Wenía 35
35
Jacó arimẽse Betelkiri iokarãti ivo yoã
1Askávai txipo Yové Koĩni Jacó tanamakĩ. “Earo Yové mĩ take kayashoi mĩ kamaĩnõ Betelnamãsho mia meramayãta ivo ea. Ramaro ano shaváyatso, ano nokósho anõ maki ati tapo earavĩki ea ashõtso”, akĩ.
2Ãwẽ aská akatõsho, ãwẽ vakerasĩ, ãwẽ shokõkenavo aká ato tanamakĩ. “Yora shoko wetsarasĩni yové yochĩ, mã ravia ivorasĩ potana. Matõ chinã roavaíki õpo wetsa vená arína. 3Askávai Betelnamã nõ vonõ. Anosho, ẽ onís awemaĩnõ ea take apawaya ivo, ẽ niátipakĩ ea eneimai niaya ivo Yové Koĩ anõ maki ati tapo ẽ ashõnõ”, ato akĩ.
4Ãwẽ askámaĩnõ, yové yochĩ atõ toĩa ivorasĩ, pãtxõ osõti akárasĩ, Jacó keyoki atõ inãatõsho, Siquém shavá orakama iwi anika tavá maĩ oneki. 5Askái atõ vomaĩnõ Yové Koĩni ato kesotõ shaváyai ivorasĩ ato raket akĩ. Ato ãwẽ aská akatõsho, Jacónĩ ã vakerasĩ meskoma ikívo.
6Askái, Jacó ãwẽ shokõkenavonĩ “Luz” akĩ atõ anea shavá nokoki, ãwẽ ane wetsaro Betel, Canaã mai naki. 7Anosho, anõ maki ati tapo avaikĩ “El-Betel”, akĩ aneki.#35.7 Hebraicõ vana “El-Betel” ikíro “Yovepa shavá” Awesáma, anosho Yové Koĩni oĩmayãtá, ãwẽ take kayashovainii ãwẽ kamaĩnõ.
8Askái, anosho Débora, Rebeca vesoya ivo aĩvo vopii. Betel orakama iwi carvalho tavá onetivo, askásho “Alom-Bacute”, akĩ anetivo.#35.8 Hebraicõ vana “Alom-Bacute” ikíro “rona iwi”
9Askávai txipo askákarãi Padã-Arãnamãsho ãwẽ omaĩnõ Yové Koĩni meraósho, vana roapa netãki. 10“Mĩ anero ‘Jacó’ askámẽkĩ rama mia anekiro ‘Jacó’ mia aotĩpá. Rama mĩ anero ‘Israelvere’”, akĩ anesho eneki. 11Aská avaikĩ tanamaóki. “earo Yové Weeya ivo. Ãtsa akĩ ato revomatso. Askái minõsho yora shoko wetsa, arí wetsai shokopakéa aká shovivaĩkatsa, atomẽsho kakáya mestẽka ivorasĩ merákatsavo. 12Abraãonĩ Isaque mai ato ẽ inãti ivo mia ẽ inãókatsa, ato mĩ revomaivorasĩ askásevi akĩ ato inãi ẽ akatsai”, akĩ tanamakĩ. 13Askái anosho Yové Koĩ Jacónĩ vanai mashtékaĩi weníkaĩi.
14Askái ãwẽ vana vananamãsho, Jacopa shasho mashko masõníki voró akĩ. Aská avaikĩ, aká ivo ene, azeite sheni akátõ matxi mavó ashõ eneki. 15Askái Yové Koĩ vananamã “Betel”, akĩ aneki.
Raquel vopiti ivo yoã
16Askávai txipo Betelnamãsho weníkaĩi, ãwẽ vakerasĩnĩ. Askái ã kaanamãsho, Efrata atõ aká omakaĩanamãsho, Raquel tõo nene avawãki. Askái ãwẽ vake rayá pakéma. 17Askáki, ãwẽ mai avawãmaĩnõ too imayatõ aská akĩ. “Rakéroa, venevake wetsa mia aya ikatsai”, akĩ tanamakĩ. 18Askámaĩnõ Raquẽl vopikatsiinã, “Benoni”, akĩ aneki.#35.18 Hebraicõ vana “Benoni” ikíro “ẽ anõ onís awea vake” Askámaĩnõ ãwẽ papã anekiro “Benjamim”, akĩ.#35.18 Hebraicõ vana “Benjamim” ikíro “ẽ mekiri ivo vake” 19Askái ãwẽ vopimaĩnõ Efrata vai kesó onevo, rama “Belém” akĩ atõ aneanamã. 20Askái, ãwẽ aĩ onéanamã shasho mashko masõníki voró ashõ eneki, anõsho ã onéa onãtakĩ oĩti iinã. Aaivo voró rama niisa.
21Askái anosho iokaĩi, “Migdal-Eder”, atõ akánamã peshé ashõ nioi kaí.#35.21 Hebraicõ vana “Migdal-Eder” ikíro “inárasĩ shokoanamã voró” 22Askái aaivo maĩ ãwẽ niánamãsho, ã vake Rúbeni, ã papã rakãa aĩvo Bila ivo meskõkãki. Ãwẽ aská akãa, ãwẽ papã tanaki.
Jacopa merávo ivo yoã
Aatiã Israel 12 vake venevake aya.
23Naatíiro Lia ivomẽsho ãwẽ merati. Rúbenro vevoké, atxõyavoro Simeão, Levi, Judá, Issacar, Zebulom aká.
24Naatíiro Raquel ivomẽsho ãwẽ merati, José, Benjamim aatíi.
25Naatíiro Bila, Raquel mee ishõyamẽsho ãwẽ merati, Dã, Naftali aatíi.
26Askámaĩnõ, naatíiro Zilpa, Lia mee ishõyamẽsho ãwẽ merati, Gade, Aser aatíi. Naarasĩ katsésero Padã-Arãnamãsho ãwẽ merati.
Isaque vopiti ivo yoã
27Askái Jacó ano nishõ ãwẽ papa Isaque Manre mainamã niá oĩnõ iinã chinãvaĩi kaí. Aaivo mairo Quiriate-Arba akĩ atõ anea orakama, ãwẽ ane wetsaro Hebrom, ã papa Abraãonĩ ãwẽ nipawanamã. 28Askái Isaque 180 vari niti. 29Sheniwetsa mashtésho ãwẽ papavo merai kati. Askámaĩnõ ãwẽ vakerasĩni, Esaúnĩsho Jacopa onetivo.
Currently Selected:
Wenía 35: YKV
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved
Wenía 35
35
Jacó arimẽse Betelkiri iokarãti ivo yoã
1Askávai txipo Yové Koĩni Jacó tanamakĩ. “Earo Yové mĩ take kayashoi mĩ kamaĩnõ Betelnamãsho mia meramayãta ivo ea. Ramaro ano shaváyatso, ano nokósho anõ maki ati tapo earavĩki ea ashõtso”, akĩ.
2Ãwẽ aská akatõsho, ãwẽ vakerasĩ, ãwẽ shokõkenavo aká ato tanamakĩ. “Yora shoko wetsarasĩni yové yochĩ, mã ravia ivorasĩ potana. Matõ chinã roavaíki õpo wetsa vená arína. 3Askávai Betelnamã nõ vonõ. Anosho, ẽ onís awemaĩnõ ea take apawaya ivo, ẽ niátipakĩ ea eneimai niaya ivo Yové Koĩ anõ maki ati tapo ẽ ashõnõ”, ato akĩ.
4Ãwẽ askámaĩnõ, yové yochĩ atõ toĩa ivorasĩ, pãtxõ osõti akárasĩ, Jacó keyoki atõ inãatõsho, Siquém shavá orakama iwi anika tavá maĩ oneki. 5Askái atõ vomaĩnõ Yové Koĩni ato kesotõ shaváyai ivorasĩ ato raket akĩ. Ato ãwẽ aská akatõsho, Jacónĩ ã vakerasĩ meskoma ikívo.
6Askái, Jacó ãwẽ shokõkenavonĩ “Luz” akĩ atõ anea shavá nokoki, ãwẽ ane wetsaro Betel, Canaã mai naki. 7Anosho, anõ maki ati tapo avaikĩ “El-Betel”, akĩ aneki.#35.7 Hebraicõ vana “El-Betel” ikíro “Yovepa shavá” Awesáma, anosho Yové Koĩni oĩmayãtá, ãwẽ take kayashovainii ãwẽ kamaĩnõ.
8Askái, anosho Débora, Rebeca vesoya ivo aĩvo vopii. Betel orakama iwi carvalho tavá onetivo, askásho “Alom-Bacute”, akĩ anetivo.#35.8 Hebraicõ vana “Alom-Bacute” ikíro “rona iwi”
9Askávai txipo askákarãi Padã-Arãnamãsho ãwẽ omaĩnõ Yové Koĩni meraósho, vana roapa netãki. 10“Mĩ anero ‘Jacó’ askámẽkĩ rama mia anekiro ‘Jacó’ mia aotĩpá. Rama mĩ anero ‘Israelvere’”, akĩ anesho eneki. 11Aská avaikĩ tanamaóki. “earo Yové Weeya ivo. Ãtsa akĩ ato revomatso. Askái minõsho yora shoko wetsa, arí wetsai shokopakéa aká shovivaĩkatsa, atomẽsho kakáya mestẽka ivorasĩ merákatsavo. 12Abraãonĩ Isaque mai ato ẽ inãti ivo mia ẽ inãókatsa, ato mĩ revomaivorasĩ askásevi akĩ ato inãi ẽ akatsai”, akĩ tanamakĩ. 13Askái anosho Yové Koĩ Jacónĩ vanai mashtékaĩi weníkaĩi.
14Askái ãwẽ vana vananamãsho, Jacopa shasho mashko masõníki voró akĩ. Aská avaikĩ, aká ivo ene, azeite sheni akátõ matxi mavó ashõ eneki. 15Askái Yové Koĩ vananamã “Betel”, akĩ aneki.
Raquel vopiti ivo yoã
16Askávai txipo Betelnamãsho weníkaĩi, ãwẽ vakerasĩnĩ. Askái ã kaanamãsho, Efrata atõ aká omakaĩanamãsho, Raquel tõo nene avawãki. Askái ãwẽ vake rayá pakéma. 17Askáki, ãwẽ mai avawãmaĩnõ too imayatõ aská akĩ. “Rakéroa, venevake wetsa mia aya ikatsai”, akĩ tanamakĩ. 18Askámaĩnõ Raquẽl vopikatsiinã, “Benoni”, akĩ aneki.#35.18 Hebraicõ vana “Benoni” ikíro “ẽ anõ onís awea vake” Askámaĩnõ ãwẽ papã anekiro “Benjamim”, akĩ.#35.18 Hebraicõ vana “Benjamim” ikíro “ẽ mekiri ivo vake” 19Askái ãwẽ vopimaĩnõ Efrata vai kesó onevo, rama “Belém” akĩ atõ aneanamã. 20Askái, ãwẽ aĩ onéanamã shasho mashko masõníki voró ashõ eneki, anõsho ã onéa onãtakĩ oĩti iinã. Aaivo voró rama niisa.
21Askái anosho iokaĩi, “Migdal-Eder”, atõ akánamã peshé ashõ nioi kaí.#35.21 Hebraicõ vana “Migdal-Eder” ikíro “inárasĩ shokoanamã voró” 22Askái aaivo maĩ ãwẽ niánamãsho, ã vake Rúbeni, ã papã rakãa aĩvo Bila ivo meskõkãki. Ãwẽ aská akãa, ãwẽ papã tanaki.
Jacopa merávo ivo yoã
Aatiã Israel 12 vake venevake aya.
23Naatíiro Lia ivomẽsho ãwẽ merati. Rúbenro vevoké, atxõyavoro Simeão, Levi, Judá, Issacar, Zebulom aká.
24Naatíiro Raquel ivomẽsho ãwẽ merati, José, Benjamim aatíi.
25Naatíiro Bila, Raquel mee ishõyamẽsho ãwẽ merati, Dã, Naftali aatíi.
26Askámaĩnõ, naatíiro Zilpa, Lia mee ishõyamẽsho ãwẽ merati, Gade, Aser aatíi. Naarasĩ katsésero Padã-Arãnamãsho ãwẽ merati.
Isaque vopiti ivo yoã
27Askái Jacó ano nishõ ãwẽ papa Isaque Manre mainamã niá oĩnõ iinã chinãvaĩi kaí. Aaivo mairo Quiriate-Arba akĩ atõ anea orakama, ãwẽ ane wetsaro Hebrom, ã papa Abraãonĩ ãwẽ nipawanamã. 28Askái Isaque 180 vari niti. 29Sheniwetsa mashtésho ãwẽ papavo merai kati. Askámaĩnõ ãwẽ vakerasĩni, Esaúnĩsho Jacopa onetivo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved