लुका 4:9-12

हसे येसुके सइतानेइ यरुसलेमक मन्‍दिर उप्र लेजिकुन कहल, “साँच्‍चिकइ तोहे परमेसोरक छावा हखउ कने इछिसे तर हामफालिके हबखाइ किकेकने ‘तेउह्राके हेरबिचार करिके परमेसोरेइ आफ्‍न सोर्‌गदुत खाटाइदेतात्’ कइकुन धर्‌मक कितापयँ लेख्‍ल बाटइ। र तेर गोडयँ पाथरेइ चोट झुन् लागुस कइकुन सोर्‌गदुतसबेइ तेह्राके हाथ-हाथइ थाम्‍ताहात्।” येसुइ जबाफ देइकेभइल, “धर्‌मक कितापेइ यस्‍न पुनु कहल बाटइ ‘तोइ परमप्रभु आफ्‍न परमेसोरक जाँच नाइकरिके।’”