San Lucas 18
18
Tuꞌun ndíchi ya káꞌan ndá kuꞌva kaꞌan yo xiꞌin Ndioxi
1Sindiꞌi saa xa̱á Jesús ndítuꞌun ra xiꞌin nda ítaꞌan xiꞌin ra, ndíkani ra nuu nda ya ná kaꞌan ni nda xiꞌin Ndioxi, ta ná ndïko koo ini nda. 2Ñaa xa̱á ra káꞌan ra, káchi ra saa:
―Ndi̱xiyo iin ra juez iin ñuu, ta ni köo íꞌvi ra xíni ra Ndioxi ni na ivi yóꞌó köo íꞌvi ra xíni ra. 3Saa ndi̱xiyo tu iin yá ndi̱ndoo ndaa suvi mií ñuu ikán. Saa ndóꞌo yá tindoꞌo xiꞌin iin ra íyo kuachi xiꞌin yá. Ñaa xa̱á yá xíka yá nuu ra juez ikán, káꞌan yá xiꞌin ra chindee ra yá kunani kuachi yá xiꞌin ra íyo kuachi xiꞌin yá. 4Ta ni köo káꞌan ra juez ikán chindee ra yá. Saa kúu yá, saa kúu yá xíka yá nuu ra vitin taan. Ñaa xa̱á ndíkani ini ra káchi ra saa: “Vani köo káñuꞌu i Ndioxi ni köo káñuꞌu i na ivi yóꞌó, 5ta chindee saꞌa i yá ndi̱ndoo ndaa yóꞌó ya ná kïxi ka yá nuu i, saa chi vaxi ta vaxi va yá nuu i, ta síndiꞌi ni yá yeꞌe”, káchi ra juez ikán. Soꞌva káꞌan tuꞌun ndíchi ikán ―káchi Jesús.
6Ñaa ndi̱kaꞌan Jesús káchi ra saa:
―Koto ndo unkua i̱kan ra juez ra iku ini. 7Tá tu saa i̱kan ra ikán, ta ndisaa ka vi Ndioxi, ¿án chïndee ra na ndi̱kaxin ra tá ná kaꞌan na xiꞌin ra vitin taan? ¿Án ndïkuiin kama ra yuꞌu na? 8Kama ni va ndikuiin Ndioxi yuꞌu na chindee ra na. Sundi tá ná ndiko koo yeꞌe Taa ra xa̱a ñuu ivi yóꞌó, ta köo xíni i ¿án koo ka na ndáa ni ini xíni yeꞌe? ―káchi Jesús xiꞌin nda ítaꞌan xiꞌin ra.
Tuꞌun ndíchi xaꞌa iin ra fariseo tin iin ra ndíkaya xuꞌun kuaꞌan ndaꞌa gobierno ñuu Roma
9Saa ndóo sava na ndíkani ini vaꞌa ni mií na túvi na yakan kúndasi nuu na xíni na inka naꞌa. Xaꞌa ya ikán kua xa̱á Jesús káꞌan ra tuꞌun ndíchi yóꞌó, káchi ra saa:
10―Saa ndo̱ꞌo uvi nda taa, ke̱e nda kuaꞌan nda veꞌe ñuꞌu kaꞌan nda xiꞌin Ndioxi. Iin ra ikán ku fariseo ta inka ra kúu ra ndíkaya xuꞌun kuaꞌan ndaꞌa gobierno. 11Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i. 12Chi uvi kivi xíxi suꞌun i iin semana, ta táxi i xuꞌun i ndaꞌa un. Táva i uxi koo nuu ndiꞌi ya kíꞌin i xáa chiñu i ta tixin iin iin koo ikán táva i iin koo táxi i ndaꞌa un”, káchi ra xiꞌin Ndioxi. 13Ta inka ra ndíkaya xuꞌun kuaꞌan ndaꞌa gobierno, ndi̱kundichi xika ra, ni köo xáꞌa ndee ini ra ndaniꞌi ra nuu ra, vaꞌa ka ndi̱kuita ndee ra nuu ñuꞌú, tíin ndaa ra xiní ra, káchi ra saa: “Tata Iva yo Ndioxi, kundaꞌvi ini un kuni un yeꞌe, saa chi ra ivi kuachi ku i”, káchi ra ndíchi ra. 14Ta ra ikán ku ra ki̱ndoo vaꞌa ka nuu Ndioxi. Süvi ka vi ra fariseo ndi̱kindoo vaꞌa nuu Ndioxi, saa chi ndiꞌi na chínuu vaꞌa tuꞌun ta síndikava ndaa Ndioxi na ni̱nu̱, ta ndiꞌi na síndikava ndaa xiꞌin mií na ikán ku na ndíkunuu sukun ni tuꞌun ikán Ndioxi ―káchi Jesús.
Chíkaa Jesús ya vaꞌa na vali
(Mt. 19:13-15; Mr. 10:13-16)
15Iin kivi xa̱a naꞌa, kuaꞌa ka vi ku na xa̱a. Ndáka na na vali xa̱a xiꞌin na ya kúni na chikaa ra ya vaꞌa na. Sundi tá xi̱ni nda ítaꞌan xiꞌin ra, ta ndi̱ndaꞌi nda xiꞌin mií na ndáka na vali ikán.
16Ñaa ka̱na ndiꞌi Jesús mií na vali ikán xa̱a na nuu ra, ta saa ndi̱kaꞌan ra xiꞌin nda ítaꞌan xiꞌin ra, káchi ra saa:
―Käsi ndo nuu na vali, taxi ndo ná kixi na nuu i, chi ndiꞌi na íin tá íin na vali, na yóꞌó ku na koo nuu xáꞌnda chiñu Ndioxi. 17Ya ndaa káꞌan i xiꞌin ndo, tá xïin ndo kandixa ndo tá kuꞌva kándixa na vali yóꞌó, ta küchiñu ndo kiꞌvi ndo nuu xáꞌnda chiñu Ndioxi ―káchi Jesús.
Káꞌan iin ra kuika xiꞌin Jesús
(Mt. 19:16-30; Mr. 10:17-31)
18Saa ku̱u xa̱a iin ra kuika nuu Jesús káꞌan ra xiꞌin ra, káchi ra saa:
―Tata Maestro, yóꞌo̱ ku ra vaꞌa ni, ta kaꞌan loꞌo un xiꞌin i, ¿unkua xíniñuꞌu i ikan i ya kuchiñu i koo i xiꞌin Ndioxi ndiꞌi kivi ya vaxi? ―káchi ra.
19Saa ndi̱kuiin Jesús káꞌan ra, káchi ra saa:
―¿Ndachu káꞌan un xiꞌin i “ra vaꞌa ni”, káchi un? Köo na vaꞌa ni, iindaa mituꞌun Ndioxi ku ra vaꞌa ni. 20Xa xíni mií un unkua káꞌan ley Ndioxi ya ta̱a ra Moisés xinaꞌa: “Kïꞌvi ndo xiꞌin yá síꞌi inka taa ta käꞌni taꞌan ndo, sïkuiꞌna ndo ñaꞌa taꞌan ndo, ni käꞌan siki ndo xaꞌa inka na, ta xaa toꞌo ndo iva ndo xiꞌin siꞌí ndo”, soꞌva káchi ley Ndioxi ―káchi Jesús xiꞌin ra.
21Saa ndi̱kuiin ra káchi ra saa:
―Tá loꞌo vi i íkan i saa, ta saa íkan i nda kivi vitin ―káchi ra.
22Ñaa tá xi̱ni soꞌo Jesús ya ndi̱kaꞌan ra, saa ndi̱kaꞌan ra xiꞌin ra, káchi ra saa:
―Vani xa íkan ndiꞌi un ya ñaa, sundi kümani ka siín ya ikan un. Xiko ndiꞌi ñaꞌa kúu mií un ta chindee un na ndaꞌvi. Saa ku ndixa ya ndukuika un xiꞌin Ndioxi nuu ndivi. Ikan ya ñaa, tá sindiꞌi un i̱kan un ya, ta saa kixi un kundikun un yeꞌe ―káchi Jesús xiꞌin ra.
23Tá xi̱ni soꞌo ra tuꞌun ndi̱kaꞌan Jesús xiꞌin ra, ta ndi̱kava ni ini ra chi kuika ni ra. 24Tá xi̱ni Jesús ya ndi̱kava ni ini ra ta saa ndi̱kaꞌan ra, káchi ra saa:
―¡Uꞌvi ni saa kiꞌvi na kuika koo na nuu xáꞌnda chiñu Ndioxi!
25’¿Án vaꞌa yaꞌa iin kiti camello ini yavi loꞌo kaꞌa iin tiku, túvi ndóꞌo̱? Yáꞌa ni ka uꞌvi saa kiꞌvi na kuika nuu xáꞌnda chiñu Ndioxi ―káchi Jesús xiꞌin na.
26Saa ndi̱kuiin na ndóo xíni soꞌo ikán, káchi na saa:
―Tá tu saa íyo ya, ta ¿unku na kuchiñu kaku? ―káchi na.
27Ñaa ndi̱kuiin Jesús káꞌan ra:
―Íyo ñaꞌa ndíchi ni köo kúchiñu na ivi yóꞌó ikan na, sundi nuu Ndioxi ta nda iin ya köo ndíchi ―káchi ra.
28Saa ndi̱kuiin ra Pedro káchi ra saa:
―Tata, ndeꞌe ta xa iin si̱ndoo yaa nde ñaꞌa ya kúu mií nde, ta xa̱a nde ndíkun nde yóꞌo̱ ―káchi ra.
29Saa ndi̱kuiin Jesús káꞌan ra:
―Ndóꞌo̱ ndíkun sata i, ta süvi ya uun mií kua ndíkun ndo yeꞌe, tá tu si̱ndoo ndo veꞌe ndo xiꞌin iva ndo tin ñani ndo án yá síꞌi ndo xíꞌin seꞌe ndo xaꞌa ya ndi̱kundikun ndo ichí nuu xáꞌnda chiñu Ndioxi, 30ta kuaꞌa ni ya vaꞌa niꞌi ndo nuu Ndioxi tiempo vitin, ta saa niꞌi tu ndo ya vaꞌa nuu ra tiempo ya vaxi va. Niꞌi ndo nuu koo ndo xiꞌin ra ndiꞌi saa tiempo, nda iin kivi ndïꞌi xaꞌa ndo ―káchi Jesús xiꞌin nda.
Ichí uni káꞌan Jesús kuvi ra
(Mt. 20:17-19; Mr. 10:32-34)
31Saa ku̱u ta ka̱na Jesús ndisaa uxi uvi mií nda ítaꞌan xiꞌin ra ndi̱kaꞌan ra xiꞌin nda, káchi ra saa:
―Vitin kuaꞌan yo ñuu Jerusalén, ikán ku nuu xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa yeꞌe, Taa ra xa̱a ñuu ivi yóꞌó. 32Ikán xaa nduvaꞌa ni na xiꞌin i, nditaxi na yeꞌe ndaꞌa na inka ñuu, na köo kúu Israel, ta kuaku ndaa ni na ikán yeꞌe, kaꞌan ndikuu na xaꞌa i, koꞌni ndaa na sii nuu i. 33Saa kani ni yeꞌe, ta kaꞌni na yeꞌe, sundi kivi uni nditaku i ―káchi Jesús xiꞌin nda ítaꞌan xiꞌin ra.
34Ta ni köo ndi̱kundaa ini nda unkua kúni kaꞌan ya ndi̱kaꞌan ra xiꞌin nda, ni köo ndi̱kiꞌin xiní nda xiꞌin ya chi ndi̱xiyo sêꞌe ya nuu nda.
Síndaꞌa Jesús iin ra kuáa̱ íyo ñuu Jericó
(Mt. 20:29-34; Mr. 10:46-52)
35Saa ku̱u ke̱e Jesús kuaꞌan ra xiꞌin nda ítaꞌan xiꞌin ra. Ñaa ku̱yati nda ñuu Jericó, yáꞌa nda kuaꞌan nda. Tá xa ku̱yati nda ñuu ikán, ta ndi̱yaꞌa nda nuu índuꞌu iin ra kuáa̱ ndákan ra xuꞌun nuu na yáꞌa ikán. 36Ñaa tá xi̱ni soꞌo ra síso ni yáꞌa naꞌa kuaꞌan na, ta saa ndi̱ndakan tuꞌun ra unkua kúu. 37Saa ndi̱kaꞌan na xiꞌin ra:
―Ra Jesús, ra ke̱e ñuu Nazaret ku ra yáꞌa kuaꞌan ―káchi na xiꞌin ra.
38Ñaa ku̱ndaa ini ra ta ndee ni ndi̱ndaꞌi koꞌo ra, káchi ra saa:
―¡Jesús, Seꞌe sikua ra David, kundaꞌvi ini un kuni un yeꞌe, ndaꞌvi i! ―káchi ra xiꞌin Jesús.
39Ta na ndóso kuaꞌan nuu, ndáꞌi na xiꞌin ra ya ná kutaxin yuꞌu ra, ta ra ikán ni köo ndi̱kiꞌin ra kuenta sata na, ndíkundee ra ndáꞌi koꞌo vaꞌa ka ra, káchi ra saa:
―¡Jesús, Seꞌe sikua ra David, kundaꞌvi ini un kuni un yeꞌe, ndaꞌvi ni i! ―káchi ra.
40Ñaa ndi̱kundichi Jesús yuꞌu ichí ikán, ta xa̱ꞌnda ra chiñu kuꞌun na ndikiꞌin ñaꞌa na. Saa ndi̱xaꞌan na ndi̱kiꞌin na ra. Tá xa̱a yati ra nuu Jesús ta ndi̱kaꞌan Jesús xiꞌin ra, káchi ra saa:
41―¿Unkua kúni un ikan i xiꞌin un? ―káchi ra xiꞌin ra.
Saa ndi̱kuiin ra, káchi ra saa:
―Nuu va i xuna kúni i, Tata ―káchi ra.
42Ta saa ndi̱kaꞌan Jesús xiꞌin ra, káchi ra saa:
―Vaꞌa sindaꞌa i yóꞌo̱. Ndáa ni ini un yeꞌe, yakan sindaꞌa i yóꞌo̱ ―káchi ra.
43Ñaa ndikun ndi̱kuna nuu ra. Saa ndi̱kundikun ra kuaꞌan ra xiꞌin Jesús, káꞌan ra ya vaꞌa xaꞌa Ndioxi kuaꞌan ra. Saa tu na xi̱ni ndi̱xuna nuu va ra, xa̱á na káꞌan na ya vaꞌa xaꞌa Ndioxi.
Currently Selected:
San Lucas 18: xta
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.
San Lucas 18
18
Tuꞌun ndíchi ya káꞌan ndá kuꞌva kaꞌan yo xiꞌin Ndioxi
1Sindiꞌi saa xa̱á Jesús ndítuꞌun ra xiꞌin nda ítaꞌan xiꞌin ra, ndíkani ra nuu nda ya ná kaꞌan ni nda xiꞌin Ndioxi, ta ná ndïko koo ini nda. 2Ñaa xa̱á ra káꞌan ra, káchi ra saa:
―Ndi̱xiyo iin ra juez iin ñuu, ta ni köo íꞌvi ra xíni ra Ndioxi ni na ivi yóꞌó köo íꞌvi ra xíni ra. 3Saa ndi̱xiyo tu iin yá ndi̱ndoo ndaa suvi mií ñuu ikán. Saa ndóꞌo yá tindoꞌo xiꞌin iin ra íyo kuachi xiꞌin yá. Ñaa xa̱á yá xíka yá nuu ra juez ikán, káꞌan yá xiꞌin ra chindee ra yá kunani kuachi yá xiꞌin ra íyo kuachi xiꞌin yá. 4Ta ni köo káꞌan ra juez ikán chindee ra yá. Saa kúu yá, saa kúu yá xíka yá nuu ra vitin taan. Ñaa xa̱á ndíkani ini ra káchi ra saa: “Vani köo káñuꞌu i Ndioxi ni köo káñuꞌu i na ivi yóꞌó, 5ta chindee saꞌa i yá ndi̱ndoo ndaa yóꞌó ya ná kïxi ka yá nuu i, saa chi vaxi ta vaxi va yá nuu i, ta síndiꞌi ni yá yeꞌe”, káchi ra juez ikán. Soꞌva káꞌan tuꞌun ndíchi ikán ―káchi Jesús.
6Ñaa ndi̱kaꞌan Jesús káchi ra saa:
―Koto ndo unkua i̱kan ra juez ra iku ini. 7Tá tu saa i̱kan ra ikán, ta ndisaa ka vi Ndioxi, ¿án chïndee ra na ndi̱kaxin ra tá ná kaꞌan na xiꞌin ra vitin taan? ¿Án ndïkuiin kama ra yuꞌu na? 8Kama ni va ndikuiin Ndioxi yuꞌu na chindee ra na. Sundi tá ná ndiko koo yeꞌe Taa ra xa̱a ñuu ivi yóꞌó, ta köo xíni i ¿án koo ka na ndáa ni ini xíni yeꞌe? ―káchi Jesús xiꞌin nda ítaꞌan xiꞌin ra.
Tuꞌun ndíchi xaꞌa iin ra fariseo tin iin ra ndíkaya xuꞌun kuaꞌan ndaꞌa gobierno ñuu Roma
9Saa ndóo sava na ndíkani ini vaꞌa ni mií na túvi na yakan kúndasi nuu na xíni na inka naꞌa. Xaꞌa ya ikán kua xa̱á Jesús káꞌan ra tuꞌun ndíchi yóꞌó, káchi ra saa:
10―Saa ndo̱ꞌo uvi nda taa, ke̱e nda kuaꞌan nda veꞌe ñuꞌu kaꞌan nda xiꞌin Ndioxi. Iin ra ikán ku fariseo ta inka ra kúu ra ndíkaya xuꞌun kuaꞌan ndaꞌa gobierno. 11Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i. 12Chi uvi kivi xíxi suꞌun i iin semana, ta táxi i xuꞌun i ndaꞌa un. Táva i uxi koo nuu ndiꞌi ya kíꞌin i xáa chiñu i ta tixin iin iin koo ikán táva i iin koo táxi i ndaꞌa un”, káchi ra xiꞌin Ndioxi. 13Ta inka ra ndíkaya xuꞌun kuaꞌan ndaꞌa gobierno, ndi̱kundichi xika ra, ni köo xáꞌa ndee ini ra ndaniꞌi ra nuu ra, vaꞌa ka ndi̱kuita ndee ra nuu ñuꞌú, tíin ndaa ra xiní ra, káchi ra saa: “Tata Iva yo Ndioxi, kundaꞌvi ini un kuni un yeꞌe, saa chi ra ivi kuachi ku i”, káchi ra ndíchi ra. 14Ta ra ikán ku ra ki̱ndoo vaꞌa ka nuu Ndioxi. Süvi ka vi ra fariseo ndi̱kindoo vaꞌa nuu Ndioxi, saa chi ndiꞌi na chínuu vaꞌa tuꞌun ta síndikava ndaa Ndioxi na ni̱nu̱, ta ndiꞌi na síndikava ndaa xiꞌin mií na ikán ku na ndíkunuu sukun ni tuꞌun ikán Ndioxi ―káchi Jesús.
Chíkaa Jesús ya vaꞌa na vali
(Mt. 19:13-15; Mr. 10:13-16)
15Iin kivi xa̱a naꞌa, kuaꞌa ka vi ku na xa̱a. Ndáka na na vali xa̱a xiꞌin na ya kúni na chikaa ra ya vaꞌa na. Sundi tá xi̱ni nda ítaꞌan xiꞌin ra, ta ndi̱ndaꞌi nda xiꞌin mií na ndáka na vali ikán.
16Ñaa ka̱na ndiꞌi Jesús mií na vali ikán xa̱a na nuu ra, ta saa ndi̱kaꞌan ra xiꞌin nda ítaꞌan xiꞌin ra, káchi ra saa:
―Käsi ndo nuu na vali, taxi ndo ná kixi na nuu i, chi ndiꞌi na íin tá íin na vali, na yóꞌó ku na koo nuu xáꞌnda chiñu Ndioxi. 17Ya ndaa káꞌan i xiꞌin ndo, tá xïin ndo kandixa ndo tá kuꞌva kándixa na vali yóꞌó, ta küchiñu ndo kiꞌvi ndo nuu xáꞌnda chiñu Ndioxi ―káchi Jesús.
Káꞌan iin ra kuika xiꞌin Jesús
(Mt. 19:16-30; Mr. 10:17-31)
18Saa ku̱u xa̱a iin ra kuika nuu Jesús káꞌan ra xiꞌin ra, káchi ra saa:
―Tata Maestro, yóꞌo̱ ku ra vaꞌa ni, ta kaꞌan loꞌo un xiꞌin i, ¿unkua xíniñuꞌu i ikan i ya kuchiñu i koo i xiꞌin Ndioxi ndiꞌi kivi ya vaxi? ―káchi ra.
19Saa ndi̱kuiin Jesús káꞌan ra, káchi ra saa:
―¿Ndachu káꞌan un xiꞌin i “ra vaꞌa ni”, káchi un? Köo na vaꞌa ni, iindaa mituꞌun Ndioxi ku ra vaꞌa ni. 20Xa xíni mií un unkua káꞌan ley Ndioxi ya ta̱a ra Moisés xinaꞌa: “Kïꞌvi ndo xiꞌin yá síꞌi inka taa ta käꞌni taꞌan ndo, sïkuiꞌna ndo ñaꞌa taꞌan ndo, ni käꞌan siki ndo xaꞌa inka na, ta xaa toꞌo ndo iva ndo xiꞌin siꞌí ndo”, soꞌva káchi ley Ndioxi ―káchi Jesús xiꞌin ra.
21Saa ndi̱kuiin ra káchi ra saa:
―Tá loꞌo vi i íkan i saa, ta saa íkan i nda kivi vitin ―káchi ra.
22Ñaa tá xi̱ni soꞌo Jesús ya ndi̱kaꞌan ra, saa ndi̱kaꞌan ra xiꞌin ra, káchi ra saa:
―Vani xa íkan ndiꞌi un ya ñaa, sundi kümani ka siín ya ikan un. Xiko ndiꞌi ñaꞌa kúu mií un ta chindee un na ndaꞌvi. Saa ku ndixa ya ndukuika un xiꞌin Ndioxi nuu ndivi. Ikan ya ñaa, tá sindiꞌi un i̱kan un ya, ta saa kixi un kundikun un yeꞌe ―káchi Jesús xiꞌin ra.
23Tá xi̱ni soꞌo ra tuꞌun ndi̱kaꞌan Jesús xiꞌin ra, ta ndi̱kava ni ini ra chi kuika ni ra. 24Tá xi̱ni Jesús ya ndi̱kava ni ini ra ta saa ndi̱kaꞌan ra, káchi ra saa:
―¡Uꞌvi ni saa kiꞌvi na kuika koo na nuu xáꞌnda chiñu Ndioxi!
25’¿Án vaꞌa yaꞌa iin kiti camello ini yavi loꞌo kaꞌa iin tiku, túvi ndóꞌo̱? Yáꞌa ni ka uꞌvi saa kiꞌvi na kuika nuu xáꞌnda chiñu Ndioxi ―káchi Jesús xiꞌin na.
26Saa ndi̱kuiin na ndóo xíni soꞌo ikán, káchi na saa:
―Tá tu saa íyo ya, ta ¿unku na kuchiñu kaku? ―káchi na.
27Ñaa ndi̱kuiin Jesús káꞌan ra:
―Íyo ñaꞌa ndíchi ni köo kúchiñu na ivi yóꞌó ikan na, sundi nuu Ndioxi ta nda iin ya köo ndíchi ―káchi ra.
28Saa ndi̱kuiin ra Pedro káchi ra saa:
―Tata, ndeꞌe ta xa iin si̱ndoo yaa nde ñaꞌa ya kúu mií nde, ta xa̱a nde ndíkun nde yóꞌo̱ ―káchi ra.
29Saa ndi̱kuiin Jesús káꞌan ra:
―Ndóꞌo̱ ndíkun sata i, ta süvi ya uun mií kua ndíkun ndo yeꞌe, tá tu si̱ndoo ndo veꞌe ndo xiꞌin iva ndo tin ñani ndo án yá síꞌi ndo xíꞌin seꞌe ndo xaꞌa ya ndi̱kundikun ndo ichí nuu xáꞌnda chiñu Ndioxi, 30ta kuaꞌa ni ya vaꞌa niꞌi ndo nuu Ndioxi tiempo vitin, ta saa niꞌi tu ndo ya vaꞌa nuu ra tiempo ya vaxi va. Niꞌi ndo nuu koo ndo xiꞌin ra ndiꞌi saa tiempo, nda iin kivi ndïꞌi xaꞌa ndo ―káchi Jesús xiꞌin nda.
Ichí uni káꞌan Jesús kuvi ra
(Mt. 20:17-19; Mr. 10:32-34)
31Saa ku̱u ta ka̱na Jesús ndisaa uxi uvi mií nda ítaꞌan xiꞌin ra ndi̱kaꞌan ra xiꞌin nda, káchi ra saa:
―Vitin kuaꞌan yo ñuu Jerusalén, ikán ku nuu xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa yeꞌe, Taa ra xa̱a ñuu ivi yóꞌó. 32Ikán xaa nduvaꞌa ni na xiꞌin i, nditaxi na yeꞌe ndaꞌa na inka ñuu, na köo kúu Israel, ta kuaku ndaa ni na ikán yeꞌe, kaꞌan ndikuu na xaꞌa i, koꞌni ndaa na sii nuu i. 33Saa kani ni yeꞌe, ta kaꞌni na yeꞌe, sundi kivi uni nditaku i ―káchi Jesús xiꞌin nda ítaꞌan xiꞌin ra.
34Ta ni köo ndi̱kundaa ini nda unkua kúni kaꞌan ya ndi̱kaꞌan ra xiꞌin nda, ni köo ndi̱kiꞌin xiní nda xiꞌin ya chi ndi̱xiyo sêꞌe ya nuu nda.
Síndaꞌa Jesús iin ra kuáa̱ íyo ñuu Jericó
(Mt. 20:29-34; Mr. 10:46-52)
35Saa ku̱u ke̱e Jesús kuaꞌan ra xiꞌin nda ítaꞌan xiꞌin ra. Ñaa ku̱yati nda ñuu Jericó, yáꞌa nda kuaꞌan nda. Tá xa ku̱yati nda ñuu ikán, ta ndi̱yaꞌa nda nuu índuꞌu iin ra kuáa̱ ndákan ra xuꞌun nuu na yáꞌa ikán. 36Ñaa tá xi̱ni soꞌo ra síso ni yáꞌa naꞌa kuaꞌan na, ta saa ndi̱ndakan tuꞌun ra unkua kúu. 37Saa ndi̱kaꞌan na xiꞌin ra:
―Ra Jesús, ra ke̱e ñuu Nazaret ku ra yáꞌa kuaꞌan ―káchi na xiꞌin ra.
38Ñaa ku̱ndaa ini ra ta ndee ni ndi̱ndaꞌi koꞌo ra, káchi ra saa:
―¡Jesús, Seꞌe sikua ra David, kundaꞌvi ini un kuni un yeꞌe, ndaꞌvi i! ―káchi ra xiꞌin Jesús.
39Ta na ndóso kuaꞌan nuu, ndáꞌi na xiꞌin ra ya ná kutaxin yuꞌu ra, ta ra ikán ni köo ndi̱kiꞌin ra kuenta sata na, ndíkundee ra ndáꞌi koꞌo vaꞌa ka ra, káchi ra saa:
―¡Jesús, Seꞌe sikua ra David, kundaꞌvi ini un kuni un yeꞌe, ndaꞌvi ni i! ―káchi ra.
40Ñaa ndi̱kundichi Jesús yuꞌu ichí ikán, ta xa̱ꞌnda ra chiñu kuꞌun na ndikiꞌin ñaꞌa na. Saa ndi̱xaꞌan na ndi̱kiꞌin na ra. Tá xa̱a yati ra nuu Jesús ta ndi̱kaꞌan Jesús xiꞌin ra, káchi ra saa:
41―¿Unkua kúni un ikan i xiꞌin un? ―káchi ra xiꞌin ra.
Saa ndi̱kuiin ra, káchi ra saa:
―Nuu va i xuna kúni i, Tata ―káchi ra.
42Ta saa ndi̱kaꞌan Jesús xiꞌin ra, káchi ra saa:
―Vaꞌa sindaꞌa i yóꞌo̱. Ndáa ni ini un yeꞌe, yakan sindaꞌa i yóꞌo̱ ―káchi ra.
43Ñaa ndikun ndi̱kuna nuu ra. Saa ndi̱kundikun ra kuaꞌan ra xiꞌin Jesús, káꞌan ra ya vaꞌa xaꞌa Ndioxi kuaꞌan ra. Saa tu na xi̱ni ndi̱xuna nuu va ra, xa̱á na káꞌan na ya vaꞌa xaꞌa Ndioxi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.