কুলিজকুরাআ কামি 28
28
মিলিতা ঢিপ রাঃআ পাড়।
1আলে রেহাই নামরাঃআ তায়ম সারিনামকেয়ালে যে, ইনা ঢিপ রাঃআ নুতুম মিলিতা।
2হেৎদ এনথাং মিলিতা ঢিপ রেঙ্কূ বর্ব্বর হড়কু আলেকে বেশঠিকার পাহি খাতিরকেৎ লেয়াকু, বিশেষকাতে দাঃআরে হেৎদ রাবাংরাঃআ নাতিনাং সেঙ্গেল জুলকাতে যতচ কেকু আতাং দারামকেৎ লেয়াকু।
3মেন্খান পৌল মিৎ বঝা সাহান হালাং হুন্ডিকেৎ তে ইনা সেঙ্গেলরে তিনকেয়ায় খানঅ সেঙ্গেলরা এলাংতে মিয়াৎ জজম বিং উডুঙয়েনতে ইনিরা তিহিরে লাঠা দঃহয়নায়।
4ইন্তং বর্ব্বর হড়কু ইনি রাঃআ তিহিরে ইনি বিংটা হাকাকানায় নেলকিদতেকু আকু-আকুগে গাম লাগায়নাকু, নিই হড়টা নিশ্চয় হড় গজিই, দরেয়া হাতেন রক্ষেয়া নামকাতেন হঅ ধর্ম নিইকে কায় বাঞ্চা তুকালিয়ায়।
5মেনখান ইনি তিহি কটা গিডিকাতে বিংটাকে সেঙ্গেলরে হুল্লা কিয়ায় হেৎদ পৌল রাঃআ যাহানা কা ক্ষতি হুইলেনা।
6ইন্তং ইঙ্কূ তাঙ্গি হাতাড়েনাকু যে, ইনি ফুলা রাকাবোওয়ায়, বাংখান দ আচকাগে গচ কাতে অতেরে নুরআয়, মেন্খান গাদা ঘাড়ি জাকিদ তাঙ্গি তায়ম, ইনিরা যাহালেকানা খারাপ কাকু নেলনামকেৎ তে, ইঙ্কূ এটালেকাতে আটকার নামকেৎ তেকু গাম লাগায়না, ইনিদ দেবতা তানায়।
7ইনা থাং রে পুব্লীয় নুতুমিজ গম্কে রাঃআ হাসা ঢিপা তাহি লেনা ; ইনি আলেকে খুশি তুকা লেকাতে আতানাং ইদি কেৎ লেতে পাহি লেকাতে আপি মাহা জাকিৎ খাতির যত্ন কেৎ লেয়ায়।
8হেৎদ পুব্লীয় রাঃআ আপুতেত রুয়া হেৎদ সুল বাহির অতে থাকা কাতে পার্ক্ম্রে বাজিয়া আকান তাহি কেনায়, ইনি রাঃআ হান্ডে পৌল এ বলয়েন্তে হেৎদ ইনি রাঃআ বহ রে তিহি দঃহ কেৎ তে বিন্তিকেৎতে ইনিকে বুগিকিয়ায়।
9এনেএংকা হুই লেন তে ইনা ঢিপি রেনকু এটা রুয়া হাসু হড় কু হিচ য়েন তেকু বুগি না।
10হেৎদ ইঙ্কূ আলেকে গাদা কু মাইন হেৎদ লভা কেৎ লেয়ায়কু হেৎদ আলে অকা হুলাং রুয়াড় হিজুয়ালে লাকতিয়াকু জাহাজ রে আগু তুকা কেৎআকু।
মল্টা ঢিপ হাতেন রোম
11হেৎদ আপি বঙ্গা তায়ম তে আলে আলেকসান্দ্রিয় রাঃআ মিয়াৎ জাহাজ রেলে দেজেনা; ইনা জাহাজ ঢিপ রে রাবাং কাল কাটাৎ কেনায়, জাহাজ রাঃআ সামাং চেতাং দররে " গ্রীক দেব্তা যিয়াস রাঃআ জমকা-জুড়ি হন কিন" রাঃআ ছাপ তাহীন কেনা।
12হেৎদ সুরাকুষ শেহার তে সেটেরেন তে আলে এনথাং রে আপি মাহা লে তাহীলেনা।
13হেৎদ এন থাং হাতেন আলে ঘুরা ঘুরা তে রাগী শেহার তেলে সেটেরেনা হেৎদ দশার হুলাং দক্ষিন দর হাতেৎ হয়ও কেয়ায়, ইনা তে আলে দশার হুলাং পুতিয়লী শেহার তেলে সেটেরেনা।
14এনথাং রে আলে কথক পাতিয়ান হাগা কুলঅ নাপামেনালে, হেৎদ ইঙ্কূয়া নেহরতে আপি মাহা আকু লোঅ তাহীনালে হেৎদ নেকা লেকাতে আলে রোম শেহার তেলে সেটে রেনা।
15হেৎদ আলেয়া খবর আয়ুম কেৎতেকু রোম রিঙ্কু পাতিয়ান হাগা কু এনথাং হাতেন অপ্পিয় রাঃআ হাট হেৎদ আপিয়া ডেরা যাকিৎ আলেকে দারম ইদি নাতিনাং উডুঙ য়েনা, হেৎদ পৌল ইঙ্কূকে নেল কেৎ কুতে ঈশ্বরকে সারহাও কিয়ায় হেৎদ জিউ তেয়া রাড়েজ য়েনা।
16হেৎদ রোম শেহার তে সেটের লেনতে পৌল রা মিয়াৎ হরিচকে পাল্টন কুলঅ তাহি নাতিনাং সায় নাম কেৎআয়।
রোম শেহার রে পৌল
17হেৎদ আপি মাহা তায়ম তে পৌল ইহুদি কুয়া মাপরাং হড় কুএ রাঃআ হুন্ডি কেৎ কুয়ায়্য়য় হেৎদ ইঙ্কূ হুন্ডিয়েনখান ইনি এ গামাৎ কুয়ায়্য়, এ দুলাড়িয়া হাগা কু, ইঞ আবুয়া জাতি রিনকু চি আবুয়া হাড়াম হাপড়াম কুরায়া আরি-চালি কুরা বিরুধ যাহানা কাইঞ কামীতাৎ কেন রেঅ, তবু রঅ যিরুশালেম শেহার হাতে রোমীয় কুরা তিহি রেকু জিমা কিংয়া।
18হেৎদ ইঙ্কূয়া দরবাররে ইঞআ গচ নাতিনাং যাহানা গুনহা কা তাহি কেনা ইনা মেন্তে ইঞকে আড়া গিডি বুঝা লাৎকুয়া।
19মেন্খান ইহুদি কু বিরুধ কেৎ রেদ ইঞ কৈসর রাঃআ হান্ডে আপিল লাকতিংয়ানা, ইঞয়া নিজ জাতি রেন কুয়া চেতাং জাহানা নালিশ নাতিন কেনা এংকাদ ল্হয়।
20নিয়া নাতিনাং তে ইঞ আপে লঅ নেপেল চি জাগার নাতিনাং আপেকে রাআ কুল কেৎ পিঞ ; খেরয়াল কুরাঃআ তাঙ্গিতাড়াআ রাঃআ শিকড়ি তেইঞ আটকা কানা।
21ইঙ্কূ গাম কেয়াকু, আলে আমা নাতিন তে জিহুদিয়া হাতেন গিরা কালে নাম তাৎআ; হেৎদ যাহায় হাগা হিচেন্তে আমা বাড়িচ অবস্থা বাব্ত্তে যাহায় হিচ কাতে আমা বেশ বাড়িচ খবর কাকু গামাতাৎ লেয়া।
22মেন্খান আমা থুতি কিনা তানা, ইনা আমা মচা হতেন আয়ুম লে বুঝালে তানা, চিয়াচি ইনা দল বাব্ত্তে সারিয়ালে, যত থাংরেন কু হড় নিয়া বিরুত তে থুতি ভাড়া য়াকু।
23হেৎদ ইঙ্কূ ইনি নাতিনাং তে মিৎ মাহা গাদা হড় কু ইনিরাঃআ অড়া কু হিচ লেনা, হেৎদ ইনি ইঙ্কূ য়া হান্ডে ঈশ্বর রাঃআ মুলুক রাঃআ গোহা সেতাঃআ হতেন বেলা ডুঁবুজ হাবিজ এম কেৎআয়, হেৎদ মোশি আরি-চালি তে হেৎদ ভাবি-জাগারিজ কুরা পুথি তেহ যীশু রাআ বাব্ত্তে থুতি-জাগার চেদকেৎ কুয়ায়।
24এন্খান কথক হড় কু পাতিয়ানাকু কথক হড় কু কাকু পাতিয়াও লেনা।
25ইঙ্কূ আকু আকুরেকু মিৎ মত কা হুই য়েন তে হেৎদ পৌল মিয়াৎ থুতি এ গাম লেদ তায়ম তে ইঙ্কূ কু সেনে না ইনি এ গাম কেয়ায়, রীলামালা আত্মা যিশাইয় ভাবি-জাগারিজ রাঃআ হরা তে আবুয়া হাড়াম হড় কু বুগি লেকা তেএ গামাৎ কুয়ায়্য়,
26চিল্কা ইনি এ গাম কেয়ায়, নিকু হড় কুয়া হান্ডে সেন মে হেৎদ ইঙ্কূ কে গামা কুমে, আপে লুতুরতে আয়ুম দপে আয়ুম মেয়া মেন্খান কাপে আটকার নামেয়া, হেৎদ মেৎতে নেল দপে নেলেয়া মেন্খান কাপে নেল টাহর দাড়িয়া।
27চিয়া চি নিকু হড় কুরাআ অন্তর কেটেজা কানা, হেৎদ ইঙ্কূ লুতুর তে কাকু আয়ুম পাছনায় তানা, হেৎদ আকুয়া মেৎ কুকু জাপিৎ কেয়া, যাতে ইঙ্কূ মেদ তেকু নেলে তানা হেৎদ লুতুর তেকু আয়ুম এ তানা হেৎদ মন রেকু বুঝায়ে তানা হেৎদ কু রুয়াড় হিজুয়া হেৎদ ইঙ্কূকু ইঞ বুগি কুতেয়া হুনাইঞ।#জিসাই 6:9-10
28ইনা মেন্তে আপে সারিই কাআপে, ঈশ্বর রাআ বান্চাও রুক্ষীয়া জাগার (বিনজাতিরেনকু) বিনইহুদিকু হান্ডে কুলা কানা; হেৎদ ইঙ্কূ কো আয়ুমেয়া।#দুরাঃআং মালা 67:2; 98:3; জিসাই 40:5
29(হেৎদ ইনি নেয়া এ গাম কেৎ তে ইহুদি কু আকু আকু রেঢের সেনে না)
30হেৎদ পৌল গোটা গুটি বার সির্মাং জাকিত আয়া ভাড়া অড়ারে বার সির্মাং এ তাহিন কেনায়, হেৎদ আয়া হান্ডে অকয়্য় গেকু হিচুকেনা যতচ কুকে আতাং দারামেৎ কুকেনায়।
31হেৎদ ইনি ঈশ্বর রা মুলুক রা জাগার পুরা সাহস তে গাম-পাসরা তান হেৎদ প্রভু যীশু খ্রীষ্ট রাআ জাগার চেদকু তানএ তাহীন কেনায় হেৎদ যাহায় এ ইনিকে কাকু বাধা এমাই কেনা।
Currently Selected:
কুলিজকুরাআ কামি 28: KTn
Highlight
Share
Copy
Want to have your highlights saved across all your devices? Sign up or sign in
CC BY SA
