Luk 9
9
Jizɔs atind ayɛghɛnɛv amban atsuwa puwɛ-ahar
(Matiyo 10.5-15; Mak 6.7-13)
1Aru ihɔ igen mɔ Jizɔs atah ayɛghɛnɛv amban atsuwa puwɛ-ahar ne ana avo iyan ghɛ ikɔw na vɛ zenda ajingɛjing abev amem ghɛ ukoson awen amem. 2Ne atind avo na vɛ za hin vɛ ɔɔr iyɔr Utorov Aonz ghɛ ukoson awenɛv. 3Ne akaa ghɛ avo na, “Ka tengnɛn ukwagh gha mɔ uduwen uzend. Ka tengnɛn itegh uzendegh gha, ikpa, ukwagh uyan, inarigh, ghɛ akond agen gha. 4Hanamɔ itumbɛ ingin unɔrun, run hen kpem uyovon hɔ ghɛ achiya hun. 5Achiya ungwen unɔrun sɛ vɛ rumun un gha osun ihind kɔ avor hin iru avo uchin na Aonz ana avo ichan.”
6Ne vɛ hiye uzend uvo ahiye ghɛ ihiye, utsoghun urɛhɛ usɛ ghɛ ukosun awenɛv.
Ghɛ tsume Hɛrɔd akaa angan amgba ghu Jizɔs
(Matiyo 14.1-12; Mak 6.14-29)
7Mɔ Hɛrɔd Atipas#9.7 Hɛrɔd Atipas Utor ungwen aru uwan una utor Hɛrɔd uhumban, aru ikon ukpɛ ungwen vɛ mar Jizɔs mɔ, Unom kɔ utar Galili, amgban akaa angan Jizɔs a ɛr amem, ghɛtsume un. Mɔ iyɔr agenɛv vɛ akaa un na Jon ɔr minden iyɔr kɔ ijɔr ne a rɛr. 8Agenɛv vɛ akaa na Ɛlaja ne a rɛr, agenɛv na ɔr uramen ɛchi Aonz kɔ aramen ɛchi Aonz atsɛv ne a rɛr kɔ ghɛ akponov.
9Hɛrɔd akaa na, “Mɛ tɔnd itow inagh Jon, ne ku utu ɔro hanamɔ ungwen mgban akaa angan mana?” Ne aker ɔ ɛnɛn Jizɔs.
Jizɔs ana iyɔr iti-atan puwɛ atan ukwagh uyan
(Matiyo 14.13-21; Mak 6.30-44; Jon 6.1-14)
10Mɔ ayɛghɛnɛv amban atsuwa vɛ hiren, vɛ ɔɔr Jizɔs akaa amem angan vɛ ɛr. Ne avo ghɛ un vɛ za kɔ ihiye ungwen vɛ tayi na Betsada. 11Iweng iyɔr ingimɔ vɛ fɔn hɔ Jizɔs aru izan mɔ, vɛ dunda un. A ɔz avo ne atɛs avo Utorov unav Aonz, ne akos amban vɛru iwen.
12Ayɛkighɛ ayɛghɛnɛv amban atuwa puwɛ ahar vɛ ɔɔr Jizɔs na, “Kaa iyɔr amban hin vɛ yov kɔ achiya ghɛ akɔr angan anga kond kond, hin vɛ za yam ukwagh uyan ashigh ukeren ihiye uyavin. Itiyo ikaa iyɔr itim han gha.”
13Kpa Jizɔs akaa ghɛ avo na, “Nan avo ukwagh uyan.”
“Vɛ kaa na imbi ubrɛd akpon atan ghɛ isu ihar.” Vɛ kaa un na, “Zan uker na ghi iza yam ukwagh uyan ivi ina iweng iyɔr ingine?” 14Iyɔr iti atan puwɛ atan vɛru hen.
Jizɔs akaa ayɛghɛnɛv anav na, “Ɔɔr avo hin vɛ atɛma inya iyɔr iti-ahar ghɛ puwɛ kpos kpos.” 15Mɔ ayɛghɛnɛv vɛ ɛrɛn mɔ, iyɔr amem vɛ tɛma inya. 16Atɛng ubrɛd hun ghɛ isu ihar, a ɛn kɔisa, ana ashiyan kɔ Aonz. Ne ahɛmb ana ayɛghɛnɛv anav na vɛ bur iyɔr hun. 17Avo amem vɛ aya akuma avo, ne ayɛghɛnɛv anav vɛ kura avur ayiv akes puwɛ ahar angan ahɛmba!
Pita akaa na Jizɔs angwe Ɔr tsɛghan
(Matiyo 16.13-19; Mak 8.27-29)
18Ihɔ igen Jizɔs aru ghi iramen ghu Aonz un tson ne ayɛghɛnɛv anav vɛru ghu un, ne apine avo, “Kɛ ana isum iyɔro ikaa na mgwe?”
19Vɛ kaa na, “Agenɛv na ungwe Jon Ɔr minden iyɔr kɔ ijɔr, agenɛv na kɛ Ɛlaja, ne agenɛv na, ɔr umɔm kɔ aramenɛv ɛchi Aonz kɔ atsɛv amban vɛ akpo, ne arɛr.”
20Ne apine avo, “Kɛ ana ukaan na mgwe?”
Pita arumun na, “Uwɛ kɛ Ɔr tsɛghan una Aonz!”
Jizɔs atsinga-ikaan uku una
(Matiyo 16.20-28; Mak 8.30—9.1)
21Jizɔs ata ayɛghɛnɛv uchin na vɛ ka ɔɔrɔyi ɔr ukwagh ungwen gha. 22Akaa na, “Uwan Ɔro ɛr aya ichan ghɛ akaa tsɛng, ataanɛv Ujus vɛ vanda un, ataanɛv kɔ apɛɛnɛv anav Aonz, ghɛ atɛsɛnɛv mɛnna Ujus. Vɛ wuwa un, ta ihɔ utar a rɛr kɔ uku.”
23Ne akaa ghɛ avo na hanamɔ ɔr ungwen, akaa na un, “Adundam avenda iyɔr ina atɛng Itsingan ukon una usov ghɛ usov hin adundam. 24Hanamɔ ɔr ungwen aker ukɛghɛn umuwa una, umuwa una arir hanamɔ ɔr ungwen umuwa una arir ɛchi uwam akor ghɛ awɛ. 25Kine mɛnɛn ɔr akor ghɛ awɛ akaa utara amem sɛ avund umuwa una asɛng uvoro? 26Ɔr ungwen avendam ghɛ urɛhɛ uwam, Uwan Ɔro avenda un kpɛ ungwen ava ghu utorov unav, ghɛ unav Utir ghɛ tsangna vudugɛr anav Aonz. 27Ukɔng mkaa un agenɛv amba atire han vɛ ɛn uku ase gha, kpem vɛ ɛn utorov Aonz.”
Jizɔs agɛma iyɔr ina
(Matiyo 17.1-8; Mak 9.2-8)
28Ubiyen ahɔ akinkini ungwen Jizɔs a ɔɔr ukwagh ungwen, atɛng Pita, Jon ghɛ Jɛm vɛ yov kɔ ugo uramen ghu Aonz. 29Mɔ aru ghi iramen ghu Aonz, ishigh inagh igɛma, akond ana akung ɛn kɛ iramǝgh. 30Iyɔr ahar Mosis avo ghɛ Ɛlaja#9.30 Mosis avo ghɛ Ɛlaja Mosis avo ghɛ Ɛlaja atsingan-ikaan amban vɛ avand ghi irun., vɛ duwe vɛru iramen ghɛ Jizɔs. 31Vɛ duwe ghɛ utorov kɔisa, vɛ ram ghu Jizɔs ɛnmɔ a ɛr, awa isima una Aonz, ungwen ɛru na akpon kɔ Jerusalɛm.
32Pita ghɛ urɔng una vɛru ayav. Vɛ rɛr kɔ minya vɛ ɛnɛn utorov unav Jizɔs avo iyɔr ahar amban vɛru atire ghu un mɔ. 33Mɔ iyɔr hun vɛ kɔr iyovun, Pita akaa ghu Jizɔs na, “Uwun, mva uwas han ashiya shisha! Ghi ɛr isharev itar imɔm iru ikogh, igenɛgh iru inagh Mosis, ikin utar mɔ iru inagh Ɛlaja.” (Afɔ ukwagh ungwen aru iramen gha.)
34Mɔ aru iramen mɔ, ikugh iku avo, katser avo mɔ vɛ nɔr kɔ ghi ikugh. 35Ne imo iva kɔ ghi akugh ikaa na, “Uwan wam usima nan, ungwen mɛ tsɛgha, mgban un,” 36Mɔ imo hun iramen ibɛɛn mɔ vɛ ɛn Jizɔs aru hen un utson. Ayɛghɛnɛv anav vɛ seng swɛng vɛ ɔɔr ɔr ukpɛ ungumɔ akaa angan vɛ ɛn gha.
Jizɔs akos uwan unombos ungwen ajingɛjing ube aru kɔ ana
(Matiyo 17.14-18; Mak 9.14-27)
37Ihɔ ingin ichir mɔ Jizɔs ghɛ ayɛghɛnɛv anav vɛ shiren kɔ ugo mɔ, iweng iyɔr iva tsɔ un. 38Ɔr ugen kɔ iyɔr amban vɛru hen mɔ atah un, “Ɔr Tɛsɛn, mkor uzɔ kɔr ishon uwan uwam, angwe kɛ wan wam umɔm tas. 39Ajingɛjing ube anɔrun un a ɛr un akong; agbayi ikungu uhu uduwe un kɔ uzɔ. Iden gha itɔnd un avav kɔ ghi iyɔr. 40Mɛ kɔr uzɔ ghɛ ayɛghɛnɛv avov na vɛ zenda ajingɛjing ube hun kpa vɛ kan gha.”
41Jizɔs akaa na, “Un ichend ingiyen ushin isima ibɛrɛn ghɛ ichend ingiyen ingiye jing gha,” “Mɛ tsa ghu un kɛ nan, mɛ wa isima kɛ nan? Vam ghu uwan hun.”
42Kas mɔ uwan unombos hun aru ivan kɔ ghɛ Jizɔs, ajingɛjing ube hun a ɛr un agba ikungu. Kpa Jizɔs ahure ajingɛjing ube hun, akos uwan nombos hun ne ana utir una. 43Ghɛtser iyɔr amem mɔ vɛ ɛnɛn ghi ihimban ikɔw una Aonz.
Jizɔs atsingan-ikaan uku una ukwa ahar
(Matiyo 17.22,23; Mak 9.30-32)
Mɔ iyɔr amem vɛru ghɛ utsɛrɛgh ghɛ akaa angan a ɛr mɔ, Jizɔs akaa ghɛ ayɛghɛnɛv anav, 44“Mgban ukwagh ungwen mgwe ghi ikaan ghu un. Uwan Ɔro vɛ na un kɔ avo iyɔro.” 45Kpa vɛ fɔ ukwagh hun gha. Ghɛru ukwagh uyɛr kɔ ghɛ avo ɛn na vɛ fɔ gha, vɛ chiya upinen un ukwagh hun.
Jizɔs atɛs ɔr ungwen angwe ɔr uhɛmban ayɛghɛnɛv anav
(Matiyo 18.1-5; Mak 9.33-37)
46Ayɛghɛnɛv anav vɛru ghi edǝrɛn ɔr ungwen aru uhɛmban kɔ ghɛ avo. 47Ne Jizɔs afɔn asɛma avo, ne atɛng uwan urara, atire un ihan. 48Ne akaa ghɛ avo na, “Hanamɔ ungwen a ɔz uwan urara ɛn ungwen man ɛchi uwam sa a ɔzum, ɔr ungwen a ɔzum sa a ɔz ɔr ungwen atindim. Hanamɔ ɔr kɔ ateh uwon ungwen asen iyɔr inya un ne angwe ɔr uhɛmban.”
49Jon akaa kɔ ghu Jizɔs, “Uwun, ghi ɛn ɔr ugen aru ihuren ajingɛjing abev ku itiye iyow, kpa ghi inong uyingan un ɛchi angwe urɔng ghu ɔs gha.”
50Ne Jizɔs akaa na, “Ka yingayi un gha! Ɔr ungwen atsɔn un gha angwe ɛchi uwam.”
Iyɔr Samariya vɛ venda Jizɔs
51Ukpɛ ungwen ghɛru ghi kpemberen ungwen Jizɔs ahire kɔisa, awa isima uzan kɔ Jerusalɛm. 52Atind itomov kɔ ishi amban vɛ nɔrɔyi ihiye ghɛ ihiye kɔ samariya ɛn vɛ aza tɔr ahiye. 53Ne iyɔr amban hɔ ikɔng ingumɔ vɛ rumun un gha, ɛchi azayi kɔ Jerusalɛm. 54Mɔ ayɛghɛnɛv anav Jɛm ghɛ Jon vɛ ɛnɛn mɔ, vɛ akaa ghɛ Jizɔs na, “Uwun, ghi iram ghu Aonz hin uzu usɛn kɔisa uhiya avo?” 55Kpa Jizɔs agɛma ahure avo. 56Ne un ghɛ ayɛghɛnɛv anav vɛ za kɔ ihiye ugen.
Kwagh ungwen a ɛr ɔr ungwen aru ɔr uyɛghɛn una Jizɔs
(Matiyo 8.19-22)
57Mɔ vɛru ghi zenden uzan, ɔr ugen akaa ghɛ Jizɔs na, “Mɛru ɔr uyɛghɛn uwow hanamɔ ihiye ungwen uza.”
58Ne Jizɔs arumun na, “Itsinga-avanz ingi ghɛ abar inon ingi ghɛ aye ana, kpa Uwan Ɔro angwe ihiye utsan gha.”
59Akaa kɔ ɔr ugen na, “Va, ru ɔr uyɛghɛn uwam.”
Ne ɔr hun arumun, kpa akaa na, “Uwun, tamber mɛ za yii utir uwam tete.”
60Ne Jizɔs arumun un na, “De akponɛv hin vɛ yii akponɛv! Uwɛ za tsogh Utorov unav Aonz.”
61Ɔr ugen akaa ghu un na, “Mɛru ɔr uyɛghɛn uwow Uwun, kpa de mɛ vand ikaa ghi iyɔr avav.”
62Jizɔs ɔɔr ghu un na, “Ɔ ɛn ɔr akɔr ikar ukahan, sɛ agɛma ase ajime utom una uru itiyo ikaa gha. Ku mɔ ne, ɔr ungwen angwe ɔr uyɛghɛn uwam sɛ agɛma kɔ ghu uwuma una utse, abe a ɛr utom ungun uru itiyo ikaa kɔ Utorov unav Aonz gha.”
Currently Selected:
Luk 9: UTA
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Luk 9
9
Jizɔs atind ayɛghɛnɛv amban atsuwa puwɛ-ahar
(Matiyo 10.5-15; Mak 6.7-13)
1Aru ihɔ igen mɔ Jizɔs atah ayɛghɛnɛv amban atsuwa puwɛ-ahar ne ana avo iyan ghɛ ikɔw na vɛ zenda ajingɛjing abev amem ghɛ ukoson awen amem. 2Ne atind avo na vɛ za hin vɛ ɔɔr iyɔr Utorov Aonz ghɛ ukoson awenɛv. 3Ne akaa ghɛ avo na, “Ka tengnɛn ukwagh gha mɔ uduwen uzend. Ka tengnɛn itegh uzendegh gha, ikpa, ukwagh uyan, inarigh, ghɛ akond agen gha. 4Hanamɔ itumbɛ ingin unɔrun, run hen kpem uyovon hɔ ghɛ achiya hun. 5Achiya ungwen unɔrun sɛ vɛ rumun un gha osun ihind kɔ avor hin iru avo uchin na Aonz ana avo ichan.”
6Ne vɛ hiye uzend uvo ahiye ghɛ ihiye, utsoghun urɛhɛ usɛ ghɛ ukosun awenɛv.
Ghɛ tsume Hɛrɔd akaa angan amgba ghu Jizɔs
(Matiyo 14.1-12; Mak 6.14-29)
7Mɔ Hɛrɔd Atipas#9.7 Hɛrɔd Atipas Utor ungwen aru uwan una utor Hɛrɔd uhumban, aru ikon ukpɛ ungwen vɛ mar Jizɔs mɔ, Unom kɔ utar Galili, amgban akaa angan Jizɔs a ɛr amem, ghɛtsume un. Mɔ iyɔr agenɛv vɛ akaa un na Jon ɔr minden iyɔr kɔ ijɔr ne a rɛr. 8Agenɛv vɛ akaa na Ɛlaja ne a rɛr, agenɛv na ɔr uramen ɛchi Aonz kɔ aramen ɛchi Aonz atsɛv ne a rɛr kɔ ghɛ akponov.
9Hɛrɔd akaa na, “Mɛ tɔnd itow inagh Jon, ne ku utu ɔro hanamɔ ungwen mgban akaa angan mana?” Ne aker ɔ ɛnɛn Jizɔs.
Jizɔs ana iyɔr iti-atan puwɛ atan ukwagh uyan
(Matiyo 14.13-21; Mak 6.30-44; Jon 6.1-14)
10Mɔ ayɛghɛnɛv amban atsuwa vɛ hiren, vɛ ɔɔr Jizɔs akaa amem angan vɛ ɛr. Ne avo ghɛ un vɛ za kɔ ihiye ungwen vɛ tayi na Betsada. 11Iweng iyɔr ingimɔ vɛ fɔn hɔ Jizɔs aru izan mɔ, vɛ dunda un. A ɔz avo ne atɛs avo Utorov unav Aonz, ne akos amban vɛru iwen.
12Ayɛkighɛ ayɛghɛnɛv amban atuwa puwɛ ahar vɛ ɔɔr Jizɔs na, “Kaa iyɔr amban hin vɛ yov kɔ achiya ghɛ akɔr angan anga kond kond, hin vɛ za yam ukwagh uyan ashigh ukeren ihiye uyavin. Itiyo ikaa iyɔr itim han gha.”
13Kpa Jizɔs akaa ghɛ avo na, “Nan avo ukwagh uyan.”
“Vɛ kaa na imbi ubrɛd akpon atan ghɛ isu ihar.” Vɛ kaa un na, “Zan uker na ghi iza yam ukwagh uyan ivi ina iweng iyɔr ingine?” 14Iyɔr iti atan puwɛ atan vɛru hen.
Jizɔs akaa ayɛghɛnɛv anav na, “Ɔɔr avo hin vɛ atɛma inya iyɔr iti-ahar ghɛ puwɛ kpos kpos.” 15Mɔ ayɛghɛnɛv vɛ ɛrɛn mɔ, iyɔr amem vɛ tɛma inya. 16Atɛng ubrɛd hun ghɛ isu ihar, a ɛn kɔisa, ana ashiyan kɔ Aonz. Ne ahɛmb ana ayɛghɛnɛv anav na vɛ bur iyɔr hun. 17Avo amem vɛ aya akuma avo, ne ayɛghɛnɛv anav vɛ kura avur ayiv akes puwɛ ahar angan ahɛmba!
Pita akaa na Jizɔs angwe Ɔr tsɛghan
(Matiyo 16.13-19; Mak 8.27-29)
18Ihɔ igen Jizɔs aru ghi iramen ghu Aonz un tson ne ayɛghɛnɛv anav vɛru ghu un, ne apine avo, “Kɛ ana isum iyɔro ikaa na mgwe?”
19Vɛ kaa na, “Agenɛv na ungwe Jon Ɔr minden iyɔr kɔ ijɔr, agenɛv na kɛ Ɛlaja, ne agenɛv na, ɔr umɔm kɔ aramenɛv ɛchi Aonz kɔ atsɛv amban vɛ akpo, ne arɛr.”
20Ne apine avo, “Kɛ ana ukaan na mgwe?”
Pita arumun na, “Uwɛ kɛ Ɔr tsɛghan una Aonz!”
Jizɔs atsinga-ikaan uku una
(Matiyo 16.20-28; Mak 8.30—9.1)
21Jizɔs ata ayɛghɛnɛv uchin na vɛ ka ɔɔrɔyi ɔr ukwagh ungwen gha. 22Akaa na, “Uwan Ɔro ɛr aya ichan ghɛ akaa tsɛng, ataanɛv Ujus vɛ vanda un, ataanɛv kɔ apɛɛnɛv anav Aonz, ghɛ atɛsɛnɛv mɛnna Ujus. Vɛ wuwa un, ta ihɔ utar a rɛr kɔ uku.”
23Ne akaa ghɛ avo na hanamɔ ɔr ungwen, akaa na un, “Adundam avenda iyɔr ina atɛng Itsingan ukon una usov ghɛ usov hin adundam. 24Hanamɔ ɔr ungwen aker ukɛghɛn umuwa una, umuwa una arir hanamɔ ɔr ungwen umuwa una arir ɛchi uwam akor ghɛ awɛ. 25Kine mɛnɛn ɔr akor ghɛ awɛ akaa utara amem sɛ avund umuwa una asɛng uvoro? 26Ɔr ungwen avendam ghɛ urɛhɛ uwam, Uwan Ɔro avenda un kpɛ ungwen ava ghu utorov unav, ghɛ unav Utir ghɛ tsangna vudugɛr anav Aonz. 27Ukɔng mkaa un agenɛv amba atire han vɛ ɛn uku ase gha, kpem vɛ ɛn utorov Aonz.”
Jizɔs agɛma iyɔr ina
(Matiyo 17.1-8; Mak 9.2-8)
28Ubiyen ahɔ akinkini ungwen Jizɔs a ɔɔr ukwagh ungwen, atɛng Pita, Jon ghɛ Jɛm vɛ yov kɔ ugo uramen ghu Aonz. 29Mɔ aru ghi iramen ghu Aonz, ishigh inagh igɛma, akond ana akung ɛn kɛ iramǝgh. 30Iyɔr ahar Mosis avo ghɛ Ɛlaja#9.30 Mosis avo ghɛ Ɛlaja Mosis avo ghɛ Ɛlaja atsingan-ikaan amban vɛ avand ghi irun., vɛ duwe vɛru iramen ghɛ Jizɔs. 31Vɛ duwe ghɛ utorov kɔisa, vɛ ram ghu Jizɔs ɛnmɔ a ɛr, awa isima una Aonz, ungwen ɛru na akpon kɔ Jerusalɛm.
32Pita ghɛ urɔng una vɛru ayav. Vɛ rɛr kɔ minya vɛ ɛnɛn utorov unav Jizɔs avo iyɔr ahar amban vɛru atire ghu un mɔ. 33Mɔ iyɔr hun vɛ kɔr iyovun, Pita akaa ghu Jizɔs na, “Uwun, mva uwas han ashiya shisha! Ghi ɛr isharev itar imɔm iru ikogh, igenɛgh iru inagh Mosis, ikin utar mɔ iru inagh Ɛlaja.” (Afɔ ukwagh ungwen aru iramen gha.)
34Mɔ aru iramen mɔ, ikugh iku avo, katser avo mɔ vɛ nɔr kɔ ghi ikugh. 35Ne imo iva kɔ ghi akugh ikaa na, “Uwan wam usima nan, ungwen mɛ tsɛgha, mgban un,” 36Mɔ imo hun iramen ibɛɛn mɔ vɛ ɛn Jizɔs aru hen un utson. Ayɛghɛnɛv anav vɛ seng swɛng vɛ ɔɔr ɔr ukpɛ ungumɔ akaa angan vɛ ɛn gha.
Jizɔs akos uwan unombos ungwen ajingɛjing ube aru kɔ ana
(Matiyo 17.14-18; Mak 9.14-27)
37Ihɔ ingin ichir mɔ Jizɔs ghɛ ayɛghɛnɛv anav vɛ shiren kɔ ugo mɔ, iweng iyɔr iva tsɔ un. 38Ɔr ugen kɔ iyɔr amban vɛru hen mɔ atah un, “Ɔr Tɛsɛn, mkor uzɔ kɔr ishon uwan uwam, angwe kɛ wan wam umɔm tas. 39Ajingɛjing ube anɔrun un a ɛr un akong; agbayi ikungu uhu uduwe un kɔ uzɔ. Iden gha itɔnd un avav kɔ ghi iyɔr. 40Mɛ kɔr uzɔ ghɛ ayɛghɛnɛv avov na vɛ zenda ajingɛjing ube hun kpa vɛ kan gha.”
41Jizɔs akaa na, “Un ichend ingiyen ushin isima ibɛrɛn ghɛ ichend ingiyen ingiye jing gha,” “Mɛ tsa ghu un kɛ nan, mɛ wa isima kɛ nan? Vam ghu uwan hun.”
42Kas mɔ uwan unombos hun aru ivan kɔ ghɛ Jizɔs, ajingɛjing ube hun a ɛr un agba ikungu. Kpa Jizɔs ahure ajingɛjing ube hun, akos uwan nombos hun ne ana utir una. 43Ghɛtser iyɔr amem mɔ vɛ ɛnɛn ghi ihimban ikɔw una Aonz.
Jizɔs atsingan-ikaan uku una ukwa ahar
(Matiyo 17.22,23; Mak 9.30-32)
Mɔ iyɔr amem vɛru ghɛ utsɛrɛgh ghɛ akaa angan a ɛr mɔ, Jizɔs akaa ghɛ ayɛghɛnɛv anav, 44“Mgban ukwagh ungwen mgwe ghi ikaan ghu un. Uwan Ɔro vɛ na un kɔ avo iyɔro.” 45Kpa vɛ fɔ ukwagh hun gha. Ghɛru ukwagh uyɛr kɔ ghɛ avo ɛn na vɛ fɔ gha, vɛ chiya upinen un ukwagh hun.
Jizɔs atɛs ɔr ungwen angwe ɔr uhɛmban ayɛghɛnɛv anav
(Matiyo 18.1-5; Mak 9.33-37)
46Ayɛghɛnɛv anav vɛru ghi edǝrɛn ɔr ungwen aru uhɛmban kɔ ghɛ avo. 47Ne Jizɔs afɔn asɛma avo, ne atɛng uwan urara, atire un ihan. 48Ne akaa ghɛ avo na, “Hanamɔ ungwen a ɔz uwan urara ɛn ungwen man ɛchi uwam sa a ɔzum, ɔr ungwen a ɔzum sa a ɔz ɔr ungwen atindim. Hanamɔ ɔr kɔ ateh uwon ungwen asen iyɔr inya un ne angwe ɔr uhɛmban.”
49Jon akaa kɔ ghu Jizɔs, “Uwun, ghi ɛn ɔr ugen aru ihuren ajingɛjing abev ku itiye iyow, kpa ghi inong uyingan un ɛchi angwe urɔng ghu ɔs gha.”
50Ne Jizɔs akaa na, “Ka yingayi un gha! Ɔr ungwen atsɔn un gha angwe ɛchi uwam.”
Iyɔr Samariya vɛ venda Jizɔs
51Ukpɛ ungwen ghɛru ghi kpemberen ungwen Jizɔs ahire kɔisa, awa isima uzan kɔ Jerusalɛm. 52Atind itomov kɔ ishi amban vɛ nɔrɔyi ihiye ghɛ ihiye kɔ samariya ɛn vɛ aza tɔr ahiye. 53Ne iyɔr amban hɔ ikɔng ingumɔ vɛ rumun un gha, ɛchi azayi kɔ Jerusalɛm. 54Mɔ ayɛghɛnɛv anav Jɛm ghɛ Jon vɛ ɛnɛn mɔ, vɛ akaa ghɛ Jizɔs na, “Uwun, ghi iram ghu Aonz hin uzu usɛn kɔisa uhiya avo?” 55Kpa Jizɔs agɛma ahure avo. 56Ne un ghɛ ayɛghɛnɛv anav vɛ za kɔ ihiye ugen.
Kwagh ungwen a ɛr ɔr ungwen aru ɔr uyɛghɛn una Jizɔs
(Matiyo 8.19-22)
57Mɔ vɛru ghi zenden uzan, ɔr ugen akaa ghɛ Jizɔs na, “Mɛru ɔr uyɛghɛn uwow hanamɔ ihiye ungwen uza.”
58Ne Jizɔs arumun na, “Itsinga-avanz ingi ghɛ abar inon ingi ghɛ aye ana, kpa Uwan Ɔro angwe ihiye utsan gha.”
59Akaa kɔ ɔr ugen na, “Va, ru ɔr uyɛghɛn uwam.”
Ne ɔr hun arumun, kpa akaa na, “Uwun, tamber mɛ za yii utir uwam tete.”
60Ne Jizɔs arumun un na, “De akponɛv hin vɛ yii akponɛv! Uwɛ za tsogh Utorov unav Aonz.”
61Ɔr ugen akaa ghu un na, “Mɛru ɔr uyɛghɛn uwow Uwun, kpa de mɛ vand ikaa ghi iyɔr avav.”
62Jizɔs ɔɔr ghu un na, “Ɔ ɛn ɔr akɔr ikar ukahan, sɛ agɛma ase ajime utom una uru itiyo ikaa gha. Ku mɔ ne, ɔr ungwen angwe ɔr uyɛghɛn uwam sɛ agɛma kɔ ghu uwuma una utse, abe a ɛr utom ungun uru itiyo ikaa kɔ Utorov unav Aonz gha.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation