खास चेलों 11:17-18

अर जब हमुन प्रभु यीशु मसीह पर बिस्वास कैरी, त परमेस्वर न हमतै पवित्र आत्मा दान का रुप मा दिनी, अर उई दान वेन ऊंतैं भि दिनी, त फिर परमेस्वर तैं रुकण वळु मि कु होन्दु।” अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”