Lukas 19
19
ONTOPORUA 19.
Jesus maandja Zakeus.
1H’okue ja mu Jeriko, nde te ende te tshi pitirire.
2Nde tara, opua ri pu nomuntu, e nedina Zakeus. A ri oh’erenga rjaafenderi, h’omujamberera.
3H’okua arere unene okumona Jesus, nokutja ohe re, ndere ine tshi pondora kiikara jongundu haantu, na shoka a ri omushupi.
4H’otsho ano ta matukire komesho, nde a ka ronda komukuju, e mu mone mpate ja a pite.
5Jesus h’ote ja po, ta rigamene pombanda, te mu mono, nde ta ti ku he: Zakeus, rondoroka ko, enderera, oshoka nena ndjika otandi k’uhara maandjohe.
6Naanzija h’ota rondoroka ko, nde e ke mu rangica nenjanju maandje.
7Mba je tshi mono, ajeshe jo taa ngungutura, taa ti: A ha megumbo rjomunandjo.
8Ndere Zakeus okua hi komesho ga Jesus, nde ta ti: Muene, iinima jandje ajishe otandi topora pokati, ndi p’aacigona otshitata, ndere ng’onda kengerera omuntu, andi tshi mu tshunicire rune.
9Nde Jesus ta ti ku he: Nena ndjika egumbo ndika orje eterua ehupico, oshoka muene guarjo na he uo omumua Abraham.
10Oshoka Omuna guOmuntu okue ja okukonga h’a ningice erago shi tsha kana.
Ejere rjiiponda omurongo.
11Sho ja puakena eehapu de, okua guedera ko ejere, oshoka mokuja popepi na Jerusalem oja ri je tshi, otshirongo tsha Karunga tatshi orokere naanzija mpo.
12He ta ti ano: Omurumentu omujamba okua hi motshirongo a hikongere uukuaniirua, he a garuke.
13H’oti icana nduno aapija je omurongo, te ja pe uo iiponda omurongo, nde a ti ku jo: Rongeni na jo sigo ote garuka.
14Ndere aantu jotshirongo tshe oje mu tonda, taa tumu ku he ja tje: Inatu mu ara ngo a ninge omukuaniirua, guetu.
15Ndere pua ka ninga, ta peua uukuaniirua, nde ta garuka. Ti icana aapija, mba ja perue iimariua, je mu tshiuicire shi ji irongere ko.
16Ngu guotango e ja, ta ti: Muene, oponda hohe oha rikorica ndje iiponda omurongo.
17He ta ti ku he: Ijaroo, mupija omuanaua, oshoka oua ri omudiginini muunima uutshona, andi ku ningi erenga rjeemukunda omurongo.
18Nomutijaari e ja, ta ti: Muene, oponda hohe oha rikorica ndje iiponda iitano.
19He ta ti ku he: Ano, oto ka rera eemukunda ntano.
20Mukuauo e ja, ta ti: Muene, kuata oponda hohe. Onde hi pungura motshikajua.
21Onda ri nde ku tira, oshoka ngueje omuntu omudigu, oho kuca hu ino pungura, nguee ho teja hu ino kuna.
22He ta ti: Andi ku pangurire eehapu dohe muene, mupija omuineji. Oua ri u tshi naua, nokutja ngaje omuntu omukukutu, ohe kuca hu ine pungura, ngaje he teja hu ine kuna.
23Otshike nduno ino fara iimariua jandje kaarandakanici, opo mokugaruka kuandje ndi ji peururue niiguederua jajo?
24H’ota rombuere aantu, mba ja cikama mpo: Mu kuceni oponda ndjoka, nde tamu hi pe nguija ngu e niiponda omurongo.
25Jo taa ti ku he: Muene, oku na nare iiponda omurongo.
26Eno, andi mu rombuere: Keshe tuu ngu e na, ota peua itshee a kare nerooro, ndere ngu ke na, ota kucua uo sh’a f’e na.
27Ndere aatondi jandje, mba kaa harere ndi ninge omukuaniirua guauo, je eteni hu, mu ja dipage miipaci jandje.
28Sho a popi eehapu dika, okua hi ku Jerusalem, he ta tetekere.
Jesus ta ambererua mu Jerusalem.
29Sho ja ciki pu Betfare na Betania, popepi nondundu heemono, okua tumu jaari jo maarongua je, ta ti:
30Indeni kokakunda ha ke mu ri haandija; nge tamu hi mo, tamu ka ada okanimona kondongi, ka pandekua, omuntu ina ronda ko natango; ka pandukururii mo, nde tamu ke eta ku ngaje.
31Nde ng’omuntu te mu pura: Otshike tamu ka pandukurura mo, omu tja: Omuene e ka pumbua.
32Ano mba ja tumua, taa hi, jo taa hada okanimona ka pandekua, ngashi e ja rombuerere.
33Sho taa ka pandukurura mo, muene guako okue ja pura: Otshike tamu ka pandukurura mo?
34Jo taa jamukura: Muene okue ka pumbua.
35Nde taa ke eta ku Jesus, jo taa jara ko eenguuo dauo, nde taa rondeke ko Jesus.
36Manka kua te ende, oja jara eenguuo dauo mondjira.
37Sho e ja popepi nondundu, ongundu ahishe haarongua oha tameke okuamberera Karunga nenjanju neui enene moru iironga iikumici mbi ha mono.
38Jo taa ti: Na ambererue ngu te ja medina rja Muene, he Omukuaniirua. Ombiri meguru nesimano mombanda.
39Ndere aafariseji jamue, mba ja ri mokati kaantu, taa ti ku he: Muhongi, tshi gandera aarongua johe!
40He ta ti ku jo: Andi mu rombuere, mbono nge taa muena, omamanja ogo tagi igida.
41Sho e ja popepi, nde ta mono omukunda, okue gu ririre.
42Ta ti: Ngeno kua uo ngaa ua dimburura, mesiku rjohe rjonena, shi tatshi ku etere ombiri — ndere otsho orekua momesho gohe.
43Oshoka omasiku otage ke ja, aatondi johe mu taa ku dingirire omutunda, taa ku angakene, jo taa ku zi keembinga adishe.
44Taa ku shata poshi naanona johe, mba je ri mu ngueje, nd’itaa cigi po nando emanja komband’ekuauo, morua shi ino dimburura erara rjetareropo rjohe.
45Sho e ja montempeli, okua tameke okutida mo aatshingici naarandi.
46H’ota ti ku jo: Opua tshagua: Egumbo rjandje orja fere ri tiue egumbo rjomagarikano, ndere ne omue ri ninga ekorombombo rjiimpuru.
47Keshe esiku okue ja a ronge montempeli. Ndere aapristeri aakuruntu naanongo gomambo nomarenga gotshirongo otaa kong’ike je mu nene ko.
48Ndere inaa tshi mona shi ja arere okumuningira, oshoka aantu ajeshe oja ri je mu ore, shimpa je mu puakena.
Currently Selected:
Lukas 19: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Lukas 19
19
ONTOPORUA 19.
Jesus maandja Zakeus.
1H’okue ja mu Jeriko, nde te ende te tshi pitirire.
2Nde tara, opua ri pu nomuntu, e nedina Zakeus. A ri oh’erenga rjaafenderi, h’omujamberera.
3H’okua arere unene okumona Jesus, nokutja ohe re, ndere ine tshi pondora kiikara jongundu haantu, na shoka a ri omushupi.
4H’otsho ano ta matukire komesho, nde a ka ronda komukuju, e mu mone mpate ja a pite.
5Jesus h’ote ja po, ta rigamene pombanda, te mu mono, nde ta ti ku he: Zakeus, rondoroka ko, enderera, oshoka nena ndjika otandi k’uhara maandjohe.
6Naanzija h’ota rondoroka ko, nde e ke mu rangica nenjanju maandje.
7Mba je tshi mono, ajeshe jo taa ngungutura, taa ti: A ha megumbo rjomunandjo.
8Ndere Zakeus okua hi komesho ga Jesus, nde ta ti: Muene, iinima jandje ajishe otandi topora pokati, ndi p’aacigona otshitata, ndere ng’onda kengerera omuntu, andi tshi mu tshunicire rune.
9Nde Jesus ta ti ku he: Nena ndjika egumbo ndika orje eterua ehupico, oshoka muene guarjo na he uo omumua Abraham.
10Oshoka Omuna guOmuntu okue ja okukonga h’a ningice erago shi tsha kana.
Ejere rjiiponda omurongo.
11Sho ja puakena eehapu de, okua guedera ko ejere, oshoka mokuja popepi na Jerusalem oja ri je tshi, otshirongo tsha Karunga tatshi orokere naanzija mpo.
12He ta ti ano: Omurumentu omujamba okua hi motshirongo a hikongere uukuaniirua, he a garuke.
13H’oti icana nduno aapija je omurongo, te ja pe uo iiponda omurongo, nde a ti ku jo: Rongeni na jo sigo ote garuka.
14Ndere aantu jotshirongo tshe oje mu tonda, taa tumu ku he ja tje: Inatu mu ara ngo a ninge omukuaniirua, guetu.
15Ndere pua ka ninga, ta peua uukuaniirua, nde ta garuka. Ti icana aapija, mba ja perue iimariua, je mu tshiuicire shi ji irongere ko.
16Ngu guotango e ja, ta ti: Muene, oponda hohe oha rikorica ndje iiponda omurongo.
17He ta ti ku he: Ijaroo, mupija omuanaua, oshoka oua ri omudiginini muunima uutshona, andi ku ningi erenga rjeemukunda omurongo.
18Nomutijaari e ja, ta ti: Muene, oponda hohe oha rikorica ndje iiponda iitano.
19He ta ti ku he: Ano, oto ka rera eemukunda ntano.
20Mukuauo e ja, ta ti: Muene, kuata oponda hohe. Onde hi pungura motshikajua.
21Onda ri nde ku tira, oshoka ngueje omuntu omudigu, oho kuca hu ino pungura, nguee ho teja hu ino kuna.
22He ta ti: Andi ku pangurire eehapu dohe muene, mupija omuineji. Oua ri u tshi naua, nokutja ngaje omuntu omukukutu, ohe kuca hu ine pungura, ngaje he teja hu ine kuna.
23Otshike nduno ino fara iimariua jandje kaarandakanici, opo mokugaruka kuandje ndi ji peururue niiguederua jajo?
24H’ota rombuere aantu, mba ja cikama mpo: Mu kuceni oponda ndjoka, nde tamu hi pe nguija ngu e niiponda omurongo.
25Jo taa ti ku he: Muene, oku na nare iiponda omurongo.
26Eno, andi mu rombuere: Keshe tuu ngu e na, ota peua itshee a kare nerooro, ndere ngu ke na, ota kucua uo sh’a f’e na.
27Ndere aatondi jandje, mba kaa harere ndi ninge omukuaniirua guauo, je eteni hu, mu ja dipage miipaci jandje.
28Sho a popi eehapu dika, okua hi ku Jerusalem, he ta tetekere.
Jesus ta ambererua mu Jerusalem.
29Sho ja ciki pu Betfare na Betania, popepi nondundu heemono, okua tumu jaari jo maarongua je, ta ti:
30Indeni kokakunda ha ke mu ri haandija; nge tamu hi mo, tamu ka ada okanimona kondongi, ka pandekua, omuntu ina ronda ko natango; ka pandukururii mo, nde tamu ke eta ku ngaje.
31Nde ng’omuntu te mu pura: Otshike tamu ka pandukurura mo, omu tja: Omuene e ka pumbua.
32Ano mba ja tumua, taa hi, jo taa hada okanimona ka pandekua, ngashi e ja rombuerere.
33Sho taa ka pandukurura mo, muene guako okue ja pura: Otshike tamu ka pandukurura mo?
34Jo taa jamukura: Muene okue ka pumbua.
35Nde taa ke eta ku Jesus, jo taa jara ko eenguuo dauo, nde taa rondeke ko Jesus.
36Manka kua te ende, oja jara eenguuo dauo mondjira.
37Sho e ja popepi nondundu, ongundu ahishe haarongua oha tameke okuamberera Karunga nenjanju neui enene moru iironga iikumici mbi ha mono.
38Jo taa ti: Na ambererue ngu te ja medina rja Muene, he Omukuaniirua. Ombiri meguru nesimano mombanda.
39Ndere aafariseji jamue, mba ja ri mokati kaantu, taa ti ku he: Muhongi, tshi gandera aarongua johe!
40He ta ti ku jo: Andi mu rombuere, mbono nge taa muena, omamanja ogo tagi igida.
41Sho e ja popepi, nde ta mono omukunda, okue gu ririre.
42Ta ti: Ngeno kua uo ngaa ua dimburura, mesiku rjohe rjonena, shi tatshi ku etere ombiri — ndere otsho orekua momesho gohe.
43Oshoka omasiku otage ke ja, aatondi johe mu taa ku dingirire omutunda, taa ku angakene, jo taa ku zi keembinga adishe.
44Taa ku shata poshi naanona johe, mba je ri mu ngueje, nd’itaa cigi po nando emanja komband’ekuauo, morua shi ino dimburura erara rjetareropo rjohe.
45Sho e ja montempeli, okua tameke okutida mo aatshingici naarandi.
46H’ota ti ku jo: Opua tshagua: Egumbo rjandje orja fere ri tiue egumbo rjomagarikano, ndere ne omue ri ninga ekorombombo rjiimpuru.
47Keshe esiku okue ja a ronge montempeli. Ndere aapristeri aakuruntu naanongo gomambo nomarenga gotshirongo otaa kong’ike je mu nene ko.
48Ndere inaa tshi mona shi ja arere okumuningira, oshoka aantu ajeshe oja ri je mu ore, shimpa je mu puakena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.