मर्कुस 15
15
येसुकाय रोमि हाकिमि पिलातसको ङ्हा आःलो
(मति २७:१-२,११-१४; लुका २३:१-५; युहन्ना १८:२८-३८)
1बिहान सइबरले मुख्य पुजारिलम, धर्मगुरुलम, पाको अगुवालम, र यहुदि ताह्ङो सभाको जुदा सदस्यलम क्रुस्काइति निर्नय जाह्ङाकानि। ओउमयइ येसुकाय लाइ पाःन्ति लात्ति आःलाक्तिको रोमि हाकिमि पिलातसकाय सुम्पति बयाकानि। 2पिलातसइ येसुकाय ह्वताथय, “दोह नाङ यहुदिलमको राजा खेतेना र?”
येसुइ तोसास्यावा, “मा, ओउपाय नाङ लयले दाह्य्धय मुतेना।”
3अनि मुख्य पुजारिलमइखे येसुकाय नाःतो कुरालमहाङ गाल बइसा फाःङाकानि। 4ओउतझ्यान्ते पिलातसइ येसुकाय फेरिले ह्वताथय, “लयको बारेहाङ नोःसाको लागि नाङकुसि दोह जवाफमा नाःल र? ओउमयइ नाङको बिरोतहाङ नोःओ कुरा नाङइ सायो नाःल र?”
5तर येसुइ दोह जवाफमा बइसास्याउल, ओउतझ्यान्ते पिलातस माहा जोक्तो ग्याह्ङा।
येसुकाय क्रुसहाङ योकोति सात्साको लागि सुम्पओ
(मति २७:१५-२६; लुका २३:१३-२५; युहन्ना १८:३९—१९:१६)
6हरेक छुत्काराको छ्यातको दिन मान्तालमको इच्छ्या अनुसार रोमि हाकिमि पिलातसइ झेलकनहाङ कुङ्तिगमोलम मध्येसय यातचाककाय फेनितो। 7ओउतोक बेलाहाङ यातचाक बारब्बा त मय्ङ्ओ मान्ता र अरु केहि मान्तालमकायमा उपद्र जाह्ङ्तोक बेलाहाङ मान्ता सातोझ्यान्ते झेलकनहाङ कुङ्तिगमो खेतो। 8जब मान्तालम यातथाउहाङ हुमाकाय, ङ्हा जाह्ङ्धय वाङो चलन लेखाले जाह्ङ्ति बइसाको लागि पिलातसकाय बिन्ति जाह्ङाकानि। 9पिलातसइ ओउमयकाय ह्वताकान, “दोह ङाइ यहुदिलमको राजाकाय निङको लागि फेतिबयो ते निङ चाहतेनय?” 10मुख्य पुजारिलमइ येसुकाय चोःर्तिझ्यान्ते लयकहाङ सुम्पलाङ वानो कुरा पिलातसइ चिःओझ्यान्ते ओउइ एतदाह्य्ति ह्वतो खेतो।
11तर मुख्य पुजारिलमइखे “निको लागि बारब्बाकाय फेति बइसास्याउपा” त दाह्य्ति तोताक्साको लागि मान्तालमको हुलकाय हउस्यावाकानि। 12पिलातसइ फेरिले मान्तालमको हुलकाय तोआकान, “ओउतखेया निङइ यहुदिलमको राजा त तोओ इ मान्ताकायखे, ङाइ दोह हायो ते निङ चाहतेनय?”
13“ओउकाय क्रुसहाङ योकोपाना” त दाह्य्ति ओउमय त्याङाकाय।
14पिलातसइ ओउमयकाय ह्वताकान, “इ मान्ताइ दोह अपराध जाह्ङाकान र?”
अनि ओउमयखे “ओउकाय क्रुसहाङ योकोपाना” त दाह्य्ति झन् माहा जोक्तो हिह्सा फाःङाकानि।
15पिलातसइ मान्तालमको हुलकाय आसताक्सा चाहतो, ओउतझ्यान्ते ओउइ बारब्बाकाय ओउमयको लागि फेआकान। अनि ओउइ “इकाय कोर्राइ स्रापाक्तिको क्रुसहाङ योकोनु” त दाह्य्ति आग्या जाह्ङाक्तिको येसुकायखे रोमि सिपाहिलमकाय सुम्पति बयाकान।
रोमि सिपाहिलमइ येसुकाय हेला जाह्ङ्ति थ्यावो
(मति २७:२७-३१; युहन्ना १९:२-३)
16पिलातसको सिपाहिलमइ येसुकाय हाकिमि याको दरबारको आङ्गनहाङ लात्ति आःलाकानि, अनि अरु जुदा सिपाहिलमकायमा गोत्ति यातथाउहाङ हुमाकानि। 17ओउमयइ येसुकाय ङाःलो रङको नाय लावति बयाकानि, अनि चुःको मुकुत जाह्ङाक्तिको येसुको तालाङहाङ ल्हुपाकानि। 18ओहाङसयको ओउमयइ “अ यहुदिलमको राजा, नाङ महान् खेसास्याउतेना” त दाह्य्ति अभिबादन जाह्ङ्सा फाःङाकानि। 19ओउमयइ मोको दाङ्गइ येसुको तालाङहाङ घान्धय द्युःराकानि, अनि साःहाङ क्र्योःङ घ्रुसाक्तिको येसुकाय सेवआकानि। 20जब ओउमयइ येसुकाय थ्याउति भ्याआकाय, ओउमयइ येसुकाय लावओ ओउ ङाःलो रङको नाय ल्ह्युनाक्तिको येसुको लयको नायले द्याःन्ति लावति बयाकानि। ओहाङसयको ओउमयइ येसुकाय क्रुसहाङ योकोलाङ आःलाकानि।
येसुकाय क्रुसहाङ योकोओ
(मति २७:३२-४४; लुका २३:२६-४३; युहन्ना १९:१७-२७)
21ल्यामहाङ आल्धयमुतोकहाङ ओउमयइ कुरेनि सहरको यातचाक सिमोन त मय्ङ्ओ मान्ताकाय गाउसय सहरताङ वाङ्धयमुओ क्रुसाकानि। अनि सिपाहिलमइ ओउकाय कर जाह्ङ्ति येसुको क्रुस लात्ताकाकानि। इ सिमोनखे अलेक्जेन्दर र रुफसको आपा खेतो। 22ओउमयइ येसुकाय गलगथा त तोओ थाउहाङ लात्ति आःलाकानि। (गलगथाको मानेखे “पुह्रुमको थाउ”#१५:२२ पुह्रुमको थाउ इ थाउकाय धइति “पुह्रुम” त तोआ त दाह्यो कुराको दोह प्रमानमा नाःल। सायद इखे पुह्रुम लेखाताह्ङ्तो च्यवो दान्दा खेतो, अथबा ओहाङ रोमिलमइ नाःतो मान्तालमकाय सातोझ्यान्ते ओउत तोओ खेसा खाइनउ (मति २७:३३)। खेना।) 23गलगथाहाङ दाहापछि ओउ सिपाहिलमइ जिःको अम्ताक्साको लागि येसुकाय अत्तर#१५:२३ अत्तर इकाय मुर्र त मा तोना र इखे म्हक-म्हक त बासना वाङो थोक खेना र मान्तालमइ इकाय अत्तर जाह्ङ्नानि। इ मुर्र अथबा अत्तर तुङ्धार्ना जिःको अम्ना त दाह्य्ति मान्तालम म्हरितो। ल्याह्वो धाकसायको ङोतिः तुङ्सा बयाकानि, तर येसुइ ओउ तुङ्साकाय इन्कार जाह्ङ्सास्यावा। 24ओहाङसयको ओउमयइ येसुकाय क्रुसहाङ योकोआकानि, अनि सु-सुको भाकहाङ दोह परना त दाह्य्ति चित्था आपाक्तिको येसुको नायलम लयमय वेःकायाकाय। 25ओउमयइ येसुकाय क्रुसहाङ योकोतोक बेलाहाङ बिहानको नउ बजओ खेतो। 26येसुकाय गाल बइति लेखओ सिलोतहाङ “इ मान्ता यहुदिलमको राजा खेना” त दाह्य्ति लेखओ खेतो। 27ओउमयइ निसचाक अपराधिनिसकायमा क्रुसहाङ योकोआकानि। यातचाककाय येसुको ङोइसय र अर्कोकायखे वेःसय योकोओ खेतो। 28[एतहाइति “ओउकाय अपराधिलमकुस थेङाकानि” त दाह्य्ति धर्मसास्त्रहाङ लेखओ कुरा पुत्लाङ वाङा।]#१५:२८ नया नेम ङ्हापाय ग्रिक भासाहाङ लेखओ खेना र ओउबेलाहाङ मान्तालमइ जुदा कितापलम क्रुतइ लेखति तयार जाह्ङ्नितो। मान्तालमइ क्रुतइ लेखओ ङ्हाको कुनय-कुनय कितापलमहाङखे ओउ ताह्ङो कोस्थभित्र मुओ कुरालम लेखओ नाःआक्ल (यसय्या ५३:१२)।
29ल्यामहाङ वाहो मान्तालमइमा लयमयको तालाङ तह्उलक्धय येसुकाय थ्याउति एत तोआकानि, “योनु, योनु, परमेस्वरको मन्दिरकाय भङ्ति वायाक्तिको फेरि सुम दिनहाङ तयार जाह्ङ्नाङ त दाह्यो मान्ता दोह नाङले खेतेल र? 30ओउतखेया, लयकाय दल्ताक्स र क्रुससय काःम ग्ल्युह्ङ्ति वाङ।”
31ओउतहाइतिले मुख्य पुजारिलम र धर्मगुरुलमइमा येसुकाय थ्यावाकानि। ओउमय एत दाह्याकाय, “इ मान्ताइ अरुकायपाय स्याक्ताकाकान, तर लयकायखे स्याक्ताक्सा खायुलु। 32द्याह योनि, इ इस्राएलिलमको ख्रिस्त राजा क्रुससय काःम ग्ल्युह्ङ्ति वाङ्ना त खेया, निइ ओउकाय बिस्वास जाह्ङ्लेनातह्य्नि।”
ओउच्युक मात्र खेमात, येसुकुस क्रुसहाङ योकोओ निसचाक अपराधिनिसइमा येसुकाय थ्याउसा फाःङाकाचु।
येसु क्रुसहाङ सिसास्यावो
(मति २७:४५-५६; लुका २३:४४-४९; युहन्ना १९:२८-३०)
33हिदिङको बाह्र बजेहाङसय सुम बजेसम्म जुदा देसभरिहाङले च्याक्तो स्यावा। 34अनि सुम बजेताङ येसु ताह्ङो हाउनयहाङ “इलोय, इलोय, लामा सबखथनि?” त दाह्य्ति हिह्सास्यावा। ओउको मानेखे “ङाको परमेस्वर, ङाको परमेस्वर, नाङइ ङाकाय धइति ते त्यागसा स्याउतेआ?”#भजन २२:१ त तोओ खेना।
35ओहाङ चिङ्तिमुओ केहि मान्तालमइखे येसुको कुराकाय साइति एत दाह्याकाय, “साइनु, इ मान्ताइपाय एलिया अगमबक्ताकाय गोःधय मुना!” 36ओउमय मध्येको यातचाक तन्ति आलाक्तिको मोको ब्रावो दाङ्गको च्योःहाङ नाय पोतोलाकान। अनि ओउकाय धाकसायको स्रोको ङोतिःहाङ जोःआक्तिको येसुको म्होतोङहाङ धोङ्कधय एत दाह्या, “द्याह योनि, इकाय क्रुससय काःम्ताङ क्लाःलाङ, न एलिया अगमबक्ता वाङ्ना या!”
37अनि येसुइ ताह्ङो हाउनयहाङ हिह्आक्तिको सिसास्यावा। 38ओउतोक बेलाहाङ मन्दिरको पबित्र थाउहाङ हेङ्कति खोतिगमो पर्दामा#१५:३८ पर्दा परमेस्वरइ मोसाकाय मन्दिरको आराधना जाह्ङो थाउहाङ पर्दा हेङ्कति खोति गम्साकाय आग्या जाह्ङ्सास्यावा (प्रस्थान २६:३१-३३)। इ पर्दाइखे पुजारिलमइ जाह्ङ्सा परओ ओउमयको काम जाह्ङो पबित्र थाउ र परमेस्वर थासास्यावो माहा पबित्र थाउकाय पाङ्गति गमुतो। ओउ पर्दा खोतिगमोको कारनखे सु मान्तालममा र सु पुजारिलममा परमेस्वरकाय क्रुस्साको लागि माहा पबित्र थाउहाङ पोक्सा स्यावाक्ल, तर बिसेस खालको भोक बइसाको लागि ताह्ङो पुजारिखे बर्सहाङ यातपल्त मात्र भित्र पोक्सा दोःतो। लोन्हे जब येसु सिसास्यावा, मन्दिरभित्र खोतिगमो पर्दा निस भाक स्याउतोसम्मले क्रेता, ओउको मानेखे पाङ्गति गमो दोह थोकमा नाःल, द्याह जुदा मान्तालमले परमेस्वरकाय क्रुस्सा खाइनानि (हिब्रु १०:१९-२०)। त्याःवहाङसय काःमसम्म निस भाक स्याउतोसम्मले क्रेता। 39क्रुसको ङ्हा चिङ्तिमुओ सेनाको कप्तानइ येसु गतहाइति हिह्ति सिसास्यावा त दाह्यो कुरा च्यवाकान। ओउतझ्यान्ते ओउ एत दाह्या, “इ मान्तापाय दोङ्सिले परमेस्वरको चोः खेसास्याउलेतो।”
40ओहाङ केहि मोम्चोलमखे लोक्तोसयले योतिमुओ खेइतो। ओउमय मध्येहाङ मरियम मग्दलिनि,#१५:४० मरियम मग्दलिनि मरियम त तोओ मय्ङखे इस्राएलहाङ नाःतो मोम्चोलमकोले स्याउतो। इ मरियमखे मग्दला त तोओ सहरसय वाङोझ्यान्ते “मरियम मग्दलिनि” त तोओ खेना। जवान गोय्चो याकुब र योसेफको आमा मरियम र सलोमि खेइतो। 41येसु गालिलहाङ मुतोक बेलाहाङले ओउमयइ येसुकाय सहयोग जाह्ङ्धय गुह्ल्ति वाहो खेइतो। अनि यरुसलेमसम्म येसुकुस वाङो अरु मोम्चोलममा ओहाङ खेइतो।
येसुकाय तेसराङहाङ गमो
(मति २७:५७-६१; लुका २३:५०-५६; युहन्ना १९:३८-४२)
42इ घतनाखे सुकुबारको दिन यहुदि धोओ दिन सुरु स्याउसासय ङ्हा तयारिको दिनहाङ स्यावो खेतो।#१५:४२ यहुदि धोओ दिनखे सुकुबार राह्म न्याम ब्लकोहाङसय सुरु स्याउति सन्चबार राह्म न्याम ब्लकोहाङ द्युम्ना। राह्म स्याउतोक बेलाहाङ, 43अरिमाथिया सहरको यातचाक योसेफ त मय्ङ्ओ मान्ता साहसकुसि आलाक्तिको पिलातसकाय येसुको म्हाङ तेआ। योसेफखे यहुदि ताह्ङो सभाको माहा जोक्तो सम्मानित सदस्य खेतो, र ओउइ वाङ्साखेओ परमेस्वरको राज्यकायमा ल्युह्ङ्तिमुओ खेतो। 44येसु सितिखाया त दाह्यो कुराहाङ पिलातसइ बिस्वास जाह्ङ्साले खायुलु। ओउतझ्यान्ते ओउइ सेनाको कप्तानकाय गोताक्तिको येसु सितिखायो खेना या खेल या त दाह्य्ति ह्वताकान। 45येसु सितिखायो कुराको खबर कप्तानकसय सायापछि, पिलातसइ योसेफकाय येसुको म्हाङ लात्ति आःल्सा अनुमति बयाथय। 46योसेफइ ग्याङो खालको यातज्यो सुतिको नाय लेःआकान, र येसुको म्हाङकाय क्रुससय काःम क्लाःआक्तिको नायइ पोतोलाकान। अनि ओउ म्हाङकाय लात्ति आःलाक्तिको बल्यो सिलाबाङकाय कुनति जाह्ङ्तिगमो तेसभित्र काति गमाकान। ओहाङसयको तेसहाङ पोको दह्य्लो राक्साकाय ताह्ङो ब्लेकबाङ धुस्ति आःल्ति राक्ति गमा। 47येसुको म्हाङ गमो थाउखे मरियम मग्दलिनि र योसेफको आमा मरियमइ योतिमुओ खेचतो।
Currently Selected:
मर्कुस 15: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
मर्कुस 15
15
येसुकाय रोमि हाकिमि पिलातसको ङ्हा आःलो
(मति २७:१-२,११-१४; लुका २३:१-५; युहन्ना १८:२८-३८)
1बिहान सइबरले मुख्य पुजारिलम, धर्मगुरुलम, पाको अगुवालम, र यहुदि ताह्ङो सभाको जुदा सदस्यलम क्रुस्काइति निर्नय जाह्ङाकानि। ओउमयइ येसुकाय लाइ पाःन्ति लात्ति आःलाक्तिको रोमि हाकिमि पिलातसकाय सुम्पति बयाकानि। 2पिलातसइ येसुकाय ह्वताथय, “दोह नाङ यहुदिलमको राजा खेतेना र?”
येसुइ तोसास्यावा, “मा, ओउपाय नाङ लयले दाह्य्धय मुतेना।”
3अनि मुख्य पुजारिलमइखे येसुकाय नाःतो कुरालमहाङ गाल बइसा फाःङाकानि। 4ओउतझ्यान्ते पिलातसइ येसुकाय फेरिले ह्वताथय, “लयको बारेहाङ नोःसाको लागि नाङकुसि दोह जवाफमा नाःल र? ओउमयइ नाङको बिरोतहाङ नोःओ कुरा नाङइ सायो नाःल र?”
5तर येसुइ दोह जवाफमा बइसास्याउल, ओउतझ्यान्ते पिलातस माहा जोक्तो ग्याह्ङा।
येसुकाय क्रुसहाङ योकोति सात्साको लागि सुम्पओ
(मति २७:१५-२६; लुका २३:१३-२५; युहन्ना १८:३९—१९:१६)
6हरेक छुत्काराको छ्यातको दिन मान्तालमको इच्छ्या अनुसार रोमि हाकिमि पिलातसइ झेलकनहाङ कुङ्तिगमोलम मध्येसय यातचाककाय फेनितो। 7ओउतोक बेलाहाङ यातचाक बारब्बा त मय्ङ्ओ मान्ता र अरु केहि मान्तालमकायमा उपद्र जाह्ङ्तोक बेलाहाङ मान्ता सातोझ्यान्ते झेलकनहाङ कुङ्तिगमो खेतो। 8जब मान्तालम यातथाउहाङ हुमाकाय, ङ्हा जाह्ङ्धय वाङो चलन लेखाले जाह्ङ्ति बइसाको लागि पिलातसकाय बिन्ति जाह्ङाकानि। 9पिलातसइ ओउमयकाय ह्वताकान, “दोह ङाइ यहुदिलमको राजाकाय निङको लागि फेतिबयो ते निङ चाहतेनय?” 10मुख्य पुजारिलमइ येसुकाय चोःर्तिझ्यान्ते लयकहाङ सुम्पलाङ वानो कुरा पिलातसइ चिःओझ्यान्ते ओउइ एतदाह्य्ति ह्वतो खेतो।
11तर मुख्य पुजारिलमइखे “निको लागि बारब्बाकाय फेति बइसास्याउपा” त दाह्य्ति तोताक्साको लागि मान्तालमको हुलकाय हउस्यावाकानि। 12पिलातसइ फेरिले मान्तालमको हुलकाय तोआकान, “ओउतखेया निङइ यहुदिलमको राजा त तोओ इ मान्ताकायखे, ङाइ दोह हायो ते निङ चाहतेनय?”
13“ओउकाय क्रुसहाङ योकोपाना” त दाह्य्ति ओउमय त्याङाकाय।
14पिलातसइ ओउमयकाय ह्वताकान, “इ मान्ताइ दोह अपराध जाह्ङाकान र?”
अनि ओउमयखे “ओउकाय क्रुसहाङ योकोपाना” त दाह्य्ति झन् माहा जोक्तो हिह्सा फाःङाकानि।
15पिलातसइ मान्तालमको हुलकाय आसताक्सा चाहतो, ओउतझ्यान्ते ओउइ बारब्बाकाय ओउमयको लागि फेआकान। अनि ओउइ “इकाय कोर्राइ स्रापाक्तिको क्रुसहाङ योकोनु” त दाह्य्ति आग्या जाह्ङाक्तिको येसुकायखे रोमि सिपाहिलमकाय सुम्पति बयाकान।
रोमि सिपाहिलमइ येसुकाय हेला जाह्ङ्ति थ्यावो
(मति २७:२७-३१; युहन्ना १९:२-३)
16पिलातसको सिपाहिलमइ येसुकाय हाकिमि याको दरबारको आङ्गनहाङ लात्ति आःलाकानि, अनि अरु जुदा सिपाहिलमकायमा गोत्ति यातथाउहाङ हुमाकानि। 17ओउमयइ येसुकाय ङाःलो रङको नाय लावति बयाकानि, अनि चुःको मुकुत जाह्ङाक्तिको येसुको तालाङहाङ ल्हुपाकानि। 18ओहाङसयको ओउमयइ “अ यहुदिलमको राजा, नाङ महान् खेसास्याउतेना” त दाह्य्ति अभिबादन जाह्ङ्सा फाःङाकानि। 19ओउमयइ मोको दाङ्गइ येसुको तालाङहाङ घान्धय द्युःराकानि, अनि साःहाङ क्र्योःङ घ्रुसाक्तिको येसुकाय सेवआकानि। 20जब ओउमयइ येसुकाय थ्याउति भ्याआकाय, ओउमयइ येसुकाय लावओ ओउ ङाःलो रङको नाय ल्ह्युनाक्तिको येसुको लयको नायले द्याःन्ति लावति बयाकानि। ओहाङसयको ओउमयइ येसुकाय क्रुसहाङ योकोलाङ आःलाकानि।
येसुकाय क्रुसहाङ योकोओ
(मति २७:३२-४४; लुका २३:२६-४३; युहन्ना १९:१७-२७)
21ल्यामहाङ आल्धयमुतोकहाङ ओउमयइ कुरेनि सहरको यातचाक सिमोन त मय्ङ्ओ मान्ताकाय गाउसय सहरताङ वाङ्धयमुओ क्रुसाकानि। अनि सिपाहिलमइ ओउकाय कर जाह्ङ्ति येसुको क्रुस लात्ताकाकानि। इ सिमोनखे अलेक्जेन्दर र रुफसको आपा खेतो। 22ओउमयइ येसुकाय गलगथा त तोओ थाउहाङ लात्ति आःलाकानि। (गलगथाको मानेखे “पुह्रुमको थाउ”#१५:२२ पुह्रुमको थाउ इ थाउकाय धइति “पुह्रुम” त तोआ त दाह्यो कुराको दोह प्रमानमा नाःल। सायद इखे पुह्रुम लेखाताह्ङ्तो च्यवो दान्दा खेतो, अथबा ओहाङ रोमिलमइ नाःतो मान्तालमकाय सातोझ्यान्ते ओउत तोओ खेसा खाइनउ (मति २७:३३)। खेना।) 23गलगथाहाङ दाहापछि ओउ सिपाहिलमइ जिःको अम्ताक्साको लागि येसुकाय अत्तर#१५:२३ अत्तर इकाय मुर्र त मा तोना र इखे म्हक-म्हक त बासना वाङो थोक खेना र मान्तालमइ इकाय अत्तर जाह्ङ्नानि। इ मुर्र अथबा अत्तर तुङ्धार्ना जिःको अम्ना त दाह्य्ति मान्तालम म्हरितो। ल्याह्वो धाकसायको ङोतिः तुङ्सा बयाकानि, तर येसुइ ओउ तुङ्साकाय इन्कार जाह्ङ्सास्यावा। 24ओहाङसयको ओउमयइ येसुकाय क्रुसहाङ योकोआकानि, अनि सु-सुको भाकहाङ दोह परना त दाह्य्ति चित्था आपाक्तिको येसुको नायलम लयमय वेःकायाकाय। 25ओउमयइ येसुकाय क्रुसहाङ योकोतोक बेलाहाङ बिहानको नउ बजओ खेतो। 26येसुकाय गाल बइति लेखओ सिलोतहाङ “इ मान्ता यहुदिलमको राजा खेना” त दाह्य्ति लेखओ खेतो। 27ओउमयइ निसचाक अपराधिनिसकायमा क्रुसहाङ योकोआकानि। यातचाककाय येसुको ङोइसय र अर्कोकायखे वेःसय योकोओ खेतो। 28[एतहाइति “ओउकाय अपराधिलमकुस थेङाकानि” त दाह्य्ति धर्मसास्त्रहाङ लेखओ कुरा पुत्लाङ वाङा।]#१५:२८ नया नेम ङ्हापाय ग्रिक भासाहाङ लेखओ खेना र ओउबेलाहाङ मान्तालमइ जुदा कितापलम क्रुतइ लेखति तयार जाह्ङ्नितो। मान्तालमइ क्रुतइ लेखओ ङ्हाको कुनय-कुनय कितापलमहाङखे ओउ ताह्ङो कोस्थभित्र मुओ कुरालम लेखओ नाःआक्ल (यसय्या ५३:१२)।
29ल्यामहाङ वाहो मान्तालमइमा लयमयको तालाङ तह्उलक्धय येसुकाय थ्याउति एत तोआकानि, “योनु, योनु, परमेस्वरको मन्दिरकाय भङ्ति वायाक्तिको फेरि सुम दिनहाङ तयार जाह्ङ्नाङ त दाह्यो मान्ता दोह नाङले खेतेल र? 30ओउतखेया, लयकाय दल्ताक्स र क्रुससय काःम ग्ल्युह्ङ्ति वाङ।”
31ओउतहाइतिले मुख्य पुजारिलम र धर्मगुरुलमइमा येसुकाय थ्यावाकानि। ओउमय एत दाह्याकाय, “इ मान्ताइ अरुकायपाय स्याक्ताकाकान, तर लयकायखे स्याक्ताक्सा खायुलु। 32द्याह योनि, इ इस्राएलिलमको ख्रिस्त राजा क्रुससय काःम ग्ल्युह्ङ्ति वाङ्ना त खेया, निइ ओउकाय बिस्वास जाह्ङ्लेनातह्य्नि।”
ओउच्युक मात्र खेमात, येसुकुस क्रुसहाङ योकोओ निसचाक अपराधिनिसइमा येसुकाय थ्याउसा फाःङाकाचु।
येसु क्रुसहाङ सिसास्यावो
(मति २७:४५-५६; लुका २३:४४-४९; युहन्ना १९:२८-३०)
33हिदिङको बाह्र बजेहाङसय सुम बजेसम्म जुदा देसभरिहाङले च्याक्तो स्यावा। 34अनि सुम बजेताङ येसु ताह्ङो हाउनयहाङ “इलोय, इलोय, लामा सबखथनि?” त दाह्य्ति हिह्सास्यावा। ओउको मानेखे “ङाको परमेस्वर, ङाको परमेस्वर, नाङइ ङाकाय धइति ते त्यागसा स्याउतेआ?”#भजन २२:१ त तोओ खेना।
35ओहाङ चिङ्तिमुओ केहि मान्तालमइखे येसुको कुराकाय साइति एत दाह्याकाय, “साइनु, इ मान्ताइपाय एलिया अगमबक्ताकाय गोःधय मुना!” 36ओउमय मध्येको यातचाक तन्ति आलाक्तिको मोको ब्रावो दाङ्गको च्योःहाङ नाय पोतोलाकान। अनि ओउकाय धाकसायको स्रोको ङोतिःहाङ जोःआक्तिको येसुको म्होतोङहाङ धोङ्कधय एत दाह्या, “द्याह योनि, इकाय क्रुससय काःम्ताङ क्लाःलाङ, न एलिया अगमबक्ता वाङ्ना या!”
37अनि येसुइ ताह्ङो हाउनयहाङ हिह्आक्तिको सिसास्यावा। 38ओउतोक बेलाहाङ मन्दिरको पबित्र थाउहाङ हेङ्कति खोतिगमो पर्दामा#१५:३८ पर्दा परमेस्वरइ मोसाकाय मन्दिरको आराधना जाह्ङो थाउहाङ पर्दा हेङ्कति खोति गम्साकाय आग्या जाह्ङ्सास्यावा (प्रस्थान २६:३१-३३)। इ पर्दाइखे पुजारिलमइ जाह्ङ्सा परओ ओउमयको काम जाह्ङो पबित्र थाउ र परमेस्वर थासास्यावो माहा पबित्र थाउकाय पाङ्गति गमुतो। ओउ पर्दा खोतिगमोको कारनखे सु मान्तालममा र सु पुजारिलममा परमेस्वरकाय क्रुस्साको लागि माहा पबित्र थाउहाङ पोक्सा स्यावाक्ल, तर बिसेस खालको भोक बइसाको लागि ताह्ङो पुजारिखे बर्सहाङ यातपल्त मात्र भित्र पोक्सा दोःतो। लोन्हे जब येसु सिसास्यावा, मन्दिरभित्र खोतिगमो पर्दा निस भाक स्याउतोसम्मले क्रेता, ओउको मानेखे पाङ्गति गमो दोह थोकमा नाःल, द्याह जुदा मान्तालमले परमेस्वरकाय क्रुस्सा खाइनानि (हिब्रु १०:१९-२०)। त्याःवहाङसय काःमसम्म निस भाक स्याउतोसम्मले क्रेता। 39क्रुसको ङ्हा चिङ्तिमुओ सेनाको कप्तानइ येसु गतहाइति हिह्ति सिसास्यावा त दाह्यो कुरा च्यवाकान। ओउतझ्यान्ते ओउ एत दाह्या, “इ मान्तापाय दोङ्सिले परमेस्वरको चोः खेसास्याउलेतो।”
40ओहाङ केहि मोम्चोलमखे लोक्तोसयले योतिमुओ खेइतो। ओउमय मध्येहाङ मरियम मग्दलिनि,#१५:४० मरियम मग्दलिनि मरियम त तोओ मय्ङखे इस्राएलहाङ नाःतो मोम्चोलमकोले स्याउतो। इ मरियमखे मग्दला त तोओ सहरसय वाङोझ्यान्ते “मरियम मग्दलिनि” त तोओ खेना। जवान गोय्चो याकुब र योसेफको आमा मरियम र सलोमि खेइतो। 41येसु गालिलहाङ मुतोक बेलाहाङले ओउमयइ येसुकाय सहयोग जाह्ङ्धय गुह्ल्ति वाहो खेइतो। अनि यरुसलेमसम्म येसुकुस वाङो अरु मोम्चोलममा ओहाङ खेइतो।
येसुकाय तेसराङहाङ गमो
(मति २७:५७-६१; लुका २३:५०-५६; युहन्ना १९:३८-४२)
42इ घतनाखे सुकुबारको दिन यहुदि धोओ दिन सुरु स्याउसासय ङ्हा तयारिको दिनहाङ स्यावो खेतो।#१५:४२ यहुदि धोओ दिनखे सुकुबार राह्म न्याम ब्लकोहाङसय सुरु स्याउति सन्चबार राह्म न्याम ब्लकोहाङ द्युम्ना। राह्म स्याउतोक बेलाहाङ, 43अरिमाथिया सहरको यातचाक योसेफ त मय्ङ्ओ मान्ता साहसकुसि आलाक्तिको पिलातसकाय येसुको म्हाङ तेआ। योसेफखे यहुदि ताह्ङो सभाको माहा जोक्तो सम्मानित सदस्य खेतो, र ओउइ वाङ्साखेओ परमेस्वरको राज्यकायमा ल्युह्ङ्तिमुओ खेतो। 44येसु सितिखाया त दाह्यो कुराहाङ पिलातसइ बिस्वास जाह्ङ्साले खायुलु। ओउतझ्यान्ते ओउइ सेनाको कप्तानकाय गोताक्तिको येसु सितिखायो खेना या खेल या त दाह्य्ति ह्वताकान। 45येसु सितिखायो कुराको खबर कप्तानकसय सायापछि, पिलातसइ योसेफकाय येसुको म्हाङ लात्ति आःल्सा अनुमति बयाथय। 46योसेफइ ग्याङो खालको यातज्यो सुतिको नाय लेःआकान, र येसुको म्हाङकाय क्रुससय काःम क्लाःआक्तिको नायइ पोतोलाकान। अनि ओउ म्हाङकाय लात्ति आःलाक्तिको बल्यो सिलाबाङकाय कुनति जाह्ङ्तिगमो तेसभित्र काति गमाकान। ओहाङसयको तेसहाङ पोको दह्य्लो राक्साकाय ताह्ङो ब्लेकबाङ धुस्ति आःल्ति राक्ति गमा। 47येसुको म्हाङ गमो थाउखे मरियम मग्दलिनि र योसेफको आमा मरियमइ योतिमुओ खेचतो।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.