लुका 23
23
येसु हाकिमि पिलातस र राजा हेरोद एन्तिपासको ङ्हा
(मति २७:१-२,११-१४; मर्कुस १५:१-५; युहन्ना १८:२८-३८)
1ओहाङसयको यहुदि सभाको जुदा सदस्यलमइ येसुकाय पिलातस त मय्ङ्ओ रोमि हाकिमिकहाङ आःलाकानि। 2ओउमयइ येसुकाय एतदाह्य्ति गाल बइसा फाःङाकानि, “इ मान्ताइ लयकाय ‘ङा मुक्ति बयो राजा ख्रिस्त खेनाङ त दाह्यो र रोम देसको माहाराजाकाय तिरो बइसा परल’ त दाह्य्ति निको देसको मान्तालमकाय भर्याउधयमुओ निइ ङाःयालाङ्सु।”
3पिलातसइ येसुकाय ह्वताथय, “दोह नाङ यहुदिलमको राजा खेतेना र?”
येसुइ तोसास्यावा, “मा, ओउपाय नाङ लयले दाह्य्धय मुतेना।”
4अनि पिलातसइ मुख्य पुजारिलम र मान्तालमको हुलकाय तोआथास, “ङाइ इ मान्ताकाय गाल बइसा दोह कारनमा च्यउङल।”
5तर ओउमयइ फेरि तोआकानि, “धइतिदाह्य्सा इ मान्ताको स्यानरायको कारनइ यहुदियाभरि समस्यालम वान्धय मुना। र ओउइ लयको स्यानराय गालिलसय थाल्ति देङे इहाङमा वाङो मुना।”
6जब पिलातसइ एतताह्ङो कुरा सायाकान अनि ओउइ ह्वताकान, “दोह इ मान्ता गालिलि खेना र?” 7येसु हेरोद एन्तिपासको छेत्रको मान्ता त चिःतिझ्यान्ते, पिलातसइ येसुकाय हेरोद एन्तिपासकहाङ ल्होकाकान। ओउबेलाहाङ हेरोदमा यरुसलेम सहरहाङले खेतो। 8येसुकाय च्यउसा दोःधार्ना हेरोद आन आसआ, धइतिदाह्य्सा ओउइ येसुको बारेहाङ सायो खेतो र नाःतो दिनहाङसय येसुकाय योसा झाक्तिमुओ खेतो। येसुइ केहि ग्याह्ङ्सिओ काम जाह्ङ्सास्यावो योसा दोःनाङ त दाह्य्ति ओउइ आसा जाह्ङ्तिमुओ खेतो। 9हेरोदइ येसुकाय नाःतो कुरा ह्वताकान, तर येसुइ ओउको दोह कुराको जवाफमा बयुलु। 10मुख्य पुजारिलम र धर्मगुरुलम चिङाकाय, अनि ओउमय येसुइ नाःतो पेमालो काम जाह्ङो मुना त दाह्य्ति सोतो हिह्आकाय। 11ओहाङसयको हेरोद र ओउको सिपाहिलमइ येसुकाय हेला र अपमान जाह्ङाकानि। अनि ओउमयइ येसुकाय राजाइ लावओ लेखाताह्ङो नाय लावति पिलातसकहाङले द्याःन्ति ल्होकाकानि। 12हेरोद र पिलातसखे ङ्हा बइरि खेकाइचतो, तर ओउ दिनहाङसय ओउनिसको माझहाङ मिलाप स्यावा।
येसुकाय क्रुसहाङ योकोति सात्साको लागि सुम्पओ
(मति २७:१५-२६; मर्कुस १५:६-१५; युहन्ना १८:३९—१९:१६)
13पिलातसइ मुख्य पुजारिलम, धर्मगुरुलम र अरु मान्तालमकाय ब्रकले गोताकान। 14अनि पिलातसइ ओउमयकाय तोआकान, “इ मान्ताइ मान्तालमको माझहाङ समस्या वान्धय मुना त दाह्य्ति निङइ इ मान्ताकाय ङाको ङ्हा वान्तेआकानि। देङे ङाइ इकाय निङ जुदाको ङ्हाले इ कुराको बारेहाङ ह्वतालाङ, तर ङाइ इकहाङपाय निङइ बयो दोह गालमा ङाइङल। 15हेरोदइमा येसुको कामलमहाङ पेमालो दोह कुरामा ङाःयुलु, ओउतझ्यान्ते इकाय निकताङ द्याःन्ति ल्होकाकान। इ मान्ताइ सिसाले परतोसम्म दोह पेमालो काममा जाह्ङो नाःल। 16ओउतझ्यान्ते इकाय कोर्राइ स्राप्साको लागि ङाइ ङाको सिपाहिलमकाय तोनाङ, अनि ङाइ ओउकाय फेति बइनाङ।” 17[हरेक छुत्काराको छ्यातको दिन मान्तालमको लागि रोमि हाकिमि पिलातसइ झेलकनहाङ कुङ्तिगमोलम मध्येसय यातचाककाय फेति बइसा परतो।]#२३:१७ नया नेम ङ्हापाय ग्रिक भासाहाङ लेखओ खेना र ओउबेलाहाङ मान्तालमइ जुदा कितापलम क्रुतइ लेखति तयार जाह्ङ्नितो। मान्तालमइ क्रुतइ लेखओ ङ्हाको कुनय-कुनय कितापलमहाङखे ओउ ताह्ङो कोस्थभित्र मुओ कुरालम लेखओ नाःआक्ल (मति २७:१५; मर्कुस १५:६; युहन्ना १८:३९)।
18तर जुदा मान्तालमको हुलइ ताह्ङो हाउनयहाङ हिह्ति तोआकानि, “इ मान्ताकाय सात्साले परना, र बारब्बाकायखे निको लागि फेतिबइसास्याउपाना!” 19(बारब्बाकायखे झेलकनहाङ कुङ्तिगमो खेतो, धइतिदाह्य्सा ओउइ यरुसलेम सहरहाङ रोमि सरकारको बिरोतहाङ कायकायो खेतो र कुनय यातचाककाय सातो खेतो।)
20पिलातसइ येसुकाय फेसा चाहतो, ओउतझ्यान्ते ओउइ मान्तालमकाय फेरि बिन्ति जाह्ङाकान। 21तर ओउमयले एतदाह्य्ति हिह्आकाय, “ओउकाय क्रुसहाङ योकोसास्याउपा! ओउकाय क्रुसहाङ योकोसास्याउपा!”
22पिलातसइ सुमम् खेपहाङ फेरि ओउमयकाय तोआकान, “तर इ मान्ताइ दोह दुस्त काम जाह्ङाकान र? ङाइपाय इ मान्ताकाय सात्सा दोह कारनमा ङाइङल। ओउतझ्यान्ते ङाइ ओउकाय कोर्राइ स्राप्सा आग्या बइनाङ, ओहाङसयको ङाइ ओउकाय फेति बइनाङ।”
23तर ओउमयइ झन् ताह्ङो हाउनय त्याल्धय दाह्याकाय, “ओउकाय योकोसाले परना!” एतहाइति मान्तालम हिह्तिले जितआकाय। 24ओउतझ्यान्ते ओउमयइ तोओलेखाले येसुकाय क्रुसहाङ योकोसाकाय पिलातस सहमत स्यावा। 25पिलातसइ कायकाइति मान्ता सात्ति वाहो बारब्बाकायखे फेआकान र येसुकायखे ओउमय झाकोलेखाले जाह्ङ्सा फेति बयाकान।
मान्तालमइ येसुकाय क्रुसहाङ योकोति सातो
(मति २७:३२-४४; मर्कुस १५:२१-३२; युहन्ना १९:१७-२७)
26सिपाहिलमइ येसुकाय मान्तालमइ सात्सा चाहओ थाउताङले आःलाकानि। जब ओउमय आल्धय खेइतो, ओउमयइ कुरेनि सहरको यातचाक सिमोन त मय्ङ्ओ मान्ताकाय क्रुसाकानि। ओउपाय यातज्यो गाउसय यरुसलेम सहरताङ वाङ्धयमुओ खेतो। सिपाहिलमइ ओउकाय चुमाकानि र क्रुस लात्ति येसुको लोन्हे वाह्ताकाकानि।
27मान्तालमको ताह्ङो हुल येसुको लोन्हे आलो खेइतो। मोम्चो मान्तालममा येसुकाय क्रेस्ति र्याधय गुह्ल्ति आलो खेइतो। 28ओउमयकताङ हिल्ति येसुइ तोसास्यावा, “अ यरुसलेमको चोःद्याङलम, ङाको लागि र्यालाम, तर निङ लयको र लयको चोः चोःद्याङलमको लागि र्यान। 29धइतिदाह्य्सा साइनु, एतताह्ङो दिन वाङ्लेना, जब मान्तालमइ ‘चोः नाःसा खाइमालो मोम्चोलम, गलमा चोः लात्मालो कोखलम र मयो चोः चोःद्याङलमकाय दुध तुङताक्सा परमालो मोम्चोलम धन्नेको खेनय!’ त दाह्य्लेनय। 30ओउबेलाहाङ मान्तालमइ वारलमकाय, ‘निकहाङ ग्लेअ!’ र दान्दालमकाय, ‘निकाय पाह्म्ताङि!’ त दाह्य्ति तोलेनानि।#होसे १०:८; प्रका ६:१६ 31धइतिदाह्य्सा सिङ प्लितो मुधार्नापाय मान्तालमइ इ कामलम जाह्ङ्नानि त खेया, झन् सिङ झ्यार्धार्ना ओउमयइ दोह हाइचानि?”
32सिपाहिलमइ पेमालो काम जाह्ङो निसचाक अपराधि मान्तानिसकायमा येसुकुस ब्रक्तले सात्लाङ आल्धय खेइतो। 33जब ओउमय “पुह्रुम दान्दा” त तोओ थाउहाङ दाहाकाय, ओहाङ ओउमयइ येसुकाय क्रुसहाङ योकोआकानि। ओउमयइ निसचाक अपराधिनिसमध्ये यातज्योकाय येसुको ङोइसय र अर्कोकायखे वेःसयको क्रुसहाङ योकोआकानि। 34ओहाङसयको येसुइ परमेस्वरकाय तोसास्यावा, “अ आपा, इ मान्तालमकाय छेमा बइसास्याउपाना, धइतिदाह्य्सा इमयइ दोह जाह्ङ्धय मुनय, ओउ इमयइ चिःनिलि।” अनि सिपाहिलमइ येसुको लावनायको लागि चित्था आपाकानि र लयमयको लागि वेःकायाकाय।#भजन २२:१८
35मान्तालम चिङ्ति येसुकाय योतिमुओ खेइतो, र पाको अगुवालमइखे येसुकाय थ्याउधय तोआकानि, “इ मान्ताइ अरु मान्तालमकायपाय स्याक्ताकाकान, यदि इ दोङ्सिले परमेस्वरइ छ्युह्ङ्सास्यावो ख्रिस्तले खेना त खेया, लयइ लयकायले स्याक्ताक्पास।”#भजन २२:७
36सिपाहिलममा वाङाकाय र स्रोको ङोतिः बइधय थ्याउसा फाःङाकानि।#भजन ६९:२१ 37ओउमयइ येसुकाय तोआकानि, “यदि नाङ दोङ्सिले यहुदिलमको राजा खेतेना त खेया, लयकाय स्याक्ताक्स।”
38येसुकाय योकोओ क्रुसहाङ येसुको तालाङ त्याःउसय “इ मान्तापाय यहुदिलमको राजा खेना” त दाह्य्ति लेखओ यातज्यो चिनो योकोआकानि।
39येसुको छेउहाङ योकोओ निसचाक अपराधिनिसमध्ये यातज्योइ येसुकाय अपमान जाह्ङ्धय तोआकान, “दोह नाङ ख्रिस्त खेतेल र? यदि नाङ ख्रिस्तले खेतेना त खेया, लयकाय दल्ताक्स र निचिकायमा दल्ताकु।”
40तर अर्को अपराधिइ ओउकाय थत्ति तोआथय, “दोह नाङ परमेस्वरकाय रइतेल? नाङमा ता येसुइ दोःओ लेखाले दन्द दोःति मुतेना। 41निचिइपाय पेमालो काम जाह्ङोझ्यान्ते सहि दन्द दोःआतह्य्च, तर योउ, इ मान्ताइपाय दोह पेमालो काममा जाह्ङ्सास्यावो नाःआक्ल।” 42ओहाङसयको ओउइ येसुकाय तोआकान, “अ येसु, जब नाङइ लयको राज्यहाङ राज्य जाह्ङ्सास्याउना, ओउबेलाहाङ ङाकायमा सम्झसास्याउपाना।”
43येसुइ ओउकाय तोसास्यावा, “दोङ्सिले ङाइ नाङकाय तोनेनाङ, तेनले नाङ ङाकुसि लाङकाहाङ स्याउतेना।”
येसु क्रुसहाङ सिसास्यावो
(मति २७:४५-५६; मर्कुस १५:३३-४१; युहन्ना १९:२८-३०)
44ओउबेलाहाङ हिदिङको लगभग बाह्र बजओ खेतो, र हिदिङको सुम बजेसम्म देसको जुदा थाउहाङ च्याक्तो स्यावा। 45धइतिदाह्य्सा न्यामइ थोङसा फेआकान। र परमेस्वरको मन्दिरको पर्दा क्रेत्ति निस भाक स्यावा।#२३:४५ र परमेस्वरको मन्दिरको पर्दा क्रेत्ति निस भाक स्यावा मन्दिरको पर्दाखे मन्दिरभित्रको पबित्र थाउ र माहा पबित्र थाउको माझहाङ खेतो, ओउ माहा पबित्र थाउहाङ बर्सको यातपल्त ताह्ङो पुजारि मात्र आल्सा दोःतो (प्रस्थान २६:३१-३३)। परमेस्वरइ इ पर्दाखे द्याह ताह्ङो पुजारि मात्र खेल जुदा मान्तालमले परमेस्वरको ङ्हा आल्सा खाइना त दाह्य्ति छ्यान्साकाय क्रेत्सास्यावो खेना। 46अनि ताह्ङो हाउनयहाङ हिह्ति येसुइ तोसास्यावा, “अ आपा, ङाइ ङाको ग्वालाम नाङकायले सुम्पति बइनेनाङ।” उच्युक नोबति येसु सिसास्यावा।#भजन ३१:५
47जब ओहाङ स्यावो घतनालम रोमि सिपाहिलमको कप्तानइ च्यवाकान, अनि ओउइ एतदाह्य्ति परमेस्वरको प्रसङ्सा जाह्ङाकान, “दोङ्सिले इ मान्ता धर्मि खेसास्याउना।”
48मान्तालमकाय क्रुसहाङ योकोति सातो योलाङ वाङो जुदा मान्तालमइ ओहाङ स्यावो कुरा च्यवाकानि अनि ल्हुङतुकसयले आन दुखि स्याउति किम द्याह्नाकाय। 49येसुको जुदा गोय्चो होयालम, र गालिल छेत्रसय वाङो येसुकाय गुह्ल्ति वाहो मोम्चोलमइ लोक्तोसयले चिङ्ति योतिमुओ खेइतो।
येसुकाय तेसराङहाङ गमो
(मति २७:५७-६१; मर्कुस १५:४२-४७; युहन्ना १९:३८-४२)
50योसेफ त मय्ङ्ओ यातचाक इमान्दार र धर्मि मान्ता खेतो, र ओउखे यहुदि ताह्ङो सभाको सदस्यमा खेतो। 51ओउ अरु अगुवालमको योजना र कामलमहाङ सहमत नाःआक्ल। ओउखे अरिमाथियाको यहुदिया त तोओ सहरको मान्ता खेतो। अनि ओउ परमेस्वरको राज्यकाय ल्युह्ङ्तिमुओ खेतो। 52ओउ पिलातसको ङ्हा आला र येसुको ज्यान आःल्ति पाह्म्साको लागि अनुमति तेआ। 53अनि आःल्सा अनुमति दोःआपछि ओउइ येसुको ज्यानकाय क्रुससय काःम्खा क्लाःआकान र ग्याङो सुतिको नायइ येसुको ज्यानकाय पोतोलाकान अनि बल्यो सिलाबाङकाय कुनति जाह्ङ्तिगमो नया तेसहाङ गमाकान। 54इ घतनाखे सुकुबार हिदिङ स्यावो खेतो, अनि यहुदि धोओ दिन सुरु स्याउसाले लागओ खेतो।#२३:५४ यहुदि धोओ दिनखे सुकुबार राह्म न्याम ब्लकोहाङसय सुरु स्याउति सन्चबार राह्म न्याम ब्लकोहाङ द्युम्ना।
55गालिल छेत्रसय वाङो येसुकाय गुह्ल्ति वाहो मोम्चोलममा योसेफकुस आलाकाय र येसुको ज्यानकाय तेसहाङ गतहाइति गम्नानि त दाह्यो कुरा ओउमयइ च्यवाकानि। 56अनि ओउमय किम द्याह्नाकाय र येसुको ज्यानहाङ ल्यान्साकाय म्हक-म्हक त बासना वाङो मलम र अत्तर तयार जाह्ङाकानि। अनि ओउमय पबित्र यहुदि धोओ दिनहाङ परमेस्वरइ मोसा दुवारा बइसास्यावो नेम-कानुन अनुसार यहुदि धोओ दिन मनावाकानि।#प्रस २०:१०; बेब ५:१४
Currently Selected:
लुका 23: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 23
23
येसु हाकिमि पिलातस र राजा हेरोद एन्तिपासको ङ्हा
(मति २७:१-२,११-१४; मर्कुस १५:१-५; युहन्ना १८:२८-३८)
1ओहाङसयको यहुदि सभाको जुदा सदस्यलमइ येसुकाय पिलातस त मय्ङ्ओ रोमि हाकिमिकहाङ आःलाकानि। 2ओउमयइ येसुकाय एतदाह्य्ति गाल बइसा फाःङाकानि, “इ मान्ताइ लयकाय ‘ङा मुक्ति बयो राजा ख्रिस्त खेनाङ त दाह्यो र रोम देसको माहाराजाकाय तिरो बइसा परल’ त दाह्य्ति निको देसको मान्तालमकाय भर्याउधयमुओ निइ ङाःयालाङ्सु।”
3पिलातसइ येसुकाय ह्वताथय, “दोह नाङ यहुदिलमको राजा खेतेना र?”
येसुइ तोसास्यावा, “मा, ओउपाय नाङ लयले दाह्य्धय मुतेना।”
4अनि पिलातसइ मुख्य पुजारिलम र मान्तालमको हुलकाय तोआथास, “ङाइ इ मान्ताकाय गाल बइसा दोह कारनमा च्यउङल।”
5तर ओउमयइ फेरि तोआकानि, “धइतिदाह्य्सा इ मान्ताको स्यानरायको कारनइ यहुदियाभरि समस्यालम वान्धय मुना। र ओउइ लयको स्यानराय गालिलसय थाल्ति देङे इहाङमा वाङो मुना।”
6जब पिलातसइ एतताह्ङो कुरा सायाकान अनि ओउइ ह्वताकान, “दोह इ मान्ता गालिलि खेना र?” 7येसु हेरोद एन्तिपासको छेत्रको मान्ता त चिःतिझ्यान्ते, पिलातसइ येसुकाय हेरोद एन्तिपासकहाङ ल्होकाकान। ओउबेलाहाङ हेरोदमा यरुसलेम सहरहाङले खेतो। 8येसुकाय च्यउसा दोःधार्ना हेरोद आन आसआ, धइतिदाह्य्सा ओउइ येसुको बारेहाङ सायो खेतो र नाःतो दिनहाङसय येसुकाय योसा झाक्तिमुओ खेतो। येसुइ केहि ग्याह्ङ्सिओ काम जाह्ङ्सास्यावो योसा दोःनाङ त दाह्य्ति ओउइ आसा जाह्ङ्तिमुओ खेतो। 9हेरोदइ येसुकाय नाःतो कुरा ह्वताकान, तर येसुइ ओउको दोह कुराको जवाफमा बयुलु। 10मुख्य पुजारिलम र धर्मगुरुलम चिङाकाय, अनि ओउमय येसुइ नाःतो पेमालो काम जाह्ङो मुना त दाह्य्ति सोतो हिह्आकाय। 11ओहाङसयको हेरोद र ओउको सिपाहिलमइ येसुकाय हेला र अपमान जाह्ङाकानि। अनि ओउमयइ येसुकाय राजाइ लावओ लेखाताह्ङो नाय लावति पिलातसकहाङले द्याःन्ति ल्होकाकानि। 12हेरोद र पिलातसखे ङ्हा बइरि खेकाइचतो, तर ओउ दिनहाङसय ओउनिसको माझहाङ मिलाप स्यावा।
येसुकाय क्रुसहाङ योकोति सात्साको लागि सुम्पओ
(मति २७:१५-२६; मर्कुस १५:६-१५; युहन्ना १८:३९—१९:१६)
13पिलातसइ मुख्य पुजारिलम, धर्मगुरुलम र अरु मान्तालमकाय ब्रकले गोताकान। 14अनि पिलातसइ ओउमयकाय तोआकान, “इ मान्ताइ मान्तालमको माझहाङ समस्या वान्धय मुना त दाह्य्ति निङइ इ मान्ताकाय ङाको ङ्हा वान्तेआकानि। देङे ङाइ इकाय निङ जुदाको ङ्हाले इ कुराको बारेहाङ ह्वतालाङ, तर ङाइ इकहाङपाय निङइ बयो दोह गालमा ङाइङल। 15हेरोदइमा येसुको कामलमहाङ पेमालो दोह कुरामा ङाःयुलु, ओउतझ्यान्ते इकाय निकताङ द्याःन्ति ल्होकाकान। इ मान्ताइ सिसाले परतोसम्म दोह पेमालो काममा जाह्ङो नाःल। 16ओउतझ्यान्ते इकाय कोर्राइ स्राप्साको लागि ङाइ ङाको सिपाहिलमकाय तोनाङ, अनि ङाइ ओउकाय फेति बइनाङ।” 17[हरेक छुत्काराको छ्यातको दिन मान्तालमको लागि रोमि हाकिमि पिलातसइ झेलकनहाङ कुङ्तिगमोलम मध्येसय यातचाककाय फेति बइसा परतो।]#२३:१७ नया नेम ङ्हापाय ग्रिक भासाहाङ लेखओ खेना र ओउबेलाहाङ मान्तालमइ जुदा कितापलम क्रुतइ लेखति तयार जाह्ङ्नितो। मान्तालमइ क्रुतइ लेखओ ङ्हाको कुनय-कुनय कितापलमहाङखे ओउ ताह्ङो कोस्थभित्र मुओ कुरालम लेखओ नाःआक्ल (मति २७:१५; मर्कुस १५:६; युहन्ना १८:३९)।
18तर जुदा मान्तालमको हुलइ ताह्ङो हाउनयहाङ हिह्ति तोआकानि, “इ मान्ताकाय सात्साले परना, र बारब्बाकायखे निको लागि फेतिबइसास्याउपाना!” 19(बारब्बाकायखे झेलकनहाङ कुङ्तिगमो खेतो, धइतिदाह्य्सा ओउइ यरुसलेम सहरहाङ रोमि सरकारको बिरोतहाङ कायकायो खेतो र कुनय यातचाककाय सातो खेतो।)
20पिलातसइ येसुकाय फेसा चाहतो, ओउतझ्यान्ते ओउइ मान्तालमकाय फेरि बिन्ति जाह्ङाकान। 21तर ओउमयले एतदाह्य्ति हिह्आकाय, “ओउकाय क्रुसहाङ योकोसास्याउपा! ओउकाय क्रुसहाङ योकोसास्याउपा!”
22पिलातसइ सुमम् खेपहाङ फेरि ओउमयकाय तोआकान, “तर इ मान्ताइ दोह दुस्त काम जाह्ङाकान र? ङाइपाय इ मान्ताकाय सात्सा दोह कारनमा ङाइङल। ओउतझ्यान्ते ङाइ ओउकाय कोर्राइ स्राप्सा आग्या बइनाङ, ओहाङसयको ङाइ ओउकाय फेति बइनाङ।”
23तर ओउमयइ झन् ताह्ङो हाउनय त्याल्धय दाह्याकाय, “ओउकाय योकोसाले परना!” एतहाइति मान्तालम हिह्तिले जितआकाय। 24ओउतझ्यान्ते ओउमयइ तोओलेखाले येसुकाय क्रुसहाङ योकोसाकाय पिलातस सहमत स्यावा। 25पिलातसइ कायकाइति मान्ता सात्ति वाहो बारब्बाकायखे फेआकान र येसुकायखे ओउमय झाकोलेखाले जाह्ङ्सा फेति बयाकान।
मान्तालमइ येसुकाय क्रुसहाङ योकोति सातो
(मति २७:३२-४४; मर्कुस १५:२१-३२; युहन्ना १९:१७-२७)
26सिपाहिलमइ येसुकाय मान्तालमइ सात्सा चाहओ थाउताङले आःलाकानि। जब ओउमय आल्धय खेइतो, ओउमयइ कुरेनि सहरको यातचाक सिमोन त मय्ङ्ओ मान्ताकाय क्रुसाकानि। ओउपाय यातज्यो गाउसय यरुसलेम सहरताङ वाङ्धयमुओ खेतो। सिपाहिलमइ ओउकाय चुमाकानि र क्रुस लात्ति येसुको लोन्हे वाह्ताकाकानि।
27मान्तालमको ताह्ङो हुल येसुको लोन्हे आलो खेइतो। मोम्चो मान्तालममा येसुकाय क्रेस्ति र्याधय गुह्ल्ति आलो खेइतो। 28ओउमयकताङ हिल्ति येसुइ तोसास्यावा, “अ यरुसलेमको चोःद्याङलम, ङाको लागि र्यालाम, तर निङ लयको र लयको चोः चोःद्याङलमको लागि र्यान। 29धइतिदाह्य्सा साइनु, एतताह्ङो दिन वाङ्लेना, जब मान्तालमइ ‘चोः नाःसा खाइमालो मोम्चोलम, गलमा चोः लात्मालो कोखलम र मयो चोः चोःद्याङलमकाय दुध तुङताक्सा परमालो मोम्चोलम धन्नेको खेनय!’ त दाह्य्लेनय। 30ओउबेलाहाङ मान्तालमइ वारलमकाय, ‘निकहाङ ग्लेअ!’ र दान्दालमकाय, ‘निकाय पाह्म्ताङि!’ त दाह्य्ति तोलेनानि।#होसे १०:८; प्रका ६:१६ 31धइतिदाह्य्सा सिङ प्लितो मुधार्नापाय मान्तालमइ इ कामलम जाह्ङ्नानि त खेया, झन् सिङ झ्यार्धार्ना ओउमयइ दोह हाइचानि?”
32सिपाहिलमइ पेमालो काम जाह्ङो निसचाक अपराधि मान्तानिसकायमा येसुकुस ब्रक्तले सात्लाङ आल्धय खेइतो। 33जब ओउमय “पुह्रुम दान्दा” त तोओ थाउहाङ दाहाकाय, ओहाङ ओउमयइ येसुकाय क्रुसहाङ योकोआकानि। ओउमयइ निसचाक अपराधिनिसमध्ये यातज्योकाय येसुको ङोइसय र अर्कोकायखे वेःसयको क्रुसहाङ योकोआकानि। 34ओहाङसयको येसुइ परमेस्वरकाय तोसास्यावा, “अ आपा, इ मान्तालमकाय छेमा बइसास्याउपाना, धइतिदाह्य्सा इमयइ दोह जाह्ङ्धय मुनय, ओउ इमयइ चिःनिलि।” अनि सिपाहिलमइ येसुको लावनायको लागि चित्था आपाकानि र लयमयको लागि वेःकायाकाय।#भजन २२:१८
35मान्तालम चिङ्ति येसुकाय योतिमुओ खेइतो, र पाको अगुवालमइखे येसुकाय थ्याउधय तोआकानि, “इ मान्ताइ अरु मान्तालमकायपाय स्याक्ताकाकान, यदि इ दोङ्सिले परमेस्वरइ छ्युह्ङ्सास्यावो ख्रिस्तले खेना त खेया, लयइ लयकायले स्याक्ताक्पास।”#भजन २२:७
36सिपाहिलममा वाङाकाय र स्रोको ङोतिः बइधय थ्याउसा फाःङाकानि।#भजन ६९:२१ 37ओउमयइ येसुकाय तोआकानि, “यदि नाङ दोङ्सिले यहुदिलमको राजा खेतेना त खेया, लयकाय स्याक्ताक्स।”
38येसुकाय योकोओ क्रुसहाङ येसुको तालाङ त्याःउसय “इ मान्तापाय यहुदिलमको राजा खेना” त दाह्य्ति लेखओ यातज्यो चिनो योकोआकानि।
39येसुको छेउहाङ योकोओ निसचाक अपराधिनिसमध्ये यातज्योइ येसुकाय अपमान जाह्ङ्धय तोआकान, “दोह नाङ ख्रिस्त खेतेल र? यदि नाङ ख्रिस्तले खेतेना त खेया, लयकाय दल्ताक्स र निचिकायमा दल्ताकु।”
40तर अर्को अपराधिइ ओउकाय थत्ति तोआथय, “दोह नाङ परमेस्वरकाय रइतेल? नाङमा ता येसुइ दोःओ लेखाले दन्द दोःति मुतेना। 41निचिइपाय पेमालो काम जाह्ङोझ्यान्ते सहि दन्द दोःआतह्य्च, तर योउ, इ मान्ताइपाय दोह पेमालो काममा जाह्ङ्सास्यावो नाःआक्ल।” 42ओहाङसयको ओउइ येसुकाय तोआकान, “अ येसु, जब नाङइ लयको राज्यहाङ राज्य जाह्ङ्सास्याउना, ओउबेलाहाङ ङाकायमा सम्झसास्याउपाना।”
43येसुइ ओउकाय तोसास्यावा, “दोङ्सिले ङाइ नाङकाय तोनेनाङ, तेनले नाङ ङाकुसि लाङकाहाङ स्याउतेना।”
येसु क्रुसहाङ सिसास्यावो
(मति २७:४५-५६; मर्कुस १५:३३-४१; युहन्ना १९:२८-३०)
44ओउबेलाहाङ हिदिङको लगभग बाह्र बजओ खेतो, र हिदिङको सुम बजेसम्म देसको जुदा थाउहाङ च्याक्तो स्यावा। 45धइतिदाह्य्सा न्यामइ थोङसा फेआकान। र परमेस्वरको मन्दिरको पर्दा क्रेत्ति निस भाक स्यावा।#२३:४५ र परमेस्वरको मन्दिरको पर्दा क्रेत्ति निस भाक स्यावा मन्दिरको पर्दाखे मन्दिरभित्रको पबित्र थाउ र माहा पबित्र थाउको माझहाङ खेतो, ओउ माहा पबित्र थाउहाङ बर्सको यातपल्त ताह्ङो पुजारि मात्र आल्सा दोःतो (प्रस्थान २६:३१-३३)। परमेस्वरइ इ पर्दाखे द्याह ताह्ङो पुजारि मात्र खेल जुदा मान्तालमले परमेस्वरको ङ्हा आल्सा खाइना त दाह्य्ति छ्यान्साकाय क्रेत्सास्यावो खेना। 46अनि ताह्ङो हाउनयहाङ हिह्ति येसुइ तोसास्यावा, “अ आपा, ङाइ ङाको ग्वालाम नाङकायले सुम्पति बइनेनाङ।” उच्युक नोबति येसु सिसास्यावा।#भजन ३१:५
47जब ओहाङ स्यावो घतनालम रोमि सिपाहिलमको कप्तानइ च्यवाकान, अनि ओउइ एतदाह्य्ति परमेस्वरको प्रसङ्सा जाह्ङाकान, “दोङ्सिले इ मान्ता धर्मि खेसास्याउना।”
48मान्तालमकाय क्रुसहाङ योकोति सातो योलाङ वाङो जुदा मान्तालमइ ओहाङ स्यावो कुरा च्यवाकानि अनि ल्हुङतुकसयले आन दुखि स्याउति किम द्याह्नाकाय। 49येसुको जुदा गोय्चो होयालम, र गालिल छेत्रसय वाङो येसुकाय गुह्ल्ति वाहो मोम्चोलमइ लोक्तोसयले चिङ्ति योतिमुओ खेइतो।
येसुकाय तेसराङहाङ गमो
(मति २७:५७-६१; मर्कुस १५:४२-४७; युहन्ना १९:३८-४२)
50योसेफ त मय्ङ्ओ यातचाक इमान्दार र धर्मि मान्ता खेतो, र ओउखे यहुदि ताह्ङो सभाको सदस्यमा खेतो। 51ओउ अरु अगुवालमको योजना र कामलमहाङ सहमत नाःआक्ल। ओउखे अरिमाथियाको यहुदिया त तोओ सहरको मान्ता खेतो। अनि ओउ परमेस्वरको राज्यकाय ल्युह्ङ्तिमुओ खेतो। 52ओउ पिलातसको ङ्हा आला र येसुको ज्यान आःल्ति पाह्म्साको लागि अनुमति तेआ। 53अनि आःल्सा अनुमति दोःआपछि ओउइ येसुको ज्यानकाय क्रुससय काःम्खा क्लाःआकान र ग्याङो सुतिको नायइ येसुको ज्यानकाय पोतोलाकान अनि बल्यो सिलाबाङकाय कुनति जाह्ङ्तिगमो नया तेसहाङ गमाकान। 54इ घतनाखे सुकुबार हिदिङ स्यावो खेतो, अनि यहुदि धोओ दिन सुरु स्याउसाले लागओ खेतो।#२३:५४ यहुदि धोओ दिनखे सुकुबार राह्म न्याम ब्लकोहाङसय सुरु स्याउति सन्चबार राह्म न्याम ब्लकोहाङ द्युम्ना।
55गालिल छेत्रसय वाङो येसुकाय गुह्ल्ति वाहो मोम्चोलममा योसेफकुस आलाकाय र येसुको ज्यानकाय तेसहाङ गतहाइति गम्नानि त दाह्यो कुरा ओउमयइ च्यवाकानि। 56अनि ओउमय किम द्याह्नाकाय र येसुको ज्यानहाङ ल्यान्साकाय म्हक-म्हक त बासना वाङो मलम र अत्तर तयार जाह्ङाकानि। अनि ओउमय पबित्र यहुदि धोओ दिनहाङ परमेस्वरइ मोसा दुवारा बइसास्यावो नेम-कानुन अनुसार यहुदि धोओ दिन मनावाकानि।#प्रस २०:१०; बेब ५:१४
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.