Лука 16
16
16-тӥ ЛЮКЕТ
1Аслаз дышетскисьёсызлы Иисус вераз: «Одӥг адями узыр улэм. Вылэм солэн юртэныз кивалтӥсез, со вылэ, солэсь юртсэ тус-тас каре шуыса, урттылӥськиллям. 2Сое ӧтем но солы шуэм: ”Мар со сыӵе мон тон сярысь кылӥсько? Кивалтон ужедъя отчёттэ возьматы, азьланяз тон кивалтыны уд яраськы ни”. 3Соку юртэн кивалтӥсь аслыз ачиз шуэм: ”Мар мыным кароно? Юртэн кивалтон ужме кузё басьтэ ини. Гудӟиськеме уг луы, кураськыны возьдаськисько. 4Юртэн кивалтон ужлэсь палэнтэмын луи ке, коркаосазы мед пыртозы шуыса, тодӥсько ма карыны”. 5Кузёезлэсь пунэм тыроно муртъёссэ котькудзэ нимаз-нимаз ӧтем но нырысетӥезлы шуэм: ”Кузёелы кӧня тынад тыронэд?” 6Со шуэм: ”Сю мертэт вӧй”. Соку солы шуэм: ”Басьты кинюртэм гожтэттэ но ӝоггес пуксьыса гожты: витьтон”. 7Собере мукетызлы шуэм: ”Нош тынад кӧня тыронэд?” Со ответ сётэм: ”Сю мертэт чабей”. Таизлы со шуэм: ”Басьты кинюртэм гожтэттэ но гожты: тямыстон”. 8Валатскыса ужамез понна кузё кескич кивалтӥсьсэ ушъям; уго таизлэн дуннелэн пиосыз асьсэ куспын, югытлэн пиосыз сярысь, валатскисесьгес. 9Мон тӥледлы верасько: оскиськыны луонтэм узырлыкен асьтэлы эшъёс кутэлэ: начармоно луиды ке, соос тӥледыз бырисьтэм юртъёсы мед басьтозы. 10Ӧжытын оскиськымон бадӟымын но оскиськымон луэ, нош ӧжытын оскиськонтэм бадӟымын но оскиськонтэм луэ. 11Озьыен, оскиськыны луонтэм узырлыкын тӥ оскиськымон ӧй вал ке, кин тӥледлы зэмоссэ узырлыкез оскоз? 12Муртлэнын но тӥ оскиськымонэсь ӧй вал ке, кин тӥледлы тӥлесьтыдзэ сётоз? 13Нокыӵе но медо кык кузёлы служить карыны уг быгаты: уго яке одӥгзэ адӟемпотостэм кароз, нош мукетсэ – яратоз; яке огезлы сюлмысьтыз тыршоз, нош мукетыз сярысь уз сюлмаськы. Уд быгатӥське Инмарлы но, маммоналы но огдыре служить карыны».
14Ваньзэ тае фарисейёс но кылӥзы, соос коньдонэз яратӥсесь вал, Сое серем каризы. 15Иисус соослы шуиз: «Адямиос азьын тӥ асьтэдыз шонер улӥсьёсын возьматӥськоды, нош Инмар тодэ тӥлесьтыд сюлэмъёстэс: уго мар адямиос понна вылӥ, со Инмар азьын юрӟым. 16Закон но пророкъёс Иоанн дырозь вал; та дырысен Инмар Эксэйлык сярысь Ӟеч Ивор тодытӥське, котькудӥз отчы кужымзэ поныса гинэ пыре. 17Законысь одӥг гожез но уз быры, ӝоггес ин но музъем бырозы. 18Котькин но, аслаз кышноеныз люкиськыса, мукетсэ кышно басьтэ ке, азон-калгон сьӧлыке пыре; котькин но, картэныз люкиськем муртэ кышно басьтэ ке, азон-калгон сьӧлыке пыре.
19Одӥг адями узыр улэм, дуно басмаослэсь, даралилэсь вурем дӥськут нуллэм, котькуд нунал шукырес сиён-юон дыр ортчытъям. 20Вылэм кыӵе ке но Лазарь нимо кураськись, со гижлоӟыса солэн капка выжыяз кыллем. 21Узырлэн ӝӧк вылысьтыз усьылэм нянь пырыосын кӧтсэ тырыса улэм. Пуныос лыктыса солэсь гижлозэ нюлыса улӥллям. 22Кураськись кулэм но Кылчинъёс сое Авраамлэн ал вылаз нуиллям. Узыр но кулэм, сое ватӥллям. 23Адысен, курадӟыса улыкуз, узыр мурт синзэ ӝутэм но кыдёкысен Авраамез но со бордын улӥсь Лазарез адӟем. 24Соку со черектӥськыса верам: ”Авраам атай! Жаля монэ, ысты Лазарез, чиньы йылзэ вуэ коттыса, кыл йылме мед сӥятысал, уго туж курадӟисько та тыл пӧлын!” 25Нош Авраам шуэм: ”Пие! Тодад вай али: ас улон даурад тон ӟечсэ басьтӥд, нош Лазарь – уродзэ. Табере со татын майбыр улэ, нош тон курадӟиськод. 26Солэсь но ортчыт, ми куспын но тӥ куспын син сузёнтэм пыдэстэм гу кылдытэмын, ми дорысь тӥ доры потыны турттӥсьёслэн потэмзы уг луы, озьы ик со палась но ми доры уг выжо”. 27Соку узыр мурт шуэм: ”Тонэ курисько, атай: Лазарез мынам атаелэн юртаз ысты, 28уго мынам вить кузя агай-вынъёсы: та курадӟон интые соос но медаз лыктэ шуыса, Лазарь мед тодытоз соослы”. 29Авраам шуэм: ”Соослэн Моисейзы но пророкъёссы вань, соосты мед кылзӥськозы”. 30Узыр мурт шуэм: ”Ӧвӧл, Авраам атай! Соос доры кин ке но кулэмъёс пӧлысь лыктӥз ке, соос ӧпкельыса сьӧлыкъёссылэсь куштӥськозы”. 31Соку Авраам солы шуэм: ”Моисеез но пророкъёсты уг кылзо бере, кулэмъёс пӧлысь кин ке улӟыса султӥз ке но, уз оске”».
Currently Selected:
Лука 16: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Лука 16
16
16-тӥ ЛЮКЕТ
1Аслаз дышетскисьёсызлы Иисус вераз: «Одӥг адями узыр улэм. Вылэм солэн юртэныз кивалтӥсез, со вылэ, солэсь юртсэ тус-тас каре шуыса, урттылӥськиллям. 2Сое ӧтем но солы шуэм: ”Мар со сыӵе мон тон сярысь кылӥсько? Кивалтон ужедъя отчёттэ возьматы, азьланяз тон кивалтыны уд яраськы ни”. 3Соку юртэн кивалтӥсь аслыз ачиз шуэм: ”Мар мыным кароно? Юртэн кивалтон ужме кузё басьтэ ини. Гудӟиськеме уг луы, кураськыны возьдаськисько. 4Юртэн кивалтон ужлэсь палэнтэмын луи ке, коркаосазы мед пыртозы шуыса, тодӥсько ма карыны”. 5Кузёезлэсь пунэм тыроно муртъёссэ котькудзэ нимаз-нимаз ӧтем но нырысетӥезлы шуэм: ”Кузёелы кӧня тынад тыронэд?” 6Со шуэм: ”Сю мертэт вӧй”. Соку солы шуэм: ”Басьты кинюртэм гожтэттэ но ӝоггес пуксьыса гожты: витьтон”. 7Собере мукетызлы шуэм: ”Нош тынад кӧня тыронэд?” Со ответ сётэм: ”Сю мертэт чабей”. Таизлы со шуэм: ”Басьты кинюртэм гожтэттэ но гожты: тямыстон”. 8Валатскыса ужамез понна кузё кескич кивалтӥсьсэ ушъям; уго таизлэн дуннелэн пиосыз асьсэ куспын, югытлэн пиосыз сярысь, валатскисесьгес. 9Мон тӥледлы верасько: оскиськыны луонтэм узырлыкен асьтэлы эшъёс кутэлэ: начармоно луиды ке, соос тӥледыз бырисьтэм юртъёсы мед басьтозы. 10Ӧжытын оскиськымон бадӟымын но оскиськымон луэ, нош ӧжытын оскиськонтэм бадӟымын но оскиськонтэм луэ. 11Озьыен, оскиськыны луонтэм узырлыкын тӥ оскиськымон ӧй вал ке, кин тӥледлы зэмоссэ узырлыкез оскоз? 12Муртлэнын но тӥ оскиськымонэсь ӧй вал ке, кин тӥледлы тӥлесьтыдзэ сётоз? 13Нокыӵе но медо кык кузёлы служить карыны уг быгаты: уго яке одӥгзэ адӟемпотостэм кароз, нош мукетсэ – яратоз; яке огезлы сюлмысьтыз тыршоз, нош мукетыз сярысь уз сюлмаськы. Уд быгатӥське Инмарлы но, маммоналы но огдыре служить карыны».
14Ваньзэ тае фарисейёс но кылӥзы, соос коньдонэз яратӥсесь вал, Сое серем каризы. 15Иисус соослы шуиз: «Адямиос азьын тӥ асьтэдыз шонер улӥсьёсын возьматӥськоды, нош Инмар тодэ тӥлесьтыд сюлэмъёстэс: уго мар адямиос понна вылӥ, со Инмар азьын юрӟым. 16Закон но пророкъёс Иоанн дырозь вал; та дырысен Инмар Эксэйлык сярысь Ӟеч Ивор тодытӥське, котькудӥз отчы кужымзэ поныса гинэ пыре. 17Законысь одӥг гожез но уз быры, ӝоггес ин но музъем бырозы. 18Котькин но, аслаз кышноеныз люкиськыса, мукетсэ кышно басьтэ ке, азон-калгон сьӧлыке пыре; котькин но, картэныз люкиськем муртэ кышно басьтэ ке, азон-калгон сьӧлыке пыре.
19Одӥг адями узыр улэм, дуно басмаослэсь, даралилэсь вурем дӥськут нуллэм, котькуд нунал шукырес сиён-юон дыр ортчытъям. 20Вылэм кыӵе ке но Лазарь нимо кураськись, со гижлоӟыса солэн капка выжыяз кыллем. 21Узырлэн ӝӧк вылысьтыз усьылэм нянь пырыосын кӧтсэ тырыса улэм. Пуныос лыктыса солэсь гижлозэ нюлыса улӥллям. 22Кураськись кулэм но Кылчинъёс сое Авраамлэн ал вылаз нуиллям. Узыр но кулэм, сое ватӥллям. 23Адысен, курадӟыса улыкуз, узыр мурт синзэ ӝутэм но кыдёкысен Авраамез но со бордын улӥсь Лазарез адӟем. 24Соку со черектӥськыса верам: ”Авраам атай! Жаля монэ, ысты Лазарез, чиньы йылзэ вуэ коттыса, кыл йылме мед сӥятысал, уго туж курадӟисько та тыл пӧлын!” 25Нош Авраам шуэм: ”Пие! Тодад вай али: ас улон даурад тон ӟечсэ басьтӥд, нош Лазарь – уродзэ. Табере со татын майбыр улэ, нош тон курадӟиськод. 26Солэсь но ортчыт, ми куспын но тӥ куспын син сузёнтэм пыдэстэм гу кылдытэмын, ми дорысь тӥ доры потыны турттӥсьёслэн потэмзы уг луы, озьы ик со палась но ми доры уг выжо”. 27Соку узыр мурт шуэм: ”Тонэ курисько, атай: Лазарез мынам атаелэн юртаз ысты, 28уго мынам вить кузя агай-вынъёсы: та курадӟон интые соос но медаз лыктэ шуыса, Лазарь мед тодытоз соослы”. 29Авраам шуэм: ”Соослэн Моисейзы но пророкъёссы вань, соосты мед кылзӥськозы”. 30Узыр мурт шуэм: ”Ӧвӧл, Авраам атай! Соос доры кин ке но кулэмъёс пӧлысь лыктӥз ке, соос ӧпкельыса сьӧлыкъёссылэсь куштӥськозы”. 31Соку Авраам солы шуэм: ”Моисеез но пророкъёсты уг кылзо бере, кулэмъёс пӧлысь кин ке улӟыса султӥз ке но, уз оске”».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016