Nuk 19
19
Sakiɔs ji ntaba ntab ɛjibɛ
1Nden kɛɛm, Jisɛs anam Jɛriko. Ɛsika ájɛnɛ na ásɨŋi ɛjibɛ, 2ɛfɨŋa nnɛ ɛwii ájɔnɔ fa yɔ ane si Sakiɔs yɔ ajɔnɔ ntona mfu akpugha ɛjibɛ. 3Ára nɔk si ayɛɛ nɛgana nnɛ yɔ Jisɛs áre, ka árɛ maa atubsi ɛbɨŋɔ ji ɛjɛnɛ ka nɛ ɛsoson, ka yɛ ŋga agbɨnɛgbɨnɛ. 4Ɛtɔŋɔ na yɛ abɛ amu ka ɛsi ama yár ntakpa ete ji abɨŋi si sikamo kasɔŋ yɛ áyɛɛ, atubsi Jisɛs ásɨŋi mba nyi.
5Nden yi Jisɛs asi ka mfom bi, atab amar abri ka bɛsɔ ɛte ji, ka atɔɛ, “Sakiɔs, sɨnɛ frifri. Nnsɨnɛ ka njo ɛya ɛnɛ.” 6Jakiɔs asɨnɛ frifri ama kpere Jisɛs ka ɛyɛbɛ netem.
7Anɛ kpakpa ba ayɛɛ ji ɛwɛmɛ ajam nɛkpɛnɛ si “Jisɛs amimu nɛreb ka njoa nnea abibi nsɔn.”
8Ka Sakiɔs atam ayimi atɔ Ntaa, “Ntaa, yɛɛ! Mkpikɛ akpak ɛja ɛjii ka bibaa ka nsɔn yi mkpe, ka arena yi mmi nem nnɛ yɔku ámar ka mbaa yiku, ntɔnɔ tɔnɔ nkɛɛ ka nkpɛnɛ ɛnɛ.”
9Jisɛs atɔɛ, “Ɛnɛ nji nɛnagha ɛmi ba ka njo nnyi, atubsi mɔanom nnyɔ atɨma re mɔa Ebragham. 10Atubsi, Mɔanɛ yɔ Ɛsɔwɔ áto aba ama sɛb anɛ ba áre nna wusi amitan atubsi ányim mbaa Ɛsɔwɔ kasɔŋ anágha abɔɔ.”
Nɛgana atub Nton ɛwii yɔ akɛ abɔanjo ɛkpugha wobo
11Ɛsika anɛ ára yoŋo atɔŋ akiɛ, Jisɛs ára atubu nɛgana akɛ abɔɔ atubsi ami kpere Jɛrusanɛm ka anɛ akɨnokpo si ɛton Ɛsɔwɔ ɛjimɛ fa. 12Átɔ abɔɔ si: “Ntakpa nnɛ ɛwi amu ka ndaba mbaa ɛjibɛ ji akonɛ ɛton ka yɛ afɛnɛ. 13Sɔŋ yɛ atam, abɨŋi abɔanjo abɛ wobo akɛɛ nɛnnɛ ɛkpugha ya abeŋe ka nɛnnɛ ka akɔ ka nɛtom ka amɛɛ asaa. Ka atɔ abɔɔ, ‘Nɛnnɛ akɔ akpugha nnya anem nɛgbiŋi tɛtɛ mmina fɛnɛ.’
14“Ka yi asɨgha anɛbɛ sak, ára yighi anɛ atom ka ɛjibɛ ji si ama tɔ abɔɔ si, ‘War ɛrɛ sɛb si mannom nyɔ ajɔn nton ɛwɨrɛ.’ ”
15“Ka akíno kɨno mannom nyɔ́ ɛton, ka akru. Ka atom si abɔanjo abɛ ába ama tɔɛ nsiŋ yi abɛnɛ ka akpugha nya ya akɛɛ nɛnnɛ.
16“Mgbɔghamba nnɛ ába áma rak si, ‘Ntaa, ɔkɛm ɛkpugha ɛjii ka ɛmi wɛn wobo ka siŋ.’
17“ ‘Nsɛnjo atɔɛ si ɔmi nem ɛnɔb, ɛtiŋi mɔanjo ɛwɨŋa!’ ‘Ɛsika ɔmi maa ɔfɨne nnɔbɔnɔbɔ ma ntitɔŋ yi nkɛa, komo ɛton ka ɛjɨbɛ wobo.’
18“Ɛtɔŋɔ mɔanjo ába ama tɔɛ, ‘Ntaa, ɛkpugha ɛja ɛjii ɛmi wɛn ɛkpugha bɛron jintiŋi.’
19“Nsɛnjo atɔɛ si, ‘Wɔ komo ɛton ka ɛjibɛ bɛrɔn.’
20“Ka mɔanjo yɔ ga ama rak si, ‘Ntaa, yigha ɛkpugha ɛja ɛsika ɔkɛm; mbrɛ bar ka ɛja mbɔɔ. 21Mfom akɨbum ɛkub atubsi wɔ ore nkora nnɛ. Ɔkɨghɔ ka mfom bi ɔrɛ nɨŋɔ, ɔfɨna ɔfu ka mfom bi ɔrɛ bɔm.’
22“Nsɛnjo ɛwɛ ayamɛ si, ‘Ntɔŋɔ ka ajaa ntɔrɔ ɛya, ɛbibi mɔanjo! Ɔgbɛ́rɛ gbɛrɛ si nde nkora nnɛ yɔ nda nkɨghɔ ka mfom bi ndɛ kak, mfu ji ndɛ bɔm? 23Ɛgbɔnaŋ ka ɔrɛ kak akpugha ayɨŋa ka mfom bi ára kpɨne akpugha kasɔŋ yi mfɛnɛ nna ka mbɛnɛ nsiŋ?’
24“Ka atɔ anɛ ba ayimi fa, ‘Ba tabɛ ɛkpugha ji ɛkɛɛ mɔanjo yɔ abɛnɛ ɛkpugha wobo.’
25“ ‘Ntaa, abɔɔ atɔɛ, ami sisi afɛn wobo!’
26“Jisɛs afɨna akpɛ si, ‘Ba nɨŋɔ mmɛ ntɔ war si nnɛ yɔku yɔ ára bɛnɛ nsiŋ ka ji akiɛ, akpɛnɛkpɛnɛ ɛga, ka nnɛ yɔ arɛ jɔnɔ bɛnɛ nsiŋ ka ji akiɛ, ma ɛjom ji akiɛna akruɛ taba taba. 27Ka anɛ ba ɛjiŋ abɨŋa ba árɛ sɛb si njɔn ntona abɔɔ, ba ba ka abɔɔ ɛyon abɔɔ mfa ka ɛsiamar ɛjɨŋa.’ ”
Jisɛs anam Jɛrusanɛm ká Nton
28Ɛsika Jisɛs árɨgha nna, ajɛn amu ka ɛsi, atɔŋɔ mbaa Jɛrusanɛm. 29Ɛsika ajɛnɛ akpere Befajɨ ka Bɛtani ka ɛgon ji abɨŋi si Ɛgon Onif, atom anɛ abaa ka ɛkan ɛjɛ si, 30“Ba sɔŋ ka ɛjibɛ ji ɛre ka ɛsi, ka ɛkpɨna nam ɛyɛyɛ ɛkpɔm ɛnyinya ji nnɛ akɨgha tɨghɔ komo ka ɛkan. Fɔŋɛ ba ka ji mfa. 31Ka nnɛ yɔku abɔma na si ‘Nnaŋ ka ɔfɔŋɛ?’ Tɔɛ si ‘Ntaa yɔ asɛbɛ.’ ”
32Anɛ ba yɛ ató si amu ama tɨma akɔŋɔ ɛsika atɔɔ abɔɔ. 33Ɛsika ára fɔŋɔ ɛnyinya ji, abafɔnɔ abɔmɔ abɔɔ, “Ɛgbɔnaŋ ka ɛfɔŋɔ mmɔ ɛnyinya?”
34Abɔɔ akpɛ, “Ntaa, yɔ asɛbɛ.”
35Áfɔŋɔ ɛkpɔm ɛnyinya ji ama kɛ Jisɛs, ájɔk akpaŋa bɛnɛmɛ abɔɔ atɛn ka mbaa yi ɛnyinya ajɛnɛ ka mfom bi Jisɛs akomo ka njam ɛnyinya, ka afɨnɛ ayar akomo. 36Abembem anɛ ba ayiɛ na ka abɨgha, akɔ abɔɔ abɔɔ atɛn ka mbaá.
37Nden yi akpere Jɛrusanɛm, ka mfom bi mbaa asɨnɛ amu ka Ɛgon Onif, asɔgba abɛ ka ntakpa ɛbɨŋɔ ji ɛtɔŋɛ ajɔn ka ɛyɛbɛ netem, ayighi ka akara Ɛsɔwɔ gbogbo ka ajɛna nsɔnɔ nɛgam yi abɔɔ ami yɛɛ: 38“Nɛnaa ɛjɔn ɛkɛ Nton yɔ ára bɨgha ka mbiŋa Ntaa!”
“Nɛnaa ka ɛtik Ɛsɔwɔ ka nɛgam ɛyar ka bɛsɔ bɛsɔ!”
39Ba Farasi bantiŋi atɔ Jisɛs si, “Rag ka anɛ ba ɛkan ɛjɛ si agɔɔ ntɔrɔ!” 40Jisɛs akpɛ abɔɔ “Ntɔ war si, ɛbɨno na nyɔ, atan nya abeŋe nɛkɨgha ni ɛgaa nimfa.”
41Ɛsika akpere Jrɛrusanɛm ayɛ ɛjibɛ, abere atubsi agbɛrɛgbɛrɛ ji ɛru ɛkɛ ɛjibɛ ka anɛbɛ 42ka arag, “War ka ɛnyinanyi ji ɛbɨgha ka nɛnaa ɛma kɛ war, ka ami war bár si ɛrɛ yɛɛ nɛ maŋ. 43Nden arɨgha bɨgha yi anɛ ba ɛjiŋ ɛbrɛ akɨgha ɛga asibi ka agbaŋa war ka mbamba yiku yi ka ɛbɛnɛ nɛnagha. 44Arɔbɔ nsɔn kpakpa kpɛnɛ ka ɛyon anɛ ka abɔɔ brɛ ba ɛga ɛgbaa ɛkak. Njo yiku yi nɛtan ɛkomo ntɛm ajɔnɔm, atubsi ɛrɛ gbɛrɛ nden yi Ɛsɔwɔ abá ka ɛkpɔghɔsi si ama nagha war.”
Jisɛs akama ba ajɛna asɛ ka njoa Ɛsɔwɔ
45Ɛsika Jisɛs animɛ njoa Ɛsɔwɔ, ajam nɛkama anɛ ba agoro nsɔn ka ba ara gogoó si aru. 46Atɔ abɔɔ si, “Ayɛnɛ ka nwɛr Ɛsɔwɔ si, njo Ɛsɔwɔ ajɔnɔ njoa njɔm; ka ɛmi ton ɛnɨŋɔ njo anyaju.”
47Jises ára kpɨne ka njoa Ɛsɔwɔ ɛfo biku biku. Ka atona ba ɛjɔɔ Ɛsɔwɔ, ba kpine ajighi ka abakogha Jus ára nɔk si ayonɛ. 48Ka árɛ yɛɛ mba yi asɨŋi ayonɛ atubsi anɛ kpakpa ára gbaa asibɛ, ayoŋo atɔŋ akiɛ ka ntɔrɔ yi ára rak.
Currently Selected:
Nuk 19: NDD-011
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Nuk 19
19
Sakiɔs ji ntaba ntab ɛjibɛ
1Nden kɛɛm, Jisɛs anam Jɛriko. Ɛsika ájɛnɛ na ásɨŋi ɛjibɛ, 2ɛfɨŋa nnɛ ɛwii ájɔnɔ fa yɔ ane si Sakiɔs yɔ ajɔnɔ ntona mfu akpugha ɛjibɛ. 3Ára nɔk si ayɛɛ nɛgana nnɛ yɔ Jisɛs áre, ka árɛ maa atubsi ɛbɨŋɔ ji ɛjɛnɛ ka nɛ ɛsoson, ka yɛ ŋga agbɨnɛgbɨnɛ. 4Ɛtɔŋɔ na yɛ abɛ amu ka ɛsi ama yár ntakpa ete ji abɨŋi si sikamo kasɔŋ yɛ áyɛɛ, atubsi Jisɛs ásɨŋi mba nyi.
5Nden yi Jisɛs asi ka mfom bi, atab amar abri ka bɛsɔ ɛte ji, ka atɔɛ, “Sakiɔs, sɨnɛ frifri. Nnsɨnɛ ka njo ɛya ɛnɛ.” 6Jakiɔs asɨnɛ frifri ama kpere Jisɛs ka ɛyɛbɛ netem.
7Anɛ kpakpa ba ayɛɛ ji ɛwɛmɛ ajam nɛkpɛnɛ si “Jisɛs amimu nɛreb ka njoa nnea abibi nsɔn.”
8Ka Sakiɔs atam ayimi atɔ Ntaa, “Ntaa, yɛɛ! Mkpikɛ akpak ɛja ɛjii ka bibaa ka nsɔn yi mkpe, ka arena yi mmi nem nnɛ yɔku ámar ka mbaa yiku, ntɔnɔ tɔnɔ nkɛɛ ka nkpɛnɛ ɛnɛ.”
9Jisɛs atɔɛ, “Ɛnɛ nji nɛnagha ɛmi ba ka njo nnyi, atubsi mɔanom nnyɔ atɨma re mɔa Ebragham. 10Atubsi, Mɔanɛ yɔ Ɛsɔwɔ áto aba ama sɛb anɛ ba áre nna wusi amitan atubsi ányim mbaa Ɛsɔwɔ kasɔŋ anágha abɔɔ.”
Nɛgana atub Nton ɛwii yɔ akɛ abɔanjo ɛkpugha wobo
11Ɛsika anɛ ára yoŋo atɔŋ akiɛ, Jisɛs ára atubu nɛgana akɛ abɔɔ atubsi ami kpere Jɛrusanɛm ka anɛ akɨnokpo si ɛton Ɛsɔwɔ ɛjimɛ fa. 12Átɔ abɔɔ si: “Ntakpa nnɛ ɛwi amu ka ndaba mbaa ɛjibɛ ji akonɛ ɛton ka yɛ afɛnɛ. 13Sɔŋ yɛ atam, abɨŋi abɔanjo abɛ wobo akɛɛ nɛnnɛ ɛkpugha ya abeŋe ka nɛnnɛ ka akɔ ka nɛtom ka amɛɛ asaa. Ka atɔ abɔɔ, ‘Nɛnnɛ akɔ akpugha nnya anem nɛgbiŋi tɛtɛ mmina fɛnɛ.’
14“Ka yi asɨgha anɛbɛ sak, ára yighi anɛ atom ka ɛjibɛ ji si ama tɔ abɔɔ si, ‘War ɛrɛ sɛb si mannom nyɔ ajɔn nton ɛwɨrɛ.’ ”
15“Ka akíno kɨno mannom nyɔ́ ɛton, ka akru. Ka atom si abɔanjo abɛ ába ama tɔɛ nsiŋ yi abɛnɛ ka akpugha nya ya akɛɛ nɛnnɛ.
16“Mgbɔghamba nnɛ ába áma rak si, ‘Ntaa, ɔkɛm ɛkpugha ɛjii ka ɛmi wɛn wobo ka siŋ.’
17“ ‘Nsɛnjo atɔɛ si ɔmi nem ɛnɔb, ɛtiŋi mɔanjo ɛwɨŋa!’ ‘Ɛsika ɔmi maa ɔfɨne nnɔbɔnɔbɔ ma ntitɔŋ yi nkɛa, komo ɛton ka ɛjɨbɛ wobo.’
18“Ɛtɔŋɔ mɔanjo ába ama tɔɛ, ‘Ntaa, ɛkpugha ɛja ɛjii ɛmi wɛn ɛkpugha bɛron jintiŋi.’
19“Nsɛnjo atɔɛ si, ‘Wɔ komo ɛton ka ɛjibɛ bɛrɔn.’
20“Ka mɔanjo yɔ ga ama rak si, ‘Ntaa, yigha ɛkpugha ɛja ɛsika ɔkɛm; mbrɛ bar ka ɛja mbɔɔ. 21Mfom akɨbum ɛkub atubsi wɔ ore nkora nnɛ. Ɔkɨghɔ ka mfom bi ɔrɛ nɨŋɔ, ɔfɨna ɔfu ka mfom bi ɔrɛ bɔm.’
22“Nsɛnjo ɛwɛ ayamɛ si, ‘Ntɔŋɔ ka ajaa ntɔrɔ ɛya, ɛbibi mɔanjo! Ɔgbɛ́rɛ gbɛrɛ si nde nkora nnɛ yɔ nda nkɨghɔ ka mfom bi ndɛ kak, mfu ji ndɛ bɔm? 23Ɛgbɔnaŋ ka ɔrɛ kak akpugha ayɨŋa ka mfom bi ára kpɨne akpugha kasɔŋ yi mfɛnɛ nna ka mbɛnɛ nsiŋ?’
24“Ka atɔ anɛ ba ayimi fa, ‘Ba tabɛ ɛkpugha ji ɛkɛɛ mɔanjo yɔ abɛnɛ ɛkpugha wobo.’
25“ ‘Ntaa, abɔɔ atɔɛ, ami sisi afɛn wobo!’
26“Jisɛs afɨna akpɛ si, ‘Ba nɨŋɔ mmɛ ntɔ war si nnɛ yɔku yɔ ára bɛnɛ nsiŋ ka ji akiɛ, akpɛnɛkpɛnɛ ɛga, ka nnɛ yɔ arɛ jɔnɔ bɛnɛ nsiŋ ka ji akiɛ, ma ɛjom ji akiɛna akruɛ taba taba. 27Ka anɛ ba ɛjiŋ abɨŋa ba árɛ sɛb si njɔn ntona abɔɔ, ba ba ka abɔɔ ɛyon abɔɔ mfa ka ɛsiamar ɛjɨŋa.’ ”
Jisɛs anam Jɛrusanɛm ká Nton
28Ɛsika Jisɛs árɨgha nna, ajɛn amu ka ɛsi, atɔŋɔ mbaa Jɛrusanɛm. 29Ɛsika ajɛnɛ akpere Befajɨ ka Bɛtani ka ɛgon ji abɨŋi si Ɛgon Onif, atom anɛ abaa ka ɛkan ɛjɛ si, 30“Ba sɔŋ ka ɛjibɛ ji ɛre ka ɛsi, ka ɛkpɨna nam ɛyɛyɛ ɛkpɔm ɛnyinya ji nnɛ akɨgha tɨghɔ komo ka ɛkan. Fɔŋɛ ba ka ji mfa. 31Ka nnɛ yɔku abɔma na si ‘Nnaŋ ka ɔfɔŋɛ?’ Tɔɛ si ‘Ntaa yɔ asɛbɛ.’ ”
32Anɛ ba yɛ ató si amu ama tɨma akɔŋɔ ɛsika atɔɔ abɔɔ. 33Ɛsika ára fɔŋɔ ɛnyinya ji, abafɔnɔ abɔmɔ abɔɔ, “Ɛgbɔnaŋ ka ɛfɔŋɔ mmɔ ɛnyinya?”
34Abɔɔ akpɛ, “Ntaa, yɔ asɛbɛ.”
35Áfɔŋɔ ɛkpɔm ɛnyinya ji ama kɛ Jisɛs, ájɔk akpaŋa bɛnɛmɛ abɔɔ atɛn ka mbaa yi ɛnyinya ajɛnɛ ka mfom bi Jisɛs akomo ka njam ɛnyinya, ka afɨnɛ ayar akomo. 36Abembem anɛ ba ayiɛ na ka abɨgha, akɔ abɔɔ abɔɔ atɛn ka mbaá.
37Nden yi akpere Jɛrusanɛm, ka mfom bi mbaa asɨnɛ amu ka Ɛgon Onif, asɔgba abɛ ka ntakpa ɛbɨŋɔ ji ɛtɔŋɛ ajɔn ka ɛyɛbɛ netem, ayighi ka akara Ɛsɔwɔ gbogbo ka ajɛna nsɔnɔ nɛgam yi abɔɔ ami yɛɛ: 38“Nɛnaa ɛjɔn ɛkɛ Nton yɔ ára bɨgha ka mbiŋa Ntaa!”
“Nɛnaa ka ɛtik Ɛsɔwɔ ka nɛgam ɛyar ka bɛsɔ bɛsɔ!”
39Ba Farasi bantiŋi atɔ Jisɛs si, “Rag ka anɛ ba ɛkan ɛjɛ si agɔɔ ntɔrɔ!” 40Jisɛs akpɛ abɔɔ “Ntɔ war si, ɛbɨno na nyɔ, atan nya abeŋe nɛkɨgha ni ɛgaa nimfa.”
41Ɛsika akpere Jrɛrusanɛm ayɛ ɛjibɛ, abere atubsi agbɛrɛgbɛrɛ ji ɛru ɛkɛ ɛjibɛ ka anɛbɛ 42ka arag, “War ka ɛnyinanyi ji ɛbɨgha ka nɛnaa ɛma kɛ war, ka ami war bár si ɛrɛ yɛɛ nɛ maŋ. 43Nden arɨgha bɨgha yi anɛ ba ɛjiŋ ɛbrɛ akɨgha ɛga asibi ka agbaŋa war ka mbamba yiku yi ka ɛbɛnɛ nɛnagha. 44Arɔbɔ nsɔn kpakpa kpɛnɛ ka ɛyon anɛ ka abɔɔ brɛ ba ɛga ɛgbaa ɛkak. Njo yiku yi nɛtan ɛkomo ntɛm ajɔnɔm, atubsi ɛrɛ gbɛrɛ nden yi Ɛsɔwɔ abá ka ɛkpɔghɔsi si ama nagha war.”
Jisɛs akama ba ajɛna asɛ ka njoa Ɛsɔwɔ
45Ɛsika Jisɛs animɛ njoa Ɛsɔwɔ, ajam nɛkama anɛ ba agoro nsɔn ka ba ara gogoó si aru. 46Atɔ abɔɔ si, “Ayɛnɛ ka nwɛr Ɛsɔwɔ si, njo Ɛsɔwɔ ajɔnɔ njoa njɔm; ka ɛmi ton ɛnɨŋɔ njo anyaju.”
47Jises ára kpɨne ka njoa Ɛsɔwɔ ɛfo biku biku. Ka atona ba ɛjɔɔ Ɛsɔwɔ, ba kpine ajighi ka abakogha Jus ára nɔk si ayonɛ. 48Ka árɛ yɛɛ mba yi asɨŋi ayonɛ atubsi anɛ kpakpa ára gbaa asibɛ, ayoŋo atɔŋ akiɛ ka ntɔrɔ yi ára rak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation