan Yakob du dati. A psa a wiki fu a trowfesa nanga en. Baka dati Laban gi Yakob en umapikin Rachel leki frow. 29Laban gi Rachel Bilha, wan tra umasrafu fu en. 30Yakob sribi nanga Rachel tu. A ben lobi Rachel ma a no ben lobi Lea. So a tan wroko ete seibi yari gi Laban.
31Di MASRA si taki Yakob no ben lobi Lea, A meki Lea kisi pikin, ma Rachel no ben man kisi. 32Lea hori bere, dan a kisi wan manpikin di a kari Ruben. A taki: “MASRA si mi nowtu fu tru. Now mi masra sa lobi mi.” 33Dan Lea hori bere baka dan a kisi ete wan boi. A taki: “MASRA yere trutru taki mi masra no lobi mi. Dat' meki a gi mi a disi tu.” So a kari a boi Simeon.#29:33 Simeon wani taki: yere. 34Baka dati a hori bere baka dan a kisi wan boi. A taki: “Now mi masra sa tan na mi sei, bika na dri boi mi kisi gi en.” Dan a kari a boi Lefi.#29:34 Lefi wani taki: Tyari kon makandra. 35Lea hori bere baka dan a kisi wan boi. A taki: “Now mi sa prijse MASRA.” Dan a kari a boi Yuda.#29:35 Yuda wani taki: prijse. Baka dati Lea tapu fu kisi pikin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tekst © Surinaams Bijbelgenootschap 2016