U̱r-Taku̱n 36
36
Yaag-u̱ Isuwa
1Unto̱ to̱ o̱o̱ge̱ ogu̱r-tu̱ ko̱-u̱r Isuwa (Tu̱msu̱ wa na fu̱ge̱ Edo̱m).
2Isuwa gaan ya-u̱t-gwu̱p yu̱r du̱gu̱ Kan'ana: Ada, gwu̱p-u̱ Ero̱n ya-He̱t-ne̱, u̱ O̱ho̱ribama, gwu̱p-u̱ A-na tu̱msu̱ wa'-u̱ wa'-u̱ Zibe̱yon wa-Hiwi-ne̱. 3Isuwa sur m-ga ne̱ta u-tu̱tu̱rse̱ wu̱ na foge̱ Basemat. Basemat wa o̱o̱ge̱ gwu̱p-u̱ Ismaru tu̱msu̱ du̱-dim-u̱ Nebayo̱t.
4Ada matu̱ Isuwa Eripa, Basemat mu̱t Re̱we̱r. 5Tu̱msu̱ O̱ho̱ribama mu̱t ya'ag-u̱ campa-ne̱, Jewus, Jaram, u̱ Kora ne̱. Yaag-u̱ campa-ne̱ e̱ be̱e̱t na mak-tu̱ Isuwa e̱ dak-u̱ Kan'ana.
6Isuwa ku̱b ne̱ta-u̱t wa, u̱ ya'ag-u̱ wa ne̱ u̱ no̱m-tu̱ u-bu wa ne̱ u̱t-be̱e̱t bisa-u̱t wa ne̱, u̱ no̱m-tu̱ u̱t-kom-u̱ wa kume̱ u̱ dak-u̱ Kan'ana u̱t-be̱e̱t, wa hate̱ m-ra du̱gu̱-du̱ hu̱no̱ wa Yakubu. 7Remu̱ tat-u̱ bisa-u̱t u̱n, za u̱t-no̱me̱ u̱n shu̱'u̱t u̱r-be u̱r-gan da, be-du̱ u̱n o̱tte̱ u̱ shu̱'u̱t de̱ zaar u̱ ko̱ru̱ u̱n be̱e̱t da. 8Isuwa (wu̱ na zu̱ye̱ Edo̱m) shu̱'u̱t u̱ gas-u̱ ro̱r-tu̱ dak-u̱ Seyir.
9Unto̱ o̱o̱ge̱ ogu̱r-tu̱ ya'ag-u̱ Isuwa, ne̱t-u̱ Edo̱m, wu̱ o̱o̱ge̱ u̱ shu̱'u̱t u̱ gas-u̱ ro̱r-tu̱ dak-u̱ Seyir.
10Dim-tu̱ ya'ag-u̱ campa-ne̱ Isuwa ya:
E̱ripaz (wa'-u̱ Ada ne̱ta Isuwa) u̱ Re̱we̱r (wa'-u̱ Basemat ne̱ta Isuwa).
11Yaag-u̱ campa-ne̱ E̱ripaz:
Te̱man, u̱ O̱mar, u̱ Ze̱paho, u̱ Gatama, u̱ Kenaz.
12Eripaz o̱tte̱ ne̱ta u̱r-kit wu̱ na foge̱ Timu̱na. Wa mate̱ Amare̱k wu̱ o̱o̱ge̱ ne̱ta u̱s-kit E̱ripaz. E̱ o̱o̱ge̱ ya'ag-u̱ ya'ag-u̱ campa-ne̱ i ne̱ta Isuwa Ada.
13Yaag-u̱ campa-ne̱ Re̱we̱r:
Nahat, u̱ Zera, u̱ Shamma, u̱ Miza. Ine̱ e̱ o̱ ya'ag-u̱ ya'ag-u̱ ne̱ta Isuwa Basemat.
14Yaag-u̱ campa-ne̱ ne̱ta Isuwa O̱ho̱ribama gwu̱p-u̱ Ana tu̱msu̱ wa'-u̱ wa'-u̱ Zibe̱yon, e̱ wa mate̱ Isuwa:
Jewus, u̱ Jaram, u̱ Kora ne̱.
15Ine̱ e̱ o̱o̱ge̱ u̱t-faru̱k u̱ te̱k-u̱ ya'ag-u̱ Isuwa wu̱ shu̱'u̱te̱ yu̱-Yat-ya u̱t-ko̱ u-tát.
Yaag-u̱ campa-ne̱ E̱ripaz mat-du̱ u-shu̱ Isuwa,
Wa shu̱'u̱te̱ yu̱-Yat-ya ko̱-u̱r Te̱man, O̱mar, Ze̱paho, Kenaz, 16u̱ Kora, u̱ Gatama, u̱ Amare̱k ne̱. Ine̱ e̱ o̱o̱ge̱ i-yate̱ u̱r-ko̱ dak-u̱ Edo̱m wu̱ rwu̱ne̱ du̱gu̱ E̱ripaz. Ine̱ be̱e̱t e̱ o̱o̱ge̱ ya'ag-u̱ ya'ag-u̱ Ada.
17Yaag-u̱ campa-ne̱ wa'-u̱ Isuwa Re̱we̱r:
Nahat, u̱ Zera, u̱ Shamma, u̱ Miza ne̱. Ine̱ i-yate̱ ko̱du̱ rwu̱ne̱ du̱gu̱ Re̱we̱r Edo̱m; e̱ o̱o̱ge̱ ko̱-du̱ ya'ag-u̱ ne̱ta Isuwa Basemat.
18Yaag-u̱ campa-ne̱ ne̱ta Isuwa Ohoribama:
Yu̱-Yat-ya Jewus, u̱ Jaram, u̱ Kora ne̱. E̱ o̱o̱ge̱ i-yate̱ i rwu̱ne̱ du̱gu̱ ne̱ta Isuwa O̱ho̱ribama gwu̱p-u̱ Ana.
19Ine̱ o̱ ya'ag-u̱ campa-ne̱ Isuwa (wu̱ na zu̱ Edo̱m), tu̱msu̱ tunto̱ o̱ faru̱k-u̱t e̱.
Yaag-u̱ Seyir
20Tunto̱ o̱ dim-tu̱ u̱t-ko̱ tu̱ ya'ag-u̱ campa-ne̱ i rwu̱ne̱ du̱gu̱-du̱ Seyir ya-Ho̱ri-ne̱, e̱ o̱ u̱ shu̱'u̱t u̱ dak-u̱ Edo̱m:
Ro̱tan, Shobar Zibe̱yon, Ana, 21Dishon, Ezer, u̱ Dishan. Ine̱ o̱ i-yate̱ ko̱-du̱ ya'ag-u̱ campa-ne̱ Hori, ya'ag-u̱ Seyir, e̱ o̱ shu̱'u̱t u̱ dak-u̱ Edo̱m.
22Yaag-u̱ campa-ne̱ Ro̱tan e̱ o̱: Hori u̱ Heman, hu̱no̱-u ya-i ne̱ta Ro̱tan wa na zu̱ye̱ Timna.
23Yaag-u̱ campa-ne̱ Shobar:
Arban, Manahat, Ebar, Shepaho, u̱ Onam ne̱.
24Yaag-u̱ campa-ne̱ Zibe̱yon e̱ o̱:
Aya u̱ Ana. A-na wu̱ hyane̱ fu̱g-su̱ m-pe̱r yu̱ bu̱-mu̱ m-du̱ng u̱r-do̱g da-u̱ wa o̱o̱ge̱ u̱ gwat-du̱ janka u̱so wa.
25Ana o̱tte̱ yaag yu̱r:
Ya-du̱ u̱r-campa na zu̱ wa Dishon tu̱msu̱ ya-du̱ u̱r-gwu̱p na zu̱ wa O̱ho̱ribama.
26Yaag-u̱ campa-ne̱ Dishon e̱ o̱:
Hemadan, Eshaban, Itaran, u̱ Keran.
27Yaag-u̱ campa-ne̱ Ezer e̱ o̱:
Birhan, Zaaban, u̱ Akan ne̱.
28Yaag-u̱ campa-ne̱ Dishan e̱ o̱:
Uz u̱ Aran ne̱.
29Ine̱ e̱ o̱ i-yate̱ ko̱-du̱ Hori:
Ro̱tan, Shobar, Zibe̱yon, Ana, 30Dishon, Ezer, u̱ Dishan. Na panu̱g dim-tu̱ ko̱-u̱r Hori u̱ dim-tu̱ i-yate̱ ne̱, e̱ o̱ u̱ shu̱'u̱t u̱ dak-u Seyir.
Faru̱k-tu̱ Edo̱m
31Tunto̱ o̱ dim-tu̱ u̱t-faru̱k tu̱ o̱o̱ge̱ u̱r-faru̱k u̱ dak-u̱ Edo̱m kanda waku̱n faru̱k wa no̱m u̱r-faru̱k dak-u̱ Isra:
32Bera (zwaru̱ Beyor), wa shu̱'u̱t faru̱k-du̱ Edo̱m. Dim-du̱ bo̱-u na zu̱ye̱ Dinahaba.
33Da-u̱ Bera mare̱, Jobab zwaru̱ Zera du̱gu̱ Bozara, wa shu̱'u̱t u̱r-faru̱k.
34Da-u̱ Jobab mare̱, Husan du̱gu̱ dak-u̱ Tema-ne̱ wa du̱u̱s u̱r-faru̱k.
35Da-u̱ Husan mare̱, Hadad zwaru̱ Bedad wu̱ re̱ bo̱-u̱ Midiya dak-u̱ Mowab, wa re̱ u̱r-faru̱k. Dim-du̱ bo̱-u wa o̱ na zu̱ye̱ Afit.
36Da-u̱ Hadad mare̱, Samara wu̱ rwu̱ne̱ du̱gu̱ bo̱-u̱ Masare̱ka wa shu̱'u̱t faru̱k.
37Da-u̱ Samara mare̱, Shawuru wu̱ rwu̱ne̱ du̱gu̱ bo̱-u̱ Rehobot u̱ Gas-u̱ gi-yu̱ Yufiretis wa shu̱'u̱t faru̱k.
38Da-u̱ Shawuru mare̱, Baar-hanan (zwaru̱ Akubor) wa du̱u̱s u̱r-faru̱k.
39Ba Baar-hanan zwaru̱ Akubor mare̱, Hadar shu̱'u̱t faru̱k, dim-du̱ bo̱-u wa na zu̱ye̱ Pawa. Dim-du̱ ne̱ta wu̱n de̱ na zu̱ye̱ Mehetaber gwu̱p-u̱ Matad, gwu̱p-u̱ Mezahab.
40Tun-to̱ to̱ o̱ dim-tu̱ i-yate̱ i rwu̱ne̱ du̱gu̱-du̱ Isuwa, i o̱o̱ge̱ u̱ shu̱'u̱t u̱t-be e̱ te̱'e̱ u̱ka ko̱-u̱t e̱:
Timna, Arba, Jetet, 41Ohoribama, Era, Pinon, 42Ke̱naz, Te̱man, Mibazar, 43Magadiyer u̱ Iram ne̱.
E̱ o̱o̱ge̱ i-yate̱ Edo̱m, u̱ e̱ o̱tte̱ u̱ shu̱'u̱t u̱ dak-u̱ e̱ o̱tte̱.
Isuwa o̱o̱ge̱ u̱so u̱ Edo̱m-ne̱.
Currently Selected:
U̱r-Taku̱n 36: UtMain
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Bible Translators in cooperation with
Ut-Ma'in Language and Translation Committee
