Марк 12
12
Валвеляфкс виноградонь касфтыхнень колга
(Матф. 21:33-46; Лук. 20:9-19)
1Иисус кармась корхтама тейст валвеляфксса: «Фкя ломанць озафтсь виноградонь пере и перязе сонь. Виноградонь люпшнемс кевти карась лотка и путсь ванфтома башня, и ладясь переть мельге ваныхть-касфтыхть. Сонць азорсь тусь лия мастору. 2Эрявикс пингста сон кучезе эсь покодиенц ваныхнень-касфтыхнень кядьста виноград перень имошнень анама. 3Но сят кундазь покодиенц, пиксозь и панезь меки шавонь кятть. 4Азорсь кучезе тейст омбоце покодиенц; сяньге прянц почкафтозь и рахсесть лангсонза. 5Азорсь тага лия кучсь: сянь куломс шавозь; и ламоц лиятнень али пикссезь, али шавондозь.
6Лядсь сонь аньцек фкя-тяка кельгома цёрац. Меколи сяньге кучезе тейст, арьсесь: "Визделгодыхть хуш цёразень эзда". 7Но переть мельге ваныхне-касфтыхне мярьгсть фкя-фкянди: "Тя сонь юромонь поладыец. Аряда шавсаськ сонь, и тейнза аноклаф уликс-парось ули минне!" 8Кундазь сонь, шавозь и ёрдазь ловажанц виноград переста.
9Мезе эста тии виноградонь перень азорсь? Сон сай, шавфтсыне куломс перень ваныхнень-касфтыхнень, и макссы переть лия ваныхнень-касфтыхнень кядьс. 10Дяряй тинь ашесть лувонда тянь Сёрматфксста:
"Кевсь, конань ёрдазь кудонь путыхне,
арась кудужень кирди кевкс.
11Тянь тиезе Азорсь,
и минь сельминголенк тя дивакс няеви"#12:11 Псалтирь 117:22-23?»
12Синь шарьхкодсть: тя валвеляфкссь азфоль синь колгаст. Ёразь кундамс Иисусонь, но пельсть ломаттнень эзда, сяс кадозь Сонь и тусть.
Кизефкс каяфксонь пандомать колга
(Матф. 22:15-22; Лук. 20:20-26)
13Синь кучсть мзярошка фарисей и Иродонь ломанензон кодамовок вал лангса Иисусонь кундама. 14Синь састь и кизефнесазь Иисусонь: «Тонафты! Минь содасаськ: Тон виде ломанят и аф арьсят мяльс тумать колга, сяс мес кодамовок шама лангс аф ванат, но видеста тонафтат Шкайть коряс эряма. Азк, мярьгондеви пандомс каяфкс кесарти али аф мярьгондеви? Тейнек эряви пандомс, али аф эряви?»
15Но Иисус содазе, синь – шамафксонь каннихть, сяс мярьгсь тейст: «Мезенди варчсесамасть Монь кизефксонтень вельде? Кандода Тейне динарий, ванца». 16Синь кандсть. Эста Иисус кизефтезень: «Кинне тя шамаликсь и алонза лемсь?» Синь азозь: «Кесарть». 17Иисус каршезост мярьгсь: «Максость кесареннеть кесарти, а Шкаеннеть – Шкайти». И пяк дивандасть лангозонза.
Кизефкс кулофнень эзда вельмамать колга
(Матф. 22:23-33; Лук. 20:27-40)
18Тоса Иисусонди састь саддукейхть, конат ашесть кема кулофста вельмамати, и кизефтезь Сонь: 19«Тонафты! Моисей тейнек сёрмадсь: "Кда алять кулы брадоц и кады рьвя, а итть аф кады, эста катк брадоц сявсы рьванц и катк синь шачфтыхть юромонь полады идня". 20Эрясть сисем братт: васенцесь сявсь рьвя, и куломстонза ашезь када итть. 21Сявозе рьвять омбоцесь, сявок кулось, итть ашезь када; и тяфта колмоцеське. 22Стане лиссь сисемкснень мархта. Итть киньге эзда ашесть ляда. Сембода меле кулось рьвяське. 23И тяфта, вельмамань шиня, мзярда кулофне вельмайхть, кинне ули рьвясь? Вдь сисемксненди сон арсесь рьвакс».
24Иисус мярьгсь каршезост: «Тинь васькафтфтада-эрьготьфтада, и мес? Сяс мес аф содасасть аф Сёрматфксть, аф Шкайть виенц. 25Вдь мзярда кулофне вельмайхть, эста синь аф рьвяйсихть, рьвакска аф лисендихть, а кармайхть улема кода ангелхне менельса. 26А кода ащи тевсь кулофнень вельмамаснон колга – дяряй ашесть лувонда Моисеень книгаста азксть палы кусторксть колга? Тоса Шкайсь мярьгсь Моисеенди: "Мон Авраамонь Шкаецан, Исааконь Шкаецан, Иаковонь Шкаецан". 27Шкайсь – аф кулофнень Шкайсна, а эряйхнень. Лисенди, тинь пяк васькафтодязь-эрьготьфтодязь».
Сембода оцю кошардомвалсь
(Матф. 22:34-40; Лук. 10:25-28)
28Койти тонафтыхнень ёткста фкясь марязе синь карань-каршек корхнемаснон, няезе: Иисус саддукейхненди корхтась лац. Сон нежедсь и кизефтезе Иисусонь: «Сембе кошардомвалхнень ёткста конац сембода оцюсь?» 29Иисус каршезонза мярьгсь: «Сембода оцюсь вага: "Кулхцонтт, Израиль! Азорсь, Шкаеньке, фкя-тяка Азорсь; 30кельк Азорть, Шкайцень сембе седисот, сембе ваймосот, и сембе шарьхкодемасот, и сембе вийсот". 31Омбоце кошардомвалсь васенцеть лаца: "Кельк маластоцень, кода эсь пряцень" – ня кафттнень коряс лия сяда оцю кошардомвал аш».
32Койти тонафтысь мярьгсь Иисусти: «Тянь лац азыть, Тонафты! Видеста мярьготь: ули аньцек фкя Шкай и аш лия шкай Сондедонза башка; 33и кельгомс Сонь сембе седисот, сембе шарьхкодемасот, сембе ваймосот, сембе вийсот, и кельгомс маласот эряй-ащи ломанть, кода эсь пряцень – тя плхтаф озксказнеда и лия озксказнеда сяда оцю». 34Иисус няезе: койти тонафтысь маштозь корхтась, и мярьгсь тейнза: «Тон аф ичкозят Шкаень Оцязорксшить эзда». Сяда меле ни кивок ашезь сменда кизефнемс Иисусонь.
Христоссь – кинне цёрась?
(Матф. 22:41-46; Лук. 20:41-46)
35Шкаень кудса тонафтомста Иисус корхтась: «Кода стане мярьгихть койти тонафтыхне: Христоссь – тя Давидонь Цёрац? 36Вдь Давид сонць мярьгсь Иняру Ваймопожфса:
"Азорсь мярьгсь монь Азорозти:
озак Монь види ширезон,
мзярс аф путсайне Тонь пильгалот
Тейть каршек ащихнень"#12:36 Псалтирь 109:1.
37Лисенди, Давид сонць лемнесы Христость Азоркс. Эста кода Христос ули тейнза цёракс?» И лама ломаньда кулхцондозь Иисусть кепотьф мяльса.
Пеледа койти тонафтыда
(Матф. 23:1-36; Лук. 20:45-47)
38Иисус Эсь тонафтомасонза корхтась: «Ванфтода пря койти тонафтыда, конат кельгсазь кувака щамса якамаснон и мишендема-рамсема васттнень эзга шумбракснема-шнама валонь кочксемаснон, 39синагогаса инголи озсемать и каванямань иласа сяда цебярь вастонь кочксемать. 40Синь сивондьсазь-ётафнесазь удаватнень мекольценяснон, и лиятненди няфтемга куватьс озонкшнихть. Синь сяда кемоста улихть судендафт».
Ашу удавать казнец
(Лук. 21:1-4)
41Весть Иисус озась ярмаконь кочкама арзять каршес и ванць, кода ломаттне путнесть эзонза ярмак. Козятнень ёткста ламотне путнесть ламонь. 42Сась фкя ашу удава, путсь кафта ярмакт, конатнень питнесноль пяле трёшник. 43Иисус тердезень Эсь тонафниензон, мярьгсь тейст: «Видеста корхтан тейнть: тя ашу удавась путсь сембода лама сембе лия путыхнень коряс; 44вдь сембе путнесть вельф козяшиснон эзда, а сон ашушинц эзда путозе сембонц, мезец ульсь и мезе лангс эрясь».
Currently Selected:
Марк 12: ОС16
Highlight
Share
Copy
Want to have your highlights saved across all your devices? Sign up or sign in
Библиянь ётафтома институтсь, 2016
Марк 12
12
Валвеляфкс виноградонь касфтыхнень колга
(Матф. 21:33-46; Лук. 20:9-19)
1Иисус кармась корхтама тейст валвеляфксса: «Фкя ломанць озафтсь виноградонь пере и перязе сонь. Виноградонь люпшнемс кевти карась лотка и путсь ванфтома башня, и ладясь переть мельге ваныхть-касфтыхть. Сонць азорсь тусь лия мастору. 2Эрявикс пингста сон кучезе эсь покодиенц ваныхнень-касфтыхнень кядьста виноград перень имошнень анама. 3Но сят кундазь покодиенц, пиксозь и панезь меки шавонь кятть. 4Азорсь кучезе тейст омбоце покодиенц; сяньге прянц почкафтозь и рахсесть лангсонза. 5Азорсь тага лия кучсь: сянь куломс шавозь; и ламоц лиятнень али пикссезь, али шавондозь.
6Лядсь сонь аньцек фкя-тяка кельгома цёрац. Меколи сяньге кучезе тейст, арьсесь: "Визделгодыхть хуш цёразень эзда". 7Но переть мельге ваныхне-касфтыхне мярьгсть фкя-фкянди: "Тя сонь юромонь поладыец. Аряда шавсаськ сонь, и тейнза аноклаф уликс-парось ули минне!" 8Кундазь сонь, шавозь и ёрдазь ловажанц виноград переста.
9Мезе эста тии виноградонь перень азорсь? Сон сай, шавфтсыне куломс перень ваныхнень-касфтыхнень, и макссы переть лия ваныхнень-касфтыхнень кядьс. 10Дяряй тинь ашесть лувонда тянь Сёрматфксста:
"Кевсь, конань ёрдазь кудонь путыхне,
арась кудужень кирди кевкс.
11Тянь тиезе Азорсь,
и минь сельминголенк тя дивакс няеви"#12:11 Псалтирь 117:22-23?»
12Синь шарьхкодсть: тя валвеляфкссь азфоль синь колгаст. Ёразь кундамс Иисусонь, но пельсть ломаттнень эзда, сяс кадозь Сонь и тусть.
Кизефкс каяфксонь пандомать колга
(Матф. 22:15-22; Лук. 20:20-26)
13Синь кучсть мзярошка фарисей и Иродонь ломанензон кодамовок вал лангса Иисусонь кундама. 14Синь састь и кизефнесазь Иисусонь: «Тонафты! Минь содасаськ: Тон виде ломанят и аф арьсят мяльс тумать колга, сяс мес кодамовок шама лангс аф ванат, но видеста тонафтат Шкайть коряс эряма. Азк, мярьгондеви пандомс каяфкс кесарти али аф мярьгондеви? Тейнек эряви пандомс, али аф эряви?»
15Но Иисус содазе, синь – шамафксонь каннихть, сяс мярьгсь тейст: «Мезенди варчсесамасть Монь кизефксонтень вельде? Кандода Тейне динарий, ванца». 16Синь кандсть. Эста Иисус кизефтезень: «Кинне тя шамаликсь и алонза лемсь?» Синь азозь: «Кесарть». 17Иисус каршезост мярьгсь: «Максость кесареннеть кесарти, а Шкаеннеть – Шкайти». И пяк дивандасть лангозонза.
Кизефкс кулофнень эзда вельмамать колга
(Матф. 22:23-33; Лук. 20:27-40)
18Тоса Иисусонди састь саддукейхть, конат ашесть кема кулофста вельмамати, и кизефтезь Сонь: 19«Тонафты! Моисей тейнек сёрмадсь: "Кда алять кулы брадоц и кады рьвя, а итть аф кады, эста катк брадоц сявсы рьванц и катк синь шачфтыхть юромонь полады идня". 20Эрясть сисем братт: васенцесь сявсь рьвя, и куломстонза ашезь када итть. 21Сявозе рьвять омбоцесь, сявок кулось, итть ашезь када; и тяфта колмоцеське. 22Стане лиссь сисемкснень мархта. Итть киньге эзда ашесть ляда. Сембода меле кулось рьвяське. 23И тяфта, вельмамань шиня, мзярда кулофне вельмайхть, кинне ули рьвясь? Вдь сисемксненди сон арсесь рьвакс».
24Иисус мярьгсь каршезост: «Тинь васькафтфтада-эрьготьфтада, и мес? Сяс мес аф содасасть аф Сёрматфксть, аф Шкайть виенц. 25Вдь мзярда кулофне вельмайхть, эста синь аф рьвяйсихть, рьвакска аф лисендихть, а кармайхть улема кода ангелхне менельса. 26А кода ащи тевсь кулофнень вельмамаснон колга – дяряй ашесть лувонда Моисеень книгаста азксть палы кусторксть колга? Тоса Шкайсь мярьгсь Моисеенди: "Мон Авраамонь Шкаецан, Исааконь Шкаецан, Иаковонь Шкаецан". 27Шкайсь – аф кулофнень Шкайсна, а эряйхнень. Лисенди, тинь пяк васькафтодязь-эрьготьфтодязь».
Сембода оцю кошардомвалсь
(Матф. 22:34-40; Лук. 10:25-28)
28Койти тонафтыхнень ёткста фкясь марязе синь карань-каршек корхнемаснон, няезе: Иисус саддукейхненди корхтась лац. Сон нежедсь и кизефтезе Иисусонь: «Сембе кошардомвалхнень ёткста конац сембода оцюсь?» 29Иисус каршезонза мярьгсь: «Сембода оцюсь вага: "Кулхцонтт, Израиль! Азорсь, Шкаеньке, фкя-тяка Азорсь; 30кельк Азорть, Шкайцень сембе седисот, сембе ваймосот, и сембе шарьхкодемасот, и сембе вийсот". 31Омбоце кошардомвалсь васенцеть лаца: "Кельк маластоцень, кода эсь пряцень" – ня кафттнень коряс лия сяда оцю кошардомвал аш».
32Койти тонафтысь мярьгсь Иисусти: «Тянь лац азыть, Тонафты! Видеста мярьготь: ули аньцек фкя Шкай и аш лия шкай Сондедонза башка; 33и кельгомс Сонь сембе седисот, сембе шарьхкодемасот, сембе ваймосот, сембе вийсот, и кельгомс маласот эряй-ащи ломанть, кода эсь пряцень – тя плхтаф озксказнеда и лия озксказнеда сяда оцю». 34Иисус няезе: койти тонафтысь маштозь корхтась, и мярьгсь тейнза: «Тон аф ичкозят Шкаень Оцязорксшить эзда». Сяда меле ни кивок ашезь сменда кизефнемс Иисусонь.
Христоссь – кинне цёрась?
(Матф. 22:41-46; Лук. 20:41-46)
35Шкаень кудса тонафтомста Иисус корхтась: «Кода стане мярьгихть койти тонафтыхне: Христоссь – тя Давидонь Цёрац? 36Вдь Давид сонць мярьгсь Иняру Ваймопожфса:
"Азорсь мярьгсь монь Азорозти:
озак Монь види ширезон,
мзярс аф путсайне Тонь пильгалот
Тейть каршек ащихнень"#12:36 Псалтирь 109:1.
37Лисенди, Давид сонць лемнесы Христость Азоркс. Эста кода Христос ули тейнза цёракс?» И лама ломаньда кулхцондозь Иисусть кепотьф мяльса.
Пеледа койти тонафтыда
(Матф. 23:1-36; Лук. 20:45-47)
38Иисус Эсь тонафтомасонза корхтась: «Ванфтода пря койти тонафтыда, конат кельгсазь кувака щамса якамаснон и мишендема-рамсема васттнень эзга шумбракснема-шнама валонь кочксемаснон, 39синагогаса инголи озсемать и каванямань иласа сяда цебярь вастонь кочксемать. 40Синь сивондьсазь-ётафнесазь удаватнень мекольценяснон, и лиятненди няфтемга куватьс озонкшнихть. Синь сяда кемоста улихть судендафт».
Ашу удавать казнец
(Лук. 21:1-4)
41Весть Иисус озась ярмаконь кочкама арзять каршес и ванць, кода ломаттне путнесть эзонза ярмак. Козятнень ёткста ламотне путнесть ламонь. 42Сась фкя ашу удава, путсь кафта ярмакт, конатнень питнесноль пяле трёшник. 43Иисус тердезень Эсь тонафниензон, мярьгсь тейст: «Видеста корхтан тейнть: тя ашу удавась путсь сембода лама сембе лия путыхнень коряс; 44вдь сембе путнесть вельф козяшиснон эзда, а сон ашушинц эзда путозе сембонц, мезец ульсь и мезе лангс эрясь».
Currently Selected:
:
Highlight
Share
Copy
Want to have your highlights saved across all your devices? Sign up or sign in
Библиянь ётафтома институтсь, 2016