Улон-вылон 10
10
10-тӥ ЛЮКЕТ
1Тани Нойлэн пиосызлэсь – Сӥмлэсь, Хамлэсь, Иафетлэсь – выжыоссэс гожъян. Ву нюртон дугдэм бере соослэн нылпиоссы вордскизы.
2Иафетлэн пиосыз: Гомер, Магог, Мадай, Иаван, [Елиса,] Фувал, Мешех но Фирас. 3Гомерлэн пиосыз: Аскеназ, Рифат но Фогарма. 4Иаванлэн пиосыз: Елиса, Фарсис, Киттим но Доданим. 5Таос бордысь потэм калыкъёс ас музъемысьтызы шормуӵъёсы асьсэ калыкенызы, ас кылынызы вераськисьёсын, улы-бечеосынызы огазе улыны интыяськизы.
6Хамлэн пиосыз: Хуш, Мицраим, Фут но Ханаан. 7Хушлэн пиосыз: Сева, Хавила, Савта, Раама но Савтеха. Раамалэн пиосыз: Шева но Дедан. 8Хушлэсь ик вордӥськиз на Нимрод; музъем вылысен со кужмо луыны кутскиз; 9[Инмар] Кузё-Инмар азьын со кужмо пӧйшурась вал; соин ик тазьы веран вань: «[Инмар] Кузё-Инмар азьысь Нимрод кадь кужмо пӧйшурась». 10Нырысь-валысь солэн эксэйлыказ пыро вал Сеннаар музъемысь Вавилон, Эрех, Аккад но Халне. 11Та музъемысь Ассур потӥз но Ниневия, Реховоф-ир, Калах каръёсты пуктӥз-ӝутӥз, 12Калахен Ниневия вискы Ресен кар ӝутӥз, – та быдӟым кар. 13Мицраим бордысь потӥзы Лудим, Анамим, Легавим, Нафтухим, 14Патрусим, Каслухим, отысь филистим калык потэмын, но Кафторим. 15Ханаанлэсь вордӥськизы: Сӥдон – нырысетӥ пиез, со бере – Хет, 16Иевусей, Аморрей, Гергесей, 17Евей, Аркей, Сӥней, 18Арвадей, Цемарей, Хамафей. Бӧрысь ханаан выжыос пазьгиськизы. 19Хананейёс улыны интыяськизы Сӥдонысен Герар пала Газа дорозь, татысен Содом, Гоморра, Адма, Цевоим пала – Лаша дорозь. 20Та Хамлэн пиосыз, асьсэлэн улы-бечеосынызы ӵош, асьсэлэн вераськон кылъёсынызы, музъемъёсынызы, калыкъёсынызы.
21Иафетлэн бадӟым агаезлэн, Сӥмлэн но, нылпиосыз вал, со Евер пиослэн вашкала пересь атайзы луэ. 22Сӥмлэн пиосыз: Елам, Ассур, Арфаксад, Луд, Арам [но Каинан]. 23Арамлэн пиосыз: Уц, Хул, Гефер но Маш. 24Арфаксадлэсь вордӥськиз [Каинан, Каинанлэсь вордӥськиз] Сала, Салалэсь вордӥськиз Евер. 25Еверлэн кык пиосыз вордӥськизы; одӥгезлэн нимыз Фалек, малы ке шуоно со улон нуналъёсы музъем люкемын вал; братэзлэн нимыз Иоктан. 26Иоктанлэсь вордӥськизы Алмодад, Шалеф, Хацармавеф, Иерах, 27Гадорам, Узал, Дикла, 28Овал, Авимаил, Шева, 29Офир, Хавила но Иовав. Ваньзы таос Иоктанлэн пиосыз луо. 30Улоно гуртъёссы интыяськемын вал Мешаысен Сефарозь – шундыӝужанысь гурезь дорозь. 31Та Сӥмлэн пиосыз асьсэлэн улы-бечеосынызы ӵош, вераськон кылъёсынызы, музъемъёсынызы, асьсэлэн калыкъёсынызы. 32Тани та Нойлэн пиосызлэсь вордӥськем улы-бечеоссэс, выжыоссэс калыкъёссы пӧлысь гожъян. Соос бордысь ву нюртон ортчем бере потэм калыкъёс музъем вылэ вӧлмизы.
Currently Selected:
Улон-вылон 10: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
