San Juan 5
5
Betesda-ttü parárisi na̧'ä̧chü̧rü̧ Jesú aditü ikuinü̧
1Jua̧u̧ 'kuäopäji o'ka'a, Judío pä'käri jȩtta̧'a̧, Jesú'i̧nä̧ Jerusarȩ́-ra̧'a̧ 'chi̧nü̧. 2Ja̧'wa̧nü̧ ja̧'a̧ Jerusarȩ́ ütawiyänä̧, oweja-tü̧ ttäpate kka̧'a̧, juȩnȩ ppeyämä̧ ajiya akuo'ta, hebreo tti̧wȩnȩnä̧mä̧ Betesda#5.2 Kkoro wȩyu̧kuä̧nä̧mä̧ (mss-nä̧mä̧), Betzatá pä'ü, rütäwa'a pa̧'a̧. pä'ü mi̧kuomȩ kki̧na̧'a̧; doächäkuäwä äpatiyämä̧ ji̧mü̧tȩ jäwä jo̧mȩnä̧ kko̧mȩ. 3Juȩnȩmä̧ rekuätü na̧nȩpä̧tü̧mä̧, ä̧to̧kä̧tü̧'i̧nä̧, kuettächü juiyünä̧ wotü'i̧nä̧, parárisi mä̧richei na̧nȩpä̧tü̧'i̧nä̧, [ajiya ppawi'aja pä'ü tta̧'ä̧rü̧ pȩji̧nä̧tü̧. 4Ja̧'wa̧nü̧ ja̧'a̧, ya̧tȩ á̧gȩ, juo'ta ajiya akuo'tanä̧ mȩyȩwi̧'ü̧ kko̧ro̧nü̧ jü̧ta̧'a̧nü̧ yubäti'enü; ja̧'wa̧nü̧ yubä päi'omȩnä̧, ä'kanä̧ ma̧'ä̧chü̧tä̧ ji̧'ȩna̧'a̧ umäricheittü pi̧'i̧pü̧mä̧, kkorojuei mä̧richei na̧wä̧cha̧ja̧ pä'ü'i̧nä̧.] 5Ja̧'wa̧nü̧ ja̧'a̧ juätü ttü̧'kä̧tȩnä̧, ya̧tȩ treinta y ocho años jo̧mȩnä̧ na̧'ä̧chä̧'i̧jü̧'i̧nä̧ pi̧nü̧. 6Ja̧'wa̧nü̧ ja̧'a̧ Jesú-mä̧ juȩnȩ sä̧bü̧kä̧nü̧ pü̧rü̧ topü, rekuo mo̧ro̧ na̧wä̧kuä̧'i̧ja̧'a̧ ä̧ju̧kuä̧ji̧'ka̧ jä'epü ä̧ju̧kui̧nä̧ku̧:
—¿Na̧kuä̧chü̧ttü̧mä̧ ku̧'i̧pa̧ pä'üjä̧?
7Päku, na̧'ä̧chü̧mä̧ ädätinü̧:
—Chu̧ru̧wa̧, ajiya yuwekuipomȩnä̧, ya̧tȩ'i̧nä̧ toäkusä, ajiya iso'taku ȩmi̧pü̧mä̧. Ji̧nä̧ pä'ütä borechäkuäwa'anä̧, kkorotütä chä'kanä̧ ma̧ttä̧chä̧rä̧'i̧jä̧ku̧sä̧.
8Jesú-mä̧ päinä̧ku̧:
—Ä̧rä̧mi̧'ü̧, ku̧'ä̧bä ȩmi̧pü̧ täi.
9Päomȩnä̧, jua̧u̧mä̧, a̧'kua̧ttü̧ pä'i'ü, ü̧'äbä ȩmi̧pü̧ 'chi̧nü̧. Jua̧u̧nu̧mä̧ 'kuä'ächi'ü pä̧mä̧dä̧kuä̧wä̧ mo̧ro̧ ji̧na̧'a̧. 10Judío-mä̧, jua̧u̧ pi̧'ä̧ji̧rü̧mä̧ pä'inä̧tü̧:
—Pi̧yȩ mo̧ro̧mä̧, sawaru mo̧ro̧ ja̧'a̧; ku̧'ä̧'i̧jä̧bämä̧ kuȩpa̧ pä'ü weäwoka'a. 11Pättäku, jua̧u̧mä̧ ädätinä̧u̧:
—Ttürü chumä̧richei aditü ikuäjimä̧, ku̧'ä̧bä ȩmi̧pü̧ täi päjäkusä, 12pä̧i̧yä̧u̧, jä'epü ttä̧ju̧kui̧nä̧ku̧:
—¿Díjä̧ttü̧, ku̧'ä̧bä ȩmi̧pü̧ täi pä'äjimä̧?
13Ja̧'wa̧nü̧ ja̧'a̧nä̧, jua̧u̧mä̧, aditü ikuäjirümä̧ jerupinü̧; Jesú-mä̧ ttü̧ja̧ ttirekua'a, ttü̧'kä̧tȩnä̧ toepo'äja'a. 14Ja̧'wa̧nü̧ jä̧ji̧ o'ka'a, Jesú-mä̧ jua̧u̧ru̧, Dio-rü ukuokuäkuäwodettü po̧kui̧pü̧ päinä̧ku̧:
—Topittü̧, täkü na̧kuä̧chä̧ji̧ttü̧mä̧ pi̧'ä̧ji̧jä̧; pä'äjita'anü̧mä̧ surojü jȩ'kuä̧, jua'a abonä̧nü̧ surojü ichü juiyaku pä'ümä̧.
15Päjäkumä̧, judío-rü 'chä̧wi̧'ü̧ ji'äwinü̧: Jesú jä̧ja̧'a̧ ttürü aditü ikuäjimä̧ pä'ü. 16Ja̧'wa̧nü̧ sawaru mo̧ro̧ jȩi̧yä̧u̧ judío-mä̧, Jesú-ru kuä'ü ttikua pä'ü jȩpi̧nä̧tü̧. 17Ja̧'wa̧nü̧ jä̧ku̧, Jesú-mä̧ päinä̧u̧:
—Ttü Chä'omä̧ jitäbü päi'ünä̧ aditü ja̧'wa̧nü̧ ja̧'a̧ttü̧ ttü'i̧nä̧ aditüsä.
18Ja̧'wa̧nü̧ pä̧i̧yä̧u̧ judío-mä̧, yabokutä kuä'ü ttikua pättinä̧ku̧; jua'amä̧ sawaru mo̧ro̧tä̧ ukuotoka'atämä̧kü̧, Dio-rü'i̧nä̧ Chä'o, pä'ükkä̧nü̧, Dio jü̧ta̧'a̧nü̧ yoräteku päomȩnä̧.
Dio I̧tti̧ ukuo u̧ju̧nä̧rü̧ wȩnȩ
19Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧. 20Isopäi'ünä̧ Jä'omä̧, I̧tti̧rü̧ eseu repea'attü̧, o'kajuiyünä̧ jȩü̧mä̧ i̧jȩpä̧ku̧; ja̧'wa̧ta̧nü̧ pi̧yȩttü̧'i̧nä̧ abonä̧nü̧ rü̧ȩnä̧ jü̧ i̧jȩpä̧kuä̧u̧jä̧, too to̧'kuä̧rä̧tu̧ku̧nä̧ päi'ünä̧. 21Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü. 22Ja̧'wa̧nü̧ ja̧'a̧ttü̧ Jä'omä̧ ya̧tȩ adiu jȩa̧ja̧ pä'ü'i̧nä̧, suronä̧ jȩa̧ja̧ pä'ü'i̧nä̧ pä'okü, jua̧u̧ päa pä'ümä̧ o'kajuiyünä̧ ujurumä̧ I̧tti̧rü̧tä̧ iyipinü̧. 23Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.
24Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü. 25Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧. 26Isopäi'ünä̧ Jä'o chutä a̧mü̧nä̧ pa̧ja̧tü̧ a̧'kua̧rü̧ u̧ju̧nä̧rü̧ta̧'a̧nü̧, I̧tti̧rü̧'i̧nä̧ iyinü̧ chutä a̧mü̧nä̧ pa̧ja̧tü̧ a̧'kua̧rü̧ u̧ju̧nä̧ra̧ pä'ü. 27Ja̧'wa̧nü̧ ja̧'a̧ttü̧, adiu jȩtta̧ja̧ pä'ü'i̧nä̧, suronä̧ jȩtta̧ja̧ pä'ü'i̧nä̧, päa pä'ü uruwo iyinä̧ku̧. 28Pi̧yȩ pädomȩnä̧mä̧, too to'kuä̧rä̧tu̧kuä̧; isopäi'ünä̧ o'katoi'ünä̧ wa'are rejunä̧ pä̧tü̧'i̧nä̧, i̧wȩnȩ ttä̧ju̧ku̧ mo̧ro̧ rȩbȩä̧kuä̧wä̧kua̧'a̧. 29Ja̧'wa̧nü̧ ja̧'a̧ttü̧, adiu jȩpi̧nä̧tü̧'i̧nä̧, kkä̧kuä̧wä̧ i'ko ttu̧ju̧nä̧ra̧ pä'ü ttottächäkuotü; ja̧'wa̧ta̧nü̧ suronä̧ jȩpi̧nä̧tü̧'i̧nä̧, ro̧ȩkuä̧ usurä ttȩmä̧wa̧ pä'ü ttottächäkuotü.
Jesú, chutä ukuo ji'äwinü̧
30Ttümä̧, cha̧mü̧nä̧ pa̧ja̧tü̧ pä̧wä̧rü̧ja̧'a̧ku̧ jȩcha̧ pä'ümä̧ jui̧'a̧sä̧. Adiu ja̧ pä'ü'i̧nä̧, surojü ja̧ pä'ü'i̧nä̧ Chä'o pä'akutä pä'üsä ja̧'wa̧nü̧ ja̧'a̧ttü̧ ttü pädümä̧ jueünä̧tä̧ ja̧'a̧; isopäi'ünä̧ ttürü pä̧wä̧rü̧jü̧mä̧ jȩcho̧ka̧'a̧ttü̧, ttürü we'inü̧rü̧, Chä'orü pä̧wä̧rü̧jo̧mȩnä̧ jȩcha̧'a̧ttü̧. 31Ttü cha̧mü̧nä̧ chüadiwätä chukuokuttümä̧, ttü chukuokumä̧ isopäi'ünä̧ jäwä jo̧ka̧'a̧ päkuätukuakusä. 32Ja̧'wa̧nü̧ ja̧'a̧ttü̧, kka̧ra̧ ja̧'a̧ ttü chütü'kü ji'äwuömä̧, jua̧u̧ jiäumä̧ isopäi'ünä̧ wȩnȩ ja̧'a̧. 33Ukutumä̧ Ju̧a̧-rü̧ jä'epü ttä̧ju̧kua̧ pä'ü we'inä̧tü̧jä̧ ja̧'wa̧nü̧ ja̧'a̧ jua̧u̧ jiäumä̧, isopäi'ünä̧ jäwätä ukuokuinü̧. 34Ja̧'wa̧nü̧ ja̧'a̧nä̧, ttümä̧ ttü̧ja̧ ttürü adiu pättümä̧ esewoküsä. Ja̧'wa̧nü̧ ja̧'a̧nä̧, pi̧yȩmä̧ pä'üsä ukutu surojü ra̧wä̧pi̧jü̧ttü̧ ku̧ji̧pä̧tu̧kua̧ pä'ü. 35Ju̧a̧-mä̧ tejäwore tȩya̧u̧nä̧ kkȩdȩpa̧'a̧ jä̧'i̧nü̧'a̧nü̧ tejädinü̧; ja̧'wa̧nü̧ ja̧'a̧ ukutumä̧ jua̧u̧ i̧tȩya̧u̧nä̧, a̧'u̧ku̧nä̧ mo̧ro̧tä̧ esewinä̧tü̧jä̧. 36Ja̧'wa̧nü̧ ja̧'a̧nä̧, ttü kku̧nä̧rü̧ jidäumä̧ Ju̧a̧ jiäwinü̧ttü̧'i̧nä̧ u̧wä̧mȩnä̧ ja̧'a̧. Isopäi'ünä̧ ttü jȩchü̧mä̧, Chä'o jȩchi̧ya̧rü̧ pä'ü weinü̧tä̧ jȩcha̧'a̧ttü̧; ji̧yȩtä̧tä̧ jiäwa'a ttü chütü'kü, Chä'o weina'amä̧. 37Ja̧'wa̧ta̧nü̧ Chä'o ttürü we'inü̧'i̧nä̧, ttü chütü'kümä̧ ji'äwinü̧. Jua'akumä̧ i̧wȩnȩ'i̧nä̧ kuä̧ju̧kuä̧tu̧kuo̧ko̧ku̧ ja̧'a̧nä̧, topü'i̧nä̧ to'kuätukuokoku ja̧'a̧nä̧, 38ukutumä̧ Jua̧u̧ i̧wȩnȩmä̧ jui'ätüjä̧, weinä̧ku̧ru̧ kuesetätukuoka'a ja̧'a̧ttü̧. 39Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧. 40Ja̧'wa̧nü̧ ja̧'a̧nä̧ ukutumä̧, ttüku kuicha pä'okotüjä̧ kkä̧kuä̧wä̧ ku̧ju̧nä̧rä̧tu̧kua̧ pä'ümä̧.
41Ttümä̧, ttü̧ja̧, ttürü adiu ttukuokuattümä̧ pä'oküsä. 42Ja̧'wa̧ta̧nü̧ ukuturumä̧ wo̧jua̧sä̧: Dio jäwä eseäkuäwämä̧ jui'ätü pä'ümä̧. 43Ttümä̧ Chä'o i̧mi̧nä̧ ichinü̧sä̧, ja̧'wa̧nü̧ chichina̧'a̧nä̧, ttürümä̧ kkü'kokotüjä̧; ja̧'wa̧nü̧ ja̧'a̧nä̧, kka̧ra̧, chutä i̧mi̧nä̧ ichürümä̧ esewätüjä̧. 44¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧? 45Jä'o ä'ka jo̧mȩttü̧ suronä̧ jȩtä̧'i̧jü̧ jiäwä̧kuä̧u̧jä̧ pä'ümä̧, päkuätukuättü; ya̧tȩ ukutu kua̧'kua̧ ku̧wȩnä̧rä̧'i̧jä̧tu̧kuä̧ku̧ kkü̧, Moisé, ji̧nä̧so pä̧kua̧mä̧. 46Isopäi'ünä̧, Moisé-rü kuesetätukuttümä̧, ttürü'i̧nä̧ kuesetätuku'anü̧ ja̧'a̧, Moisé-mä̧ ttü chütü'kü wȩyu̧ti̧nü̧. 47Ja̧'wa̧nü̧ ja̧'a̧nä̧, Moisé i̧wȩyu̧ti̧nü̧'i̧nä̧ kuesetätukuoka'amä̧ ¿Toku kuesetätukuäkua'ajä̧ttü̧ ttü chi̧wȩnȩmä̧?
Currently Selected:
San Juan 5: PNT13
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela
San Juan 5
5
Betesda-ttü parárisi na̧'ä̧chü̧rü̧ Jesú aditü ikuinü̧
1Jua̧u̧ 'kuäopäji o'ka'a, Judío pä'käri jȩtta̧'a̧, Jesú'i̧nä̧ Jerusarȩ́-ra̧'a̧ 'chi̧nü̧. 2Ja̧'wa̧nü̧ ja̧'a̧ Jerusarȩ́ ütawiyänä̧, oweja-tü̧ ttäpate kka̧'a̧, juȩnȩ ppeyämä̧ ajiya akuo'ta, hebreo tti̧wȩnȩnä̧mä̧ Betesda#5.2 Kkoro wȩyu̧kuä̧nä̧mä̧ (mss-nä̧mä̧), Betzatá pä'ü, rütäwa'a pa̧'a̧. pä'ü mi̧kuomȩ kki̧na̧'a̧; doächäkuäwä äpatiyämä̧ ji̧mü̧tȩ jäwä jo̧mȩnä̧ kko̧mȩ. 3Juȩnȩmä̧ rekuätü na̧nȩpä̧tü̧mä̧, ä̧to̧kä̧tü̧'i̧nä̧, kuettächü juiyünä̧ wotü'i̧nä̧, parárisi mä̧richei na̧nȩpä̧tü̧'i̧nä̧, [ajiya ppawi'aja pä'ü tta̧'ä̧rü̧ pȩji̧nä̧tü̧. 4Ja̧'wa̧nü̧ ja̧'a̧, ya̧tȩ á̧gȩ, juo'ta ajiya akuo'tanä̧ mȩyȩwi̧'ü̧ kko̧ro̧nü̧ jü̧ta̧'a̧nü̧ yubäti'enü; ja̧'wa̧nü̧ yubä päi'omȩnä̧, ä'kanä̧ ma̧'ä̧chü̧tä̧ ji̧'ȩna̧'a̧ umäricheittü pi̧'i̧pü̧mä̧, kkorojuei mä̧richei na̧wä̧cha̧ja̧ pä'ü'i̧nä̧.] 5Ja̧'wa̧nü̧ ja̧'a̧ juätü ttü̧'kä̧tȩnä̧, ya̧tȩ treinta y ocho años jo̧mȩnä̧ na̧'ä̧chä̧'i̧jü̧'i̧nä̧ pi̧nü̧. 6Ja̧'wa̧nü̧ ja̧'a̧ Jesú-mä̧ juȩnȩ sä̧bü̧kä̧nü̧ pü̧rü̧ topü, rekuo mo̧ro̧ na̧wä̧kuä̧'i̧ja̧'a̧ ä̧ju̧kuä̧ji̧'ka̧ jä'epü ä̧ju̧kui̧nä̧ku̧:
—¿Na̧kuä̧chü̧ttü̧mä̧ ku̧'i̧pa̧ pä'üjä̧?
7Päku, na̧'ä̧chü̧mä̧ ädätinü̧:
—Chu̧ru̧wa̧, ajiya yuwekuipomȩnä̧, ya̧tȩ'i̧nä̧ toäkusä, ajiya iso'taku ȩmi̧pü̧mä̧. Ji̧nä̧ pä'ütä borechäkuäwa'anä̧, kkorotütä chä'kanä̧ ma̧ttä̧chä̧rä̧'i̧jä̧ku̧sä̧.
8Jesú-mä̧ päinä̧ku̧:
—Ä̧rä̧mi̧'ü̧, ku̧'ä̧bä ȩmi̧pü̧ täi.
9Päomȩnä̧, jua̧u̧mä̧, a̧'kua̧ttü̧ pä'i'ü, ü̧'äbä ȩmi̧pü̧ 'chi̧nü̧. Jua̧u̧nu̧mä̧ 'kuä'ächi'ü pä̧mä̧dä̧kuä̧wä̧ mo̧ro̧ ji̧na̧'a̧. 10Judío-mä̧, jua̧u̧ pi̧'ä̧ji̧rü̧mä̧ pä'inä̧tü̧:
—Pi̧yȩ mo̧ro̧mä̧, sawaru mo̧ro̧ ja̧'a̧; ku̧'ä̧'i̧jä̧bämä̧ kuȩpa̧ pä'ü weäwoka'a. 11Pättäku, jua̧u̧mä̧ ädätinä̧u̧:
—Ttürü chumä̧richei aditü ikuäjimä̧, ku̧'ä̧bä ȩmi̧pü̧ täi päjäkusä, 12pä̧i̧yä̧u̧, jä'epü ttä̧ju̧kui̧nä̧ku̧:
—¿Díjä̧ttü̧, ku̧'ä̧bä ȩmi̧pü̧ täi pä'äjimä̧?
13Ja̧'wa̧nü̧ ja̧'a̧nä̧, jua̧u̧mä̧, aditü ikuäjirümä̧ jerupinü̧; Jesú-mä̧ ttü̧ja̧ ttirekua'a, ttü̧'kä̧tȩnä̧ toepo'äja'a. 14Ja̧'wa̧nü̧ jä̧ji̧ o'ka'a, Jesú-mä̧ jua̧u̧ru̧, Dio-rü ukuokuäkuäwodettü po̧kui̧pü̧ päinä̧ku̧:
—Topittü̧, täkü na̧kuä̧chä̧ji̧ttü̧mä̧ pi̧'ä̧ji̧jä̧; pä'äjita'anü̧mä̧ surojü jȩ'kuä̧, jua'a abonä̧nü̧ surojü ichü juiyaku pä'ümä̧.
15Päjäkumä̧, judío-rü 'chä̧wi̧'ü̧ ji'äwinü̧: Jesú jä̧ja̧'a̧ ttürü aditü ikuäjimä̧ pä'ü. 16Ja̧'wa̧nü̧ sawaru mo̧ro̧ jȩi̧yä̧u̧ judío-mä̧, Jesú-ru kuä'ü ttikua pä'ü jȩpi̧nä̧tü̧. 17Ja̧'wa̧nü̧ jä̧ku̧, Jesú-mä̧ päinä̧u̧:
—Ttü Chä'omä̧ jitäbü päi'ünä̧ aditü ja̧'wa̧nü̧ ja̧'a̧ttü̧ ttü'i̧nä̧ aditüsä.
18Ja̧'wa̧nü̧ pä̧i̧yä̧u̧ judío-mä̧, yabokutä kuä'ü ttikua pättinä̧ku̧; jua'amä̧ sawaru mo̧ro̧tä̧ ukuotoka'atämä̧kü̧, Dio-rü'i̧nä̧ Chä'o, pä'ükkä̧nü̧, Dio jü̧ta̧'a̧nü̧ yoräteku päomȩnä̧.
Dio I̧tti̧ ukuo u̧ju̧nä̧rü̧ wȩnȩ
19Jesú-mä̧ päinä̧u̧: Isopäi'ünä̧ pädäu̧jä̧, I̧tti̧mä̧ a̧mü̧nä̧ pa̧ja̧tü̧mä̧ jȩpo̧kü̧, Jä'o jȩa̧'a̧ toütä jȩpü̧; ja̧'wa̧nü̧ ja̧'a̧ttü̧ Jä'o jȩa̧'a̧ toümä̧ o'kajuiyünä̧tä̧, I̧tti̧'i̧nä̧ jȩpü̧ yoräteunä̧tä̧. 20Isopäi'ünä̧ Jä'omä̧, I̧tti̧rü̧ eseu repea'attü̧, o'kajuiyünä̧ jȩü̧mä̧ i̧jȩpä̧ku̧; ja̧'wa̧ta̧nü̧ pi̧yȩttü̧'i̧nä̧ abonä̧nü̧ rü̧ȩnä̧ jü̧ i̧jȩpä̧kuä̧u̧jä̧, too to̧'kuä̧rä̧tu̧ku̧nä̧ päi'ünä̧. 21Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü. 22Ja̧'wa̧nü̧ ja̧'a̧ttü̧ Jä'omä̧ ya̧tȩ adiu jȩa̧ja̧ pä'ü'i̧nä̧, suronä̧ jȩa̧ja̧ pä'ü'i̧nä̧ pä'okü, jua̧u̧ päa pä'ümä̧ o'kajuiyünä̧ ujurumä̧ I̧tti̧rü̧tä̧ iyipinü̧. 23Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.
24Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü. 25Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧. 26Isopäi'ünä̧ Jä'o chutä a̧mü̧nä̧ pa̧ja̧tü̧ a̧'kua̧rü̧ u̧ju̧nä̧rü̧ta̧'a̧nü̧, I̧tti̧rü̧'i̧nä̧ iyinü̧ chutä a̧mü̧nä̧ pa̧ja̧tü̧ a̧'kua̧rü̧ u̧ju̧nä̧ra̧ pä'ü. 27Ja̧'wa̧nü̧ ja̧'a̧ttü̧, adiu jȩtta̧ja̧ pä'ü'i̧nä̧, suronä̧ jȩtta̧ja̧ pä'ü'i̧nä̧, päa pä'ü uruwo iyinä̧ku̧. 28Pi̧yȩ pädomȩnä̧mä̧, too to'kuä̧rä̧tu̧kuä̧; isopäi'ünä̧ o'katoi'ünä̧ wa'are rejunä̧ pä̧tü̧'i̧nä̧, i̧wȩnȩ ttä̧ju̧ku̧ mo̧ro̧ rȩbȩä̧kuä̧wä̧kua̧'a̧. 29Ja̧'wa̧nü̧ ja̧'a̧ttü̧, adiu jȩpi̧nä̧tü̧'i̧nä̧, kkä̧kuä̧wä̧ i'ko ttu̧ju̧nä̧ra̧ pä'ü ttottächäkuotü; ja̧'wa̧ta̧nü̧ suronä̧ jȩpi̧nä̧tü̧'i̧nä̧, ro̧ȩkuä̧ usurä ttȩmä̧wa̧ pä'ü ttottächäkuotü.
Jesú, chutä ukuo ji'äwinü̧
30Ttümä̧, cha̧mü̧nä̧ pa̧ja̧tü̧ pä̧wä̧rü̧ja̧'a̧ku̧ jȩcha̧ pä'ümä̧ jui̧'a̧sä̧. Adiu ja̧ pä'ü'i̧nä̧, surojü ja̧ pä'ü'i̧nä̧ Chä'o pä'akutä pä'üsä ja̧'wa̧nü̧ ja̧'a̧ttü̧ ttü pädümä̧ jueünä̧tä̧ ja̧'a̧; isopäi'ünä̧ ttürü pä̧wä̧rü̧jü̧mä̧ jȩcho̧ka̧'a̧ttü̧, ttürü we'inü̧rü̧, Chä'orü pä̧wä̧rü̧jo̧mȩnä̧ jȩcha̧'a̧ttü̧. 31Ttü cha̧mü̧nä̧ chüadiwätä chukuokuttümä̧, ttü chukuokumä̧ isopäi'ünä̧ jäwä jo̧ka̧'a̧ päkuätukuakusä. 32Ja̧'wa̧nü̧ ja̧'a̧ttü̧, kka̧ra̧ ja̧'a̧ ttü chütü'kü ji'äwuömä̧, jua̧u̧ jiäumä̧ isopäi'ünä̧ wȩnȩ ja̧'a̧. 33Ukutumä̧ Ju̧a̧-rü̧ jä'epü ttä̧ju̧kua̧ pä'ü we'inä̧tü̧jä̧ ja̧'wa̧nü̧ ja̧'a̧ jua̧u̧ jiäumä̧, isopäi'ünä̧ jäwätä ukuokuinü̧. 34Ja̧'wa̧nü̧ ja̧'a̧nä̧, ttümä̧ ttü̧ja̧ ttürü adiu pättümä̧ esewoküsä. Ja̧'wa̧nü̧ ja̧'a̧nä̧, pi̧yȩmä̧ pä'üsä ukutu surojü ra̧wä̧pi̧jü̧ttü̧ ku̧ji̧pä̧tu̧kua̧ pä'ü. 35Ju̧a̧-mä̧ tejäwore tȩya̧u̧nä̧ kkȩdȩpa̧'a̧ jä̧'i̧nü̧'a̧nü̧ tejädinü̧; ja̧'wa̧nü̧ ja̧'a̧ ukutumä̧ jua̧u̧ i̧tȩya̧u̧nä̧, a̧'u̧ku̧nä̧ mo̧ro̧tä̧ esewinä̧tü̧jä̧. 36Ja̧'wa̧nü̧ ja̧'a̧nä̧, ttü kku̧nä̧rü̧ jidäumä̧ Ju̧a̧ jiäwinü̧ttü̧'i̧nä̧ u̧wä̧mȩnä̧ ja̧'a̧. Isopäi'ünä̧ ttü jȩchü̧mä̧, Chä'o jȩchi̧ya̧rü̧ pä'ü weinü̧tä̧ jȩcha̧'a̧ttü̧; ji̧yȩtä̧tä̧ jiäwa'a ttü chütü'kü, Chä'o weina'amä̧. 37Ja̧'wa̧ta̧nü̧ Chä'o ttürü we'inü̧'i̧nä̧, ttü chütü'kümä̧ ji'äwinü̧. Jua'akumä̧ i̧wȩnȩ'i̧nä̧ kuä̧ju̧kuä̧tu̧kuo̧ko̧ku̧ ja̧'a̧nä̧, topü'i̧nä̧ to'kuätukuokoku ja̧'a̧nä̧, 38ukutumä̧ Jua̧u̧ i̧wȩnȩmä̧ jui'ätüjä̧, weinä̧ku̧ru̧ kuesetätukuoka'a ja̧'a̧ttü̧. 39Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧. 40Ja̧'wa̧nü̧ ja̧'a̧nä̧ ukutumä̧, ttüku kuicha pä'okotüjä̧ kkä̧kuä̧wä̧ ku̧ju̧nä̧rä̧tu̧kua̧ pä'ümä̧.
41Ttümä̧, ttü̧ja̧, ttürü adiu ttukuokuattümä̧ pä'oküsä. 42Ja̧'wa̧ta̧nü̧ ukuturumä̧ wo̧jua̧sä̧: Dio jäwä eseäkuäwämä̧ jui'ätü pä'ümä̧. 43Ttümä̧ Chä'o i̧mi̧nä̧ ichinü̧sä̧, ja̧'wa̧nü̧ chichina̧'a̧nä̧, ttürümä̧ kkü'kokotüjä̧; ja̧'wa̧nü̧ ja̧'a̧nä̧, kka̧ra̧, chutä i̧mi̧nä̧ ichürümä̧ esewätüjä̧. 44¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧? 45Jä'o ä'ka jo̧mȩttü̧ suronä̧ jȩtä̧'i̧jü̧ jiäwä̧kuä̧u̧jä̧ pä'ümä̧, päkuätukuättü; ya̧tȩ ukutu kua̧'kua̧ ku̧wȩnä̧rä̧'i̧jä̧tu̧kuä̧ku̧ kkü̧, Moisé, ji̧nä̧so pä̧kua̧mä̧. 46Isopäi'ünä̧, Moisé-rü kuesetätukuttümä̧, ttürü'i̧nä̧ kuesetätuku'anü̧ ja̧'a̧, Moisé-mä̧ ttü chütü'kü wȩyu̧ti̧nü̧. 47Ja̧'wa̧nü̧ ja̧'a̧nä̧, Moisé i̧wȩyu̧ti̧nü̧'i̧nä̧ kuesetätukuoka'amä̧ ¿Toku kuesetätukuäkua'ajä̧ttü̧ ttü chi̧wȩnȩmä̧?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela