Eltibi 10
10
1Ana akpakv aj'jahnge kpo lim re akehng es'sv eleenge jo v esabsab es'sv,
ano wo li bada nne elkahne a ekpunu bo l'lim elgboolo ntiil.
2Eltim ni nnea ngbere kpo jol feere go ejang etingi mbang,
wo ni egboolo nne kpo jol feere go ejang ab'bi.
3Jol eji agboolo ane kp'jene asongo go mbang,
ntir nyi nno bo kpimm,
bo kpo tib nne awohng awohng eldaabe ebo.
4Nfiladi l'rak eltim bade a na,
ka tahm edi eltum eja sa;
nnaangeljini bahke limi bo tahm ka nne go nsoodo.
5Ebi eju jia a, ji m ma nyehn go njini nyia,
elkohn nsoodo nyi nfiladi kpo lim:
6Agboolo ane bo kpo rod bo kunu go awahrewahre adi gbalee,
wo ga afangane, kpo kuumu arederede adi.
7Me n nyehn aju kun go ajahm ebvankang,
wo atubesi ane fere jo jen go akpade ana aju.
8Nne awohng awohng no kpa elbing, li ma gbo yel o;
nne awohng awohng no wa ekahme re a yel, nnyo li-e ma tohko.
9Nne awohng awohng no kpo kpa atahl yehke, atal nyao bahk-e ma lim ejum;
nne awohng awohng no kpo yange nti, á li go efin efin, li-e ma lim ejum.
10Elfuk l'kohd,
fvfo bo tohko k'bange, nne bahke kake eko gbalee lim eltum,
wo nne no elfuk m-e nahre bahke limi nobnob.
11Nnyo l'gbo mbang tohko nne, nnea ntanne kehm-e koko elfono,
eblohng re nnea ntaane noo bo we-e nehm kpe kpi.
12Alum nya lohng go nnyo mi nnea ngbere li anoobo alum,
wo agboolo ane kpo wul elbo go eboa nnyo.
13Go mboma mbomo alum e bo li agboolo alum;
ekahlsi alum ebo li abi alum nya esahl,
14fvfo agboolo ane kpo bung alum gbalee.
Nnene nehme kahn ji kp'bake,
fvfo nne awoo bahke ma tong ntem ji bahke jolo b'njehle ngare nyi bo ki kpe li?
15Eltum ni agboolo ane kpo nyennge jo lim, kpo lahng na bo,
bo kpehme kahn mbang rehng to nfam.
16Eyuu a ejahbe ji ntula bo jolo nlokeltum,
bo ji atubesi ane ebo kpo lim nkak efungfu.
17Elfuulu li ka ejahbe ji ntula bo lohng go ebangenahb ji agburu ane,
ye ji atubesi ane ebe kpo lim nkak go ngare nyi fuumu no,
eji bo l'bel eko, bo kpehme lim re bo jo wo fere jo b'buumu.
18Ewon kpo lim elbulutahk jak;
tib eji abo li nehme nehme, etahk kpo l'lahl.
19Elkak bo kpo lim re ane jo wol asol,
amahm kpo lim elkpin jol yebe yebe,
fvfo akpohko nya li nfaange nyi ejum ajehng ajehng.#10:19
20Ka nyok ntul, jol go ega eltim,
afii su efangenne go ega ekp'kpa elkang,
tibre ebruk bi kp'foongo go elbung bahke ma rod alum enya, fvfo ebruk bi kpo foongo bahke ma tooro ji a bungu no.
Currently Selected:
Eltibi 10: EKA-011
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation