Luk 11
11
Ɛkɔgɛkɔgɛ a Jisɔs abaŋa nyɔm
(Mat 6:9-15; 7:7-11)
1Reyi dinɛ, ndi Jisɔs ɔra ra nkum orua nyɔm. Ndi ɔkɨlɔ wɛ, ɔtɔramɔ wunɛ ɔkani mɔ na, “ƆKƆKƆ, kɔgɛwul rɛrɔ nyɔm kɛmanchi Jɔn ɔkɔgɛ atɔramɔ.”
2Ɔkani bɛ na, “Ri nɨŋɔ rɔ nyɔm, rilamɔ na:
“ ‘Mitɛ,
lo wul rɛlɔ ridɨnɔ ridi saŋɛsaŋɛ,
lɔɔ rɛkɨm redi rɛwɔ.
3Nye wul kɔjɛ reyi randinɛ.
4Fɔrɛ wul obia ratag obul,
kɛmanchi rɛ fɔrɛ ani mba wa sia wul obia ratag.
Kalo wul rɛ nɔlɔ ra ilumɛ.’ ”
5Kadi ɔkani bɛ na, “Abɔ oni wunɛ ra kɛdɔŋ kewun odulɔ ɛkpa ɔchɛmɔ ɔwɛn matii ma jɔ ɔka bɨb mɔ na; ‘Ayi, fɔrɛ mɛ rataa kɔjɛ ratal (3). 6Kum ɔchɛmɔ owum nwu ɔya kɔchɛŋɛ, ɔrɛnɛ ra ɛtɔ ɛyɨm, gbɔ mbi fɔnɔ tumbum mbu nyaŋa mɔ ɔjɛ.’
7“Gbɔ amɔ akɛ rikalɔ rɛtɔ ofini na, ‘Ka nyɛ mɛ kɔtag. Nfin okegere, mɨnɛ bɔnabam wa dalɛ. Mbiyaa ntɨmɔnɛ nye wu mbum tum bunɛ.’ 8Nkani wun, tum obi yaa ɔtɨmɔnɛ ɔnyɛ mɔ kɔjɛ nkɛn, rɛfɔ ndi ɔra ɔchɛmɔ ɔwɛn, rɛfɔ ra ɛkpɨnɛlɛ, kɨn ɔtɨmɔnɛ ɔnyɛ mɔ kɛmanchi odugɔ.
9“Rɛfɔ ndifa, nkani wun, ri bɨbɔ mɨnɛ kɨn wanye wun; ri dugɔ mɨnɛ kɨn ri chɛ, ri kɨbɔ, mɨnɛ kɨn wa kugɛlɛ okegere wanye wun. 10Kum oniranwunɛ nwu ɔbɨbɔ, kɨn ɔtama, oniranwunɛ nwu odugɔ, kɨn ɔchɛ, mɨnɛ oniranwunɛ nwu ɔkɨbɔ, kɨn wa kugɛlɛ mɔ okegere.
11“Awun bɨritɛ, abɔ bɔnawun wa bɨbo wun rinyɛ bɛ itin mani, ri nyaŋa bɛ ɛyɔ-ɔ? 12Din wa bɔ bɨb wun ri nyɛ bɛ echikɔk, ri nyaŋa bɛ nnaŋ-ɛ? 13Abɔ awun mba rira obia ani, rigbɛra kɛmanchi rinyaŋa bɔnawun bɨrika kɔnyɛ, ra ma kɛma dɛ Mitɛ owun ra kayu, ɔnɨŋɔ nyɛ ani mba wa bɨbɔ Ɔwanɛwanɛ Roifɛ.”
Jisɔs arigɛ Bɛlsibɔl
14Reyi dinɛ, Jisɔs oyimɔ kebia roifɛ ɔsaŋɔ ra ɛkpaju odumini wunɛ, nchi kesimɔ ɔgbɔ nsɨl. Kebia ka nsɨm nchɛn kɛkɨlo du kɛgbɛ mɔ, odumini nwɛn ɔbɨnɛ kɔtag ɛlamɛlɛ. Ɛkpa ɛba ani mba wa rafɛ. 15Gbɔ ani adudu na, “Ɔyɨba nsɨm a Bɛlsibɔl, oniretu a obia roifɛ, oyima obia nsɨm.” 16Abɛ adudu wa lumɛ mɔ na, osii ichɛŋa ɔkɔgɛlɛ bɛ nachɛ nsɨm owɛn osi ra kayu.
17Gbɔ kum Jisɔs ɔgbɛra nkatir abɛ, ɔkani bɛ na, “Kɛfɨrɔ ranchinɛ nchi ke neminemi nɛ, kɨn kɛlɨmɔ. Mɨnɛ rɛkɨm randinɛ ndi reneminɛ gbatgbat retuatua. 18Sɔtan ɔbɔ nemi ɛkpaju ɛyɛn, nnan dɛ rɛkɨm rɛdɛn rɛnɨŋɔ bar? Nkana wun ɛdɔnyi kum awun na ami ntima nsɨm a Bɛlsibɔl nyima obia nsɨm. 19Abɔ ami nyɨba nsɨm a Bɛlsibɔl nyima obia roifɛ, nsɨm a moni mɔ atɔrawun wa yɨba wa yima obia nsɨm? Atɔrawun bɛ wa no tumɛ akɨba ɔlam awun. 20Gbɔ, abɔ ami nyɨba nsɨm Ɛbɨrɔkpabi nyima obia roifɛ, afɛ rɛkɨm ra Ɛbɨrɔkpabi rɛwɔ ra kɛdɔŋ kewun.
21“Abɔ oni nwu ɔfɔnɔ nsɨm, ra birɛ reku ɛbɛn, ɔbagɛlɛ ɛtɔ ɛyɛn, ifɔnɔ iyɛn ira bagɛlɛbagɛlɛ ra fuɛɛ. 22Gbɔ oni nwu ɔjani osiŋɛ mɔ ɔbɔwɔ kɛrɨŋ, ɔtama mɔ birɛ reku mbi amɔ ɔfɔnɔ kerigɛjɛnɔ ra, okema mɔ, otura ifɔnɔ iyɛn fɛb ɔka nemi.
23“Oni nwu abɔ rami ɔda, ɔbarɔ reku rami, mɨnɛ oni nwu abɔ ɔra tugala ani rami, ɔnyananyana bɛ”.
Emulemulɛ kebia roifɛ
(Mat 12:43-45)
24“Kebia roifɛ kɛbɔ jag kɛgbɛ oni, kɛya rɔchɛ ra ifɨrifɨr, ke duga kum kɛfuɛkpa. ‘Abɔ kebi chɛ, kɛlama na, ami kɨn mulɛnɛ ndulɔ ɛkpa oni nwu ami njagɔ ra ɛtɔ ɛyɛn.’ 25Kɛkɨlɔ mulɛnɛ, kɛwa chɛ na wa taŋ yɛ wa lɔ kpɨraŋ. 26Kadi kɛno du kɛka tim obia roifɛ ɛnɛtal odudu, mbu wo biwɔ wosiŋɛ chɛ, wɔka nɔɔ wotumɛ afɛ. Itɨm rokpin ra oni awufɛ kɨn ibiwɔ isiŋɛ kɛrɨŋɛtɨma.”
Jisɔs ɔkɔga kɛmanchi afɔna bɨrika kɛdɔmetimɔ
27Ndi Jisɔs ɔra ɔlama birɛ mbifa, ɔwani wunɛ ra rɛkau adifɛ okugɔ na, “Ɛmɔlɛmɔlɛ ɛfɔnɔ ɔwani nwu ɔmalowu, ɔnye wu raba.”
28Jisɔs ofini na, “Ɛmɔlɛmɔlɛ ɛso tumɛ ɛnyɛ ani mba wa dima kɛlam ka Ɛbɨrɔkpabi mɨnɛ wa siasia.”
Ɛbɨbɛlɛ-a bum kɛbɛkpa
(Mat 12:38-42; Mak 8:12)
29Rɛkau rɛkɨlɔ yanɛ, Jisɔs ɔlamɔ na, “Nfa kebia kɛsɛ. Kɛbɨba bum kɛbɛkpa, gbɔ tum bunɛ kɛra chia, ebisiŋɛ ichɛŋa a Jona. 30Kɛmanchi Jona otumɛ ichɛŋa ania Ninifɛ, afɛ kɛmanchi Wɔna Oni ɔnɨŋo tumɛ ichɛŋa ɔnyɛ ani kɛsɛ nchifa. 31Ɔkɨm ɔwani ɛkpa-ntɔla kɨn ɔbarɔ ra kɛlam kɛ kɨbikɨbi ra ani kɛsɛ nchi, obinɛ bɛ. Kum osi ɔfɨrɛtɨma rɔchɛ ɔwa dim kɛgbɛrakɔtag ka Sɔlɔmɔn. Gbɔ faŋandi, oni nwu okema Sɔlɔmɔn ɔra nka. 32Ania Ninifɛ kɨn wa barɔ kɛlam ra ani kɛsɛ nchi, mɨnɛ wa si kɛlam kɛ kɨbikɨbi wanyɛ bɛ, rɛfɔ na wa sɔ atagɔmɛ mɨnɛ wa fɔranɛ wa gbɛ obia ɔbɛ ndi Jona ɔkani bɛ kɛlam ka Ɛbɨrɔkpabi, gbɔ ɛdɛndifa, oni nwu ɔgbuga ɔkema Jona ɔranka.
Kumkaja ka ɛkpaju
(Mat 5:15; 6:22-23)
33“Oni tum wunɛ ɔra kaga ɛra otimɔ ɔrɔ ra kumkidɨbɔ, mɨnɛ ɔratima kɛkarr ɔkɨbɛ, gbɔ ɔfana yɛ ra rɔbaŋa fɛɛ esiafɛ ani mba wa nɔla rɛtɔ wa chɛ kumkaja. 34Jɛnɔ rɛdi dɛ rɛra ɛra ɛkpaju eyi, abɔ jɛnɔ rɛdi rɛliwɔliu, ɛkpaju eyi fɛb eyugɔ ra kumkaja. Gbɔ abɔ jɛnɔ redi rebiliuwɔ, ɛkpaju eyi ndɨmdɨm eyugɔ ra kɛrɨrɔ. 35Rɛfɔ ndi, awu bagɛlɛnɛ fɛɛ kumkaja nka kara rikalɔ ridi kani chimininɛ kɛrɨrɔ. 36Abɔ ɛkpaju eyi ndɨmdɨm eyugɔ ra kumkaja, mɨnɛ kɛkpɛna tum chinɛ kɛda ra kɛrɨrɔ, kɨn ayugɔ ra ɛtalɛtalɛ kɛmanchi ɛra ɛtala ra ɛkpaju eyi.”
Kobiwɔ kɔnyɛ Farɛsi ra Akɔga Ibina
(Mat 23:1-36; Mak 12:38-40; Luk 20:45-47)
37Ndi Jisɔs ɔkɨlɔ lam fɛb, Olua Ibina wunɛ ɔdɛ mɔ na ɔka jɛ kɔjɛ ramɔ, rɛfɔ adifɛ Jisɔs ɔnɔlɔ rikalɔ ɔka tumetumɛ ɔjɛ kɔjɛ. 38Gbɔ Olua Ibina ɛkpa ɛba mɔ ndi ɔchɛ Jisɔs ojia kɔjɛ ndi abɔ obi ruu ibɔ.
39Kadi Kɨraist ɔkɔkɔ ɔkani mɔ na, “Awun Farɛsi, ri ruu-a ekpugɔ mani ewun arigɛ angbaŋ mani awun rɔfa, gbɔ rikalɔ riwun riyugɔ ra rɛdɔg akɨla kebia. 40Oful ani! Kebin Ɛbɨrɔkpabi nyi esii rɔfa kɨkɛ esi rikalɔ mɨnɛ? 41Gbɔ ri nemi ifɔnɔ iwun ra rikpag, mɨnɛ mbum rambunɛ kɨn wɔ wanɛ wɔnyɛ wun.
42“Kobiwɔ kɔnye wun Farɛsi. Kum rinyaŋa Ɛbɨrɔkpabi kɔfaam#11:42 kɔfaam Nfa buma saŋɛsaŋɛ mbu wɔra amɔm ilu etin. Asaŋa bɛ alɔ rɔfaŋɔ ara jia bɛ, atimɔ bɛ atɨmɔ Ɛbɨrɔkpabi kum wɔ lɔmɛ wɔnyɛ Yɛ., tum egbigbɛd ogbuga nwu risii ra okwoikuu, gbɔ rigbɛ kɔchɛŋɛ kɔŋŋ ra achɛmɔ ani akɨla rɛda ra Ɛbɨrɔkpabi. Nla efuufu risi bɨrika birɛ mbi fɛb, mɨnɛ ri nyaŋa Ɛbɨrɔkpabi kɔfaam.
43“Kobiwɔ kɔnyɛ wun Farɛsi, kum ri fɔnɔ rɛda ra akɨmkɨm ɔtuu ra Itɔa nyɔm a Jus, akɨla rɛlɛ reju ra mifa karɛ.
44“Kobiwɔ kɔnyɛ wun Farɛsi, kum rira amɔm raba#11:44 Raba Ra kɛmaka ania Jus, abɔ chɛŋɛ ra raba, abinɛnɛ, nda ichɛŋa wa bi sii, ani wa singa afɛ wara gbɛra.”
45Ɔkɔga Ibina Mosis wunɛ ɔkani mɔ na, “Ɔkɔgakɔga, ndi alamɔ nla birɛ mbi, awul bɛ atua alɛ.”
46Jisɔs ofini na, “Awun mba rira Akɔga Ibina, kobiwɔ kɔnyɛ wun ndi ri nyaŋa ani ratura nda ra agbuga rasiŋɛ bɛ, gbɔ awun ɔkɔkɔ rira tua bɛ ritura.”
47“Kobiwɔ kɔnyɛ wun! Kum ri ria raba ra alamaremu ra Ɛbɨrɔkpabi mba bɨritɛ awun wa wulɔ. 48Ribarɔ atumachɛ, riyilɛ ra birɛ mbi bɨritɛ awun wasii. Wa wulɔ alamaremu ra Ɛbɨrɔkpabi, awun riri raba rabɛ.” 49Rɛfɔ ndifa, Ɛbɨrɔkpabi ra kɛgbɛrakɔtag kɛchɛn ɛlam na, “Ami kɨn tigɛ alamaramu ra Ɛbɨrɔkpabi arigɛ atɔra Jisɔs, adudu wa wulowu, adudu wa sinisini bɛ.” 50“Ra rɛfɔ ndifa, ani kɛsɛ nchi kɨn wa tama esinisini ra mayi ma alamaremu ra Ɛbɨrɔkpabi fɛb mba wa bowu, bɨnɛ ra rɛbɨnɛ kɛtɨb kekul. 51Bɨnɛ ra mayi ma Ebɛl, ta ajagɔ ra mayi ma Sɛkaraya, nwu riwulɔ matii ma kum kɔya akɨla ɛtɔ Ɛbɨrɔkpabi. Inyii, nkani wun, kɨn wa bɨbɔ yɛ ra ibɔ kɛsɛ nchi.”
52“Kobiwɔ kɔnye wun Akɔga Ibina, kum risaŋ ɔgbɔgɔrɔ kɛgbɛrakɔtag. Kum awun ɔkɔkɔ rira nɔla, mɨnɛ ri fum ani mba wa duga wa nɔlɔ kɛfɨrɔ ka Ɛbɨrɔkpabi ɛnɔlɛlɛ.”
53Ndi Jisɔs ɔjagɔ rɔfa, Akɔga Ibina akɨla Farɛsi etimɔ ɛbɨnɛ ɛra bɛ ebiebi, wa bɨnɛ mɔ rabɨb esii ɛbɨbɛlɛ. 54Wa dimana mɔ ɔlamɔ mbum mbu wa nɨŋɔ yɨba wanyɛ mɔ kobi.
Currently Selected:
Luk 11: Olulumo-Ikom
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Luk 11
11
Ɛkɔgɛkɔgɛ a Jisɔs abaŋa nyɔm
(Mat 6:9-15; 7:7-11)
1Reyi dinɛ, ndi Jisɔs ɔra ra nkum orua nyɔm. Ndi ɔkɨlɔ wɛ, ɔtɔramɔ wunɛ ɔkani mɔ na, “ƆKƆKƆ, kɔgɛwul rɛrɔ nyɔm kɛmanchi Jɔn ɔkɔgɛ atɔramɔ.”
2Ɔkani bɛ na, “Ri nɨŋɔ rɔ nyɔm, rilamɔ na:
“ ‘Mitɛ,
lo wul rɛlɔ ridɨnɔ ridi saŋɛsaŋɛ,
lɔɔ rɛkɨm redi rɛwɔ.
3Nye wul kɔjɛ reyi randinɛ.
4Fɔrɛ wul obia ratag obul,
kɛmanchi rɛ fɔrɛ ani mba wa sia wul obia ratag.
Kalo wul rɛ nɔlɔ ra ilumɛ.’ ”
5Kadi ɔkani bɛ na, “Abɔ oni wunɛ ra kɛdɔŋ kewun odulɔ ɛkpa ɔchɛmɔ ɔwɛn matii ma jɔ ɔka bɨb mɔ na; ‘Ayi, fɔrɛ mɛ rataa kɔjɛ ratal (3). 6Kum ɔchɛmɔ owum nwu ɔya kɔchɛŋɛ, ɔrɛnɛ ra ɛtɔ ɛyɨm, gbɔ mbi fɔnɔ tumbum mbu nyaŋa mɔ ɔjɛ.’
7“Gbɔ amɔ akɛ rikalɔ rɛtɔ ofini na, ‘Ka nyɛ mɛ kɔtag. Nfin okegere, mɨnɛ bɔnabam wa dalɛ. Mbiyaa ntɨmɔnɛ nye wu mbum tum bunɛ.’ 8Nkani wun, tum obi yaa ɔtɨmɔnɛ ɔnyɛ mɔ kɔjɛ nkɛn, rɛfɔ ndi ɔra ɔchɛmɔ ɔwɛn, rɛfɔ ra ɛkpɨnɛlɛ, kɨn ɔtɨmɔnɛ ɔnyɛ mɔ kɛmanchi odugɔ.
9“Rɛfɔ ndifa, nkani wun, ri bɨbɔ mɨnɛ kɨn wanye wun; ri dugɔ mɨnɛ kɨn ri chɛ, ri kɨbɔ, mɨnɛ kɨn wa kugɛlɛ okegere wanye wun. 10Kum oniranwunɛ nwu ɔbɨbɔ, kɨn ɔtama, oniranwunɛ nwu odugɔ, kɨn ɔchɛ, mɨnɛ oniranwunɛ nwu ɔkɨbɔ, kɨn wa kugɛlɛ mɔ okegere.
11“Awun bɨritɛ, abɔ bɔnawun wa bɨbo wun rinyɛ bɛ itin mani, ri nyaŋa bɛ ɛyɔ-ɔ? 12Din wa bɔ bɨb wun ri nyɛ bɛ echikɔk, ri nyaŋa bɛ nnaŋ-ɛ? 13Abɔ awun mba rira obia ani, rigbɛra kɛmanchi rinyaŋa bɔnawun bɨrika kɔnyɛ, ra ma kɛma dɛ Mitɛ owun ra kayu, ɔnɨŋɔ nyɛ ani mba wa bɨbɔ Ɔwanɛwanɛ Roifɛ.”
Jisɔs arigɛ Bɛlsibɔl
14Reyi dinɛ, Jisɔs oyimɔ kebia roifɛ ɔsaŋɔ ra ɛkpaju odumini wunɛ, nchi kesimɔ ɔgbɔ nsɨl. Kebia ka nsɨm nchɛn kɛkɨlo du kɛgbɛ mɔ, odumini nwɛn ɔbɨnɛ kɔtag ɛlamɛlɛ. Ɛkpa ɛba ani mba wa rafɛ. 15Gbɔ ani adudu na, “Ɔyɨba nsɨm a Bɛlsibɔl, oniretu a obia roifɛ, oyima obia nsɨm.” 16Abɛ adudu wa lumɛ mɔ na, osii ichɛŋa ɔkɔgɛlɛ bɛ nachɛ nsɨm owɛn osi ra kayu.
17Gbɔ kum Jisɔs ɔgbɛra nkatir abɛ, ɔkani bɛ na, “Kɛfɨrɔ ranchinɛ nchi ke neminemi nɛ, kɨn kɛlɨmɔ. Mɨnɛ rɛkɨm randinɛ ndi reneminɛ gbatgbat retuatua. 18Sɔtan ɔbɔ nemi ɛkpaju ɛyɛn, nnan dɛ rɛkɨm rɛdɛn rɛnɨŋɔ bar? Nkana wun ɛdɔnyi kum awun na ami ntima nsɨm a Bɛlsibɔl nyima obia nsɨm. 19Abɔ ami nyɨba nsɨm a Bɛlsibɔl nyima obia roifɛ, nsɨm a moni mɔ atɔrawun wa yɨba wa yima obia nsɨm? Atɔrawun bɛ wa no tumɛ akɨba ɔlam awun. 20Gbɔ, abɔ ami nyɨba nsɨm Ɛbɨrɔkpabi nyima obia roifɛ, afɛ rɛkɨm ra Ɛbɨrɔkpabi rɛwɔ ra kɛdɔŋ kewun.
21“Abɔ oni nwu ɔfɔnɔ nsɨm, ra birɛ reku ɛbɛn, ɔbagɛlɛ ɛtɔ ɛyɛn, ifɔnɔ iyɛn ira bagɛlɛbagɛlɛ ra fuɛɛ. 22Gbɔ oni nwu ɔjani osiŋɛ mɔ ɔbɔwɔ kɛrɨŋ, ɔtama mɔ birɛ reku mbi amɔ ɔfɔnɔ kerigɛjɛnɔ ra, okema mɔ, otura ifɔnɔ iyɛn fɛb ɔka nemi.
23“Oni nwu abɔ rami ɔda, ɔbarɔ reku rami, mɨnɛ oni nwu abɔ ɔra tugala ani rami, ɔnyananyana bɛ”.
Emulemulɛ kebia roifɛ
(Mat 12:43-45)
24“Kebia roifɛ kɛbɔ jag kɛgbɛ oni, kɛya rɔchɛ ra ifɨrifɨr, ke duga kum kɛfuɛkpa. ‘Abɔ kebi chɛ, kɛlama na, ami kɨn mulɛnɛ ndulɔ ɛkpa oni nwu ami njagɔ ra ɛtɔ ɛyɛn.’ 25Kɛkɨlɔ mulɛnɛ, kɛwa chɛ na wa taŋ yɛ wa lɔ kpɨraŋ. 26Kadi kɛno du kɛka tim obia roifɛ ɛnɛtal odudu, mbu wo biwɔ wosiŋɛ chɛ, wɔka nɔɔ wotumɛ afɛ. Itɨm rokpin ra oni awufɛ kɨn ibiwɔ isiŋɛ kɛrɨŋɛtɨma.”
Jisɔs ɔkɔga kɛmanchi afɔna bɨrika kɛdɔmetimɔ
27Ndi Jisɔs ɔra ɔlama birɛ mbifa, ɔwani wunɛ ra rɛkau adifɛ okugɔ na, “Ɛmɔlɛmɔlɛ ɛfɔnɔ ɔwani nwu ɔmalowu, ɔnye wu raba.”
28Jisɔs ofini na, “Ɛmɔlɛmɔlɛ ɛso tumɛ ɛnyɛ ani mba wa dima kɛlam ka Ɛbɨrɔkpabi mɨnɛ wa siasia.”
Ɛbɨbɛlɛ-a bum kɛbɛkpa
(Mat 12:38-42; Mak 8:12)
29Rɛkau rɛkɨlɔ yanɛ, Jisɔs ɔlamɔ na, “Nfa kebia kɛsɛ. Kɛbɨba bum kɛbɛkpa, gbɔ tum bunɛ kɛra chia, ebisiŋɛ ichɛŋa a Jona. 30Kɛmanchi Jona otumɛ ichɛŋa ania Ninifɛ, afɛ kɛmanchi Wɔna Oni ɔnɨŋo tumɛ ichɛŋa ɔnyɛ ani kɛsɛ nchifa. 31Ɔkɨm ɔwani ɛkpa-ntɔla kɨn ɔbarɔ ra kɛlam kɛ kɨbikɨbi ra ani kɛsɛ nchi, obinɛ bɛ. Kum osi ɔfɨrɛtɨma rɔchɛ ɔwa dim kɛgbɛrakɔtag ka Sɔlɔmɔn. Gbɔ faŋandi, oni nwu okema Sɔlɔmɔn ɔra nka. 32Ania Ninifɛ kɨn wa barɔ kɛlam ra ani kɛsɛ nchi, mɨnɛ wa si kɛlam kɛ kɨbikɨbi wanyɛ bɛ, rɛfɔ na wa sɔ atagɔmɛ mɨnɛ wa fɔranɛ wa gbɛ obia ɔbɛ ndi Jona ɔkani bɛ kɛlam ka Ɛbɨrɔkpabi, gbɔ ɛdɛndifa, oni nwu ɔgbuga ɔkema Jona ɔranka.
Kumkaja ka ɛkpaju
(Mat 5:15; 6:22-23)
33“Oni tum wunɛ ɔra kaga ɛra otimɔ ɔrɔ ra kumkidɨbɔ, mɨnɛ ɔratima kɛkarr ɔkɨbɛ, gbɔ ɔfana yɛ ra rɔbaŋa fɛɛ esiafɛ ani mba wa nɔla rɛtɔ wa chɛ kumkaja. 34Jɛnɔ rɛdi dɛ rɛra ɛra ɛkpaju eyi, abɔ jɛnɔ rɛdi rɛliwɔliu, ɛkpaju eyi fɛb eyugɔ ra kumkaja. Gbɔ abɔ jɛnɔ redi rebiliuwɔ, ɛkpaju eyi ndɨmdɨm eyugɔ ra kɛrɨrɔ. 35Rɛfɔ ndi, awu bagɛlɛnɛ fɛɛ kumkaja nka kara rikalɔ ridi kani chimininɛ kɛrɨrɔ. 36Abɔ ɛkpaju eyi ndɨmdɨm eyugɔ ra kumkaja, mɨnɛ kɛkpɛna tum chinɛ kɛda ra kɛrɨrɔ, kɨn ayugɔ ra ɛtalɛtalɛ kɛmanchi ɛra ɛtala ra ɛkpaju eyi.”
Kobiwɔ kɔnyɛ Farɛsi ra Akɔga Ibina
(Mat 23:1-36; Mak 12:38-40; Luk 20:45-47)
37Ndi Jisɔs ɔkɨlɔ lam fɛb, Olua Ibina wunɛ ɔdɛ mɔ na ɔka jɛ kɔjɛ ramɔ, rɛfɔ adifɛ Jisɔs ɔnɔlɔ rikalɔ ɔka tumetumɛ ɔjɛ kɔjɛ. 38Gbɔ Olua Ibina ɛkpa ɛba mɔ ndi ɔchɛ Jisɔs ojia kɔjɛ ndi abɔ obi ruu ibɔ.
39Kadi Kɨraist ɔkɔkɔ ɔkani mɔ na, “Awun Farɛsi, ri ruu-a ekpugɔ mani ewun arigɛ angbaŋ mani awun rɔfa, gbɔ rikalɔ riwun riyugɔ ra rɛdɔg akɨla kebia. 40Oful ani! Kebin Ɛbɨrɔkpabi nyi esii rɔfa kɨkɛ esi rikalɔ mɨnɛ? 41Gbɔ ri nemi ifɔnɔ iwun ra rikpag, mɨnɛ mbum rambunɛ kɨn wɔ wanɛ wɔnyɛ wun.
42“Kobiwɔ kɔnye wun Farɛsi. Kum rinyaŋa Ɛbɨrɔkpabi kɔfaam#11:42 kɔfaam Nfa buma saŋɛsaŋɛ mbu wɔra amɔm ilu etin. Asaŋa bɛ alɔ rɔfaŋɔ ara jia bɛ, atimɔ bɛ atɨmɔ Ɛbɨrɔkpabi kum wɔ lɔmɛ wɔnyɛ Yɛ., tum egbigbɛd ogbuga nwu risii ra okwoikuu, gbɔ rigbɛ kɔchɛŋɛ kɔŋŋ ra achɛmɔ ani akɨla rɛda ra Ɛbɨrɔkpabi. Nla efuufu risi bɨrika birɛ mbi fɛb, mɨnɛ ri nyaŋa Ɛbɨrɔkpabi kɔfaam.
43“Kobiwɔ kɔnyɛ wun Farɛsi, kum ri fɔnɔ rɛda ra akɨmkɨm ɔtuu ra Itɔa nyɔm a Jus, akɨla rɛlɛ reju ra mifa karɛ.
44“Kobiwɔ kɔnyɛ wun Farɛsi, kum rira amɔm raba#11:44 Raba Ra kɛmaka ania Jus, abɔ chɛŋɛ ra raba, abinɛnɛ, nda ichɛŋa wa bi sii, ani wa singa afɛ wara gbɛra.”
45Ɔkɔga Ibina Mosis wunɛ ɔkani mɔ na, “Ɔkɔgakɔga, ndi alamɔ nla birɛ mbi, awul bɛ atua alɛ.”
46Jisɔs ofini na, “Awun mba rira Akɔga Ibina, kobiwɔ kɔnyɛ wun ndi ri nyaŋa ani ratura nda ra agbuga rasiŋɛ bɛ, gbɔ awun ɔkɔkɔ rira tua bɛ ritura.”
47“Kobiwɔ kɔnyɛ wun! Kum ri ria raba ra alamaremu ra Ɛbɨrɔkpabi mba bɨritɛ awun wa wulɔ. 48Ribarɔ atumachɛ, riyilɛ ra birɛ mbi bɨritɛ awun wasii. Wa wulɔ alamaremu ra Ɛbɨrɔkpabi, awun riri raba rabɛ.” 49Rɛfɔ ndifa, Ɛbɨrɔkpabi ra kɛgbɛrakɔtag kɛchɛn ɛlam na, “Ami kɨn tigɛ alamaramu ra Ɛbɨrɔkpabi arigɛ atɔra Jisɔs, adudu wa wulowu, adudu wa sinisini bɛ.” 50“Ra rɛfɔ ndifa, ani kɛsɛ nchi kɨn wa tama esinisini ra mayi ma alamaremu ra Ɛbɨrɔkpabi fɛb mba wa bowu, bɨnɛ ra rɛbɨnɛ kɛtɨb kekul. 51Bɨnɛ ra mayi ma Ebɛl, ta ajagɔ ra mayi ma Sɛkaraya, nwu riwulɔ matii ma kum kɔya akɨla ɛtɔ Ɛbɨrɔkpabi. Inyii, nkani wun, kɨn wa bɨbɔ yɛ ra ibɔ kɛsɛ nchi.”
52“Kobiwɔ kɔnye wun Akɔga Ibina, kum risaŋ ɔgbɔgɔrɔ kɛgbɛrakɔtag. Kum awun ɔkɔkɔ rira nɔla, mɨnɛ ri fum ani mba wa duga wa nɔlɔ kɛfɨrɔ ka Ɛbɨrɔkpabi ɛnɔlɛlɛ.”
53Ndi Jisɔs ɔjagɔ rɔfa, Akɔga Ibina akɨla Farɛsi etimɔ ɛbɨnɛ ɛra bɛ ebiebi, wa bɨnɛ mɔ rabɨb esii ɛbɨbɛlɛ. 54Wa dimana mɔ ɔlamɔ mbum mbu wa nɨŋɔ yɨba wanyɛ mɔ kobi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation