Markus 14
14
ONTOPORUA 14.
Jesus ta guajekua mu Betania.
1Opua ri natango omasiku gaari, Opaska, otshituci tshiikurja iitoue otatshi danua. Aapristeri aakuruntu naanongo jomambo otaa kongo je mu kuate nonkenge je mu dipage.
2Jo taa ti: Inatshi ningua motshituci, kamu tukuke evundakano mokati kaantu.
3Jesus sho a ri megumbo mu Betania, megumbo rja Simon, ngu a ri notshirundu, nde ta kaatumba kotshiriro, omukiintu okue ja po, e notshijuma tshuurenga, tshu uda omagadi gokuguajeka, ge nondiro, ta tatura otshijuma, nde ta tira omagadi komutse gue.
4Ndere jamue taa ngungutura, jo taa kundacana: Okuepica omagadi okua tshee huno?
5Ando omagadi oga randua po iimariua ji vure eendenari omacere gatano, ji gandjue keehepere. Jo taa mu njana.
6Nde Jesus ta ti: Otshike tamu mu geere? Mu eceni ike! Okua ningira ndje otshironga otshaanaua.
7Oshoka aacigona oje ri pu ne arushe, tamu vuru okujakuacera, ndere ngaje kandi ri pu ne arushe.
8Nguno okua ninga tshi cike peenkondo de, okua tetekera okuguajeka orutu ruandje kefumbikiro rjandje.
9Tshiri, andi mu rombuere: Uunaarushe nakushe muujuni, hu taku uvicirua evangelium, na ko uo otaku epururua, shi a ningira ndje, tsh’otshidimburukico tshe.
10Naangashingika Judas Iskariot, gumue gua mbeja omurongo na jaari, okua hi kaapristeri aakuruntu e mu orore.
11Sho je tshu uvu, oja njanjukua, taa ti, ja ara je mu pe iimariua, he ta kongo nduno ompito e mu orore pecimbo euanaua.
Jesus ta tshiti esakramente ejapuki unene.
12Mesiku rjotango rjiikurja iitoue ano, manka taa dipaga onzigona ha Paska, aarongua otaa mu pura: Oua ara tu ku rongikidire okurja onzigona ha Paska?
13H’ota tumu jaari jo maarongua je, nde ta ti ku jo: Indeni momukunda, mo tamu ka tsakanena nomuntu, a humbata otshijuma tshomeja; mu randureni.
14Mu ta hi, otamu rombuere muene guegumbo: Muene okue tu tuma tu ku pure: Ondjugo ohi ri peni, mu tandi ka rja onzigona ha Paska puamue naarongua jandje?
15H’ote ke mu urukira ondjugo onene hokurja, ha rongerua naua, hi niipundi, moka tamu ke tu rongikidira ajishe.
16Aarongua oja hi, jo je ja momukunda, oja mona ajishe ngashi e ja rombuere, nde taa rongikida onzigona ha Paska.
17Konguroshi h’ote ja na mboka omurongo na jaari.
18Manka ja kaatumba kotshiriro, taa ri, Jesus h’okua ti: Tshiri, andi mu rombuere, gumue mokati keni, ngu ta ri puamue na ngaje, oto orora ndje.
19Jo ja nik’uupongo, nde taa shimbike okumupura, gumue ta randura mukuauo: Ha ngaje, ndi tshi?
20H’ota ti ku jo: Gumue gua mboka omurongo na jaari ngu ta tura eke rje puamue na ngaje motshijasha.
21Omuna guOmuntu ota hi ngaaka ngashi pua tshangua, ndere ojeeje komuntu, ngu ta ko orora Omuna guOmuntu. Oshuepo ngeno kuaj’omuntu ngu ina varua.
22Manka taa ri, Jesus h’ota kuca omboroto, nde te hi jambeke, te hi pambura, he te hi ja pe, ta ti: Kuateni, shika orutu ruandje.
23He ta kuca ehoro, nde ta amberere, te ri ja pe, ajeshe jo taa nu mo.
24Ta ti ku jo: Shika ombinzi handje hetestamente epe, ndji ha tikirua ojendji.
25Tshiri, andi mu rombuere: Itandi ka nua ue kiihimati mbi jomavinju sigo okesiku ndija, tii ga nu itshee motshirongo tsha Karunga.
Jesus ta hi kondundu heemono.
26Sho ja nama okupopja ehamberero, jo ja zi mo, nde taa hi kondundu heemono.
27Jesus h’ota ti ku jo: Amushe otamu ka rimbirirua ku ngaje muusiku mbuka, oshoka otsho pua tshangua: Onda ara ndi denge omusita, nd’eenzi tadi sharakana.
28Ndere ng’onda jumuka, andi ke mu tetekerera ku Galilea.
29Nde Petrus ta ti ku he: Ajeshe ng’oja rimbirirua, ngaje tshivarerue.
30He Jesus ta ti: Tshiri, andi mu rombuere, nena uusikurera ngaa mbuno, manka ekondomboro inari iga ruaari, otu indimbike ndje rutatu.
31Nde Petrus ta guedere ko, ta gana: Nand’ondi nokuha mokusa puamue na nguee, itii ku idimbike nandookuri.
32Jo je ja ano mepja, edina rjarjo Getsemani, nde ta ti kaarongua je: Kaatumbeni mpo, manka andi garikana.
33Nde ta zi po na Petrus na Jakobus na Johannes, ta shimbike okuponga nokukekama.
34He ta ti ku jo: Omuenjo guandje ogua ponga sigo okusa. Kareni mpa, ne tamu taatara na ngaje.
35Naangashiingika h’ote engene ko katshona komesho, ta ts’otshipara tshe pevi, nde ta garikana, otundi ndjika hi mu pitirire, nge tatshi vurika.
36Otsho ta garikana: Abba, Tate, ngueje oto vuru atshishe, kuca ko otshinuino shi ku ngaje, ndere ha ngashi ngaje nda ara, aaue, onga nguee.
37H’ote ja, te ja ada ja koca. H’ota ti ku Petrus: Simon, ua koca? Ito vuru okukara ua taatara otundi himuike?
38Taatareni, ne tamu garikana, kamu guire memakero. Ombepo ho komuenjo kuri ohahi hara ngaa, ndere onjama oha nengena.
39H’ota tshuna ko itshee, ta garikana, ta popi eehapu dija.
40Sho a hi ku jo, okue ja ada itshee ja koca, oshoka omesho gauo oga ri ga ninga omadigu, ndere kaa tshi shi taa jamukura.
41Nde te ja orutitatu, ta ti ku jo: Koceni ano, ne mu vururukue. Tsha guana; otundi oha cika, Omuna guOmuntu ota gandjua miikasha jaarunde.
42Pendukeni, tu eni! Tareni, ngu to orora ndje, oku ri popepi.
43Manka e ri po ta popi dika, Judas Iskariot, gumue guo mu mbono omurongo na jaari, oku uruka ko, te ja nongundu onene hi neemuere needimbo. Aapristeri aakuruntu naakuruntukuruntu naanongo jomambo ojo kua je ja tuma.
44Ndere nguijaka, ngu e mu orora, okue ja pa otshidimburukico, sho a ti: Ngu tii ka cipa keemuruntu, ohe ngu, mu kuateni, ne mu mu fare nediginino.
45Sho e ja popepi, naanzija okue engene ku he, ta ti: Kundua, Muongi, nde te mu cipi keemurungu.
46Jo taa mu kuata, taa mu manga.
47Nde gumue gua mboka ja cikama mpo, ta pueja mo omuere gue, ta denge omupija guomupristeri omukuruntu, nde te mu keke okutsi.
48Jesus te ja popica, ta ti: Ne omue ja mu kuate ndje, ngashi aantu taa hi ja kuate omukorokoshi, sho mu neemuere needimbo.
49Keshe esiku onda ri pu ne montempeli, tii mu rongo, ndere inamu kuata ndje. Ndere ohapu homambo nahi guanicue.
50Mpoka aarongua ajeshe taa mu cigi po, taa h’ondapo.
51Ndere omumati gumue te mu randura, a zar’ike ohema onde korutu, nde ja ara je mu kuate.
52Te ekereshi ohema, ta h’ondapo, e ri ouara.
Jesus ta pangurua.
53Jo taa fara Jesus komupristeri omukuruntu. Aapristeri ajeshe naanongo jomambo naakuruntukuruntu oja gongara pu he.
54Petrus te mu randura ngaa huii kotshoto tshomupristeri omukuruntu, nde ta kaatumba naapija pomuriro ta shushurukua.
55Aapristeri aakuruntu notshingongi atshishe tshaakuruntu taa kongere po Jesus iihokorora, opo ja tshiue okumutokora a se, ndere inaa mona nande tshimue.
56Ojendji ojo okorora ngaa iirombo, ndere iihokorora inaji tsakanenacana.
57Jamue taa cikama, taa hokorora miirombo, taa ti:
58Otue mu uva, ta ti: Otii kumuna po ontempeli ndjika, ndji ha tungua nomake gaantu, nde momasiku gatatu otii tungurura onkuauo inahi tungua nomake gaantu.
59Ndere inaa huvacana miihokorora mbino.
60Omupristeri omukuruntu ta cikama, ta hi mokati, nde ta pura Jesus: Ito jamukura tsha mu shi tshe ku popirua ku jo?
61Nde Jesus okua muena ciru, h’ina jamukura tsha. H’omupristeri omukuruntu ote mu pura itshee: Onguee Kristus, Omumua Karunga, ngu ta simanekua unene?
62Jesus ta ti ku he: Ongaje ngu, notamu ka mona Omuna guOmuntu a kaatumba korurjo rueenkondo da Karunga, nde he one ja miikogo jeguru.
63Naanzija omupristeri omukuruntu ta fuagura eenguuo de, ta ti: Otua pumbua itshee aahokorori ji iri?
64Etsheko rja Karunga mue ri uva? Otamu ti ngiini nduno? Ajeshe jo taa mu tokora a se, nokutja oku notshikoro tshokusa.
65Jamue taa shimbike okumusijir’omate, taa siikire otshipara tshe, taa mu denge neengonjo, nde taa ti ku he: Tu ucira! Aapija jo taa mu denge neengonjo motshipara tshe.
Petrus ti idimbike Jesus.
66Nde Petrus sho a kaatumba pondje motshoto, gumue guo maakareri aakiintu jomupristeri omukuruntu te ja.
67Sho a mono Petrus ta shushurukua, ote mu tara naua, nde ta ti ku he: Na ngueje oua ri pu Jesus omunazareta.
68H’oti ipatana, ta ti: Kandi tshi, ngaje kandu uvite ko uo sho to ti; nde ta hi pomuare; naangashiingika ekondomboro tari igi.
69Omukareri omukiintu, ngu e mu mono ngaa huii, okua shimbike itshee, ta rombuere mba ja cikama mpo: Na nguno uo gumue gua mbeja.
70H’oti ipatana itshee. Konima herara etshona, mba ja cikama mpo, taa ti ku Petrus: Tshiri, na nguee gumue gua mboka, oshoka ngueje omugalileji.
71H’ota shimbike okupopja omatshekero nokugana: Omuntu ngu kandi mu tshi, ngu tamu mu popi.
72Naanzija ekondomboro tari igi orutiaari. Mpoka Petrus okua dimburukua ohapu ndji ha Jesus, sho a ti: Manka ekondomboro inari iga ruaari, ngueje oto idimbike ndje rutatu. Nokudimburukua shi ta shimbike okurira.
Currently Selected:
Markus 14: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Markus 14
14
ONTOPORUA 14.
Jesus ta guajekua mu Betania.
1Opua ri natango omasiku gaari, Opaska, otshituci tshiikurja iitoue otatshi danua. Aapristeri aakuruntu naanongo jomambo otaa kongo je mu kuate nonkenge je mu dipage.
2Jo taa ti: Inatshi ningua motshituci, kamu tukuke evundakano mokati kaantu.
3Jesus sho a ri megumbo mu Betania, megumbo rja Simon, ngu a ri notshirundu, nde ta kaatumba kotshiriro, omukiintu okue ja po, e notshijuma tshuurenga, tshu uda omagadi gokuguajeka, ge nondiro, ta tatura otshijuma, nde ta tira omagadi komutse gue.
4Ndere jamue taa ngungutura, jo taa kundacana: Okuepica omagadi okua tshee huno?
5Ando omagadi oga randua po iimariua ji vure eendenari omacere gatano, ji gandjue keehepere. Jo taa mu njana.
6Nde Jesus ta ti: Otshike tamu mu geere? Mu eceni ike! Okua ningira ndje otshironga otshaanaua.
7Oshoka aacigona oje ri pu ne arushe, tamu vuru okujakuacera, ndere ngaje kandi ri pu ne arushe.
8Nguno okua ninga tshi cike peenkondo de, okua tetekera okuguajeka orutu ruandje kefumbikiro rjandje.
9Tshiri, andi mu rombuere: Uunaarushe nakushe muujuni, hu taku uvicirua evangelium, na ko uo otaku epururua, shi a ningira ndje, tsh’otshidimburukico tshe.
10Naangashingika Judas Iskariot, gumue gua mbeja omurongo na jaari, okua hi kaapristeri aakuruntu e mu orore.
11Sho je tshu uvu, oja njanjukua, taa ti, ja ara je mu pe iimariua, he ta kongo nduno ompito e mu orore pecimbo euanaua.
Jesus ta tshiti esakramente ejapuki unene.
12Mesiku rjotango rjiikurja iitoue ano, manka taa dipaga onzigona ha Paska, aarongua otaa mu pura: Oua ara tu ku rongikidire okurja onzigona ha Paska?
13H’ota tumu jaari jo maarongua je, nde ta ti ku jo: Indeni momukunda, mo tamu ka tsakanena nomuntu, a humbata otshijuma tshomeja; mu randureni.
14Mu ta hi, otamu rombuere muene guegumbo: Muene okue tu tuma tu ku pure: Ondjugo ohi ri peni, mu tandi ka rja onzigona ha Paska puamue naarongua jandje?
15H’ote ke mu urukira ondjugo onene hokurja, ha rongerua naua, hi niipundi, moka tamu ke tu rongikidira ajishe.
16Aarongua oja hi, jo je ja momukunda, oja mona ajishe ngashi e ja rombuere, nde taa rongikida onzigona ha Paska.
17Konguroshi h’ote ja na mboka omurongo na jaari.
18Manka ja kaatumba kotshiriro, taa ri, Jesus h’okua ti: Tshiri, andi mu rombuere, gumue mokati keni, ngu ta ri puamue na ngaje, oto orora ndje.
19Jo ja nik’uupongo, nde taa shimbike okumupura, gumue ta randura mukuauo: Ha ngaje, ndi tshi?
20H’ota ti ku jo: Gumue gua mboka omurongo na jaari ngu ta tura eke rje puamue na ngaje motshijasha.
21Omuna guOmuntu ota hi ngaaka ngashi pua tshangua, ndere ojeeje komuntu, ngu ta ko orora Omuna guOmuntu. Oshuepo ngeno kuaj’omuntu ngu ina varua.
22Manka taa ri, Jesus h’ota kuca omboroto, nde te hi jambeke, te hi pambura, he te hi ja pe, ta ti: Kuateni, shika orutu ruandje.
23He ta kuca ehoro, nde ta amberere, te ri ja pe, ajeshe jo taa nu mo.
24Ta ti ku jo: Shika ombinzi handje hetestamente epe, ndji ha tikirua ojendji.
25Tshiri, andi mu rombuere: Itandi ka nua ue kiihimati mbi jomavinju sigo okesiku ndija, tii ga nu itshee motshirongo tsha Karunga.
Jesus ta hi kondundu heemono.
26Sho ja nama okupopja ehamberero, jo ja zi mo, nde taa hi kondundu heemono.
27Jesus h’ota ti ku jo: Amushe otamu ka rimbirirua ku ngaje muusiku mbuka, oshoka otsho pua tshangua: Onda ara ndi denge omusita, nd’eenzi tadi sharakana.
28Ndere ng’onda jumuka, andi ke mu tetekerera ku Galilea.
29Nde Petrus ta ti ku he: Ajeshe ng’oja rimbirirua, ngaje tshivarerue.
30He Jesus ta ti: Tshiri, andi mu rombuere, nena uusikurera ngaa mbuno, manka ekondomboro inari iga ruaari, otu indimbike ndje rutatu.
31Nde Petrus ta guedere ko, ta gana: Nand’ondi nokuha mokusa puamue na nguee, itii ku idimbike nandookuri.
32Jo je ja ano mepja, edina rjarjo Getsemani, nde ta ti kaarongua je: Kaatumbeni mpo, manka andi garikana.
33Nde ta zi po na Petrus na Jakobus na Johannes, ta shimbike okuponga nokukekama.
34He ta ti ku jo: Omuenjo guandje ogua ponga sigo okusa. Kareni mpa, ne tamu taatara na ngaje.
35Naangashiingika h’ote engene ko katshona komesho, ta ts’otshipara tshe pevi, nde ta garikana, otundi ndjika hi mu pitirire, nge tatshi vurika.
36Otsho ta garikana: Abba, Tate, ngueje oto vuru atshishe, kuca ko otshinuino shi ku ngaje, ndere ha ngashi ngaje nda ara, aaue, onga nguee.
37H’ote ja, te ja ada ja koca. H’ota ti ku Petrus: Simon, ua koca? Ito vuru okukara ua taatara otundi himuike?
38Taatareni, ne tamu garikana, kamu guire memakero. Ombepo ho komuenjo kuri ohahi hara ngaa, ndere onjama oha nengena.
39H’ota tshuna ko itshee, ta garikana, ta popi eehapu dija.
40Sho a hi ku jo, okue ja ada itshee ja koca, oshoka omesho gauo oga ri ga ninga omadigu, ndere kaa tshi shi taa jamukura.
41Nde te ja orutitatu, ta ti ku jo: Koceni ano, ne mu vururukue. Tsha guana; otundi oha cika, Omuna guOmuntu ota gandjua miikasha jaarunde.
42Pendukeni, tu eni! Tareni, ngu to orora ndje, oku ri popepi.
43Manka e ri po ta popi dika, Judas Iskariot, gumue guo mu mbono omurongo na jaari, oku uruka ko, te ja nongundu onene hi neemuere needimbo. Aapristeri aakuruntu naakuruntukuruntu naanongo jomambo ojo kua je ja tuma.
44Ndere nguijaka, ngu e mu orora, okue ja pa otshidimburukico, sho a ti: Ngu tii ka cipa keemuruntu, ohe ngu, mu kuateni, ne mu mu fare nediginino.
45Sho e ja popepi, naanzija okue engene ku he, ta ti: Kundua, Muongi, nde te mu cipi keemurungu.
46Jo taa mu kuata, taa mu manga.
47Nde gumue gua mboka ja cikama mpo, ta pueja mo omuere gue, ta denge omupija guomupristeri omukuruntu, nde te mu keke okutsi.
48Jesus te ja popica, ta ti: Ne omue ja mu kuate ndje, ngashi aantu taa hi ja kuate omukorokoshi, sho mu neemuere needimbo.
49Keshe esiku onda ri pu ne montempeli, tii mu rongo, ndere inamu kuata ndje. Ndere ohapu homambo nahi guanicue.
50Mpoka aarongua ajeshe taa mu cigi po, taa h’ondapo.
51Ndere omumati gumue te mu randura, a zar’ike ohema onde korutu, nde ja ara je mu kuate.
52Te ekereshi ohema, ta h’ondapo, e ri ouara.
Jesus ta pangurua.
53Jo taa fara Jesus komupristeri omukuruntu. Aapristeri ajeshe naanongo jomambo naakuruntukuruntu oja gongara pu he.
54Petrus te mu randura ngaa huii kotshoto tshomupristeri omukuruntu, nde ta kaatumba naapija pomuriro ta shushurukua.
55Aapristeri aakuruntu notshingongi atshishe tshaakuruntu taa kongere po Jesus iihokorora, opo ja tshiue okumutokora a se, ndere inaa mona nande tshimue.
56Ojendji ojo okorora ngaa iirombo, ndere iihokorora inaji tsakanenacana.
57Jamue taa cikama, taa hokorora miirombo, taa ti:
58Otue mu uva, ta ti: Otii kumuna po ontempeli ndjika, ndji ha tungua nomake gaantu, nde momasiku gatatu otii tungurura onkuauo inahi tungua nomake gaantu.
59Ndere inaa huvacana miihokorora mbino.
60Omupristeri omukuruntu ta cikama, ta hi mokati, nde ta pura Jesus: Ito jamukura tsha mu shi tshe ku popirua ku jo?
61Nde Jesus okua muena ciru, h’ina jamukura tsha. H’omupristeri omukuruntu ote mu pura itshee: Onguee Kristus, Omumua Karunga, ngu ta simanekua unene?
62Jesus ta ti ku he: Ongaje ngu, notamu ka mona Omuna guOmuntu a kaatumba korurjo rueenkondo da Karunga, nde he one ja miikogo jeguru.
63Naanzija omupristeri omukuruntu ta fuagura eenguuo de, ta ti: Otua pumbua itshee aahokorori ji iri?
64Etsheko rja Karunga mue ri uva? Otamu ti ngiini nduno? Ajeshe jo taa mu tokora a se, nokutja oku notshikoro tshokusa.
65Jamue taa shimbike okumusijir’omate, taa siikire otshipara tshe, taa mu denge neengonjo, nde taa ti ku he: Tu ucira! Aapija jo taa mu denge neengonjo motshipara tshe.
Petrus ti idimbike Jesus.
66Nde Petrus sho a kaatumba pondje motshoto, gumue guo maakareri aakiintu jomupristeri omukuruntu te ja.
67Sho a mono Petrus ta shushurukua, ote mu tara naua, nde ta ti ku he: Na ngueje oua ri pu Jesus omunazareta.
68H’oti ipatana, ta ti: Kandi tshi, ngaje kandu uvite ko uo sho to ti; nde ta hi pomuare; naangashiingika ekondomboro tari igi.
69Omukareri omukiintu, ngu e mu mono ngaa huii, okua shimbike itshee, ta rombuere mba ja cikama mpo: Na nguno uo gumue gua mbeja.
70H’oti ipatana itshee. Konima herara etshona, mba ja cikama mpo, taa ti ku Petrus: Tshiri, na nguee gumue gua mboka, oshoka ngueje omugalileji.
71H’ota shimbike okupopja omatshekero nokugana: Omuntu ngu kandi mu tshi, ngu tamu mu popi.
72Naanzija ekondomboro tari igi orutiaari. Mpoka Petrus okua dimburukua ohapu ndji ha Jesus, sho a ti: Manka ekondomboro inari iga ruaari, ngueje oto idimbike ndje rutatu. Nokudimburukua shi ta shimbike okurira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.