Hechos 2
2
Epíritu Sa̧tu̧ ichinü̧ wȩnȩ
1Pentecostés pättü pä'käri pä̧nä̧ päi'omȩnä̧, Jesucrito-rü esetätümä̧ ji̧nä̧ yo̧mȩtȩ ka̧ka̧kuä̧jä̧'kotü ttü̧ja̧kua̧'a̧, 2ttu̧ni̧chä̧ra̧'a̧nä̧ mo̧ro̧jä̧ra̧'a̧ttü̧ kkä̧rü̧'koppa toriri päia'a ä̧ju̧kui̧nä̧tü̧. Rü̧ȩnä̧ kkä̧rü̧'koppa ppüomȩnä̧ rä̧mi̧pä̧'i̧nü̧'a̧nü̧; rä̧mi̧pi̧na̧'a̧ ttü̧jo̧denä̧ o'kajuiyünä̧tä̧ pa̧ja̧kuä̧chü̧nä̧ 'kȩ'kȩ päi'ünä̧; 3ja̧'wa̧nü̧ päi'omȩnä̧ topäkuäwinä̧tü̧, ttu wä̧mȩ pünä̧ yotükupünä̧rü̧ okuriyä ppo̧ü̧ kka̧kuä̧ma̧'a̧, 4Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧. 5Juȩnȩ Jerusarȩ́-nä̧mä̧, judío kka̧kui̧nä̧tü̧ kkara'a rȩjȩra̧'a̧ttü̧ ichäjätü, Dio-rü rü̧ȩnä̧ ukuotätü. 6Ja̧'wa̧nü̧ rü̧ȩnä̧ rä̧mi̧pi̧yä̧u̧ ä̧ju̧ku̧, ttü̧ja̧mä̧ ka̧ka̧kui̧pü̧: to̧o̧ to̧pä̧ri̧nä̧tü̧, däjé päia'akuä pä'ü; Jesú umüwäyotümä̧, jitütä tti̧wȩnȩnä̧ ttukuokua'a ä̧ju̧ku̧. 7Ja̧'wa̧nü̧ to̧o̧ to̧pä̧rü̧ kkä̧nü̧, pä'inä̧tü̧:
—Topittü̧, ¿pitü ukuokuätümä̧ o'katoi'ünä̧, Galirea ttü̧ja̧mä̧kü̧ tä̧jí̧? 8¿Tta̧'a̧nü̧ ja̧'a̧, ya̧ku̧nä̧ ujutu ti̧wȩnȩ jü̧'a̧kuä̧ ukuokuätüttü̧, tä̧ju̧ku̧nä̧? 9Partos tti̧wȩnȩnä̧'i̧nä̧, medos tti̧wȩnȩnä̧'i̧nä̧, Elam ttü̧ja̧ tti̧wȩnȩnä̧'i̧nä̧; Mesopotamia ttü̧ja̧ tti̧wȩnȩnä̧'i̧nä̧, Judea ttü̧ja̧ tti̧wȩnȩnä̧'i̧nä̧, Capadocia ttü̧ja̧ tti̧wȩnȩnä̧'i̧nä̧, Ponto ttü̧ja̧ tti̧wȩnȩnä̧'i̧nä̧, Asia ttü̧ja̧ tti̧wȩnȩnä̧'i̧nä̧, 10Frigia ttü̧ja̧ tti̧wȩnȩnä̧'i̧nä̧, Panfilia ttü̧ja̧ tti̧wȩnȩnä̧'i̧nä̧, Egito ttü̧ja̧ tti̧wȩnȩnä̧'i̧nä̧, África ttü̧ja̧ tti̧wȩnȩnä̧'i̧nä̧, Cirene yabo Ribia rȩjȩku̧ ttü̧ja̧ tti̧wȩnȩnä̧'i̧nä̧. Ja̧'wa̧ta̧nü̧ Roma ttü̧ja̧ pȩnȩ́ kka̧kuä̧tü̧ tti̧wȩnȩnä̧'i̧nä̧; 11judío kkara'attü ichinä̧tü̧'i̧nä̧ ja̧'wa̧ta̧nü̧ Creta-ra̧'a̧ttü̧, Arabia-ra̧'a̧ttü̧ ichäkuäwotü'i̧nä̧ ti̧wȩnȩnä̧ ttukuokua'a ä̧ju̧kuä̧tü̧jä̧, ¡Dio üadiwämä̧!
12Ja̧'wa̧nü̧ ji̧yä̧u̧ o'katoi'ünä̧, to̧o̧ to̧pä̧rä̧kuä̧u̧ pä'äkuäwinä̧tü̧:
—¿Toku pä'ü ja̧'a̧jä̧ttü̧ pi̧yȩmä̧?
13Kkorotümä̧ ja̧'wa̧nü̧ pätta'anä̧, kkorotütä ya̧'a̧wä̧'chü̧ pä'inä̧tü̧:
—¡Juätümä̧ tä̧'ä̧mä̧kuä̧wä̧tü̧!, jü̧nä̧.
Peduru jiäwinü̧ wȩnȩ
14Ja̧'wa̧nü̧ ja̧'a̧ Peduru-mä̧, kkorotü apótore o̧cȩnü̧ wotüku ä̧rä̧mi̧'ü̧ pä̧i̧ku̧nä̧ pä'inü̧: ukutu Judío'i̧nä̧ ja̧'wa̧ta̧nü̧ Jerusarȩ́-nä̧ kka̧kuä̧tü̧ o'katoi'ünä̧ pi̧yȩ pädü, adiu ä̧ju̧kuä̧tu̧kui̧: 15Pitümä̧, ukutu kuamükuädätuku'anü̧mä̧ tä̧'ä̧mä̧kuä̧wo̧ko̧tü̧, jitä yo̧ä̧i̧mä̧ las nueve ja̧'a̧, 16Ja̧'wa̧nü̧ ja̧'a̧ttü̧ pi̧yȩmä̧ 'kuäopa'a, profeta Joel pa̧'a̧nü̧ päinü̧'a̧kuä̧:
17Dio-mä̧ pä'inü̧, rüjí mo̧ro̧ päi'omȩnä̧mä̧,
pi̧jä̧ ttü̧ja̧ o'katoi'ünä̧rü̧ chi̧yä̧kua̧sä̧ ttü i̧sa̧ Epíritu Sa̧tu̧rü̧ jo̧mȩnü̧;
ja̧'wa̧nü̧ jo̧mȩnä̧ kui̧tti̧mü̧tu̧ku̧ u̧mä̧tü̧'i̧nä̧, nä̧tü̧'i̧nä̧ chi̧wȩnȩ jittäwäkuotü;
ja̧'wa̧ta̧nü̧ mü̧ä̧yotü'i̧nä̧ Dio i̧jȩpü̧ tottäkuotü ja̧'wa̧ta̧nü̧ büäkuätümä̧ ttu̧'kuo̧ti̧nä̧ tottäkuotü;
18Isopäi'ünä̧tä̧, ji̧yȩnü̧ mo̧ro̧mä̧, chumüwäyotü nä̧tü̧rü̧'i̧nä̧,
u̧mä̧tü̧rü̧'i̧nä̧ chi̧yä̧kua̧sä̧ jo̧mȩnü̧ ttü i̧sa̧ Epíritu-rumä̧ chi̧wȩnȩ jittäwuönä̧.
19Mo̧ro̧jä̧ra̧'a̧ttü̧mä̧ rü̧ȩnä̧ jü̧ tottünä̧ chi̧jȩpä̧kua̧sä̧;
pi̧jä̧nä̧ttü̧mä̧: ttukuoja'i̧nä̧, okurä'i̧nä̧, ajiya isoppa'i̧nä̧ chi̧jȩpä̧kua̧sä̧.
20Mo̧ro̧ kkä̧wa̧'i̧nä̧ yo̧i̧'ä̧kua̧'a̧, yodó kkä̧wa̧'i̧nä̧ ttukuoja 'kua̧rü̧nä̧ kuokuäkua'a,
Tu̧ru̧wa̧ ichü adiu jȩä̧kuȩ, ukuo mo̧ro̧ ä'kanä̧mä̧.
21O'katoi'ünä̧ Tü̧ä̧nä̧wa̧ i̧mi̧nä̧ jä'epü ajuäkuäwätümä̧,
ra̧wä̧pi̧jü̧ttü̧ ttü̧ji̧pä̧kuo̧tü̧.
22Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧. 23Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧. 24Jua̧u̧ru̧mä̧, Dio-mä̧ wa'are ubarattü äräbe'inü̧; wa'are 'chuädi'arü pä'ümä̧, yoriso juiyina̧'a̧. 25Ru̧wa̧ rey Dawi-mä̧, Jesú ütü'kü pä'inü̧:
'Kuäopünä̧ chä'kanä̧tä̧ topinü̧sä̧ Chu̧ru̧wa̧rü̧mä̧;
jua'amä̧ chu̧wo̧jua̧'a̧ku̧nä̧ ü̧ja̧'a̧ttü̧, ma̧dä̧chü̧ juiyünä̧.
26Ja̧'wa̧nü̧ ja̧'a̧ttü̧ cha̧mi̧ iso'ki esewäku,
eseu ra̧'ü̧sä̧,
cha̧'kua̧ wȩnä̧rü̧ kkä̧nü̧;
27Isopäi'ünä̧ ukumä̧ wa'arenä̧mä̧ kuikuipokoku chä̧kua̧sä̧
ja̧'wa̧ta̧nü̧ kuemi̧nä̧ku̧ cha'attü surojü tochünä̧mä̧ jȩ'kuo̧ko̧ku̧ chä̧kua̧sä̧.
28Kkä̧kuä̧wä̧ mä̧nä̧ chu̧wo̧juö̧nä̧ kui̧jȩpi̧nä̧kü̧sä̧;
ja̧'wa̧ta̧nü̧ ttüku ku̧jo̧mȩnä̧ rü̧ȩnä̧ cheseunä̧ jä̧ku̧sä̧.
29Chawaruwä chi̧jä̧wa̧tü̧, patriaca Dawi ütü'kümä̧, wäjuönä̧ pä'ätüjä̧, jua̧u̧mä̧ toe'ächina̧'a̧ 'turu ttikuinä̧ku̧; uwapäreba po̧mȩ'i̧nä̧ wo̧juä̧tü̧jä̧. 30Ja̧'wa̧nü̧ ji̧na̧'a̧nä̧ Dawi-mä̧ profeta ja̧'a̧ttü̧, Dio-mä̧ i̧tti̧mü̧ttü̧ Crito-rü äräbe'äkua'a jiäwinä̧ku̧. 31Ja̧'wa̧nü̧ ja̧'a̧ttü̧, Dawi-mä̧ wo̧jui̧nü̧, Dio jȩä̧kua̧'a̧ ukuokuinü̧mä̧. Ja̧'wa̧nü̧ ja̧'a̧ttü̧ Dio weäku idepämä̧ wa'are rejuttü pparuwächoka'a, tto̧ä̧chä̧kua̧ pä'inü̧. 32Jesú-rumä̧, Dio-mä̧ wa'arettü tto'ädinü̧; ujutu o'katoi'ünä̧ topinä̧tü̧jä̧. 33Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧. 34Ja̧'wa̧nü̧ ja̧'a̧ttü̧ Dawi-mä̧ mo̧ro̧jä̧ra̧'a̧ i̧'cho̧ka̧'a̧nä̧, pä'inü̧:
«Chu̧ru̧wa̧mä̧, Chu̧ru̧wa̧rü̧ pä'inü̧:
Chu̧wo̧jua̧ku̧nä̧ pä̧mä̧di̧,
35kuaboiyotürü kkȩdü̧ kuikuomȩbü päi'ünä̧.»
36«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»
37Ja̧'wa̧nü̧ jiäwa'a ä̧ju̧ku̧, tta̧'kua̧tta̧ pä̧'i̧'ä̧u̧, Peduru-rü'i̧nä̧ ja̧'wa̧ta̧nü̧ kkorotü apótore-rü'i̧nä̧ jä'epü ä̧ju̧kui̧nä̧tü̧:
—Chawaruwä chi̧jä̧wa̧tü̧ ¿däjé jȩtü̧'a̧nü̧ttü̧ ujutumä̧?
38Peduru-mä̧ ädätinä̧u̧:
—Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧. 39Pi̧yȩ iya päinü̧mä̧, ukuturu iya pä'inü̧, kui̧tti̧mü̧tu̧ku̧ru̧'i̧nä̧ ja̧'wa̧ta̧nü̧ kkorotü otó kka̧kuä̧tü̧rü̧'i̧nä̧; suro juätütämä̧kü̧, Tu̧ru̧wa̧ Dio wo̧ä̧u̧mä̧ o'katoi'ünä̧rü̧. 40Peduru-mä̧ pi̧yȩ'i̧nä̧ pä'ükkä̧nü̧, kkoro'i̧nä̧ pa̧'a̧nü̧ päinä̧u̧:
—Pitü ttü̧ja̧rü̧ ro̧ȩkuä̧kuȩ surojüttü rä'opächü kki̧'ä̧tu̧kui̧.
41Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧. 42Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.
Ä̧kuo̧mȩnä̧ Jesú-ru esetü tü̧ja̧kui̧nü̧ wȩnȩ
43Apótore jȩtto̧kü̧ juei'i̧nä̧, ttieruwuö'i̧nä̧ jȩtta̧'a̧ topü, o'katoi'ünä̧rü̧ rü̧ȩnä̧ yetteku rȩbȩä̧kuä̧wi̧na̧'a̧; 44O'katoi'ünä̧ Jesú-ru esetätümä̧ ji̧nä̧ ji̧yȩtȩnä̧ kka̧kui̧nä̧tü̧ ja̧'wa̧ta̧nü̧ rekuä rü̧jü̧'i̧nä̧ ji̧nä̧ ji̧yȩtȩnä̧tä̧ ppä'ädäkuäwinä̧tü̧. 45Ja̧'wa̧nü̧ jȩpü̧, ttiäre'i̧nä̧ mikuä pä'ü iyä'chü, yotukunä̧rü̧ rekuä rü̧jü̧'a̧kuä̧ ppä'ädäkuäwinä̧tü̧. 46'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧. 47Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.
Currently Selected:
Hechos 2: PNT13
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela
Hechos 2
2
Epíritu Sa̧tu̧ ichinü̧ wȩnȩ
1Pentecostés pättü pä'käri pä̧nä̧ päi'omȩnä̧, Jesucrito-rü esetätümä̧ ji̧nä̧ yo̧mȩtȩ ka̧ka̧kuä̧jä̧'kotü ttü̧ja̧kua̧'a̧, 2ttu̧ni̧chä̧ra̧'a̧nä̧ mo̧ro̧jä̧ra̧'a̧ttü̧ kkä̧rü̧'koppa toriri päia'a ä̧ju̧kui̧nä̧tü̧. Rü̧ȩnä̧ kkä̧rü̧'koppa ppüomȩnä̧ rä̧mi̧pä̧'i̧nü̧'a̧nü̧; rä̧mi̧pi̧na̧'a̧ ttü̧jo̧denä̧ o'kajuiyünä̧tä̧ pa̧ja̧kuä̧chü̧nä̧ 'kȩ'kȩ päi'ünä̧; 3ja̧'wa̧nü̧ päi'omȩnä̧ topäkuäwinä̧tü̧, ttu wä̧mȩ pünä̧ yotükupünä̧rü̧ okuriyä ppo̧ü̧ kka̧kuä̧ma̧'a̧, 4Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧. 5Juȩnȩ Jerusarȩ́-nä̧mä̧, judío kka̧kui̧nä̧tü̧ kkara'a rȩjȩra̧'a̧ttü̧ ichäjätü, Dio-rü rü̧ȩnä̧ ukuotätü. 6Ja̧'wa̧nü̧ rü̧ȩnä̧ rä̧mi̧pi̧yä̧u̧ ä̧ju̧ku̧, ttü̧ja̧mä̧ ka̧ka̧kui̧pü̧: to̧o̧ to̧pä̧ri̧nä̧tü̧, däjé päia'akuä pä'ü; Jesú umüwäyotümä̧, jitütä tti̧wȩnȩnä̧ ttukuokua'a ä̧ju̧ku̧. 7Ja̧'wa̧nü̧ to̧o̧ to̧pä̧rü̧ kkä̧nü̧, pä'inä̧tü̧:
—Topittü̧, ¿pitü ukuokuätümä̧ o'katoi'ünä̧, Galirea ttü̧ja̧mä̧kü̧ tä̧jí̧? 8¿Tta̧'a̧nü̧ ja̧'a̧, ya̧ku̧nä̧ ujutu ti̧wȩnȩ jü̧'a̧kuä̧ ukuokuätüttü̧, tä̧ju̧ku̧nä̧? 9Partos tti̧wȩnȩnä̧'i̧nä̧, medos tti̧wȩnȩnä̧'i̧nä̧, Elam ttü̧ja̧ tti̧wȩnȩnä̧'i̧nä̧; Mesopotamia ttü̧ja̧ tti̧wȩnȩnä̧'i̧nä̧, Judea ttü̧ja̧ tti̧wȩnȩnä̧'i̧nä̧, Capadocia ttü̧ja̧ tti̧wȩnȩnä̧'i̧nä̧, Ponto ttü̧ja̧ tti̧wȩnȩnä̧'i̧nä̧, Asia ttü̧ja̧ tti̧wȩnȩnä̧'i̧nä̧, 10Frigia ttü̧ja̧ tti̧wȩnȩnä̧'i̧nä̧, Panfilia ttü̧ja̧ tti̧wȩnȩnä̧'i̧nä̧, Egito ttü̧ja̧ tti̧wȩnȩnä̧'i̧nä̧, África ttü̧ja̧ tti̧wȩnȩnä̧'i̧nä̧, Cirene yabo Ribia rȩjȩku̧ ttü̧ja̧ tti̧wȩnȩnä̧'i̧nä̧. Ja̧'wa̧ta̧nü̧ Roma ttü̧ja̧ pȩnȩ́ kka̧kuä̧tü̧ tti̧wȩnȩnä̧'i̧nä̧; 11judío kkara'attü ichinä̧tü̧'i̧nä̧ ja̧'wa̧ta̧nü̧ Creta-ra̧'a̧ttü̧, Arabia-ra̧'a̧ttü̧ ichäkuäwotü'i̧nä̧ ti̧wȩnȩnä̧ ttukuokua'a ä̧ju̧kuä̧tü̧jä̧, ¡Dio üadiwämä̧!
12Ja̧'wa̧nü̧ ji̧yä̧u̧ o'katoi'ünä̧, to̧o̧ to̧pä̧rä̧kuä̧u̧ pä'äkuäwinä̧tü̧:
—¿Toku pä'ü ja̧'a̧jä̧ttü̧ pi̧yȩmä̧?
13Kkorotümä̧ ja̧'wa̧nü̧ pätta'anä̧, kkorotütä ya̧'a̧wä̧'chü̧ pä'inä̧tü̧:
—¡Juätümä̧ tä̧'ä̧mä̧kuä̧wä̧tü̧!, jü̧nä̧.
Peduru jiäwinü̧ wȩnȩ
14Ja̧'wa̧nü̧ ja̧'a̧ Peduru-mä̧, kkorotü apótore o̧cȩnü̧ wotüku ä̧rä̧mi̧'ü̧ pä̧i̧ku̧nä̧ pä'inü̧: ukutu Judío'i̧nä̧ ja̧'wa̧ta̧nü̧ Jerusarȩ́-nä̧ kka̧kuä̧tü̧ o'katoi'ünä̧ pi̧yȩ pädü, adiu ä̧ju̧kuä̧tu̧kui̧: 15Pitümä̧, ukutu kuamükuädätuku'anü̧mä̧ tä̧'ä̧mä̧kuä̧wo̧ko̧tü̧, jitä yo̧ä̧i̧mä̧ las nueve ja̧'a̧, 16Ja̧'wa̧nü̧ ja̧'a̧ttü̧ pi̧yȩmä̧ 'kuäopa'a, profeta Joel pa̧'a̧nü̧ päinü̧'a̧kuä̧:
17Dio-mä̧ pä'inü̧, rüjí mo̧ro̧ päi'omȩnä̧mä̧,
pi̧jä̧ ttü̧ja̧ o'katoi'ünä̧rü̧ chi̧yä̧kua̧sä̧ ttü i̧sa̧ Epíritu Sa̧tu̧rü̧ jo̧mȩnü̧;
ja̧'wa̧nü̧ jo̧mȩnä̧ kui̧tti̧mü̧tu̧ku̧ u̧mä̧tü̧'i̧nä̧, nä̧tü̧'i̧nä̧ chi̧wȩnȩ jittäwäkuotü;
ja̧'wa̧ta̧nü̧ mü̧ä̧yotü'i̧nä̧ Dio i̧jȩpü̧ tottäkuotü ja̧'wa̧ta̧nü̧ büäkuätümä̧ ttu̧'kuo̧ti̧nä̧ tottäkuotü;
18Isopäi'ünä̧tä̧, ji̧yȩnü̧ mo̧ro̧mä̧, chumüwäyotü nä̧tü̧rü̧'i̧nä̧,
u̧mä̧tü̧rü̧'i̧nä̧ chi̧yä̧kua̧sä̧ jo̧mȩnü̧ ttü i̧sa̧ Epíritu-rumä̧ chi̧wȩnȩ jittäwuönä̧.
19Mo̧ro̧jä̧ra̧'a̧ttü̧mä̧ rü̧ȩnä̧ jü̧ tottünä̧ chi̧jȩpä̧kua̧sä̧;
pi̧jä̧nä̧ttü̧mä̧: ttukuoja'i̧nä̧, okurä'i̧nä̧, ajiya isoppa'i̧nä̧ chi̧jȩpä̧kua̧sä̧.
20Mo̧ro̧ kkä̧wa̧'i̧nä̧ yo̧i̧'ä̧kua̧'a̧, yodó kkä̧wa̧'i̧nä̧ ttukuoja 'kua̧rü̧nä̧ kuokuäkua'a,
Tu̧ru̧wa̧ ichü adiu jȩä̧kuȩ, ukuo mo̧ro̧ ä'kanä̧mä̧.
21O'katoi'ünä̧ Tü̧ä̧nä̧wa̧ i̧mi̧nä̧ jä'epü ajuäkuäwätümä̧,
ra̧wä̧pi̧jü̧ttü̧ ttü̧ji̧pä̧kuo̧tü̧.
22Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧. 23Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧. 24Jua̧u̧ru̧mä̧, Dio-mä̧ wa'are ubarattü äräbe'inü̧; wa'are 'chuädi'arü pä'ümä̧, yoriso juiyina̧'a̧. 25Ru̧wa̧ rey Dawi-mä̧, Jesú ütü'kü pä'inü̧:
'Kuäopünä̧ chä'kanä̧tä̧ topinü̧sä̧ Chu̧ru̧wa̧rü̧mä̧;
jua'amä̧ chu̧wo̧jua̧'a̧ku̧nä̧ ü̧ja̧'a̧ttü̧, ma̧dä̧chü̧ juiyünä̧.
26Ja̧'wa̧nü̧ ja̧'a̧ttü̧ cha̧mi̧ iso'ki esewäku,
eseu ra̧'ü̧sä̧,
cha̧'kua̧ wȩnä̧rü̧ kkä̧nü̧;
27Isopäi'ünä̧ ukumä̧ wa'arenä̧mä̧ kuikuipokoku chä̧kua̧sä̧
ja̧'wa̧ta̧nü̧ kuemi̧nä̧ku̧ cha'attü surojü tochünä̧mä̧ jȩ'kuo̧ko̧ku̧ chä̧kua̧sä̧.
28Kkä̧kuä̧wä̧ mä̧nä̧ chu̧wo̧juö̧nä̧ kui̧jȩpi̧nä̧kü̧sä̧;
ja̧'wa̧ta̧nü̧ ttüku ku̧jo̧mȩnä̧ rü̧ȩnä̧ cheseunä̧ jä̧ku̧sä̧.
29Chawaruwä chi̧jä̧wa̧tü̧, patriaca Dawi ütü'kümä̧, wäjuönä̧ pä'ätüjä̧, jua̧u̧mä̧ toe'ächina̧'a̧ 'turu ttikuinä̧ku̧; uwapäreba po̧mȩ'i̧nä̧ wo̧juä̧tü̧jä̧. 30Ja̧'wa̧nü̧ ji̧na̧'a̧nä̧ Dawi-mä̧ profeta ja̧'a̧ttü̧, Dio-mä̧ i̧tti̧mü̧ttü̧ Crito-rü äräbe'äkua'a jiäwinä̧ku̧. 31Ja̧'wa̧nü̧ ja̧'a̧ttü̧, Dawi-mä̧ wo̧jui̧nü̧, Dio jȩä̧kua̧'a̧ ukuokuinü̧mä̧. Ja̧'wa̧nü̧ ja̧'a̧ttü̧ Dio weäku idepämä̧ wa'are rejuttü pparuwächoka'a, tto̧ä̧chä̧kua̧ pä'inü̧. 32Jesú-rumä̧, Dio-mä̧ wa'arettü tto'ädinü̧; ujutu o'katoi'ünä̧ topinä̧tü̧jä̧. 33Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧. 34Ja̧'wa̧nü̧ ja̧'a̧ttü̧ Dawi-mä̧ mo̧ro̧jä̧ra̧'a̧ i̧'cho̧ka̧'a̧nä̧, pä'inü̧:
«Chu̧ru̧wa̧mä̧, Chu̧ru̧wa̧rü̧ pä'inü̧:
Chu̧wo̧jua̧ku̧nä̧ pä̧mä̧di̧,
35kuaboiyotürü kkȩdü̧ kuikuomȩbü päi'ünä̧.»
36«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»
37Ja̧'wa̧nü̧ jiäwa'a ä̧ju̧ku̧, tta̧'kua̧tta̧ pä̧'i̧'ä̧u̧, Peduru-rü'i̧nä̧ ja̧'wa̧ta̧nü̧ kkorotü apótore-rü'i̧nä̧ jä'epü ä̧ju̧kui̧nä̧tü̧:
—Chawaruwä chi̧jä̧wa̧tü̧ ¿däjé jȩtü̧'a̧nü̧ttü̧ ujutumä̧?
38Peduru-mä̧ ädätinä̧u̧:
—Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧. 39Pi̧yȩ iya päinü̧mä̧, ukuturu iya pä'inü̧, kui̧tti̧mü̧tu̧ku̧ru̧'i̧nä̧ ja̧'wa̧ta̧nü̧ kkorotü otó kka̧kuä̧tü̧rü̧'i̧nä̧; suro juätütämä̧kü̧, Tu̧ru̧wa̧ Dio wo̧ä̧u̧mä̧ o'katoi'ünä̧rü̧. 40Peduru-mä̧ pi̧yȩ'i̧nä̧ pä'ükkä̧nü̧, kkoro'i̧nä̧ pa̧'a̧nü̧ päinä̧u̧:
—Pitü ttü̧ja̧rü̧ ro̧ȩkuä̧kuȩ surojüttü rä'opächü kki̧'ä̧tu̧kui̧.
41Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧. 42Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.
Ä̧kuo̧mȩnä̧ Jesú-ru esetü tü̧ja̧kui̧nü̧ wȩnȩ
43Apótore jȩtto̧kü̧ juei'i̧nä̧, ttieruwuö'i̧nä̧ jȩtta̧'a̧ topü, o'katoi'ünä̧rü̧ rü̧ȩnä̧ yetteku rȩbȩä̧kuä̧wi̧na̧'a̧; 44O'katoi'ünä̧ Jesú-ru esetätümä̧ ji̧nä̧ ji̧yȩtȩnä̧ kka̧kui̧nä̧tü̧ ja̧'wa̧ta̧nü̧ rekuä rü̧jü̧'i̧nä̧ ji̧nä̧ ji̧yȩtȩnä̧tä̧ ppä'ädäkuäwinä̧tü̧. 45Ja̧'wa̧nü̧ jȩpü̧, ttiäre'i̧nä̧ mikuä pä'ü iyä'chü, yotukunä̧rü̧ rekuä rü̧jü̧'a̧kuä̧ ppä'ädäkuäwinä̧tü̧. 46'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧. 47Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela