U̱r-Taku̱n 19
19
Ba'as-u̱t So̱do̱m
1A-to̱m u-Ru̱ ne̱ yu̱r e̱ haan u̱ So̱do̱m m-rim, tu̱msu̱ Ro̱t o̱ u̱ shu̱'u̱t u̱ is-yu̱ cwadu̱ u-bo̱. Da-u̱ wa hyane̱ u̱n, wa yu̱ne, wa bit u̱n, wa kwu̱ku̱t u̱t-jwu̱n u-dak wa kaku̱s shu̱-u wa u-dak. 2Wa zu̱ u̱n, <<Haanu̱n u̱ bu-u̱ to̱k-u̱ no̱, u̱ no̱ jaas naas no̱ tu̱msu̱ no̱ roog u̱ ane̱ a is-u̱ gase̱ u̱r-wu̱n te̱p te̱p se̱ no̱ aru̱k m-mu̱.>>
Se̱di u̱n zu̱ wa, <<O'o, yage̱ it roog u̱ ane̱ kat-du̱ u-bo̱.>>
3Se̱ Ro̱t e̱kse̱ u̱n, da tase̱ u̱n aru̱k m-mu̱ u̱nu̱ e̱ ne̱ u̱ bu-u wa. Ro̱t zo̱nge̱ u̱n mo̱ro̱g-du̱ re̱-du̱ no̱m u̱t-re̱, wa no̱mu̱ u̱n u̱r-be̱re̱di du̱ za m-yis, se̱ u̱n re. 4Kandi u̱n toot m-roog, campa-ne̱ i o̱o̱ge̱ bo̱-u̱ So̱do̱m u-be̱e̱t, u̱ yaag-u̱ be̱b-ne̱ u̱t-ne̱nge̱n ne̱ gu̱nu̱s bu-u̱ u̱n o̱tte̱. 5Se̱ u̱n fog Ro̱t, u̱n zu̱, <<¿Ne̱t-u̱t to̱ yu̱ tu̱ haane̱ u̱du̱ ró m-gyu̱p? Rwu̱tu̱n u̱n u̱ ane̱ u̱du̱ it, it roog u̱ e̱ ne̱!>>
6Se̱ Ro̱t aru̱k m-rwu̱ u̱-do̱ wa tage̱ u-is u̱ dim-u̱ wa, wa do̱'e̱ u̱nu̱ e̱ ne̱ no̱m u̱s-rem. 7Wa zu̱ u̱n, <<Gagu̱n jab, o̱r-u̱t ri, a no̱ jaru̱n no̱ no̱m go̱ no̱m-u yo̱-o̱ uno̱ da. 8Gwatu̱n, u̱m o̱ yaat u̱t-gwu̱p-ne̱ yu̱r i tame̱ nap-du̱ campa da. Yagu̱n u̱m rwu̱tu̱n no̱ e̱ u̱du̱ no̱, u̱ no̱ nom no̱m-u̱ citu̱ no̱ u̱ e̱ ne̱. Se̱di a no̱ no̱mu̱ ne̱t-u̱t tun-to̱ oko̱n da, ham-tu̱ u̱t-ri to̱ u̱ bu-u ri.>>
9Se̱di u̱n zu̱ wa, <<Ya it u̱r-be!>> Tu̱msu̱ u̱n zu̱ hi-u̱r u̱n, <<Unwa ne̱t wa ham-u̱t wa, se̱di wa o̱ u̱ssa wa shu̱'u̱t wa kwu̱pu̱ in u̱s-rem. U̱ da-o̱ it u̱ no̱mu̱ bo̱ m-ze̱g no̱mu̱ it o̱o̱ge̱ u̱ssa u̱ u̱n ne̱.>> Se̱ u̱n hu̱ e̱kse̱ Ro̱t so̱k. U̱n o̱ u̱t-sa u̱n vu̱ku̱s is-yu̱ u-bu.
10Se̱di hamu̱t-u̱t to̱ nabu̱n u-kom e̱ nu̱k Ro̱t m-cwa u-bu. Se̱ e̱ tage̱ is-yu̱ u-bu. 11Se̱ u̱n muut ne̱t-u̱t to̱ po̱-ne̱ be̱e̱t, u̱ ya'ag-u̱ campa-ne̱, u̱t-ne̱nge̱n ne̱, i o̱o̱ge̱ u̱ ees u̱ is-yu̱ u-bu, taas e̱ hyan is-yu̱ cwadu̱ u-bu da.
Ro̱t so̱mo̱g du̱gu̱ So̱do̱m
12Se̱ ne̱t-ne̱ yu̱r-u̱ e̱ zu̱ Ro̱t, <<¿Ko̱ bo̱ o̱tte̱ waku̱n u̱ ane̱, ko̱ maan-u̱t ró, ya'ag-u̱ campa-ne̱ ko̱ yaat u̱t-gwu̱p, ko̱ waku̱n u̱-me̱ bo̱-u uno̱ wu̱ o̱o̱ge̱ wu̱ ró? Rwu̱tu̱n e̱ du̱gu̱ ane̱, 13remu̱ u̱zu̱ it do̱'e̱ u̱ ho̱ru̱ssu̱ bo̱-u uno̱ u-be̱e̱t. Yawe ho̱k u̱zu̱ no̱m-u̱t yo̱-to̱ ne̱t-u̱t tunto̱ no̱ng u-tát o̱ wa'e̱ wa to̱mto̱n it ho̱ru̱sse̱ bo̱-u uno̱.>>
14Se̱ Ro̱t aru̱k m-rwu̱ wa do̱'e̱ wa no̱m u̱s-rem u̱ maan-u̱t wa ne̱, e̱ sa'e̱ gu̱tu̱ ya-u̱t-gwu̱p-u̱ wa. Wa zu̱ e̱, <<Zo̱ngu̱n no̱ aru̱k m-rwu̱ du̱gu̱ ane̱, remu̱ zu̱ Yawe o̱ mo̱ttu̱ ho̱ru̱ssu̱ bo̱-u uno̱!>> Se̱di maan-u̱t wa ku̱b u̱zu̱ ho̱ro̱ wa o̱tte̱.
15Da-u̱ is u̱t-sa u̱t-gas, se̱ a-to̱m u-Ru̱ ne̱ waru̱ Ro̱t u̱zu̱, <<No̱m m-ho̱r, bo̱ kab ne̱ta ró u̱ ya-u̱t-gwu̱p-u̱ ró ne̱ yu̱r i o̱o̱ge̱ ane̱, taas na haan na ho̱ru̱ssu̱ bo̱-u uno̱ u̱r-kot u̱ no̱ ne̱ remu̱ ba'as-u̱t u̱n da.>>
16Da-u̱ Ro̱t gu̱gme̱ no̱m-du̱ m-ho̱r, se̱ ne̱t-u̱t to̱ shipu̱s wa u-kom, u̱ ne̱ta wa ne̱, u̱ yaat u̱t-gwu̱pu̱ wa ne̱ yu̱r, e̱ ruut u̱n m-yar du̱gu̱ bo̱-u o̱, remu̱ zu̱ Yawe o̱ ho̱g-du̱ o̱n-u̱r u̱n. 17Da-u̱ na ruute̱ u̱n m-yar du̱gu̱ bo̱-u o̱, wa-to̱m u-Ru̱ wa-gan zu̱ u̱n, <<Somtu̱n fat-u̱t no̱! A no̱ gwat u-dim da ko̱ no̱ ees u̱ be̱du̱ o̱ nu̱ru̱gse̱ da. Du̱su̱n u̱ do̱m-u̱ u̱r-ro̱r, taas na ho̱ru̱ssu̱ no̱ da.>>
18Se̱di Ro̱t zu̱ u̱n, <<O'o, U̱so-tu̱ u-bu ri. 19U̱m kwu̱mu̱g hyu̱-m pusmo̱ du̱gu̱-du̱ no̱, no̱ gu fat-u̱r ri u̱ no̱mu so̱-o̱ u̱ no̱ no̱mu̱ me̱. U̱m zaar u̱ kerru̱ te-du̱ do̱m-u̱ u̱r-ro̱r kanda bo̱ ho̱ru̱sse̱ So̱do̱m da. U̱no̱ no̱m-u yo̱-o̱ u̱ masu̱ me̱, tu̱msu̱ me̱ u̱t-mar. 20Gwat, o̱ko̱n bo̱-u re̱k-o̱ o̱ro u̱ kit-u̱ ku̱n. Yage̱ u̱m do̱'e̱ u̱ku̱n, no̱ hyang o̱ re̱k-o̱, u̱ da-u o̱ fat-u̱r ri u̱t-ku̱su̱m.>>
21Wa-to̱m u-Ru̱ shu̱s wa zu̱ wu̱n, <<U̱m ho̱k ko̱n-u̱s ró, u̱m zaar u̱ ho̱-du̱ bo̱-u re̱k-o̱ o̱ da. 22Zo̱nge̱ m-ho̱r-m-ho̱r bo̱ so̱m m-ha u̱ku̱n, u̱m zaar u̱ no̱m-du̱ o̱ko̱n da se̱ bo̱ teeg ku̱n.>> (O̱ wa-e̱ na fog-u̱t bo̱-u o̱ Zo̱war, wata be-u̱r re̱k-de̱).
Ru̱-u̱ ho̱ru̱sse̱ bo̱-u̱ So̱do̱m u̱ Gomora ne̱
23Da-u̱ ho̱-du̱ o̱o̱ge̱ u̱ rwu̱u̱n, Ro̱t u̱ bu-u wa ne̱ te u-bo̱ u̱ na foge̱ Zo̱war. 24Se̱ Yawe hu̱ u̱ dasu̱n eng-tu̱ u-ra du̱gu̱ do̱m u-ru̱ u̱ bo̱-tu̱ So̱do̱m u̱ Gomora ne̱. 25Wa ho̱ru̱sse̱te bo̱-u̱t to̱ u̱ ne̱t-tu̱ o̱o̱ge̱ u̱r-yu̱ ne̱ u̱-me̱ to̱, u̱ bo̱-tu̱ o̱ nu̱ru̱gse̱ ne̱ u̱t-be̱e̱t, u̱t-ran ne̱ u̱t-be̱e̱t. 26Se̱di ne̱ta Ro̱t bir u-dim da-u̱ wa o̱o̱ge̱ u̱ do̱rru̱ dim-u̱ wa, se̱ wa baru̱m kirru̱ u̱t-ma.
27Da-u̱ is gase̱ u̱r-wu̱n te̱p te̱p, Ibrahi baru̱m m-mu̱ u-dim u̱ be-du̱ wa tamte̱ u̱r-ees u̱-shu̱ Yawe. 28Se̱ wa gwatu̱n u-dak u̱ gas-u̱ So̱do̱m u̱ Gomora ne̱, u̱ be-du̱ o̱ nu̱ru̱gse̱ ne̱ u̱r-be̱e̱t, wa hyu̱n fu̱'u̱t-u yat-o̱ u̱ rwu̱u̱n du̱gu̱ me̱ bo̱-u̱t to̱ sha-mu̱ m-fu̱'u̱t du̱gu̱ ra-u yat-o̱.
29Se̱di Ru̱-u̱ ho̱k ko̱n-u̱s Ibrahi, wa yage̱ Ro̱t u̱r-fat. Wa ruut Ro̱t du̱gu̱ swadu̱ u̱r-ko̱b du̱ he̱e̱ne̱ bo̱-u̱t to̱.
Taku̱n-du̱ Mowab u̱ Amo̱n-ne̱
30Da-u̱ tase̱ Ro̱t yage̱ bo̱-u̱ Zo̱war remu̱ zu̱ wa o̱ gye̱r-u̱ ne̱t-tu̱ o̱o̱ge̱ u̱ku̱n. Wa do̱'e̱ wa shu̱'u̱t u̱ do̱m-u̱ u̱r-ro̱r u-so' u̱ ya-u̱t-gwu̱p-u̱ wa ne̱ yu̱r. 31De̱ku̱n ho̱-de̱ yu̱-wu̱ya zu̱ hu̱no-u wa, <<Campa-ne̱ zamu̱n u̱ gas-u̱ uno̱ da. In zaar u̱ kwu̱m-du̱ campa wu̱ do̱'e̱ ga-du̱ in u̱ka na nomte̱ da. Za m-tumb u̱so in do̱'e̱ no̱m-du̱ u̱r-wu̱' za yaag. 32Haane̱, yage̱ yu̱-u ya' wu̱n ke̱ wu̱n swa, se̱ yu̱-u roog u̱ wu̱n ne̱, ko̱ in u̱ cinu̱ go̱ du̱gu̱-du̱ u̱so-u in.>>
33Da-u̱ gye̱p-mu̱ no̱me̱, u̱n yu̱' wa ke̱ e̱ ho wa, se̱ yu̱-wu̱ya to wa roog u̱ wu̱n ne̱. Wu̱n nak da-u̱ gwu̱p-u̱ wu̱n ru̱te̱ da ko̱ da-u̱ wa yu̱ne̱ da.
34Da-u̱ is gase̱ yu̱-wu̱ya zu̱ hu̱no-u wa, <<Gyu̱p-ne̱, u̱m roogte̱ u̱ u̱so ri ne̱, yage̱ u̱ in sur m-ya wu̱n ke̱ u̱ da-o̱ m-gye̱p. Se̱ bo̱ cwa u̱ no̱ wa ne̱ roog u̱ wu̱n ne̱ ko̱ in u̱ cinu̱ yaag du̱gu̱-du̱ u̱so-u in.>> 35Se̱ u̱n wu̱' u̱so-u u̱n wa swa ke̱ e̱ ho wa u̱ gyu̱p-m mo̱. Se̱ du̱-dim to wa roog u̱ wa ne̱. Wu̱n nak da-u̱ gwu̱p-u̱ wu̱n ru̱te̱ da ko̱ da-u̱ wa yu̱ne̱ da.
36U̱ remu̱ iyane̱, ya-u̱t-gwu̱p-u̱ Ro̱t be̱e̱t u̱n no̱m me̱n-tu̱ uub du̱gu̱-du̱ u̱so-u u̱n. 37Yu̱-wu̱ya mu̱t ya-du̱ u̱r-campa, wa te̱'e̱ de̱ u̱r-dim Mowab, ya'ag-u̱ Mowab e̱ na fu̱ge̱ da-o̱ Mowab-ne̱. 38Du̱-dim sur m-mat ya-du̱ u̱r-campa, wa te̱'e̱ wa u̱r-dim Amona. Wa na foge̱ ya-du̱ ne̱t-u̱t ri, ya'ag-u̱ Amona e̱ na fu̱ge̱ Amona-ne̱ u̱ haan da-u uno̱.
Currently Selected:
U̱r-Taku̱n 19: UtMain
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Bible Translators in cooperation with
Ut-Ma'in Language and Translation Committee
U̱r-Taku̱n 19
19
Ba'as-u̱t So̱do̱m
1A-to̱m u-Ru̱ ne̱ yu̱r e̱ haan u̱ So̱do̱m m-rim, tu̱msu̱ Ro̱t o̱ u̱ shu̱'u̱t u̱ is-yu̱ cwadu̱ u-bo̱. Da-u̱ wa hyane̱ u̱n, wa yu̱ne, wa bit u̱n, wa kwu̱ku̱t u̱t-jwu̱n u-dak wa kaku̱s shu̱-u wa u-dak. 2Wa zu̱ u̱n, <<Haanu̱n u̱ bu-u̱ to̱k-u̱ no̱, u̱ no̱ jaas naas no̱ tu̱msu̱ no̱ roog u̱ ane̱ a is-u̱ gase̱ u̱r-wu̱n te̱p te̱p se̱ no̱ aru̱k m-mu̱.>>
Se̱di u̱n zu̱ wa, <<O'o, yage̱ it roog u̱ ane̱ kat-du̱ u-bo̱.>>
3Se̱ Ro̱t e̱kse̱ u̱n, da tase̱ u̱n aru̱k m-mu̱ u̱nu̱ e̱ ne̱ u̱ bu-u wa. Ro̱t zo̱nge̱ u̱n mo̱ro̱g-du̱ re̱-du̱ no̱m u̱t-re̱, wa no̱mu̱ u̱n u̱r-be̱re̱di du̱ za m-yis, se̱ u̱n re. 4Kandi u̱n toot m-roog, campa-ne̱ i o̱o̱ge̱ bo̱-u̱ So̱do̱m u-be̱e̱t, u̱ yaag-u̱ be̱b-ne̱ u̱t-ne̱nge̱n ne̱ gu̱nu̱s bu-u̱ u̱n o̱tte̱. 5Se̱ u̱n fog Ro̱t, u̱n zu̱, <<¿Ne̱t-u̱t to̱ yu̱ tu̱ haane̱ u̱du̱ ró m-gyu̱p? Rwu̱tu̱n u̱n u̱ ane̱ u̱du̱ it, it roog u̱ e̱ ne̱!>>
6Se̱ Ro̱t aru̱k m-rwu̱ u̱-do̱ wa tage̱ u-is u̱ dim-u̱ wa, wa do̱'e̱ u̱nu̱ e̱ ne̱ no̱m u̱s-rem. 7Wa zu̱ u̱n, <<Gagu̱n jab, o̱r-u̱t ri, a no̱ jaru̱n no̱ no̱m go̱ no̱m-u yo̱-o̱ uno̱ da. 8Gwatu̱n, u̱m o̱ yaat u̱t-gwu̱p-ne̱ yu̱r i tame̱ nap-du̱ campa da. Yagu̱n u̱m rwu̱tu̱n no̱ e̱ u̱du̱ no̱, u̱ no̱ nom no̱m-u̱ citu̱ no̱ u̱ e̱ ne̱. Se̱di a no̱ no̱mu̱ ne̱t-u̱t tun-to̱ oko̱n da, ham-tu̱ u̱t-ri to̱ u̱ bu-u ri.>>
9Se̱di u̱n zu̱ wa, <<Ya it u̱r-be!>> Tu̱msu̱ u̱n zu̱ hi-u̱r u̱n, <<Unwa ne̱t wa ham-u̱t wa, se̱di wa o̱ u̱ssa wa shu̱'u̱t wa kwu̱pu̱ in u̱s-rem. U̱ da-o̱ it u̱ no̱mu̱ bo̱ m-ze̱g no̱mu̱ it o̱o̱ge̱ u̱ssa u̱ u̱n ne̱.>> Se̱ u̱n hu̱ e̱kse̱ Ro̱t so̱k. U̱n o̱ u̱t-sa u̱n vu̱ku̱s is-yu̱ u-bu.
10Se̱di hamu̱t-u̱t to̱ nabu̱n u-kom e̱ nu̱k Ro̱t m-cwa u-bu. Se̱ e̱ tage̱ is-yu̱ u-bu. 11Se̱ u̱n muut ne̱t-u̱t to̱ po̱-ne̱ be̱e̱t, u̱ ya'ag-u̱ campa-ne̱, u̱t-ne̱nge̱n ne̱, i o̱o̱ge̱ u̱ ees u̱ is-yu̱ u-bu, taas e̱ hyan is-yu̱ cwadu̱ u-bu da.
Ro̱t so̱mo̱g du̱gu̱ So̱do̱m
12Se̱ ne̱t-ne̱ yu̱r-u̱ e̱ zu̱ Ro̱t, <<¿Ko̱ bo̱ o̱tte̱ waku̱n u̱ ane̱, ko̱ maan-u̱t ró, ya'ag-u̱ campa-ne̱ ko̱ yaat u̱t-gwu̱p, ko̱ waku̱n u̱-me̱ bo̱-u uno̱ wu̱ o̱o̱ge̱ wu̱ ró? Rwu̱tu̱n e̱ du̱gu̱ ane̱, 13remu̱ u̱zu̱ it do̱'e̱ u̱ ho̱ru̱ssu̱ bo̱-u uno̱ u-be̱e̱t. Yawe ho̱k u̱zu̱ no̱m-u̱t yo̱-to̱ ne̱t-u̱t tunto̱ no̱ng u-tát o̱ wa'e̱ wa to̱mto̱n it ho̱ru̱sse̱ bo̱-u uno̱.>>
14Se̱ Ro̱t aru̱k m-rwu̱ wa do̱'e̱ wa no̱m u̱s-rem u̱ maan-u̱t wa ne̱, e̱ sa'e̱ gu̱tu̱ ya-u̱t-gwu̱p-u̱ wa. Wa zu̱ e̱, <<Zo̱ngu̱n no̱ aru̱k m-rwu̱ du̱gu̱ ane̱, remu̱ zu̱ Yawe o̱ mo̱ttu̱ ho̱ru̱ssu̱ bo̱-u uno̱!>> Se̱di maan-u̱t wa ku̱b u̱zu̱ ho̱ro̱ wa o̱tte̱.
15Da-u̱ is u̱t-sa u̱t-gas, se̱ a-to̱m u-Ru̱ ne̱ waru̱ Ro̱t u̱zu̱, <<No̱m m-ho̱r, bo̱ kab ne̱ta ró u̱ ya-u̱t-gwu̱p-u̱ ró ne̱ yu̱r i o̱o̱ge̱ ane̱, taas na haan na ho̱ru̱ssu̱ bo̱-u uno̱ u̱r-kot u̱ no̱ ne̱ remu̱ ba'as-u̱t u̱n da.>>
16Da-u̱ Ro̱t gu̱gme̱ no̱m-du̱ m-ho̱r, se̱ ne̱t-u̱t to̱ shipu̱s wa u-kom, u̱ ne̱ta wa ne̱, u̱ yaat u̱t-gwu̱pu̱ wa ne̱ yu̱r, e̱ ruut u̱n m-yar du̱gu̱ bo̱-u o̱, remu̱ zu̱ Yawe o̱ ho̱g-du̱ o̱n-u̱r u̱n. 17Da-u̱ na ruute̱ u̱n m-yar du̱gu̱ bo̱-u o̱, wa-to̱m u-Ru̱ wa-gan zu̱ u̱n, <<Somtu̱n fat-u̱t no̱! A no̱ gwat u-dim da ko̱ no̱ ees u̱ be̱du̱ o̱ nu̱ru̱gse̱ da. Du̱su̱n u̱ do̱m-u̱ u̱r-ro̱r, taas na ho̱ru̱ssu̱ no̱ da.>>
18Se̱di Ro̱t zu̱ u̱n, <<O'o, U̱so-tu̱ u-bu ri. 19U̱m kwu̱mu̱g hyu̱-m pusmo̱ du̱gu̱-du̱ no̱, no̱ gu fat-u̱r ri u̱ no̱mu so̱-o̱ u̱ no̱ no̱mu̱ me̱. U̱m zaar u̱ kerru̱ te-du̱ do̱m-u̱ u̱r-ro̱r kanda bo̱ ho̱ru̱sse̱ So̱do̱m da. U̱no̱ no̱m-u yo̱-o̱ u̱ masu̱ me̱, tu̱msu̱ me̱ u̱t-mar. 20Gwat, o̱ko̱n bo̱-u re̱k-o̱ o̱ro u̱ kit-u̱ ku̱n. Yage̱ u̱m do̱'e̱ u̱ku̱n, no̱ hyang o̱ re̱k-o̱, u̱ da-u o̱ fat-u̱r ri u̱t-ku̱su̱m.>>
21Wa-to̱m u-Ru̱ shu̱s wa zu̱ wu̱n, <<U̱m ho̱k ko̱n-u̱s ró, u̱m zaar u̱ ho̱-du̱ bo̱-u re̱k-o̱ o̱ da. 22Zo̱nge̱ m-ho̱r-m-ho̱r bo̱ so̱m m-ha u̱ku̱n, u̱m zaar u̱ no̱m-du̱ o̱ko̱n da se̱ bo̱ teeg ku̱n.>> (O̱ wa-e̱ na fog-u̱t bo̱-u o̱ Zo̱war, wata be-u̱r re̱k-de̱).
Ru̱-u̱ ho̱ru̱sse̱ bo̱-u̱ So̱do̱m u̱ Gomora ne̱
23Da-u̱ ho̱-du̱ o̱o̱ge̱ u̱ rwu̱u̱n, Ro̱t u̱ bu-u wa ne̱ te u-bo̱ u̱ na foge̱ Zo̱war. 24Se̱ Yawe hu̱ u̱ dasu̱n eng-tu̱ u-ra du̱gu̱ do̱m u-ru̱ u̱ bo̱-tu̱ So̱do̱m u̱ Gomora ne̱. 25Wa ho̱ru̱sse̱te bo̱-u̱t to̱ u̱ ne̱t-tu̱ o̱o̱ge̱ u̱r-yu̱ ne̱ u̱-me̱ to̱, u̱ bo̱-tu̱ o̱ nu̱ru̱gse̱ ne̱ u̱t-be̱e̱t, u̱t-ran ne̱ u̱t-be̱e̱t. 26Se̱di ne̱ta Ro̱t bir u-dim da-u̱ wa o̱o̱ge̱ u̱ do̱rru̱ dim-u̱ wa, se̱ wa baru̱m kirru̱ u̱t-ma.
27Da-u̱ is gase̱ u̱r-wu̱n te̱p te̱p, Ibrahi baru̱m m-mu̱ u-dim u̱ be-du̱ wa tamte̱ u̱r-ees u̱-shu̱ Yawe. 28Se̱ wa gwatu̱n u-dak u̱ gas-u̱ So̱do̱m u̱ Gomora ne̱, u̱ be-du̱ o̱ nu̱ru̱gse̱ ne̱ u̱r-be̱e̱t, wa hyu̱n fu̱'u̱t-u yat-o̱ u̱ rwu̱u̱n du̱gu̱ me̱ bo̱-u̱t to̱ sha-mu̱ m-fu̱'u̱t du̱gu̱ ra-u yat-o̱.
29Se̱di Ru̱-u̱ ho̱k ko̱n-u̱s Ibrahi, wa yage̱ Ro̱t u̱r-fat. Wa ruut Ro̱t du̱gu̱ swadu̱ u̱r-ko̱b du̱ he̱e̱ne̱ bo̱-u̱t to̱.
Taku̱n-du̱ Mowab u̱ Amo̱n-ne̱
30Da-u̱ tase̱ Ro̱t yage̱ bo̱-u̱ Zo̱war remu̱ zu̱ wa o̱ gye̱r-u̱ ne̱t-tu̱ o̱o̱ge̱ u̱ku̱n. Wa do̱'e̱ wa shu̱'u̱t u̱ do̱m-u̱ u̱r-ro̱r u-so' u̱ ya-u̱t-gwu̱p-u̱ wa ne̱ yu̱r. 31De̱ku̱n ho̱-de̱ yu̱-wu̱ya zu̱ hu̱no-u wa, <<Campa-ne̱ zamu̱n u̱ gas-u̱ uno̱ da. In zaar u̱ kwu̱m-du̱ campa wu̱ do̱'e̱ ga-du̱ in u̱ka na nomte̱ da. Za m-tumb u̱so in do̱'e̱ no̱m-du̱ u̱r-wu̱' za yaag. 32Haane̱, yage̱ yu̱-u ya' wu̱n ke̱ wu̱n swa, se̱ yu̱-u roog u̱ wu̱n ne̱, ko̱ in u̱ cinu̱ go̱ du̱gu̱-du̱ u̱so-u in.>>
33Da-u̱ gye̱p-mu̱ no̱me̱, u̱n yu̱' wa ke̱ e̱ ho wa, se̱ yu̱-wu̱ya to wa roog u̱ wu̱n ne̱. Wu̱n nak da-u̱ gwu̱p-u̱ wu̱n ru̱te̱ da ko̱ da-u̱ wa yu̱ne̱ da.
34Da-u̱ is gase̱ yu̱-wu̱ya zu̱ hu̱no-u wa, <<Gyu̱p-ne̱, u̱m roogte̱ u̱ u̱so ri ne̱, yage̱ u̱ in sur m-ya wu̱n ke̱ u̱ da-o̱ m-gye̱p. Se̱ bo̱ cwa u̱ no̱ wa ne̱ roog u̱ wu̱n ne̱ ko̱ in u̱ cinu̱ yaag du̱gu̱-du̱ u̱so-u in.>> 35Se̱ u̱n wu̱' u̱so-u u̱n wa swa ke̱ e̱ ho wa u̱ gyu̱p-m mo̱. Se̱ du̱-dim to wa roog u̱ wa ne̱. Wu̱n nak da-u̱ gwu̱p-u̱ wu̱n ru̱te̱ da ko̱ da-u̱ wa yu̱ne̱ da.
36U̱ remu̱ iyane̱, ya-u̱t-gwu̱p-u̱ Ro̱t be̱e̱t u̱n no̱m me̱n-tu̱ uub du̱gu̱-du̱ u̱so-u u̱n. 37Yu̱-wu̱ya mu̱t ya-du̱ u̱r-campa, wa te̱'e̱ de̱ u̱r-dim Mowab, ya'ag-u̱ Mowab e̱ na fu̱ge̱ da-o̱ Mowab-ne̱. 38Du̱-dim sur m-mat ya-du̱ u̱r-campa, wa te̱'e̱ wa u̱r-dim Amona. Wa na foge̱ ya-du̱ ne̱t-u̱t ri, ya'ag-u̱ Amona e̱ na fu̱ge̱ Amona-ne̱ u̱ haan da-u uno̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Bible Translators in cooperation with
Ut-Ma'in Language and Translation Committee