लुका 3
3
बप्तिस्मा दिन्या युहन्ना
(मत्ति ३:१-१२; मर्कुस १:१-८; युहन्ना १:१९-२८)
1रोमि म्हाँराजा तिबेरिअसले राज्या चलाया पुन्न बर्स भैगो छियो। तेइबेला पन्तियस पिलातस यहुदिया ठौरका ठुला हाकिम छिया। हेरोद एन्टिपासले#३:१ हेरोद एन्टिपासले इसु जुन्मियाबेला राजा हेरोदका छोरा हेरोद एन्टिपास तिँ यहुदाका सासक छिया गालिल र तिनुका भाइ फिलिपले इतुरिया र तारकोनितिसमै सासन गद्दा छिया, अनि लुसानियास अबिलेनेका सासक छिया। 2स्हबै भुन्दा ठुला पुजारिहरु हन्नास र कैयाफा भया बेला रुखो ठाउँमै परमेसोरको बचन जकरियाका छोरा युहन्नाति आयो। 3युहन्नाले यर्दन गाड्का स्हबैतिर गइ मान्ठहरुकन भुन्या, “आम्ना पाप छोडिकन बप्तिस्मा ल्हेउ अनि परमेसोरले तुम्मा पाप कट्टा गन्न्या छुन।” 4यइथैगरि परमेसोरको रैबार ल्याउन्या यसैयाले धर्मसास्त्रमै युहन्नाको बारेमै लेख्याछ,
“रुखो ठाउँमै एक जुनले ठुलो डाको गाड्डै भुन्यो,
‘परमप्रभुको बाटो स्हपाड,
उनुको हड्न्या बाटो स्होज्याउ।#यसैया ४०:३-५
5स्हबै खाल्टा-खुल्टि पुरिन्याछ,
डाँडा-काँडा स्हुम्याउन्याछ,
घुमाउटो बाटो स्होज्याइन्याछन्,
र अप्ठारा बाटा स्हजिलो हुन्याछन्।
6अनि स्हबै मान्ठले परमेसोरको मुक्ति देख्न्या छुन्।’”#यसैया ४०:३-५
7मस्थै मान्ठहरु बप्तिस्मा ल्हिन युहन्नाति आया। तर युहन्नाले मान्ठहरुकन भुन्या, “ए स्हापका स्हुन्तनौ, परमेसोरले गन्न्या सजायबाट उम्किन स्हकौला भुनि तुमिहरुकन कोइले सिकायो? 8स्हाँच्चि तुमिहरुले आपु पापि हुँ भुनि आम्नो मुन परमेसोर तिर फर्कायौ भुन्या तेइ उन्सार चल्न्या गर। तर ‘हामि अब्राहामका स्हुन्तान हौ’ भुन्नैमा तुमिहरु उम्कुन्छौ भुनि नस्हुच। मु तुमिहरुकन भुन्नाछु, परमेसोरले ढुंगाबाट अब्राहामका स्हुन्तानहरु जुन्माउन पुनि स्हक्ताछुन्। 9रुखहरुका जडामै बुन्चरो पडि स्हक्याछ। यइबिअ राम्मो फल नदिन्या स्हबै रुख ढालिन्याछुन्, र आगामै फालिन्या छुन्।”
10मान्ठहरुले युहन्नाकन स्होद्या, “यइथो भया हामिले क्या गन्नु पड्दोछ?”
11युहन्नाले भुन्या, “जो स्हत दुइ जोड टाला छुन् नहुन्याकन एक जोड देओस्। जो स्हत अनाज छ नहुन्याकन नाप्नापा देओस्।”
12तिरो उठाउन्याहरु पुनि बप्तिस्मा ल्हिन आया र युहन्नाकन स्होद्या, “गुरुज्यु, हामिले क्या गन्नु पड्न्या हो?”
13युहन्नाले तिनुकन भुन्या, “सरकारले तोक्या भुन्दा भौति नउठाउ।”
14सिपाइले पुनि स्होद्या, “हामिले क्या गन्नु पड्यो?”
युहन्नाले भुन्या, “बलगरि गरि झुटा दोस लाइकन रुपिँया नल्हेउ। बतु आम्नै तनखामै सन्तुस होउ।”
15मान्ठहरु मुक्ति दिन्या ख्रिस्टको आसामै छिया, अनि तिनुहरुले मुनमुनै “युहन्ना नै मुक्ति दिन्या ख्रिस्ट हुन् कि?” भुनि स्हुइन लाग्या। 16तेस्हो भया हुनाले युहन्नाले स्हबैकन भुन्या, “मु त तुमिहरुकन पानिले बप्तिस्मा दिन्छु। तर मुभुन्दा ठुला एक जुना आउँदैछुन्। मु त तिनुका पौलाका तुना फुकाउन्या जैइथै पुनि नाइ। उनुले तुमिहरुकन पबित्त आत्मा र आगाले बप्तिस्मा दिन्याछन्। 17अनाज निफन्या स्हुपो तिनुका हातमै छ, तिनुले निफनिकन अनाज भकारिमै हाल्न्या छन, तर भुसकन कैले ननिभ्न्या आगामै पोल्दिन्या छुन्।”
18युहन्नाले यइथैगरि अरु मथ्थै अत्तो दिनै मान्ठहरुकन राम्मो रैबार स्हुनाया। 19तेइबेला राजा हेरोदले आम्नो भाइकि जोइ हेरोदियास स्हात भ्या गर्या हुनाले युहन्नाले तेइकन हप्काया, क्यानभुन्या तेइले अरु मस्थै दुस्ट कामहरु पुनि गर्या छियो। 20तब हेरोदले युहन्नाकन झ्यालखानमै थुन्यो र अँजै ठुलो अराम्मो काम गर्यो।
इसुले बप्तिस्मा ल्हिया
(मत्ति ३:१३-१७; मर्कुस १:९-११; युहन्ना १:३२-३४)
21एक दिन स्हबै मान्ठहरुले बप्तिस्मा ल्हिनैछिया इसुले पुनि बप्तिस्मा लिया र तिनुले प्रार्थना गरिरया छिया तेइबेला सोर्ग उग्रियो, 22र पबित्त आत्मा ढुकुरको रुप ल्हि उनु माथि आयो अनि सोर्गबाट यइथो डाको आयो, “तुमि मेरा प्यारा छोरा हौ, तुमि स्हात मु मस्थै खुसि छु।”
इसुका पुर्खाहरु
(मत्ति १:१-१७)
23इसु पुग्नपुग् तिस बर्स जतिका भइ स्हक्या परमेसोरको काम गन्न लाग्या। मान्ठहरुले त इसु योसेफका छोरा हुन् स्हुच्या छिया। योसेफ एलिका छोरा छिया, 24एलि मत्तातका छोरा, मत्तात लेबिका छोरा, लेबि मल्किका छोरा, मल्कि यान्नाका छोरा, यान्ना योसेफका छोरा, 25योसेफ मत्ताथियासका छोरा, मत्ताथियास आमोसका छोरा, आमोस नहुमका छोरा, नहुम इसलिका छोरा, इसलि नग्गैका छोरा, 26नग्गै माथका छोरा, माथ मत्ताथियास छोरा, मत्ताथियास सेमैनका छोरा, सेमैन योसेखका छोरा, योसेख योदाका छोरा, 27योदा योआननका छोरा, योआनन रेसाका छोरा, रेसा यरुबाबेलका छोरा, यरुबाबेल सालतिएलका छोरा, सालतिएल नेरिका छोरा, 28नेरि मल्किका छोरा, मल्कि अद्दिका छोरा, अद्दि कोसामका छोरा, कोसाम एलमादमका छोरा, एलमादम एर्का छोरा, 29एर् यहोसुका छोरा, यहोसु एलिएजरका छोरा, एलिएजर योरिमका छोरा, योरिम मत्तातका छोरा, मत्तात लेबिका छोरा, 30लेबि सिमियोनका छोरा, सिमियोन यहुदाका छोरा, यहुदा योसेफका छोरा, योसेफ योनानका छोरा, योनान एल्याकिमका छोरा, 31एल्याकिमि मलेआका छोरा, मलेआ मिन्नाका छोरा, मिन्ना मत्ताथाका छोरा, मत्ताथा नातानका छोरा, नातान दाउदका छोरा, 32दाउद यिसैका छोरा, यिसै ओबेदका छोरा, ओबेद बोअजका छोरा, बोअज सल्मोनका छोरा, सल्मोन नहसोनका छोरा, 33नहसोन आम्मिनादाबका छोरा, आम्मिनादाब आरामका छोरा, आराम हेसोरोनका छोरा, हेसोरोन फारेसका छोरा, फारेस यहुदाका छोरा, 34यहुदा याकुबका छोरा, याकुब इसहाकका छोरा, इसहाक अब्राहामका छोरा, अब्राहाम तेरहका छोरा, तेरह नाहोरका छोरा, 35नाहोर सरुगका छोरा, सरुग रउका छोरा, रउ पेलेगका छोरा, पेलेग एबेरका छोरा, एबेर सेलेहका छोरा, 36सेलेह केनानका छोरा, केनान अर्पछेदका छोरा, अर्पछेद सेमका छोरा, सेम नोआका छोरा, नोआ लेमेखका छोरा, 37लेमेखक मतुसेलहका छोरा, मतुसेलह हनोकका छोरा, हनोक येरेदका छोरा, येरेद महलालेलका छोरा, महलालेल केनानका छोरा, 38केनान एनोसका छोरा, एनोस सेतका छोरा, सेत आदमका छोरा आदम परमेसोरका छोरा छिया।
Currently Selected:
लुका 3: JUML
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 3
3
बप्तिस्मा दिन्या युहन्ना
(मत्ति ३:१-१२; मर्कुस १:१-८; युहन्ना १:१९-२८)
1रोमि म्हाँराजा तिबेरिअसले राज्या चलाया पुन्न बर्स भैगो छियो। तेइबेला पन्तियस पिलातस यहुदिया ठौरका ठुला हाकिम छिया। हेरोद एन्टिपासले#३:१ हेरोद एन्टिपासले इसु जुन्मियाबेला राजा हेरोदका छोरा हेरोद एन्टिपास तिँ यहुदाका सासक छिया गालिल र तिनुका भाइ फिलिपले इतुरिया र तारकोनितिसमै सासन गद्दा छिया, अनि लुसानियास अबिलेनेका सासक छिया। 2स्हबै भुन्दा ठुला पुजारिहरु हन्नास र कैयाफा भया बेला रुखो ठाउँमै परमेसोरको बचन जकरियाका छोरा युहन्नाति आयो। 3युहन्नाले यर्दन गाड्का स्हबैतिर गइ मान्ठहरुकन भुन्या, “आम्ना पाप छोडिकन बप्तिस्मा ल्हेउ अनि परमेसोरले तुम्मा पाप कट्टा गन्न्या छुन।” 4यइथैगरि परमेसोरको रैबार ल्याउन्या यसैयाले धर्मसास्त्रमै युहन्नाको बारेमै लेख्याछ,
“रुखो ठाउँमै एक जुनले ठुलो डाको गाड्डै भुन्यो,
‘परमप्रभुको बाटो स्हपाड,
उनुको हड्न्या बाटो स्होज्याउ।#यसैया ४०:३-५
5स्हबै खाल्टा-खुल्टि पुरिन्याछ,
डाँडा-काँडा स्हुम्याउन्याछ,
घुमाउटो बाटो स्होज्याइन्याछन्,
र अप्ठारा बाटा स्हजिलो हुन्याछन्।
6अनि स्हबै मान्ठले परमेसोरको मुक्ति देख्न्या छुन्।’”#यसैया ४०:३-५
7मस्थै मान्ठहरु बप्तिस्मा ल्हिन युहन्नाति आया। तर युहन्नाले मान्ठहरुकन भुन्या, “ए स्हापका स्हुन्तनौ, परमेसोरले गन्न्या सजायबाट उम्किन स्हकौला भुनि तुमिहरुकन कोइले सिकायो? 8स्हाँच्चि तुमिहरुले आपु पापि हुँ भुनि आम्नो मुन परमेसोर तिर फर्कायौ भुन्या तेइ उन्सार चल्न्या गर। तर ‘हामि अब्राहामका स्हुन्तान हौ’ भुन्नैमा तुमिहरु उम्कुन्छौ भुनि नस्हुच। मु तुमिहरुकन भुन्नाछु, परमेसोरले ढुंगाबाट अब्राहामका स्हुन्तानहरु जुन्माउन पुनि स्हक्ताछुन्। 9रुखहरुका जडामै बुन्चरो पडि स्हक्याछ। यइबिअ राम्मो फल नदिन्या स्हबै रुख ढालिन्याछुन्, र आगामै फालिन्या छुन्।”
10मान्ठहरुले युहन्नाकन स्होद्या, “यइथो भया हामिले क्या गन्नु पड्दोछ?”
11युहन्नाले भुन्या, “जो स्हत दुइ जोड टाला छुन् नहुन्याकन एक जोड देओस्। जो स्हत अनाज छ नहुन्याकन नाप्नापा देओस्।”
12तिरो उठाउन्याहरु पुनि बप्तिस्मा ल्हिन आया र युहन्नाकन स्होद्या, “गुरुज्यु, हामिले क्या गन्नु पड्न्या हो?”
13युहन्नाले तिनुकन भुन्या, “सरकारले तोक्या भुन्दा भौति नउठाउ।”
14सिपाइले पुनि स्होद्या, “हामिले क्या गन्नु पड्यो?”
युहन्नाले भुन्या, “बलगरि गरि झुटा दोस लाइकन रुपिँया नल्हेउ। बतु आम्नै तनखामै सन्तुस होउ।”
15मान्ठहरु मुक्ति दिन्या ख्रिस्टको आसामै छिया, अनि तिनुहरुले मुनमुनै “युहन्ना नै मुक्ति दिन्या ख्रिस्ट हुन् कि?” भुनि स्हुइन लाग्या। 16तेस्हो भया हुनाले युहन्नाले स्हबैकन भुन्या, “मु त तुमिहरुकन पानिले बप्तिस्मा दिन्छु। तर मुभुन्दा ठुला एक जुना आउँदैछुन्। मु त तिनुका पौलाका तुना फुकाउन्या जैइथै पुनि नाइ। उनुले तुमिहरुकन पबित्त आत्मा र आगाले बप्तिस्मा दिन्याछन्। 17अनाज निफन्या स्हुपो तिनुका हातमै छ, तिनुले निफनिकन अनाज भकारिमै हाल्न्या छन, तर भुसकन कैले ननिभ्न्या आगामै पोल्दिन्या छुन्।”
18युहन्नाले यइथैगरि अरु मथ्थै अत्तो दिनै मान्ठहरुकन राम्मो रैबार स्हुनाया। 19तेइबेला राजा हेरोदले आम्नो भाइकि जोइ हेरोदियास स्हात भ्या गर्या हुनाले युहन्नाले तेइकन हप्काया, क्यानभुन्या तेइले अरु मस्थै दुस्ट कामहरु पुनि गर्या छियो। 20तब हेरोदले युहन्नाकन झ्यालखानमै थुन्यो र अँजै ठुलो अराम्मो काम गर्यो।
इसुले बप्तिस्मा ल्हिया
(मत्ति ३:१३-१७; मर्कुस १:९-११; युहन्ना १:३२-३४)
21एक दिन स्हबै मान्ठहरुले बप्तिस्मा ल्हिनैछिया इसुले पुनि बप्तिस्मा लिया र तिनुले प्रार्थना गरिरया छिया तेइबेला सोर्ग उग्रियो, 22र पबित्त आत्मा ढुकुरको रुप ल्हि उनु माथि आयो अनि सोर्गबाट यइथो डाको आयो, “तुमि मेरा प्यारा छोरा हौ, तुमि स्हात मु मस्थै खुसि छु।”
इसुका पुर्खाहरु
(मत्ति १:१-१७)
23इसु पुग्नपुग् तिस बर्स जतिका भइ स्हक्या परमेसोरको काम गन्न लाग्या। मान्ठहरुले त इसु योसेफका छोरा हुन् स्हुच्या छिया। योसेफ एलिका छोरा छिया, 24एलि मत्तातका छोरा, मत्तात लेबिका छोरा, लेबि मल्किका छोरा, मल्कि यान्नाका छोरा, यान्ना योसेफका छोरा, 25योसेफ मत्ताथियासका छोरा, मत्ताथियास आमोसका छोरा, आमोस नहुमका छोरा, नहुम इसलिका छोरा, इसलि नग्गैका छोरा, 26नग्गै माथका छोरा, माथ मत्ताथियास छोरा, मत्ताथियास सेमैनका छोरा, सेमैन योसेखका छोरा, योसेख योदाका छोरा, 27योदा योआननका छोरा, योआनन रेसाका छोरा, रेसा यरुबाबेलका छोरा, यरुबाबेल सालतिएलका छोरा, सालतिएल नेरिका छोरा, 28नेरि मल्किका छोरा, मल्कि अद्दिका छोरा, अद्दि कोसामका छोरा, कोसाम एलमादमका छोरा, एलमादम एर्का छोरा, 29एर् यहोसुका छोरा, यहोसु एलिएजरका छोरा, एलिएजर योरिमका छोरा, योरिम मत्तातका छोरा, मत्तात लेबिका छोरा, 30लेबि सिमियोनका छोरा, सिमियोन यहुदाका छोरा, यहुदा योसेफका छोरा, योसेफ योनानका छोरा, योनान एल्याकिमका छोरा, 31एल्याकिमि मलेआका छोरा, मलेआ मिन्नाका छोरा, मिन्ना मत्ताथाका छोरा, मत्ताथा नातानका छोरा, नातान दाउदका छोरा, 32दाउद यिसैका छोरा, यिसै ओबेदका छोरा, ओबेद बोअजका छोरा, बोअज सल्मोनका छोरा, सल्मोन नहसोनका छोरा, 33नहसोन आम्मिनादाबका छोरा, आम्मिनादाब आरामका छोरा, आराम हेसोरोनका छोरा, हेसोरोन फारेसका छोरा, फारेस यहुदाका छोरा, 34यहुदा याकुबका छोरा, याकुब इसहाकका छोरा, इसहाक अब्राहामका छोरा, अब्राहाम तेरहका छोरा, तेरह नाहोरका छोरा, 35नाहोर सरुगका छोरा, सरुग रउका छोरा, रउ पेलेगका छोरा, पेलेग एबेरका छोरा, एबेर सेलेहका छोरा, 36सेलेह केनानका छोरा, केनान अर्पछेदका छोरा, अर्पछेद सेमका छोरा, सेम नोआका छोरा, नोआ लेमेखका छोरा, 37लेमेखक मतुसेलहका छोरा, मतुसेलह हनोकका छोरा, हनोक येरेदका छोरा, येरेद महलालेलका छोरा, महलालेल केनानका छोरा, 38केनान एनोसका छोरा, एनोस सेतका छोरा, सेत आदमका छोरा आदम परमेसोरका छोरा छिया।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.