Матфей 12
12
Ломанень Цёрась ваймамань шить лангса азор
(Марк 2:23-28; Лук. 6:1-5)
1Весть ваймамань шиня#12:1 ваймамань ши – суббота; Еврейхнень ваймама шисна ульсь ёткшиста. Иисус мольсь сёронь паксянь пачк. Тонафниензон вачсть пексна и синь кармасть сёрапрянь сязендема и ярхцама. 2Фарисейхне няезь тянь и мярьгсть Иисусти: «Ватт, Тонь тонафнихне тиендьсазь сянь, мезе аф мярьгондеви тиендемс ваймамань шиня». 3Сон кизефтезень: «Дяряй ашесть лувонда, мезе тись Давид, мзярда сонць и мархтонза молихне вачендсть? 4Сон сувась Шкаень куду и ярхцась Шкайти кантф кшида, конатнень эзда ашезь мярьгондев ярхцамс аф Давидонди, аф сонь мархтонза молихненди, а мярьгондеволь аньцек озксвятихненди. 5Али ашесть лувонда тинь Моисеень койста, кода озксвятихне Шкаень кудса покайхть ваймамань шиня, аньцек аф муворгофневихть тянкса? 6Корхтан тейнть: тяса Ся, кие Шкаень кудта сяда оцю. 7Сёрматфксса азф: "Мон учан эздонт кельгозь ужяльдема, а аф озксказнень каннема". Кда тинь шарьхкоделесть ня валхнень смузьснон, эста афолесть суденда аф муворуфнень. 8Вдь Ломанень Цёрась ваймамань шить лангсонга азор».
Иисус пчкафты ваймамань шиня
(Марк 3:1-6; Лук. 6:6-11)
9Иисус тусь ся вастста и сась синагогазост. 10Синагогаса ульсь коське кядь ломань. Фарисейхне вешендсть туфтал муворгофтомс Иисусть, сяс и кизефтезь Сонь: «Койть коряс мярьгондеви-аф пчкафнемс ваймамань шиня?» 11Иисус мярьгсь тейст: «Кда эздонт кинь фкя и тяка учац ваймамань шиня ваяй лотку, дяряй сон аф моли и аф таргасы тоста? 12А вдь ломанць сяда питни учать коряс! Лисенди, ваймамань шиста мярьгондеви тиендемс цебярь тефт». 13Сяда меле корхтай сярядити: «Венептьк кядцень». Ся венептезе, и кядец арась шумбракс омбоцеть лаца. 14Эста фарисейхне лиссть и кармасть арьсема, кода машфтомс Иисусть. Содамок тянь колга, Иисус тусь ся вастста.
Иисус – Шкайть кочкаф покодиец
15Иисусонь мельге тусь лама ломань. Сон сембонь синь пчкафтозень 16и кардазень Эсь колганза азонкшнемс. 17Тя лиссь Исаия пророкть валонзон пяшкодеманкса:
18«Вага Монь Покодиезе, конань кочкайне,
конань Мон кельгса, кона Монь кенярдема вастозе.
Тейнза максса Ваймопожфозень,
и Сон пачфтсы сембе ломаньтналхненди
Монь виде судозень.
19Сон аф кармай пялькстома, ювадема,
и ульцяса ломаттне аф кульсазь Сонь вайгяленц.
20Пялес синтьф нюдить Сон аф синдьсы
и пялес палы кайтянть аф матсы,
мзярс аф вятьсы видешить сяськомас.
21И Сон кармай улема надияма вастокс
сембе ломаньтналхненди»#12:21 Исаия 42:1-4.
Иисусонь муворгофнесазь Сатанань вийть тевс нолдамаса
(Марк 3:20-30; Лук. 11:14-23; 12:10)
22Эста вятсть Иисусти сокор и аф корхтай аля, конань эсоль кяжи ваймопожф. Иисус пчкафтозе сонь, и ся кармась няема и корхтама. 23Сембе ломаттне дивандасть и корхтасть: «Афоли Сон Христоссь, Давидонь Цёрац?» 24Тянь марямста фарисейхне мярьгсть: «Веельзевулонь, кяжи ваймопожфнень оцюняснон вийса Сон панцесыне кяжи ваймопожфнень».
25Но Иисус содазе, мезень колга синь арьсихть, и мярьгсь тейст: «Эрь кодама масторсь, кона явови эсь эсьсонза, шами; и эрь кодама ошсь али кудсь, коса тюремат-сялондомат, аф кирди. 26Кда Сатанась панцесы Сатанать, эста сон аф ладяй эсь мархтонза: кода ванфтови эста сонь мастороц? 27И кда Мон Веельзевулонь вийса панцесайне кяжи ваймопожфнень, эста тинь ломаненте кинь вийса панцесазь синь? Сяс катк синь улихть тейнть судьякс. 28Но кда Мон Шкаень Ваймопожфса панцесайне кяжи ваймопожфнень, эста Шкаень Оцязорксшись сась тейнть.
29Али, кие сувави вии ломанть кудс и саласы уликс-паронц, кда васенда аф сотнесы сонь? Аньцек эста салави сонь кудботмоц.
30Кие аф Монь мархтон, ся Тейне каршек; кие Монь мархтон аф кочкай, ся срафты. 31Сяс корхтан тейнть: эрь кодама пежесь и сялдомась нолдави ломаттненди; а Иняру Ваймопожфть сялдомац – аф нолдави. 32Кда кие сялдсы Ломанень Цёрать, тя пежесь нолдави тейнза, а кда сялдсы Иняру Ваймопожфть, ся пежесь аф нолдави аф тя, аф сай пингонь эряфса».
Шуфтсь и сонь иможенза
(Лук. 6:43-45)
33«Кда шуфтсь цебярь, иможензовок улихть цебярьхть; кда шуфтсь кальдяв, иможензовок улихть кальдяфт, сяс мес шуфттне содавихть иможснон коряс. 34Пупай куень лефкст! Кода тинь корхтаманте ули цебярь, мзярда тинць кяжихтяда? Вдь мезьда пяшксе ломанть седиец, ся и лиси кургстонза. 35Пара ломанць парода пяшксе седистонза лихни цебярь, а кяжись кяжда пяшксе седистонза – кяж. 36Корхтан тейнть, эрь шава валонкса ломаттненди сави араламс пря судонь шиня, 37сяс мес эсь валхнень коряс тон лувоват аф муворукс и эсь валхнень коряс улят судендаф».
Иона пророкть тяштьксоц
(Марк 8:11,12; Лук. 11:29-32)
38Эста койти кой-кона тонафтыхне и фарисейхне мярьгсть Иисусти: «Тонафты! Минь мяленьке няемс тяштькс#12:38 тяштькс – знамение, знак Тонь эздот».
39Но Иисус каршезост мярьгсь: «Тяниень пингонь кяжи и Шкайти полафни ломаттне вешендихть тяштькс, аньцек Иона пророкть тяштькстонза башка, лия тяштькс аф максови тейст. 40Кода Иона ульсь оцю калть потмоса колма шит и колма вет, стане Ломанень Цёраське ули модать потмоса колма шит и колма вет. 41Ниневиянь эряйхне стяйхть судонь шиня тяниень пингонь эряйхнень мархта и судендасазь синь. Вдь Ниневиянь эряйхне шарфтсть Шкайти Ионань кулянц марямда меле; и вов, тяса ащи Ионада оцюсь! 42Лямбе ширдень оцязоравась стяй судендамань шиня тяниень пингонь ломаттнень мархта и судендасыне синь, сяс мес сон сашендсь масторбеста Соломононь смузьшинц кулхцондома. И вов, тяса ащи Соломонда оцюсь!»
Аф ару ваймопожфть мрдамац
(Лук. 11:24-26)
43«Мзярда аф ару ваймопожфсь лиси ломанть потмоста, эста сон шаронды ведьфтома вастова, вешенди эстейнза эряма-ащема васта, но аф мушенды. 44Эста сон мярьги: "Мрдан меки кудозон, коста тунь". И мрдамста мушендсы кудонц шавоста, тяйфста и урядафста. 45Эста сон моли, сяви мархтонза сисем лия ваймопожфт, конат сондедонза кяжихть. Синь сувайхть ся ломанть потмос и эряйхть тоса. Меколи ся ломанти арай нинге сядонга кальдяв ингольцеть коряс. Тяфта ули тя пингонь кяжи ломаттненьге мархта».
Кие Иисусонь тядяц и брадонза?
(Марк 3:31-35; Лук. 8:19-21)
46Мзярда Иисус нинге корхтась ломаттненди, тядяц и брадонза ащесть ушеса, мяльсноль корхтамс Сонь мархтонза. 47И кие-бди мярьгсь Иисусонди: «Тонь тядяце и браттне ушесот, мяльсна корхтамс мархтот». 48Каршезонза Иисус мярьгсь: «Кие Монь тядязе и кит Монь брадне?» 49Няфтсь кядьса тонафниензон лангс и мярьгсь: «Вагот Монь тядязе и брадне. 50Вдь кие пяшкотькшнесы Монь Менелень Алязень мяленц, ся Тейне и брад, и сазор, и тядя».
Currently Selected:
Матфей 12: ОС16
Highlight
Share
Copy
Want to have your highlights saved across all your devices? Sign up or sign in
Библиянь ётафтома институтсь, 2016
Матфей 12
12
Ломанень Цёрась ваймамань шить лангса азор
(Марк 2:23-28; Лук. 6:1-5)
1Весть ваймамань шиня#12:1 ваймамань ши – суббота; Еврейхнень ваймама шисна ульсь ёткшиста. Иисус мольсь сёронь паксянь пачк. Тонафниензон вачсть пексна и синь кармасть сёрапрянь сязендема и ярхцама. 2Фарисейхне няезь тянь и мярьгсть Иисусти: «Ватт, Тонь тонафнихне тиендьсазь сянь, мезе аф мярьгондеви тиендемс ваймамань шиня». 3Сон кизефтезень: «Дяряй ашесть лувонда, мезе тись Давид, мзярда сонць и мархтонза молихне вачендсть? 4Сон сувась Шкаень куду и ярхцась Шкайти кантф кшида, конатнень эзда ашезь мярьгондев ярхцамс аф Давидонди, аф сонь мархтонза молихненди, а мярьгондеволь аньцек озксвятихненди. 5Али ашесть лувонда тинь Моисеень койста, кода озксвятихне Шкаень кудса покайхть ваймамань шиня, аньцек аф муворгофневихть тянкса? 6Корхтан тейнть: тяса Ся, кие Шкаень кудта сяда оцю. 7Сёрматфксса азф: "Мон учан эздонт кельгозь ужяльдема, а аф озксказнень каннема". Кда тинь шарьхкоделесть ня валхнень смузьснон, эста афолесть суденда аф муворуфнень. 8Вдь Ломанень Цёрась ваймамань шить лангсонга азор».
Иисус пчкафты ваймамань шиня
(Марк 3:1-6; Лук. 6:6-11)
9Иисус тусь ся вастста и сась синагогазост. 10Синагогаса ульсь коське кядь ломань. Фарисейхне вешендсть туфтал муворгофтомс Иисусть, сяс и кизефтезь Сонь: «Койть коряс мярьгондеви-аф пчкафнемс ваймамань шиня?» 11Иисус мярьгсь тейст: «Кда эздонт кинь фкя и тяка учац ваймамань шиня ваяй лотку, дяряй сон аф моли и аф таргасы тоста? 12А вдь ломанць сяда питни учать коряс! Лисенди, ваймамань шиста мярьгондеви тиендемс цебярь тефт». 13Сяда меле корхтай сярядити: «Венептьк кядцень». Ся венептезе, и кядец арась шумбракс омбоцеть лаца. 14Эста фарисейхне лиссть и кармасть арьсема, кода машфтомс Иисусть. Содамок тянь колга, Иисус тусь ся вастста.
Иисус – Шкайть кочкаф покодиец
15Иисусонь мельге тусь лама ломань. Сон сембонь синь пчкафтозень 16и кардазень Эсь колганза азонкшнемс. 17Тя лиссь Исаия пророкть валонзон пяшкодеманкса:
18«Вага Монь Покодиезе, конань кочкайне,
конань Мон кельгса, кона Монь кенярдема вастозе.
Тейнза максса Ваймопожфозень,
и Сон пачфтсы сембе ломаньтналхненди
Монь виде судозень.
19Сон аф кармай пялькстома, ювадема,
и ульцяса ломаттне аф кульсазь Сонь вайгяленц.
20Пялес синтьф нюдить Сон аф синдьсы
и пялес палы кайтянть аф матсы,
мзярс аф вятьсы видешить сяськомас.
21И Сон кармай улема надияма вастокс
сембе ломаньтналхненди»#12:21 Исаия 42:1-4.
Иисусонь муворгофнесазь Сатанань вийть тевс нолдамаса
(Марк 3:20-30; Лук. 11:14-23; 12:10)
22Эста вятсть Иисусти сокор и аф корхтай аля, конань эсоль кяжи ваймопожф. Иисус пчкафтозе сонь, и ся кармась няема и корхтама. 23Сембе ломаттне дивандасть и корхтасть: «Афоли Сон Христоссь, Давидонь Цёрац?» 24Тянь марямста фарисейхне мярьгсть: «Веельзевулонь, кяжи ваймопожфнень оцюняснон вийса Сон панцесыне кяжи ваймопожфнень».
25Но Иисус содазе, мезень колга синь арьсихть, и мярьгсь тейст: «Эрь кодама масторсь, кона явови эсь эсьсонза, шами; и эрь кодама ошсь али кудсь, коса тюремат-сялондомат, аф кирди. 26Кда Сатанась панцесы Сатанать, эста сон аф ладяй эсь мархтонза: кода ванфтови эста сонь мастороц? 27И кда Мон Веельзевулонь вийса панцесайне кяжи ваймопожфнень, эста тинь ломаненте кинь вийса панцесазь синь? Сяс катк синь улихть тейнть судьякс. 28Но кда Мон Шкаень Ваймопожфса панцесайне кяжи ваймопожфнень, эста Шкаень Оцязорксшись сась тейнть.
29Али, кие сувави вии ломанть кудс и саласы уликс-паронц, кда васенда аф сотнесы сонь? Аньцек эста салави сонь кудботмоц.
30Кие аф Монь мархтон, ся Тейне каршек; кие Монь мархтон аф кочкай, ся срафты. 31Сяс корхтан тейнть: эрь кодама пежесь и сялдомась нолдави ломаттненди; а Иняру Ваймопожфть сялдомац – аф нолдави. 32Кда кие сялдсы Ломанень Цёрать, тя пежесь нолдави тейнза, а кда сялдсы Иняру Ваймопожфть, ся пежесь аф нолдави аф тя, аф сай пингонь эряфса».
Шуфтсь и сонь иможенза
(Лук. 6:43-45)
33«Кда шуфтсь цебярь, иможензовок улихть цебярьхть; кда шуфтсь кальдяв, иможензовок улихть кальдяфт, сяс мес шуфттне содавихть иможснон коряс. 34Пупай куень лефкст! Кода тинь корхтаманте ули цебярь, мзярда тинць кяжихтяда? Вдь мезьда пяшксе ломанть седиец, ся и лиси кургстонза. 35Пара ломанць парода пяшксе седистонза лихни цебярь, а кяжись кяжда пяшксе седистонза – кяж. 36Корхтан тейнть, эрь шава валонкса ломаттненди сави араламс пря судонь шиня, 37сяс мес эсь валхнень коряс тон лувоват аф муворукс и эсь валхнень коряс улят судендаф».
Иона пророкть тяштьксоц
(Марк 8:11,12; Лук. 11:29-32)
38Эста койти кой-кона тонафтыхне и фарисейхне мярьгсть Иисусти: «Тонафты! Минь мяленьке няемс тяштькс#12:38 тяштькс – знамение, знак Тонь эздот».
39Но Иисус каршезост мярьгсь: «Тяниень пингонь кяжи и Шкайти полафни ломаттне вешендихть тяштькс, аньцек Иона пророкть тяштькстонза башка, лия тяштькс аф максови тейст. 40Кода Иона ульсь оцю калть потмоса колма шит и колма вет, стане Ломанень Цёраське ули модать потмоса колма шит и колма вет. 41Ниневиянь эряйхне стяйхть судонь шиня тяниень пингонь эряйхнень мархта и судендасазь синь. Вдь Ниневиянь эряйхне шарфтсть Шкайти Ионань кулянц марямда меле; и вов, тяса ащи Ионада оцюсь! 42Лямбе ширдень оцязоравась стяй судендамань шиня тяниень пингонь ломаттнень мархта и судендасыне синь, сяс мес сон сашендсь масторбеста Соломононь смузьшинц кулхцондома. И вов, тяса ащи Соломонда оцюсь!»
Аф ару ваймопожфть мрдамац
(Лук. 11:24-26)
43«Мзярда аф ару ваймопожфсь лиси ломанть потмоста, эста сон шаронды ведьфтома вастова, вешенди эстейнза эряма-ащема васта, но аф мушенды. 44Эста сон мярьги: "Мрдан меки кудозон, коста тунь". И мрдамста мушендсы кудонц шавоста, тяйфста и урядафста. 45Эста сон моли, сяви мархтонза сисем лия ваймопожфт, конат сондедонза кяжихть. Синь сувайхть ся ломанть потмос и эряйхть тоса. Меколи ся ломанти арай нинге сядонга кальдяв ингольцеть коряс. Тяфта ули тя пингонь кяжи ломаттненьге мархта».
Кие Иисусонь тядяц и брадонза?
(Марк 3:31-35; Лук. 8:19-21)
46Мзярда Иисус нинге корхтась ломаттненди, тядяц и брадонза ащесть ушеса, мяльсноль корхтамс Сонь мархтонза. 47И кие-бди мярьгсь Иисусонди: «Тонь тядяце и браттне ушесот, мяльсна корхтамс мархтот». 48Каршезонза Иисус мярьгсь: «Кие Монь тядязе и кит Монь брадне?» 49Няфтсь кядьса тонафниензон лангс и мярьгсь: «Вагот Монь тядязе и брадне. 50Вдь кие пяшкотькшнесы Монь Менелень Алязень мяленц, ся Тейне и брад, и сазор, и тядя».
Currently Selected:
:
Highlight
Share
Copy
Want to have your highlights saved across all your devices? Sign up or sign in
Библиянь ётафтома институтсь, 2016