लुका 18
18
राङ्गि मोम्चो र न्यायधिसको ल्हाकराय
1ओहाङसयको येसुइ लयको चेलालमकाय निरास स्याउमात सधय प्राथना जाह्ङ्सा परना त दाह्य्ति चिःताक्साकाय यातज्यो ल्हाकराय तोसास्यावा, 2“कुनय यातज्यो सहरहाङ यातचाक न्यायधिस खेतो। ओउ परमेस्वरकुसमा रयाक्ल र मान्तालमकायमा लायाकुलु। 3ओउ सहरहाङ यातचाक राङ्गि मोम्चोमा खेतो। ओउइ दिनमले न्यायधिसकहाङ आल्ति तोउतो, ‘ङाको बइरिको ङ्हा ङाकाय न्याय जाह्ङ्ति बइचि।’ 4गच्युक दिनसम्म ओउ न्यायधिसइ राङ्गि मोम्चोको कुराले सायुलु। तर लोन्हे ओउइ लयकाय तोआकास, ‘खेसापाय ङा परमेस्वरकुसमा रइङल र मान्तालमकायमा लाइङल, 5तर इ राङ्गि मोम्चोइ ङाकाय आन दुख बयाताङ। ओउतझ्यान्ते ङाइ ओउकाय न्याय जाह्ङ्ति बइनाङ, नत्र ओउइ वाङ्ति ङाकाय ल्हुङरु बइनाताङ र साउसितोले जाह्ङ्नाताङ।’”
6अनि प्रभु येसुइ तोसास्यावा, “खेसापाय ओउ न्यायधिस धर्मि मान्ता खेआक्ल, ओउइ दाह्यो कुराकाय निङइ घिःति सोचनु। 7यदि इ अधर्मि न्यायधिसइ न्याय जाह्ङ्ति बइनउ त खेया, दिनमा याह्दिङमा प्राथना जाह्ङो लयको मान्तालमकाय निको परमेस्वरइ दोङ्सिले न्याय जाह्ङ्ति बइसास्याउना। दोह परमेस्वरइ लयको मान्तालमकाय सहयोग जाह्ङ्मात मुसास्याउना र? खेल, परमेस्वरइ ओउत हाइसास्याउल। 8ङाइ निङकाय तोनेनाङ्स, परमेस्वरइ लयको मान्तालमकाय रेह्न्तोले न्याय जाह्ङ्ति बइसास्याउना। तर जब ङा मान्ताको चोः लाङकासय द्याह्न्ति वाङ्नाङ, दोह ङाइ इ ल्हाउदयबाङहाङ मुओ मान्तालमइ परमेस्वरकाय बिस्वास जाह्ङो ङाइचाङ र?”
फरिसि र तिरो लेःओ मान्ताको ल्हाकराय
9लयकायखे धर्मि मःन्ति अरुकायखे मइतो ताःओ मान्तालमकाय येसुइ यातज्यो ल्हाकराय तोसास्यावा, 10“निसचाक मान्ता परमेस्वरको मन्दिरताङ प्राथना जाह्ङ्लाङ आलाकाच। यातचाकखे फरिसि खेतो र अर्कोखे तिरो लेःओ मान्ता खेतो। 11फरिसि चिङा र लयको बारेहाङ परमेस्वरकुसि एतदाह्य्ति प्राथना जाह्ङाकान, ‘परमेस्वर, ङाइ नाङकाय धन्नेबाद त तोनेनाङ, ङा अरु मान्तालम लेखा पापि खेङल। धइतिदाह्य्सा ङा अरु लेखा लोभि र बेइमानिमा खेङल। ङाइ बेभिचार जाह्ङो नाःङल र ङा ओउ तिरो लेःओ मान्ता लेखामा खेङल। 12ङा यात साताहाङ निसपल्त उपाङ मुनाङ र ङाको जुदा कमायको दसङ्स ङाइ नाङकाय बइनेनाङ।’
13 तर तिरो लेःओ मान्ताइखे लोक्तोखाले चिङ्ति लाङकाताङ त्याउति योमामात लयको छातिहाङ घान्धय तोआकान, ‘परमेस्वर, ङा पापि मान्ता खेनाङ, ङाकाय योःन्सास्याउपाना र छेमा बइसास्याउपाना!’”
14अनि येसुइ कुरा द्युम्ताक्धय एत तोसास्यावा, “ङाइ निङकाय तोनेनाङ्स, फरिसिखे खेल बरु पापि त दाह्य्ति चिःओ ओउ तिरो लेःओ मान्ताखे परमेस्वरको ङ्हा धर्मि स्याउति किम द्याह्ना। धइतिदाह्य्सा सुइ लयमयकाय ताह्ङ्तो जाह्ङ्नाइसि, परमेस्वरइ ओउमयकाय मइतो जाह्ङ्सास्याउना र सुइ लयमयकाय मइतो जाह्ङ्नाइसि, परमेस्वरइ ओउमयकाय ताह्ङ्तो जाह्ङ्सास्याउलेना।”
येसुइ मयो बालाखलमकाय आसिक बइसास्यावो
(मति १९:१३-१५; मर्कुस १०:१३-१६)
15यात दिन केहि मान्तालमइ लयको मयो बालाख चोः चोःद्याङलमकाय येसुइ लयको क्रुत झाम्ति आसिक बइसास्याउपाना त दाह्य्ति येसुकहाङ वानाकानि। तर जब येसुको चेलालमइ ओउ च्यवाकानि, ओउमयइ ओउ मान्तालमकाय थताथास। 16तर येसुइ ओउ बालाखलमकाय लयकताङ गोत्ति तोसास्यावा, “बालाखलमकाय ङाकहाङ वाङ्सा बइनु र ओउमयकाय रोकलाम, धइतिदाह्य्सा परमेस्वरको राज्यखे इ बालाखलम लेखाताह्ङो मान्तालमको लागिले खेना। 17दोङ्सिले ङाइ निङकाय तोनेनाङ्स, सुखेइ परमेस्वरको राज्यकाय मयो बालाखइ लेखा सुइकार जाह्ङुलु, ओउखे गलमा ओउभित्र पोक्सा दोःलेल।”
धनि मान्ता र परमेस्वरको राज्य
(मति १९:१६-३०; मर्कुस १०:१७-३१)
18कुनय यातचाक यहुदि धर्मगुरुइ येसुकाय ह्वताथय, “अ पेओ गुरु, अजम्बरि रुवाङ दोःसाको लागि ङाइ दोह जाह्ङ्सा परनाङ?”
19येसुइ ओउकाय तोसास्यावा, “नाङइ ङाकाय धइति पेओ त तोतेनाचि? परमेस्वरबाहेक सुमा पेओ नाःलेल। 20परमेस्वरइ मोसाकाय बयो नेम-कानुनको आग्यालमपाय नाङइ चिःतेनउ— ‘बेभिचार जाह्ङ्लाम, मान्ताकाय सात्लाम, कुःओ काम जाह्ङ्लाम, लयइ च्यवो अथबा सायो कुराको स्याताहा गभाइ बइलाम, अनि लयको आपा-आमाकाय मान जाह्ङु।’”#प्रस २०:१२-१६; बेब ५:१६-२०
21ओउइ जवाफ बयाकान, “इ जुदा आग्यालमपाय ङाइ मयोहाङसयले पालन जाह्ङ्धय वाङो मुनाङ।”
22जब येसुइ इ कुरा सायाकान, येसुइ ओउकाय तोसास्यावा, “नाङइ अझले यातज्याङ काम जाह्ङ्सा बाकि मुना। नाङकुस मुओ जुदा थोकलम विःन्ति गरिबलमकाय वेःति बयु, र नाङइ लाङकाहाङ धन दोःतेना अनि नाङ ङाको लोन्हे गुह्ल्ति वाङ।” 23तर जब ओउ मान्ताइ इ कुरा सायाकान, ओउ आन निरास स्यावा, धइतिदाह्य्सा ओउ आन धनि खेतो र ओउ लयको धन-सम्पति अरुकाय बइसा चाहआक्ल।
24येसुइ ओउकाय योआकान र निरास स्यावो च्यउति ओउकाय तोसास्यावा, “धनि मान्ताकाय परमेस्वरको राज्यको मान्ता स्याउसा गच्युक दुक्तो स्याउना! 25धनि मान्ताकाय परमेस्वरको राज्यको मान्ता स्याउसा भन्दापाय बरु उतकाय ग्यापको घाङहाङ पोक्सा सजिलो स्याउलेना।”
26इ कुरा सायो मान्तालमइ येसुकाय ह्वताकानि, “ओउतखेया सुइखे मुक्ति दोःसा खाइना त?”
27अनि येसुइ जवाफ बइसास्यावा, “दोह कुरा जाह्ङ्साकाय मान्तालमको लागि असम्भब स्याउना, ओउ कुरा जाह्ङ्साकाय परमेस्वरको लागि सम्भब स्याउलेना।”
28अनि पत्रुस दाह्या, “योसास्याउपाना, नाङको चेला स्याउसाको लागि निइ जुदा थोक फेति नाङको लोन्हे गुह्ल्ति वाहालाङ्सु।”
29अनि येसुइ ओउमयकाय तोसास्यावा, “दोङ्सिले ङाइ निङकाय तोनेनाङ्स, परमेस्वरको राज्यको मान्ता स्याउसाको लागि लयको किम, माचा, हउचोङ-पुःचोङ, आपा-आमा अथबा चोः चोःद्याङलमकाय फेओलमकाय, 30परमेस्वरइ इ ल्हाउदयबाङहाङ देङे मुतोकहाङले आन नाःतो थोकलम बइसास्याउना, अनि वाङ्साखेओ समयहाङ लाङकाहाङखे अजम्बरि रुवाङमा दोःलेना।”
येसुइ लयको सिमयको बारेहाङ सुमम् पल्त तोसास्यावो
(मति २०:१७-१९; मर्कुस १०:३२-३४)
31येसुइ बाह्र जना मुख्य चेलालमकाय यातताङ आःल्ति तोसास्यावा, “घिःति साइनु, नि त्याःव यरुसलेमताङ आल्धय मुनातहि र अगमबक्तालमइ ङा मान्ताको चोःको बारेहाङ लेखओ जुदा कुरालम द्याह ओहाङ पुत्लेना। 32धइतिदाह्य्सा यरुसलेमहाङ केहि मान्तालमइ ङाकाय चुम्ति अरु जातिको मान्तालमको क्रुतहाङ ल्हानाताङ्स र ओउमयइ ङाकाय थ्याउनाताङ्स, बेइजत जाह्ङ्नाताङ्स, र द्युःर्नाताङ्स। 33ओउमयइ ङाकाय कोर्राइ स्राप्नाताङ्स अनि सात्नाताङ्स। तर सुम दिनहाङखे ङा फेरि सिओसय उह्ति च्योक्लेनाङ।”
34तर येसुको चेलालमइ येसुइ तोसास्यावो दोह कुरामा चिःसा खाइनिलि। ओउ कुराको मानेखे परमेस्वरइ ओउमयकाय चिःताक्मातो गोप्पेहाङ नुस्तिगमो खेतो, ओउतझ्यान्ते येसुइ दोह कुराको बारेहाङ नोःसास्यावो त दाह्य्ति ओउमयइ चिःसा खाइनिलि।
येसुइ यातचाक मिक च्यउमालो तेरेउ मान्ताकाय च्यउताक्सास्यावो
(मति २०:२९-३४; मर्कुस १०:४६-५२)
35येसु यरिहो सहर द्याङ्तो दाह्सास्यावा, र यातचाक मिक च्यउमालो मान्ता ल्यामको छेउहाङ च्युःङ्ति थेपो र जेःगा-तुङ्गा तेधयमुओ खेतो। 36जब ओउइ नाःतो मान्तालमको हुल आल्धयमुओ कुरा चिःआकान, अनि ओउइ मान्तालमकाय ह्वताकान, “इहाङ दोह स्याउधय मुना?”
37केहि मान्तालमइ ओउकाय तोआकानि, “नासरतको येसु इहाङसयले आल्सास्याउधय मुना।”
38ओउत साइति ओउ मिक च्यउमालो मान्ताइ हिह्ति तोआकान, “अ येसु, नाङ राजा दाउदको सन्तान, ङाकाय योःन्सास्याउपाना।”
39येसुको ङ्हा वाहोलमइ ओउकाय ङइमात मुअ त दाह्य्ति थताथय। तर ओउइ झन् जोक्तो हिह्ति गोःआकान, “अ राजा दाउदको सन्तान, ङाकाय योःन्सास्याउपाना।”
40जब येसुइ ओउको हाउनय साइसास्यावा, अनि न्यासाक्तिको ओउ मिक च्यउमालो मान्ताकाय ङाकताङ वान्न त दाह्य्ति मान्तालमकाय तोसास्यावा। ओउ मिक च्यउमालो मान्ता द्याङ्तो दाहापछि येसुइ ओउकाय ह्वत्सास्यावा, 41“नाङको लागि ङाइ दोह जाह्ङ्ति बयो नाङ चाहतेना?”
ओउ त्याङा, “अ प्रभु, ङाइ फेरि मिक च्यउसा दोःपाङ!”
42येसुइ ओउकाय तोसास्यावा, “नाङइ च्यउतो स्याउतेपा। नाङको बिस्वासइ नाङकाय स्याक्ताक्तेआ।”
43अनि रेह्न्तोले ओउइ मिक च्यवाकान, र परमेस्वरको प्रसङ्सा जाह्ङ्धय येसुको लोन्हे गुह्ल्ति वाहा। जब मान्तालमइ ओउ कुरा च्यवाकानि, ओउमयइमा परमेस्वरको प्रसङ्सा जाह्ङाकानि।
Currently Selected:
लुका 18: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 18
18
राङ्गि मोम्चो र न्यायधिसको ल्हाकराय
1ओहाङसयको येसुइ लयको चेलालमकाय निरास स्याउमात सधय प्राथना जाह्ङ्सा परना त दाह्य्ति चिःताक्साकाय यातज्यो ल्हाकराय तोसास्यावा, 2“कुनय यातज्यो सहरहाङ यातचाक न्यायधिस खेतो। ओउ परमेस्वरकुसमा रयाक्ल र मान्तालमकायमा लायाकुलु। 3ओउ सहरहाङ यातचाक राङ्गि मोम्चोमा खेतो। ओउइ दिनमले न्यायधिसकहाङ आल्ति तोउतो, ‘ङाको बइरिको ङ्हा ङाकाय न्याय जाह्ङ्ति बइचि।’ 4गच्युक दिनसम्म ओउ न्यायधिसइ राङ्गि मोम्चोको कुराले सायुलु। तर लोन्हे ओउइ लयकाय तोआकास, ‘खेसापाय ङा परमेस्वरकुसमा रइङल र मान्तालमकायमा लाइङल, 5तर इ राङ्गि मोम्चोइ ङाकाय आन दुख बयाताङ। ओउतझ्यान्ते ङाइ ओउकाय न्याय जाह्ङ्ति बइनाङ, नत्र ओउइ वाङ्ति ङाकाय ल्हुङरु बइनाताङ र साउसितोले जाह्ङ्नाताङ।’”
6अनि प्रभु येसुइ तोसास्यावा, “खेसापाय ओउ न्यायधिस धर्मि मान्ता खेआक्ल, ओउइ दाह्यो कुराकाय निङइ घिःति सोचनु। 7यदि इ अधर्मि न्यायधिसइ न्याय जाह्ङ्ति बइनउ त खेया, दिनमा याह्दिङमा प्राथना जाह्ङो लयको मान्तालमकाय निको परमेस्वरइ दोङ्सिले न्याय जाह्ङ्ति बइसास्याउना। दोह परमेस्वरइ लयको मान्तालमकाय सहयोग जाह्ङ्मात मुसास्याउना र? खेल, परमेस्वरइ ओउत हाइसास्याउल। 8ङाइ निङकाय तोनेनाङ्स, परमेस्वरइ लयको मान्तालमकाय रेह्न्तोले न्याय जाह्ङ्ति बइसास्याउना। तर जब ङा मान्ताको चोः लाङकासय द्याह्न्ति वाङ्नाङ, दोह ङाइ इ ल्हाउदयबाङहाङ मुओ मान्तालमइ परमेस्वरकाय बिस्वास जाह्ङो ङाइचाङ र?”
फरिसि र तिरो लेःओ मान्ताको ल्हाकराय
9लयकायखे धर्मि मःन्ति अरुकायखे मइतो ताःओ मान्तालमकाय येसुइ यातज्यो ल्हाकराय तोसास्यावा, 10“निसचाक मान्ता परमेस्वरको मन्दिरताङ प्राथना जाह्ङ्लाङ आलाकाच। यातचाकखे फरिसि खेतो र अर्कोखे तिरो लेःओ मान्ता खेतो। 11फरिसि चिङा र लयको बारेहाङ परमेस्वरकुसि एतदाह्य्ति प्राथना जाह्ङाकान, ‘परमेस्वर, ङाइ नाङकाय धन्नेबाद त तोनेनाङ, ङा अरु मान्तालम लेखा पापि खेङल। धइतिदाह्य्सा ङा अरु लेखा लोभि र बेइमानिमा खेङल। ङाइ बेभिचार जाह्ङो नाःङल र ङा ओउ तिरो लेःओ मान्ता लेखामा खेङल। 12ङा यात साताहाङ निसपल्त उपाङ मुनाङ र ङाको जुदा कमायको दसङ्स ङाइ नाङकाय बइनेनाङ।’
13 तर तिरो लेःओ मान्ताइखे लोक्तोखाले चिङ्ति लाङकाताङ त्याउति योमामात लयको छातिहाङ घान्धय तोआकान, ‘परमेस्वर, ङा पापि मान्ता खेनाङ, ङाकाय योःन्सास्याउपाना र छेमा बइसास्याउपाना!’”
14अनि येसुइ कुरा द्युम्ताक्धय एत तोसास्यावा, “ङाइ निङकाय तोनेनाङ्स, फरिसिखे खेल बरु पापि त दाह्य्ति चिःओ ओउ तिरो लेःओ मान्ताखे परमेस्वरको ङ्हा धर्मि स्याउति किम द्याह्ना। धइतिदाह्य्सा सुइ लयमयकाय ताह्ङ्तो जाह्ङ्नाइसि, परमेस्वरइ ओउमयकाय मइतो जाह्ङ्सास्याउना र सुइ लयमयकाय मइतो जाह्ङ्नाइसि, परमेस्वरइ ओउमयकाय ताह्ङ्तो जाह्ङ्सास्याउलेना।”
येसुइ मयो बालाखलमकाय आसिक बइसास्यावो
(मति १९:१३-१५; मर्कुस १०:१३-१६)
15यात दिन केहि मान्तालमइ लयको मयो बालाख चोः चोःद्याङलमकाय येसुइ लयको क्रुत झाम्ति आसिक बइसास्याउपाना त दाह्य्ति येसुकहाङ वानाकानि। तर जब येसुको चेलालमइ ओउ च्यवाकानि, ओउमयइ ओउ मान्तालमकाय थताथास। 16तर येसुइ ओउ बालाखलमकाय लयकताङ गोत्ति तोसास्यावा, “बालाखलमकाय ङाकहाङ वाङ्सा बइनु र ओउमयकाय रोकलाम, धइतिदाह्य्सा परमेस्वरको राज्यखे इ बालाखलम लेखाताह्ङो मान्तालमको लागिले खेना। 17दोङ्सिले ङाइ निङकाय तोनेनाङ्स, सुखेइ परमेस्वरको राज्यकाय मयो बालाखइ लेखा सुइकार जाह्ङुलु, ओउखे गलमा ओउभित्र पोक्सा दोःलेल।”
धनि मान्ता र परमेस्वरको राज्य
(मति १९:१६-३०; मर्कुस १०:१७-३१)
18कुनय यातचाक यहुदि धर्मगुरुइ येसुकाय ह्वताथय, “अ पेओ गुरु, अजम्बरि रुवाङ दोःसाको लागि ङाइ दोह जाह्ङ्सा परनाङ?”
19येसुइ ओउकाय तोसास्यावा, “नाङइ ङाकाय धइति पेओ त तोतेनाचि? परमेस्वरबाहेक सुमा पेओ नाःलेल। 20परमेस्वरइ मोसाकाय बयो नेम-कानुनको आग्यालमपाय नाङइ चिःतेनउ— ‘बेभिचार जाह्ङ्लाम, मान्ताकाय सात्लाम, कुःओ काम जाह्ङ्लाम, लयइ च्यवो अथबा सायो कुराको स्याताहा गभाइ बइलाम, अनि लयको आपा-आमाकाय मान जाह्ङु।’”#प्रस २०:१२-१६; बेब ५:१६-२०
21ओउइ जवाफ बयाकान, “इ जुदा आग्यालमपाय ङाइ मयोहाङसयले पालन जाह्ङ्धय वाङो मुनाङ।”
22जब येसुइ इ कुरा सायाकान, येसुइ ओउकाय तोसास्यावा, “नाङइ अझले यातज्याङ काम जाह्ङ्सा बाकि मुना। नाङकुस मुओ जुदा थोकलम विःन्ति गरिबलमकाय वेःति बयु, र नाङइ लाङकाहाङ धन दोःतेना अनि नाङ ङाको लोन्हे गुह्ल्ति वाङ।” 23तर जब ओउ मान्ताइ इ कुरा सायाकान, ओउ आन निरास स्यावा, धइतिदाह्य्सा ओउ आन धनि खेतो र ओउ लयको धन-सम्पति अरुकाय बइसा चाहआक्ल।
24येसुइ ओउकाय योआकान र निरास स्यावो च्यउति ओउकाय तोसास्यावा, “धनि मान्ताकाय परमेस्वरको राज्यको मान्ता स्याउसा गच्युक दुक्तो स्याउना! 25धनि मान्ताकाय परमेस्वरको राज्यको मान्ता स्याउसा भन्दापाय बरु उतकाय ग्यापको घाङहाङ पोक्सा सजिलो स्याउलेना।”
26इ कुरा सायो मान्तालमइ येसुकाय ह्वताकानि, “ओउतखेया सुइखे मुक्ति दोःसा खाइना त?”
27अनि येसुइ जवाफ बइसास्यावा, “दोह कुरा जाह्ङ्साकाय मान्तालमको लागि असम्भब स्याउना, ओउ कुरा जाह्ङ्साकाय परमेस्वरको लागि सम्भब स्याउलेना।”
28अनि पत्रुस दाह्या, “योसास्याउपाना, नाङको चेला स्याउसाको लागि निइ जुदा थोक फेति नाङको लोन्हे गुह्ल्ति वाहालाङ्सु।”
29अनि येसुइ ओउमयकाय तोसास्यावा, “दोङ्सिले ङाइ निङकाय तोनेनाङ्स, परमेस्वरको राज्यको मान्ता स्याउसाको लागि लयको किम, माचा, हउचोङ-पुःचोङ, आपा-आमा अथबा चोः चोःद्याङलमकाय फेओलमकाय, 30परमेस्वरइ इ ल्हाउदयबाङहाङ देङे मुतोकहाङले आन नाःतो थोकलम बइसास्याउना, अनि वाङ्साखेओ समयहाङ लाङकाहाङखे अजम्बरि रुवाङमा दोःलेना।”
येसुइ लयको सिमयको बारेहाङ सुमम् पल्त तोसास्यावो
(मति २०:१७-१९; मर्कुस १०:३२-३४)
31येसुइ बाह्र जना मुख्य चेलालमकाय यातताङ आःल्ति तोसास्यावा, “घिःति साइनु, नि त्याःव यरुसलेमताङ आल्धय मुनातहि र अगमबक्तालमइ ङा मान्ताको चोःको बारेहाङ लेखओ जुदा कुरालम द्याह ओहाङ पुत्लेना। 32धइतिदाह्य्सा यरुसलेमहाङ केहि मान्तालमइ ङाकाय चुम्ति अरु जातिको मान्तालमको क्रुतहाङ ल्हानाताङ्स र ओउमयइ ङाकाय थ्याउनाताङ्स, बेइजत जाह्ङ्नाताङ्स, र द्युःर्नाताङ्स। 33ओउमयइ ङाकाय कोर्राइ स्राप्नाताङ्स अनि सात्नाताङ्स। तर सुम दिनहाङखे ङा फेरि सिओसय उह्ति च्योक्लेनाङ।”
34तर येसुको चेलालमइ येसुइ तोसास्यावो दोह कुरामा चिःसा खाइनिलि। ओउ कुराको मानेखे परमेस्वरइ ओउमयकाय चिःताक्मातो गोप्पेहाङ नुस्तिगमो खेतो, ओउतझ्यान्ते येसुइ दोह कुराको बारेहाङ नोःसास्यावो त दाह्य्ति ओउमयइ चिःसा खाइनिलि।
येसुइ यातचाक मिक च्यउमालो तेरेउ मान्ताकाय च्यउताक्सास्यावो
(मति २०:२९-३४; मर्कुस १०:४६-५२)
35येसु यरिहो सहर द्याङ्तो दाह्सास्यावा, र यातचाक मिक च्यउमालो मान्ता ल्यामको छेउहाङ च्युःङ्ति थेपो र जेःगा-तुङ्गा तेधयमुओ खेतो। 36जब ओउइ नाःतो मान्तालमको हुल आल्धयमुओ कुरा चिःआकान, अनि ओउइ मान्तालमकाय ह्वताकान, “इहाङ दोह स्याउधय मुना?”
37केहि मान्तालमइ ओउकाय तोआकानि, “नासरतको येसु इहाङसयले आल्सास्याउधय मुना।”
38ओउत साइति ओउ मिक च्यउमालो मान्ताइ हिह्ति तोआकान, “अ येसु, नाङ राजा दाउदको सन्तान, ङाकाय योःन्सास्याउपाना।”
39येसुको ङ्हा वाहोलमइ ओउकाय ङइमात मुअ त दाह्य्ति थताथय। तर ओउइ झन् जोक्तो हिह्ति गोःआकान, “अ राजा दाउदको सन्तान, ङाकाय योःन्सास्याउपाना।”
40जब येसुइ ओउको हाउनय साइसास्यावा, अनि न्यासाक्तिको ओउ मिक च्यउमालो मान्ताकाय ङाकताङ वान्न त दाह्य्ति मान्तालमकाय तोसास्यावा। ओउ मिक च्यउमालो मान्ता द्याङ्तो दाहापछि येसुइ ओउकाय ह्वत्सास्यावा, 41“नाङको लागि ङाइ दोह जाह्ङ्ति बयो नाङ चाहतेना?”
ओउ त्याङा, “अ प्रभु, ङाइ फेरि मिक च्यउसा दोःपाङ!”
42येसुइ ओउकाय तोसास्यावा, “नाङइ च्यउतो स्याउतेपा। नाङको बिस्वासइ नाङकाय स्याक्ताक्तेआ।”
43अनि रेह्न्तोले ओउइ मिक च्यवाकान, र परमेस्वरको प्रसङ्सा जाह्ङ्धय येसुको लोन्हे गुह्ल्ति वाहा। जब मान्तालमइ ओउ कुरा च्यवाकानि, ओउमयइमा परमेस्वरको प्रसङ्सा जाह्ङाकानि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.