Чапарзабазул ишал 1
1
1 бетӀер
ЦеберагӀи
1Теофил, дирго тӀоцебесеб тӀехьалда дица хъван букӀана, зобалазде восун араб къоялде щвезегӀан ГӀисаца гьабунщиналъулги малъанщиналъулги хӀакъалъулъ. 2Гьеб къоялъ ГӀисаца Илагьияб РухӀалдалъун насихӀатги гьабуна жинцаго тӀаса рищарал чапарзабазе. 3ГӀазаб-гӀакъуба хӀехьон хадубги ГӀисаца живго чӀаго вукӀин чапарзабазда бихьизабуна, гьезул щибниги щаклъи кколаредухъ. КӀикъого къоялъ бажарана гьев вихьизе, ва гьес гьезда бицана Аллагьасул ПарччахӀлъиялъул.
4Цадахъ кваналев вукӀараб мехалъ ГӀисаца гьезда лъазабуна:
– Дица нужеда абураб къагӀидаялъ, Инсуца нужее кьураб рагӀи тӀубазегӀан, Иерусалималдаса нахъе унге нуж. 5ЯхӀя аварагас лъадаца чурулаан, нужин абуни, гӀемер заман иналдего Илагьияб РухӀалъ чурила.
ГӀиса зобалазде восун уна
6Гьедин данделъараб мехалъ чапарзабаз ГӀисада гьикъана:
– Я, БетӀерчӀахъад, Исраилил халкъалъул парччахӀлъи гьанже цӀидасан рукӀалиде ккезабизехъинцин гьечӀищ дуца?
7Гьес абуна:
– Инсуца жиндирго къудраталдалъун чӀезабураб заманги болжалги нужеда лъазе кколаро. 8Амма Илагьияб РухӀ нужехъе рещтӀараб мехалъ, къудратги щвела нужее. Цинги дир хӀакъалъулъ бицунел нугӀзаллъун рукӀина нуж цин Иерусалималда ва тӀолабго Ягьудиялдагун Самариялда, цинги дуниялалъул рагӀалде щвезегӀанги.
9Гьедин абун бахъарабго, ралагьун гьелгун, ГӀиса зобалазде восун ана ва накӀкӀул парчаялъ вихьудаса тӀерхьинавуна.
10Гьесда хадур зодихъе ралагьун гьал рукӀаго, гьале хъахӀал гӀабаби ретӀарав кӀиго чи вачӀун чӀана гьазда аскӀов. Гьез абуна:
11– Ле, галилеялдасел, щай нуж зодихъе ралагьун чӀолел? Нужеда зобалазде восун унев вихьарав гьев ГӀиса, нужеда аскӀоса зобалазде унев вихьараб къагӀидаялъ вачӀина нужехъе.
Маттияги чапарлъун лъугьуна
12Цинги гьел, Иерусалималдаса цо километралъул манзилалда бугеб Зайтуналъул магӀардаса гӀодоре рещтӀун, Иерусалималде тӀадруссана.
13Жалго рещтӀараб минаялде щун, тӀасарокъоре рахана ва гьенир чӀана. Гьенир рукӀана Пётр ва Иоанн, Якъуб ва Андрей, Филипп ва Фома, Бартоломей ва Матфей, Алфейил вас Якъуб, Симон Зелот ва Якъубил вац Ягьуда. 14Гьел киналго данделъулаан, цадахъ какал ралаан. Гьезда цадахъ как-кӀалалда рукӀунаан цо-цо руччабиги, ГӀисал эбел Марямги, гьесул вацалги.
15Цо чанго къоялдасан, нусиялда къогогӀанасев диналъул вац данделъараб бакӀалда, гьезда цевеги вахъун, Пётрица абуна:
16-17– ГӀенеккея, вацал! Нилъеда гьоркьов вукӀарав ва нилъер ишалъулъ гӀахьаллъиги жиндие насиблъарав, амма ГӀиса кквезе рачӀаразда нух бихьизабурав Ягьудал хӀакъалъулъ Илагьияб РухӀалдалъун Давуд аварагас некӀого абун букӀараб рагӀи ритӀухълъана. (18Гьеб гӀасияб ишалъухъ щвараб гӀарацги кьун, хур босана Ягьудаца. Ва гӀодов речӀчӀун, чехь кьвагьун хвана гьев, кинабго бакь-кӀачги къватӀибе бачӀана. 19Гьеб лъана Иерусалималъул кинабго халкъалда. Гьединлъидал гьезул мацӀалда Акелдама абун цӀар лъуна гьеб хуралда. «Бидул хур» абураб магӀна буго гьелъул.) 20Туркабазул Хирияб ТӀехьалда гьелъул хӀакъалъулъ гьадин хъван буго:
«БетӀергьанчи гьечӀого гьесул мулкги хутӀаги,
Жанив чиго гьечӀого гьесул рукъги хутӀаги».
Цоги гьениб хъван буго:
«Гьев хисун наиблъун цогидав тӀамизе ккола».
21-22Гьединлъидал цо чи тӀаса вищизе ккола, ГӀиса хваралъуса вахъанилан гьесги нилъеда цадахъ нугӀлъи гьабизе. Гьев вукӀине ккола ТӀадегӀанав ГӀиса нилъгун вугеб заманаялда кидаго – ЯхӀяца лъадалъ ччун вахъаралдаса зобалазде восун араб къоялде щвезегӀан, – нилъеда гьоркьов вукӀарав чи.
23КӀиго чи вихьизавуна гьез: Баршаббайин абулев Юсупги (Юстиланги абулаан гьесда) Маттияги. 24-25Цинги гьел Аллагьасде гьардезе лъугьана:
– Я, БетӀергьан! Дуда лъалаха щивав чиясул ракӀалда бугеб жо. Чапарлъиги Аллагьасе хъулухъги рехун тун, Ягьуда жиндиего данде кколелъуве индал, гьесул бакӀалде восизе гьав кӀиясулго кинав дуца тӀаса вищаравали бихьизабе.
26Цинги гьев кӀиясего можоро тӀамуна гьаз. Можороялъ Маттия бергьана. Гьедин анцӀила кӀиабилев чапарлъун лъугьана Маттия.
Currently Selected:
Чапарзабазул ишал 1: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Чапарзабазул ишал 1
1
1 бетӀер
ЦеберагӀи
1Теофил, дирго тӀоцебесеб тӀехьалда дица хъван букӀана, зобалазде восун араб къоялде щвезегӀан ГӀисаца гьабунщиналъулги малъанщиналъулги хӀакъалъулъ. 2Гьеб къоялъ ГӀисаца Илагьияб РухӀалдалъун насихӀатги гьабуна жинцаго тӀаса рищарал чапарзабазе. 3ГӀазаб-гӀакъуба хӀехьон хадубги ГӀисаца живго чӀаго вукӀин чапарзабазда бихьизабуна, гьезул щибниги щаклъи кколаредухъ. КӀикъого къоялъ бажарана гьев вихьизе, ва гьес гьезда бицана Аллагьасул ПарччахӀлъиялъул.
4Цадахъ кваналев вукӀараб мехалъ ГӀисаца гьезда лъазабуна:
– Дица нужеда абураб къагӀидаялъ, Инсуца нужее кьураб рагӀи тӀубазегӀан, Иерусалималдаса нахъе унге нуж. 5ЯхӀя аварагас лъадаца чурулаан, нужин абуни, гӀемер заман иналдего Илагьияб РухӀалъ чурила.
ГӀиса зобалазде восун уна
6Гьедин данделъараб мехалъ чапарзабаз ГӀисада гьикъана:
– Я, БетӀерчӀахъад, Исраилил халкъалъул парччахӀлъи гьанже цӀидасан рукӀалиде ккезабизехъинцин гьечӀищ дуца?
7Гьес абуна:
– Инсуца жиндирго къудраталдалъун чӀезабураб заманги болжалги нужеда лъазе кколаро. 8Амма Илагьияб РухӀ нужехъе рещтӀараб мехалъ, къудратги щвела нужее. Цинги дир хӀакъалъулъ бицунел нугӀзаллъун рукӀина нуж цин Иерусалималда ва тӀолабго Ягьудиялдагун Самариялда, цинги дуниялалъул рагӀалде щвезегӀанги.
9Гьедин абун бахъарабго, ралагьун гьелгун, ГӀиса зобалазде восун ана ва накӀкӀул парчаялъ вихьудаса тӀерхьинавуна.
10Гьесда хадур зодихъе ралагьун гьал рукӀаго, гьале хъахӀал гӀабаби ретӀарав кӀиго чи вачӀун чӀана гьазда аскӀов. Гьез абуна:
11– Ле, галилеялдасел, щай нуж зодихъе ралагьун чӀолел? Нужеда зобалазде восун унев вихьарав гьев ГӀиса, нужеда аскӀоса зобалазде унев вихьараб къагӀидаялъ вачӀина нужехъе.
Маттияги чапарлъун лъугьуна
12Цинги гьел, Иерусалималдаса цо километралъул манзилалда бугеб Зайтуналъул магӀардаса гӀодоре рещтӀун, Иерусалималде тӀадруссана.
13Жалго рещтӀараб минаялде щун, тӀасарокъоре рахана ва гьенир чӀана. Гьенир рукӀана Пётр ва Иоанн, Якъуб ва Андрей, Филипп ва Фома, Бартоломей ва Матфей, Алфейил вас Якъуб, Симон Зелот ва Якъубил вац Ягьуда. 14Гьел киналго данделъулаан, цадахъ какал ралаан. Гьезда цадахъ как-кӀалалда рукӀунаан цо-цо руччабиги, ГӀисал эбел Марямги, гьесул вацалги.
15Цо чанго къоялдасан, нусиялда къогогӀанасев диналъул вац данделъараб бакӀалда, гьезда цевеги вахъун, Пётрица абуна:
16-17– ГӀенеккея, вацал! Нилъеда гьоркьов вукӀарав ва нилъер ишалъулъ гӀахьаллъиги жиндие насиблъарав, амма ГӀиса кквезе рачӀаразда нух бихьизабурав Ягьудал хӀакъалъулъ Илагьияб РухӀалдалъун Давуд аварагас некӀого абун букӀараб рагӀи ритӀухълъана. (18Гьеб гӀасияб ишалъухъ щвараб гӀарацги кьун, хур босана Ягьудаца. Ва гӀодов речӀчӀун, чехь кьвагьун хвана гьев, кинабго бакь-кӀачги къватӀибе бачӀана. 19Гьеб лъана Иерусалималъул кинабго халкъалда. Гьединлъидал гьезул мацӀалда Акелдама абун цӀар лъуна гьеб хуралда. «Бидул хур» абураб магӀна буго гьелъул.) 20Туркабазул Хирияб ТӀехьалда гьелъул хӀакъалъулъ гьадин хъван буго:
«БетӀергьанчи гьечӀого гьесул мулкги хутӀаги,
Жанив чиго гьечӀого гьесул рукъги хутӀаги».
Цоги гьениб хъван буго:
«Гьев хисун наиблъун цогидав тӀамизе ккола».
21-22Гьединлъидал цо чи тӀаса вищизе ккола, ГӀиса хваралъуса вахъанилан гьесги нилъеда цадахъ нугӀлъи гьабизе. Гьев вукӀине ккола ТӀадегӀанав ГӀиса нилъгун вугеб заманаялда кидаго – ЯхӀяца лъадалъ ччун вахъаралдаса зобалазде восун араб къоялде щвезегӀан, – нилъеда гьоркьов вукӀарав чи.
23КӀиго чи вихьизавуна гьез: Баршаббайин абулев Юсупги (Юстиланги абулаан гьесда) Маттияги. 24-25Цинги гьел Аллагьасде гьардезе лъугьана:
– Я, БетӀергьан! Дуда лъалаха щивав чиясул ракӀалда бугеб жо. Чапарлъиги Аллагьасе хъулухъги рехун тун, Ягьуда жиндиего данде кколелъуве индал, гьесул бакӀалде восизе гьав кӀиясулго кинав дуца тӀаса вищаравали бихьизабе.
26Цинги гьев кӀиясего можоро тӀамуна гьаз. Можороялъ Маттия бергьана. Гьедин анцӀила кӀиабилев чапарлъун лъугьана Маттия.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023