लुका 2
2
येसु नाःसास्यावो
(मति १:१८-२५)
(मति १:१८-२५)
1ओउबेलाहाङ रोमि सरकारइ सासन जाह्ङो देसलमको जुदा मान्तालम थेङ्साको लागि रोम देसको माहाराजा अगस्तसइ ल-लयको मय्ङ लेखाउपानि त दाह्य्ति हुकुम जाह्ङाकान।#२:१ रोम देसको मान्तालमइ रोमि सरकारकाय तिरो बइपानानि त दाह्य्ति रोमको राजा म्हर्तो। ओउतझ्यान्ते जुदा मान्तालमइ ल-लयको मय्ङ लेखाउपानि त दाह्य्ति रोमि राजाइ हुकुम जाह्ङो खेना। 2एतहाइति मय्ङ लेखति थेङसाकाय ङ्हापाय गलमा हुकुम जाह्ङो नाःआक्ल, ओउबेलाहाङ सिरिया इलाकाको ताह्ङो हाकिमिखे कुरेनियस खेतो। 3माहाराजाइ हुकुम जाह्ङापछि जुदा मान्तालम ल-लयको पुर्खाको गाउ र सहरताङ मय्ङ लेखाउताक्लाङ पाह्याकाय।
4ओउबेलाहाङ योसेफखे गालिलको नासरत त तोओ मयो सहरहाङ याक्तो। तर योसेफको गाउखे लयको पुर्खा राजा दाउद नाःओ थाउ यहुदियाको बेथलेहेमहाङ खेतो, धइतिदाह्य्सा ओउ राजा दाउदको सन्तान खेतो। ओउतझ्यान्ते ओउ लयको मय्ङ लेखाउताक्लाङ बेथलेहेमताङ आला। 5योसेफइ मरियमकाय ङ्हाले पोङ न्यासो खेतो, ओउतझ्यान्ते योसेफइ मरियमकायमा लयकुस ब्रकले मय्ङ लेखाउताक्लाङ आःलाकान। ओउबेलाहाङ मरियम चोःतुक खेतो। 6ओउनिस बेथलेहेम गाउहाङ मुओबेलाहाङले मरियम चोः नाःसा लागआ। 7मरियमइ लयको जेथा चोः नाःआकान र नायइ पोतोल्ति दोनहाङ इसाकान। धइतिदाह्य्सा ओउनिस पय्क्चा मुसाकाय गाहाङमा किम दोःचल।
गोथालोलम र लाङकादुतलम
8बेथलेहेम गाउ द्याङ्तो यातज्यो चवरहाङ गोथालोलम भेदालमको बथान ल्युह्ङ्ति याह्दिङभरि मुओ खेइतो। 9प्रभुको लाङकादुत ओउमयको ङ्हा थाआ र प्रभुको थोङो ओउमयको वरिपरि अङ्गथङ्ग त थोङा। ओउ च्यउति गोथालोलम ल्हुङ रिह्ङ्तोले रयाकाय। 10तर लाङकादुतइ ओउमयकाय तोआथास, “रइलाम! धइतिदाह्य्सा ङा जुदा मान्तालमकाय ल्हुङ धोमाइताको परमेस्वरको पेओ खबर लात्ति निङको ङ्हा वाङ्ति मुनाङ। 11तेन राजा दाउदको सहरहाङ निङको लागि मुक्तिदाता ख्रिस्त राजा नाःसास्यावो मुना। ओउले ख्रिस्त प्रभु खेसास्याउना। 12ओउकाय तह्य्साको लागि निङकाय इ चिनो स्याउना, निङइ बालाखकाय नायइ पोतोल्ति दोनहाङ गमो क्रुस्तेनानि।”
13अचानक ओहाङ अरु नाःतो लाङकादुतलम थाआकाय, ओहाङसयको परमेस्वरको प्रसङ्सा जाह्ङ्धय गित मेसा लागआकाय—
14“जुदासय त्याःव लाङकाहाङ याक्सास्यावो परमेस्वरको महिमा स्याउपाना,
अनि ल्हाउदयबाङहाङ सु मान्तालमकुस परमेस्वर म्रोसा स्याउना ओउमयखे ल्हुङ धोमाइतो स्याउपनय।”
15लाङकादुतलम लाङकाताङ द्याह्नापछि गोथालोलम लयमय नोःकायाकाय, “लउ, प्रभु परमेस्वरइ निकाय तोसास्यावो कुरा बेथलेहेमहाङ योलाङ आलि।”
16ओहाङसयको ओउमय तन्ति आलाकाय। ओहाङ ओउमयइ मरियम, योसेफ र दोनहाङ इस्तिगमो बालाखकाय च्यवाकानि। 17जब गोथालोलमइ बालाख येसुकाय च्यवाकानि, ओउमयइ बालाख चोःको बारेहाङ लाङकादुतइ तोओ कुरा जुदाकाय ल्हाक्ति छ्यानाकानि। 18ओउ कुरा सायोजति जुदाले ग्याह्ङाकाय। 19तर मरियमइखे ओउ जुदा कुरा घिःति सायाक्तिको ल्हुङहाङले सेति गमाकान। 20लाङकादुतइ तोओलेखाले जुदा कुरा साइसा र च्यउसा दोःओझ्यान्ते गोथालोलम परमेस्वरको महिमा र प्रसङ्सा जाह्ङ्धय द्याह्नाकाय।
बालाख येसुको नउरान
21आथम् दिनहाङ, बालाखकाय इस्राएलि नेम-कानुन अनुसार खतना जाह्ङ्धार्ना, बालाखको मय्ङ येसु त गमाकानि, ओउ मय्ङ्खे येसु आमाको तुकहाङ वाङ्सा ङ्हासयले लाङकादुतइ बयो खेतो।
येसुकाय परमेस्वरको मन्दिरहाङ सुम्पओ
22परमेस्वरइ मोसा दुवारा बइसास्यावो नेम-कानुनको आग्या अनुसार, जब चोः नाःआक्तिको आमाकाय चोख्याउसा बेला दाहा, योसेफ र मरियमइ येसुकाय यरुसलेमहाङ, परमेस्वरकहाङ सुम्पलाङ परमेस्वरको मन्दिरहाङ वानाकाचु।#२:२२ यहुदि मोम्चोइ चोः नाःआपछि, ओउ मोम्चो आमा असुद्ध स्यावो बिचार जाह्ङ्नितो र ओउ मोम्चो चालिस दिनसम्म किमहाङले मुसा परतो। ओहाङसयको मात्र ओउ मोम्चो परमेस्वरइ मोसा दुवारा बइसास्यावो नेम-कानुन अनुसार भोक बइलाङ मन्दिर आल्सा परतो। 23धइतिदाह्य्सा प्रभु परमेस्वरइ बयो नेम-कानुनहाङ लेखओ मुना, “सुको खेयामा ङ्हाको जेथा चोःखे परमेस्वरको लागि पबित्र स्याउसा परना।”#प्रस १३:२,१२,१५ 24ओहाङसयको प्रभु परमेस्वरको नेम-कानुनइ तोओलेखाले “धुकुर अथबा परेवाःको यात जोर चोः वाः मा भोक बइसा परतो।”#लेबि १२:८
25ओउबेलाहाङ सिमियोन त तोओ मान्ता यरुसलेमहाङ याक्तो। ओउपाय परमेस्वरकाय ङ्हामो धर्मि मान्ता खेतो र ओउइ परमेस्वरको भक्ति जाह्ङुतो। ओउइपाय इस्राएलिलमकाय छुत्कारा बइसाखेओ ख्रिस्तको ल्याम योतिमुओ खेतो। र पबित्र ग्वालाम ओउकुस मुसास्याउतो। 26“प्रभु परमेस्वरइ ल्होक्साखेओ मुक्तिदाता ख्रिस्तकाय च्यउमातो नाङ सितेल” त दाह्य्ति पबित्र ग्वालामइ ओउकाय चिःताक्सास्यावो खेतो। 27पबित्र ग्वालामइ सिमियोनकाय परमेस्वरको मन्दिरहाङ आःलाथय। ओउबेलाहाङले नेम-कानुन पुत्ताक्सा मरियम र योसेफमा बालाख येसुकाय लात्ति मन्दिरहाङ दाहाकाच। 28सिमियोनइ बालाखकाय लयको खोसहाङ त्याकाकान र परमेस्वरको प्रसङ्सा जाह्ङ्धय तोआकान—
29“अ जिःङकालि प्रभु, नाङइ लयइ बाचा जाह्ङोलेखाले,
द्याह नाङइ लयको नोकरकाय ओजाय त सिताक्सा बइचि।
30धइतिदाह्य्सा ङाइ लयको मिकइले नाङइ ल्होक्सास्यावो मुक्तिदाता च्यउसा दोःआलाङ।
31नाङइ ओउकाय जुदा जातिलमइ च्यउपानानि त दाह्य्ति ल्होक्सास्यावो खेना,
32ओउखे अरु जातिको मान्तालमकाय नाङको ल्याम छ्यानो थोङो ज्योति खेना,
र ओउइले नाङको इस्राएलिलमको महिमा जाह्ङ्ताक्नउ।”
33बालाखको बारेहाङ सिमियोनइ तोओ कुरा साइति येसुको आमा र आपा ग्याह्ङाकाच। 34सिमियोनइ ओउमयकाय आसिक बइति, बालाखको आमा मरियमकाय तोआथय, “इस्राएलहाङ नाःतो मान्तालम स्याक्पय र म्हेत्पय त दाह्य्ति परमेस्वरइ नाङको बालाखकाय छ्युह्ङ्सास्यावो मुना। ओउखे परमेस्वरइ छ्यान्सास्यावो चिनो खेना, तर ओउकाय नाःतो मान्तालमइ बिरोत जाह्ङ्नानि, 35र ओउत स्याउधार्ना ओउमयको ल्हुङतुकहाङ मुओ छ्यान्सा स्याउमालो कुरालम थालाङ वाङ्ना। अनि नाङको ल्हुङतुकखे ह्वाःनो नाःसुइइ च्युहोलेखा दुख दोःतो स्याउतेना।”
36मन्दिरहाङ आसेरको बङ्सको फनुएलको यातचाक हन्ना त मय्ङ्ओ अगमबादिनि चोःद्याङ खेतो। ओउ आन बुधि स्यावो खेतो, र बिह्या जाह्ङोको सात बर्सहाङले ओउको पाचा सिओ खेतो।
37अनि ओउ मोम्चो चउरासि बर्ससम्मले राङ्गि स्याउतिमुओ खेतो। ओउइ गलमा मन्दिर फेयाकुलु बरु दिनमा याह्दिङमा उपाङ मुति प्राथना जाह्ङ्धय परमेस्वरकाय भक्ति जाह्ङ्ति मुतो। 38ओउबेलाहाङ ओउइमा मरियम र योसेफको द्याङ्तो वाङ्ति परमेस्वरकाय धन्नेबाद त तोआकान र यरुसलेमकाय छुत्कारा जाह्ङ्सास्यावोको ल्याम योतिमुओ जुदाकाय बालख येसुको बारेहाङ ल्हाक्ति छ्यानाकान।
नासरतताङ द्याह्नो
39प्रभु परमेस्वरको नेम-कानुनइ तोओ जुदा काम जाह्ङ्ति द्योकाक्तिको बालाख येसुकाय लात्ति योसेफ र मरियम गालिल छेत्रको नासरत त तोओ लयको मयो सहरताङ द्याह्नाकाच। 40बालाख येसु ज्यानहाङमा ताह्ङ्ति बल्यो स्याउति वाङा। येसुकुस बुद्दिमा नाःतो खेतो, र परमेस्वरको आसिकमा ओउकुसि खेतो।
बालाख येसु परमेस्वरको मन्दिरहाङ
41येसुको आमा-आपा बर्सयपिछि छुत्काराको छ्यात मानलाङ यरुसलेमहाङ आल्चतो। 42येसु बाह्र बर्स#२:४२ बाह्र बर्स जब यहुदि गोय्चो चोः बाह्र बर्सको स्याउतो, ओउकाय मयो गोय्चो चोःको रुपहाङ योआक्निलि। ओउकाय अरु जवान गोय्चोलमको रुपहाङ चिःनितो। स्याउतोक बेलाहाङ ओउनिस येसुकायमा ब्रकले लात्ति सादाको लेखाले छ्यात मानलाङ आलाकाच। 43छ्यात मानति द्योकापछि ओउनिस किम पाह्य्ति वाङाकाच, तर येसुखे यरुसलेमहाङले मुआ। ओउ कुराखे आमा-आपानिसइ चिःचुलु। 44येसुखे ओउको अरु होयालमकुस मुना त म्हर्ति ओउनिस यात दिनभरिको ल्याम वाहाकाच। राह्म स्यावापछि लयको तह्यो मान्तालम र होयालमकुस मुना या त म्हर्ति बोःङाकाचु। 45ओउनिसइ गाहाङ बोःङ्तिमा येसुकाय ङाइचुलु, ओउतझ्यान्ते येसुकाय बोःङ्लाङ द्याह्न्ति यरुसलेमताङ आलाकाच। 46बोःङ्दा-बोःङ्दा सुम दिनहाङ चोःकाय परमेस्वरको मन्दिरहाङ क्रुसाकाचु, येसुपाय यहुदि धर्मगुरुलमकुस ब्रक्तले मुति ओउमयको कुरा साइधय र ह्वत्धय मुसास्यावो खेतो। 47ओउको ग्यान-बुद्दि र ओउ त्याङो च्यउति जुदाले ग्याह्ङाकाय। 48ओउतहाइति चोःकाय ओहाङ च्यउधार्ना येसुको आमा-आपामा ग्याह्ङाकाच, “गोय्चो, नाङइ निकाय धइति एत हायो? योउधाङ, नाङको आपा र ङा आन लिह्ति नाङकाय बोःङ्धयमुओ खेङचतो!” त दाह्य्ति आमाखेइ तोआथय।
49येसु त्याङसास्यावा, “निङ्जिइ ङाकाय धइति बोःङ्सास्यावो? ङा लयको आपाको किमहाङ मुसा परनाङ त दाह्यो कुरा निङ्जिइ चिःतेआक्जुलु र?” 50तर येसुइ तोओ कुरा मरियम र योसेफइ चिःसा खाइचुलु।
51ओहाङसयको येसु आमा-आपाकुस नासरत त तोओ मयो सहरताङ द्याह्न्सास्यावा, र ओउनिसको आग्या ग्याति मुसास्यावा। तर येसुको आमाइ इ जुदा कुरालमखे म्हेःमात लयको ल्हुङहाङले सेति गमाकान। 52येसुखे परमेस्वर र मान्ताको अनुग्रह दोःति, ज्यानहाङमा अनि बुद्दिहाङमा ताह्ङ्धय आल्सास्यावा।
Currently Selected:
लुका 2: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 2
2
येसु नाःसास्यावो
(मति १:१८-२५)
(मति १:१८-२५)
1ओउबेलाहाङ रोमि सरकारइ सासन जाह्ङो देसलमको जुदा मान्तालम थेङ्साको लागि रोम देसको माहाराजा अगस्तसइ ल-लयको मय्ङ लेखाउपानि त दाह्य्ति हुकुम जाह्ङाकान।#२:१ रोम देसको मान्तालमइ रोमि सरकारकाय तिरो बइपानानि त दाह्य्ति रोमको राजा म्हर्तो। ओउतझ्यान्ते जुदा मान्तालमइ ल-लयको मय्ङ लेखाउपानि त दाह्य्ति रोमि राजाइ हुकुम जाह्ङो खेना। 2एतहाइति मय्ङ लेखति थेङसाकाय ङ्हापाय गलमा हुकुम जाह्ङो नाःआक्ल, ओउबेलाहाङ सिरिया इलाकाको ताह्ङो हाकिमिखे कुरेनियस खेतो। 3माहाराजाइ हुकुम जाह्ङापछि जुदा मान्तालम ल-लयको पुर्खाको गाउ र सहरताङ मय्ङ लेखाउताक्लाङ पाह्याकाय।
4ओउबेलाहाङ योसेफखे गालिलको नासरत त तोओ मयो सहरहाङ याक्तो। तर योसेफको गाउखे लयको पुर्खा राजा दाउद नाःओ थाउ यहुदियाको बेथलेहेमहाङ खेतो, धइतिदाह्य्सा ओउ राजा दाउदको सन्तान खेतो। ओउतझ्यान्ते ओउ लयको मय्ङ लेखाउताक्लाङ बेथलेहेमताङ आला। 5योसेफइ मरियमकाय ङ्हाले पोङ न्यासो खेतो, ओउतझ्यान्ते योसेफइ मरियमकायमा लयकुस ब्रकले मय्ङ लेखाउताक्लाङ आःलाकान। ओउबेलाहाङ मरियम चोःतुक खेतो। 6ओउनिस बेथलेहेम गाउहाङ मुओबेलाहाङले मरियम चोः नाःसा लागआ। 7मरियमइ लयको जेथा चोः नाःआकान र नायइ पोतोल्ति दोनहाङ इसाकान। धइतिदाह्य्सा ओउनिस पय्क्चा मुसाकाय गाहाङमा किम दोःचल।
गोथालोलम र लाङकादुतलम
8बेथलेहेम गाउ द्याङ्तो यातज्यो चवरहाङ गोथालोलम भेदालमको बथान ल्युह्ङ्ति याह्दिङभरि मुओ खेइतो। 9प्रभुको लाङकादुत ओउमयको ङ्हा थाआ र प्रभुको थोङो ओउमयको वरिपरि अङ्गथङ्ग त थोङा। ओउ च्यउति गोथालोलम ल्हुङ रिह्ङ्तोले रयाकाय। 10तर लाङकादुतइ ओउमयकाय तोआथास, “रइलाम! धइतिदाह्य्सा ङा जुदा मान्तालमकाय ल्हुङ धोमाइताको परमेस्वरको पेओ खबर लात्ति निङको ङ्हा वाङ्ति मुनाङ। 11तेन राजा दाउदको सहरहाङ निङको लागि मुक्तिदाता ख्रिस्त राजा नाःसास्यावो मुना। ओउले ख्रिस्त प्रभु खेसास्याउना। 12ओउकाय तह्य्साको लागि निङकाय इ चिनो स्याउना, निङइ बालाखकाय नायइ पोतोल्ति दोनहाङ गमो क्रुस्तेनानि।”
13अचानक ओहाङ अरु नाःतो लाङकादुतलम थाआकाय, ओहाङसयको परमेस्वरको प्रसङ्सा जाह्ङ्धय गित मेसा लागआकाय—
14“जुदासय त्याःव लाङकाहाङ याक्सास्यावो परमेस्वरको महिमा स्याउपाना,
अनि ल्हाउदयबाङहाङ सु मान्तालमकुस परमेस्वर म्रोसा स्याउना ओउमयखे ल्हुङ धोमाइतो स्याउपनय।”
15लाङकादुतलम लाङकाताङ द्याह्नापछि गोथालोलम लयमय नोःकायाकाय, “लउ, प्रभु परमेस्वरइ निकाय तोसास्यावो कुरा बेथलेहेमहाङ योलाङ आलि।”
16ओहाङसयको ओउमय तन्ति आलाकाय। ओहाङ ओउमयइ मरियम, योसेफ र दोनहाङ इस्तिगमो बालाखकाय च्यवाकानि। 17जब गोथालोलमइ बालाख येसुकाय च्यवाकानि, ओउमयइ बालाख चोःको बारेहाङ लाङकादुतइ तोओ कुरा जुदाकाय ल्हाक्ति छ्यानाकानि। 18ओउ कुरा सायोजति जुदाले ग्याह्ङाकाय। 19तर मरियमइखे ओउ जुदा कुरा घिःति सायाक्तिको ल्हुङहाङले सेति गमाकान। 20लाङकादुतइ तोओलेखाले जुदा कुरा साइसा र च्यउसा दोःओझ्यान्ते गोथालोलम परमेस्वरको महिमा र प्रसङ्सा जाह्ङ्धय द्याह्नाकाय।
बालाख येसुको नउरान
21आथम् दिनहाङ, बालाखकाय इस्राएलि नेम-कानुन अनुसार खतना जाह्ङ्धार्ना, बालाखको मय्ङ येसु त गमाकानि, ओउ मय्ङ्खे येसु आमाको तुकहाङ वाङ्सा ङ्हासयले लाङकादुतइ बयो खेतो।
येसुकाय परमेस्वरको मन्दिरहाङ सुम्पओ
22परमेस्वरइ मोसा दुवारा बइसास्यावो नेम-कानुनको आग्या अनुसार, जब चोः नाःआक्तिको आमाकाय चोख्याउसा बेला दाहा, योसेफ र मरियमइ येसुकाय यरुसलेमहाङ, परमेस्वरकहाङ सुम्पलाङ परमेस्वरको मन्दिरहाङ वानाकाचु।#२:२२ यहुदि मोम्चोइ चोः नाःआपछि, ओउ मोम्चो आमा असुद्ध स्यावो बिचार जाह्ङ्नितो र ओउ मोम्चो चालिस दिनसम्म किमहाङले मुसा परतो। ओहाङसयको मात्र ओउ मोम्चो परमेस्वरइ मोसा दुवारा बइसास्यावो नेम-कानुन अनुसार भोक बइलाङ मन्दिर आल्सा परतो। 23धइतिदाह्य्सा प्रभु परमेस्वरइ बयो नेम-कानुनहाङ लेखओ मुना, “सुको खेयामा ङ्हाको जेथा चोःखे परमेस्वरको लागि पबित्र स्याउसा परना।”#प्रस १३:२,१२,१५ 24ओहाङसयको प्रभु परमेस्वरको नेम-कानुनइ तोओलेखाले “धुकुर अथबा परेवाःको यात जोर चोः वाः मा भोक बइसा परतो।”#लेबि १२:८
25ओउबेलाहाङ सिमियोन त तोओ मान्ता यरुसलेमहाङ याक्तो। ओउपाय परमेस्वरकाय ङ्हामो धर्मि मान्ता खेतो र ओउइ परमेस्वरको भक्ति जाह्ङुतो। ओउइपाय इस्राएलिलमकाय छुत्कारा बइसाखेओ ख्रिस्तको ल्याम योतिमुओ खेतो। र पबित्र ग्वालाम ओउकुस मुसास्याउतो। 26“प्रभु परमेस्वरइ ल्होक्साखेओ मुक्तिदाता ख्रिस्तकाय च्यउमातो नाङ सितेल” त दाह्य्ति पबित्र ग्वालामइ ओउकाय चिःताक्सास्यावो खेतो। 27पबित्र ग्वालामइ सिमियोनकाय परमेस्वरको मन्दिरहाङ आःलाथय। ओउबेलाहाङले नेम-कानुन पुत्ताक्सा मरियम र योसेफमा बालाख येसुकाय लात्ति मन्दिरहाङ दाहाकाच। 28सिमियोनइ बालाखकाय लयको खोसहाङ त्याकाकान र परमेस्वरको प्रसङ्सा जाह्ङ्धय तोआकान—
29“अ जिःङकालि प्रभु, नाङइ लयइ बाचा जाह्ङोलेखाले,
द्याह नाङइ लयको नोकरकाय ओजाय त सिताक्सा बइचि।
30धइतिदाह्य्सा ङाइ लयको मिकइले नाङइ ल्होक्सास्यावो मुक्तिदाता च्यउसा दोःआलाङ।
31नाङइ ओउकाय जुदा जातिलमइ च्यउपानानि त दाह्य्ति ल्होक्सास्यावो खेना,
32ओउखे अरु जातिको मान्तालमकाय नाङको ल्याम छ्यानो थोङो ज्योति खेना,
र ओउइले नाङको इस्राएलिलमको महिमा जाह्ङ्ताक्नउ।”
33बालाखको बारेहाङ सिमियोनइ तोओ कुरा साइति येसुको आमा र आपा ग्याह्ङाकाच। 34सिमियोनइ ओउमयकाय आसिक बइति, बालाखको आमा मरियमकाय तोआथय, “इस्राएलहाङ नाःतो मान्तालम स्याक्पय र म्हेत्पय त दाह्य्ति परमेस्वरइ नाङको बालाखकाय छ्युह्ङ्सास्यावो मुना। ओउखे परमेस्वरइ छ्यान्सास्यावो चिनो खेना, तर ओउकाय नाःतो मान्तालमइ बिरोत जाह्ङ्नानि, 35र ओउत स्याउधार्ना ओउमयको ल्हुङतुकहाङ मुओ छ्यान्सा स्याउमालो कुरालम थालाङ वाङ्ना। अनि नाङको ल्हुङतुकखे ह्वाःनो नाःसुइइ च्युहोलेखा दुख दोःतो स्याउतेना।”
36मन्दिरहाङ आसेरको बङ्सको फनुएलको यातचाक हन्ना त मय्ङ्ओ अगमबादिनि चोःद्याङ खेतो। ओउ आन बुधि स्यावो खेतो, र बिह्या जाह्ङोको सात बर्सहाङले ओउको पाचा सिओ खेतो।
37अनि ओउ मोम्चो चउरासि बर्ससम्मले राङ्गि स्याउतिमुओ खेतो। ओउइ गलमा मन्दिर फेयाकुलु बरु दिनमा याह्दिङमा उपाङ मुति प्राथना जाह्ङ्धय परमेस्वरकाय भक्ति जाह्ङ्ति मुतो। 38ओउबेलाहाङ ओउइमा मरियम र योसेफको द्याङ्तो वाङ्ति परमेस्वरकाय धन्नेबाद त तोआकान र यरुसलेमकाय छुत्कारा जाह्ङ्सास्यावोको ल्याम योतिमुओ जुदाकाय बालख येसुको बारेहाङ ल्हाक्ति छ्यानाकान।
नासरतताङ द्याह्नो
39प्रभु परमेस्वरको नेम-कानुनइ तोओ जुदा काम जाह्ङ्ति द्योकाक्तिको बालाख येसुकाय लात्ति योसेफ र मरियम गालिल छेत्रको नासरत त तोओ लयको मयो सहरताङ द्याह्नाकाच। 40बालाख येसु ज्यानहाङमा ताह्ङ्ति बल्यो स्याउति वाङा। येसुकुस बुद्दिमा नाःतो खेतो, र परमेस्वरको आसिकमा ओउकुसि खेतो।
बालाख येसु परमेस्वरको मन्दिरहाङ
41येसुको आमा-आपा बर्सयपिछि छुत्काराको छ्यात मानलाङ यरुसलेमहाङ आल्चतो। 42येसु बाह्र बर्स#२:४२ बाह्र बर्स जब यहुदि गोय्चो चोः बाह्र बर्सको स्याउतो, ओउकाय मयो गोय्चो चोःको रुपहाङ योआक्निलि। ओउकाय अरु जवान गोय्चोलमको रुपहाङ चिःनितो। स्याउतोक बेलाहाङ ओउनिस येसुकायमा ब्रकले लात्ति सादाको लेखाले छ्यात मानलाङ आलाकाच। 43छ्यात मानति द्योकापछि ओउनिस किम पाह्य्ति वाङाकाच, तर येसुखे यरुसलेमहाङले मुआ। ओउ कुराखे आमा-आपानिसइ चिःचुलु। 44येसुखे ओउको अरु होयालमकुस मुना त म्हर्ति ओउनिस यात दिनभरिको ल्याम वाहाकाच। राह्म स्यावापछि लयको तह्यो मान्तालम र होयालमकुस मुना या त म्हर्ति बोःङाकाचु। 45ओउनिसइ गाहाङ बोःङ्तिमा येसुकाय ङाइचुलु, ओउतझ्यान्ते येसुकाय बोःङ्लाङ द्याह्न्ति यरुसलेमताङ आलाकाच। 46बोःङ्दा-बोःङ्दा सुम दिनहाङ चोःकाय परमेस्वरको मन्दिरहाङ क्रुसाकाचु, येसुपाय यहुदि धर्मगुरुलमकुस ब्रक्तले मुति ओउमयको कुरा साइधय र ह्वत्धय मुसास्यावो खेतो। 47ओउको ग्यान-बुद्दि र ओउ त्याङो च्यउति जुदाले ग्याह्ङाकाय। 48ओउतहाइति चोःकाय ओहाङ च्यउधार्ना येसुको आमा-आपामा ग्याह्ङाकाच, “गोय्चो, नाङइ निकाय धइति एत हायो? योउधाङ, नाङको आपा र ङा आन लिह्ति नाङकाय बोःङ्धयमुओ खेङचतो!” त दाह्य्ति आमाखेइ तोआथय।
49येसु त्याङसास्यावा, “निङ्जिइ ङाकाय धइति बोःङ्सास्यावो? ङा लयको आपाको किमहाङ मुसा परनाङ त दाह्यो कुरा निङ्जिइ चिःतेआक्जुलु र?” 50तर येसुइ तोओ कुरा मरियम र योसेफइ चिःसा खाइचुलु।
51ओहाङसयको येसु आमा-आपाकुस नासरत त तोओ मयो सहरताङ द्याह्न्सास्यावा, र ओउनिसको आग्या ग्याति मुसास्यावा। तर येसुको आमाइ इ जुदा कुरालमखे म्हेःमात लयको ल्हुङहाङले सेति गमाकान। 52येसुखे परमेस्वर र मान्ताको अनुग्रह दोःति, ज्यानहाङमा अनि बुद्दिहाङमा ताह्ङ्धय आल्सास्यावा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.