Улон-вылон 12
12
12-тӥ ЛЮКЕТ
1Кузё-Инмар Аврамлы шуиз: «Ас музъемысьтыд, выжы-кумыед пӧлысь, атаедлэн коркасьтыз пот [но] Мынам возьматоно музъемам [мын]; 2тон бордысь Мон быдӟым калык потто, тонэ бакель каро, тынэсьтыд нимдэ вылэ ӝуто, ваньмыз тон пыр бакель каремын луозы; 3тонэ бакель карисьёсты Мон бакель каро, тонэ лек кылын тышкаськисьёсты каргало; тон пыр дунне вылысь вань калык выжыос бакель каремын луозы».
4Кузё-Инмарлэсь верамзэ санэ поныса, Аврам сюрес вылэ потӥз; соин ӵош Лот мыныны потӥз. Харранысь потыкуз, Аврамлы сизьымдон вить арес вал. 5Аврам ас бӧрсяз Сараез, кышнозэ, басьтӥз, братэзлэсь Лот пизэ, вань люкам ваньбурзэс, Харранын соослэн киулазы (медоын) улӥсь вань калыкез, – ваньзы ӵош Ханаан музъеме мыныны потӥзы. Соос Ханаан музъеме вуизы. 6Аврам ортчиз со музъем пыр [кузянатӥз] Сӥхем шуыса нимаськись интыозь, Море нимо инты вӧзысь тыпы сурд дорозь: со виын та музъем вылын хананей калык [улэ вал]. 7Кузё-Инмар Аврамлы возьматскыса шуиз: «Та музъемез Мон тынад кидысэдлы-выжыедлы сёто». Отысен [Аврам] солы возьматскем Кузё-Инмарлы курбон сётон ӝӧк лэсьтӥз. 8Татысен со вырӟиз Вефильлэн шундыӝужан палаз сылӥсь гурезь доры; отчы балаган пуктӥз: Вефиль шундыпуксён палаз луиз, нош Гай – шундыӝужан палаз; отчы со Кузё-Инмарлы курбон сётон инты лэсьтӥз но [солы возьматскем] Кузё-Инмарлэн нимызлы вазиськиз. 9Аврам султӥз но лымшор пала мынонзэ азинтӥз.
10Со музъемын сютэм ар вал. Аврам Египетэ улыны мынӥз, уго сояз музъемын сиёнлы ёрмыса улон эшшо секыт луиз. 11Египетлы матэ вуыкузы, со Сара кышноезлы шуиз: «Мон тодӥсько, тон тусбуйын туж чебер кышномурт луиськод шуыса; 12египет пиос тонэ адӟизы ке, шуозы: ”Та – солэн кышноез”; соку монэ виёзы, нош тонэ улэп кельтозы; 13нош тон соослы ”мон солэн сузэрез луисько” шу, тон понна мыным умой мед луоз, соку мон тон пыр улэп мед кылём». 14Аврам Египетэ вуэм бере луиз тазьы: египет пиосъёс адӟизы, та кышномурт учкымон чебер шуыса; 15фараонлэн вӧзысьтыз кузёйыръёс но адӟизы сое, фараонлы со сярысь ушъяса веразы; сое фараонлэн юртаз басьтӥзы. 16Соин сэрен Аврамлы умой луиз; солэн ыжъёсыз, кечъёсыз, скалъёсыз, ошъёсыз, ишакъёсыз, ляльчи пиосыз, ляльчи нылъёсыз вал, мумы ишакъёсыз, верблюдъёсыз вал. 17Нош Кузё-Инмар Аврамлэн Сара кышноез понна фараон вылэ но солэн семьяез вылэ секыт вӧсь каронъёс лэзиз. 18Фараон Аврамез дораз ӧтьытӥз но шуиз: «Мар тон монэн лэсьтӥд? Малы тон мыным ӧд вера, со тынад кышноед луэ шуыса? 19Малы тон шуид: ”Со мынам сузэре?” Мон сое кышнолы басьтӥ вал. Тани та тынад кышноед, [сое] бордад кут но кошкы татысь». 20Фараон со пумысен ас адямиосызлы косон сётӥз но сое, солэсь кышнозэ но келязы, маиз вал, ваньзэ бӧрсяз келязы, [Лотэз но соин ӵош ик].
Currently Selected:
Улон-вылон 12: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Улон-вылон 12
12
12-тӥ ЛЮКЕТ
1Кузё-Инмар Аврамлы шуиз: «Ас музъемысьтыд, выжы-кумыед пӧлысь, атаедлэн коркасьтыз пот [но] Мынам возьматоно музъемам [мын]; 2тон бордысь Мон быдӟым калык потто, тонэ бакель каро, тынэсьтыд нимдэ вылэ ӝуто, ваньмыз тон пыр бакель каремын луозы; 3тонэ бакель карисьёсты Мон бакель каро, тонэ лек кылын тышкаськисьёсты каргало; тон пыр дунне вылысь вань калык выжыос бакель каремын луозы».
4Кузё-Инмарлэсь верамзэ санэ поныса, Аврам сюрес вылэ потӥз; соин ӵош Лот мыныны потӥз. Харранысь потыкуз, Аврамлы сизьымдон вить арес вал. 5Аврам ас бӧрсяз Сараез, кышнозэ, басьтӥз, братэзлэсь Лот пизэ, вань люкам ваньбурзэс, Харранын соослэн киулазы (медоын) улӥсь вань калыкез, – ваньзы ӵош Ханаан музъеме мыныны потӥзы. Соос Ханаан музъеме вуизы. 6Аврам ортчиз со музъем пыр [кузянатӥз] Сӥхем шуыса нимаськись интыозь, Море нимо инты вӧзысь тыпы сурд дорозь: со виын та музъем вылын хананей калык [улэ вал]. 7Кузё-Инмар Аврамлы возьматскыса шуиз: «Та музъемез Мон тынад кидысэдлы-выжыедлы сёто». Отысен [Аврам] солы возьматскем Кузё-Инмарлы курбон сётон ӝӧк лэсьтӥз. 8Татысен со вырӟиз Вефильлэн шундыӝужан палаз сылӥсь гурезь доры; отчы балаган пуктӥз: Вефиль шундыпуксён палаз луиз, нош Гай – шундыӝужан палаз; отчы со Кузё-Инмарлы курбон сётон инты лэсьтӥз но [солы возьматскем] Кузё-Инмарлэн нимызлы вазиськиз. 9Аврам султӥз но лымшор пала мынонзэ азинтӥз.
10Со музъемын сютэм ар вал. Аврам Египетэ улыны мынӥз, уго сояз музъемын сиёнлы ёрмыса улон эшшо секыт луиз. 11Египетлы матэ вуыкузы, со Сара кышноезлы шуиз: «Мон тодӥсько, тон тусбуйын туж чебер кышномурт луиськод шуыса; 12египет пиос тонэ адӟизы ке, шуозы: ”Та – солэн кышноез”; соку монэ виёзы, нош тонэ улэп кельтозы; 13нош тон соослы ”мон солэн сузэрез луисько” шу, тон понна мыным умой мед луоз, соку мон тон пыр улэп мед кылём». 14Аврам Египетэ вуэм бере луиз тазьы: египет пиосъёс адӟизы, та кышномурт учкымон чебер шуыса; 15фараонлэн вӧзысьтыз кузёйыръёс но адӟизы сое, фараонлы со сярысь ушъяса веразы; сое фараонлэн юртаз басьтӥзы. 16Соин сэрен Аврамлы умой луиз; солэн ыжъёсыз, кечъёсыз, скалъёсыз, ошъёсыз, ишакъёсыз, ляльчи пиосыз, ляльчи нылъёсыз вал, мумы ишакъёсыз, верблюдъёсыз вал. 17Нош Кузё-Инмар Аврамлэн Сара кышноез понна фараон вылэ но солэн семьяез вылэ секыт вӧсь каронъёс лэзиз. 18Фараон Аврамез дораз ӧтьытӥз но шуиз: «Мар тон монэн лэсьтӥд? Малы тон мыным ӧд вера, со тынад кышноед луэ шуыса? 19Малы тон шуид: ”Со мынам сузэре?” Мон сое кышнолы басьтӥ вал. Тани та тынад кышноед, [сое] бордад кут но кошкы татысь». 20Фараон со пумысен ас адямиосызлы косон сётӥз но сое, солэсь кышнозэ но келязы, маиз вал, ваньзэ бӧрсяз келязы, [Лотэз но соин ӵош ик].
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016