Mateus 14
14
ONTOPORUA 14.
Okusa kua Johannes omutshatshi
1Petango ndi Herodes, erenga rjotshitiine tshotshirongo, oku uvu omurombo, ngu tagu tirua Jesus.#14:1 Erenga riotshitiine tshotshirongo: Otshirongo tshaajuda otsha ri tsha toporua miirongo iine, ngashi otshirongo tshaakuambi nena. Omarenga gane oga pangera Judea. Tara Luk 3:1.
2H’ota ti kaapija je: Ngoka tshiri oJohannes, okua jumuka kuusi, eenkondo eenene tadi rongo mu he.
3Herodes okua ri a kuata Johannes, e mu manga nokue mu fara modorongo morua Herodias, omukiintu guomumuahina Filippus.
4Oshoka Johannes okua he mu rombuere: Oui indikua okukara na he.
5Nand’a arere okumudipaga, ndere okua tira aantu, oshoka oje mu ruku omuprofeti.
6Mesiku rjokudimburukua okuvarua kua Herodes omona omukadona gua Herodias okua dana uudano mokati kaantu aahenda, nde Herodes okue mu panda unene.
7H’ote mu rombuere, ta gana: ta ti: keshe shi te mu indire, ote mu pe nokuri.
8H’ota peua omurombo ku hina, ta ti: Pe ndje ngashiingika motshijasha shi omutse gua Johannes omutshatshi.
9Omukuaniirua h’ota pongo, ndere morua shi a gana no moru aahenda, mba ja kaatumba puamue na he potshiriro, ti iteere.
10Ta tumu ja keke ko omutse gua Johannes modorongo.
11Omutse gue ogue etua motshijasha, nd’omukadona te gu peua, h’ote gu fara ku hina.
12Aarongua je oje ja, taa kuca omudimba, nde taa gu fumbike, jo taa hi, je ke tshe epururire Jesus.
Jesus ta kutica aantu 5000 mombuga
13Jesus ano, sho e tshu uvu, okua taaguruka mosikepa, a huke keshara ri ri ouara a ki ikarere na jo. Ndere aantu sho je tshi mono, oje mu randura korupadi, ja zi keemukunda.
14Sho e ja komutunda, okua mono aantu ojendji, h’e ju uvitire oshenda, nde ta panga aavu jauo.
15Etango tari ningine manka. Aarongua jo otaa hi ku he, taa ti: Eshara ndika orja f’ouara ombuga, esiku orja pita, ano rareka aantu ja he meemukunda ja rande iikurja jauo.
16Ndere Jesus ta ti ku jo: Aaue, inaa pumbua okuha, one ja peni okurja.
17Jo taa mu rombuere: Ssesse otu na po ike eemboroto ntano neeshi mbaari.
18He ta ti ku jo: De eteni hu!
19H’ota rombuere aantu ja kaatumbe momuidi, ta kuca eemboroto ntano di neeshi mbaari, ta rigamene keguru, te di jambeke, te di pambura, h’ote di pe aarongua, nd’ aarongua taa di toporere aantu.
20Jo otaa ri, nde taa kuta. Taa gongere uupambu, mbu u upa ko, iimbare omurongo niijaari ju uda.
21Omujaru gua mba ja rja, ogu cike p’aarumentu omajovi gatano, aakiintu naanona inaa jarurua.
Jesus te ende mefuta
22Ngashiingika Jesus oku undura aarongua je ja ronde mosikepa, jo je mu tetekerere okutaaguruka haandijaka, manka ta rareke aantu.
23Sho a rareke aantu, okua rondo kondundu a ki ikarere a ka garikane. Etango rja ningina. Oh’ike a kara mpoka.
24Osikepa ohi ri mokati kefuta, ho otahi tengenja komakucikuci. Okua ri ku nombepo onene, he ja denge m’ iipara.
25Pokati kuusiku okue ja ku jo, te ende kombanda hefuta.
26Aarongua sho ja mono, te ende kombanda, oja tira, nde taa ti: Otshiruru ooshoka! jo otaa kugu muumbanda.
27Naanzija Jesus te ja popica, ta ti: Kareni nehinekero, ongaje ngu. Inamu tira!
28Petrus ta jamukura: Muene, ng’ongueje, icana ndje ndi je ku ngueje, andi ende kombanda homeja.
29He ta ti: Ira nduno! Petrus ota zi mosikepa, he ta hi kombanda homeja a he ku Jesus.
30Ndere sho a huvu ombepo onene, okua tira, nde ta tameke okuningina, h’oti igida, ta ti: Muene, hupica ndje.
31Naanzija Jesus ota tenteke eke rje, te mu kuata, nde ta ti ku he: Omumbanda nguee mehiteero, otshike ua rimbirirua?
32Sho ja rondo mosikepa, ombepo ha rota.
33Ndere mba ja ri mosikepa, oje ja je mu injongamene keempadi de, taa ti: Tshiri, ongueje Omumua Karunga.
34Sho ja taaguruka haandijaka, oje ja motshirongo tshaagenesar.
35Aantu jo motshirongo tshika, sho je mu dimburura, oja tumu momukunda agushe, jo taj’eta uo ku he aavu ajeshe.
36Jo je mu indire, a hiteere, ja njenge ouara omutse guonguuo he. Jo ajeshe, mba je gu njenge, oje eruka.
Currently Selected:
Mateus 14: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Mateus 14
14
ONTOPORUA 14.
Okusa kua Johannes omutshatshi
1Petango ndi Herodes, erenga rjotshitiine tshotshirongo, oku uvu omurombo, ngu tagu tirua Jesus.#14:1 Erenga riotshitiine tshotshirongo: Otshirongo tshaajuda otsha ri tsha toporua miirongo iine, ngashi otshirongo tshaakuambi nena. Omarenga gane oga pangera Judea. Tara Luk 3:1.
2H’ota ti kaapija je: Ngoka tshiri oJohannes, okua jumuka kuusi, eenkondo eenene tadi rongo mu he.
3Herodes okua ri a kuata Johannes, e mu manga nokue mu fara modorongo morua Herodias, omukiintu guomumuahina Filippus.
4Oshoka Johannes okua he mu rombuere: Oui indikua okukara na he.
5Nand’a arere okumudipaga, ndere okua tira aantu, oshoka oje mu ruku omuprofeti.
6Mesiku rjokudimburukua okuvarua kua Herodes omona omukadona gua Herodias okua dana uudano mokati kaantu aahenda, nde Herodes okue mu panda unene.
7H’ote mu rombuere, ta gana: ta ti: keshe shi te mu indire, ote mu pe nokuri.
8H’ota peua omurombo ku hina, ta ti: Pe ndje ngashiingika motshijasha shi omutse gua Johannes omutshatshi.
9Omukuaniirua h’ota pongo, ndere morua shi a gana no moru aahenda, mba ja kaatumba puamue na he potshiriro, ti iteere.
10Ta tumu ja keke ko omutse gua Johannes modorongo.
11Omutse gue ogue etua motshijasha, nd’omukadona te gu peua, h’ote gu fara ku hina.
12Aarongua je oje ja, taa kuca omudimba, nde taa gu fumbike, jo taa hi, je ke tshe epururire Jesus.
Jesus ta kutica aantu 5000 mombuga
13Jesus ano, sho e tshu uvu, okua taaguruka mosikepa, a huke keshara ri ri ouara a ki ikarere na jo. Ndere aantu sho je tshi mono, oje mu randura korupadi, ja zi keemukunda.
14Sho e ja komutunda, okua mono aantu ojendji, h’e ju uvitire oshenda, nde ta panga aavu jauo.
15Etango tari ningine manka. Aarongua jo otaa hi ku he, taa ti: Eshara ndika orja f’ouara ombuga, esiku orja pita, ano rareka aantu ja he meemukunda ja rande iikurja jauo.
16Ndere Jesus ta ti ku jo: Aaue, inaa pumbua okuha, one ja peni okurja.
17Jo taa mu rombuere: Ssesse otu na po ike eemboroto ntano neeshi mbaari.
18He ta ti ku jo: De eteni hu!
19H’ota rombuere aantu ja kaatumbe momuidi, ta kuca eemboroto ntano di neeshi mbaari, ta rigamene keguru, te di jambeke, te di pambura, h’ote di pe aarongua, nd’ aarongua taa di toporere aantu.
20Jo otaa ri, nde taa kuta. Taa gongere uupambu, mbu u upa ko, iimbare omurongo niijaari ju uda.
21Omujaru gua mba ja rja, ogu cike p’aarumentu omajovi gatano, aakiintu naanona inaa jarurua.
Jesus te ende mefuta
22Ngashiingika Jesus oku undura aarongua je ja ronde mosikepa, jo je mu tetekerere okutaaguruka haandijaka, manka ta rareke aantu.
23Sho a rareke aantu, okua rondo kondundu a ki ikarere a ka garikane. Etango rja ningina. Oh’ike a kara mpoka.
24Osikepa ohi ri mokati kefuta, ho otahi tengenja komakucikuci. Okua ri ku nombepo onene, he ja denge m’ iipara.
25Pokati kuusiku okue ja ku jo, te ende kombanda hefuta.
26Aarongua sho ja mono, te ende kombanda, oja tira, nde taa ti: Otshiruru ooshoka! jo otaa kugu muumbanda.
27Naanzija Jesus te ja popica, ta ti: Kareni nehinekero, ongaje ngu. Inamu tira!
28Petrus ta jamukura: Muene, ng’ongueje, icana ndje ndi je ku ngueje, andi ende kombanda homeja.
29He ta ti: Ira nduno! Petrus ota zi mosikepa, he ta hi kombanda homeja a he ku Jesus.
30Ndere sho a huvu ombepo onene, okua tira, nde ta tameke okuningina, h’oti igida, ta ti: Muene, hupica ndje.
31Naanzija Jesus ota tenteke eke rje, te mu kuata, nde ta ti ku he: Omumbanda nguee mehiteero, otshike ua rimbirirua?
32Sho ja rondo mosikepa, ombepo ha rota.
33Ndere mba ja ri mosikepa, oje ja je mu injongamene keempadi de, taa ti: Tshiri, ongueje Omumua Karunga.
34Sho ja taaguruka haandijaka, oje ja motshirongo tshaagenesar.
35Aantu jo motshirongo tshika, sho je mu dimburura, oja tumu momukunda agushe, jo taj’eta uo ku he aavu ajeshe.
36Jo je mu indire, a hiteere, ja njenge ouara omutse guonguuo he. Jo ajeshe, mba je gu njenge, oje eruka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.