लुका 11
11
येसुइ स्यान्सास्यावो प्राथना
(मति ६:९-१३; ७:७-११)
1यात दिन येसु यातज्यो थाउहाङ प्राथना जाह्ङ्धय मुसास्यावो खेतो। जब येसुइ प्राथना जाह्ङ्ति द्युम्सास्यावा, येसुको चेलालम मध्येको यातचाकइ येसुकाय तोआथय, “प्रभु, युहन्नाइ लयको चेलालमकाय प्राथना जाह्ङ्सा स्यानोलेखा निकायमा स्यान्सास्याउपाना।”
2येसुइ ओउमयकाय तोसास्यावा, “जब निङइ प्राथना जाह्ङ्तेनानि, निङइ एतदाह्य्ति प्राथना जाह्ङ्नु—
‘अ परमेस्वर आपा,
नाङको पबित्र मय्ङ लुङ्सितो स्याउपाना,
र नाङइ जुदा मान्तालमकाय राजा स्याउति राज्य जाह्ङ्सास्याउपाना।
3 निकाय चाहओ दिनमको जेःगा-तुङ्गा निकाय दिनमले बइसास्याउपाना।
4 निको पापलम छेमा जाह्ङ्ति बइसास्याउपाना,
धइतिदाह्य्सा निको बिरोतहाङ अपराध जाह्ङो जुदाकाय निइमा छेमा जाह्ङ्नाङ्सु।
अनि निकाय पाप जाह्ङ्ताको परिछ्यालमसय दल्ताक्सास्याउपाना।’”
5ओहाङसयको येसुइ लयको चेलालमकाय तोसास्यावा, “जुगुलाङ, निङमध्ये यातचाकइ ल्हाक-याह्दिङहाङ यातचाक होयाको किमहाङ आल्ति तोनउ, ‘अ होया, ङाकाय सुमखोक लाङ पय्चो बइचिमा। 6ङाको किमहाङ यातचाक होया आन लोक्तोसय वाङो मुना। तर ओउकाय बइसा ङाकुसि जेःगा-तुङ्गा दोहमा नाःल!’ 7ओउ होयाइ कुनासयले तोआथय, ‘द्याह ङाकाय दुख बइजेलाम! खादोक राक्ति खायो मुना, अनि ङाको बालाखलम र ङा लयमा न्हापहाङ एःनालाङ्सु। देङे ङा च्योक्ति नाङकाय दोहमा बइसा खाइनेङल।’” 8उच्युक दाह्याकबति येसुइ ओउमयकाय तोसास्यावा, “ङाइ निङकाय तोनेनाङ्स, ओउइ होया त म्हर्ति बइमायाकायमा तेओको तेओ जाह्ङ्नउ त खेया, ओउ च्योक्ना र तेओच्युक ओउकाय बइनाथय।
9 ओउतझ्यान्ते ङाइ निङकाय तोनेनाङ्स, लयकाय चाहओ थोक तेतेनय त खेया परमेस्वरइ निङकाय बइसास्याउलेना, र लयकाय चाहओ थोक बोःङ्तेनानि त खेया परमेस्वरकहाङ निङइ ङाइसा खाइतेनानि, अनि दह्य्लोहाङ ध्याक-ध्याक त हाइतेनानि त खेया परमेस्वरइ निङको लागि फोल्ति बइसास्याउलेना। 10धइतिदाह्य्सा परमेस्वरकाय तेओ जुदा मान्तालम दोःलेनय, र परमेस्वरकहाङ बोःङो मान्तालमइ ङाइलेनानि, अनि दह्य्लोहाङ ध्याक-ध्याक त हायो मान्तालमको लागि दह्य्लो फोल्लेना। 11निङमध्ये सुखे आपा खेचा लयको चोःइ लाङ तेधार्ना ओउकाय बाङ बइचउ,#११:११ लयको चोःइ लाङ तेधार्ना ओउकाय बाङ बइचउ इ कुराखे जुदा सङ्सकरनलमहाङ लेखओ नाःल। अथबा ङाः तेधार्ना ओउकाय रु बइचउ? 12अथबा उम तेधार्ना चोःकाय नेःकोस बइचउ? पक्कामा बयुलु! 13निङ दुस्त स्याउतिमा लयको चोः चोःद्याङकाय पेओ थोकलम बइतेनानि त खेया, लाङकाहाङ मुसास्यावो निङको परमेस्वर आपाइ ओउकुस तेओलमकाय दोङ्सिले पबित्र ग्वालाम बइसास्याउलेना।”
येसु र बालजिबुल
(मति १२:२२-३०; मर्कुस ३:२०-२७)
14यातचाक मान्ता लानइ ङाइति नोःसा खाइमातो लाता स्यावो खेतो। अनि येसुइ ओउकहाङ मुओ लानकाय रुःन्ति ल्होक्सास्यावा र ओउ मान्ता नोःसा फाःङाकान। एत च्यउति मान्तालम ग्याह्ङाकाय। 15तर ओउमय मध्येको गच्युक मान्तालमखे एत दाह्याकाय, “ओउइपाय लानलमको मालिक बालजिबुलको जिःङइले लानलमकाय रुन्ति ल्होक्नउ।”
16गच्युक मान्तालमइखे येसुकाय आङ्काउसा बोःङ्ति तोआकानि, “यदि नाङकाय लाङकासयले ल्होको त खेया, निको लागि यातज्यो ग्याह्ङ्सिओ चिनो छ्यान्ताङि।” 17ओउमयको बिचार चिःति येसुइ ओउमयकाय एतदाह्य्ति तोसास्यावा, “गाउखे देसहाङ मिलाप स्याउल, ओउ लयले म्हेत्ना। गाउखे किमको माचरलम लयमय कायकायनय, ओउमयमा म्हेत्लेनय। 18ओउतले यदि सय्तानइ लयको बिरोत लयले जाह्ङ्नउ त खेया, ओउको राज्य गतहाइति तिकसा खाइचउ र? निङइ ङाकाय बालजिबुलको जिःङइ लान रुनाकान त दाह्य्तेनय। 19यदि ङाइ बालजिबुलको जिःङ दुवारा लानलम रुन्नाङ त खेया, निङको चेलालमइखे दोहको जिङसय लानलम रुन्नानि त? ओउतझ्यान्ते निङको चेलालमइ जाह्ङो कामलम दुवाराले निङ दोसि स्यावो प्रमानित स्याउलेना। 20तर यदि ङाइ परमेस्वरको जिःङइ लानलम रुःन्नाङ त खेया, परमेस्वरको राज्य निङको माझहाङ वाङ्तिभ्याओ मुना।”
21अनि येसुइ इ ल्हाकरायमा तोसास्यावा, “यदि हतियार लातो बल्यो मान्ताइ किम ल्युह्ङ्ति योति मुना त खेया, किमहाङ मुओ जुदा मालताललम दल्तो स्याउलेना। 22तर ओउसय बल्यो मान्ता वाङ्ना त खेया, ओउकाय हारताक्नाथय र ओउको भरहाङगमो जुदा हतियारलम लानानि अनि मालताललममा कुःति आःल्ति लयको मान्तालमकुस वेःनानि।#११:२२ बल्यो मान्ताइखे सय्तानकाय जनाउनउ र अझ बल्यो मान्ता त तोओखे येसु खेसास्याउना। येसु सय्तानसय जितसास्याउना र सय्तानको बन्धनहाङ परओ मान्तालमकाय छुत्कारा बइसास्याउना।
23 सुखे ङाको पक्छेहाङ स्याउल, ओउखे ङाको बिरोतहाङ स्याउना, र सुखेइ ङाकाय हुम्सा पुलिङ्ताङ्ल ओउइखे हुमोमा अदबद त जाह्ङ्ति बइनउ।”
दुस्त ग्वालाम द्याह्न्ति वाङ्ना
(मति १२:४३-४५)
24 “जब दुस्त ग्वालाम मान्ताकसय ग्ल्युह्ङ्ति पाह्य्ना, अनि ओउ सुमा याक्मालो थाउताङ आरामकुसि मुसा थाउ बोःङ्धय वाह्ना। र गाहाङमा थाउ दोःमाधार्ना ‘ङ्हा मुओ किमहाङले आल्सा परआ’ त दाह्य्ति ओउ द्याह्न्ति वाङ्ना। 25जब ओउ द्याह्न्ति दाह्ना, ओउइ ङ्हाको किम सफा र सजाउतिगमो ङाइनउ। 26एत च्यउति ओउइ अरु सात गोता लयसयमा झन् पेमालो दुस्त ग्वालामलमकाय गोत्ति वान्नउ र ओउमय जुदा भित्र पोक्ति याक्नय। ओउ मान्ताको हालत ङ्हाकोसय झन् आन पेमातो स्याउना।”
दोङ चोङाइसिओ
27येसु नोःति मुतोकहाङले मान्ताको हुलसय यातचाक मोम्चोइ येसुकाय हिह्ति गोःआथय, “नाङकाय नाःओ र दुध तुङताको आमा गच्युक धन्नेको खेना!”
28तर येसुइ तोसास्यावा, “बरु ओउमय धन्नेको खेनय, सुखेइ परमेस्वरको आखर साइनानि र ङ्हाम्नानि।”
योनाको चिनो
(मति १२:३८-४२)
29मान्ताको हुललम नाःधय आल्धार्ना येसुइ तोसास्यावा, “तेनछ्याङको मान्तालम गच्युक दुस्त मुनय! ओउमयइ ग्याह्ङ्सिओ चिनो योसा बोःङ्नानि, तर योनाको चिनोबाहेक#११:२९ योनाको चिनो योना अगमबक्ताको विनराय अनुसार यातज्यो ताह्ङो ङाःइ योनाकाय योको स्याउना, र योनाखे सुम दिन र सुमयाह्दिङसम्म ओउ ङाःको तुकभित्रले मुना। अनि लोन्हे ओउ ङाःइ योनाकाय समुन्द्र तिः बाहिर साःहाङ हात्ति ल्होक्नाथय, र ओउ जिउदो स्याउना। येसुइ योनाको चिनोको बारेहाङ तोसास्यावो कारनखे लयमा ओउतहाइतिले सुम दिनसम्म तेसहाङ मुति लोन्हे जिउदो स्याउसाखेओ कुराकाय तोसास्यावो खेना (मति १२:३९; १६:४)। ओउमयकाय अरु दोह चिनोमा छ्यान्लेल। 30योना निनवे सहरको मान्तालमको लागि चिनो स्यावोलेखाले, तेनछ्याङको मान्तालमको लागि ङा मान्ताको चोःले चिनो स्याउलेनाङ। 31परमेस्वरइ जुदा मान्तालमकाय न्याय जाह्ङ्सास्यावो दिनहाङ, दखिनको सेबा देसको रानिइ निङकुस ब्रकले चिङ्ति निङ तेनछ्याङको मान्तालमकाय गाल बइतेनय, धइतिदाह्य्सा ओउपाय सोलोमन राजाको ग्यानको कुरा साइसाको लागि माहा लोक्तोसय धावति वाङ्तो। तर साइनु, इहाङ यातचाक मुना, ओउखे सोलोमनसयमा महान् खेना। 32परमेस्वरइ जुदा मान्तालमकाय न्याय जाह्ङ्सास्यावो दिनहाङ, निनवे सहरको मान्तालमइ निङकुस ब्रकले चिङ्ति निङ तेनछ्याङको मान्तालमकाय गाल बइतेनय, धइतिदाह्य्सा योनाइ परमेस्वरको स्यानराय प्रचार जाह्ङ्तोकहाङ ओउमयइ ल-लयको पापकाय चिःति फेआकानि। तर साइनु, इहाङ यातचाक मुना, ओउखे योनासयमा महान् खेना।”
ज्यानको थोङो
(मति ५:१५; ६:२२-२३)
33 “दिप्फा थोङताक्ति सुइमा भान्दाइ बोःम्निलि अनि नुस्तिमा गम्निलि। बरु भित्र वाङो मान्तालमकाय थोङतो स्याउपा त दाह्य्ति यासो तेउकाहाङ गम्नानि। 34मिकखे मान्ताको ज्यानको लागि दिप्फा लेखाले खेना। यदि निङको मिक पेतो मुना त खेया, निङको जुदा ज्यानमा थोङतो स्याउलेना, तर यदि निङको मिक पेतो नाःल त खेया, निङको जुदा ज्यानमा च्याक्तो स्याउलेना। 35ओउतझ्यान्ते होसियार स्याउन, निङकुस मुओ थोङो च्याक्तो स्याउलाम। 36यदि निङको जुदा ज्यान माहा पेतो थोङतो मुना त खेया, अथबा ज्यानको दोह थोकमा च्याक्तो नाःल त खेया, ओउ जुदाले थोङतो स्याउना, गतहाइति दिप्फाको सुरिङइ निङकाय थोङो बइतेनय।”
येसुइ फरिसि र धर्मगुरुलमकाय दर्कसास्यावो
(मति २३:१-३६; मर्कुस १२:३८-४०)
37जब येसुइ नोःति द्युम्सास्यावा, यातचाक फरिसिइ येसुकाय लयको किमहाङ लयकुसि जेःलाङ गोताकान। ओउतझ्यान्ते येसु ओउको किमभित्र पोक्ति जेःसाकाय च्युःङ्सास्यावा। 38येसुइ जेःसासय ङ्हा लयको क्रुत जेस्मालो च्यउति ओउकाय जेःलाङ गोतो फरिसि ग्याह्ङा। 39अनि प्रभु येसुइ ओउकाय तोसास्यावा, “निङ फरिसिलम थाल र कचउरा हुरोलेखा लयकाय बाहिरसयखे हुर्तेनाइसि, तर भित्र ल्हुङतुकखे लोभ र दुस्तइ ब्लिङो मुतेनय। 40निङ मुर्ख मान्तालम! दोह निङइ चिःतेनिलि? बाहिरको रुप जाह्ङ्सास्यावो परमेस्वरइ भित्रको ल्हुङतुकमा जाह्ङ्सास्यावो खेल र? 41तर गरिबलमकाय लयको ल्हुङतुकसय म्रोतिले बइनु, अनि निङको जुदा थोकले सुद्ध स्याउलेना।
42 निङ फरिसिलमकाय धिक्कार! धइतिदाह्य्सा निङइ जरिबुतिको उब्जनिसय परमेस्वरकाय दसङ्स बइतेनानि, तर निङइ मान्तालमकाय पेतो बेबहार जाह्ङ्तेनिलि र परमेस्वरकाय राप्तेनिलि। निङइ मान्तालमकाय पेतो बेबहार जाह्ङ्ति र परमेस्वरकाय राप्ति दसङ्स बइसा परना।
43 निङ फरिसिलमकाय धिक्कार! धइतिदाह्य्सा निङ सभाकिमलमहाङ मुख्य थाउहाङ च्युःङ्सा र बजारको चोकलमहाङ निङकाय अरुइ सेवओ ते झाक्तेनय। 44निङकाय धिक्कार! निङखे चिनो नाःमालो तेसराङ#११:४४ चिनो नाःमालो तेसराङ ओउतोक बेलाहाङ यहुदिलमइ तेसराङहाङ चिनो गम्नितो, र कुनय मान्ताइ तेसकाय झोनउ त खेया ओउखे असुद्ध स्याउतो। ओउतहाइति तेस धिनो यहुदि मान्ताखे सात दिनसम्म रितिथिति अनुसारले असुद्ध स्याउतो (गन्ति १९:१६)। लेखा खेतेनय। ओउतताह्ङो चिनो नाःमालो तेसको मल्गसय मान्तालम चिःमात वाह्नय।”
45धर्मगुरुलम मध्येको यातचाकइ येसुकाय तोआथय, “गुरु, एत नोःति नाङइपाय निकायमा रास्सितो जाह्ङ्धय मुसास्याउना।”
46येसुइ ओउकायमा जवाफ बइधय तोसास्यावा, “निङ धर्मगुरुलमकायमा धिक्कार! निङइ मान्तालमकाय धर्म-कर्मको लिःओ भारि लात्ताकतेनानि। तर निङ लयमयखे भारि च्युन्सापाय परले आल्पा लयको क्रुतको ब्रह्य्इमा ओउ भारिकाय धिन्तेनिलि। 47निङकाय धिक्कार! निङइ लयको पुर्खालमइ सातो अगमबक्तालमको लागि पेओ तेसलम जाह्ङ्तेनानि। 48एतहाइति निङइ निङको लयको पुर्खालमइ एतताह्ङो काम जाह्ङाकानि त दाह्य्ति सुइकार जाह्ङ्तेनानि। ओउमयइ अगमबक्तालमकाय साताकानि अनि निङइखे ओउमयको तेस जाह्ङ्तेनानि। 49ओउतहाइतिले जुदा कुरा चिःसास्यावो परमेस्वरइ ङ्हाखाले तोसास्यावा, ‘ङाइ इस्राएलको मान्तालमकहाङ अगमबक्ता र खबरदुतलम ल्होक्नाङ। तर ओउमयइ गच्युककाय सात्नानि र गच्युककायखे सताउनानि।’ 50ओउतझ्यान्ते ल्हाउदयबाङको ङ्हाहाङसय देङेसम्म सातो अगमबक्तालमको वुइको गालको लेखाजोखा इ पुस्ताको मान्तालमइले बइसा परना। 51ङाइ निङकाय तोनेनाङ्स, हाबिलको वुइहाङसय लेःति बेदि र मन्दिरको पबित्र थाउको माझहाङ सातो जकरियासम्मको अगमबक्तालमको वुइको लेखाजोखाखे इ पुस्ताकुसि लेःलेना।#११:५१ बाइबल अनुसार पुरानो नेमहाङ हाबिलखे ङ्हा सातो अनि जकरियाखे लोन्हे सातो मान्ता खेना (उत्पति ४:८; २ इतिहास २४:२०-२२)।
52 निङ धर्मगुरुलमकाय धिक्कार! धइतिदाह्य्सा निङइ परमेस्वरकाय तह्य्ताको खादोकको सान्चो आःल्तेआकानि तर निङ लयमा भित्र पोक्तेइलि अनि अरुलमकायमा पोक्सा बइतेनिलि।”
53जब येसु ओहाङसय पाह्य्सास्यावा, अनि धर्मगुरु र फरिसिलमइ येसुको आन पेमातो बिरोत जाह्ङ्धय नाःतो कुरालमहाङ येसुकाय ह्वत्सा बोःङाकानि। 54येसु त्याङधार्ना गाहाङलो गल्ति ङाइसा खाइनाया त दाह्य्ति ओउमयइ मउका योसा बोःङाकानि।
Currently Selected:
लुका 11: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 11
11
येसुइ स्यान्सास्यावो प्राथना
(मति ६:९-१३; ७:७-११)
1यात दिन येसु यातज्यो थाउहाङ प्राथना जाह्ङ्धय मुसास्यावो खेतो। जब येसुइ प्राथना जाह्ङ्ति द्युम्सास्यावा, येसुको चेलालम मध्येको यातचाकइ येसुकाय तोआथय, “प्रभु, युहन्नाइ लयको चेलालमकाय प्राथना जाह्ङ्सा स्यानोलेखा निकायमा स्यान्सास्याउपाना।”
2येसुइ ओउमयकाय तोसास्यावा, “जब निङइ प्राथना जाह्ङ्तेनानि, निङइ एतदाह्य्ति प्राथना जाह्ङ्नु—
‘अ परमेस्वर आपा,
नाङको पबित्र मय्ङ लुङ्सितो स्याउपाना,
र नाङइ जुदा मान्तालमकाय राजा स्याउति राज्य जाह्ङ्सास्याउपाना।
3 निकाय चाहओ दिनमको जेःगा-तुङ्गा निकाय दिनमले बइसास्याउपाना।
4 निको पापलम छेमा जाह्ङ्ति बइसास्याउपाना,
धइतिदाह्य्सा निको बिरोतहाङ अपराध जाह्ङो जुदाकाय निइमा छेमा जाह्ङ्नाङ्सु।
अनि निकाय पाप जाह्ङ्ताको परिछ्यालमसय दल्ताक्सास्याउपाना।’”
5ओहाङसयको येसुइ लयको चेलालमकाय तोसास्यावा, “जुगुलाङ, निङमध्ये यातचाकइ ल्हाक-याह्दिङहाङ यातचाक होयाको किमहाङ आल्ति तोनउ, ‘अ होया, ङाकाय सुमखोक लाङ पय्चो बइचिमा। 6ङाको किमहाङ यातचाक होया आन लोक्तोसय वाङो मुना। तर ओउकाय बइसा ङाकुसि जेःगा-तुङ्गा दोहमा नाःल!’ 7ओउ होयाइ कुनासयले तोआथय, ‘द्याह ङाकाय दुख बइजेलाम! खादोक राक्ति खायो मुना, अनि ङाको बालाखलम र ङा लयमा न्हापहाङ एःनालाङ्सु। देङे ङा च्योक्ति नाङकाय दोहमा बइसा खाइनेङल।’” 8उच्युक दाह्याकबति येसुइ ओउमयकाय तोसास्यावा, “ङाइ निङकाय तोनेनाङ्स, ओउइ होया त म्हर्ति बइमायाकायमा तेओको तेओ जाह्ङ्नउ त खेया, ओउ च्योक्ना र तेओच्युक ओउकाय बइनाथय।
9 ओउतझ्यान्ते ङाइ निङकाय तोनेनाङ्स, लयकाय चाहओ थोक तेतेनय त खेया परमेस्वरइ निङकाय बइसास्याउलेना, र लयकाय चाहओ थोक बोःङ्तेनानि त खेया परमेस्वरकहाङ निङइ ङाइसा खाइतेनानि, अनि दह्य्लोहाङ ध्याक-ध्याक त हाइतेनानि त खेया परमेस्वरइ निङको लागि फोल्ति बइसास्याउलेना। 10धइतिदाह्य्सा परमेस्वरकाय तेओ जुदा मान्तालम दोःलेनय, र परमेस्वरकहाङ बोःङो मान्तालमइ ङाइलेनानि, अनि दह्य्लोहाङ ध्याक-ध्याक त हायो मान्तालमको लागि दह्य्लो फोल्लेना। 11निङमध्ये सुखे आपा खेचा लयको चोःइ लाङ तेधार्ना ओउकाय बाङ बइचउ,#११:११ लयको चोःइ लाङ तेधार्ना ओउकाय बाङ बइचउ इ कुराखे जुदा सङ्सकरनलमहाङ लेखओ नाःल। अथबा ङाः तेधार्ना ओउकाय रु बइचउ? 12अथबा उम तेधार्ना चोःकाय नेःकोस बइचउ? पक्कामा बयुलु! 13निङ दुस्त स्याउतिमा लयको चोः चोःद्याङकाय पेओ थोकलम बइतेनानि त खेया, लाङकाहाङ मुसास्यावो निङको परमेस्वर आपाइ ओउकुस तेओलमकाय दोङ्सिले पबित्र ग्वालाम बइसास्याउलेना।”
येसु र बालजिबुल
(मति १२:२२-३०; मर्कुस ३:२०-२७)
14यातचाक मान्ता लानइ ङाइति नोःसा खाइमातो लाता स्यावो खेतो। अनि येसुइ ओउकहाङ मुओ लानकाय रुःन्ति ल्होक्सास्यावा र ओउ मान्ता नोःसा फाःङाकान। एत च्यउति मान्तालम ग्याह्ङाकाय। 15तर ओउमय मध्येको गच्युक मान्तालमखे एत दाह्याकाय, “ओउइपाय लानलमको मालिक बालजिबुलको जिःङइले लानलमकाय रुन्ति ल्होक्नउ।”
16गच्युक मान्तालमइखे येसुकाय आङ्काउसा बोःङ्ति तोआकानि, “यदि नाङकाय लाङकासयले ल्होको त खेया, निको लागि यातज्यो ग्याह्ङ्सिओ चिनो छ्यान्ताङि।” 17ओउमयको बिचार चिःति येसुइ ओउमयकाय एतदाह्य्ति तोसास्यावा, “गाउखे देसहाङ मिलाप स्याउल, ओउ लयले म्हेत्ना। गाउखे किमको माचरलम लयमय कायकायनय, ओउमयमा म्हेत्लेनय। 18ओउतले यदि सय्तानइ लयको बिरोत लयले जाह्ङ्नउ त खेया, ओउको राज्य गतहाइति तिकसा खाइचउ र? निङइ ङाकाय बालजिबुलको जिःङइ लान रुनाकान त दाह्य्तेनय। 19यदि ङाइ बालजिबुलको जिःङ दुवारा लानलम रुन्नाङ त खेया, निङको चेलालमइखे दोहको जिङसय लानलम रुन्नानि त? ओउतझ्यान्ते निङको चेलालमइ जाह्ङो कामलम दुवाराले निङ दोसि स्यावो प्रमानित स्याउलेना। 20तर यदि ङाइ परमेस्वरको जिःङइ लानलम रुःन्नाङ त खेया, परमेस्वरको राज्य निङको माझहाङ वाङ्तिभ्याओ मुना।”
21अनि येसुइ इ ल्हाकरायमा तोसास्यावा, “यदि हतियार लातो बल्यो मान्ताइ किम ल्युह्ङ्ति योति मुना त खेया, किमहाङ मुओ जुदा मालताललम दल्तो स्याउलेना। 22तर ओउसय बल्यो मान्ता वाङ्ना त खेया, ओउकाय हारताक्नाथय र ओउको भरहाङगमो जुदा हतियारलम लानानि अनि मालताललममा कुःति आःल्ति लयको मान्तालमकुस वेःनानि।#११:२२ बल्यो मान्ताइखे सय्तानकाय जनाउनउ र अझ बल्यो मान्ता त तोओखे येसु खेसास्याउना। येसु सय्तानसय जितसास्याउना र सय्तानको बन्धनहाङ परओ मान्तालमकाय छुत्कारा बइसास्याउना।
23 सुखे ङाको पक्छेहाङ स्याउल, ओउखे ङाको बिरोतहाङ स्याउना, र सुखेइ ङाकाय हुम्सा पुलिङ्ताङ्ल ओउइखे हुमोमा अदबद त जाह्ङ्ति बइनउ।”
दुस्त ग्वालाम द्याह्न्ति वाङ्ना
(मति १२:४३-४५)
24 “जब दुस्त ग्वालाम मान्ताकसय ग्ल्युह्ङ्ति पाह्य्ना, अनि ओउ सुमा याक्मालो थाउताङ आरामकुसि मुसा थाउ बोःङ्धय वाह्ना। र गाहाङमा थाउ दोःमाधार्ना ‘ङ्हा मुओ किमहाङले आल्सा परआ’ त दाह्य्ति ओउ द्याह्न्ति वाङ्ना। 25जब ओउ द्याह्न्ति दाह्ना, ओउइ ङ्हाको किम सफा र सजाउतिगमो ङाइनउ। 26एत च्यउति ओउइ अरु सात गोता लयसयमा झन् पेमालो दुस्त ग्वालामलमकाय गोत्ति वान्नउ र ओउमय जुदा भित्र पोक्ति याक्नय। ओउ मान्ताको हालत ङ्हाकोसय झन् आन पेमातो स्याउना।”
दोङ चोङाइसिओ
27येसु नोःति मुतोकहाङले मान्ताको हुलसय यातचाक मोम्चोइ येसुकाय हिह्ति गोःआथय, “नाङकाय नाःओ र दुध तुङताको आमा गच्युक धन्नेको खेना!”
28तर येसुइ तोसास्यावा, “बरु ओउमय धन्नेको खेनय, सुखेइ परमेस्वरको आखर साइनानि र ङ्हाम्नानि।”
योनाको चिनो
(मति १२:३८-४२)
29मान्ताको हुललम नाःधय आल्धार्ना येसुइ तोसास्यावा, “तेनछ्याङको मान्तालम गच्युक दुस्त मुनय! ओउमयइ ग्याह्ङ्सिओ चिनो योसा बोःङ्नानि, तर योनाको चिनोबाहेक#११:२९ योनाको चिनो योना अगमबक्ताको विनराय अनुसार यातज्यो ताह्ङो ङाःइ योनाकाय योको स्याउना, र योनाखे सुम दिन र सुमयाह्दिङसम्म ओउ ङाःको तुकभित्रले मुना। अनि लोन्हे ओउ ङाःइ योनाकाय समुन्द्र तिः बाहिर साःहाङ हात्ति ल्होक्नाथय, र ओउ जिउदो स्याउना। येसुइ योनाको चिनोको बारेहाङ तोसास्यावो कारनखे लयमा ओउतहाइतिले सुम दिनसम्म तेसहाङ मुति लोन्हे जिउदो स्याउसाखेओ कुराकाय तोसास्यावो खेना (मति १२:३९; १६:४)। ओउमयकाय अरु दोह चिनोमा छ्यान्लेल। 30योना निनवे सहरको मान्तालमको लागि चिनो स्यावोलेखाले, तेनछ्याङको मान्तालमको लागि ङा मान्ताको चोःले चिनो स्याउलेनाङ। 31परमेस्वरइ जुदा मान्तालमकाय न्याय जाह्ङ्सास्यावो दिनहाङ, दखिनको सेबा देसको रानिइ निङकुस ब्रकले चिङ्ति निङ तेनछ्याङको मान्तालमकाय गाल बइतेनय, धइतिदाह्य्सा ओउपाय सोलोमन राजाको ग्यानको कुरा साइसाको लागि माहा लोक्तोसय धावति वाङ्तो। तर साइनु, इहाङ यातचाक मुना, ओउखे सोलोमनसयमा महान् खेना। 32परमेस्वरइ जुदा मान्तालमकाय न्याय जाह्ङ्सास्यावो दिनहाङ, निनवे सहरको मान्तालमइ निङकुस ब्रकले चिङ्ति निङ तेनछ्याङको मान्तालमकाय गाल बइतेनय, धइतिदाह्य्सा योनाइ परमेस्वरको स्यानराय प्रचार जाह्ङ्तोकहाङ ओउमयइ ल-लयको पापकाय चिःति फेआकानि। तर साइनु, इहाङ यातचाक मुना, ओउखे योनासयमा महान् खेना।”
ज्यानको थोङो
(मति ५:१५; ६:२२-२३)
33 “दिप्फा थोङताक्ति सुइमा भान्दाइ बोःम्निलि अनि नुस्तिमा गम्निलि। बरु भित्र वाङो मान्तालमकाय थोङतो स्याउपा त दाह्य्ति यासो तेउकाहाङ गम्नानि। 34मिकखे मान्ताको ज्यानको लागि दिप्फा लेखाले खेना। यदि निङको मिक पेतो मुना त खेया, निङको जुदा ज्यानमा थोङतो स्याउलेना, तर यदि निङको मिक पेतो नाःल त खेया, निङको जुदा ज्यानमा च्याक्तो स्याउलेना। 35ओउतझ्यान्ते होसियार स्याउन, निङकुस मुओ थोङो च्याक्तो स्याउलाम। 36यदि निङको जुदा ज्यान माहा पेतो थोङतो मुना त खेया, अथबा ज्यानको दोह थोकमा च्याक्तो नाःल त खेया, ओउ जुदाले थोङतो स्याउना, गतहाइति दिप्फाको सुरिङइ निङकाय थोङो बइतेनय।”
येसुइ फरिसि र धर्मगुरुलमकाय दर्कसास्यावो
(मति २३:१-३६; मर्कुस १२:३८-४०)
37जब येसुइ नोःति द्युम्सास्यावा, यातचाक फरिसिइ येसुकाय लयको किमहाङ लयकुसि जेःलाङ गोताकान। ओउतझ्यान्ते येसु ओउको किमभित्र पोक्ति जेःसाकाय च्युःङ्सास्यावा। 38येसुइ जेःसासय ङ्हा लयको क्रुत जेस्मालो च्यउति ओउकाय जेःलाङ गोतो फरिसि ग्याह्ङा। 39अनि प्रभु येसुइ ओउकाय तोसास्यावा, “निङ फरिसिलम थाल र कचउरा हुरोलेखा लयकाय बाहिरसयखे हुर्तेनाइसि, तर भित्र ल्हुङतुकखे लोभ र दुस्तइ ब्लिङो मुतेनय। 40निङ मुर्ख मान्तालम! दोह निङइ चिःतेनिलि? बाहिरको रुप जाह्ङ्सास्यावो परमेस्वरइ भित्रको ल्हुङतुकमा जाह्ङ्सास्यावो खेल र? 41तर गरिबलमकाय लयको ल्हुङतुकसय म्रोतिले बइनु, अनि निङको जुदा थोकले सुद्ध स्याउलेना।
42 निङ फरिसिलमकाय धिक्कार! धइतिदाह्य्सा निङइ जरिबुतिको उब्जनिसय परमेस्वरकाय दसङ्स बइतेनानि, तर निङइ मान्तालमकाय पेतो बेबहार जाह्ङ्तेनिलि र परमेस्वरकाय राप्तेनिलि। निङइ मान्तालमकाय पेतो बेबहार जाह्ङ्ति र परमेस्वरकाय राप्ति दसङ्स बइसा परना।
43 निङ फरिसिलमकाय धिक्कार! धइतिदाह्य्सा निङ सभाकिमलमहाङ मुख्य थाउहाङ च्युःङ्सा र बजारको चोकलमहाङ निङकाय अरुइ सेवओ ते झाक्तेनय। 44निङकाय धिक्कार! निङखे चिनो नाःमालो तेसराङ#११:४४ चिनो नाःमालो तेसराङ ओउतोक बेलाहाङ यहुदिलमइ तेसराङहाङ चिनो गम्नितो, र कुनय मान्ताइ तेसकाय झोनउ त खेया ओउखे असुद्ध स्याउतो। ओउतहाइति तेस धिनो यहुदि मान्ताखे सात दिनसम्म रितिथिति अनुसारले असुद्ध स्याउतो (गन्ति १९:१६)। लेखा खेतेनय। ओउतताह्ङो चिनो नाःमालो तेसको मल्गसय मान्तालम चिःमात वाह्नय।”
45धर्मगुरुलम मध्येको यातचाकइ येसुकाय तोआथय, “गुरु, एत नोःति नाङइपाय निकायमा रास्सितो जाह्ङ्धय मुसास्याउना।”
46येसुइ ओउकायमा जवाफ बइधय तोसास्यावा, “निङ धर्मगुरुलमकायमा धिक्कार! निङइ मान्तालमकाय धर्म-कर्मको लिःओ भारि लात्ताकतेनानि। तर निङ लयमयखे भारि च्युन्सापाय परले आल्पा लयको क्रुतको ब्रह्य्इमा ओउ भारिकाय धिन्तेनिलि। 47निङकाय धिक्कार! निङइ लयको पुर्खालमइ सातो अगमबक्तालमको लागि पेओ तेसलम जाह्ङ्तेनानि। 48एतहाइति निङइ निङको लयको पुर्खालमइ एतताह्ङो काम जाह्ङाकानि त दाह्य्ति सुइकार जाह्ङ्तेनानि। ओउमयइ अगमबक्तालमकाय साताकानि अनि निङइखे ओउमयको तेस जाह्ङ्तेनानि। 49ओउतहाइतिले जुदा कुरा चिःसास्यावो परमेस्वरइ ङ्हाखाले तोसास्यावा, ‘ङाइ इस्राएलको मान्तालमकहाङ अगमबक्ता र खबरदुतलम ल्होक्नाङ। तर ओउमयइ गच्युककाय सात्नानि र गच्युककायखे सताउनानि।’ 50ओउतझ्यान्ते ल्हाउदयबाङको ङ्हाहाङसय देङेसम्म सातो अगमबक्तालमको वुइको गालको लेखाजोखा इ पुस्ताको मान्तालमइले बइसा परना। 51ङाइ निङकाय तोनेनाङ्स, हाबिलको वुइहाङसय लेःति बेदि र मन्दिरको पबित्र थाउको माझहाङ सातो जकरियासम्मको अगमबक्तालमको वुइको लेखाजोखाखे इ पुस्ताकुसि लेःलेना।#११:५१ बाइबल अनुसार पुरानो नेमहाङ हाबिलखे ङ्हा सातो अनि जकरियाखे लोन्हे सातो मान्ता खेना (उत्पति ४:८; २ इतिहास २४:२०-२२)।
52 निङ धर्मगुरुलमकाय धिक्कार! धइतिदाह्य्सा निङइ परमेस्वरकाय तह्य्ताको खादोकको सान्चो आःल्तेआकानि तर निङ लयमा भित्र पोक्तेइलि अनि अरुलमकायमा पोक्सा बइतेनिलि।”
53जब येसु ओहाङसय पाह्य्सास्यावा, अनि धर्मगुरु र फरिसिलमइ येसुको आन पेमातो बिरोत जाह्ङ्धय नाःतो कुरालमहाङ येसुकाय ह्वत्सा बोःङाकानि। 54येसु त्याङधार्ना गाहाङलो गल्ति ङाइसा खाइनाया त दाह्य्ति ओउमयइ मउका योसा बोःङाकानि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.