Mariko 15
15
Yesu átongana era muhondo sa Pilato
(Mat 27:1-2, 11-14; Luk 23:1-5; Yow 18:28-38)
1Ábere mwe'i mishangya lumbuli-mbuli, ebakulu-kulu be'bakuhanyi*, ne'bakangirisi be'Mwaso*, ala'uma ne'bashamuka be'Bayuta*, kukuteta mbu eKarubanda* koshi ke'Bayuta kera kubuanana, baíshe elwango. Mwo'lu, bera kusalinga Yesu, na báya kumwana era mwe'mukulu-kulu we'Muroma mbu i'Pilato.
2Pilato era kubusa Yesu mbu: «Eri woyo u'mwami we'Bayuta?» Yesu nai mbu: «Weine wàtechire mira!»
3Ebakulu-kulu be'bakuhanyi bera kutangirisa básitaka Yesu ku myasi inene. 4Bushi no'ku, Pilato era kumubusa kanji mbu: «Ene myasi yoshi bénjire bákusitaka'ko, ùtanǎkwire chiro na kandu kasibya?» 5Si Yesu chiro ákamwǎkula kandu. Pilato era kwire ásanwa busese.
Pilato áteta mbu Yesu êchibwaa
(Mat 27:15-26; Luk 23:13-25; Yow 18:39–19:16)
6Chira lusuku lukulu lwa Pasaka*, Pilato ábaa atúsa mwanya wa kunde áboorera ebandu mundu muuma wa buroko ola bàmwěmire. 7Rero mwa buroko, mwábaa mùli mundu muuma mbu i'Baraba. Oyu Baraba, ábaa àminyirirwe ala'uma na banji bêchi, bushi na lubanja lwa kwîta bandu mwa lwayo lwa lwábaa mwa musi.
8Eluamba lwe'bandu lwera kwérukira ala mwa Pilato. Bera kutangirisa bámwěma mbu àbaírira kanji ngo'kwa énde ánabaírira. 9Pilato era kubabusa mbu: «Mwáhonda nyibáboorere emwami we'Bayuta?» 10Átetaa bacha, bushi ábaa àmenyire kwa abu bakulu-kulu be'bakuhanyi bamúreteraa Yesu bushi ne'mufula.
11Si abu bakulu-kulu be'bakuhanyi bera kushíirisa olu luamba lwe'bandu mbu abábooreraa Baraba.
12Pilato era kuhuba kubusa eluamba lwe'bandu mbu: «Rero, kute mwáhonda nyiíre ono mundu mwénjire mwérika mbu i'mwami we'Bayuta?» 13Bera kwǎkula na murenge munene mbu: «Ùmumanyikaa kwa musalaba!»
14Pilato era kuhuba kubabusa mbu: «Chibi chichiye chi aírire?» Si bera kunaendekera bálangakanga busese mbu: «Ùmumanyikaa kwa musalaba!»
15Chasinda, Pilato bushi ábaa áhonda kusimisa ebandu, era kubaboorera Baraba. Era kuhuchisa Yesu etuchi, chasinda era kumwana bamúmanyike kwa musalaba.
Ebasula bashekera Yesu
(Mat 27:27-31; Yow 19:2-3)
16Era nyuma se'bi, ebasula bera kwéka Yesu mwa chikali che'mukulu-kulu we'chio. Bera kwâmaala echikembe chabo choshi. 17Bera kwembasa Yesu eropo lya mwola, #15:17 Mwa Bayuta eropo lye'mwola, lwábaa luchimba lwa bwami. bera kuluka ne'nzita mwa matabi ma mábaa mète mawa na bámwěmbasa'i kwe'twe. 18Bera kutangirisa bámukesa mbu: «Twàkulamusise Mwami we'Bayuta!» 19Bera kumuhutanga elusheke kwe'twe, na bámuchira'ko. Chasinda, bera kukoma emafi na báfukama era muhondo sai, bámushekera. 20Ábere bera bamálaa kumushekera, bera kumukongola lye'ropo na báhuba kumwěmbasa enjimba sai. Chasinda, bera kumweka era butala báya kumumanyika kwa musalaba.
Yesu ámanyikibwa kwa musalaba
(Mat 27:32-44; Luk 23:26-43; Yow 19:17-27)
21Mango bábaa bera bàli mwa njira, bera kubuana mundu muuma mbu i'Simoni, ábaa átenga era mahwa. Oyu Simoni, ábaa mwesha mwa musi we'Kurene, kanji iwábaa eshe wa Alesanduro na Rufu. Ebasula bera kumwesa emusalaba wa Yesu kwa misi. 22Abu basula, bera kwêka Yesu mwa chisiki cha bénde bérika mbu Kolokota kukuteta mbu: «Chisiki che'Kangasi.» 23Bera kumweresa tifai era yábaa ihóonganyisibwe mwe'mane-mane#15:23 mane-mane: Emanemane, bwábaa bufumu bwa kubanda kwa malumwa. , si era kuinana. 24Chasinda, bera kumumanyika kwa musalaba. Enjimba sai, bera kusiabana mwa kusieshera echoore baménye lwa chira muuma mubo àngěka. 25Mango bámanyikaa Yesu kwa musalaba, sábaa sera saa ehatu sa mishangya-shangya. 26Bera kwanjika no'kwa chihaki emyasi era yábaa yálosa cha chatúmire báchinjibusa Yesu. Ei myasi yábaa ìtechire mbu: «eMwami we'Bayuta.»
27Abu basula, bámanyikaa na bihumusi bibiri kwa misalaba ala musike sa Yesu. Muuma kwa lunda lwai lwe'malyo ne'unji kwa lwe'marembe. [ 28Mwo'lu, emyasi era Maanjiko Mabuya-buya matúla màtechire, yera kuberera. Ei myasi bacha kuitula ìtechire: «Bámubikaa mwa muanjo we'bandu be'mabi.»]#15:28 Somaa Isaya 53:12.
29Ebandu ba bábaa bénjire bárenga aola, bera kunde bámukamba na kusinya emetwe mabo. Bera kunde bámubura mbu: «Era? Si uwábaa wénjire wáteta mbu ungáhandula eLuhu lwa Ongo*, na ku suku ehatu ungáhuba kuimba elunji! 30Rero, ùchinunulaa weine, ùchândaase kwo'yu musalaba!»
31Ebakulu-kulu be'bakuhanyi, ne'bakangirisi be'Mwaso*, nabo bábaa báshekera Yesu. Bera kutangirisa báburana mbu: «Cho! Abáa énjire ánunula ebanji, si yeine àfunjirwe kuchinunula! 32Rero akaba i'Kirisito*, mwami we'Baisiraeli, àchândaasaa kwo'yu musalaba netu tùchilorere, tumwêmerere.»
Ebi bihumusi, bya byámanyikibwaa ala musike sa Yesu, nabi byábaa byámukamba.
Ekufa kwa Yesu
(Mat 27:45-56; Luk 23:44-49; Yow 19:28-30)
33Mango kábaa kera kachi-kachi ka mushi, emusimya era kuhukira echio choshi kuikira saa mwenda. 34Ábere mwe'i saa mwenda, Yesu era kuchilakangira na murenge munene mbu: «Eloi, Eloi, lama sabakitani.» Ku'kuteta mbu: «Ongo Tata, Ongo Tata, chi chatúmire wányirekerera?»#15:34 Somaa Saburi 22:1.
35Bandu bauma mwa ba bábaa bàli aola, bômvire bacha, bera kuteta mbu: «Mǔmvaa betu! Âmaala Eliya.» 36Muuma mubo, era kulibita aya kulobeka echiraka mwa ngala ye'tifai, era kuminyira'chi kwa lusheke. Chasinda, era kwérusisa chi Yesu ámwe. Era kuteta mbu: «Murékaa tulóle akaba Eliya angáika kumwandáasa kwa musalaba.»
37Si Yesu era kuhuba kulakanga na murenge munene, chasinda era kutowa emuchima.
38Mwo'lu, engwaya era yábaa yáhumba mwa Luhu lwa Ongo*, unao-unao kuna kubereka mu bimbi bibiri, kutengera era luulu kuikira era masina. 39Aola ábaa àli mukulu-kulu muuma wa basula be'Baroma, eménze era muhondo sa Yesu. Oyu mukulu-kulu, mango álolaa kwa Yesu átowa emuchima, era kwire áteta mbu: «Kubinali, ono mundu anábaa Mwana wa Ongo!»
40Bakasi bauma nabo, bábaa bèmenze marerere, bátumbikisa. Mwa'bu bakasi, mwábaa mùli Mariya we'Makatala, na Salome, na Mariya nyina wa Yakobo na Yose. 41Abu bakasi, bu bábaa bénjire bákulikira Yesu na kunde bámukunganyisa ebiryo mango ábaa àli eKalilaya. Kanji kwábaa kuli na banji bakasi banene, ba bérukiraa nai eYerusalemu.
Yesu átabwa
(Mat 27:57-61; Luk 23:50-56; Yow 19:38-42)
42-43Mango lwábaa lwera luolo-olo, kwera kuulukira mulume muuma mbu i'Yosefu, mwesha mwa musi we'Arimateya. Oyu Yosefu, ábaa atúsa etunda mwa Karubanda ke'Bayuta*. Kanji éndee álangalira ekuika kwe'Bwami bwa Ongo*. Rero bushi olu lusuku lu lwábaa lwe'kuchikunganya kwa lusuku lwe'Sabato*, Yosefu era kusesa emuchima na áya era mwa Pilato, amwéme echirunda cha Yesu. 44Pilato era kusanwa busese mwa kûmva mbu Yesu afíre mira. Bushi no'ku, era kutumisa ola mukulu-kulu we'basula, amúbuse akaba kwàrenga bihangi binene Yesu afíre. 45Oyu mukulu-kulu we'basula era kumubura kwa Yesu afíre mira. Pilato era kwire êmerera mbu Yosefu anátolaa echi chirunda.
46Yosefu era kuya kuula engwaya, era kwândaasa echirunda cha Yesu kwa musalaba, na ábunga-bungira chi mwe'i ngwaya. Era kutaba chi mwa chinjifwa cha chábaa chichimirwe mwe'koi. Chasinda, kwa chiso che'chi chinjifwa, era kukunungulira kwe'koi. 47Mariya we'Makatala, na Mariya nyina wa Yose, bábaa bátumbikisa echisiki cha Yesu átabwaa'mo.
Currently Selected:
Mariko 15: tbt
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.
Mariko 15
15
Yesu átongana era muhondo sa Pilato
(Mat 27:1-2, 11-14; Luk 23:1-5; Yow 18:28-38)
1Ábere mwe'i mishangya lumbuli-mbuli, ebakulu-kulu be'bakuhanyi*, ne'bakangirisi be'Mwaso*, ala'uma ne'bashamuka be'Bayuta*, kukuteta mbu eKarubanda* koshi ke'Bayuta kera kubuanana, baíshe elwango. Mwo'lu, bera kusalinga Yesu, na báya kumwana era mwe'mukulu-kulu we'Muroma mbu i'Pilato.
2Pilato era kubusa Yesu mbu: «Eri woyo u'mwami we'Bayuta?» Yesu nai mbu: «Weine wàtechire mira!»
3Ebakulu-kulu be'bakuhanyi bera kutangirisa básitaka Yesu ku myasi inene. 4Bushi no'ku, Pilato era kumubusa kanji mbu: «Ene myasi yoshi bénjire bákusitaka'ko, ùtanǎkwire chiro na kandu kasibya?» 5Si Yesu chiro ákamwǎkula kandu. Pilato era kwire ásanwa busese.
Pilato áteta mbu Yesu êchibwaa
(Mat 27:15-26; Luk 23:13-25; Yow 18:39–19:16)
6Chira lusuku lukulu lwa Pasaka*, Pilato ábaa atúsa mwanya wa kunde áboorera ebandu mundu muuma wa buroko ola bàmwěmire. 7Rero mwa buroko, mwábaa mùli mundu muuma mbu i'Baraba. Oyu Baraba, ábaa àminyirirwe ala'uma na banji bêchi, bushi na lubanja lwa kwîta bandu mwa lwayo lwa lwábaa mwa musi.
8Eluamba lwe'bandu lwera kwérukira ala mwa Pilato. Bera kutangirisa bámwěma mbu àbaírira kanji ngo'kwa énde ánabaírira. 9Pilato era kubabusa mbu: «Mwáhonda nyibáboorere emwami we'Bayuta?» 10Átetaa bacha, bushi ábaa àmenyire kwa abu bakulu-kulu be'bakuhanyi bamúreteraa Yesu bushi ne'mufula.
11Si abu bakulu-kulu be'bakuhanyi bera kushíirisa olu luamba lwe'bandu mbu abábooreraa Baraba.
12Pilato era kuhuba kubusa eluamba lwe'bandu mbu: «Rero, kute mwáhonda nyiíre ono mundu mwénjire mwérika mbu i'mwami we'Bayuta?» 13Bera kwǎkula na murenge munene mbu: «Ùmumanyikaa kwa musalaba!»
14Pilato era kuhuba kubabusa mbu: «Chibi chichiye chi aírire?» Si bera kunaendekera bálangakanga busese mbu: «Ùmumanyikaa kwa musalaba!»
15Chasinda, Pilato bushi ábaa áhonda kusimisa ebandu, era kubaboorera Baraba. Era kuhuchisa Yesu etuchi, chasinda era kumwana bamúmanyike kwa musalaba.
Ebasula bashekera Yesu
(Mat 27:27-31; Yow 19:2-3)
16Era nyuma se'bi, ebasula bera kwéka Yesu mwa chikali che'mukulu-kulu we'chio. Bera kwâmaala echikembe chabo choshi. 17Bera kwembasa Yesu eropo lya mwola, #15:17 Mwa Bayuta eropo lye'mwola, lwábaa luchimba lwa bwami. bera kuluka ne'nzita mwa matabi ma mábaa mète mawa na bámwěmbasa'i kwe'twe. 18Bera kutangirisa bámukesa mbu: «Twàkulamusise Mwami we'Bayuta!» 19Bera kumuhutanga elusheke kwe'twe, na bámuchira'ko. Chasinda, bera kukoma emafi na báfukama era muhondo sai, bámushekera. 20Ábere bera bamálaa kumushekera, bera kumukongola lye'ropo na báhuba kumwěmbasa enjimba sai. Chasinda, bera kumweka era butala báya kumumanyika kwa musalaba.
Yesu ámanyikibwa kwa musalaba
(Mat 27:32-44; Luk 23:26-43; Yow 19:17-27)
21Mango bábaa bera bàli mwa njira, bera kubuana mundu muuma mbu i'Simoni, ábaa átenga era mahwa. Oyu Simoni, ábaa mwesha mwa musi we'Kurene, kanji iwábaa eshe wa Alesanduro na Rufu. Ebasula bera kumwesa emusalaba wa Yesu kwa misi. 22Abu basula, bera kwêka Yesu mwa chisiki cha bénde bérika mbu Kolokota kukuteta mbu: «Chisiki che'Kangasi.» 23Bera kumweresa tifai era yábaa ihóonganyisibwe mwe'mane-mane#15:23 mane-mane: Emanemane, bwábaa bufumu bwa kubanda kwa malumwa. , si era kuinana. 24Chasinda, bera kumumanyika kwa musalaba. Enjimba sai, bera kusiabana mwa kusieshera echoore baménye lwa chira muuma mubo àngěka. 25Mango bámanyikaa Yesu kwa musalaba, sábaa sera saa ehatu sa mishangya-shangya. 26Bera kwanjika no'kwa chihaki emyasi era yábaa yálosa cha chatúmire báchinjibusa Yesu. Ei myasi yábaa ìtechire mbu: «eMwami we'Bayuta.»
27Abu basula, bámanyikaa na bihumusi bibiri kwa misalaba ala musike sa Yesu. Muuma kwa lunda lwai lwe'malyo ne'unji kwa lwe'marembe. [ 28Mwo'lu, emyasi era Maanjiko Mabuya-buya matúla màtechire, yera kuberera. Ei myasi bacha kuitula ìtechire: «Bámubikaa mwa muanjo we'bandu be'mabi.»]#15:28 Somaa Isaya 53:12.
29Ebandu ba bábaa bénjire bárenga aola, bera kunde bámukamba na kusinya emetwe mabo. Bera kunde bámubura mbu: «Era? Si uwábaa wénjire wáteta mbu ungáhandula eLuhu lwa Ongo*, na ku suku ehatu ungáhuba kuimba elunji! 30Rero, ùchinunulaa weine, ùchândaase kwo'yu musalaba!»
31Ebakulu-kulu be'bakuhanyi, ne'bakangirisi be'Mwaso*, nabo bábaa báshekera Yesu. Bera kutangirisa báburana mbu: «Cho! Abáa énjire ánunula ebanji, si yeine àfunjirwe kuchinunula! 32Rero akaba i'Kirisito*, mwami we'Baisiraeli, àchândaasaa kwo'yu musalaba netu tùchilorere, tumwêmerere.»
Ebi bihumusi, bya byámanyikibwaa ala musike sa Yesu, nabi byábaa byámukamba.
Ekufa kwa Yesu
(Mat 27:45-56; Luk 23:44-49; Yow 19:28-30)
33Mango kábaa kera kachi-kachi ka mushi, emusimya era kuhukira echio choshi kuikira saa mwenda. 34Ábere mwe'i saa mwenda, Yesu era kuchilakangira na murenge munene mbu: «Eloi, Eloi, lama sabakitani.» Ku'kuteta mbu: «Ongo Tata, Ongo Tata, chi chatúmire wányirekerera?»#15:34 Somaa Saburi 22:1.
35Bandu bauma mwa ba bábaa bàli aola, bômvire bacha, bera kuteta mbu: «Mǔmvaa betu! Âmaala Eliya.» 36Muuma mubo, era kulibita aya kulobeka echiraka mwa ngala ye'tifai, era kuminyira'chi kwa lusheke. Chasinda, era kwérusisa chi Yesu ámwe. Era kuteta mbu: «Murékaa tulóle akaba Eliya angáika kumwandáasa kwa musalaba.»
37Si Yesu era kuhuba kulakanga na murenge munene, chasinda era kutowa emuchima.
38Mwo'lu, engwaya era yábaa yáhumba mwa Luhu lwa Ongo*, unao-unao kuna kubereka mu bimbi bibiri, kutengera era luulu kuikira era masina. 39Aola ábaa àli mukulu-kulu muuma wa basula be'Baroma, eménze era muhondo sa Yesu. Oyu mukulu-kulu, mango álolaa kwa Yesu átowa emuchima, era kwire áteta mbu: «Kubinali, ono mundu anábaa Mwana wa Ongo!»
40Bakasi bauma nabo, bábaa bèmenze marerere, bátumbikisa. Mwa'bu bakasi, mwábaa mùli Mariya we'Makatala, na Salome, na Mariya nyina wa Yakobo na Yose. 41Abu bakasi, bu bábaa bénjire bákulikira Yesu na kunde bámukunganyisa ebiryo mango ábaa àli eKalilaya. Kanji kwábaa kuli na banji bakasi banene, ba bérukiraa nai eYerusalemu.
Yesu átabwa
(Mat 27:57-61; Luk 23:50-56; Yow 19:38-42)
42-43Mango lwábaa lwera luolo-olo, kwera kuulukira mulume muuma mbu i'Yosefu, mwesha mwa musi we'Arimateya. Oyu Yosefu, ábaa atúsa etunda mwa Karubanda ke'Bayuta*. Kanji éndee álangalira ekuika kwe'Bwami bwa Ongo*. Rero bushi olu lusuku lu lwábaa lwe'kuchikunganya kwa lusuku lwe'Sabato*, Yosefu era kusesa emuchima na áya era mwa Pilato, amwéme echirunda cha Yesu. 44Pilato era kusanwa busese mwa kûmva mbu Yesu afíre mira. Bushi no'ku, era kutumisa ola mukulu-kulu we'basula, amúbuse akaba kwàrenga bihangi binene Yesu afíre. 45Oyu mukulu-kulu we'basula era kumubura kwa Yesu afíre mira. Pilato era kwire êmerera mbu Yosefu anátolaa echi chirunda.
46Yosefu era kuya kuula engwaya, era kwândaasa echirunda cha Yesu kwa musalaba, na ábunga-bungira chi mwe'i ngwaya. Era kutaba chi mwa chinjifwa cha chábaa chichimirwe mwe'koi. Chasinda, kwa chiso che'chi chinjifwa, era kukunungulira kwe'koi. 47Mariya we'Makatala, na Mariya nyina wa Yose, bábaa bátumbikisa echisiki cha Yesu átabwaa'mo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.