Чапарзабазул ишал 16
16
16 бетӀер
Тимофейги чапарзабазда цадахъ уна
1Гьелдаса хадув Павел щвана Дербиялде ва Листраялде. Тимофей абун цо мурид вукӀана Листраялда. Гьев вукӀана иман лъурай жугьутӀалъул вас, гьесул эмен вукӀана грекав. 2Листраялда ва Икониялда ругел вацаз веццана гьасие Тимофей. 3Павелие бокьана гьев цадахъ вачине. Гьединлъидал гьеб рахъалда ругел жугьутӀазул тӀадкӀалъай букӀунгутӀизе Тимофейие сунат гьабуна. Гьезда киназдаго лъалеб букӀиндалха гьасул эмен грекав вукӀин.
4Гьедин цо шагьаралдаса цоги шагьаралде ун, гьез диналъул вацазда бицунеб букӀана Иерусалималда чапарзабазги диниял бутӀрузги гьабураб хӀукмуялъул хӀакъалъулъ. Гьарулеб букӀана гьеб тӀубазабеян. 5Къоялдаса къоялде иман лъуразул агьлуялъул иман щулалъулеб букӀана, муъминзаби гӀемерлъулел рукӀана.
Троадаялда Павелие илгьам лъугьуна
6Рохалил хабар босун Асиялде ине Илагьияб РухӀалъ гьезие изну кьечӀелъул, Павелги гьесда цадахъ рукӀаралги ана Фригиялдасан ва Галатиялдасан. 7Амма Мисиялда дандбитӀун бугеб бакӀалде щун Битиниялде ине къасд гьабидал, ГӀисал РухӀалъ гьениреги риччачӀо гьал. 8Гьедин Мисияги къотӀун ун Троадаялде щвана.
9Гьеб сордоялъ цебетӀами лъугьун тӀаде вачӀун Македониялдаса цо чияс Павелида гьарана ралъад къотӀун жидехъе Македониялде вачӀайилан ва жидее кумек гьабейилан. 10Павелие гьеб цебетӀами лъугьун хадуб Македониялде ине гӀедегӀана ниж#16:10 Гьаб бакӀалдаса байбихьун Лукаца хъвалеб буго живго гӀахьаллъарал ишазул хӀакъалъулъ. . Нижеда бичӀчӀидалха Рохалил хабар бицине Аллагьас ниж гьенире ахӀулел ругеблъи.
Филиппиялдаса Лидияца иман лъола
11Троадаялдаса гамида рекӀун ниж Самофракия чӀинкӀиллъиялде ана. Нахъисеб къоялъ Неаполалде ана. 12Гьенисаги ана Филиппиялде. Гьеб батана Македониялъул гьеб рахъалда бугеб кӀудияб шагьар, Рималъул кверщаликь бугеб вилаят. Гьениб нижеца чанго къо бана.
13Шамат къоялъ ниж ана шагьаралдаса къватӀибехун бугеб гӀурул рагӀалде, жугьутӀаз какал ралеб бакӀ гьениб бугилан ккун. Гьенире рачӀарал руччабазда аскӀор гӀодор чӀун, гьелгун гара-чӀварулел рукӀана ниж. 14Тиатира шагьаралдаса Лидия абулей цо гӀаданги йикӀана нижехъ гӀенеккун. ЦӀакъго хирияб багӀараб ххам бичун бетӀербахъарай ва Аллагьасе гӀибадатги гьабулей гӀадан йикӀана гьей. ТӀадегӀанас гьелъул ракӀ гьесизабуна Павелил рагӀи гӀадахъ босизе. 15Гьелдаса хадур гьейги гьелъул рукъалъул агьлуги лъадалъ ччун рахъидал, гьей гьардезе лъугьана:
– ХӀакълъунго дун ТӀадегӀанасда божулей йикӀиналда нужер ракӀчӀей батани, дихъе гьоболлъухъ рилълъа, – ян.
Жиндаго цадахъ рилълъине разилъизаруна гьелъ ниж.
Павелги Силаги туснахъалъур тӀамула
16Цо къоялъ какал ралеб бакӀалде унаго, цо гӀолохъанай гъараваш данде ккана. Гьей йигоан карамалъи бугей гӀадан, букӀине-ккезе бугебщинаб цебеккунго бицунеб жен букӀана гьелъул чорхолъ. Гьедин пал тӀамун гьелъ гӀемераб гӀарац бакӀарулаан жиндирго бетӀергьабазе. 17Павелидаги нижедаги хадуй ячӀунаго, чӀчӀичӀчӀидана гьей:
– Гьал руго ТӀадегӀанав Аллагьасе гӀибадат гьабулел гӀадамал. Гьез нилъеда бихьизабулеб буго нилъ хвасарлъулеб нух!
18Гьелдаса хадубги чанго къоялъ гьединго данде ячӀун чӀчӀичӀчӀидулаан гьей. Ахирги гьелдехун вуссун ццин бахъун, Павелица гьадин абуна гьей гӀаданалъулъ бугеб хъубаб женалда:
– МасихӀ ГӀисал цӀаралдалъун дица дуе амру гьабулеб буго гьей гӀаданалъул чорхолъа нахъе аян!
Ва гьебсагӀат нахъе ана гьеб.
19Жидее щолеб букӀараб хайиралдаса махӀрумлъарал гьей гъаравашалъул бетӀергьабаз, ккун рачун, Павелги Силаги базаркъотӀноре хӀакимзабазда аскӀоре щвезаруна. Гьелги судиязухъе рачун:
20– Гьал жугьутӀал руго, – ян абуна гьез, – гьаз нилъер шагьаралда питна багъаризабулеб буго. 21Нилъеца – Рималъул гӀадамаз – къабул гьаризеги тӀуразаризеги бегьуларел гӀадатал тӀиритӀизарулел руго гьаз.
22Халкъ цадахъго Павелидаги Силадаги тӀаделъана. Къадияз амру гьабуна, тӀаса ретӀелги бахъун, хьопоца рухеян. 23ЛъикӀго хьопоцаги рухун, туснахъалъур тӀамуна гьел. Туснахъалъул хӀакимасдаги лъазабуна лъутиларедухъ хъаравуллъи чӀезабеян. 24Гьеб буюрухъ тӀубазабун, гьес Павелги Силаги тӀамуна туснахъалъул бищунго жанибегӀан бугеб рокъор, гьазул бохдузда хӀухьдулги рана.
25Сордо бащалъулеб заманаялда Павелги Силаги дугӀаби гьарулел ва Аллагь веццун туркаби ахӀулел рукӀана. Гьазухъ гӀенеккун цогидал туснахъалги рукӀана. 26Тохлъукьего кутакалда ракь багъарана. КьучӀдасанго гьаргьадизе лъугьана туснахъалъул къадал. ГьебсагӀат киналго нуцӀби рагьун ана, туснахъалъур ругезда ран рукӀарал хӀухьдул рортун ана. 27Макьидаса вигьарав туснахъалъул хӀакимасда рихьана киналго нуцӀби рагь-рагьун ун. Туснахъал лъутун ун ратилилан ккун, бахъун хвалченгун живго жинцаго чӀвазехъин вукӀана гьев.
28– Воре, дуца дуего жаза гьабуге, ниж киналго гьанир руго, – ян ахӀана гьесде Павелица.
29Кан босизе чиги витӀун, туснахъалъул хӀаким векерун жаниве ана ва сородилаго Павелидаги Силадаги цеве кӀалагъоркье речӀчӀана. 30Цинги гьес, гьелги къватӀире рачун, гьикъана:
– Я, бетӀерчӀахъадал! Хвасарлъизе ккани, щиб дица гьабизе кколеб?
31– ТӀадегӀанав ГӀисада божани, мунги дур рукъалъул агьлуги хвасарлъила, – ян абуна гьез.
32Цинги гьесдаги гьесул рукъалъул агьлуялдаги Аллагьасдасан Рохалил хабар бицана. 33Гьеб сордоялъ рокъоре рачун гьес Павелилги Силалги ругънал чурана. ГьебсагӀат гьез гьевги гьесул рукъалъул агьлуги лъадалъ ччун рахъана. 34ТӀаде рачун гьес гьезие лъикӀаб гьоболлъи гьабуна, Аллагьасде иман лъеялдаса кутакалда рохун рукӀана гьевги гьесул рукъалъул агьлуги.
35Нахъисеб къоялъ радал судияз туснахъчиясухъе жидерго нукарзаби ритӀун рачӀана дов кӀиявго чи къватӀиве виччаян лъазабизе. 36Павелида аскӀове вачӀун туснахъчияс абуна:
– Судияз чагӀи ритӀун рачӀун руго нуж къватӀире риччайилан лъазабизе. Гьанже нуж берцинго нахъе а гьаниса.
37Павелица гьезда абуна:
– Рималъул гражданал рукӀиналъухъги балагьичӀого, судалъ хӀукмуги гьабичӀого, халкъалда цере рачун рухана ниж, цинги туснахъалъур тӀамуна. Гьанже балъгого гьаниса яризаризе къваригӀун бугин ккола. Гьелда ниж рази гьечӀо. РачӀинеги рачӀун гьез жидецаго рачеян абе ниж гьаниса къватӀире!
38Туснахъчиясухъе ритӀун рукӀарал нукарзабаз судиязда бицана гьадин абулеб бугин дозилан. Гьел хӀинкъана Павелги Силаги Рималъул гражданал рукӀин лъараб мехалъ. 39ТӀасалъугьинаризе рачӀун, гьез гьав кӀиявго туснахъалъуса къватӀиве вачана ва шагьаралдаса нахъе айилан гьарана. 40Гьелин абуни, туснахъалъуса къватӀире риччаралго, Лидиял бакӀалде ана. Цинги, вацалгун дандчӀвараб мехалъ, гьезие насихӀатги гьабун, сапаралде рахъана.
Currently Selected:
Чапарзабазул ишал 16: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Чапарзабазул ишал 16
16
16 бетӀер
Тимофейги чапарзабазда цадахъ уна
1Гьелдаса хадув Павел щвана Дербиялде ва Листраялде. Тимофей абун цо мурид вукӀана Листраялда. Гьев вукӀана иман лъурай жугьутӀалъул вас, гьесул эмен вукӀана грекав. 2Листраялда ва Икониялда ругел вацаз веццана гьасие Тимофей. 3Павелие бокьана гьев цадахъ вачине. Гьединлъидал гьеб рахъалда ругел жугьутӀазул тӀадкӀалъай букӀунгутӀизе Тимофейие сунат гьабуна. Гьезда киназдаго лъалеб букӀиндалха гьасул эмен грекав вукӀин.
4Гьедин цо шагьаралдаса цоги шагьаралде ун, гьез диналъул вацазда бицунеб букӀана Иерусалималда чапарзабазги диниял бутӀрузги гьабураб хӀукмуялъул хӀакъалъулъ. Гьарулеб букӀана гьеб тӀубазабеян. 5Къоялдаса къоялде иман лъуразул агьлуялъул иман щулалъулеб букӀана, муъминзаби гӀемерлъулел рукӀана.
Троадаялда Павелие илгьам лъугьуна
6Рохалил хабар босун Асиялде ине Илагьияб РухӀалъ гьезие изну кьечӀелъул, Павелги гьесда цадахъ рукӀаралги ана Фригиялдасан ва Галатиялдасан. 7Амма Мисиялда дандбитӀун бугеб бакӀалде щун Битиниялде ине къасд гьабидал, ГӀисал РухӀалъ гьениреги риччачӀо гьал. 8Гьедин Мисияги къотӀун ун Троадаялде щвана.
9Гьеб сордоялъ цебетӀами лъугьун тӀаде вачӀун Македониялдаса цо чияс Павелида гьарана ралъад къотӀун жидехъе Македониялде вачӀайилан ва жидее кумек гьабейилан. 10Павелие гьеб цебетӀами лъугьун хадуб Македониялде ине гӀедегӀана ниж#16:10 Гьаб бакӀалдаса байбихьун Лукаца хъвалеб буго живго гӀахьаллъарал ишазул хӀакъалъулъ. . Нижеда бичӀчӀидалха Рохалил хабар бицине Аллагьас ниж гьенире ахӀулел ругеблъи.
Филиппиялдаса Лидияца иман лъола
11Троадаялдаса гамида рекӀун ниж Самофракия чӀинкӀиллъиялде ана. Нахъисеб къоялъ Неаполалде ана. 12Гьенисаги ана Филиппиялде. Гьеб батана Македониялъул гьеб рахъалда бугеб кӀудияб шагьар, Рималъул кверщаликь бугеб вилаят. Гьениб нижеца чанго къо бана.
13Шамат къоялъ ниж ана шагьаралдаса къватӀибехун бугеб гӀурул рагӀалде, жугьутӀаз какал ралеб бакӀ гьениб бугилан ккун. Гьенире рачӀарал руччабазда аскӀор гӀодор чӀун, гьелгун гара-чӀварулел рукӀана ниж. 14Тиатира шагьаралдаса Лидия абулей цо гӀаданги йикӀана нижехъ гӀенеккун. ЦӀакъго хирияб багӀараб ххам бичун бетӀербахъарай ва Аллагьасе гӀибадатги гьабулей гӀадан йикӀана гьей. ТӀадегӀанас гьелъул ракӀ гьесизабуна Павелил рагӀи гӀадахъ босизе. 15Гьелдаса хадур гьейги гьелъул рукъалъул агьлуги лъадалъ ччун рахъидал, гьей гьардезе лъугьана:
– ХӀакълъунго дун ТӀадегӀанасда божулей йикӀиналда нужер ракӀчӀей батани, дихъе гьоболлъухъ рилълъа, – ян.
Жиндаго цадахъ рилълъине разилъизаруна гьелъ ниж.
Павелги Силаги туснахъалъур тӀамула
16Цо къоялъ какал ралеб бакӀалде унаго, цо гӀолохъанай гъараваш данде ккана. Гьей йигоан карамалъи бугей гӀадан, букӀине-ккезе бугебщинаб цебеккунго бицунеб жен букӀана гьелъул чорхолъ. Гьедин пал тӀамун гьелъ гӀемераб гӀарац бакӀарулаан жиндирго бетӀергьабазе. 17Павелидаги нижедаги хадуй ячӀунаго, чӀчӀичӀчӀидана гьей:
– Гьал руго ТӀадегӀанав Аллагьасе гӀибадат гьабулел гӀадамал. Гьез нилъеда бихьизабулеб буго нилъ хвасарлъулеб нух!
18Гьелдаса хадубги чанго къоялъ гьединго данде ячӀун чӀчӀичӀчӀидулаан гьей. Ахирги гьелдехун вуссун ццин бахъун, Павелица гьадин абуна гьей гӀаданалъулъ бугеб хъубаб женалда:
– МасихӀ ГӀисал цӀаралдалъун дица дуе амру гьабулеб буго гьей гӀаданалъул чорхолъа нахъе аян!
Ва гьебсагӀат нахъе ана гьеб.
19Жидее щолеб букӀараб хайиралдаса махӀрумлъарал гьей гъаравашалъул бетӀергьабаз, ккун рачун, Павелги Силаги базаркъотӀноре хӀакимзабазда аскӀоре щвезаруна. Гьелги судиязухъе рачун:
20– Гьал жугьутӀал руго, – ян абуна гьез, – гьаз нилъер шагьаралда питна багъаризабулеб буго. 21Нилъеца – Рималъул гӀадамаз – къабул гьаризеги тӀуразаризеги бегьуларел гӀадатал тӀиритӀизарулел руго гьаз.
22Халкъ цадахъго Павелидаги Силадаги тӀаделъана. Къадияз амру гьабуна, тӀаса ретӀелги бахъун, хьопоца рухеян. 23ЛъикӀго хьопоцаги рухун, туснахъалъур тӀамуна гьел. Туснахъалъул хӀакимасдаги лъазабуна лъутиларедухъ хъаравуллъи чӀезабеян. 24Гьеб буюрухъ тӀубазабун, гьес Павелги Силаги тӀамуна туснахъалъул бищунго жанибегӀан бугеб рокъор, гьазул бохдузда хӀухьдулги рана.
25Сордо бащалъулеб заманаялда Павелги Силаги дугӀаби гьарулел ва Аллагь веццун туркаби ахӀулел рукӀана. Гьазухъ гӀенеккун цогидал туснахъалги рукӀана. 26Тохлъукьего кутакалда ракь багъарана. КьучӀдасанго гьаргьадизе лъугьана туснахъалъул къадал. ГьебсагӀат киналго нуцӀби рагьун ана, туснахъалъур ругезда ран рукӀарал хӀухьдул рортун ана. 27Макьидаса вигьарав туснахъалъул хӀакимасда рихьана киналго нуцӀби рагь-рагьун ун. Туснахъал лъутун ун ратилилан ккун, бахъун хвалченгун живго жинцаго чӀвазехъин вукӀана гьев.
28– Воре, дуца дуего жаза гьабуге, ниж киналго гьанир руго, – ян ахӀана гьесде Павелица.
29Кан босизе чиги витӀун, туснахъалъул хӀаким векерун жаниве ана ва сородилаго Павелидаги Силадаги цеве кӀалагъоркье речӀчӀана. 30Цинги гьес, гьелги къватӀире рачун, гьикъана:
– Я, бетӀерчӀахъадал! Хвасарлъизе ккани, щиб дица гьабизе кколеб?
31– ТӀадегӀанав ГӀисада божани, мунги дур рукъалъул агьлуги хвасарлъила, – ян абуна гьез.
32Цинги гьесдаги гьесул рукъалъул агьлуялдаги Аллагьасдасан Рохалил хабар бицана. 33Гьеб сордоялъ рокъоре рачун гьес Павелилги Силалги ругънал чурана. ГьебсагӀат гьез гьевги гьесул рукъалъул агьлуги лъадалъ ччун рахъана. 34ТӀаде рачун гьес гьезие лъикӀаб гьоболлъи гьабуна, Аллагьасде иман лъеялдаса кутакалда рохун рукӀана гьевги гьесул рукъалъул агьлуги.
35Нахъисеб къоялъ радал судияз туснахъчиясухъе жидерго нукарзаби ритӀун рачӀана дов кӀиявго чи къватӀиве виччаян лъазабизе. 36Павелида аскӀове вачӀун туснахъчияс абуна:
– Судияз чагӀи ритӀун рачӀун руго нуж къватӀире риччайилан лъазабизе. Гьанже нуж берцинго нахъе а гьаниса.
37Павелица гьезда абуна:
– Рималъул гражданал рукӀиналъухъги балагьичӀого, судалъ хӀукмуги гьабичӀого, халкъалда цере рачун рухана ниж, цинги туснахъалъур тӀамуна. Гьанже балъгого гьаниса яризаризе къваригӀун бугин ккола. Гьелда ниж рази гьечӀо. РачӀинеги рачӀун гьез жидецаго рачеян абе ниж гьаниса къватӀире!
38Туснахъчиясухъе ритӀун рукӀарал нукарзабаз судиязда бицана гьадин абулеб бугин дозилан. Гьел хӀинкъана Павелги Силаги Рималъул гражданал рукӀин лъараб мехалъ. 39ТӀасалъугьинаризе рачӀун, гьез гьав кӀиявго туснахъалъуса къватӀиве вачана ва шагьаралдаса нахъе айилан гьарана. 40Гьелин абуни, туснахъалъуса къватӀире риччаралго, Лидиял бакӀалде ана. Цинги, вацалгун дандчӀвараб мехалъ, гьезие насихӀатги гьабун, сапаралде рахъана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023