Lukas 4
4
ONTOPORUA 4.
Jesus ta makerua mombuga.
1Jesus h’oku uda Ombepo Ondjapuki, ta zi ko ku Jordan, nde te etua kOmbepo mombuga.
2Omasiku eemurongo iine ta kara mo, he ta makerua ku satana. Momasiku ngeja ina rja tsha; nde sho ga piti po, h’okua s’ondjara.
3Satana ta ti ku he: Nguee, ng’Omumua Karunga, rombuer’ike onkuuege ndjika hi ninge okurja.
4Jesus h’ota jamukura: Opua tshangua: Omuntu ku upicu’ike kokurja, aaue, okohapu ahishe ha Karunga.
5Mpaka satana h’ote mu fara kondundu ondeendeka, te mu urukire iirongo ajishe jo muujuni aushe pokarara okatshona.
6Nde ta ti ku he: Uujamba mbuka aushe nuurenga uauo otii u ku pe, oshoka aushe onde u peua, ngaje ndi u pe, ngu nda ara ndi u pe.
7Ng’oto injongamene ndje, aushe nau ninge uohe.
8Nde Jesus ta jamukura, ta ti: Opua tshangua: Injongamena ku Karunga, Muene guohe, h’oh’ike karera.
9H’ote mu fara mu Jerusalem, te mu tura kombanda hondunda hontempeli, nde ta ti ku he: Nguee, ng’Omumua Karunga, ihumbira nduno poshi mpo.
10Oshoka opua tshangua, taku ti: Okue ku rombuerera aajengeli je, je ku gamene.
11Jo otaa ku umbata meenjara, opo ku ipume kemanja keempadi nandoodiro.
12Jesus h’ota jamukura: Okua tiua uo: Ino makera Muene Karunga kohe.
13Satana sho a shurica omamakero ageshe, h’okua zi po manka pu he.
Jesus ta tshuna ku Nazaret.
14Jesus h’ota tshuna ku Galilea neenkondo dOmbepo, gu’omurombo, ngu ngue mu popirua, ogua farua motshirongo atshitshe.
15He ta rongo aantu meesinagoga dauo, ta ambererua ku keshe.
16Nde te ja ku Nazaret, mpo kua ri a putudirua, ta hi, ngashi i igirira, mosinagoga mesiku rjesabata, h’ota cikama a reshe.
17Oje mu pere embo rjomuprofeti Isaias. Sho a njanuna embo, okui itsu kohapu ndji ha tshangua, ahi ti:
18Ombepo ha Muene ohi ri na ngaje. Okua guajeka ndje, he a tuma ndje, ndi uvicire eehepere omurombo guenjanju, ndi erukice mba je neemuenjo di ipa ombedi.
19Ndi rombuere, mba je ri meemango, emangururomo, aaposi ndi ja rombuere okumonako, mba taa hepekua, ekuriro, ngaje ndi rombore omuvo, agu eta oshenda ha Muene nesiku rjofuto.
20H’ota siikire embo, te ri pe omupija, nde ta kaatumba. Omesho gajeshe mosinagoga oku he kua ga tara.
21H’ota tameke, te ja rombuere: Nena tuu ndjika eehapu dika mue di guanicua.
22Jo ajeshe oje mu ima po naua, jo ja ri ja kumua ko keehapu de, di da zi mokana kue, taa ti: Ngono ke shi nani omumua Josef?
23H’ota ti ku jo: Ngiika tamu ka rombuera ndje ohapu hejere ndika: Mupangi, ipanga muene. Iironga iikumisi, mbi ua rongere mu Kafarnaum, ngashi tu uva, ji ronga uo motshirongo tshaandjeni.
24Nde ta ti: Tshiri, andi mu rombuere, kakuna omuprofeti a simanekerua motshirongo tshaandjauo.
25Andi mu rombuere tshiri: Aasherekadi ojendji oja ri mu Israel muujuni ua Elias, eguru sho rja ri rje edirua eemuvo ndatu neemuedi kanekamue, nd’ondjara onene hi ire motshirongo atshishe.
26Nd’Elias ina tumininua nand’ogumue mu jo, aaue, oSerepta tuu oh’ike, omusherekadi motshirongo tsha Sidon.
27Otsho ngaa ngii aanuvu uotshirundu ojendji oja ri mu Israel muujuni uomuprofeti Eliseus, ndere kapua ri ngu a ceterue, oNaman ike omusiria.
28Nd’ajeshe, mba ja ri mosinagoga, sho ju uvu eehapu di, oja cita po.
29Taa cikama, taa mu tidire pondje momukunda, nde taa mu undura sigo okesha rjondundu, mu mua tungua omukunda guauo, huk’oko ngeno nduno je mu uangurire poshi.
30H’ota piti mokati kauo, nde ta hi.
Jesus mu Kafarnaum.
31H’okua hi ku Kafarnaum, komukunda mu Galilea, nde ta rongo aantu mesiku rjesabata.
32Jo ajeshe oja kumua ko kerongo rje, oshoka eehapu de oda ri di neenkondo.
33Omo muka mosinagoga mua ri mu nomuntu, ngu e nombepo ombuineji, h’oti igida muure, ta ti: Tu eca, otu na tshike na nguee, Jesus omunazareta, oue ja nduno, u tu shanagure po?
34Ondi ku tshi, kutja onguee re: Onguee mujapuki gua Karunga.
35Jesus h’ota ganda ombepo, ta ti: Muena, nde to zi mo mu he. Nd’ombepo ombuineji ahi mu ekere poshi mpa, nde tahi zi mo mu he, inahi mu monica otshiponga.
36Ajeshe okua taa kekama, ja tjacana: Ohapu ndjika oha tja ngiini, sho ta pangere eembepo eembuineji neenkondo neciminiko, do tadi tembuka mo.
37Omurumbo nguka ogua hi meemukunda adishe dotshirongo.
38Nondjira ndii ha zi mosinagoga, h’okua ka ha megumbo rja Simon. Hinamueno kua ri e noruidi orudigu. Jo taa mu indirire.
39H’ote mu njongamene, ta ganda omukici, guo gue mu cigi po nokuri; nde ta penduka e ja jakure.
40Etango sho rja ningine, ajeshe mba ja ri naavu, je nuuvu uu iri na uu iri je je eta ku he. H’ote ja tenteke omaake ge koogumuegumue, nde te ja panga.
41Eembepo eembuineji oda tidua mo uo mojendji, do tadi igida: Onguee Mumua Karunga. Ndere he okue di ganda, ina hara di popje, oshoka oda ri di tshi, nokutja ohe Kristus.
42Ngaangura Jesus h’ota meneka, ta hi a ki ikarere pu iri. Nd’aantu taa mu kongo, jo je ja ku he, je mu ciminike, ka ze po pu jo.
43Nde he ta ti: Ondi nokuuvicira uo eemukunda di iri uukuaniirua ua Karunga, oshoka otsho tsha tumica ndje
44Jesus h’otu uvica nokuri meesinagoga mu Galilea.
Currently Selected:
Lukas 4: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Lukas 4
4
ONTOPORUA 4.
Jesus ta makerua mombuga.
1Jesus h’oku uda Ombepo Ondjapuki, ta zi ko ku Jordan, nde te etua kOmbepo mombuga.
2Omasiku eemurongo iine ta kara mo, he ta makerua ku satana. Momasiku ngeja ina rja tsha; nde sho ga piti po, h’okua s’ondjara.
3Satana ta ti ku he: Nguee, ng’Omumua Karunga, rombuer’ike onkuuege ndjika hi ninge okurja.
4Jesus h’ota jamukura: Opua tshangua: Omuntu ku upicu’ike kokurja, aaue, okohapu ahishe ha Karunga.
5Mpaka satana h’ote mu fara kondundu ondeendeka, te mu urukire iirongo ajishe jo muujuni aushe pokarara okatshona.
6Nde ta ti ku he: Uujamba mbuka aushe nuurenga uauo otii u ku pe, oshoka aushe onde u peua, ngaje ndi u pe, ngu nda ara ndi u pe.
7Ng’oto injongamene ndje, aushe nau ninge uohe.
8Nde Jesus ta jamukura, ta ti: Opua tshangua: Injongamena ku Karunga, Muene guohe, h’oh’ike karera.
9H’ote mu fara mu Jerusalem, te mu tura kombanda hondunda hontempeli, nde ta ti ku he: Nguee, ng’Omumua Karunga, ihumbira nduno poshi mpo.
10Oshoka opua tshangua, taku ti: Okue ku rombuerera aajengeli je, je ku gamene.
11Jo otaa ku umbata meenjara, opo ku ipume kemanja keempadi nandoodiro.
12Jesus h’ota jamukura: Okua tiua uo: Ino makera Muene Karunga kohe.
13Satana sho a shurica omamakero ageshe, h’okua zi po manka pu he.
Jesus ta tshuna ku Nazaret.
14Jesus h’ota tshuna ku Galilea neenkondo dOmbepo, gu’omurombo, ngu ngue mu popirua, ogua farua motshirongo atshitshe.
15He ta rongo aantu meesinagoga dauo, ta ambererua ku keshe.
16Nde te ja ku Nazaret, mpo kua ri a putudirua, ta hi, ngashi i igirira, mosinagoga mesiku rjesabata, h’ota cikama a reshe.
17Oje mu pere embo rjomuprofeti Isaias. Sho a njanuna embo, okui itsu kohapu ndji ha tshangua, ahi ti:
18Ombepo ha Muene ohi ri na ngaje. Okua guajeka ndje, he a tuma ndje, ndi uvicire eehepere omurombo guenjanju, ndi erukice mba je neemuenjo di ipa ombedi.
19Ndi rombuere, mba je ri meemango, emangururomo, aaposi ndi ja rombuere okumonako, mba taa hepekua, ekuriro, ngaje ndi rombore omuvo, agu eta oshenda ha Muene nesiku rjofuto.
20H’ota siikire embo, te ri pe omupija, nde ta kaatumba. Omesho gajeshe mosinagoga oku he kua ga tara.
21H’ota tameke, te ja rombuere: Nena tuu ndjika eehapu dika mue di guanicua.
22Jo ajeshe oje mu ima po naua, jo ja ri ja kumua ko keehapu de, di da zi mokana kue, taa ti: Ngono ke shi nani omumua Josef?
23H’ota ti ku jo: Ngiika tamu ka rombuera ndje ohapu hejere ndika: Mupangi, ipanga muene. Iironga iikumisi, mbi ua rongere mu Kafarnaum, ngashi tu uva, ji ronga uo motshirongo tshaandjeni.
24Nde ta ti: Tshiri, andi mu rombuere, kakuna omuprofeti a simanekerua motshirongo tshaandjauo.
25Andi mu rombuere tshiri: Aasherekadi ojendji oja ri mu Israel muujuni ua Elias, eguru sho rja ri rje edirua eemuvo ndatu neemuedi kanekamue, nd’ondjara onene hi ire motshirongo atshishe.
26Nd’Elias ina tumininua nand’ogumue mu jo, aaue, oSerepta tuu oh’ike, omusherekadi motshirongo tsha Sidon.
27Otsho ngaa ngii aanuvu uotshirundu ojendji oja ri mu Israel muujuni uomuprofeti Eliseus, ndere kapua ri ngu a ceterue, oNaman ike omusiria.
28Nd’ajeshe, mba ja ri mosinagoga, sho ju uvu eehapu di, oja cita po.
29Taa cikama, taa mu tidire pondje momukunda, nde taa mu undura sigo okesha rjondundu, mu mua tungua omukunda guauo, huk’oko ngeno nduno je mu uangurire poshi.
30H’ota piti mokati kauo, nde ta hi.
Jesus mu Kafarnaum.
31H’okua hi ku Kafarnaum, komukunda mu Galilea, nde ta rongo aantu mesiku rjesabata.
32Jo ajeshe oja kumua ko kerongo rje, oshoka eehapu de oda ri di neenkondo.
33Omo muka mosinagoga mua ri mu nomuntu, ngu e nombepo ombuineji, h’oti igida muure, ta ti: Tu eca, otu na tshike na nguee, Jesus omunazareta, oue ja nduno, u tu shanagure po?
34Ondi ku tshi, kutja onguee re: Onguee mujapuki gua Karunga.
35Jesus h’ota ganda ombepo, ta ti: Muena, nde to zi mo mu he. Nd’ombepo ombuineji ahi mu ekere poshi mpa, nde tahi zi mo mu he, inahi mu monica otshiponga.
36Ajeshe okua taa kekama, ja tjacana: Ohapu ndjika oha tja ngiini, sho ta pangere eembepo eembuineji neenkondo neciminiko, do tadi tembuka mo.
37Omurumbo nguka ogua hi meemukunda adishe dotshirongo.
38Nondjira ndii ha zi mosinagoga, h’okua ka ha megumbo rja Simon. Hinamueno kua ri e noruidi orudigu. Jo taa mu indirire.
39H’ote mu njongamene, ta ganda omukici, guo gue mu cigi po nokuri; nde ta penduka e ja jakure.
40Etango sho rja ningine, ajeshe mba ja ri naavu, je nuuvu uu iri na uu iri je je eta ku he. H’ote ja tenteke omaake ge koogumuegumue, nde te ja panga.
41Eembepo eembuineji oda tidua mo uo mojendji, do tadi igida: Onguee Mumua Karunga. Ndere he okue di ganda, ina hara di popje, oshoka oda ri di tshi, nokutja ohe Kristus.
42Ngaangura Jesus h’ota meneka, ta hi a ki ikarere pu iri. Nd’aantu taa mu kongo, jo je ja ku he, je mu ciminike, ka ze po pu jo.
43Nde he ta ti: Ondi nokuuvicira uo eemukunda di iri uukuaniirua ua Karunga, oshoka otsho tsha tumica ndje
44Jesus h’otu uvica nokuri meesinagoga mu Galilea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.