San Lucas 9
9
Táxi Jesús ndee ndaꞌa nda ítaꞌan xiꞌin ra
(Mt. 10:5-15; Mr. 6:7-13)
1Saa ku̱u iin ichí si̱kitaꞌan ndiꞌi Jesús nda ítaꞌan xiꞌin ra, ta saa ta̱xi ra ichí ndaꞌa iin iin nda ya tava nda ndiꞌi nuu tachi nduvaꞌa ya kúu mií naꞌa, saa ta̱xi ra ndee ndaꞌa nda ya sindaꞌa nda na kúꞌvi tin na ndóꞌo ndá ka nuu kueꞌe. 2Ñaa ti̱ꞌvi ra nda kuaꞌan nda, kaꞌan ndoso nda tuꞌun Ndioxi ta saa kuchiñu ra kaꞌnda chiñu ra nuu na. Ta ndi̱kaꞌan tu ra xiꞌin nda ya sindaꞌa nda na kúꞌvi va. 3Tá täꞌan kuꞌun nda ta ndi̱kaꞌan ka ra xiꞌin nda, káchi ra saa:
―Kuáꞌan ndo, ta nda iin ñaꞌa küꞌun xiꞌin ndo. Küniꞌi ndo itun, ni leka, ni xita, ni xuꞌun, ni tikoto ndo ya ndinama ndo küꞌun xiꞌin ndo. Nda iin ñaꞌa küꞌun xiꞌin ndo. 4Tá ndá ñuu ndi̱xaa ndo káꞌan na xiꞌin ndo kiꞌvi ndo koo ndo veꞌe na, ta vaꞌa kiꞌvi ndo koo ndo veꞌe na, nda kivi ná kee ndo ñuu na. 5Tá ndá ñuu ndi̱xaa ndo köo xíin na ndikiꞌin vaꞌa na ndóꞌo̱, ta köo ndo ñuu na, kama kee ndo, ta ndiyakun ndo yaá xaꞌa ndo, ya ná kundaa ini na ya ku̱ndasi na tuꞌun Ndioxi ―káchi Jesús xiꞌin nda.
6Saa ke̱e nda ndi̱kiꞌin nda kuaꞌan nda ndiꞌi ni kúu ñuu vali, kuaꞌan nda ndítuꞌun nda tuꞌun vaꞌa xaꞌa Jesucristo xiꞌin ndiꞌi naꞌa, ta síndaꞌa nda na kúꞌvi.
Xíka ni ini ra rey Herodes xaꞌa ya xíni soꞌo ra
(Mt. 14:1-12; Mr. 6:14-29)
7Tá ku̱ndaa ini ra rey Herodes xaꞌa ndiꞌi ñaꞌa ya íkan Jesús, ta ni köo xíni ka ra unkua ikan ra, saa chi sava na káꞌan: “Ra Juan, ra ndi̱xiꞌi, ku ra ndi̱taku”, káchi na. 8Ta sava na káꞌan: “Ra Elías ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱tuvi”, káchi na. Saa káꞌan ka sava na: “Iin ra ndi̱kaꞌan ndoso tuꞌun Ndioxi xinaꞌa ku ra ndi̱taku”, káchi na. 9Ta saa ndi̱kaꞌan ra Herodes, káchi ra saa: Ra Juan ta xa̱ꞌnda i chiñu ya xa̱ꞌnda na sukun ra, ta ¿Unku ra yóꞌó kuaꞌa ni ñaꞌa xíni soꞌo i xaꞌa ra? ―káchi ra Herodes.
Ta saa xa̱á kúni ra kuni ra Jesús.
Jesús táxi ra xíxi uꞌun mil taa
(Mt. 14:13-21; Mr. 6:30-44; Jn. 6:1-14)
10Tá ndi̱ko koo uxi uvi saa nda ítaꞌan xiꞌin Jesús, saa ndi̱tuꞌun ndiꞌi nda xiꞌin ra ya i̱kan nda nuu ndi̱xaꞌan nda ndi̱kaꞌan ndoso nda xiꞌin naꞌa xaꞌa ichí Ndioxi. Ta saa ndi̱kuiso ra nda kuaꞌan nda xiꞌin ra iin ñuu náni Betsaida, iin ñaꞌñu nuu köo nda iin naꞌa. 11Sundi tá ku̱ndaa ini naꞌa nuu kuaꞌan Jesús ta ndi̱kundikun na kuaꞌan na sata ra. Ta saa ndi̱kuiso ñaꞌa ra, ndi̱kaꞌan ra xiꞌin na xaꞌa ichí nuu xáꞌnda chiñu Ndioxi, saa si̱ndaꞌa ndiꞌi ra na kúꞌvi na xíniñuꞌu nduvaꞌa.
12Saa xa̱á kuaꞌan kuáa̱ va, ñaa ku̱yati uxi uvi saa nda ítaꞌan xiꞌin ra ta ndi̱kaꞌan nda xiꞌin ra, káchi nda saa:
―Tata Maestro, xa vaꞌa kaꞌan un xiꞌin na yóꞌó ná nuꞌu na ndikundee na, ta saa ná nduku na ñaꞌa kuxi na ndá ka ñuu ya ñúꞌu yati án chí iku, saa chi yóꞌó ta köo mií ñaꞌa kuxi na iku yuyu mií kua ―káchi nda xiꞌin ra.
13Ta saa ndi̱kuiin ra yuꞌu nda, káchi ra saa:
―Vaꞌa taxi mií ndo ñaꞌa ná kuxi na ―káchi ra xiꞌin nda.
Ñaa ndi̱kuiin nda, káchi nda saa:
―Tata, köo mií ñaꞌa taxi nde ndaꞌa na, uꞌun ndaa va ku xita vaꞌa ndíso nde xiꞌin uvi tiaka va, näni vi ya yóꞌó kuxi na, yáꞌa ni kuaꞌa ku na. Tá tu kúni un ta vaꞌa kuꞌun nde sata nde ya kuxi na ndá ñuu niꞌi nde ya ―káchi nda xiꞌin ra.
14Ta kúu nda iin kuꞌva uꞌun mil ndisaa nda taa. Ñaa ndi̱kaꞌan Jesús xiꞌin nda ítaꞌan xiꞌin ra, káchi ra saa:
―Kaꞌan ndo xiꞌin na ná ndikundoo na iin tá uvi xiko uxi, uvi xiko uxi na ná ndikundoo ―káchi ra xiꞌin nda.
15Saa chi̱ndoo ndiꞌi nda na, tá uvi xiko uxi, uvi xiko uxi na ndi̱kundoo. 16Ta saa ki̱ꞌin Jesús uꞌun xita vaꞌa xiꞌin uvi tiaka ikán, ñaa ndi̱koto ra nuu ndivi, xa̱á ra káꞌan ra xiꞌin Ndioxi, táxi ra tixaꞌvi ndaꞌa Ndioxi. Tá si̱ndiꞌi ra ndi̱kaꞌan ra xiꞌin Ndioxi, ta saa ta̱ꞌvi ra ya ta̱xi ra ndaꞌa nda ítaꞌan xiꞌin ra, nda ikán ndi̱taꞌvi ya ta̱xi nda ndaꞌa na xi̱xi na. 17Xi̱xi ndiꞌi na ndakua ndi̱xaa ini na. Ta ndi̱ndoo kuaꞌa ka ya, uxi uvi ka tika chu̱tu xiꞌin ya ndi̱ndoo yuꞌu na.
Káꞌan ra Pedro xaꞌa Jesús ya ti̱ꞌvi Ndioxi ra vaxi ra sikaku ra na ñuu ivi
(Mt. 16:13-19; Mr. 8:27-29)
18Iin kivi íyo síin mií Jesús káꞌan ra xiꞌin Ndioxi, ta saa ndóo nda ítaꞌan xiꞌin ra yati ikán, ñaa ndi̱ndakan tuꞌun ñaꞌa ra, káchi ra saa:
―¿Unku yeꞌe, káchi naꞌa xaꞌa i? ―káchi ra xiꞌin nda.
19Saa ndi̱kuiin nda káꞌan nda:
―Sava na káꞌan ra Juan, ra síkuchi naꞌa, kúu un, káchi na, sava tu na káꞌan ra Elías ku un, káchi na, inka tuku na káꞌan va sana iin ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku, káchi na xaꞌa un ―káchi nda xiꞌin ra.
20Saa ndi̱ndakan tuꞌun ka ñaꞌa ra, káchi ra saa:
―¿Ta ndóꞌo̱, unku yeꞌe káchi ndo? ―káchi ra xiꞌin nda.
Saa ndi̱kuiin ra Pedro káchi ra saa:
―Tata, yóꞌo̱ ku ra ti̱ꞌvi Ndioxi, vaxi sikaku na ñuu ivi yóꞌó ―káchi ra.
Ndítuꞌun Jesús xiꞌin na ya kuvi ra
(Mt. 16:21-28; Mr. 8:31–9:1)
21Ta ndi̱kaꞌan ni Jesús xiꞌin nda ítaꞌan xiꞌin ra ya ná käꞌan nda xiꞌin nda iin naꞌa xaꞌa ya ndi̱kaꞌan ra Pedro. 22Ta saa ndi̱kaꞌan ra xiꞌin nda, káchi ra saa:
―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.
23Ta saa ndi̱kaꞌan ra xiꞌin ndiꞌi na ndóo ikán káchi ra saa:
―Tá ndá ndóꞌo̱ kúni xaa súvi ya káꞌan Ndioxi, ta ïkan ka ndo ndisaa ya kúni mií ndo, saa kuchiñu ndo ikan ndo ya kúni Ndioxi. Ta naꞌa ndo kundikun ndo yeꞌe kundiso ndo cruzin ndo, koo ndúvi ndo ndiꞌi saa kivi ya ndoꞌo ndo xaꞌa i. 24Saa chi ndiꞌi na kúni sikaku mií ta küchiñu na kaku na, na síndañuꞌu mií na va ku na. Sundi na síndiꞌi xaꞌa mií ya vaxi na sata i, ta ndïꞌi xaꞌa na chi vaxi na sata i ya sikaku i na. 25Ta vani kúu mií na ndiꞌi ñaꞌa ya íyo ñuu ivi yóꞌó, sundi tá tu köo xíin na kixi na sata i ya sikaku i na ta küchiñu na kaku na, ta saa síndiꞌi xaꞌa na mií va na án síndañuꞌu na mií na. 26Saa tu naꞌa na kúkaꞌan nuu xíni yeꞌe va, tá tu kúkaꞌan nuu na xíni na yeꞌe, ta saa tu yeꞌe ra kúu Taa xa̱a ñuu ivi yóꞌó va, kukaꞌan nuu i kuni i na. Chi tá ná ndiko koo i ta iin yéyéꞌe̱ koo i kixi i xiꞌin ya yéꞌe̱ Iva i Ndioxi tin ya yéꞌe̱ na tatun ra. 27Ya ndaa ndixa káꞌan i xiꞌin ndo, sava ndóꞌo̱ ndóo yóꞌó vitin ta küvi yachi ndo, chi kuni ndo ndá kuꞌva káa ya yéꞌe̱ Ndioxi nuu xáꞌnda chiñu ra ―káchi Jesús xiꞌin nda.
Jesús ndi̱nama ra ndu̱u ra tá kuꞌva káa ra kivi ndi̱xiyo ra nuu ndivi
(Mt. 17:1-8; Mr. 9:2-8)
28Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi. 29Tá káꞌan ra xiꞌin Ndioxi ta iin ndi̱nama ndiꞌi nuu ra yáꞌa ni yaa ndu̱u toto ra, ndakua iin ndi̱yeꞌe táxan ndiꞌi ra. 30Ñaa ndi̱tuvi uvi nda taa xa̱á nda káꞌan nda xiꞌin ra. Iin ra ku Moisés, inka ra ku Elías, nda yóꞌó ku nda ndi̱xiyo xinaꞌa. 31Ta iin ndi̱yeꞌe ndaa ndiꞌi nuu káꞌan nda xiꞌin ra, ndá kuꞌva ndoꞌo ra kuvi ra ñuu Jerusalén. 32Ta ra Pedro xiꞌin nda taꞌan ra ndixa loꞌo kúni kusun nda ndóo nda, ta köo ndi̱kixi nda, yakan vaꞌa xi̱ni nda yéꞌe̱ ndaa ya yéꞌe̱ Ndioxi nuu ndi̱tuvi ra Moisés xiꞌin ra Elías káꞌan nda xiꞌin Jesús. 33Ñaa nda̱ñuꞌu nda ikán kuaꞌan nda, ta saa ndi̱kaꞌan ra Pedro xiꞌin Jesús, káchi ra saa:
―Tata Maestro, vaꞌa ni ku̱u ndóo nde xiꞌin un. Ta sikuaꞌa nde uni veꞌe vixin vali, iin ya koo yóꞌo̱, ta iin ya koo ra Moisés, inka ya koo ra Elías ―káchi ra Pedro xiꞌin ra.
Ta köo ndi̱kundaa ini ra ndá xaꞌa kua ndi̱kaꞌan ra saa xiꞌin Jesús. 34Káꞌan ka ra ta nu̱u vikó ndi̱kasi yaa ñaꞌa ya. Tá xi̱ni nda ñúꞌu nda tañu vikó ikán, ñaa ndi̱ndiꞌvi ni nda. 35Ta tañu vikó ikán xi̱ni soꞌo nda káꞌan Ndioxi xiꞌin nda káchi ra saa:
―Ra yóꞌó ku Seꞌe mani i, ra kúꞌvi ni ini i xíni i. Kuni soꞌo ndo tuꞌun káꞌan ra xiꞌin ndo ―káchi Ndioxi xiꞌin nda.
36Tá si̱ndiꞌi ndi̱kaꞌan Ndioxi xiꞌin nda saa ndi̱koto nda nuu íin Jesús ta nda iin ka naꞌa köo xiꞌin ra, iindaa mií ra íin xi̱ni nda. Ta köo ndi̱kaꞌan yachi nda xiꞌin nda iin naꞌa xaꞌa ya xi̱ni nda.
Síndaꞌa Jesús iin ra loꞌo kúu mií tachi nduvaꞌa
(Mt. 17:14-21; Mr. 9:14-29)
37Tá ndi̱tuvi inka kivi, saa ndi̱ko koo Jesús vaxi nuu ra nuu xiki ikán xiꞌin ra Pedro tin ra Juan, inka ra Jacobo, ta kuaꞌa ni ku naꞌa, iin taꞌnda chee ku na ndi̱kitaꞌan ndóo ndátun ñaꞌa na. 38Ta saa ndíkaa iin ra taa tañu ndiꞌi na ndóo ikán, ta ndee ni ndi̱kaꞌan ra xiꞌin Jesús, káchi ra saa:
―Tata Maestro, xíkan i ya mani nuu un xaa loꞌo un ya vaꞌa xiꞌin i, sindaꞌa loꞌo un seꞌe i chi iindaa saa ku ra nuu i. 39Tachi nduvaꞌa kua kúu mií ra, ta iin síndaꞌi koꞌo ñaꞌa ya xáꞌni too ya ra, táva ya chiñu yuꞌu ra. Xáa nduvaꞌa ni ya xiꞌin seꞌe i, ta ni köo xíin ya saña ya ra. 40Xa ndi̱xikan i ya mani nuu nda ítaꞌan xiꞌin un tava ñaꞌa nda, ta köo ndi̱kuchiñu nda ―káchi ra.
41Ta saa ndi̱kuiin Jesús káꞌan ra, káchi ra saa:
―¿Ndá ivi ku ndóꞌo̱? Tuun ni nima ndo chi köo ndáa ini ndo Ndioxi. ¡Kündee ka ini i xiꞌin ndo! ―káchi ra.
Ta saa ndi̱kaꞌan ra xiꞌin ra ikán:
―Naꞌa choꞌo xiꞌin seꞌe un ―káchi ra.
42Ñaa ke̱e ra ikán ndi̱xaa yati ra xiꞌin seꞌe ra nuu Jesús, saa iin ki̱ꞌin tuku tachi nduvaꞌa ikán seꞌe ra si̱kana ya nda nuu ñuꞌú, xa̱á kísi niꞌni tuku ñaꞌa ya kúni kuvi ndiuu tuku ra ikan ya. Ta saa xa̱ꞌnda chiñu Jesús nuu ya ya ná saña ñaꞌa ya. Ta sa̱ña ya ra. Ñaa ndikun ndu̱vaꞌa ra, saa ta̱xi Jesús ra ndaꞌa iva ra. 43Ta ndiꞌi na ndóo ikán ndi̱kanda ni ini na xíto na ku̱chiñu Jesús si̱nduvaꞌa ñaꞌa ra xiꞌin ndee Ndioxi.
Ichí uvi káꞌan Jesús ndá kuꞌva ndoꞌo ra kuvi ra
(Mt. 17:22-23; Mr. 9:30-32)
Ta ndóo ndiꞌi na ndi̱kanda ini na xíto na nuu Jesús ndóo na, saa ndi̱kaꞌan ra xiꞌin nda ítaꞌan xiꞌin ra, káchi ra saa:
44―Kuni soꞌo vaꞌa ndo ya kaꞌan i xiꞌin ndo, chikaa ni ndo ya nima ndo ta ndïndoso ini ndo ya, chi yeꞌe ra kúu Taa ra xa̱a ñuu ivi yóꞌó, ta nditaxi na yeꞌe ndaꞌa na ivi yóꞌó ya xaa nduvaꞌa ni na xiꞌin i ―káchi ra xiꞌin nda.
45Ta ni köo ndi̱kundaa ini nda xiꞌin tuꞌun ikán, chi xi̱ndasi va ya xínituni nda yakan köo ndíkundaa ini nda xiꞌin ya. Ta ni köo ndi̱xaꞌa ndee ini nda ndakan tuꞌun ñaꞌa nda unkua kúni kachi ya ndi̱kaꞌan ra xiꞌin nda.
¿Unku nda chee vaꞌa ka nuu ndiꞌi nda?
(Mt. 18:1-5; Mr. 9:33-37)
46Iin kivi xa̱á nda ítaꞌan xiꞌin Jesús kánitaꞌan nda unku nda nduchee vaꞌa ka nuu ndiꞌi nda. 47Ta saa ku̱ndaa ini Jesús xaꞌa ya íyo nima nda, ñaa ti̱in ra iin ya taa loꞌo ta ki̱ꞌin ra ya ka̱ndichi ra iin ñaꞌñu xiin ra. 48Ta saa ndi̱kaꞌan ra xiꞌin nda, káchi ra saa:
―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.
Na köo kánitaꞌan xiꞌin yo na ñaa ku na kuaꞌan ndee yo
(Mr. 9:38-40)
49Saa ndi̱kaꞌan ra Juan xiꞌin Jesús, káchi ra saa:
―Tata Maestro, xi̱ni nde iin ra táva ra tachi nduvaꞌa, ta kivi un ku ya xíniñuꞌu ra káꞌan ra xiꞌin tachi nduvaꞌa ikán. Ta ndeꞌe ndi̱kaꞌan nde xiꞌin ra ya ná ïkan ka ra saa, chi süvi xiꞌin nde ítaꞌan ra ―káchi ra xiꞌin Jesús.
50Ta saa ndi̱kaꞌan Jesús xiꞌin ra, káchi ra saa:
―Ndïkasi ndo nuu ra, saa chi ndiꞌi naꞌa, na köo kánitaꞌan xiꞌin yo, na ñaa ku na kuaꞌan ndee yo ―káchi ra xiꞌin ra.
Ndáꞌi Jesús xiꞌin ra Jacobo tin ra Juan
51Ta xa kuaꞌan kúyati kivi ndiko koo Jesús kuꞌun ra nuu ndivi, ñaa chi̱kaa ini ra kuꞌun ra ñuu Jerusalén. 52Saa ti̱ꞌvi ra sava na kuaꞌan na estado Samaria nduku na nuu kusun ra. 53Ta köo ndi̱xiin na ñuu ikán taxi na nuu kusun ra, saa chi ki̱ꞌin na kuenta xiꞌin ra ya kuꞌun ra ñuu Jerusalén. Ta xaꞌa ya ikán kua köo ndi̱xiin na taxi na nuu kusun ra. 54Ñaa xi̱ni ra Jacobo xiꞌin ra Juan, nda ítaꞌan xiꞌin ra, xi̱ni nda ya köo ndi̱xiin na taxi na nuu kusun ra, ta saa ndi̱kaꞌan nda xiꞌin ra:
―Tata, ¿án köo kúni un ná kaꞌan yo xiꞌin Ndioxi tiꞌvi ra ñu̱ꞌu̱ nuu ndivi kaꞌmi ñaꞌa ya tá kuꞌva i̱kan ra Elías? ―káchi nda xiꞌin ra.
55Ta saa ndi̱ko koo Jesús ndi̱ndaꞌi ra xiꞌin nda, káchi ra saa:
―Ndïkani ini ndo ya ñaa chi süvi ya vaꞌa ku ya ndíkani ini ndo. 56Sïndiꞌi xaꞌa ndo naꞌa, chi yeꞌe ku Taa ra ti̱ꞌvi Ndioxi xa̱a ñuu ivi yóꞌó ta köo ndi̱tiꞌvi Ndioxi yeꞌe vaxi i kaꞌni i naꞌa, na sikaku va i ku na ti̱ꞌvi ra yeꞌe vaxi i ―káchi ra xiꞌin nda.
Ta saa ke̱e nda kuaꞌan nda inka ñuu.
Naꞌa na ku̱ni kundikun sata Jesús
(Mt. 8:18-22)
57Tá kuaꞌan Jesús xiꞌin nda ítaꞌan xiꞌin ra, ta saa ndi̱kitaꞌan iin taa xiꞌin nda, káchi ra saa:
―Tata, nda mií nuu kuaꞌan un, ta kuꞌun i xiꞌin un ―káchi ra xiꞌin ra.
58Saa ndi̱kuiin Jesús ndi̱kaꞌan ra xiꞌin ra, káchi ra saa:
―Ti ikuii ta íyo va chiꞌyo ri kava nuu kíxi ri, saa tu sàà va, íyo chiꞌyo ri ndaꞌa itun nuu kíxi ri. Sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.
59Ta saa ndi̱kaꞌan ra xiꞌin inka ra, káchi ra saa:
―Naꞌa kundikun un sata i ―káchi ra xiꞌin ra.
Saa ndi̱kuiin ra ikán, káchi ra saa:
―Kundatun naꞌa un yeꞌe, Tata, ná sinduxin i tata i saa kixi i kaka i xiꞌin un ―káchi ra.
60Ñaa ndi̱kuiin Jesús káꞌan ra:
―Kündiꞌi ini un sinduxin un na ndíi, ná kundiꞌi ini mií na xaꞌa taꞌan na. Sundi yóꞌo̱, ta kuaꞌan kaꞌan un xiꞌin inka naꞌa xaꞌa ichí nuu xáꞌnda chiñu Ndioxi ―káchi Jesús xiꞌin ra.
61Saa ndi̱kaꞌan tuku inka ra, káchi ra saa:
―Tata, kúni i kundikun i yóꞌo̱, sundi kundatun naꞌa loꞌo un ná kuꞌun i ndai na veꞌe i saa kixi i kuꞌun i xiꞌin un ―káchi ra.
62Ta saa ndi̱kuiin Jesús, káchi ra saa:
―Ndiꞌi na chínuu ndaꞌa xaꞌa itun yata tá táꞌvi na, tá ndíko koo na ndíkoto sata na, ta küvi kiꞌvi na nuu xáꞌnda chiñu Ndioxi ―káchi Jesús xiꞌin na.
Currently Selected:
San Lucas 9: xta
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.
San Lucas 9
9
Táxi Jesús ndee ndaꞌa nda ítaꞌan xiꞌin ra
(Mt. 10:5-15; Mr. 6:7-13)
1Saa ku̱u iin ichí si̱kitaꞌan ndiꞌi Jesús nda ítaꞌan xiꞌin ra, ta saa ta̱xi ra ichí ndaꞌa iin iin nda ya tava nda ndiꞌi nuu tachi nduvaꞌa ya kúu mií naꞌa, saa ta̱xi ra ndee ndaꞌa nda ya sindaꞌa nda na kúꞌvi tin na ndóꞌo ndá ka nuu kueꞌe. 2Ñaa ti̱ꞌvi ra nda kuaꞌan nda, kaꞌan ndoso nda tuꞌun Ndioxi ta saa kuchiñu ra kaꞌnda chiñu ra nuu na. Ta ndi̱kaꞌan tu ra xiꞌin nda ya sindaꞌa nda na kúꞌvi va. 3Tá täꞌan kuꞌun nda ta ndi̱kaꞌan ka ra xiꞌin nda, káchi ra saa:
―Kuáꞌan ndo, ta nda iin ñaꞌa küꞌun xiꞌin ndo. Küniꞌi ndo itun, ni leka, ni xita, ni xuꞌun, ni tikoto ndo ya ndinama ndo küꞌun xiꞌin ndo. Nda iin ñaꞌa küꞌun xiꞌin ndo. 4Tá ndá ñuu ndi̱xaa ndo káꞌan na xiꞌin ndo kiꞌvi ndo koo ndo veꞌe na, ta vaꞌa kiꞌvi ndo koo ndo veꞌe na, nda kivi ná kee ndo ñuu na. 5Tá ndá ñuu ndi̱xaa ndo köo xíin na ndikiꞌin vaꞌa na ndóꞌo̱, ta köo ndo ñuu na, kama kee ndo, ta ndiyakun ndo yaá xaꞌa ndo, ya ná kundaa ini na ya ku̱ndasi na tuꞌun Ndioxi ―káchi Jesús xiꞌin nda.
6Saa ke̱e nda ndi̱kiꞌin nda kuaꞌan nda ndiꞌi ni kúu ñuu vali, kuaꞌan nda ndítuꞌun nda tuꞌun vaꞌa xaꞌa Jesucristo xiꞌin ndiꞌi naꞌa, ta síndaꞌa nda na kúꞌvi.
Xíka ni ini ra rey Herodes xaꞌa ya xíni soꞌo ra
(Mt. 14:1-12; Mr. 6:14-29)
7Tá ku̱ndaa ini ra rey Herodes xaꞌa ndiꞌi ñaꞌa ya íkan Jesús, ta ni köo xíni ka ra unkua ikan ra, saa chi sava na káꞌan: “Ra Juan, ra ndi̱xiꞌi, ku ra ndi̱taku”, káchi na. 8Ta sava na káꞌan: “Ra Elías ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱tuvi”, káchi na. Saa káꞌan ka sava na: “Iin ra ndi̱kaꞌan ndoso tuꞌun Ndioxi xinaꞌa ku ra ndi̱taku”, káchi na. 9Ta saa ndi̱kaꞌan ra Herodes, káchi ra saa: Ra Juan ta xa̱ꞌnda i chiñu ya xa̱ꞌnda na sukun ra, ta ¿Unku ra yóꞌó kuaꞌa ni ñaꞌa xíni soꞌo i xaꞌa ra? ―káchi ra Herodes.
Ta saa xa̱á kúni ra kuni ra Jesús.
Jesús táxi ra xíxi uꞌun mil taa
(Mt. 14:13-21; Mr. 6:30-44; Jn. 6:1-14)
10Tá ndi̱ko koo uxi uvi saa nda ítaꞌan xiꞌin Jesús, saa ndi̱tuꞌun ndiꞌi nda xiꞌin ra ya i̱kan nda nuu ndi̱xaꞌan nda ndi̱kaꞌan ndoso nda xiꞌin naꞌa xaꞌa ichí Ndioxi. Ta saa ndi̱kuiso ra nda kuaꞌan nda xiꞌin ra iin ñuu náni Betsaida, iin ñaꞌñu nuu köo nda iin naꞌa. 11Sundi tá ku̱ndaa ini naꞌa nuu kuaꞌan Jesús ta ndi̱kundikun na kuaꞌan na sata ra. Ta saa ndi̱kuiso ñaꞌa ra, ndi̱kaꞌan ra xiꞌin na xaꞌa ichí nuu xáꞌnda chiñu Ndioxi, saa si̱ndaꞌa ndiꞌi ra na kúꞌvi na xíniñuꞌu nduvaꞌa.
12Saa xa̱á kuaꞌan kuáa̱ va, ñaa ku̱yati uxi uvi saa nda ítaꞌan xiꞌin ra ta ndi̱kaꞌan nda xiꞌin ra, káchi nda saa:
―Tata Maestro, xa vaꞌa kaꞌan un xiꞌin na yóꞌó ná nuꞌu na ndikundee na, ta saa ná nduku na ñaꞌa kuxi na ndá ka ñuu ya ñúꞌu yati án chí iku, saa chi yóꞌó ta köo mií ñaꞌa kuxi na iku yuyu mií kua ―káchi nda xiꞌin ra.
13Ta saa ndi̱kuiin ra yuꞌu nda, káchi ra saa:
―Vaꞌa taxi mií ndo ñaꞌa ná kuxi na ―káchi ra xiꞌin nda.
Ñaa ndi̱kuiin nda, káchi nda saa:
―Tata, köo mií ñaꞌa taxi nde ndaꞌa na, uꞌun ndaa va ku xita vaꞌa ndíso nde xiꞌin uvi tiaka va, näni vi ya yóꞌó kuxi na, yáꞌa ni kuaꞌa ku na. Tá tu kúni un ta vaꞌa kuꞌun nde sata nde ya kuxi na ndá ñuu niꞌi nde ya ―káchi nda xiꞌin ra.
14Ta kúu nda iin kuꞌva uꞌun mil ndisaa nda taa. Ñaa ndi̱kaꞌan Jesús xiꞌin nda ítaꞌan xiꞌin ra, káchi ra saa:
―Kaꞌan ndo xiꞌin na ná ndikundoo na iin tá uvi xiko uxi, uvi xiko uxi na ná ndikundoo ―káchi ra xiꞌin nda.
15Saa chi̱ndoo ndiꞌi nda na, tá uvi xiko uxi, uvi xiko uxi na ndi̱kundoo. 16Ta saa ki̱ꞌin Jesús uꞌun xita vaꞌa xiꞌin uvi tiaka ikán, ñaa ndi̱koto ra nuu ndivi, xa̱á ra káꞌan ra xiꞌin Ndioxi, táxi ra tixaꞌvi ndaꞌa Ndioxi. Tá si̱ndiꞌi ra ndi̱kaꞌan ra xiꞌin Ndioxi, ta saa ta̱ꞌvi ra ya ta̱xi ra ndaꞌa nda ítaꞌan xiꞌin ra, nda ikán ndi̱taꞌvi ya ta̱xi nda ndaꞌa na xi̱xi na. 17Xi̱xi ndiꞌi na ndakua ndi̱xaa ini na. Ta ndi̱ndoo kuaꞌa ka ya, uxi uvi ka tika chu̱tu xiꞌin ya ndi̱ndoo yuꞌu na.
Káꞌan ra Pedro xaꞌa Jesús ya ti̱ꞌvi Ndioxi ra vaxi ra sikaku ra na ñuu ivi
(Mt. 16:13-19; Mr. 8:27-29)
18Iin kivi íyo síin mií Jesús káꞌan ra xiꞌin Ndioxi, ta saa ndóo nda ítaꞌan xiꞌin ra yati ikán, ñaa ndi̱ndakan tuꞌun ñaꞌa ra, káchi ra saa:
―¿Unku yeꞌe, káchi naꞌa xaꞌa i? ―káchi ra xiꞌin nda.
19Saa ndi̱kuiin nda káꞌan nda:
―Sava na káꞌan ra Juan, ra síkuchi naꞌa, kúu un, káchi na, sava tu na káꞌan ra Elías ku un, káchi na, inka tuku na káꞌan va sana iin ra ndi̱kaꞌan ndoso tuꞌun yuꞌu Ndioxi xinaꞌa ku ra ndi̱taku, káchi na xaꞌa un ―káchi nda xiꞌin ra.
20Saa ndi̱ndakan tuꞌun ka ñaꞌa ra, káchi ra saa:
―¿Ta ndóꞌo̱, unku yeꞌe káchi ndo? ―káchi ra xiꞌin nda.
Saa ndi̱kuiin ra Pedro káchi ra saa:
―Tata, yóꞌo̱ ku ra ti̱ꞌvi Ndioxi, vaxi sikaku na ñuu ivi yóꞌó ―káchi ra.
Ndítuꞌun Jesús xiꞌin na ya kuvi ra
(Mt. 16:21-28; Mr. 8:31–9:1)
21Ta ndi̱kaꞌan ni Jesús xiꞌin nda ítaꞌan xiꞌin ra ya ná käꞌan nda xiꞌin nda iin naꞌa xaꞌa ya ndi̱kaꞌan ra Pedro. 22Ta saa ndi̱kaꞌan ra xiꞌin nda, káchi ra saa:
―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.
23Ta saa ndi̱kaꞌan ra xiꞌin ndiꞌi na ndóo ikán káchi ra saa:
―Tá ndá ndóꞌo̱ kúni xaa súvi ya káꞌan Ndioxi, ta ïkan ka ndo ndisaa ya kúni mií ndo, saa kuchiñu ndo ikan ndo ya kúni Ndioxi. Ta naꞌa ndo kundikun ndo yeꞌe kundiso ndo cruzin ndo, koo ndúvi ndo ndiꞌi saa kivi ya ndoꞌo ndo xaꞌa i. 24Saa chi ndiꞌi na kúni sikaku mií ta küchiñu na kaku na, na síndañuꞌu mií na va ku na. Sundi na síndiꞌi xaꞌa mií ya vaxi na sata i, ta ndïꞌi xaꞌa na chi vaxi na sata i ya sikaku i na. 25Ta vani kúu mií na ndiꞌi ñaꞌa ya íyo ñuu ivi yóꞌó, sundi tá tu köo xíin na kixi na sata i ya sikaku i na ta küchiñu na kaku na, ta saa síndiꞌi xaꞌa na mií va na án síndañuꞌu na mií na. 26Saa tu naꞌa na kúkaꞌan nuu xíni yeꞌe va, tá tu kúkaꞌan nuu na xíni na yeꞌe, ta saa tu yeꞌe ra kúu Taa xa̱a ñuu ivi yóꞌó va, kukaꞌan nuu i kuni i na. Chi tá ná ndiko koo i ta iin yéyéꞌe̱ koo i kixi i xiꞌin ya yéꞌe̱ Iva i Ndioxi tin ya yéꞌe̱ na tatun ra. 27Ya ndaa ndixa káꞌan i xiꞌin ndo, sava ndóꞌo̱ ndóo yóꞌó vitin ta küvi yachi ndo, chi kuni ndo ndá kuꞌva káa ya yéꞌe̱ Ndioxi nuu xáꞌnda chiñu ra ―káchi Jesús xiꞌin nda.
Jesús ndi̱nama ra ndu̱u ra tá kuꞌva káa ra kivi ndi̱xiyo ra nuu ndivi
(Mt. 17:1-8; Mr. 9:2-8)
28Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi. 29Tá káꞌan ra xiꞌin Ndioxi ta iin ndi̱nama ndiꞌi nuu ra yáꞌa ni yaa ndu̱u toto ra, ndakua iin ndi̱yeꞌe táxan ndiꞌi ra. 30Ñaa ndi̱tuvi uvi nda taa xa̱á nda káꞌan nda xiꞌin ra. Iin ra ku Moisés, inka ra ku Elías, nda yóꞌó ku nda ndi̱xiyo xinaꞌa. 31Ta iin ndi̱yeꞌe ndaa ndiꞌi nuu káꞌan nda xiꞌin ra, ndá kuꞌva ndoꞌo ra kuvi ra ñuu Jerusalén. 32Ta ra Pedro xiꞌin nda taꞌan ra ndixa loꞌo kúni kusun nda ndóo nda, ta köo ndi̱kixi nda, yakan vaꞌa xi̱ni nda yéꞌe̱ ndaa ya yéꞌe̱ Ndioxi nuu ndi̱tuvi ra Moisés xiꞌin ra Elías káꞌan nda xiꞌin Jesús. 33Ñaa nda̱ñuꞌu nda ikán kuaꞌan nda, ta saa ndi̱kaꞌan ra Pedro xiꞌin Jesús, káchi ra saa:
―Tata Maestro, vaꞌa ni ku̱u ndóo nde xiꞌin un. Ta sikuaꞌa nde uni veꞌe vixin vali, iin ya koo yóꞌo̱, ta iin ya koo ra Moisés, inka ya koo ra Elías ―káchi ra Pedro xiꞌin ra.
Ta köo ndi̱kundaa ini ra ndá xaꞌa kua ndi̱kaꞌan ra saa xiꞌin Jesús. 34Káꞌan ka ra ta nu̱u vikó ndi̱kasi yaa ñaꞌa ya. Tá xi̱ni nda ñúꞌu nda tañu vikó ikán, ñaa ndi̱ndiꞌvi ni nda. 35Ta tañu vikó ikán xi̱ni soꞌo nda káꞌan Ndioxi xiꞌin nda káchi ra saa:
―Ra yóꞌó ku Seꞌe mani i, ra kúꞌvi ni ini i xíni i. Kuni soꞌo ndo tuꞌun káꞌan ra xiꞌin ndo ―káchi Ndioxi xiꞌin nda.
36Tá si̱ndiꞌi ndi̱kaꞌan Ndioxi xiꞌin nda saa ndi̱koto nda nuu íin Jesús ta nda iin ka naꞌa köo xiꞌin ra, iindaa mií ra íin xi̱ni nda. Ta köo ndi̱kaꞌan yachi nda xiꞌin nda iin naꞌa xaꞌa ya xi̱ni nda.
Síndaꞌa Jesús iin ra loꞌo kúu mií tachi nduvaꞌa
(Mt. 17:14-21; Mr. 9:14-29)
37Tá ndi̱tuvi inka kivi, saa ndi̱ko koo Jesús vaxi nuu ra nuu xiki ikán xiꞌin ra Pedro tin ra Juan, inka ra Jacobo, ta kuaꞌa ni ku naꞌa, iin taꞌnda chee ku na ndi̱kitaꞌan ndóo ndátun ñaꞌa na. 38Ta saa ndíkaa iin ra taa tañu ndiꞌi na ndóo ikán, ta ndee ni ndi̱kaꞌan ra xiꞌin Jesús, káchi ra saa:
―Tata Maestro, xíkan i ya mani nuu un xaa loꞌo un ya vaꞌa xiꞌin i, sindaꞌa loꞌo un seꞌe i chi iindaa saa ku ra nuu i. 39Tachi nduvaꞌa kua kúu mií ra, ta iin síndaꞌi koꞌo ñaꞌa ya xáꞌni too ya ra, táva ya chiñu yuꞌu ra. Xáa nduvaꞌa ni ya xiꞌin seꞌe i, ta ni köo xíin ya saña ya ra. 40Xa ndi̱xikan i ya mani nuu nda ítaꞌan xiꞌin un tava ñaꞌa nda, ta köo ndi̱kuchiñu nda ―káchi ra.
41Ta saa ndi̱kuiin Jesús káꞌan ra, káchi ra saa:
―¿Ndá ivi ku ndóꞌo̱? Tuun ni nima ndo chi köo ndáa ini ndo Ndioxi. ¡Kündee ka ini i xiꞌin ndo! ―káchi ra.
Ta saa ndi̱kaꞌan ra xiꞌin ra ikán:
―Naꞌa choꞌo xiꞌin seꞌe un ―káchi ra.
42Ñaa ke̱e ra ikán ndi̱xaa yati ra xiꞌin seꞌe ra nuu Jesús, saa iin ki̱ꞌin tuku tachi nduvaꞌa ikán seꞌe ra si̱kana ya nda nuu ñuꞌú, xa̱á kísi niꞌni tuku ñaꞌa ya kúni kuvi ndiuu tuku ra ikan ya. Ta saa xa̱ꞌnda chiñu Jesús nuu ya ya ná saña ñaꞌa ya. Ta sa̱ña ya ra. Ñaa ndikun ndu̱vaꞌa ra, saa ta̱xi Jesús ra ndaꞌa iva ra. 43Ta ndiꞌi na ndóo ikán ndi̱kanda ni ini na xíto na ku̱chiñu Jesús si̱nduvaꞌa ñaꞌa ra xiꞌin ndee Ndioxi.
Ichí uvi káꞌan Jesús ndá kuꞌva ndoꞌo ra kuvi ra
(Mt. 17:22-23; Mr. 9:30-32)
Ta ndóo ndiꞌi na ndi̱kanda ini na xíto na nuu Jesús ndóo na, saa ndi̱kaꞌan ra xiꞌin nda ítaꞌan xiꞌin ra, káchi ra saa:
44―Kuni soꞌo vaꞌa ndo ya kaꞌan i xiꞌin ndo, chikaa ni ndo ya nima ndo ta ndïndoso ini ndo ya, chi yeꞌe ra kúu Taa ra xa̱a ñuu ivi yóꞌó, ta nditaxi na yeꞌe ndaꞌa na ivi yóꞌó ya xaa nduvaꞌa ni na xiꞌin i ―káchi ra xiꞌin nda.
45Ta ni köo ndi̱kundaa ini nda xiꞌin tuꞌun ikán, chi xi̱ndasi va ya xínituni nda yakan köo ndíkundaa ini nda xiꞌin ya. Ta ni köo ndi̱xaꞌa ndee ini nda ndakan tuꞌun ñaꞌa nda unkua kúni kachi ya ndi̱kaꞌan ra xiꞌin nda.
¿Unku nda chee vaꞌa ka nuu ndiꞌi nda?
(Mt. 18:1-5; Mr. 9:33-37)
46Iin kivi xa̱á nda ítaꞌan xiꞌin Jesús kánitaꞌan nda unku nda nduchee vaꞌa ka nuu ndiꞌi nda. 47Ta saa ku̱ndaa ini Jesús xaꞌa ya íyo nima nda, ñaa ti̱in ra iin ya taa loꞌo ta ki̱ꞌin ra ya ka̱ndichi ra iin ñaꞌñu xiin ra. 48Ta saa ndi̱kaꞌan ra xiꞌin nda, káchi ra saa:
―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.
Na köo kánitaꞌan xiꞌin yo na ñaa ku na kuaꞌan ndee yo
(Mr. 9:38-40)
49Saa ndi̱kaꞌan ra Juan xiꞌin Jesús, káchi ra saa:
―Tata Maestro, xi̱ni nde iin ra táva ra tachi nduvaꞌa, ta kivi un ku ya xíniñuꞌu ra káꞌan ra xiꞌin tachi nduvaꞌa ikán. Ta ndeꞌe ndi̱kaꞌan nde xiꞌin ra ya ná ïkan ka ra saa, chi süvi xiꞌin nde ítaꞌan ra ―káchi ra xiꞌin Jesús.
50Ta saa ndi̱kaꞌan Jesús xiꞌin ra, káchi ra saa:
―Ndïkasi ndo nuu ra, saa chi ndiꞌi naꞌa, na köo kánitaꞌan xiꞌin yo, na ñaa ku na kuaꞌan ndee yo ―káchi ra xiꞌin ra.
Ndáꞌi Jesús xiꞌin ra Jacobo tin ra Juan
51Ta xa kuaꞌan kúyati kivi ndiko koo Jesús kuꞌun ra nuu ndivi, ñaa chi̱kaa ini ra kuꞌun ra ñuu Jerusalén. 52Saa ti̱ꞌvi ra sava na kuaꞌan na estado Samaria nduku na nuu kusun ra. 53Ta köo ndi̱xiin na ñuu ikán taxi na nuu kusun ra, saa chi ki̱ꞌin na kuenta xiꞌin ra ya kuꞌun ra ñuu Jerusalén. Ta xaꞌa ya ikán kua köo ndi̱xiin na taxi na nuu kusun ra. 54Ñaa xi̱ni ra Jacobo xiꞌin ra Juan, nda ítaꞌan xiꞌin ra, xi̱ni nda ya köo ndi̱xiin na taxi na nuu kusun ra, ta saa ndi̱kaꞌan nda xiꞌin ra:
―Tata, ¿án köo kúni un ná kaꞌan yo xiꞌin Ndioxi tiꞌvi ra ñu̱ꞌu̱ nuu ndivi kaꞌmi ñaꞌa ya tá kuꞌva i̱kan ra Elías? ―káchi nda xiꞌin ra.
55Ta saa ndi̱ko koo Jesús ndi̱ndaꞌi ra xiꞌin nda, káchi ra saa:
―Ndïkani ini ndo ya ñaa chi süvi ya vaꞌa ku ya ndíkani ini ndo. 56Sïndiꞌi xaꞌa ndo naꞌa, chi yeꞌe ku Taa ra ti̱ꞌvi Ndioxi xa̱a ñuu ivi yóꞌó ta köo ndi̱tiꞌvi Ndioxi yeꞌe vaxi i kaꞌni i naꞌa, na sikaku va i ku na ti̱ꞌvi ra yeꞌe vaxi i ―káchi ra xiꞌin nda.
Ta saa ke̱e nda kuaꞌan nda inka ñuu.
Naꞌa na ku̱ni kundikun sata Jesús
(Mt. 8:18-22)
57Tá kuaꞌan Jesús xiꞌin nda ítaꞌan xiꞌin ra, ta saa ndi̱kitaꞌan iin taa xiꞌin nda, káchi ra saa:
―Tata, nda mií nuu kuaꞌan un, ta kuꞌun i xiꞌin un ―káchi ra xiꞌin ra.
58Saa ndi̱kuiin Jesús ndi̱kaꞌan ra xiꞌin ra, káchi ra saa:
―Ti ikuii ta íyo va chiꞌyo ri kava nuu kíxi ri, saa tu sàà va, íyo chiꞌyo ri ndaꞌa itun nuu kíxi ri. Sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.
59Ta saa ndi̱kaꞌan ra xiꞌin inka ra, káchi ra saa:
―Naꞌa kundikun un sata i ―káchi ra xiꞌin ra.
Saa ndi̱kuiin ra ikán, káchi ra saa:
―Kundatun naꞌa un yeꞌe, Tata, ná sinduxin i tata i saa kixi i kaka i xiꞌin un ―káchi ra.
60Ñaa ndi̱kuiin Jesús káꞌan ra:
―Kündiꞌi ini un sinduxin un na ndíi, ná kundiꞌi ini mií na xaꞌa taꞌan na. Sundi yóꞌo̱, ta kuaꞌan kaꞌan un xiꞌin inka naꞌa xaꞌa ichí nuu xáꞌnda chiñu Ndioxi ―káchi Jesús xiꞌin ra.
61Saa ndi̱kaꞌan tuku inka ra, káchi ra saa:
―Tata, kúni i kundikun i yóꞌo̱, sundi kundatun naꞌa loꞌo un ná kuꞌun i ndai na veꞌe i saa kixi i kuꞌun i xiꞌin un ―káchi ra.
62Ta saa ndi̱kuiin Jesús, káchi ra saa:
―Ndiꞌi na chínuu ndaꞌa xaꞌa itun yata tá táꞌvi na, tá ndíko koo na ndíkoto sata na, ta küvi kiꞌvi na nuu xáꞌnda chiñu Ndioxi ―káchi Jesús xiꞌin na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.