Wenía 44
44
Josepa anõ ati ivo yoã
1Askávai txipo, Josepa, “neská atso”, iinã ãwẽ takevo shovonamã ato ewevaiya ivo kakáya tanamakĩ. “Saco atõ vivarãa ivõ atõ papiti tanasho, piti ato tĩi ashõvaíki, naki kopímati atõ anõ viá ivo arimẽse ato naneshopátso, ave vivaĩtanõvo. 2Aská avaikĩ, ẽ prata kaníko, ẽ take txipokena ivo sacõ, naki nanetso, trigo, ãwẽ anõ viti kopímati õsiki”, akĩ. Aská akĩ ãwẽ yonoatõsho, Josepa yonoa keská ashõki.
3Askávaĩi vakíchnõse ãwẽ takevo, atõ jumento vivainii voávo. 4Askávaĩi voí, cidade atõ enevaĩsmaĩnõse, Josepa ãwẽ shovo vesoya kakáya tanamaóki. “Voayavo yorarasĩ ato txivãvaĩta. Ato txivãtachísho, ato neská atso. ‘Roakakĩ mato ẽ vesovaimẽkĩ awesainã ea mã ichná avarãrá? 5Ẽ kakáyatõ prata kaníko, anõsho ãwẽ onãtakĩ oĩa, ãwẽ arí anõ aká ivo kaníko#44.5 “Aatiã shavapa askákatsa” ikĩ, anõ ãwẽ oĩa ivo kaníko mã onẽvarãai, ichná anikatõ mã ivarãai’, ato atso”, akĩ.
6Askáki ãwẽ yonoa kashõ, ato txivãtachísho, Josepa yosĩatõ ato akĩ. 7Ãwẽ askámaĩnõ revínívo. “Awesainã noke ãwẽ aská aorakĩ. Noke aská tanáti yamarivi. 8Canaã mainamãsho nokẽ piti saco naki kopímati tĩi ikí meravaíki arimẽse ma nõ vishõvarãvaikatá. Awesainãkata kakáyã shovonamã weisho prata ouro aká nõ onevarãaikĩ? 9Noke wetsase ãwẽ papipa kaníko meráa ivoro, aaivo yamakatsa askámaĩnõ, wetsarasĩro, kakáyatõ ato ave mee imanõvo”, akávo.
10Atõ askámaĩnõ revíki. “Roase, kaníko meráya ivoro, ẽ mee imanõ, askámaĩnõ, wetsarasĩro atõ voá roase”, ato akĩ.
11Anosho rayákise atõ papí kãtxipakevaíki, vepẽvo. 12Askámaĩnõ shovo vesoya kakáyatõ atõ piti sacorasĩ naki itimavaikĩ, vevoké ivopari oĩkãi, aská avaikĩ atxõya wetsa oĩkãi, aská avaikĩ Benjamim ivo nokovaĩsho papí naki kaníko nanéa meraki. 13Ãwẽ askámaĩnõ ãwẽ takevõ atõ õpo aa veyósho ochni ochnivo. Aská avaikĩ arimẽse atõ papírasĩ jumento matxi masõníi, avai arimẽse vesoketani iovarãóvo, José anõ niá cidadenamã.
14Aská Judá ãwẽ takevonĩ, vesoketani okĩ, José ãwẽ shavapa anose niá nokotachísho, aa veyó maĩ vetsek ipávo. 15Atõ askámaĩnõ Josepa ato nĩkãki. “Awesa akĩ aská mã meskorá? Mato tanamará? Ea keská yora onãtakĩse oĩtirívikatá”, ãwẽ imaĩnõ, 16Judapa revíki. “Awesashokata mia nõ revíkĩ? Awesa ikíkata nõ vanaikĩ? Awesatõkata nõ pashaikĩ? Yové Koĩni nõ vana tavámayãta ivo noke ãwẽ kayá aká. Ramaro mia nõ mee ishõnõ, aa kaníko meráya ivonĩsho”, akĩ.
17Askámaĩnõ, “Askáma, ea mato aská akatĩpá! Aa kaníko meráya westíse ikatsai, ẽ mee ima. Wetsarasĩro roa akĩ matõ papa meramatãnoshõ”, ato akĩ.
18Atõ askámaĩnõ Judapa, kochikaĩki José veyakésho anõ esayakĩ vana akĩ. “Ase, vana westíkase mia revínõ, nĩkãtso. Enõ ichná akĩ chinãroa, miaro kakáya Faraó keskáserívi, chinãtso. 19Neská akĩ noke mĩ nĩkãchná, chinãtso. ‘Mato papa ayaserá, mato take wetsa ayasevirá?’ noke mĩ achĩa. 20Noke mĩ askámaĩnõ mia revíki. ‘Nokẽ papa sheniwetsaya, aská sheniwetsasho nishõ, ãwẽ vakeya txipokéchta aya. Askámaĩnõ ãwẽ take wetsaro vopiya. Ramaro ãwẽ ewã vake aa westíchtaserívi, ãwẽ papa anõ noípá’, iinã mia nõ yoãshochĩkatá. 21Askámaĩnõ, ‘ewevarãtsoma askáro, ẽ oĩnõ’, noke mĩ amaĩnõ 22mia revíki. ‘Aa veronero ãwẽ papa enekésmarvi. Ãatõ enekéro ãwẽ papa vopirívi’, iinã mia nõ yoãshochĩa. 23Nõ askámaĩnõ, ‘matõ take txipoke ivo mã ewevarãma ivoro, txipokiri ea mato verõ tsakaóma ikatsai’, noke mĩ achĩa. 24Aská nokẽ shavapa nokóvaĩsho, mĩ vana keská akĩ papa nõ yoãshochĩa.
25Askávai txipo nokẽ papã ‘piti viótana’, noke ãwẽ amaĩnõ, 26revíki. ‘Nokẽ take txipoke nokenĩ kaama ivoro, noke ari iovaĩtĩpá. Awesáma, aa yora txipokiri noke verõ tsakaotĩpá’, nõ akátõsho, 27nokẽ papa vanai, ‘mã oĩakatá. Aaivorasĩ ẽ aĩmẽsho, venevake ravévakĩchtase ẽ meraanã. 28Wetsã ea ma pashkáshochĩa, yoini onipatõ ea ma akãchná taíse, txipokiri ea oĩóma. 29Rama naaivo ea mã ewẽvaĩotsíki, askái kaí, ãwẽ ichnák pakémaĩnõ, ronã ea tenãa, mapo oshokase ẽ onéa mã oĩkatsa’, noke achĩa.
30Askásho rama Benjamim yamasho ẽ papa ẽ nokovaĩa, nokenĩ ãwẽ kaama oĩinãro, 31ãwẽ vopirívi, anõ noíkasho. Aská nokẽ papa mapo oshokase nõ onekatsa. 32Askámísi iinã ‘Benjamim eã ẽ vesovaĩkatsa. Avé iyaketãi okĩ roakĩ miaka ẽ eneshoáma oĩinãrvi, ichná neesho ẽ vopinõ, mĩ oĩni’, iinã papa ẽ tanamachĩa. 33Askáinã ramaro, ea arí, Benjamim shanẽne kopímáma mee imaki. Ãwẽ takevonĩ ave katãnõ. 34Aweshõkata avéshoma ẽ papa meramai kaikĩ? Ẽ papa naí chinãyai niá ea oĩkatsikíma”, akĩ revíki Judapa.
Currently Selected:
Wenía 44: YKV
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved
Wenía 44
44
Josepa anõ ati ivo yoã
1Askávai txipo, Josepa, “neská atso”, iinã ãwẽ takevo shovonamã ato ewevaiya ivo kakáya tanamakĩ. “Saco atõ vivarãa ivõ atõ papiti tanasho, piti ato tĩi ashõvaíki, naki kopímati atõ anõ viá ivo arimẽse ato naneshopátso, ave vivaĩtanõvo. 2Aská avaikĩ, ẽ prata kaníko, ẽ take txipokena ivo sacõ, naki nanetso, trigo, ãwẽ anõ viti kopímati õsiki”, akĩ. Aská akĩ ãwẽ yonoatõsho, Josepa yonoa keská ashõki.
3Askávaĩi vakíchnõse ãwẽ takevo, atõ jumento vivainii voávo. 4Askávaĩi voí, cidade atõ enevaĩsmaĩnõse, Josepa ãwẽ shovo vesoya kakáya tanamaóki. “Voayavo yorarasĩ ato txivãvaĩta. Ato txivãtachísho, ato neská atso. ‘Roakakĩ mato ẽ vesovaimẽkĩ awesainã ea mã ichná avarãrá? 5Ẽ kakáyatõ prata kaníko, anõsho ãwẽ onãtakĩ oĩa, ãwẽ arí anõ aká ivo kaníko#44.5 “Aatiã shavapa askákatsa” ikĩ, anõ ãwẽ oĩa ivo kaníko mã onẽvarãai, ichná anikatõ mã ivarãai’, ato atso”, akĩ.
6Askáki ãwẽ yonoa kashõ, ato txivãtachísho, Josepa yosĩatõ ato akĩ. 7Ãwẽ askámaĩnõ revínívo. “Awesainã noke ãwẽ aská aorakĩ. Noke aská tanáti yamarivi. 8Canaã mainamãsho nokẽ piti saco naki kopímati tĩi ikí meravaíki arimẽse ma nõ vishõvarãvaikatá. Awesainãkata kakáyã shovonamã weisho prata ouro aká nõ onevarãaikĩ? 9Noke wetsase ãwẽ papipa kaníko meráa ivoro, aaivo yamakatsa askámaĩnõ, wetsarasĩro, kakáyatõ ato ave mee imanõvo”, akávo.
10Atõ askámaĩnõ revíki. “Roase, kaníko meráya ivoro, ẽ mee imanõ, askámaĩnõ, wetsarasĩro atõ voá roase”, ato akĩ.
11Anosho rayákise atõ papí kãtxipakevaíki, vepẽvo. 12Askámaĩnõ shovo vesoya kakáyatõ atõ piti sacorasĩ naki itimavaikĩ, vevoké ivopari oĩkãi, aská avaikĩ atxõya wetsa oĩkãi, aská avaikĩ Benjamim ivo nokovaĩsho papí naki kaníko nanéa meraki. 13Ãwẽ askámaĩnõ ãwẽ takevõ atõ õpo aa veyósho ochni ochnivo. Aská avaikĩ arimẽse atõ papírasĩ jumento matxi masõníi, avai arimẽse vesoketani iovarãóvo, José anõ niá cidadenamã.
14Aská Judá ãwẽ takevonĩ, vesoketani okĩ, José ãwẽ shavapa anose niá nokotachísho, aa veyó maĩ vetsek ipávo. 15Atõ askámaĩnõ Josepa ato nĩkãki. “Awesa akĩ aská mã meskorá? Mato tanamará? Ea keská yora onãtakĩse oĩtirívikatá”, ãwẽ imaĩnõ, 16Judapa revíki. “Awesashokata mia nõ revíkĩ? Awesa ikíkata nõ vanaikĩ? Awesatõkata nõ pashaikĩ? Yové Koĩni nõ vana tavámayãta ivo noke ãwẽ kayá aká. Ramaro mia nõ mee ishõnõ, aa kaníko meráya ivonĩsho”, akĩ.
17Askámaĩnõ, “Askáma, ea mato aská akatĩpá! Aa kaníko meráya westíse ikatsai, ẽ mee ima. Wetsarasĩro roa akĩ matõ papa meramatãnoshõ”, ato akĩ.
18Atõ askámaĩnõ Judapa, kochikaĩki José veyakésho anõ esayakĩ vana akĩ. “Ase, vana westíkase mia revínõ, nĩkãtso. Enõ ichná akĩ chinãroa, miaro kakáya Faraó keskáserívi, chinãtso. 19Neská akĩ noke mĩ nĩkãchná, chinãtso. ‘Mato papa ayaserá, mato take wetsa ayasevirá?’ noke mĩ achĩa. 20Noke mĩ askámaĩnõ mia revíki. ‘Nokẽ papa sheniwetsaya, aská sheniwetsasho nishõ, ãwẽ vakeya txipokéchta aya. Askámaĩnõ ãwẽ take wetsaro vopiya. Ramaro ãwẽ ewã vake aa westíchtaserívi, ãwẽ papa anõ noípá’, iinã mia nõ yoãshochĩkatá. 21Askámaĩnõ, ‘ewevarãtsoma askáro, ẽ oĩnõ’, noke mĩ amaĩnõ 22mia revíki. ‘Aa veronero ãwẽ papa enekésmarvi. Ãatõ enekéro ãwẽ papa vopirívi’, iinã mia nõ yoãshochĩa. 23Nõ askámaĩnõ, ‘matõ take txipoke ivo mã ewevarãma ivoro, txipokiri ea mato verõ tsakaóma ikatsai’, noke mĩ achĩa. 24Aská nokẽ shavapa nokóvaĩsho, mĩ vana keská akĩ papa nõ yoãshochĩa.
25Askávai txipo nokẽ papã ‘piti viótana’, noke ãwẽ amaĩnõ, 26revíki. ‘Nokẽ take txipoke nokenĩ kaama ivoro, noke ari iovaĩtĩpá. Awesáma, aa yora txipokiri noke verõ tsakaotĩpá’, nõ akátõsho, 27nokẽ papa vanai, ‘mã oĩakatá. Aaivorasĩ ẽ aĩmẽsho, venevake ravévakĩchtase ẽ meraanã. 28Wetsã ea ma pashkáshochĩa, yoini onipatõ ea ma akãchná taíse, txipokiri ea oĩóma. 29Rama naaivo ea mã ewẽvaĩotsíki, askái kaí, ãwẽ ichnák pakémaĩnõ, ronã ea tenãa, mapo oshokase ẽ onéa mã oĩkatsa’, noke achĩa.
30Askásho rama Benjamim yamasho ẽ papa ẽ nokovaĩa, nokenĩ ãwẽ kaama oĩinãro, 31ãwẽ vopirívi, anõ noíkasho. Aská nokẽ papa mapo oshokase nõ onekatsa. 32Askámísi iinã ‘Benjamim eã ẽ vesovaĩkatsa. Avé iyaketãi okĩ roakĩ miaka ẽ eneshoáma oĩinãrvi, ichná neesho ẽ vopinõ, mĩ oĩni’, iinã papa ẽ tanamachĩa. 33Askáinã ramaro, ea arí, Benjamim shanẽne kopímáma mee imaki. Ãwẽ takevonĩ ave katãnõ. 34Aweshõkata avéshoma ẽ papa meramai kaikĩ? Ẽ papa naí chinãyai niá ea oĩkatsikíma”, akĩ revíki Judapa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved