लुका 15
15
मिह्ओ भेदाको ल्हाकराय
(मति १८:१२-१४)
1अनि तिरो लेःओ नाःतो मान्तालम र अरु पापिलम येसुको स्यानराय साइलाङ येसुको द्याङ्तो वाङाकाय। 2तर फरिसि र धर्मगुरुलमखे एतदाह्य्ति काथ्याउलाङ फाःङाकानि, “इ मान्ताइ पापिलमकाय स्वागत जाह्ङ्नउ र ओउमयकुस ब्रकले मुति जेनउ।” 3ओउतझ्यान्ते येसुइ ओउमयकाय यातज्यो ल्हाकराय तोसास्यावा—
4 “जुगुलाङहाङ निङमध्ये यातचाकको यात सय गोता भेदालम मुचाना। यदि ओउ सय गोता भेदालममध्ये यातज्यो भेदा मिह्या त खेया, नाङइ उनन्सय गोताकाय ह्राःमो थाउहाङले फेआक्तिको मिह्ओ भेदा ङाइमाच्युककाय बोःङ्तेउलु र? 5जब नाङइ ओउ मिह्ओ भेदा ङाइतेनउ, ङाःयापछि नाङ आन आसति ओउकाय लयको कुमहाङ पास्ति लात्तेनउ। 6अनि जब नाङ ओउकाय लात्ति किम दाह्तेना, नाङइ लयको होयालम र छिमेकिलमकाय ब्रक्त गोत्ति तोतेनउ, ‘निङ ङाकुसि चोङाइजेःन, धइतिदाह्य्सा ङाइ ङाको मिह्ओ भेदा ङाःयालाङ!’ 7ओउतहाइतिले ङाइ निङकाय तोनेनाङ्स, पस्ताप जाह्ङ्सा परमालो उनन्सय धर्मिलमको लागि भन्दापाय लयको पापकाय चिःति पस्ताप जाह्ङो यातचाक पापिको लागि परमेस्वर आन नाःतो आससास्याउना।”
मिह्ओ चान्दिको ध्याकको ल्हाकराय
8येसुइ फेरि तोसास्यावा, “अथबा जुगुलाङहाङ यातचाक मोम्चोकुस आन महत्वको दस गोता चान्दिको ध्याक खेतो। यदि ओउइ यातज्यो ध्याक मिह्ताकाकान त खेया, दोह ओउइ दिप्फा थोङताकाक्तिको फेकइ सर्ति ओउ मिह्ओ ध्याक ङाइमाच्युकाय ध्यान बइति बोःङुलु र? 9जब ओउइ मिह्ओ चान्दिको ध्याक ङाइनउ, ओउइ लयको होयालम र छिमेकिलमकाय ब्रक्त गोत्ति तोनउ, ‘निङ ङाकुसि चोङाइजेःन, धइतिदाह्य्सा ङाइ ङाको मिह्ओ ध्याक ङाःयालाङ!’ 10ओउतहाइतिले ङाइ निङकाय तोनेनाङ्स, लयको पापकाय चिःति पस्ताप जाह्ङो यातचाक पापिको लागि परमेस्वरको लाङकादुतलम लाङकाहाङ आन चोङाइति आसलेनय।”
मिह्ओ चोःको ल्हाकराय
11अनि येसुइ अर्को ल्हाकराय तोसास्यावा, “कुनय यातचाक मान्ताको निसचाक चोः खेचतो। 12यात दिन कान्छा चोःइ लयको आपाकाय तोआथय, ‘अ आपा, ङाइ दोःसा परओ धन-सम्पतिको अङ्स नाङ सिसासय ङ्हा ङाकाय बइसास्याउपाना।’ ओउतझ्यान्ते आपाइमा लयको सम्पति निसपुःचाकाय फाक्ति बयाकान। 13केहि दिन लोन्हे कान्छा चोःइ लयको भाकको जुदा सम्पति विःनाकान अनि थेपो लात्ति लयको किम फेति आन लोक्तो अर्को देसहाङ आला। ओहाङ ओउइ मोजमज्जाहाङ जुदा धन द्योकाकान। 14जब ओउकुस मुओ जुदा धन-सम्पति द्योका, र ओउबेलाहाङले ओउ देसहाङ ताह्ङो अनिकाल स्यावा। अनि ओउकुस जेःसाकाय दोहमा नाःआक्ल। 15ओउतझ्यान्ते ओउ काम जाह्ङ्सा दोःनाङ या त म्हर्ति ओउ देसको यातचाक रइथाने मान्ताकहाङ काम तेलाङ आला। ओउ मान्ताइ ओउकाय प्याक ह्राःमो काम बयाथय।#१५:१५ प्याक ह्राःमो काम बयाथय यहुदि नेम-कानुन अनुसार प्याकखे असुद्ध पसु खेना, ओउतझ्यान्ते यहुदिलमइ प्याकको माःय जेःसा स्यावाक्ल (लेबि ११:७)। ओउतझ्यान्ते यहुदिलमइ प्याक र प्याककाय स्याहार जाह्ङो मान्तालमकाय हेला जाह्ङ्नितो। यदि यहुदि मान्ताइले ओउतताह्ङो प्याक स्याहारो काम जाह्ङ्ना त खेया ओउ झन् माहा रास्सितो स्याउतो। 16ओउ आन जोक्तो योङक्रायोझ्यान्ते, ओउइ प्याकको आहारा जेःति खेयाकायमा लयको तुक कोस्ताक्सा बोःङुतो। तर ओउकाय सुइमा जेःओ थोक बयाक्थाल।
17 जब लोन्हे ओउ ह्वका, र लयइ जाह्ङो जुदा कुरा पेतोकुसि चिःआकान अनि ओउइ लयकाय तोआकास, ‘ङाको आपाकहाङ काम जाह्ङ्तिमुओ जुदा नोकरलमइ तुक कोस्तो जेःनानि। ओउमयकुस जेःसामा माक्मातोसम्म जेःगालम मुना, तर ङाखे इहाङ योङक्रायले सिखेतो स्यावालाङ। 18द्याह ङा इ थाउ फेति लयको आपाकहाङ द्याह्न्ति पाह्य्नाङ अनि आपाकाय एत तोनाङ, “अ आपा, ङाइ परमेस्वर र नाङको बिरोतहाङ पाप जाह्ङालाङ। 19ङापाय नाङको चोः त तोसामा ज्योङल। बरु नाङको काम जाह्ङो अरु नोकरलममध्ये यातज्यो लेखा ङाकाय योःन्ति गम्सास्याउपाना।”’ 20ओहाङसयको ओउ चिङ्ति आपाकताङ द्याह्न्ति पाह्या।
तर ओउ किमसय लोक्तो दाह्तोकहाङले ओउ वाङ्तिमुओ ङाको चोःले खेना त दाह्य्ति ओउको आपाइ तह्याथय। ओउको ल्हुङतुक आन योःन्ति वाङा र ओउ लयको चोःकाय क्रुस्लाङ तन्ति आला, अनि आसति चोःकाय ग्रोम्ति तुःमाकान। 21अनि चोःइ तोआथय, ‘अ आपा, ङाइ परमेस्वर र नाङको बिरोतहाङ पाप जाह्ङालाङ। ङापाय नाङको चोः त तोसामा ज्योङल।’
22 तर ओउको आपाइ नोकरलमकाय गोत्ति तोआकान, ‘रेह्न्तो आल्ति जुदासय पेओ नाय वान्ति ङाको चोःकाय लावति बइनु। ओउको क्रुतको ब्रह्य्हाङ अउथि र दोमहाङ जुत्ता लावति बइनु। 23अनि द्युनो पसु वान्ति सात्नु र खाङ्ति नि जुदाइ भोस जेःति रमाइलो जाह्ङ्नि। 24धइतिदाह्य्सा ङाको इ चोः सिओ खेतो देङे स्याक्ति दाहा, अनि इ मिह्ओ खेतो तर देङे ङाःया!’ अनि ओउमय जुदाले आसति भोस जेःलाङ फाःङाकानि।
25 ओउबेलाहाङ ओउको जेथा चोःखे खेतहाङ काम जाह्ङ्तिमुओ खेतो। जब ओउ जेथा चोः किम द्याङ्तो दाहा, ओउइ लयको किमहाङ मान्तालम झिङ ताय्क्ति, बाङसुरि म्हुत्ति स्याह्तिमुओ सायाकान। 26अनि ओउइ नोकरलम मध्येको यातचाककाय गोत्ति ह्वताकान, ‘इहाङ दोह स्याउधय मुना?’
27 ओउ नोकरइ तोआथय, ‘नाङको हउ किम द्याह्न्ति पाह्य्तिवाङो मुना, र ओउ सेलले पेतो दाहोझ्यान्ते नाङको आपाइ निकाय द्युनो बाछो स्याः सात्ताकाताङ्सु।’
28 तर एत साइति ओउ पुखे आन रिस वाङा र किमभित्र पोक्सामा ग्याल। ओउतझ्यान्ते ओउको आपा बाहिर ग्ल्युह्ङ्ति वाङा र ओउकाय होम्ति तोआकान, ‘ङाको चोः, किमभित्र पोक्च।’
29 तर ओउइ आपाकाय जवाफ बयाकान, ‘ङाको कुरा साइसास्याउपाना! धइतिदाह्य्सा उच्युक बर्सहाङसय नोकर लेखा ङाइ नाङको सेवा जाह्ङालाङ, अनि नाङको आग्यालम ङाइ गलमा इन्कार जाह्ङ्ङल। तर ङाकायखे होयालमकुस मिलति भोस जेःसाकाय यातज्यो मेछ्याको पाथोमा बइतेचिलि। 30तर नाङको इ चोःइ नाङइ भाक लावति बयो इको भाकको जुदा धन-सम्पति बेभिचारिलमकुस वाह्ति द्योकाकान। जब ओउ चोः किम पाह्य्तिवाङा, नाङइ उच्युक ताह्ङो भोस ओउको लागि जाह्ङ्तेआकान।’
31 तर ओउको आपाइ ओउकाय तोआथय, ‘ङाको चोः, नाङपाय सधयभरि ङाकुसले मुतेना, र ङाकुस मुओ जुदा सम्पति नाङकोले खेना। 32तर नि आन चोङाइति भोस जाह्ङ्सा परओ खेतो। धइतिदाह्य्सा इ नाङको हउ सिओ खेतो तर देङे स्याका, इ मिह्ओ खेतो तर देङे ङाःया!’”
Currently Selected:
लुका 15: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 15
15
मिह्ओ भेदाको ल्हाकराय
(मति १८:१२-१४)
1अनि तिरो लेःओ नाःतो मान्तालम र अरु पापिलम येसुको स्यानराय साइलाङ येसुको द्याङ्तो वाङाकाय। 2तर फरिसि र धर्मगुरुलमखे एतदाह्य्ति काथ्याउलाङ फाःङाकानि, “इ मान्ताइ पापिलमकाय स्वागत जाह्ङ्नउ र ओउमयकुस ब्रकले मुति जेनउ।” 3ओउतझ्यान्ते येसुइ ओउमयकाय यातज्यो ल्हाकराय तोसास्यावा—
4 “जुगुलाङहाङ निङमध्ये यातचाकको यात सय गोता भेदालम मुचाना। यदि ओउ सय गोता भेदालममध्ये यातज्यो भेदा मिह्या त खेया, नाङइ उनन्सय गोताकाय ह्राःमो थाउहाङले फेआक्तिको मिह्ओ भेदा ङाइमाच्युककाय बोःङ्तेउलु र? 5जब नाङइ ओउ मिह्ओ भेदा ङाइतेनउ, ङाःयापछि नाङ आन आसति ओउकाय लयको कुमहाङ पास्ति लात्तेनउ। 6अनि जब नाङ ओउकाय लात्ति किम दाह्तेना, नाङइ लयको होयालम र छिमेकिलमकाय ब्रक्त गोत्ति तोतेनउ, ‘निङ ङाकुसि चोङाइजेःन, धइतिदाह्य्सा ङाइ ङाको मिह्ओ भेदा ङाःयालाङ!’ 7ओउतहाइतिले ङाइ निङकाय तोनेनाङ्स, पस्ताप जाह्ङ्सा परमालो उनन्सय धर्मिलमको लागि भन्दापाय लयको पापकाय चिःति पस्ताप जाह्ङो यातचाक पापिको लागि परमेस्वर आन नाःतो आससास्याउना।”
मिह्ओ चान्दिको ध्याकको ल्हाकराय
8येसुइ फेरि तोसास्यावा, “अथबा जुगुलाङहाङ यातचाक मोम्चोकुस आन महत्वको दस गोता चान्दिको ध्याक खेतो। यदि ओउइ यातज्यो ध्याक मिह्ताकाकान त खेया, दोह ओउइ दिप्फा थोङताकाक्तिको फेकइ सर्ति ओउ मिह्ओ ध्याक ङाइमाच्युकाय ध्यान बइति बोःङुलु र? 9जब ओउइ मिह्ओ चान्दिको ध्याक ङाइनउ, ओउइ लयको होयालम र छिमेकिलमकाय ब्रक्त गोत्ति तोनउ, ‘निङ ङाकुसि चोङाइजेःन, धइतिदाह्य्सा ङाइ ङाको मिह्ओ ध्याक ङाःयालाङ!’ 10ओउतहाइतिले ङाइ निङकाय तोनेनाङ्स, लयको पापकाय चिःति पस्ताप जाह्ङो यातचाक पापिको लागि परमेस्वरको लाङकादुतलम लाङकाहाङ आन चोङाइति आसलेनय।”
मिह्ओ चोःको ल्हाकराय
11अनि येसुइ अर्को ल्हाकराय तोसास्यावा, “कुनय यातचाक मान्ताको निसचाक चोः खेचतो। 12यात दिन कान्छा चोःइ लयको आपाकाय तोआथय, ‘अ आपा, ङाइ दोःसा परओ धन-सम्पतिको अङ्स नाङ सिसासय ङ्हा ङाकाय बइसास्याउपाना।’ ओउतझ्यान्ते आपाइमा लयको सम्पति निसपुःचाकाय फाक्ति बयाकान। 13केहि दिन लोन्हे कान्छा चोःइ लयको भाकको जुदा सम्पति विःनाकान अनि थेपो लात्ति लयको किम फेति आन लोक्तो अर्को देसहाङ आला। ओहाङ ओउइ मोजमज्जाहाङ जुदा धन द्योकाकान। 14जब ओउकुस मुओ जुदा धन-सम्पति द्योका, र ओउबेलाहाङले ओउ देसहाङ ताह्ङो अनिकाल स्यावा। अनि ओउकुस जेःसाकाय दोहमा नाःआक्ल। 15ओउतझ्यान्ते ओउ काम जाह्ङ्सा दोःनाङ या त म्हर्ति ओउ देसको यातचाक रइथाने मान्ताकहाङ काम तेलाङ आला। ओउ मान्ताइ ओउकाय प्याक ह्राःमो काम बयाथय।#१५:१५ प्याक ह्राःमो काम बयाथय यहुदि नेम-कानुन अनुसार प्याकखे असुद्ध पसु खेना, ओउतझ्यान्ते यहुदिलमइ प्याकको माःय जेःसा स्यावाक्ल (लेबि ११:७)। ओउतझ्यान्ते यहुदिलमइ प्याक र प्याककाय स्याहार जाह्ङो मान्तालमकाय हेला जाह्ङ्नितो। यदि यहुदि मान्ताइले ओउतताह्ङो प्याक स्याहारो काम जाह्ङ्ना त खेया ओउ झन् माहा रास्सितो स्याउतो। 16ओउ आन जोक्तो योङक्रायोझ्यान्ते, ओउइ प्याकको आहारा जेःति खेयाकायमा लयको तुक कोस्ताक्सा बोःङुतो। तर ओउकाय सुइमा जेःओ थोक बयाक्थाल।
17 जब लोन्हे ओउ ह्वका, र लयइ जाह्ङो जुदा कुरा पेतोकुसि चिःआकान अनि ओउइ लयकाय तोआकास, ‘ङाको आपाकहाङ काम जाह्ङ्तिमुओ जुदा नोकरलमइ तुक कोस्तो जेःनानि। ओउमयकुस जेःसामा माक्मातोसम्म जेःगालम मुना, तर ङाखे इहाङ योङक्रायले सिखेतो स्यावालाङ। 18द्याह ङा इ थाउ फेति लयको आपाकहाङ द्याह्न्ति पाह्य्नाङ अनि आपाकाय एत तोनाङ, “अ आपा, ङाइ परमेस्वर र नाङको बिरोतहाङ पाप जाह्ङालाङ। 19ङापाय नाङको चोः त तोसामा ज्योङल। बरु नाङको काम जाह्ङो अरु नोकरलममध्ये यातज्यो लेखा ङाकाय योःन्ति गम्सास्याउपाना।”’ 20ओहाङसयको ओउ चिङ्ति आपाकताङ द्याह्न्ति पाह्या।
तर ओउ किमसय लोक्तो दाह्तोकहाङले ओउ वाङ्तिमुओ ङाको चोःले खेना त दाह्य्ति ओउको आपाइ तह्याथय। ओउको ल्हुङतुक आन योःन्ति वाङा र ओउ लयको चोःकाय क्रुस्लाङ तन्ति आला, अनि आसति चोःकाय ग्रोम्ति तुःमाकान। 21अनि चोःइ तोआथय, ‘अ आपा, ङाइ परमेस्वर र नाङको बिरोतहाङ पाप जाह्ङालाङ। ङापाय नाङको चोः त तोसामा ज्योङल।’
22 तर ओउको आपाइ नोकरलमकाय गोत्ति तोआकान, ‘रेह्न्तो आल्ति जुदासय पेओ नाय वान्ति ङाको चोःकाय लावति बइनु। ओउको क्रुतको ब्रह्य्हाङ अउथि र दोमहाङ जुत्ता लावति बइनु। 23अनि द्युनो पसु वान्ति सात्नु र खाङ्ति नि जुदाइ भोस जेःति रमाइलो जाह्ङ्नि। 24धइतिदाह्य्सा ङाको इ चोः सिओ खेतो देङे स्याक्ति दाहा, अनि इ मिह्ओ खेतो तर देङे ङाःया!’ अनि ओउमय जुदाले आसति भोस जेःलाङ फाःङाकानि।
25 ओउबेलाहाङ ओउको जेथा चोःखे खेतहाङ काम जाह्ङ्तिमुओ खेतो। जब ओउ जेथा चोः किम द्याङ्तो दाहा, ओउइ लयको किमहाङ मान्तालम झिङ ताय्क्ति, बाङसुरि म्हुत्ति स्याह्तिमुओ सायाकान। 26अनि ओउइ नोकरलम मध्येको यातचाककाय गोत्ति ह्वताकान, ‘इहाङ दोह स्याउधय मुना?’
27 ओउ नोकरइ तोआथय, ‘नाङको हउ किम द्याह्न्ति पाह्य्तिवाङो मुना, र ओउ सेलले पेतो दाहोझ्यान्ते नाङको आपाइ निकाय द्युनो बाछो स्याः सात्ताकाताङ्सु।’
28 तर एत साइति ओउ पुखे आन रिस वाङा र किमभित्र पोक्सामा ग्याल। ओउतझ्यान्ते ओउको आपा बाहिर ग्ल्युह्ङ्ति वाङा र ओउकाय होम्ति तोआकान, ‘ङाको चोः, किमभित्र पोक्च।’
29 तर ओउइ आपाकाय जवाफ बयाकान, ‘ङाको कुरा साइसास्याउपाना! धइतिदाह्य्सा उच्युक बर्सहाङसय नोकर लेखा ङाइ नाङको सेवा जाह्ङालाङ, अनि नाङको आग्यालम ङाइ गलमा इन्कार जाह्ङ्ङल। तर ङाकायखे होयालमकुस मिलति भोस जेःसाकाय यातज्यो मेछ्याको पाथोमा बइतेचिलि। 30तर नाङको इ चोःइ नाङइ भाक लावति बयो इको भाकको जुदा धन-सम्पति बेभिचारिलमकुस वाह्ति द्योकाकान। जब ओउ चोः किम पाह्य्तिवाङा, नाङइ उच्युक ताह्ङो भोस ओउको लागि जाह्ङ्तेआकान।’
31 तर ओउको आपाइ ओउकाय तोआथय, ‘ङाको चोः, नाङपाय सधयभरि ङाकुसले मुतेना, र ङाकुस मुओ जुदा सम्पति नाङकोले खेना। 32तर नि आन चोङाइति भोस जाह्ङ्सा परओ खेतो। धइतिदाह्य्सा इ नाङको हउ सिओ खेतो तर देङे स्याका, इ मिह्ओ खेतो तर देङे ङाःया!’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.