लुका 4
4
दुस्त सय्तानइ येसुकाय फसाउसा बोःङो
(मति ४:१-११; मर्कुस १:१२-१३)
1येसु पबित्र ग्वालामइ भरपुर स्याउति यर्दन खोलासय द्याह्न्सास्यावा। पबित्र ग्वालामइ ओउकाय सुमा याक्मालो थाउताङ आःलाथय। 2र ओहाङ दुस्त सय्तानइ येसुकाय चालिस दिनसम्म पापहाङ फसाउसाको लागि परिछ्या जाह्ङाकान। ओउ चालिस दिनसम्म येसुइ दोहमा जेःसास्याउल, ओउतझ्यान्ते चालिस दिन पुत्तोकहाङ येसु आन योङक्राइसास्यावा।
3ओउबेलाहाङले दुस्त सय्तानइ येसुकाय तोआथय, “यदि नाङ दोङ्सिले परमेस्वरको चोः खेसास्याउना त खेया, इ बाङकाय लाङ स्याउपा त दाह्य्ति हुकुम जाह्ङ्सास्याउपा।”
4येसु त्याङ्सास्यावा, “धर्मसास्त्रहाङ लेखओ मुना, ‘मान्ता जेःगाइ मात्र स्याक्ल।’”#बेब ८:३
5ओहाङसयको दुस्त सय्तानइ येसुकाय यासो वारको च्योःहाङ आःलाथय र मिकको यातय प्रिङहाङ ल्हाउदयबाङको जुदा राज्यलम छ्यानाथय। 6अनि दुस्त सय्तानइ तोआथय, “ङाइ नाङकाय इ राज्यको राजा र इ जुदा धन-सम्पतिको मालिक जाह्ङ्सा खाइनेनाङ, धइतिदाह्य्सा इ जुदा थोकलम ङाको हकहाङ मुना र ङाइ सुकाय झाक्नाङ, ओउकाय बइसा खाइनाङ। 7यदि नाङइ ङाकाय सेवतेनाचि त खेया, इ जुदा थोकलम नाङकोले स्याउना।”
8येसुइ जवाफ बइसास्यावा, “धर्मसास्त्रहाङ लेखओ मुना, ‘नाङइ लयको प्रभु परमेस्वरकाय सेवउ र ओउकाय मात्र सेवा जाह्ङु।’”#बेब ६:१३
9अनि दुस्त सय्तानइ येसुकाय यरुसलेमताङ आःलाथय र परमेस्वरको मन्दिरको च्योःहाङ गमाक्तिको येसुकाय तोआथय, “नाङ दोङ्सिले परमेस्वरको चोः खेसास्याउना त खेया, नाङ इहाङसय काःम्ताङ ज्योस्सास्याउपा। 10धइतिदाह्य्सा धर्मसास्त्रहाङ लेखओ मुना, ‘नाङकाय ओमपाइति गम्साकाय परमेस्वरइ लयको लाङकादुतलमकाय आग्या जाह्ङ्सास्याउना।’ 11अनि एतमा तोओ मुना, ‘नाङको दोम बाङहाङ थुङ्ति चोत स्याउलाम त दाह्य्ति ओउमयइ नाङकाय क्रुत-क्रुतहाङले त्याक्तेना।’#भजन ९१:११-१२”
12तर येसुइ ओउ दुस्त सय्तानकाय तोसास्यावा, “धर्मसास्त्रहाङ एतमा तोओ मुना, ‘नाङइ लयको प्रभु परमेस्वरकाय परिछ्या जाह्ङ्जेलाम।’”#बेब ६:१६
13जब दुस्त सय्तानइ येसुकाय पापहाङ फसाउसाको लागि नाःतो तरिकासय परिछ्या जाह्ङ्तिभ्याआ, अनि अरु मउका दोःमाच्युकसम्मकाय फेति पाह्या।
गालिल छेत्रहाङ येसुइ लयको काम सुरु जाह्ङ्सास्यावो
(मति ४:१२-१७; मर्कुस १:१४-१५)
14पबित्र ग्वालामको जिःङ दोःति, येसु गालिलताङ द्याह्न्सास्यावा। येसुको बारेहाङ वरिपरि जुदा थाउहाङ भयभय त स्यावा। 15येसुइ सभाकिमलमहाङ स्यान्सास्यावा र जुदा मान्तालमइ येसुको प्रसङ्सा जाह्ङाकानि।
नासरतको मान्तालमइ येसुकाय इन्कार जाह्ङो
(मति १३:५३-५८; मर्कुस ६:१-६)
16येसु लय हुर्कओ नासरत त तोओ मयो सहरताङ आल्सास्यावा, र सादाको लेखाले यहुदि धोओ दिन सभाकिमहाङ आल्सास्यावा अनि धर्मसास्त्र पह्रसाकाय चिङसास्यावा। 17र यसय्या अगमबक्ताइ लेखओ किताप येसुकाय पह्रसा बयाकानि। येसुइ किताप फोल्सास्यावा र एत लेखओ कुरा त्याल्ति पह्रसास्यावा—
18 “प्रभु परमेस्वरको ग्वालाम ङाकहाङ मुना,
धइतिदाह्य्सा गरिबलमकाय परमेस्वरको पेओ खबर प्रचार जाह्ङ्साकाय परमेस्वरइ ङाकाय छ्युह्ङ्सास्यावो मुना।
झेलकनहाङ कुङ्तिगमोलमकाय बेनताक्सा,
मिक च्यउमालोलमकाय च्यउताक्सा,
अन्यायहाङ परओलमकाय सोतन्त्र जाह्ङ्सा,
19 र प्रभु परमेस्वरको चोङाइसिओ दिनको घोसना जाह्ङ्साकाय,
परमेस्वरइ ङाकाय ल्होक्सास्यावो मुना।” #
यस ६१:१-२
20ओहाङसयको येसुइ किताप बन्दा जाह्ङ्ति द्याःन्ति बयाक्तिको च्युःङ्सास्यावा। सभाकिमहाङ मुओ जुदा मान्तालमइ येसुकाय ताङ्ति योतिमुओ खेइतो। 21अनि येसुइ ओउमयकाय तोसास्यावा, “तेन निङइ ङाकसय सायो धर्मसास्त्रको इ कुरा पुतो मुना।”
22जुदा मान्तालमइ येसुको प्रसङ्सा जाह्ङाकानि। अनुग्रहइ भरपुर स्यावो येसुको नोःराय साइति ओउमय ग्याह्ङाकाय। “दोह इपाय योसेफको चोः खेल र?” त दाह्य्ति ओउमय नोःआकाय।
23अनि येसुइ ओउमयकाय तोसास्यावा, “द्याह पक्कामा निङइ ङाकाय इ आहान तोतेनानाङ्स, ‘अ बइदाङ्गि, नाङ लयकाय स्याक्ताक्स।’ निङइ ङाकाय तोतेनानाङ्स, ‘कफर्नहुम त तोओ मयो सहरहाङ जाह्ङोलेखा लयको सहरहाङमा ग्याह्ङ्सिओ काम जाह्ङु।’” 24येसुइ फेरि तोसास्यावा, “दोङ्सिले ङाइ निङकाय तोनेनाङ्स, सु अगमबक्ताकायमा लयको गाउ-थाउको मान्तालमइ पेतो ङ्हाम्निलि। 25ङाको नोःराय साइनु, दोङ्सिले एलियाको पालाहाङ सुम बर्स छ महिनासम्म तिः वामात ताह्ङो अनिकाल स्यावो खेतो। ओउबेला इस्राएलहाङ पाचा सिओ राङ्गि मोम्चोलम नाःतो खेइतो। 26तर परमेस्वरइ एलियाकाय ओउ यहुदि राङ्गि मोम्चोलमकाय सहयोग जाह्ङ्लाङ ल्होक्सास्याउल। परमेस्वरइ ओउकाय इस्राएल बाहिर सिदोन छेत्रको सारपत गाउहाङ याको यहुदि खेमालो यातचाक राङ्गि मोम्चोकाय सहयोग जाह्ङ्लाङ ल्होक्सास्यावा। 27ओउतले एलिसा अगमबक्ताको पालाहाङ इस्राएलहाङ नाःतो कोह्र्चाइ ङाःयो यहुदि मान्तालम खेइतो। तर एलिसाइ ओउमयमध्ये सुकायमा स्याक्ताकुलु। ओउइ सिरिया इलाकाको यहुदि खेमालो नामान त मय्ङ्ओ मान्ताकाय मात्र स्याक्ताकाकान।”
28इ कुरा साइति सभाकिमहाङ मुओ मान्तालम आन रिस वाङाकाय। 29ओउमय चिङाकाय, येसुकाय लःम्ति गाउसय बाहिर ग्ल्युनाकानि। ओउमयको ओउ गाउखे दान्दाहाङ खेतो र ओउमयइ येसुकाय वारको च्योःसय काःम्ताङ क्लाःति ल्होक्सा बोःङाकानि। 30तर येसुखे नाःतो मान्तालमको हुलको माझसय बेनति लयको ल्यामताङ पाह्य्सास्यावा।
लानइ ङाःयो मान्ता स्याको
(मर्कुस १:२१-२८)
31ओहाङसयको येसु गालिल छेत्रको कफर्नहुम त तोओ सहरहाङ आल्सास्यावा, अनि यहुदि धोओ दिनहाङ येसुइ मान्तालमकाय स्यान्सास्याउतो। 32येसुको स्यानराय साइति ओउमय ग्याह्ङाकाय, धइतिदाह्य्सा येसुइ ओउमयकाय अधिकारकुसि स्यान्सास्याउतो। 33सभाकिमहाङ यातचाक असुद्ध लानइ ङाःयो मान्ता खेतो। ओउ मान्ताइ हिह्ति एत दाह्या, 34“अ नासरतको येसु, नाङइ निकाय दोह हाइसा बोःङो र? दोह नाङ निकाय म्हेत्ताक्लाङ वाङ्सास्यावो या? ङाइ नाङकाय चिःनेनाङ— नाङपाय परमेस्वरइ ल्होक्सास्यावो पबित्र जनले खेसास्याउना!”
35अनि येसुइ ओउ लानकाय थत्ति तोसास्यावा, “आसिमात मुअ र इ मान्ताकसय ग्ल्युह्ङ्ति पाह्य।” ओउ मान्ताकाय जुदाको ङ्हाहाङले प्लाह्ताकाक्तिको लान ग्ल्युह्ङ्ति क्रवा, तर ओउ मान्ताकाय दोह चोतलममा स्याउल।
36जुदा मान्तालम ग्याह्ङ्ति लयमय नोःकायाकाय, “गतताह्ङो नोःराय खेचा? पेमालो लानलमकायमा अधिकार र जिःङकुसि हुकुम जाह्ङ्सास्याउना, र ओउइ रुःन्नातासले लानलममा ग्ल्युह्ङ्ति क्रउनय!” 37अनि कफर्नहुम त तोओ मयो सहरको वरिपरि येसुको बारेहाङ भयभय त स्यावा।
येसुइ नाःतो रोगि-बिरामिलमकाय स्याक्ताक्सास्यावो
(मति ८:१४-१७; मर्कुस १:२९-३४)
38सभाकिमसय ग्ल्युह्ङ्ति येसु सिमोनको किमहाङ आल्सास्यावा। ओउबेलाहाङ सिमोनको आय अयोइ एङ्तिमुओ खेतो र किमको मान्तालमइ “ओउकाय स्याक्ताक्ति बइसास्याउपाना” त दाह्य्ति येसुकाय सेवति तोआकानि। 39येसुइ ओउको द्याङ्तो आल्ति अयोकाय रुःन्सास्यावा अनि ओउ मोम्चो स्याका र चिङ्ति ओउमयको सेवा जाह्ङ्सा फाःङाकान।
40न्याम याह्सा बेलाहाङ मान्तालमइ नाःतो खालको बिरामिलमकाय येसुकहाङ वानाकानि। येसुइ ओउमयकाय क्रुत झाम्ति जुदाकाय स्याक्ताक्सास्यावा। 41नाःतो मान्तालमकसय लानलममा एत दाह्य्धय हिह्ति ग्ल्युह्ङाकाय, “नाङपाय परमेस्वरको चोःले ते खेसास्याउना!”
तर येसुइ ओउ लानलमकाय जुगाङमा नोःसा बइसास्याउल, धइतिदाह्य्सा येसुपाय मुक्ति बइसाखेओ ख्रिस्तले खेसास्याउना त दाह्य्ति ओउमयइ चिःनितो।
सभाकिमहाङ येसुइ स्यान्सास्यावो
(मर्कुस १:३५-३९)
42न्याम थोङापछि येसु सुमा नाःमालो एकान्त थाउताङ आल्सास्यावा। मान्तालम येसुकाय बोःङ्ति ओहाङ दाहाकाय। येसुकाय क्रुसापछि ओउमयइ “निकाय फेति पाह्य्जेलाम” त दाह्य्ति गम्सा बोःङाकानि। 43तर येसुइ ओउमयकाय तोसास्यावा, “ङाइ परमेस्वरको राज्यको पेओ खबर अरु थाउहाङमा प्रचार जाह्ङ्सा परनाङ, धइतिदाह्य्सा इको लागिले परमेस्वरइ ङाकाय ल्होक्सास्यावो खेना।”
44अनि येसुइ यहुदिया#४:४४ यहुदिया कुनय-कुनय सङ्सकरनलमहाङखे गालिलि त दाह्य्ति त तोओ मुना। छेत्रको सभाकिमलमहाङ आल्ति प्रचार जाह्ङ्सास्यावा।
Currently Selected:
लुका 4: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 4
4
दुस्त सय्तानइ येसुकाय फसाउसा बोःङो
(मति ४:१-११; मर्कुस १:१२-१३)
1येसु पबित्र ग्वालामइ भरपुर स्याउति यर्दन खोलासय द्याह्न्सास्यावा। पबित्र ग्वालामइ ओउकाय सुमा याक्मालो थाउताङ आःलाथय। 2र ओहाङ दुस्त सय्तानइ येसुकाय चालिस दिनसम्म पापहाङ फसाउसाको लागि परिछ्या जाह्ङाकान। ओउ चालिस दिनसम्म येसुइ दोहमा जेःसास्याउल, ओउतझ्यान्ते चालिस दिन पुत्तोकहाङ येसु आन योङक्राइसास्यावा।
3ओउबेलाहाङले दुस्त सय्तानइ येसुकाय तोआथय, “यदि नाङ दोङ्सिले परमेस्वरको चोः खेसास्याउना त खेया, इ बाङकाय लाङ स्याउपा त दाह्य्ति हुकुम जाह्ङ्सास्याउपा।”
4येसु त्याङ्सास्यावा, “धर्मसास्त्रहाङ लेखओ मुना, ‘मान्ता जेःगाइ मात्र स्याक्ल।’”#बेब ८:३
5ओहाङसयको दुस्त सय्तानइ येसुकाय यासो वारको च्योःहाङ आःलाथय र मिकको यातय प्रिङहाङ ल्हाउदयबाङको जुदा राज्यलम छ्यानाथय। 6अनि दुस्त सय्तानइ तोआथय, “ङाइ नाङकाय इ राज्यको राजा र इ जुदा धन-सम्पतिको मालिक जाह्ङ्सा खाइनेनाङ, धइतिदाह्य्सा इ जुदा थोकलम ङाको हकहाङ मुना र ङाइ सुकाय झाक्नाङ, ओउकाय बइसा खाइनाङ। 7यदि नाङइ ङाकाय सेवतेनाचि त खेया, इ जुदा थोकलम नाङकोले स्याउना।”
8येसुइ जवाफ बइसास्यावा, “धर्मसास्त्रहाङ लेखओ मुना, ‘नाङइ लयको प्रभु परमेस्वरकाय सेवउ र ओउकाय मात्र सेवा जाह्ङु।’”#बेब ६:१३
9अनि दुस्त सय्तानइ येसुकाय यरुसलेमताङ आःलाथय र परमेस्वरको मन्दिरको च्योःहाङ गमाक्तिको येसुकाय तोआथय, “नाङ दोङ्सिले परमेस्वरको चोः खेसास्याउना त खेया, नाङ इहाङसय काःम्ताङ ज्योस्सास्याउपा। 10धइतिदाह्य्सा धर्मसास्त्रहाङ लेखओ मुना, ‘नाङकाय ओमपाइति गम्साकाय परमेस्वरइ लयको लाङकादुतलमकाय आग्या जाह्ङ्सास्याउना।’ 11अनि एतमा तोओ मुना, ‘नाङको दोम बाङहाङ थुङ्ति चोत स्याउलाम त दाह्य्ति ओउमयइ नाङकाय क्रुत-क्रुतहाङले त्याक्तेना।’#भजन ९१:११-१२”
12तर येसुइ ओउ दुस्त सय्तानकाय तोसास्यावा, “धर्मसास्त्रहाङ एतमा तोओ मुना, ‘नाङइ लयको प्रभु परमेस्वरकाय परिछ्या जाह्ङ्जेलाम।’”#बेब ६:१६
13जब दुस्त सय्तानइ येसुकाय पापहाङ फसाउसाको लागि नाःतो तरिकासय परिछ्या जाह्ङ्तिभ्याआ, अनि अरु मउका दोःमाच्युकसम्मकाय फेति पाह्या।
गालिल छेत्रहाङ येसुइ लयको काम सुरु जाह्ङ्सास्यावो
(मति ४:१२-१७; मर्कुस १:१४-१५)
14पबित्र ग्वालामको जिःङ दोःति, येसु गालिलताङ द्याह्न्सास्यावा। येसुको बारेहाङ वरिपरि जुदा थाउहाङ भयभय त स्यावा। 15येसुइ सभाकिमलमहाङ स्यान्सास्यावा र जुदा मान्तालमइ येसुको प्रसङ्सा जाह्ङाकानि।
नासरतको मान्तालमइ येसुकाय इन्कार जाह्ङो
(मति १३:५३-५८; मर्कुस ६:१-६)
16येसु लय हुर्कओ नासरत त तोओ मयो सहरताङ आल्सास्यावा, र सादाको लेखाले यहुदि धोओ दिन सभाकिमहाङ आल्सास्यावा अनि धर्मसास्त्र पह्रसाकाय चिङसास्यावा। 17र यसय्या अगमबक्ताइ लेखओ किताप येसुकाय पह्रसा बयाकानि। येसुइ किताप फोल्सास्यावा र एत लेखओ कुरा त्याल्ति पह्रसास्यावा—
18 “प्रभु परमेस्वरको ग्वालाम ङाकहाङ मुना,
धइतिदाह्य्सा गरिबलमकाय परमेस्वरको पेओ खबर प्रचार जाह्ङ्साकाय परमेस्वरइ ङाकाय छ्युह्ङ्सास्यावो मुना।
झेलकनहाङ कुङ्तिगमोलमकाय बेनताक्सा,
मिक च्यउमालोलमकाय च्यउताक्सा,
अन्यायहाङ परओलमकाय सोतन्त्र जाह्ङ्सा,
19 र प्रभु परमेस्वरको चोङाइसिओ दिनको घोसना जाह्ङ्साकाय,
परमेस्वरइ ङाकाय ल्होक्सास्यावो मुना।” #
यस ६१:१-२
20ओहाङसयको येसुइ किताप बन्दा जाह्ङ्ति द्याःन्ति बयाक्तिको च्युःङ्सास्यावा। सभाकिमहाङ मुओ जुदा मान्तालमइ येसुकाय ताङ्ति योतिमुओ खेइतो। 21अनि येसुइ ओउमयकाय तोसास्यावा, “तेन निङइ ङाकसय सायो धर्मसास्त्रको इ कुरा पुतो मुना।”
22जुदा मान्तालमइ येसुको प्रसङ्सा जाह्ङाकानि। अनुग्रहइ भरपुर स्यावो येसुको नोःराय साइति ओउमय ग्याह्ङाकाय। “दोह इपाय योसेफको चोः खेल र?” त दाह्य्ति ओउमय नोःआकाय।
23अनि येसुइ ओउमयकाय तोसास्यावा, “द्याह पक्कामा निङइ ङाकाय इ आहान तोतेनानाङ्स, ‘अ बइदाङ्गि, नाङ लयकाय स्याक्ताक्स।’ निङइ ङाकाय तोतेनानाङ्स, ‘कफर्नहुम त तोओ मयो सहरहाङ जाह्ङोलेखा लयको सहरहाङमा ग्याह्ङ्सिओ काम जाह्ङु।’” 24येसुइ फेरि तोसास्यावा, “दोङ्सिले ङाइ निङकाय तोनेनाङ्स, सु अगमबक्ताकायमा लयको गाउ-थाउको मान्तालमइ पेतो ङ्हाम्निलि। 25ङाको नोःराय साइनु, दोङ्सिले एलियाको पालाहाङ सुम बर्स छ महिनासम्म तिः वामात ताह्ङो अनिकाल स्यावो खेतो। ओउबेला इस्राएलहाङ पाचा सिओ राङ्गि मोम्चोलम नाःतो खेइतो। 26तर परमेस्वरइ एलियाकाय ओउ यहुदि राङ्गि मोम्चोलमकाय सहयोग जाह्ङ्लाङ ल्होक्सास्याउल। परमेस्वरइ ओउकाय इस्राएल बाहिर सिदोन छेत्रको सारपत गाउहाङ याको यहुदि खेमालो यातचाक राङ्गि मोम्चोकाय सहयोग जाह्ङ्लाङ ल्होक्सास्यावा। 27ओउतले एलिसा अगमबक्ताको पालाहाङ इस्राएलहाङ नाःतो कोह्र्चाइ ङाःयो यहुदि मान्तालम खेइतो। तर एलिसाइ ओउमयमध्ये सुकायमा स्याक्ताकुलु। ओउइ सिरिया इलाकाको यहुदि खेमालो नामान त मय्ङ्ओ मान्ताकाय मात्र स्याक्ताकाकान।”
28इ कुरा साइति सभाकिमहाङ मुओ मान्तालम आन रिस वाङाकाय। 29ओउमय चिङाकाय, येसुकाय लःम्ति गाउसय बाहिर ग्ल्युनाकानि। ओउमयको ओउ गाउखे दान्दाहाङ खेतो र ओउमयइ येसुकाय वारको च्योःसय काःम्ताङ क्लाःति ल्होक्सा बोःङाकानि। 30तर येसुखे नाःतो मान्तालमको हुलको माझसय बेनति लयको ल्यामताङ पाह्य्सास्यावा।
लानइ ङाःयो मान्ता स्याको
(मर्कुस १:२१-२८)
31ओहाङसयको येसु गालिल छेत्रको कफर्नहुम त तोओ सहरहाङ आल्सास्यावा, अनि यहुदि धोओ दिनहाङ येसुइ मान्तालमकाय स्यान्सास्याउतो। 32येसुको स्यानराय साइति ओउमय ग्याह्ङाकाय, धइतिदाह्य्सा येसुइ ओउमयकाय अधिकारकुसि स्यान्सास्याउतो। 33सभाकिमहाङ यातचाक असुद्ध लानइ ङाःयो मान्ता खेतो। ओउ मान्ताइ हिह्ति एत दाह्या, 34“अ नासरतको येसु, नाङइ निकाय दोह हाइसा बोःङो र? दोह नाङ निकाय म्हेत्ताक्लाङ वाङ्सास्यावो या? ङाइ नाङकाय चिःनेनाङ— नाङपाय परमेस्वरइ ल्होक्सास्यावो पबित्र जनले खेसास्याउना!”
35अनि येसुइ ओउ लानकाय थत्ति तोसास्यावा, “आसिमात मुअ र इ मान्ताकसय ग्ल्युह्ङ्ति पाह्य।” ओउ मान्ताकाय जुदाको ङ्हाहाङले प्लाह्ताकाक्तिको लान ग्ल्युह्ङ्ति क्रवा, तर ओउ मान्ताकाय दोह चोतलममा स्याउल।
36जुदा मान्तालम ग्याह्ङ्ति लयमय नोःकायाकाय, “गतताह्ङो नोःराय खेचा? पेमालो लानलमकायमा अधिकार र जिःङकुसि हुकुम जाह्ङ्सास्याउना, र ओउइ रुःन्नातासले लानलममा ग्ल्युह्ङ्ति क्रउनय!” 37अनि कफर्नहुम त तोओ मयो सहरको वरिपरि येसुको बारेहाङ भयभय त स्यावा।
येसुइ नाःतो रोगि-बिरामिलमकाय स्याक्ताक्सास्यावो
(मति ८:१४-१७; मर्कुस १:२९-३४)
38सभाकिमसय ग्ल्युह्ङ्ति येसु सिमोनको किमहाङ आल्सास्यावा। ओउबेलाहाङ सिमोनको आय अयोइ एङ्तिमुओ खेतो र किमको मान्तालमइ “ओउकाय स्याक्ताक्ति बइसास्याउपाना” त दाह्य्ति येसुकाय सेवति तोआकानि। 39येसुइ ओउको द्याङ्तो आल्ति अयोकाय रुःन्सास्यावा अनि ओउ मोम्चो स्याका र चिङ्ति ओउमयको सेवा जाह्ङ्सा फाःङाकान।
40न्याम याह्सा बेलाहाङ मान्तालमइ नाःतो खालको बिरामिलमकाय येसुकहाङ वानाकानि। येसुइ ओउमयकाय क्रुत झाम्ति जुदाकाय स्याक्ताक्सास्यावा। 41नाःतो मान्तालमकसय लानलममा एत दाह्य्धय हिह्ति ग्ल्युह्ङाकाय, “नाङपाय परमेस्वरको चोःले ते खेसास्याउना!”
तर येसुइ ओउ लानलमकाय जुगाङमा नोःसा बइसास्याउल, धइतिदाह्य्सा येसुपाय मुक्ति बइसाखेओ ख्रिस्तले खेसास्याउना त दाह्य्ति ओउमयइ चिःनितो।
सभाकिमहाङ येसुइ स्यान्सास्यावो
(मर्कुस १:३५-३९)
42न्याम थोङापछि येसु सुमा नाःमालो एकान्त थाउताङ आल्सास्यावा। मान्तालम येसुकाय बोःङ्ति ओहाङ दाहाकाय। येसुकाय क्रुसापछि ओउमयइ “निकाय फेति पाह्य्जेलाम” त दाह्य्ति गम्सा बोःङाकानि। 43तर येसुइ ओउमयकाय तोसास्यावा, “ङाइ परमेस्वरको राज्यको पेओ खबर अरु थाउहाङमा प्रचार जाह्ङ्सा परनाङ, धइतिदाह्य्सा इको लागिले परमेस्वरइ ङाकाय ल्होक्सास्यावो खेना।”
44अनि येसुइ यहुदिया#४:४४ यहुदिया कुनय-कुनय सङ्सकरनलमहाङखे गालिलि त दाह्य्ति त तोओ मुना। छेत्रको सभाकिमलमहाङ आल्ति प्रचार जाह्ङ्सास्यावा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.