Лука 14
14
14-тӥ ЛЮКЕТ
1Озьы кемдӥз: Иисус суббота нуналэ фарисейёс пӧлысь одӥгезлэн кузёяськисьлэн гуртаз нянь сиёнэ лыктӥз. Со сьӧрын чакласа улӥзы. 2Тани, Со азе ву пульыосын тӧрнаса висись мурт султӥз. 3Соку Иисус закон тодӥсьёслэсь но фарисейёслэсь юаз: «Суббота нуналэ яра-а эмъяны?» 4Соос чус улӥзы. Бордаз йӧтӥськыса, со муртэз бурмытӥз, собере сое дораз бертыны лэзиз. 5Соку соослы шуиз на: «Кинлэн ке но тӥ пӧлысь ишакез яке ошез гудӟеме усиз ке, суббота нунал ке но учыраз, соку ик сое уз потты-а?» 6Солы та ласянь нокыӵе но ответ сётыны ӧз быгатэ.
7Ӧтем муртъёслэсь нырысетӥ интыосты быръемзэс адӟем бераз соослы мадён вераз: 8«Тонэ сюанэ ӧтизы ке, ӧтемъёссы пӧлын тынэсьтыд сӥлыгесэз луыны быгатоз, соин ик нырысетӥ интые эн пуксьы, – 9Тӥледыз ӧтем мурт, дорад лыктыса, тыныд шуоно медаз лу: ”Солы инты сёт”. Соку возьытэ вуыса, пумаз пуксёно луод. 10Ӧтёно луизы ке, лыкты но пумаз пуксьы: ӧтем муртэд дорад лыктыса мед шуоз: ”Юлтоше! Тӧр сэреге пуксьы”. Соку тыныд ӵош пуксисьёсыд азьын сӥ-дан луоз. 11Уго котькудӥз но ассэ ачиз вылӥе ӝутӥсь мурт ултӥямын луоз, нош ассэ ултӥясь мурт – ӝутӥськоз». 12Сое ӧтем фарисейлы Иисус шуиз: «Нуназе нянь яке ӝыт нянь карыкуд, эшъёстэ но, агай-вынъёстэ но, ӵыжы-выжыостэ но, узыресь бускельёстэ но эн ӧтьы, соос но, тонэ ӧтьыса, пунэмзэ медаз берыктэ шуыса. 13Куное ӧтчаськыкуд, кураськисьёсты, сӧсырмемъёсты, чутъёсты, синтэмъёсты ӧть. 14Шудо луод: тынад ӟечедлы соос пунэмзэ ӟечен берыктыны уз быгатэ, нош шонер улэмъёс улӟыса султыку, тынад ӟечед ӟечен берыктӥськоз». 15Тае кылыса, Соин огазьын сиськисьёс пӧлысь кин ке но Солы шуиз: «Шудо, кин Инмар Эксэйлыкын нянь сиёз!» 16Нош Иисус солы шуиз: «Одӥг адями бадӟым ӝыт нянь сиён ортчытэм но трос муртэ ӧтем. 17Ӝыт нянь сиён вуэм но ляльчизэ ӧтемъёслы вераны ыстэм: ”Лыктэ, ваньмыз дась ини”. 18Но ваньзы, огкылысь вераськем кадь, чӧлляськыны кутскиллям. Нырысетӥез солы шуэм: ”Мон музъем басьтӥ но сое учкыны мыноно. Курисько тонэ, вождэ эн вайы”. 19Мукетыз шуэм: ”Мон вить пар ошъёс басьтӥ но мынӥсько соослэсь ужамзэс эскерыны. Курисько тонэ, вождэ эн вайы”. 20Куинетӥез шуэм: ”Мон кышнояськи, соин ик лыктыны уг быгатӥськы”. 21Гуртаз бертыса, со ляльчи та сярысь аслаз кузёезлы верам. Соку коркалэн кузёез, йырыз кур луыса, аслаз ляльчиезлы шуэм: ”Ӝоггес мын карлэн ульчаосыз, пролкаосыз кузя, вай татчы кураськисьёсты, сӧсырмемъёсты, чутъёсты, синтэмъёсты”. 22Ляльчи шуэм: ”Кузёе! Быдэстэмын тынад косонэд, эшшо но интыос вань на”. 23Кузё ляльчилы шуэм: ”Сюресъёс кузя, кенеръёс кузя мын, ваньзэс лыктыны кос, мынам коркае калыкен тыраз мед луоз. 24Тӥледлы верасько: со ӧтемъёс пӧлысь нокин но мынэсьтым сиёнме уз веръя: уго ӧтиськемъёс трос, нош быръемъёсыз ӧжыт”».
25Соин валче трос калык мынӥз. Берытскыса Иисус соослы шуиз: 26«Кин Мон доры лыктэ но адӟонтэм уг ке кары аслэсьтыз атайзэ, анайзэ, кышнозэ, нылпиоссэ, агай-вынъёссэ, сузэръёссэ, аслэсьтыз улонзэ но, со Мыным дышетскись луыны уг быгаты. 27Кироссэ нуыса, Мон сьӧры мынӥсьтэм мурт Мыным дышетскись луыны уг быгаты. 28Уго, кин тӥ пӧлысь каланча пуктыны малпаз ке, нырысь ик уз пуксьы но уз лыдъя, кӧня луоз кутон-тыриськонэз, сое йылпумъяны вань-а солэн моӵез. 29Инъетсэ понэм бераз ӧз ке быгаты корказэ пуктыса быдэстыны, вань адӟисьёс медаз серекъялэ вал сое, 30тазьы вераса: ”Та адями лэсьтӥськыны кутскиз но быдэстыны ӧз быгаты-а?” 31Яке кыӵе эксэй, мукет эксэйлы пумит ожмаськонэ мыныкуз, нырысь ик уз пуксьы но уз кенешы, вань-а солэн кужымез аслаз дас сюрс муртэныз со вылэ кызь сюрс муртэн лыктӥсьлэн пумитаз султыны? 32Нош ӧвӧл ке, соиз кыдёкын на дыръя со доры вераськисьёсты тупаса улон курыны со ыстоз. 33Озьы ик тӥ пӧлысь кин ке ӧз куштӥськы ваньмызлэсь, маиз солэн вань, Мыным дышетскись луыны уг быгаты. 34Сылал – со ӟеч арбери; нош сылал кузьытсэ ыштӥз ке, маин сое тупатод на? 35Музъеме но, кыед пӧлы но поныны уг яра; педло сэрпалто сое. Кылыны пельыз вань мурт – мед кылоз!»
Currently Selected:
Лука 14: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Лука 14
14
14-тӥ ЛЮКЕТ
1Озьы кемдӥз: Иисус суббота нуналэ фарисейёс пӧлысь одӥгезлэн кузёяськисьлэн гуртаз нянь сиёнэ лыктӥз. Со сьӧрын чакласа улӥзы. 2Тани, Со азе ву пульыосын тӧрнаса висись мурт султӥз. 3Соку Иисус закон тодӥсьёслэсь но фарисейёслэсь юаз: «Суббота нуналэ яра-а эмъяны?» 4Соос чус улӥзы. Бордаз йӧтӥськыса, со муртэз бурмытӥз, собере сое дораз бертыны лэзиз. 5Соку соослы шуиз на: «Кинлэн ке но тӥ пӧлысь ишакез яке ошез гудӟеме усиз ке, суббота нунал ке но учыраз, соку ик сое уз потты-а?» 6Солы та ласянь нокыӵе но ответ сётыны ӧз быгатэ.
7Ӧтем муртъёслэсь нырысетӥ интыосты быръемзэс адӟем бераз соослы мадён вераз: 8«Тонэ сюанэ ӧтизы ке, ӧтемъёссы пӧлын тынэсьтыд сӥлыгесэз луыны быгатоз, соин ик нырысетӥ интые эн пуксьы, – 9Тӥледыз ӧтем мурт, дорад лыктыса, тыныд шуоно медаз лу: ”Солы инты сёт”. Соку возьытэ вуыса, пумаз пуксёно луод. 10Ӧтёно луизы ке, лыкты но пумаз пуксьы: ӧтем муртэд дорад лыктыса мед шуоз: ”Юлтоше! Тӧр сэреге пуксьы”. Соку тыныд ӵош пуксисьёсыд азьын сӥ-дан луоз. 11Уго котькудӥз но ассэ ачиз вылӥе ӝутӥсь мурт ултӥямын луоз, нош ассэ ултӥясь мурт – ӝутӥськоз». 12Сое ӧтем фарисейлы Иисус шуиз: «Нуназе нянь яке ӝыт нянь карыкуд, эшъёстэ но, агай-вынъёстэ но, ӵыжы-выжыостэ но, узыресь бускельёстэ но эн ӧтьы, соос но, тонэ ӧтьыса, пунэмзэ медаз берыктэ шуыса. 13Куное ӧтчаськыкуд, кураськисьёсты, сӧсырмемъёсты, чутъёсты, синтэмъёсты ӧть. 14Шудо луод: тынад ӟечедлы соос пунэмзэ ӟечен берыктыны уз быгатэ, нош шонер улэмъёс улӟыса султыку, тынад ӟечед ӟечен берыктӥськоз». 15Тае кылыса, Соин огазьын сиськисьёс пӧлысь кин ке но Солы шуиз: «Шудо, кин Инмар Эксэйлыкын нянь сиёз!» 16Нош Иисус солы шуиз: «Одӥг адями бадӟым ӝыт нянь сиён ортчытэм но трос муртэ ӧтем. 17Ӝыт нянь сиён вуэм но ляльчизэ ӧтемъёслы вераны ыстэм: ”Лыктэ, ваньмыз дась ини”. 18Но ваньзы, огкылысь вераськем кадь, чӧлляськыны кутскиллям. Нырысетӥез солы шуэм: ”Мон музъем басьтӥ но сое учкыны мыноно. Курисько тонэ, вождэ эн вайы”. 19Мукетыз шуэм: ”Мон вить пар ошъёс басьтӥ но мынӥсько соослэсь ужамзэс эскерыны. Курисько тонэ, вождэ эн вайы”. 20Куинетӥез шуэм: ”Мон кышнояськи, соин ик лыктыны уг быгатӥськы”. 21Гуртаз бертыса, со ляльчи та сярысь аслаз кузёезлы верам. Соку коркалэн кузёез, йырыз кур луыса, аслаз ляльчиезлы шуэм: ”Ӝоггес мын карлэн ульчаосыз, пролкаосыз кузя, вай татчы кураськисьёсты, сӧсырмемъёсты, чутъёсты, синтэмъёсты”. 22Ляльчи шуэм: ”Кузёе! Быдэстэмын тынад косонэд, эшшо но интыос вань на”. 23Кузё ляльчилы шуэм: ”Сюресъёс кузя, кенеръёс кузя мын, ваньзэс лыктыны кос, мынам коркае калыкен тыраз мед луоз. 24Тӥледлы верасько: со ӧтемъёс пӧлысь нокин но мынэсьтым сиёнме уз веръя: уго ӧтиськемъёс трос, нош быръемъёсыз ӧжыт”».
25Соин валче трос калык мынӥз. Берытскыса Иисус соослы шуиз: 26«Кин Мон доры лыктэ но адӟонтэм уг ке кары аслэсьтыз атайзэ, анайзэ, кышнозэ, нылпиоссэ, агай-вынъёссэ, сузэръёссэ, аслэсьтыз улонзэ но, со Мыным дышетскись луыны уг быгаты. 27Кироссэ нуыса, Мон сьӧры мынӥсьтэм мурт Мыным дышетскись луыны уг быгаты. 28Уго, кин тӥ пӧлысь каланча пуктыны малпаз ке, нырысь ик уз пуксьы но уз лыдъя, кӧня луоз кутон-тыриськонэз, сое йылпумъяны вань-а солэн моӵез. 29Инъетсэ понэм бераз ӧз ке быгаты корказэ пуктыса быдэстыны, вань адӟисьёс медаз серекъялэ вал сое, 30тазьы вераса: ”Та адями лэсьтӥськыны кутскиз но быдэстыны ӧз быгаты-а?” 31Яке кыӵе эксэй, мукет эксэйлы пумит ожмаськонэ мыныкуз, нырысь ик уз пуксьы но уз кенешы, вань-а солэн кужымез аслаз дас сюрс муртэныз со вылэ кызь сюрс муртэн лыктӥсьлэн пумитаз султыны? 32Нош ӧвӧл ке, соиз кыдёкын на дыръя со доры вераськисьёсты тупаса улон курыны со ыстоз. 33Озьы ик тӥ пӧлысь кин ке ӧз куштӥськы ваньмызлэсь, маиз солэн вань, Мыным дышетскись луыны уг быгаты. 34Сылал – со ӟеч арбери; нош сылал кузьытсэ ыштӥз ке, маин сое тупатод на? 35Музъеме но, кыед пӧлы но поныны уг яра; педло сэрпалто сое. Кылыны пельыз вань мурт – мед кылоз!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016